| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੩. ਪਰਮ੍ਪਰਭੋਜਨਸਿਕ੍ਖਾਪਦવਣ੍ਣਨਾ
3. Paramparabhojanasikkhāpadavaṇṇanā
੨੨੧. ਤਤਿਯੇ ਪਾਲ਼ਿਯਂ ਭਤ੍ਤਪਟਿਪਾਟਿ ਅਟ੍ਠਿਤਾਤਿ ਕੁਲਪਟਿਪਾਟਿਯਾ ਦਾਤਬ੍ਬਾ ਭਤ੍ਤਪਟਿਪਾਟਿ ਅਟ੍ਠਿਤਾ ਨ ਠਿਤਾ, ਅਬ੍ਬੋਚ੍ਛਿਨ੍ਨਾ ਨਿਰਨ੍ਤਰਪ੍ਪવਤ੍ਤਾਤਿ ਅਤ੍ਥੋ। ਬਦਰਫਲਾਨਿ ਪਕ੍ਖਿਪਿਤ੍વਾ ਪਕ੍ਕਯਾਗੁਆਦਿਕਂ ‘‘ਬਦਰਸਾਲ਼વ’’ਨ੍ਤਿ વੁਚ੍ਚਤਿ।
221. Tatiye pāḷiyaṃ bhattapaṭipāṭi aṭṭhitāti kulapaṭipāṭiyā dātabbā bhattapaṭipāṭi aṭṭhitā na ṭhitā, abbocchinnā nirantarappavattāti attho. Badaraphalāni pakkhipitvā pakkayāguādikaṃ ‘‘badarasāḷava’’nti vuccati.
ਪਾਲ਼ਿਯਂ ਪਰਮ੍ਪਰਭੋਜਨੇਤਿ ਯੇਨ ਪਠਮਂ ਨਿਮਨ੍ਤਿਤੋ, ਤਸ੍ਸ ਭੋਜਨਤੋ ਪਰਸ੍ਸ ਭੋਜਨਸ੍ਸ ਭੁਞ੍ਜਨੇ। વਿਕਪ੍ਪਨਾવ ਇਧ ਅਨੁਪਞ੍ਞਤ੍ਤਿવਸੇਨ ਮਾਤਿਕਾਯਂ ਅਨਾਰੋਪਿਤਾਪਿ ਪਰਿવਾਰੇ ‘‘ਚਤਸ੍ਸੋ ਅਨੁਪਞ੍ਞਤ੍ਤਿਯੋ’’ਤਿ (ਪਰਿ॰ ੮੬) ਅਨੁਪਞ੍ਞਤ੍ਤਿਯਂ ਗਣਿਤਾ। ਤਤ੍ਥ ਕਿਞ੍ਚਾਪਿ ਅਟ੍ਠਕਥਾਯਂ ਮਹਾਪਚ੍ਚਰਿવਾਦਸ੍ਸ ਪਚ੍ਛਾ ਕਥਨੇਨ ਪਰਮ੍ਮੁਖਾવਿਕਪ੍ਪਨਾ ਪਤਿਟ੍ਠਪਿਤਾ, ਤਥਾਪਿ ਸਮ੍ਮੁਖਾવਿਕਪ੍ਪਨਾਪਿ ਗਹੇਤਬ੍ਬਾવ। ਤੇਨੇવ ਮਾਤਿਕਾਟ੍ਠਕਥਾਯਮ੍ਪਿ ‘‘ਯੋ ਭਿਕ੍ਖੁ ਪਞ੍ਚਸੁ ਸਹਧਮ੍ਮਿਕੇਸੁ ਅਞ੍ਞਤਰਸ੍ਸ ‘ਮਯ੍ਹਂ ਭਤ੍ਤਪਚ੍ਚਾਸਂ ਤੁਯ੍ਹਂ ਦਮ੍ਮੀ’ਤਿ વਾ ‘વਿਕਪ੍ਪੇਮੀ’ਤਿ વਾ ਏવਂ ਸਮ੍ਮੁਖਾ’’ਤਿਆਦਿ (ਕਙ੍ਖਾ॰ ਅਟ੍ਠ॰ ਪਰਮ੍ਪਰਭੋਜਨਸਿਕ੍ਖਾਪਦવਣ੍ਣਨਾ) વੁਤ੍ਤਂ।
Pāḷiyaṃ paramparabhojaneti yena paṭhamaṃ nimantito, tassa bhojanato parassa bhojanassa bhuñjane. Vikappanāva idha anupaññattivasena mātikāyaṃ anāropitāpi parivāre ‘‘catasso anupaññattiyo’’ti (pari. 86) anupaññattiyaṃ gaṇitā. Tattha kiñcāpi aṭṭhakathāyaṃ mahāpaccarivādassa pacchā kathanena parammukhāvikappanā patiṭṭhapitā, tathāpi sammukhāvikappanāpi gahetabbāva. Teneva mātikāṭṭhakathāyampi ‘‘yo bhikkhu pañcasu sahadhammikesu aññatarassa ‘mayhaṃ bhattapaccāsaṃ tuyhaṃ dammī’ti vā ‘vikappemī’ti vā evaṃ sammukhā’’tiādi (kaṅkhā. aṭṭha. paramparabhojanasikkhāpadavaṇṇanā) vuttaṃ.
੨੨੯. ਖੀਰਂ વਾ ਰਸਂ વਾਤਿ ਪਞ੍ਚਭੋਜਨਾਮਿਸਂ ਭਤ੍ਤਤੋ ਉਪਰਿ ਠਿਤਂ ਸਨ੍ਧਾਯ વੁਤ੍ਤਂ। ਤਞ੍ਹਿ ਅਭੋਜਨਤ੍ਤਾ ਉਪ੍ਪਟਿਪਾਟਿਯਾ ਪਿવਤੋਪਿ ਅਨਾਪਤ੍ਤਿ। ਤੇਨਾਹ ‘‘ਭੁਞ੍ਜਨ੍ਤੇਨਾ’’ਤਿਆਦਿ।
229.Khīraṃ vā rasaṃ vāti pañcabhojanāmisaṃ bhattato upari ṭhitaṃ sandhāya vuttaṃ. Tañhi abhojanattā uppaṭipāṭiyā pivatopi anāpatti. Tenāha ‘‘bhuñjantenā’’tiādi.
વਿਕਪ੍ਪਨਾਯ ਅਕਰਣਤੋ ਅਕਿਰਿਯਾવਸੇਨ ਇਦਂ વਾਚਾਯਪਿ ਸਮੁਟ੍ਠਿਤਨ੍ਤਿ ਆਹ ‘‘વਚੀਕਮ੍ਮ’’ਨ੍ਤਿ। ਪਰਮ੍ਪਰਭੋਜਨਤਾ, ਸਮਯਾਭਾવੋ, ਅਜ੍ਝੋਹਰਣਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ।
Vikappanāya akaraṇato akiriyāvasena idaṃ vācāyapi samuṭṭhitanti āha ‘‘vacīkamma’’nti. Paramparabhojanatā, samayābhāvo, ajjhoharaṇanti imānettha tīṇi aṅgāni.
ਪਰਮ੍ਪਰਭੋਜਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Paramparabhojanasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਭੋਜਨવਗ੍ਗੋ • 4. Bhojanavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੩. ਪਰਮ੍ਪਰਭੋਜਨਸਿਕ੍ਖਾਪਦવਣ੍ਣਨਾ • 3. Paramparabhojanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਪਰਮ੍ਪਰਭੋਜਨਸਿਕ੍ਖਾਪਦવਣ੍ਣਨਾ • 3. Paramparabhojanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੩. ਪਰਮ੍ਪਰਭੋਜਨਸਿਕ੍ਖਾਪਦવਣ੍ਣਨਾ • 3. Paramparabhojanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਪਰਮ੍ਪਰਭੋਜਨਸਿਕ੍ਖਾਪਦਂ • 3. Paramparabhojanasikkhāpadaṃ
