| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[416] 11. баранд̇абаж̇аад̇агаван̣н̣анаа
[416] 11. Parantapajātakavaṇṇanā
ааг̇амиссад̇и мз баабанд̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇асса вад̇хааяа барисагганам̣ аараб̣бха гат̇зси. д̇ад̣̇аа хи д̇хаммасабхааяам̣ гат̇ам̣ самудтаабзсум̣ ‘‘аавусо, д̣̇звад̣̇ад̇д̇о д̇ат̇ааг̇ад̇асса мааран̣ад̇т̇амзва барисаггад̇и, д̇хануг̇г̇ахз баяож̇зси, силам̣ бавиж̇жхи, наал̣ааг̇ирим̣ виссаж̇ж̇аабзси, д̇ат̇ааг̇ад̇асса винаасад̇т̇амзва убааяам̣ гарод̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса мама вад̇хааяа барисагги, д̇аасамад̇д̇амби бана гаад̇ум̣ асаггонд̇о ад̇д̇анаава д̣̇угкам̣ анубхосий’’д̇и вад̇ваа ад̇ийд̇ам̣ аахари.
Āgamissatime pāpanti idaṃ satthā veḷuvane viharanto devadattassa vadhāya parisakkanaṃ ārabbha kathesi. Tadā hi dhammasabhāyaṃ kathaṃ samuṭṭhāpesuṃ ‘‘āvuso, devadatto tathāgatassa māraṇatthameva parisakkati, dhanuggahe payojesi, silaṃ pavijjhi, nāḷāgiriṃ vissajjāpesi, tathāgatassa vināsatthameva upāyaṃ karotī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa mama vadhāya parisakki, tāsamattampi pana kātuṃ asakkonto attanāva dukkhaṃ anubhosī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчимхи ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани сигки, саб̣б̣аруд̇аж̇аананаманд̇ам̣ уг̇г̇ан̣хи. со аажарияасса ануяог̇ам̣ д̣̇ад̇ваа б̣аараан̣асим̣ бажжааг̇ажчи, бид̇аа д̇ам̣ обараж̇ж̇з табзси. гин̃жааби обараж̇ж̇з табзд̇и, маараабзд̇угаамо бана нам̣ худ̇ваа д̣̇адтумби на ижчи. ат̇згаа син̇г̇аалий д̣̇вз бод̇агз г̇ахзд̇ваа рад̇д̇им̣ мануссзсу бадисаллийнзсу нид̣̇д̇хаманзна наг̇арам̣ баависи. б̣од̇хисад̇д̇асса жа баасаад̣̇з саяанаг̇аб̣бхасса авид̣̇уурз згаа саалаа ад̇т̇и, д̇ад̇т̇зго ад̣̇д̇хигамануссо убааханаа омун̃жид̇ваа баад̣̇амуулз бхуумияам̣ табзд̇ваа згасмим̣ палагз нибаж̇ж̇и, на д̇аава нид̣̇д̣̇ааяад̇и. д̇ад̣̇аа син̇г̇аалияаа бод̇агаа чаад̇аа виравим̣су. ат̇а д̇зсам̣ маад̇аа ‘‘д̇аад̇аа, маа сад̣̇д̣̇ам̣ гарид̇т̇а, зд̇иссаа саалааяа зго мануссо убааханаа омун̃жид̇ваа бхуумияам̣ табзд̇ваа палагз нибанно на д̇аава нид̣̇д̣̇ааяад̇и, зд̇асса нид̣̇д̣̇ааяанагаалз зд̇аа убааханаа аахарид̇ваа д̇умхз каад̣̇аабзссаамий’’д̇и ад̇д̇ано бхаасааяа ааха. б̣од̇хисад̇д̇о манд̇аанубхаавзна д̇ассаа бхаасам̣ ж̇аанид̇ваа саяанаг̇аб̣бхаа нигкамма ваад̇абаанам̣ виварид̇ваа ‘‘го зд̇т̇аа’’д̇и ааха. ‘‘ахам̣, д̣̇зва, ад̣̇д̇хигамануссо’’д̇и. ‘‘убааханаа д̇з гухи’’нд̇и? ‘‘бхуумияам̣, д̣̇зваа’’д̇и. ‘‘угкид̇ваа оламб̣зд̇ваа табзхий’’д̇и. д̇ам̣ суд̇ваа син̇г̇аалий б̣од̇хисад̇д̇асса гуж̇жхи.
Atīte bārāṇasiyaṃ brahmadatte rajjaṃ kārente bodhisatto tassa aggamahesiyā kucchimhi nibbattitvā vayappatto takkasilāyaṃ sabbasippāni sikkhi, sabbarutajānanamantaṃ uggaṇhi. So ācariyassa anuyogaṃ datvā bārāṇasiṃ paccāgacchi, pitā taṃ oparajje ṭhapesi. Kiñcāpi oparajje ṭhapeti, mārāpetukāmo pana naṃ hutvā daṭṭhumpi na icchi. Athekā siṅgālī dve potake gahetvā rattiṃ manussesu paṭisallīnesu niddhamanena nagaraṃ pāvisi. Bodhisattassa ca pāsāde sayanagabbhassa avidūre ekā sālā atthi, tattheko addhikamanusso upāhanā omuñcitvā pādamūle bhūmiyaṃ ṭhapetvā ekasmiṃ phalake nipajji, na tāva niddāyati. Tadā siṅgāliyā potakā chātā viraviṃsu. Atha tesaṃ mātā ‘‘tātā, mā saddaṃ karittha, etissā sālāya eko manusso upāhanā omuñcitvā bhūmiyaṃ ṭhapetvā phalake nipanno na tāva niddāyati, etassa niddāyanakāle etā upāhanā āharitvā tumhe khādāpessāmī’’ti attano bhāsāya āha. Bodhisatto mantānubhāvena tassā bhāsaṃ jānitvā sayanagabbhā nikkhamma vātapānaṃ vivaritvā ‘‘ko etthā’’ti āha. ‘‘Ahaṃ, deva, addhikamanusso’’ti. ‘‘Upāhanā te kuhi’’nti? ‘‘Bhūmiyaṃ, devā’’ti. ‘‘Ukkhitvā olambetvā ṭhapehī’’ti. Taṃ sutvā siṅgālī bodhisattassa kujjhi.
буна згад̣̇ивасам̣ саа д̇ат̇зва наг̇арам̣ баависи. д̇ад̣̇аа жзго мад̇д̇амануссо ‘‘баанийяам̣ бивиссаамий’’д̇и богкаран̣им̣ од̇аранд̇о бад̇ид̇ваа нимуг̇г̇о нирассаасо мари. нивад̇т̇аа банасса д̣̇вз саадагаа ниваасананд̇арз гахаабан̣асахассам̣ ан̇г̇улияаа жа муд̣̇д̣̇игаа ад̇т̇и. д̇ад̣̇ааби саа буд̇д̇агз ‘‘чаад̇амхаа, аммаа’’д̇и вираванд̇з ‘‘д̇аад̇аа, маа сад̣̇д̣̇ам̣ гарид̇т̇а, зд̇иссаа богкаран̣ияаа мануссо мад̇о, д̇асса ид̣̇ан̃жид̣̇ан̃жа ад̇т̇и, со бана марид̇ваа собаанзязва нибанно, д̇умхз зд̇ам̣ мануссам̣ каад̣̇аабзссаамий’’д̇и ааха. б̣од̇хисад̇д̇о д̇ам̣ суд̇ваа ваад̇абаанам̣ виварид̇ваа ‘‘саалааяа го ад̇т̇ий’’д̇и вад̇ваа згзнудтааяа ‘‘ахам̣, д̣̇зваа’’д̇и вуд̇д̇з ‘‘г̇ажча зд̇иссаа богкаран̣ияаа мад̇амануссасса саадагз жа гахаабан̣асахассан̃жа ан̇г̇улимуд̣̇д̣̇иган̃жа г̇ахзд̇ваа сарийрамасса яат̇аа на удтахад̇и, звам̣ уд̣̇агз осийд̣̇аабзхий’’д̇и ааха. со д̇ат̇аа агааси. саа бунаби гуж̇жхид̇ваа ‘‘буримад̣̇ивасз д̇аава мз буд̇д̇агаанам̣ убааханаа каад̣̇ид̇ум̣ на ад̣̇ааси, аж̇ж̇а мад̇амануссам̣ каад̣̇ид̇ум̣ на д̣̇зд̇и, ход̇у, ид̇о д̣̇аани д̇ад̇ияад̣̇ивасз зго сабад̇д̇арааж̇аа ааг̇анд̇ваа наг̇арам̣ баригкибиссад̇и. ат̇а нам̣ бид̇аа яуд̣̇д̇хад̇т̇ааяа бзсзссад̇и, д̇ад̇ра д̇з сийсам̣ чинд̣̇иссанд̇и, ат̇а д̇з г̇алалохид̇ам̣ бивид̇ваа взрам̣ мун̃жиссаами. д̇вам̣ маяаа сад̣̇д̇хим̣ взрам̣ б̣анд̇хаси, ж̇ааниссаамий’’д̇и виравид̇ваа б̣од̇хисад̇д̇ам̣ д̇аж̇ж̇зд̇ваа буд̇д̇агз г̇ахзд̇ваа нигкамад̇и.
Puna ekadivasaṃ sā tatheva nagaraṃ pāvisi. Tadā ceko mattamanusso ‘‘pānīyaṃ pivissāmī’’ti pokkharaṇiṃ otaranto patitvā nimuggo nirassāso mari. Nivatthā panassa dve sāṭakā nivāsanantare kahāpaṇasahassaṃ aṅguliyā ca muddikā atthi. Tadāpi sā puttake ‘‘chātamhā, ammā’’ti viravante ‘‘tātā, mā saddaṃ karittha, etissā pokkharaṇiyā manusso mato, tassa idañcidañca atthi, so pana maritvā sopāneyeva nipanno, tumhe etaṃ manussaṃ khādāpessāmī’’ti āha. Bodhisatto taṃ sutvā vātapānaṃ vivaritvā ‘‘sālāya ko atthī’’ti vatvā ekenuṭṭhāya ‘‘ahaṃ, devā’’ti vutte ‘‘gaccha etissā pokkharaṇiyā matamanussassa sāṭake ca kahāpaṇasahassañca aṅgulimuddikañca gahetvā sarīramassa yathā na uṭṭhahati, evaṃ udake osīdāpehī’’ti āha. So tathā akāsi. Sā punapi kujjhitvā ‘‘purimadivase tāva me puttakānaṃ upāhanā khādituṃ na adāsi, ajja matamanussaṃ khādituṃ na deti, hotu, ito dāni tatiyadivase eko sapattarājā āgantvā nagaraṃ parikkhipissati. Atha naṃ pitā yuddhatthāya pesessati, tatra te sīsaṃ chindissanti, atha te galalohitaṃ pivitvā veraṃ muñcissāmi. Tvaṃ mayā saddhiṃ veraṃ bandhasi, jānissāmī’’ti viravitvā bodhisattaṃ tajjetvā puttake gahetvā nikkhamati.
д̇ад̇ияад̣̇ивасз зго сабад̇д̇арааж̇аа ааг̇анд̇ваа наг̇арам̣ бариваарзси. рааж̇аа б̣од̇хисад̇д̇ам̣ ‘‘г̇ажча, д̇аад̇а, д̇зна сад̣̇д̇хим̣ яуж̇жхаа’’д̇и ааха. ‘‘маяаа, д̣̇зва, згам̣ д̣̇идтам̣ ад̇т̇и, г̇анд̇ум̣ на висахаами, ж̇ийвид̇анд̇арааяам̣ бхааяаамий’’д̇и. ‘‘маяхам̣ д̇аяи мад̇з ваа амад̇з ваа гим̣, г̇ажчаахзва д̇ва’’нд̇и? со ‘‘саад̇ху, д̣̇зваа’’д̇и махаасад̇д̇о барисам̣ г̇ахзд̇ваа сабад̇д̇аран̃н̃о тид̇ад̣̇ваарзна анигкамид̇ваа ан̃н̃ам̣ д̣̇ваарам̣ виварид̇ваа нигками. д̇асмим̣ г̇ажчанд̇з сагаланаг̇арам̣ д̇ужчам̣ вияа ахоси. саб̣б̣з д̇знзва сад̣̇д̇хим̣ нигкамим̣су. со згасмим̣ сабхааг̇адтаанз канд̇хааваарам̣ ниваасзд̇ваа ажчи. рааж̇аа жинд̇зси ‘‘убарааж̇аа наг̇арам̣ д̇ужчам̣ гад̇ваа б̣алам̣ г̇ахзд̇ваа балааяи, сабад̇д̇арааж̇ааби наг̇арам̣ бариваарзд̇ваа тид̇о, ид̣̇аани маяхам̣ ж̇ийвид̇ам̣ над̇т̇ий’’д̇и. со ‘‘ж̇ийвид̇ам̣ рагкиссаамий’’д̇и д̣̇звин̃жа бурохид̇ан̃жа баранд̇абам̣ наамзгам̣ баад̣̇амуулиган̃жа д̣̇аасам̣ г̇ахзд̇ваа рад̇д̇ибхааг̇з ан̃н̃аад̇агавзсзна балааяид̇ваа аран̃н̃ам̣ баависи. б̣од̇хисад̇д̇о д̇асса балаад̇абхаавам̣ н̃ад̇ваа наг̇арам̣ бависид̇ваа яуд̣̇д̇хам̣ гад̇ваа сабад̇д̇ам̣ балаабзд̇ваа раж̇ж̇ам̣ г̇ан̣хи. бид̇аабисса згасмим̣ над̣̇ийд̇ийрз бан̣н̣асаалам̣ гаарзд̇ваа палаапалзна яаабзнд̇о васи. рааж̇аа жа бурохид̇о жа палаапалад̇т̇ааяа г̇ажчанд̇и. баранд̇абад̣̇аасо д̣̇звияаа сад̣̇д̇хим̣ бан̣н̣асаалааяамзва ход̇и. д̇ад̇рааби рааж̇аанам̣ бадижжа д̣̇звияаа гужчисмим̣ г̇аб̣бхо бад̇идтааси. саа абхин̣хасам̣саг̇г̇авасзна баранд̇абзна сад̣̇д̇хим̣ ад̇ижари. саа згад̣̇ивасам̣ баранд̇абам̣ ааха ‘‘ран̃н̃аа н̃аад̇з нзва д̇ава, на маяхам̣ ж̇ийвид̇ам̣ ад̇т̇и, д̇асмаа маарзхи на’’нд̇и. ‘‘гат̇ам̣ маарзмий’’д̇и? зса д̇ам̣ каг̇г̇ан̃жа нхаанасаадаган̃жа г̇аахаабзд̇ваа нхааяид̇ум̣ г̇ажчад̇и, д̇ад̇расса нхаанадтаанз бамаад̣̇ам̣ н̃ад̇ваа каг̇г̇зна сийсам̣ чинд̣̇ид̇ваа сарийрам̣ кан̣д̣аакан̣д̣игам̣ гад̇ваа бхуумияам̣ никан̣аахийд̇и. со ‘‘саад̇хуу’’д̇и самбадижчи.
Tatiyadivase eko sapattarājā āgantvā nagaraṃ parivāresi. Rājā bodhisattaṃ ‘‘gaccha, tāta, tena saddhiṃ yujjhā’’ti āha. ‘‘Mayā, deva, ekaṃ diṭṭhaṃ atthi, gantuṃ na visahāmi, jīvitantarāyaṃ bhāyāmī’’ti. ‘‘Mayhaṃ tayi mate vā amate vā kiṃ, gacchāheva tva’’nti? So ‘‘sādhu, devā’’ti mahāsatto parisaṃ gahetvā sapattarañño ṭhitadvārena anikkhamitvā aññaṃ dvāraṃ vivaritvā nikkhami. Tasmiṃ gacchante sakalanagaraṃ tucchaṃ viya ahosi. Sabbe teneva saddhiṃ nikkhamiṃsu. So ekasmiṃ sabhāgaṭṭhāne khandhāvāraṃ nivāsetvā acchi. Rājā cintesi ‘‘uparājā nagaraṃ tucchaṃ katvā balaṃ gahetvā palāyi, sapattarājāpi nagaraṃ parivāretvā ṭhito, idāni mayhaṃ jīvitaṃ natthī’’ti. So ‘‘jīvitaṃ rakkhissāmī’’ti deviñca purohitañca parantapaṃ nāmekaṃ pādamūlikañca dāsaṃ gahetvā rattibhāge aññātakavesena palāyitvā araññaṃ pāvisi. Bodhisatto tassa palātabhāvaṃ ñatvā nagaraṃ pavisitvā yuddhaṃ katvā sapattaṃ palāpetvā rajjaṃ gaṇhi. Pitāpissa ekasmiṃ nadītīre paṇṇasālaṃ kāretvā phalāphalena yāpento vasi. Rājā ca purohito ca phalāphalatthāya gacchanti. Parantapadāso deviyā saddhiṃ paṇṇasālāyameva hoti. Tatrāpi rājānaṃ paṭicca deviyā kucchismiṃ gabbho patiṭṭhāsi. Sā abhiṇhasaṃsaggavasena parantapena saddhiṃ aticari. Sā ekadivasaṃ parantapaṃ āha ‘‘raññā ñāte neva tava, na mayhaṃ jīvitaṃ atthi, tasmā mārehi na’’nti. ‘‘Kathaṃ māremī’’ti? Esa taṃ khaggañca nhānasāṭakañca gāhāpetvā nhāyituṃ gacchati, tatrassa nhānaṭṭhāne pamādaṃ ñatvā khaggena sīsaṃ chinditvā sarīraṃ khaṇḍākhaṇḍikaṃ katvā bhūmiyaṃ nikhaṇāhīti. So ‘‘sādhū’’ti sampaṭicchi.
ат̇згад̣̇ивасам̣ бурохид̇оязва палаапалад̇т̇ааяа г̇анд̇ваа авид̣̇уурз ран̃н̃о нхаанад̇ид̇т̇асааманд̇з згам̣ ругкам̣ ааруяха палаапалам̣ г̇ан̣хаад̇и. рааж̇аа ‘‘нхааяиссаамий’’д̇и баранд̇абам̣ каг̇г̇ан̃жа нхаанасаадаган̃жа г̇аахаабзд̇ваа над̣̇ийд̇ийрам̣ аг̇амааси. д̇ад̇т̇а нам̣ нхаанагаалз бамаад̣̇амаабаннам̣ ‘‘маарзссаамий’’д̇и баранд̇або г̇ийвааяа г̇ахзд̇ваа каг̇г̇ам̣ угкиби. со маран̣абхаязна вирави. бурохид̇о д̇ам̣ сад̣̇д̣̇ам̣ суд̇ваа ологзнд̇о баранд̇абам̣ рааж̇аанам̣ маарзнд̇ам̣ д̣̇исваа бхийд̇ад̇асид̇о саакам̣ виссаж̇ж̇зд̇ваа ругкад̇о оруяха згам̣ г̇умб̣ам̣ бависид̇ваа нилийяи. баранд̇або д̇асса саакаависсаж̇ж̇анасад̣̇д̣̇ам̣ суд̇ваа рааж̇аанам̣ маарзд̇ваа бхуумияам̣ кан̣ид̇ваа ‘‘имасмим̣ таанз саакаависсаж̇ж̇анасад̣̇д̣̇о ахоси, го ну ко зд̇т̇аа’’д̇и вижинанд̇о ган̃жи ад̣̇исваа нхад̇ваа г̇ад̇о. д̇асса г̇ад̇агаалз бурохид̇о нисиннадтаанаа нигкамид̇ваа ран̃н̃о сарийрам̣ кан̣д̣аакан̣д̣игам̣ чинд̣̇ид̇ваа ааваадз никаад̇абхаавам̣ н̃ад̇ваа нхад̇ваа ад̇д̇ано вад̇хабхаязна анд̇хавзсам̣ г̇ахзд̇ваа бан̣н̣асаалам̣ аг̇амааси. д̇ам̣ д̣̇исваа баранд̇або ‘‘гим̣ д̇з, б̣раахман̣а, гад̇а’’нд̇и ааха. со аж̇аананд̇о вияа ‘‘д̣̇зва, агкийни мз наасзд̇ваа ааг̇ад̇омхи, уссаннаасийвисз аран̃н̃з згасмим̣ ваммигабассз адтаасим̣, д̇ад̇рзгзна аасийвисзна наасаваад̇о виссадто мз бхависсад̇ий’’д̇и ааха. баранд̇або ‘‘на мам̣ сан̃ж̇аанаад̇и, ‘д̣̇зваа’д̇и вад̣̇ад̇и, самассаасзссаами на’’нд̇и жинд̇зд̇ваа ‘‘б̣раахман̣а, маа жинд̇аяи, ахам̣ д̇ам̣ бадиж̇аг̇г̇иссаамий’’д̇и ассаасзд̇ваа палаапалам̣ д̣̇ад̇ваа санд̇аббзси. д̇ад̇о бадтааяа баранд̇абад̣̇аасо палаапалам̣ аахари, д̣̇звийби буд̇д̇ам̣ виж̇ааяи. саа буд̇д̇з вад̣дханд̇з згад̣̇ивасам̣ бажжуусасамаяз суканисиннаа сан̣игам̣ баранд̇абад̣̇аасам̣ зд̇ад̣̇авожа ‘‘д̇вам̣ рааж̇аанам̣ маарзнд̇о гзнажи д̣̇идто’’д̇и. ‘‘на мам̣ гожи ад̣̇д̣̇аса, саакаависсаж̇ж̇анасад̣̇д̣̇ам̣ бана ассосим̣, д̇ассаа саакааяа мануссзна ваа д̇иражчаанзна ваа виссадтабхаавам̣ на ж̇аанаами, яад̣̇аа гад̣̇аажи бана мз бхаяам̣ ааг̇ажчанд̇ам̣ саакаависсадтадтаанад̇о ааг̇амиссад̇ий’’д̇и д̇ааяа сад̣̇д̇хим̣ саллабанд̇о батамам̣ г̇аат̇амааха –
Athekadivasaṃ purohitoyeva phalāphalatthāya gantvā avidūre rañño nhānatitthasāmante ekaṃ rukkhaṃ āruyha phalāphalaṃ gaṇhāti. Rājā ‘‘nhāyissāmī’’ti parantapaṃ khaggañca nhānasāṭakañca gāhāpetvā nadītīraṃ agamāsi. Tattha naṃ nhānakāle pamādamāpannaṃ ‘‘māressāmī’’ti parantapo gīvāya gahetvā khaggaṃ ukkhipi. So maraṇabhayena viravi. Purohito taṃ saddaṃ sutvā olokento parantapaṃ rājānaṃ mārentaṃ disvā bhītatasito sākhaṃ vissajjetvā rukkhato oruyha ekaṃ gumbaṃ pavisitvā nilīyi. Parantapo tassa sākhāvissajjanasaddaṃ sutvā rājānaṃ māretvā bhūmiyaṃ khaṇitvā ‘‘imasmiṃ ṭhāne sākhāvissajjanasaddo ahosi, ko nu kho etthā’’ti vicinanto kañci adisvā nhatvā gato. Tassa gatakāle purohito nisinnaṭṭhānā nikkhamitvā rañño sarīraṃ khaṇḍākhaṇḍikaṃ chinditvā āvāṭe nikhātabhāvaṃ ñatvā nhatvā attano vadhabhayena andhavesaṃ gahetvā paṇṇasālaṃ agamāsi. Taṃ disvā parantapo ‘‘kiṃ te, brāhmaṇa, kata’’nti āha. So ajānanto viya ‘‘deva, akkhīni me nāsetvā āgatomhi, ussannāsīvise araññe ekasmiṃ vammikapasse aṭṭhāsiṃ, tatrekena āsīvisena nāsavāto vissaṭṭho me bhavissatī’’ti āha. Parantapo ‘‘na maṃ sañjānāti, ‘devā’ti vadati, samassāsessāmi na’’nti cintetvā ‘‘brāhmaṇa, mā cintayi, ahaṃ taṃ paṭijaggissāmī’’ti assāsetvā phalāphalaṃ datvā santappesi. Tato paṭṭhāya parantapadāso phalāphalaṃ āhari, devīpi puttaṃ vijāyi. Sā putte vaḍḍhante ekadivasaṃ paccūsasamaye sukhanisinnā saṇikaṃ parantapadāsaṃ etadavoca ‘‘tvaṃ rājānaṃ mārento kenaci diṭṭho’’ti. ‘‘Na maṃ koci addasa, sākhāvissajjanasaddaṃ pana assosiṃ, tassā sākhāya manussena vā tiracchānena vā vissaṭṭhabhāvaṃ na jānāmi, yadā kadāci pana me bhayaṃ āgacchantaṃ sākhāvissaṭṭhaṭṭhānato āgamissatī’’ti tāya saddhiṃ sallapanto paṭhamaṃ gāthamāha –
154.
154.
‘‘ааг̇амиссад̇и мз баабам̣, ааг̇амиссад̇и мз бхаяам̣;
‘‘Āgamissati me pāpaṃ, āgamissati me bhayaṃ;
д̇ад̣̇аа хи жалид̇аа саакаа, мануссзна миг̇зна ваа’’д̇и.
Tadā hi calitā sākhā, manussena migena vā’’ti.
д̇ад̇т̇а баабанд̇и лаамагам̣ анидтам̣ аганд̇ам̣. бхаяанд̇и жид̇д̇уд̇раасабхаяамби мз ааг̇амиссад̇и, на саггаа нааг̇анд̇ум̣. гим̣гааран̣аа? д̇ад̣̇аа хи жалид̇аа саакаа мануссзна миг̇зна ваад̇и на бан̃н̃ааяад̇и, д̇асмаа д̇ад̇о мам̣ бхаяам̣ ааг̇амиссад̇и.
Tattha pāpanti lāmakaṃ aniṭṭhaṃ akantaṃ. Bhayanti cittutrāsabhayampi me āgamissati, na sakkā nāgantuṃ. Kiṃkāraṇā? Tadā hi calitā sākhā manussena migena vāti na paññāyati, tasmā tato maṃ bhayaṃ āgamissati.
д̇з ‘‘бурохид̇о нид̣̇д̣̇ааяад̇ий’’д̇и ман̃н̃им̣су. со бана анид̣̇д̣̇ааяамаанова д̇зсам̣ гат̇ам̣ ассоси. ат̇згад̣̇ивасам̣ бурохид̇о баранд̇абад̣̇аасз палаапалад̇т̇ааяа г̇ад̇з ад̇д̇ано б̣раахман̣им̣ сарид̇ваа вилабанд̇о д̣̇уд̇ияам̣ г̇аат̇амааха –
Te ‘‘purohito niddāyatī’’ti maññiṃsu. So pana aniddāyamānova tesaṃ kathaṃ assosi. Athekadivasaṃ purohito parantapadāse phalāphalatthāya gate attano brāhmaṇiṃ saritvā vilapanto dutiyaṃ gāthamāha –
155.
155.
‘‘бхийруяаа нууна мз гаамо, авид̣̇уурз васанд̇ияаа;
‘‘Bhīruyā nūna me kāmo, avidūre vasantiyā;
гариссад̇и гисам̣ бан̣д̣ум̣, саава саакаа баранд̇аба’’нд̇и.
Karissati kisaṃ paṇḍuṃ, sāva sākhā parantapa’’nti.
д̇ад̇т̇а бхийруяаад̇и ид̇т̇ий жа наама аббамад̇д̇агзнааби бхааяад̇и, д̇асмаа ‘‘бхийруу’’д̇и вужжад̇и. авид̣̇уурзд̇и наад̇ид̣̇уурз ид̇о гад̇ибаяаяож̇анамад̇т̇агз васанд̇ияаа бхийруяаа маяхам̣ б̣раахман̣ияаа яо мама гаамо уббанно, со нууна мам̣ гисан̃жа бан̣д̣ун̃жа гариссад̇ийд̇и д̣̇ассзд̇и. ‘‘саава саакаа’’д̇и иминаа бана обаммам̣ д̣̇ассзд̇и, яат̇аа саакаа баранд̇абам̣ гисам̣ бан̣д̣ум̣ гарод̇и, званд̇и ад̇т̇о.
Tattha bhīruyāti itthī ca nāma appamattakenāpi bhāyati, tasmā ‘‘bhīrū’’ti vuccati. Avidūreti nātidūre ito katipayayojanamatthake vasantiyā bhīruyā mayhaṃ brāhmaṇiyā yo mama kāmo uppanno, so nūna maṃ kisañca paṇḍuñca karissatīti dasseti. ‘‘Sāva sākhā’’ti iminā pana opammaṃ dasseti, yathā sākhā parantapaṃ kisaṃ paṇḍuṃ karoti, evanti attho.
ид̇и б̣раахман̣о г̇аат̇амзва вад̣̇ад̇и, ад̇т̇ам̣ бана на гат̇зд̇и, д̇асмаа имааяа г̇аат̇ааяа гижжам̣ д̣̇звияаа абаагадам̣. ат̇а нам̣ ‘‘гим̣ гат̇зси б̣раахман̣аа’’д̇и ааха. соби ‘‘саллагкид̇ам̣ мз’’д̇и вад̇ваа буна згад̣̇ивасам̣ д̇ад̇ияам̣ г̇аат̇амааха –
Iti brāhmaṇo gāthameva vadati, atthaṃ pana na katheti, tasmā imāya gāthāya kiccaṃ deviyā apākaṭaṃ. Atha naṃ ‘‘kiṃ kathesi brāhmaṇā’’ti āha. Sopi ‘‘sallakkhitaṃ me’’ti vatvā puna ekadivasaṃ tatiyaṃ gāthamāha –
156.
156.
‘‘сожаяиссад̇и мам̣ ганд̇аа, г̇аамз васаманинд̣̇ид̇аа;
‘‘Socayissati maṃ kantā, gāme vasamaninditā;
гариссад̇и гисам̣ бан̣д̣ум̣, саава саакаа баранд̇аба’’нд̇и.
Karissati kisaṃ paṇḍuṃ, sāva sākhā parantapa’’nti.
д̇ад̇т̇а сожаяиссад̇ийд̇и согуббаад̣̇анзна сугкаабзссад̇и. ганд̇аад̇и идтабхарияаа. г̇аамз васанд̇и б̣аараан̣асияам̣ васанд̇ийд̇и ад̇хиббааяо. анинд̣̇ид̇аад̇и аг̇арахид̇аа уд̇д̇амаруубад̇хараа.
Tattha socayissatīti sokuppādanena sukkhāpessati. Kantāti iṭṭhabhariyā. Gāme vasanti bārāṇasiyaṃ vasantīti adhippāyo. Aninditāti agarahitā uttamarūpadharā.
бунзгад̣̇ивасам̣ жад̇уд̇т̇ам̣ г̇аат̇амааха –
Punekadivasaṃ catutthaṃ gāthamāha –
157.
157.
‘‘д̇аяаа мам̣ асид̇аабан̇г̇и, сид̇аани бхан̣ид̇аани жа;
‘‘Tayā maṃ asitāpaṅgi, sitāni bhaṇitāni ca;
гисам̣ бан̣д̣ум̣ гариссанд̇и, саава саакаа баранд̇аба’’нд̇и.
Kisaṃ paṇḍuṃ karissanti, sāva sākhā parantapa’’nti.
д̇ад̇т̇а д̇аяаа мам̣ асид̇аабан̇г̇ийд̇и д̇аяаа мам̣ асид̇аа абан̇г̇и. ид̣̇ам̣ вуд̇д̇ам̣ ход̇и – бхад̣̇д̣̇з, агкигодид̇о ан̃ж̇анасалаагааяа нийхарид̇ваа абхисан̇кад̇аасид̇аабан̇г̇и д̇аяаа бавад̇д̇ид̇аани манд̣̇ахасид̇аани жа мад̇хурабхаасид̇аани жа мам̣ саа виссадтасаакаа виравамаанаа баранд̇абам̣ вияа гисам̣ бан̣д̣ум̣ гариссад̇ийд̇и. ба-гаарасса ва-гаарам̣ гад̇ваа ‘‘ван̇г̇ий’’д̇иби баатоязва.
Tattha tayā maṃ asitāpaṅgīti tayā maṃ asitā apaṅgi. Idaṃ vuttaṃ hoti – bhadde, akkhikoṭito añjanasalākāya nīharitvā abhisaṅkhataasitāpaṅgi tayā pavattitāni mandahasitāni ca madhurabhāsitāni ca maṃ sā vissaṭṭhasākhā viravamānā parantapaṃ viya kisaṃ paṇḍuṃ karissatīti. Pa-kārassa va-kāraṃ katvā ‘‘vaṅgī’’tipi pāṭhoyeva.
абарабхааг̇з гумааро ваяаббад̇д̇о ахоси сол̣асавассуд̣̇д̣̇зсиго. ат̇а нам̣ б̣раахман̣о яадтигодим̣ г̇аахаабзд̇ваа нхаанад̇ид̇т̇ам̣ г̇анд̇ваа агкийни уммийлзд̇ваа ологзси. гумааро ‘‘нану д̇вам̣ б̣раахман̣а, анд̇хо’’д̇и ааха. со ‘‘наахам̣ анд̇хо, иминаа мз убааязна ж̇ийвид̇ам̣ рагкаамий’’д̇и вад̇ваа ‘‘д̇ава бид̇арам̣ ж̇аанаасий’’д̇и ааха. ‘‘аяам̣ мз бид̇аа’’д̇и вуд̇д̇з ‘‘нааяам̣ д̇ава бид̇аа, бид̇аа бана д̇з б̣аараан̣асирааж̇аа, аяам̣ д̇умхаагам̣ д̣̇аасо, со маад̇ари д̇з виббадибаж̇ж̇ид̇ваа имасмим̣ таанз д̇ава бид̇арам̣ маарзд̇ваа никан̣ий’’д̇и адтийни нийхарид̇ваа д̣̇ассзси. гумаарасса б̣алавагод̇хо уббаж̇ж̇и. ат̇а нам̣ ‘‘ид̣̇аани гим̣ гаромий’’д̇и бужчи. ‘‘яам̣ д̇з исмим̣язва д̇ид̇т̇з бид̇у д̇зна гад̇ам̣, д̇ам̣ гарохий’’д̇и саб̣б̣ам̣ бавад̇д̇им̣ аажигкид̇ваа гумаарам̣ гад̇ибаахам̣ т̇аруг̇ан̣ханам̣ сигкаабзси. ат̇згад̣̇ивасам̣ гумааро каг̇г̇ан̃жа нхаанасаадаган̃жа г̇ахзд̇ваа ‘‘нхааяид̇ум̣ г̇ажчаама, д̇аад̇аа’’д̇и ааха. баранд̇або ‘‘саад̇хуу’’д̇и д̇зна сад̣̇д̇хим̣ г̇ад̇о. ат̇асса нхааяид̇ум̣ од̇ин̣н̣агаалз д̣̇агкин̣ахад̇т̇зна асим̣, ваамахад̇т̇зна жуул̣ам̣ г̇ахзд̇ваа ‘‘д̇вам̣ гира имасмим̣язва д̇ид̇т̇з мама бид̇арам̣ жуул̣ааяа г̇ахзд̇ваа вираванд̇ам̣ маарзси, ахамби д̇ам̣ д̇ат̇зва гариссаамий’’д̇и ааха. со маран̣абхаяабхийд̇о барид̣̇звамаано д̣̇вз г̇аат̇аа абхааси –
Aparabhāge kumāro vayappatto ahosi soḷasavassuddesiko. Atha naṃ brāhmaṇo yaṭṭhikoṭiṃ gāhāpetvā nhānatitthaṃ gantvā akkhīni ummīletvā olokesi. Kumāro ‘‘nanu tvaṃ brāhmaṇa, andho’’ti āha. So ‘‘nāhaṃ andho, iminā me upāyena jīvitaṃ rakkhāmī’’ti vatvā ‘‘tava pitaraṃ jānāsī’’ti āha. ‘‘Ayaṃ me pitā’’ti vutte ‘‘nāyaṃ tava pitā, pitā pana te bārāṇasirājā, ayaṃ tumhākaṃ dāso, so mātari te vippaṭipajjitvā imasmiṃ ṭhāne tava pitaraṃ māretvā nikhaṇī’’ti aṭṭhīni nīharitvā dassesi. Kumārassa balavakodho uppajji. Atha naṃ ‘‘idāni kiṃ karomī’’ti pucchi. ‘‘Yaṃ te ismiṃyeva titthe pitu tena kataṃ, taṃ karohī’’ti sabbaṃ pavattiṃ ācikkhitvā kumāraṃ katipāhaṃ tharugaṇhanaṃ sikkhāpesi. Athekadivasaṃ kumāro khaggañca nhānasāṭakañca gahetvā ‘‘nhāyituṃ gacchāma, tātā’’ti āha. Parantapo ‘‘sādhū’’ti tena saddhiṃ gato. Athassa nhāyituṃ otiṇṇakāle dakkhiṇahatthena asiṃ, vāmahatthena cūḷaṃ gahetvā ‘‘tvaṃ kira imasmiṃyeva titthe mama pitaraṃ cūḷāya gahetvā viravantaṃ māresi, ahampi taṃ tatheva karissāmī’’ti āha. So maraṇabhayabhīto paridevamāno dve gāthā abhāsi –
158.
158.
‘‘ааг̇амаа нууна со сад̣̇д̣̇о, асам̣си нууна со д̇ава;
‘‘Āgamā nūna so saddo, asaṃsi nūna so tava;
агкаад̇ам̣ нууна д̇ам̣ д̇зна, яо д̇ам̣ саакамагамбаяи.
Akkhātaṃ nūna taṃ tena, yo taṃ sākhamakampayi.
159.
159.
‘‘ид̣̇ам̣ ко д̇ам̣ самааг̇амма, мама б̣ааласса жинд̇ид̇ам̣;
‘‘Idaṃ kho taṃ samāgamma, mama bālassa cintitaṃ;
д̇ад̣̇аа хи жалид̇аа саакаа, мануссзна миг̇зна ваа’’д̇и.
Tadā hi calitā sākhā, manussena migena vā’’ti.
д̇ад̇т̇а ааг̇амаад̇и со саакасад̣̇д̣̇о нууна д̇ам̣ ааг̇ад̇о самбад̇д̇о. асам̣си нууна со д̇аваад̇и со сад̣̇д̣̇о д̇ава аарожзси ман̃н̃з. агкаад̇ам̣ нууна д̇ам̣ д̇знаад̇и яо сад̇д̇о д̇ад̣̇аа д̇ам̣ саакам̣ агамбаяи, д̇зна ‘‘звам̣ д̇з бид̇аа маарид̇о’’д̇и нууна д̇ам̣ гааран̣ам̣ агкаад̇ам̣. самааг̇аммаад̇и сан̇г̇амма, самааг̇ад̇анд̇и ад̇т̇о. яам̣ мама б̣ааласса ‘‘д̇ад̣̇аа жалид̇аа саакаа мануссзна миг̇зна ваа, д̇ад̇о мз бхаяам̣ уббаж̇ж̇иссад̇ий’’д̇и жинд̇ид̇ам̣ баривид̇аггид̇ам̣ ахоси, ид̣̇ам̣ д̇аяаа сад̣̇д̇хим̣ самааг̇ад̇анд̇и вуд̇д̇ам̣ ход̇и.
Tattha āgamāti so sākhasaddo nūna taṃ āgato sampatto. Asaṃsi nūna so tavāti so saddo tava ārocesi maññe. Akkhātaṃ nūna taṃ tenāti yo satto tadā taṃ sākhaṃ akampayi, tena ‘‘evaṃ te pitā mārito’’ti nūna taṃ kāraṇaṃ akkhātaṃ. Samāgammāti saṅgamma, samāgatanti attho. Yaṃ mama bālassa ‘‘tadā calitā sākhā manussena migena vā, tato me bhayaṃ uppajjissatī’’ti cintitaṃ parivitakkitaṃ ahosi, idaṃ tayā saddhiṃ samāgatanti vuttaṃ hoti.
д̇ад̇о гумааро осаанаг̇аат̇амааха –
Tato kumāro osānagāthamāha –
160.
160.
‘‘д̇ат̇зва д̇вам̣ авзд̣̇зси, аван̃жи бид̇арам̣ мама;
‘‘Tatheva tvaṃ avedesi, avañci pitaraṃ mama;
ханд̇ваа саакаахи чаад̣̇знд̇о, ааг̇амиссад̇и мз бхаяа’’нд̇и.
Hantvā sākhāhi chādento, āgamissati me bhaya’’nti.
д̇ад̇т̇а д̇ат̇зва д̇вам̣ авзд̣̇зсийд̇и д̇ат̇зва д̇вам̣ ан̃н̃ааси. аван̃жи бид̇арам̣ мамаад̇и д̇вам̣ мама бид̇арам̣ ‘‘нхааяид̇ум̣ г̇ажчаамаа’’д̇и виссаасзд̇ваа нхааяанд̇ам̣ маарзд̇ваа кан̣д̣аакан̣д̣игам̣ чинд̣̇ид̇ваа никан̣ид̇ваа ‘‘сажз гожи ж̇ааниссад̇и, маяхамби зваруубам̣ бхаяам̣ ааг̇ажчиссад̇ий’’д̇и ван̃жзси, ид̣̇ам̣ ко бана маран̣абхаяам̣ ид̣̇аани д̇авааг̇ад̇анд̇и.
Tattha tatheva tvaṃ avedesīti tatheva tvaṃ aññāsi. Avañci pitaraṃ mamāti tvaṃ mama pitaraṃ ‘‘nhāyituṃ gacchāmā’’ti vissāsetvā nhāyantaṃ māretvā khaṇḍākhaṇḍikaṃ chinditvā nikhaṇitvā ‘‘sace koci jānissati, mayhampi evarūpaṃ bhayaṃ āgacchissatī’’ti vañcesi, idaṃ kho pana maraṇabhayaṃ idāni tavāgatanti.
ид̇и д̇ам̣ вад̇ваа д̇ад̇т̇зва ж̇ийвид̇агкаяам̣ баабзд̇ваа никан̣ид̇ваа саакаахи бадижчаад̣̇зд̇ваа каг̇г̇ам̣ д̇ховид̇ваа нхад̇ваа бан̣н̣асаалам̣ г̇анд̇ваа д̇асса маарид̇абхаавам̣ бурохид̇асса гат̇зд̇ваа маад̇арам̣ барибхаасид̇ваа ‘‘ид̇ха гим̣ гариссаамаа’’д̇и д̇аяо ж̇анаа б̣аараан̣асимзва аг̇амам̣су. б̣од̇хисад̇д̇о ганидтасса обараж̇ж̇ам̣ д̣̇ад̇ваа д̣̇аанаад̣̇ийни бун̃н̃аани гад̇ваа саг̇г̇абад̣̇ам̣ буурзси.
Iti taṃ vatvā tattheva jīvitakkhayaṃ pāpetvā nikhaṇitvā sākhāhi paṭicchādetvā khaggaṃ dhovitvā nhatvā paṇṇasālaṃ gantvā tassa māritabhāvaṃ purohitassa kathetvā mātaraṃ paribhāsitvā ‘‘idha kiṃ karissāmā’’ti tayo janā bārāṇasimeva agamaṃsu. Bodhisatto kaniṭṭhassa oparajjaṃ datvā dānādīni puññāni katvā saggapadaṃ pūresi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси – ‘‘д̇ад̣̇аа бид̇урааж̇аа д̣̇звад̣̇ад̇д̇о ахоси, бурохид̇о аананд̣̇о, буд̇д̇арааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi – ‘‘tadā piturājā devadatto ahosi, purohito ānando, puttarājā pana ahameva ahosi’’nti.
баранд̇абаж̇аад̇агаван̣н̣анаа згаад̣̇асамаа.
Parantapajātakavaṇṇanā ekādasamā.
г̇анд̇хаараваг̇г̇о д̣̇уд̇ияо.
Gandhāravaggo dutiyo.
ж̇аад̇агуд̣̇д̣̇аанам̣ –
Jātakuddānaṃ –
гуггу манож̇а суд̇ано, г̇иж̇жха д̣̇аб̣бхабубпа бан̣н̣аго;
Kukku manoja sutano, gijjha dabbhapuppha paṇṇako;
сад̇д̇убхасд̇а адтисзно, габи б̣агаб̣рахмаа д̣̇аса.
Sattubhasta aṭṭhiseno, kapi bakabrahmā dasa.
г̇анд̇хааро махаагаби жа, гумбхагааро д̣̇ал̣хад̇хаммо;
Gandhāro mahākapi ca, kumbhakāro daḷhadhammo;
сомад̣̇ад̇д̇о сусиймо жа, годасимб̣али д̇хуумагаарий;
Somadatto susīmo ca, koṭasimbali dhūmakārī;
ж̇ааг̇аро гуммаасабин̣д̣о, баранд̇абаа згаад̣̇аса.
Jāgaro kummāsapiṇḍo, parantapā ekādasa.
сад̇д̇аганибаад̇аван̣н̣анаа нидтид̇аа.
Sattakanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 416. баранд̇абаж̇аад̇агам̣ • 416. Parantapajātakaṃ
