| Library / Tipiṭaka / திபிடக • Tipiṭaka / பரிவாரபாளி • Parivārapāḷi |
5. பரபக்கா²தி³அவஜானநங்
5. Parapakkhādiavajānanaṃ
391. கத²ங் லத்³த⁴பக்கொ²ம்ஹீதி பரபக்க²ங் அவஜானாதி? இதே⁴கச்சோ லத்³த⁴பக்கோ² ஹோதி லத்³த⁴பரிவாரோ பக்க²வா ஞாதிமா. ‘‘அயங் அலத்³த⁴பக்கோ² அலத்³த⁴பரிவாரோ ந பக்க²வா ந ஞாதிமா’’தி தஸ்ஸ அவஜானந்தோ அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி தீ³பேதி…பே॰… து³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பேதி, அது³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பேதி. ஏவங் லத்³த⁴பக்கொ²ம்ஹீதி பரபக்க²ங் அவஜானாதி.
391.Kathaṃ laddhapakkhomhīti parapakkhaṃ avajānāti? Idhekacco laddhapakkho hoti laddhaparivāro pakkhavā ñātimā. ‘‘Ayaṃ aladdhapakkho aladdhaparivāro na pakkhavā na ñātimā’’ti tassa avajānanto adhammaṃ dhammoti dīpeti, dhammaṃ adhammoti dīpeti…pe… duṭṭhullaṃ āpattiṃ aduṭṭhullā āpattīti dīpeti, aduṭṭhullaṃ āpattiṃ duṭṭhullā āpattīti dīpeti. Evaṃ laddhapakkhomhīti parapakkhaṃ avajānāti.
392. கத²ங் ப³ஹுஸ்ஸுதொம்ஹீதி அப்பஸ்ஸுதங் அவஜானாதி? இதே⁴கச்சோ ப³ஹுஸ்ஸுதோ ஹோதி ஸுதத⁴ரோ ஸுதஸன்னிசயோ. ‘‘அயங் அப்பஸ்ஸுதோ அப்பாக³மோ அப்பத⁴ரோ’’தி தஸ்ஸ அவஜானந்தோ அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி தீ³பேதி…பே॰… து³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பேதி, அது³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பேதி. ஏவங் ப³ஹுஸ்ஸுதொம்ஹீதி அப்பஸ்ஸுதங் அவஜானாதி.
392.Kathaṃ bahussutomhīti appassutaṃ avajānāti? Idhekacco bahussuto hoti sutadharo sutasannicayo. ‘‘Ayaṃ appassuto appāgamo appadharo’’ti tassa avajānanto adhammaṃ dhammoti dīpeti, dhammaṃ adhammoti dīpeti…pe… duṭṭhullaṃ āpattiṃ aduṭṭhullā āpattīti dīpeti, aduṭṭhullaṃ āpattiṃ duṭṭhullā āpattīti dīpeti. Evaṃ bahussutomhīti appassutaṃ avajānāti.
393. கத²ங் தே²ரதரொம்ஹீதி நவகதரங் அவஜானாதி? இதே⁴கச்சோ தே²ரோ ஹோதி ரத்தஞ்ஞூ சிரபப்³ப³ஜிதோ அயங் நவகோ அப்பஞ்ஞாதோ அப்பகதஞ்ஞூ இமஸ்ஸ வசனங் அகதங் ப⁴விஸ்ஸதீ’’தி தஸ்ஸ அவஜானந்தோ அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி தீ³பேதி …பே॰… து³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பேதி, அது³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பேதி. ஏவங் தே²ரதரொம்ஹீதி நவகதரங் அவஜானாதி.
393.Kathaṃ therataromhīti navakataraṃ avajānāti? Idhekacco thero hoti rattaññū cirapabbajito ayaṃ navako appaññāto appakataññū imassa vacanaṃ akataṃ bhavissatī’’ti tassa avajānanto adhammaṃ dhammoti dīpeti, dhammaṃ adhammoti dīpeti …pe… duṭṭhullaṃ āpattiṃ aduṭṭhullā āpattīti dīpeti, aduṭṭhullaṃ āpattiṃ duṭṭhullā āpattīti dīpeti. Evaṃ therataromhīti navakataraṃ avajānāti.
394. அஸம்பத்தங் ந ப்³யாஹரிதப்³ப³ந்தி அனோதிண்ணங் பா⁴ரங் 1 ந ஓதாரேதப்³ப³ங். ஸம்பத்தங் த⁴ம்மதோ வினயதோ ந பரிஹாபேதப்³ப³ந்தி யங்அத்தா²ய ஸங்கோ⁴ ஸன்னிபதிதோ ஹோதி தங் அத்த²ங் த⁴ம்மதோ வினயதோ ந பரிஹாபேதப்³ப³ங்.
394.Asampattaṃ na byāharitabbanti anotiṇṇaṃ bhāraṃ 2 na otāretabbaṃ. Sampattaṃ dhammato vinayato na parihāpetabbanti yaṃatthāya saṅgho sannipatito hoti taṃ atthaṃ dhammato vinayato na parihāpetabbaṃ.
395. யேன த⁴ம்மேனாதி பூ⁴தேன வத்து²னா. யேன வினயேனாதி சோதெ³த்வா ஸாரெத்வா. யேன ஸத்து²ஸாஸனேனாதி ஞத்திஸம்பதா³ய அனுஸ்ஸாவனஸம்பதா³ய, யேன த⁴ம்மேன யேன வினயேன யேன ஸத்து²ஸாஸனேன தங் அதி⁴கரணங் வூபஸம்மதி, ததா² தங் அதி⁴கரணங் வூபஸமேதப்³ப³ந்தி.
395.Yena dhammenāti bhūtena vatthunā. Yena vinayenāti codetvā sāretvā. Yena satthusāsanenāti ñattisampadāya anussāvanasampadāya, yena dhammena yena vinayena yena satthusāsanena taṃ adhikaraṇaṃ vūpasammati, tathā taṃ adhikaraṇaṃ vūpasametabbanti.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / அக³திஅக³ந்தப்³ப³வண்ணனா • Agatiagantabbavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / அக³திஅக³ந்தப்³ப³வண்ணனா • Agatiagantabbavaṇṇanā
