| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੫. ਪਰਪਕ੍ਖਾਦਿਅવਜਾਨਨਂ
5. Parapakkhādiavajānanaṃ
੩੯੧. ਕਥਂ ਲਦ੍ਧਪਕ੍ਖੋਮ੍ਹੀਤਿ ਪਰਪਕ੍ਖਂ ਅવਜਾਨਾਤਿ? ਇਧੇਕਚ੍ਚੋ ਲਦ੍ਧਪਕ੍ਖੋ ਹੋਤਿ ਲਦ੍ਧਪਰਿવਾਰੋ ਪਕ੍ਖવਾ ਞਾਤਿਮਾ। ‘‘ਅਯਂ ਅਲਦ੍ਧਪਕ੍ਖੋ ਅਲਦ੍ਧਪਰਿવਾਰੋ ਨ ਪਕ੍ਖવਾ ਨ ਞਾਤਿਮਾ’’ਤਿ ਤਸ੍ਸ ਅવਜਾਨਨ੍ਤੋ ਅਧਮ੍ਮਂ ਧਮ੍ਮੋਤਿ ਦੀਪੇਤਿ, ਧਮ੍ਮਂ ਅਧਮ੍ਮੋਤਿ ਦੀਪੇਤਿ…ਪੇ॰… ਦੁਟ੍ਠੁਲ੍ਲਂ ਆਪਤ੍ਤਿਂ ਅਦੁਟ੍ਠੁਲ੍ਲਾ ਆਪਤ੍ਤੀਤਿ ਦੀਪੇਤਿ, ਅਦੁਟ੍ਠੁਲ੍ਲਂ ਆਪਤ੍ਤਿਂ ਦੁਟ੍ਠੁਲ੍ਲਾ ਆਪਤ੍ਤੀਤਿ ਦੀਪੇਤਿ। ਏવਂ ਲਦ੍ਧਪਕ੍ਖੋਮ੍ਹੀਤਿ ਪਰਪਕ੍ਖਂ ਅવਜਾਨਾਤਿ।
391.Kathaṃ laddhapakkhomhīti parapakkhaṃ avajānāti? Idhekacco laddhapakkho hoti laddhaparivāro pakkhavā ñātimā. ‘‘Ayaṃ aladdhapakkho aladdhaparivāro na pakkhavā na ñātimā’’ti tassa avajānanto adhammaṃ dhammoti dīpeti, dhammaṃ adhammoti dīpeti…pe… duṭṭhullaṃ āpattiṃ aduṭṭhullā āpattīti dīpeti, aduṭṭhullaṃ āpattiṃ duṭṭhullā āpattīti dīpeti. Evaṃ laddhapakkhomhīti parapakkhaṃ avajānāti.
੩੯੨. ਕਥਂ ਬਹੁਸ੍ਸੁਤੋਮ੍ਹੀਤਿ ਅਪ੍ਪਸ੍ਸੁਤਂ ਅવਜਾਨਾਤਿ? ਇਧੇਕਚ੍ਚੋ ਬਹੁਸ੍ਸੁਤੋ ਹੋਤਿ ਸੁਤਧਰੋ ਸੁਤਸਨ੍ਨਿਚਯੋ। ‘‘ਅਯਂ ਅਪ੍ਪਸ੍ਸੁਤੋ ਅਪ੍ਪਾਗਮੋ ਅਪ੍ਪਧਰੋ’’ਤਿ ਤਸ੍ਸ ਅવਜਾਨਨ੍ਤੋ ਅਧਮ੍ਮਂ ਧਮ੍ਮੋਤਿ ਦੀਪੇਤਿ, ਧਮ੍ਮਂ ਅਧਮ੍ਮੋਤਿ ਦੀਪੇਤਿ…ਪੇ॰… ਦੁਟ੍ਠੁਲ੍ਲਂ ਆਪਤ੍ਤਿਂ ਅਦੁਟ੍ਠੁਲ੍ਲਾ ਆਪਤ੍ਤੀਤਿ ਦੀਪੇਤਿ, ਅਦੁਟ੍ਠੁਲ੍ਲਂ ਆਪਤ੍ਤਿਂ ਦੁਟ੍ਠੁਲ੍ਲਾ ਆਪਤ੍ਤੀਤਿ ਦੀਪੇਤਿ। ਏવਂ ਬਹੁਸ੍ਸੁਤੋਮ੍ਹੀਤਿ ਅਪ੍ਪਸ੍ਸੁਤਂ ਅવਜਾਨਾਤਿ।
392.Kathaṃ bahussutomhīti appassutaṃ avajānāti? Idhekacco bahussuto hoti sutadharo sutasannicayo. ‘‘Ayaṃ appassuto appāgamo appadharo’’ti tassa avajānanto adhammaṃ dhammoti dīpeti, dhammaṃ adhammoti dīpeti…pe… duṭṭhullaṃ āpattiṃ aduṭṭhullā āpattīti dīpeti, aduṭṭhullaṃ āpattiṃ duṭṭhullā āpattīti dīpeti. Evaṃ bahussutomhīti appassutaṃ avajānāti.
੩੯੩. ਕਥਂ ਥੇਰਤਰੋਮ੍ਹੀਤਿ ਨવਕਤਰਂ ਅવਜਾਨਾਤਿ? ਇਧੇਕਚ੍ਚੋ ਥੇਰੋ ਹੋਤਿ ਰਤ੍ਤਞ੍ਞੂ ਚਿਰਪਬ੍ਬਜਿਤੋ ਅਯਂ ਨવਕੋ ਅਪ੍ਪਞ੍ਞਾਤੋ ਅਪ੍ਪਕਤਞ੍ਞੂ ਇਮਸ੍ਸ વਚਨਂ ਅਕਤਂ ਭવਿਸ੍ਸਤੀ’’ਤਿ ਤਸ੍ਸ ਅવਜਾਨਨ੍ਤੋ ਅਧਮ੍ਮਂ ਧਮ੍ਮੋਤਿ ਦੀਪੇਤਿ, ਧਮ੍ਮਂ ਅਧਮ੍ਮੋਤਿ ਦੀਪੇਤਿ …ਪੇ॰… ਦੁਟ੍ਠੁਲ੍ਲਂ ਆਪਤ੍ਤਿਂ ਅਦੁਟ੍ਠੁਲ੍ਲਾ ਆਪਤ੍ਤੀਤਿ ਦੀਪੇਤਿ, ਅਦੁਟ੍ਠੁਲ੍ਲਂ ਆਪਤ੍ਤਿਂ ਦੁਟ੍ਠੁਲ੍ਲਾ ਆਪਤ੍ਤੀਤਿ ਦੀਪੇਤਿ। ਏવਂ ਥੇਰਤਰੋਮ੍ਹੀਤਿ ਨવਕਤਰਂ ਅવਜਾਨਾਤਿ।
393.Kathaṃ therataromhīti navakataraṃ avajānāti? Idhekacco thero hoti rattaññū cirapabbajito ayaṃ navako appaññāto appakataññū imassa vacanaṃ akataṃ bhavissatī’’ti tassa avajānanto adhammaṃ dhammoti dīpeti, dhammaṃ adhammoti dīpeti …pe… duṭṭhullaṃ āpattiṃ aduṭṭhullā āpattīti dīpeti, aduṭṭhullaṃ āpattiṃ duṭṭhullā āpattīti dīpeti. Evaṃ therataromhīti navakataraṃ avajānāti.
੩੯੪. ਅਸਮ੍ਪਤ੍ਤਂ ਨ ਬ੍ਯਾਹਰਿਤਬ੍ਬਨ੍ਤਿ ਅਨੋਤਿਣ੍ਣਂ ਭਾਰਂ 1 ਨ ਓਤਾਰੇਤਬ੍ਬਂ। ਸਮ੍ਪਤ੍ਤਂ ਧਮ੍ਮਤੋ વਿਨਯਤੋ ਨ ਪਰਿਹਾਪੇਤਬ੍ਬਨ੍ਤਿ ਯਂਅਤ੍ਥਾਯ ਸਙ੍ਘੋ ਸਨ੍ਨਿਪਤਿਤੋ ਹੋਤਿ ਤਂ ਅਤ੍ਥਂ ਧਮ੍ਮਤੋ વਿਨਯਤੋ ਨ ਪਰਿਹਾਪੇਤਬ੍ਬਂ।
394.Asampattaṃ na byāharitabbanti anotiṇṇaṃ bhāraṃ 2 na otāretabbaṃ. Sampattaṃ dhammato vinayato na parihāpetabbanti yaṃatthāya saṅgho sannipatito hoti taṃ atthaṃ dhammato vinayato na parihāpetabbaṃ.
੩੯੫. ਯੇਨ ਧਮ੍ਮੇਨਾਤਿ ਭੂਤੇਨ વਤ੍ਥੁਨਾ। ਯੇਨ વਿਨਯੇਨਾਤਿ ਚੋਦੇਤ੍વਾ ਸਾਰੇਤ੍વਾ। ਯੇਨ ਸਤ੍ਥੁਸਾਸਨੇਨਾਤਿ ਞਤ੍ਤਿਸਮ੍ਪਦਾਯ ਅਨੁਸ੍ਸਾવਨਸਮ੍ਪਦਾਯ, ਯੇਨ ਧਮ੍ਮੇਨ ਯੇਨ વਿਨਯੇਨ ਯੇਨ ਸਤ੍ਥੁਸਾਸਨੇਨ ਤਂ ਅਧਿਕਰਣਂ વੂਪਸਮ੍ਮਤਿ, ਤਥਾ ਤਂ ਅਧਿਕਰਣਂ વੂਪਸਮੇਤਬ੍ਬਨ੍ਤਿ।
395.Yena dhammenāti bhūtena vatthunā. Yena vinayenāti codetvā sāretvā. Yena satthusāsanenāti ñattisampadāya anussāvanasampadāya, yena dhammena yena vinayena yena satthusāsanena taṃ adhikaraṇaṃ vūpasammati, tathā taṃ adhikaraṇaṃ vūpasametabbanti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਅਗਤਿਅਗਨ੍ਤਬ੍ਬવਣ੍ਣਨਾ • Agatiagantabbavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਅਗਤਿਅਗਨ੍ਤਬ੍ਬવਣ੍ਣਨਾ • Agatiagantabbavaṇṇanā
