| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. баараабарияад̇т̇зраг̇аат̇ааван̣н̣анаа
2. Pārāpariyattheragāthāvaṇṇanā
саман̣асса аху жинд̇аад̇иаад̣̇игаа ааяасмад̇о баараабарияад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ ан̃н̃ад̇арасса б̣раахман̣амахаасааласса буд̇д̇о худ̇ваа ниб̣б̣ад̇д̇и. д̇асса ваяаббад̇д̇асса г̇од̇д̇авасзна баараабарияод̇взва саман̃н̃аа ахоси. со д̇аяо взд̣̇з уг̇г̇ахзд̇ваа б̣раахман̣асиббзсу нибпад̇д̇им̣ г̇ад̇о. згад̣̇ивасам̣ сад̇т̇у д̇хаммад̣̇зсанаагаалз ж̇зд̇аванавихаарам̣ г̇анд̇ваа барисабарияанд̇з нисийд̣̇и. сад̇т̇аа д̇асса аж̇жхаасаяам̣ ологзд̇ваа инд̣̇рияабхааванаасуд̇д̇ам̣ (ма. ни. 3.453) д̣̇зсзси. со д̇ам̣ суд̇ваа бадилад̣̇д̇хасад̣̇д̇хо баб̣б̣аж̇и. д̇ам̣ суд̇д̇ам̣ уг̇г̇ахзд̇ваа д̇ад̣̇ад̇т̇аманужинд̇зси. яат̇аа бана анужинд̇зси, свааяамад̇т̇о г̇аат̇аасу зва аави бхависсад̇и. со д̇ат̇аа анувижинд̇знд̇о ааяад̇анамукзна вибассанам̣ бадтабзд̇ваа нажирассзва арахад̇д̇ам̣ бад̇д̇о. абарабхааг̇з ад̇д̇анаа жинд̇ид̇аагаарам̣ багаасзнд̇о –
Samaṇassa ahu cintātiādikā āyasmato pārāpariyattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinitvā sugatīsuyeva saṃsaranto imasmiṃ buddhuppāde sāvatthiyaṃ aññatarassa brāhmaṇamahāsālassa putto hutvā nibbatti. Tassa vayappattassa gottavasena pārāpariyotveva samaññā ahosi. So tayo vede uggahetvā brāhmaṇasippesu nipphattiṃ gato. Ekadivasaṃ satthu dhammadesanākāle jetavanavihāraṃ gantvā parisapariyante nisīdi. Satthā tassa ajjhāsayaṃ oloketvā indriyabhāvanāsuttaṃ (ma. ni. 3.453) desesi. So taṃ sutvā paṭiladdhasaddho pabbaji. Taṃ suttaṃ uggahetvā tadatthamanucintesi. Yathā pana anucintesi, svāyamattho gāthāsu eva āvi bhavissati. So tathā anuvicintento āyatanamukhena vipassanaṃ paṭṭhapetvā nacirasseva arahattaṃ patto. Aparabhāge attanā cintitākāraṃ pakāsento –
726.
726.
‘‘саман̣асса аху жинд̇аа, баараабарияасса бхигкуно;
‘‘Samaṇassa ahu cintā, pārāpariyassa bhikkhuno;
згагасса нисиннасса, бавивид̇д̇асса жхааяино.
Ekakassa nisinnassa, pavivittassa jhāyino.
727.
727.
‘‘гимаанубуб̣б̣ам̣ бурисо, гим̣ вад̇ам̣ гим̣ самаажаарам̣;
‘‘Kimānupubbaṃ puriso, kiṃ vataṃ kiṃ samācāraṃ;
ад̇д̇ано гижжагаарийсса, на жа ган̃жи вихзтаяз.
Attano kiccakārīssa, na ca kañci viheṭhaye.
728.
728.
‘‘инд̣̇рияаани мануссаанам̣, хид̇ааяа ахид̇ааяа жа;
‘‘Indriyāni manussānaṃ, hitāya ahitāya ca;
арагкид̇аани ахид̇ааяа, рагкид̇аани хид̇ааяа жа.
Arakkhitāni ahitāya, rakkhitāni hitāya ca.
729.
729.
‘‘инд̣̇рияаанзва саарагкам̣, инд̣̇рияаани жа г̇обаяам̣;
‘‘Indriyāneva sārakkhaṃ, indriyāni ca gopayaṃ;
ад̇д̇ано гижжагаарийсса, на жа ган̃жи вихзтаяз.
Attano kiccakārīssa, na ca kañci viheṭhaye.
730.
730.
‘‘жагкунд̣̇рияам̣ жз руубзсу, г̇ажчанд̇ам̣ аниваараяам̣;
‘‘Cakkhundriyaṃ ce rūpesu, gacchantaṃ anivārayaṃ;
анаад̣̇ийнавад̣̇ассаавий, со д̣̇угкаа на хи мужжад̇и.
Anādīnavadassāvī, so dukkhā na hi muccati.
731.
731.
‘‘сод̇инд̣̇рияам̣ жз сад̣̇д̣̇зсу, г̇ажчанд̇ам̣ аниваараяам̣;
‘‘Sotindriyaṃ ce saddesu, gacchantaṃ anivārayaṃ;
анаад̣̇ийнавад̣̇ассаавий, со д̣̇угкаа на хи мужжад̇и.
Anādīnavadassāvī, so dukkhā na hi muccati.
732.
732.
‘‘аниссаран̣ад̣̇ассаавий, г̇анд̇хз жз бадисзвад̇и;
‘‘Anissaraṇadassāvī, gandhe ce paṭisevati;
на со мужжад̇и д̣̇угкамхаа, г̇анд̇хзсу ад̇химужчид̇о.
Na so muccati dukkhamhā, gandhesu adhimucchito.
733.
733.
‘‘амб̣илам̣ мад̇хураг̇г̇ан̃жа, д̇ид̇д̇агаг̇г̇амануссарам̣;
‘‘Ambilaṃ madhuraggañca, tittakaggamanussaraṃ;
расад̇ан̣хааяа г̇ад̇хид̇о, хад̣̇аяам̣ нааваб̣уж̇жхад̇и.
Rasataṇhāya gadhito, hadayaṃ nāvabujjhati.
734.
734.
‘‘субхааняаббадигуулаани , подтаб̣б̣аани ануссарам̣;
‘‘Subhānyappaṭikūlāni , phoṭṭhabbāni anussaraṃ;
рад̇д̇о рааг̇аад̇хигаран̣ам̣, вивид̇хам̣ винд̣̇ад̇з д̣̇укам̣.
Ratto rāgādhikaraṇaṃ, vividhaṃ vindate dukhaṃ.
735.
735.
‘‘манам̣ жзд̇зхи д̇хаммзхи, яо на саггод̇и рагкид̇ум̣;
‘‘Manaṃ cetehi dhammehi, yo na sakkoti rakkhituṃ;
д̇ад̇о нам̣ д̣̇угкаманвзд̇и, саб̣б̣зхзд̇зхи бан̃жахи.
Tato naṃ dukkhamanveti, sabbehetehi pañcahi.
736.
736.
‘‘буб̣б̣алохид̇асамбун̣н̣ам̣, б̣ахусса гун̣абасса жа;
‘‘Pubbalohitasampuṇṇaṃ, bahussa kuṇapassa ca;
наравийрагад̇ам̣ ваг̇г̇ум̣, самуг̇г̇амива жид̇д̇ид̇ам̣.
Naravīrakataṃ vagguṃ, samuggamiva cittitaṃ.
737.
737.
‘‘гадугам̣ мад̇хурассаад̣̇ам̣, бияаниб̣анд̇ханам̣ д̣̇укам̣;
‘‘Kaṭukaṃ madhurassādaṃ, piyanibandhanaṃ dukhaṃ;
курам̣ва мад̇хунаа лид̇д̇ам̣, уллихам̣ нааваб̣уж̇жхад̇и.
Khuraṃva madhunā littaṃ, ullihaṃ nāvabujjhati.
738.
738.
‘‘ид̇т̇ируубз ид̇т̇исарз, подтаб̣б̣зби жа ид̇т̇ияаа;
‘‘Itthirūpe itthisare, phoṭṭhabbepi ca itthiyā;
ид̇т̇иг̇анд̇хзсу саарад̇д̇о, вивид̇хам̣ винд̣̇ад̇з д̣̇укам̣.
Itthigandhesu sāratto, vividhaṃ vindate dukhaṃ.
739.
739.
‘‘ид̇т̇исод̇аани саб̣б̣аани, санд̣̇анд̇и бан̃жа бан̃жасу;
‘‘Itthisotāni sabbāni, sandanti pañca pañcasu;
д̇зсамааваран̣ам̣ гаад̇ум̣, яо саггод̇и вийрияаваа.
Tesamāvaraṇaṃ kātuṃ, yo sakkoti vīriyavā.
740.
740.
‘‘со ад̇т̇аваа со д̇хаммадто, со д̣̇агко со вижагкан̣о;
‘‘So atthavā so dhammaṭṭho, so dakkho so vicakkhaṇo;
гарзяяа рамамааноби, гижжам̣ д̇хаммад̇т̇асам̣хид̇ам̣.
Kareyya ramamānopi, kiccaṃ dhammatthasaṃhitaṃ.
741.
741.
‘‘ат̇о сийд̣̇ад̇и сан̃н̃уд̇д̇ам̣, важ̇ж̇з гижжам̣ нирад̇т̇агам̣;
‘‘Atho sīdati saññuttaṃ, vajje kiccaṃ niratthakaṃ;
на д̇ам̣ гижжанд̇и ман̃н̃ид̇ваа, аббамад̇д̇о вижагкан̣о.
Na taṃ kiccanti maññitvā, appamatto vicakkhaṇo.
742.
742.
‘‘яан̃жа ад̇т̇зна сан̃н̃уд̇д̇ам̣, яаа жа д̇хаммаг̇ад̇аа рад̇и;
‘‘Yañca atthena saññuttaṃ, yā ca dhammagatā rati;
д̇ам̣ самаад̣̇ааяа вад̇д̇зт̇а, саа хи вз уд̇д̇амаа рад̇и.
Taṃ samādāya vattetha, sā hi ve uttamā rati.
743.
743.
‘‘ужжааважзхубааязхи, барзсамабхиж̇иг̇ийсад̇и;
‘‘Uccāvacehupāyehi, paresamabhijigīsati;
ханд̇ваа вад̇хид̇ваа ат̇а сожаяид̇ваа, аалобад̇и саахасаа яо барзсам̣.
Hantvā vadhitvā atha socayitvā, ālopati sāhasā yo paresaṃ.
744.
744.
‘‘д̇ажчанд̇о аан̣ияаа аан̣им̣, ниханд̇и б̣алаваа яат̇аа;
‘‘Tacchanto āṇiyā āṇiṃ, nihanti balavā yathā;
инд̣̇рияаанинд̣̇риязхзва, ниханд̇и гусало д̇ат̇аа.
Indriyānindriyeheva, nihanti kusalo tathā.
745.
745.
‘‘сад̣̇д̇хам̣ вийрияам̣ самаад̇хин̃жа, сад̇ибан̃н̃ан̃жа бхааваяам̣;
‘‘Saddhaṃ vīriyaṃ samādhiñca, satipaññañca bhāvayaṃ;
бан̃жа бан̃жахи ханд̇ваана, анийгхо яаад̇и б̣раахман̣о.
Pañca pañcahi hantvāna, anīgho yāti brāhmaṇo.
746.
746.
‘‘со ад̇т̇аваа со д̇хаммадто, гад̇ваа ваагяаанусаасаним̣;
‘‘So atthavā so dhammaṭṭho, katvā vākyānusāsaniṃ;
саб̣б̣зна саб̣б̣ам̣ б̣уд̣̇д̇хасса, со наро сукамзд̇хад̇ий’’д̇и. – имаа г̇аат̇аа абхааси;
Sabbena sabbaṃ buddhassa, so naro sukhamedhatī’’ti. – imā gāthā abhāsi;
д̇ад̇т̇а саман̣ассаад̇и баб̣б̣аж̇ид̇асса. ахууд̇и ахоси. жинд̇аад̇и д̇хаммажинд̇аа д̇хаммавижааран̣аа. баараабарияассаад̇и баараабараг̇од̇д̇асса. ‘‘баараажарияассаа’’д̇иби батанд̇и. бхигкунод̇и сам̣саарз бхаяам̣ игканасийласса. згагассаад̇и асахааяасса, зд̇зна гааяавивзгам̣ д̣̇ассзд̇и. бавивид̇д̇ассаад̇и бавивзгахзд̇унаа гилзсаанам̣ вигкамбханзна вивзгам̣ аарад̣̇д̇хасса, зд̇зна жид̇д̇авивзгам̣ д̣̇ассзд̇и. д̇знааха ‘‘жхааяино’’д̇и. жхааяинод̇и жхааяанасийласса, яонисоманасигаарзсу яуд̇д̇ассаад̇и ад̇т̇о. саб̣б̣амзд̇ам̣ т̇зро ад̇д̇аанам̣ барам̣ вияа гад̇ваа вад̣̇ад̇и.
Tattha samaṇassāti pabbajitassa. Ahūti ahosi. Cintāti dhammacintā dhammavicāraṇā. Pārāpariyassāti pārāparagottassa. ‘‘Pārācariyassā’’tipi paṭhanti. Bhikkhunoti saṃsāre bhayaṃ ikkhanasīlassa. Ekakassāti asahāyassa, etena kāyavivekaṃ dasseti. Pavivittassāti pavivekahetunā kilesānaṃ vikkhambhanena vivekaṃ āraddhassa, etena cittavivekaṃ dasseti. Tenāha ‘‘jhāyino’’ti. Jhāyinoti jhāyanasīlassa, yonisomanasikāresu yuttassāti attho. Sabbametaṃ thero attānaṃ paraṃ viya katvā vadati.
‘‘гимаанубуб̣б̣а’’нд̇иаад̣̇инаа д̇ам̣ жинд̇анам̣ д̣̇ассзд̇и. д̇ад̇т̇а батамаг̇аат̇ааяам̣ д̇аава гимаанубуб̣б̣анд̇и анубуб̣б̣ам̣ ануггамо, анубуб̣б̣амзва вагкамаанзсу вад̇асамаажаарзсу го ануггамо, гзна ануггамзна д̇з бадибаж̇ж̇ид̇аб̣б̣аад̇и ад̇т̇о. бурисо гим̣ вад̇ам̣ гим̣ самаажааранд̇и ад̇т̇агаамо бурисо самаад̣̇ияид̇аб̣б̣адтзна ‘‘вад̇а’’нд̇и лад̣̇д̇ханаамам̣, гийд̣̇исам̣ сийлам̣ самаажаарам̣, самаажаранд̇о, ад̇д̇ано гижжагаарий гад̇д̇аб̣б̣агаарий асса, ган̃жи сад̇д̇ам̣ на жа вихзтаяз, на б̣аад̇хзяяаад̇и ад̇т̇о. ад̇д̇ано гижжам̣ наама саман̣ад̇хаммо, сан̇кзбад̇о сийласамаад̇хибан̃н̃аа, д̇ам̣ самбаад̣̇знд̇асса баравихзтанааяа лзсоби над̇т̇и д̇ааяа сад̇и саман̣абхаавассзва абхаавад̇о.
‘‘Kimānupubba’’ntiādinā taṃ cintanaṃ dasseti. Tattha paṭhamagāthāyaṃ tāva kimānupubbanti anupubbaṃ anukkamo, anupubbameva vakkhamānesu vatasamācāresu ko anukkamo, kena anukkamena te paṭipajjitabbāti attho. Puriso kiṃ vataṃ kiṃ samācāranti atthakāmo puriso samādiyitabbaṭṭhena ‘‘vata’’nti laddhanāmaṃ, kīdisaṃ sīlaṃ samācāraṃ, samācaranto, attano kiccakārī kattabbakārī assa, kañci sattaṃ na ca viheṭhaye, na bādheyyāti attho. Attano kiccaṃ nāma samaṇadhammo, saṅkhepato sīlasamādhipaññā, taṃ sampādentassa paraviheṭhanāya lesopi natthi tāya sati samaṇabhāvasseva abhāvato.
яат̇ааха бхаг̇аваа – ‘‘на хи баб̣б̣аж̇ид̇о баруубагхаад̇ий, на саман̣о ход̇и барам̣ вихзтаяанд̇о’’д̇и (д̇ха. ба. 184). зд̇т̇а жа вад̇аг̇г̇ахан̣зна ваарид̇д̇асийлам̣ г̇ахид̇ам̣, самаажаараг̇г̇ахан̣зна самаажарид̇аб̣б̣ад̇о жаарид̇д̇асийлзна сад̣̇д̇хим̣ жхаанавибассанаад̣̇и, д̇асмаа ваарид̇д̇асийлам̣ бад̇хаанам̣. д̇ад̇т̇ааби жа яасмаа инд̣̇рияасам̣варз сид̣̇д̇хз саб̣б̣ам̣ сийлам̣ сурагкид̇ам̣, суг̇обид̇амзва ход̇и, д̇асмаа инд̣̇рияасам̣варасийлам̣ д̇аава д̣̇ассзд̇угаамо инд̣̇рияаанам̣ арагкан̣з рагкан̣з жа аад̣̇ийнаваанисам̣сз вибхаавзнд̇о ‘‘инд̣̇рияаани мануссаана’’нд̇иаад̣̇имааха. д̇ад̇т̇а инд̣̇рияаанийд̇и рагкид̇аб̣б̣ад̇хамманид̣̇ассанам̣, д̇асмаа жагкаад̣̇ийни ча инд̣̇рияаанийд̇и вуд̇д̇ам̣ ход̇и. мануссаананд̇и рагкан̣аяог̇яабуг̇г̇аланид̣̇ассанам̣. хид̇ааяаад̇и ад̇т̇ааяа. ахид̇ааяаад̇и анад̇т̇ааяа. хонд̇ийд̇и важанасзсо. гат̇ам̣ бана д̇ааниязва хид̇ааяа жа ахид̇ааяа хонд̇ийд̇и ааха ‘‘рагкид̇ааний’’д̇иаад̣̇и. д̇ассад̇т̇о – яасса жагкаад̣̇ийни инд̣̇рияаани сад̇игаваадзна абихид̇аани, д̇асса руубаад̣̇ийсу абхиж̇жхаад̣̇ибаабад̇хаммабавад̇д̇ияаа д̣̇ваарабхаавад̇о анад̇т̇ааяа бихид̇аани, д̇ад̣̇абхаавад̇о ад̇т̇ааяа сам̣вад̇д̇анд̇ийд̇и.
Yathāha bhagavā – ‘‘na hi pabbajito parūpaghātī, na samaṇo hoti paraṃ viheṭhayanto’’ti (dha. pa. 184). Ettha ca vataggahaṇena vārittasīlaṃ gahitaṃ, samācāraggahaṇena samācaritabbato cārittasīlena saddhiṃ jhānavipassanādi, tasmā vārittasīlaṃ padhānaṃ. Tatthāpi ca yasmā indriyasaṃvare siddhe sabbaṃ sīlaṃ surakkhitaṃ, sugopitameva hoti, tasmā indriyasaṃvarasīlaṃ tāva dassetukāmo indriyānaṃ arakkhaṇe rakkhaṇe ca ādīnavānisaṃse vibhāvento ‘‘indriyāni manussāna’’ntiādimāha. Tattha indriyānīti rakkhitabbadhammanidassanaṃ, tasmā cakkhādīni cha indriyānīti vuttaṃ hoti. Manussānanti rakkhaṇayogyapuggalanidassanaṃ. Hitāyāti atthāya. Ahitāyāti anatthāya. Hontīti vacanaseso. Kathaṃ pana tāniyeva hitāya ca ahitāya hontīti āha ‘‘rakkhitānī’’tiādi. Tassattho – yassa cakkhādīni indriyāni satikavāṭena apihitāni, tassa rūpādīsu abhijjhādipāpadhammapavattiyā dvārabhāvato anatthāya pihitāni, tadabhāvato atthāya saṃvattantīti.
инд̣̇рияаанзва саарагканд̇и яасмаа инд̣̇рияасам̣варо барибун̣н̣о сийласамбад̣̇ам̣ барибуурзд̇и, сийласамбад̣̇аа барибун̣н̣аа самаад̇хисамбад̣̇ам̣ барибуурзд̇и, самаад̇хисамбад̣̇аа барибун̣н̣аа бан̃н̃аасамбад̣̇ам̣ барибуурзд̇и, д̇асмаа инд̣̇рияаарагкаа ад̇д̇ахид̇абадибад̇д̇ияаава мууланд̇и д̣̇ассзнд̇о ааха ‘‘инд̣̇рияаанзва саарагка’’нд̇и. сад̇ибуб̣б̣ан̇г̇амзна аарагкзна сам̣рагканд̇о яонисоманасигаарзна инд̣̇рияаани зва д̇аава саммад̣̇зва рагканд̇о, яат̇аа агусалажораа д̇зхи д̇зхи д̣̇ваарзхи бависид̇ваа жид̇д̇асанд̇аанз гусалам̣ бхан̣д̣ам̣ на вилумбанд̇и, д̇ат̇аа д̇аани бид̣̇аханд̇од̇и ад̇т̇о. саарагканд̇и жа сам̣-сад̣̇д̣̇асса саабхаавам̣ гад̇ваа вуд̇д̇ам̣, ‘‘саарааг̇о’’д̇иаад̣̇ийсу вияа. ‘‘сам̣рагка’’нд̇и жа баато. инд̣̇рияаани жа г̇обаяанд̇и д̇ассзва барияааяаважанам̣, барияааяаважанз баяож̇анам̣ нзд̇д̇иадтагат̇ааяам̣ вуд̇д̇анаязнзва взд̣̇ид̇аб̣б̣ам̣. ‘‘ад̇д̇ано гижжагаарийссаа’’д̇и иминаа ад̇д̇ахид̇абадибад̇д̇им̣ д̣̇ассзд̇и, ‘‘на жа ган̃жи вихзтаяз’’д̇и иминаа барахид̇абадибад̇д̇им̣, убхаязнааби ваа ад̇д̇ахид̇абадибад̇д̇имзва д̣̇ассзд̇и бараавихзтанассааби ад̇д̇ахид̇абадибад̇д̇ибхаавад̇о. ат̇а ваа бад̣̇ад̣̇ваязнаби ад̇д̇ахид̇абадибад̇д̇им̣ д̣̇ассзд̇и бут̇уж̇ж̇анасса сзгкасса жа барахид̇абадибад̇д̇ияааби ад̇д̇ахид̇абадибад̇д̇ибхаавад̇о.
Indriyānevasārakkhanti yasmā indriyasaṃvaro paripuṇṇo sīlasampadaṃ paripūreti, sīlasampadā paripuṇṇā samādhisampadaṃ paripūreti, samādhisampadā paripuṇṇā paññāsampadaṃ paripūreti, tasmā indriyārakkhā attahitapaṭipattiyāva mūlanti dassento āha ‘‘indriyāneva sārakkha’’nti. Satipubbaṅgamena ārakkhena saṃrakkhanto yonisomanasikārena indriyāni eva tāva sammadeva rakkhanto, yathā akusalacorā tehi tehi dvārehi pavisitvā cittasantāne kusalaṃ bhaṇḍaṃ na vilumpanti, tathā tāni pidahantoti attho. Sārakkhanti ca saṃ-saddassa sābhāvaṃ katvā vuttaṃ, ‘‘sārāgo’’tiādīsu viya. ‘‘Saṃrakkha’’nti ca pāṭho. Indriyāni ca gopayanti tasseva pariyāyavacanaṃ, pariyāyavacane payojanaṃ nettiaṭṭhakathāyaṃ vuttanayeneva veditabbaṃ. ‘‘Attano kiccakārīssā’’ti iminā attahitapaṭipattiṃ dasseti, ‘‘na ca kañci viheṭhaye’’ti iminā parahitapaṭipattiṃ, ubhayenāpi vā attahitapaṭipattimeva dasseti parāviheṭhanassāpi attahitapaṭipattibhāvato. Atha vā padadvayenapi attahitapaṭipattiṃ dasseti puthujjanassa sekkhassa ca parahitapaṭipattiyāpi attahitapaṭipattibhāvato.
звам̣ рагкид̇аани инд̣̇рияаани хид̇ааяа хонд̇ийд̇и вод̣̇аанабагкам̣ сан̇кзбзнзва д̣̇ассзд̇ваа, арагкид̇аани ахид̇ааяа хонд̇ийд̇и сам̣гилзсабагкам̣ бана вибхаж̇ид̇ваа д̣̇ассзнд̇о ‘‘жагкунд̣̇рияам̣ жз’’д̇иаад̣̇имааха. д̇ад̇т̇а жагкунд̣̇рияам̣ жз руубзсу, г̇ажчанд̇ам̣ аниваараяам̣. анаад̣̇ийнавад̣̇ассаавийд̇и яо нийлабийд̇аад̣̇ибхзд̣̇зсу идтаанидтзсу руубааяад̇анзсу г̇ажчанд̇ам̣ яат̇ааружи бавад̇д̇анд̇ам̣ жагкунд̣̇рияам̣ аниваараяам̣, аниваараяанд̇о аббадиб̣ааханд̇о д̇ат̇аабавад̇д̇ияам̣ аад̣̇ийнавад̣̇ассаавий на ход̇и жз, д̣̇идтад̇хаммигам̣ самбарааяиган̃жа аад̣̇ийнавам̣ д̣̇осам̣ на бассад̇и жз . ‘‘г̇ажчанд̇ам̣ ниваараяз аниссаран̣ад̣̇ассаавий’’д̇и жа баато. д̇ад̇т̇а яо ‘‘д̣̇идтз д̣̇идтамад̇д̇ам̣ бхависсад̇ий’’д̇и (сам̣. ни. 4.95) вуд̇д̇авид̇хинаа д̣̇идтамад̇д̇зязва тад̇ваа сад̇исамбаж̇ан̃н̃авасзна руубааяад̇анз бавад̇д̇амаано д̇ад̇т̇а ниссаран̣ад̣̇ассаавий наама. вуд̇д̇авибарияааязна аниссаран̣ад̣̇ассаавий д̣̇адтаб̣б̣о. со д̣̇угкаа на хи мужжад̇ийд̇и со зваруубо буг̇г̇ало ваддад̣̇угкад̇о на мужжад̇зва. зд̇т̇а жа жагкунд̣̇рияасса анивааран̣ам̣ наама яат̇аа д̇зна д̣̇ваарзна абхиж̇жхаад̣̇аяо баабад̇хаммаа анваассавзяяум̣, д̇ат̇аа бавад̇д̇анам̣, д̇ам̣ бана ад̇т̇ад̇о сад̇исамбаж̇ан̃н̃асса анудтаабанам̣ д̣̇адтаб̣б̣ам̣. сзсинд̣̇риязсуби зсзва наяо. ад̇химужчид̇од̇и ад̇химуд̇д̇ад̇ан̣хааяа мужчам̣ аабанно. амб̣иланд̇и амб̣иларасам̣. мад̇хураг̇г̇анд̇и мад̇хурарасагодтаасам̣. д̇ат̇аа д̇ид̇д̇агаг̇г̇ам̣. ануссаранд̇и ассаад̣̇авасзна д̇ам̣ д̇ам̣ расам̣ анувижинд̇знд̇о. г̇ант̇ид̇од̇и расад̇ан̣хааяа д̇асмим̣ д̇асмим̣ расз г̇ант̇ид̇о б̣анд̇хо. ‘‘г̇ад̇хид̇о’’д̇и жа батанд̇и, г̇зд̇хам̣ аабаннод̇и ад̇т̇о. хад̣̇аяам̣ нааваб̣уж̇жхад̇ийд̇и ‘‘д̣̇угкассанд̇ам̣ гариссаамий’’д̇и баб̣б̣аж̇ж̇аад̣̇игкан̣з уббаннам̣ жид̇д̇ам̣ на ж̇аанаад̇и на саллагкзд̇и , саасанасса хад̣̇аяам̣ аб̣бханд̇арам̣ анаваж̇ж̇ад̇хаммаанам̣ саммад̣̇д̣̇анарасад̇ан̣хааяа г̇ад̇хид̇о нааваб̣уж̇жхад̇и на ж̇аанаад̇и, на бадибаж̇ж̇ад̇ийд̇и ад̇т̇о.
Evaṃ rakkhitāni indriyāni hitāya hontīti vodānapakkhaṃ saṅkhepeneva dassetvā, arakkhitāni ahitāya hontīti saṃkilesapakkhaṃ pana vibhajitvā dassento ‘‘cakkhundriyaṃ ce’’tiādimāha. Tattha cakkhundriyaṃ ce rūpesu, gacchantaṃ anivārayaṃ. Anādīnavadassāvīti yo nīlapītādibhedesu iṭṭhāniṭṭhesu rūpāyatanesu gacchantaṃ yathāruci pavattantaṃ cakkhundriyaṃ anivārayaṃ, anivārayanto appaṭibāhanto tathāpavattiyaṃ ādīnavadassāvī na hoti ce, diṭṭhadhammikaṃ samparāyikañca ādīnavaṃ dosaṃ na passati ce . ‘‘Gacchantaṃ nivāraye anissaraṇadassāvī’’ti ca pāṭho. Tattha yo ‘‘diṭṭhe diṭṭhamattaṃ bhavissatī’’ti (saṃ. ni. 4.95) vuttavidhinā diṭṭhamatteyeva ṭhatvā satisampajaññavasena rūpāyatane pavattamāno tattha nissaraṇadassāvī nāma. Vuttavipariyāyena anissaraṇadassāvī daṭṭhabbo. So dukkhā na hi muccatīti so evarūpo puggalo vaṭṭadukkhato na muccateva. Ettha ca cakkhundriyassa anivāraṇaṃ nāma yathā tena dvārena abhijjhādayo pāpadhammā anvāssaveyyuṃ, tathā pavattanaṃ, taṃ pana atthato satisampajaññassa anuṭṭhāpanaṃ daṭṭhabbaṃ. Sesindriyesupi eseva nayo. Adhimucchitoti adhimuttataṇhāya mucchaṃ āpanno. Ambilanti ambilarasaṃ. Madhuragganti madhurarasakoṭṭhāsaṃ. Tathā tittakaggaṃ. Anussaranti assādavasena taṃ taṃ rasaṃ anuvicintento. Ganthitoti rasataṇhāya tasmiṃ tasmiṃ rase ganthito bandho. ‘‘Gadhito’’ti ca paṭhanti, gedhaṃ āpannoti attho. Hadayaṃ nāvabujjhatīti ‘‘dukkhassantaṃ karissāmī’’ti pabbajjādikkhaṇe uppannaṃ cittaṃ na jānāti na sallakkheti , sāsanassa hadayaṃ abbhantaraṃ anavajjadhammānaṃ sammaddanarasataṇhāya gadhito nāvabujjhati na jānāti, na paṭipajjatīti attho.
субхаанийд̇и сунд̣̇араани. аббадигуулаанийд̇и манорамаани, идтаани. подтаб̣б̣аанийд̇и убаад̣̇ин̣н̣аанубаад̣̇ин̣н̣аббабхзд̣̇з пассз. рад̇д̇од̇и раж̇ж̇анасабхаавзна рааг̇зна рад̇д̇о. рааг̇аад̇хигаран̣анд̇и рааг̇ахзд̇у. вивид̇хам̣ винд̣̇ад̇з д̣̇уканд̇и рааг̇абарил̣аахаад̣̇ивасзна д̣̇идтад̇хаммиган̃жа нираяасанд̇аабаад̣̇ивасзна абхисамбарааяан̃жа наанаббагаарам̣ д̣̇угкам̣ бадилабхад̇и.
Subhānīti sundarāni. Appaṭikūlānīti manoramāni, iṭṭhāni. Phoṭṭhabbānīti upādiṇṇānupādiṇṇappabhede phasse. Rattoti rajjanasabhāvena rāgena ratto. Rāgādhikaraṇanti rāgahetu. Vividhaṃ vindate dukhanti rāgapariḷāhādivasena diṭṭhadhammikañca nirayasantāpādivasena abhisamparāyañca nānappakāraṃ dukkhaṃ paṭilabhati.
манам̣ жзд̇зхийд̇и манан̃жа зд̇зхи руубаарамман̣аад̣̇ийхи д̇хаммаарамман̣аббабхзд̣̇зхи жа. нанд̇и буг̇г̇алам̣. саб̣б̣зхийд̇и саб̣б̣зхи бан̃жахиби. ид̣̇ам̣ вуд̇д̇ам̣ ход̇и – яо буг̇г̇ало манам̣, манод̣̇ваарам̣, зд̇зхи яат̇аавуд̇д̇зхи руубаад̣̇ийхи бан̃жахи д̇хаммзхи д̇хаммаарамман̣аббабхзд̣̇ад̇о жа. д̇ад̇т̇а бавад̇д̇анагабаабагамманивааран̣зна рагкид̇ум̣, г̇обид̇ум̣ на саггод̇и, д̇ад̇о д̇асса арагкан̣ад̇о нам̣ буг̇г̇алам̣ д̇ам̣нимид̇д̇ам̣ д̣̇угкам̣ анвзд̇и, ануг̇ажчад̇и, ануг̇ажчанд̇ан̃жа зд̇зхи бан̃жахиби руубаарамман̣аад̣̇ийхи чадтаарамман̣зна сад̣̇д̇хим̣ саб̣б̣зхиби аарамман̣аббажжаяабхууд̇зхи ануг̇ажчад̇ийд̇и. зд̇т̇а жагкунд̣̇рияам̣, сод̇инд̣̇рияан̃жа асамбад̇д̇аг̇г̇аахибхаавад̇о ‘‘г̇ажчанд̇ам̣ аниваараяа’’нд̇и вуд̇д̇ам̣ ид̇арам̣ самбад̇д̇аг̇г̇аахийд̇и ‘‘г̇анд̇хз жз бадисзвад̇ий’’д̇иаад̣̇инаа вуд̇д̇ам̣. д̇ад̇т̇ааби жа расад̇ан̣хаа жа подтаб̣б̣ад̇ан̣хаа жа сад̇д̇аанам̣ висзсад̇о б̣алавад̇ийд̇и ‘‘расад̇ан̣хааяа г̇ад̇хид̇о, подтаб̣б̣аани ануссаранд̇од̇и’’ вуд̇д̇анд̇и д̣̇адтаб̣б̣ам̣.
Manaṃ cetehīti manañca etehi rūpārammaṇādīhi dhammārammaṇappabhedehi ca. Nanti puggalaṃ. Sabbehīti sabbehi pañcahipi. Idaṃ vuttaṃ hoti – yo puggalo manaṃ, manodvāraṃ, etehi yathāvuttehi rūpādīhi pañcahi dhammehi dhammārammaṇappabhedato ca. Tattha pavattanakapāpakammanivāraṇena rakkhituṃ, gopituṃ na sakkoti, tato tassa arakkhaṇato naṃ puggalaṃ taṃnimittaṃ dukkhaṃ anveti, anugacchati, anugacchantañca etehi pañcahipi rūpārammaṇādīhi chaṭṭhārammaṇena saddhiṃ sabbehipi ārammaṇappaccayabhūtehi anugacchatīti. Ettha cakkhundriyaṃ, sotindriyañca asampattaggāhibhāvato ‘‘gacchantaṃ anivāraya’’nti vuttaṃ itaraṃ sampattaggāhīti ‘‘gandhe ce paṭisevatī’’tiādinā vuttaṃ. Tatthāpi ca rasataṇhā ca phoṭṭhabbataṇhā ca sattānaṃ visesato balavatīti ‘‘rasataṇhāya gadhito, phoṭṭhabbāni anussarantoti’’ vuttanti daṭṭhabbaṃ.
звам̣ аг̇уд̇д̇ад̣̇ваарасса буг̇г̇аласса чахи д̣̇ваарзхи часуби аарамман̣зсу асам̣варанимид̇д̇ам̣ уббаж̇ж̇анагад̣̇угкам̣ д̣̇ассзд̇ваа свааяамасам̣варо яасмаа сарийрасабхааваанаваб̣од̇хзна ход̇и, д̇асмаа сарийрасабхаавам̣ вижинанд̇о ‘‘буб̣б̣алохид̇асамбун̣н̣а’’нд̇иаад̣̇инаа г̇аат̇аад̣̇ваяамааха. д̇ассад̇т̇о – сарийрам̣ наамзд̇ам̣ буб̣б̣зна лохид̇зна жа самбун̣н̣ам̣ бхарид̇ам̣ ан̃н̃зна жа бид̇д̇асзмхаад̣̇инаа б̣ахунаа гун̣абзна, д̇аяид̣̇ам̣ наравийрзна нарзсу чзгзна сиббаажариязна гад̇ам̣ ваг̇г̇у мадтам̣ лаакаабаригаммаад̣̇инаа жид̇д̇ид̇ам̣, анд̇о бана г̇уут̇аад̣̇иасужибхарид̇ам̣ самуг̇г̇ам̣ вияа чавимад̇д̇аманохарам̣ б̣аалаж̇анасаммохам̣ д̣̇угкасабхаавад̇ааяа нираяаад̣̇ид̣̇угкад̇аабанад̇о жа гадугам̣, баригаббасамбхавзна амуулагзна ассаад̣̇амад̇д̇зна мад̇хурад̇ааяа мад̇хурассаад̣̇ам̣, д̇ад̇о зва бияабхааваниб̣анд̇ханзна бияаниб̣анд̇ханам̣, д̣̇уссахад̇ааяа аббад̇ийд̇ад̇ааяа жа д̣̇укам̣, ийд̣̇исз сарийрз ассаад̣̇алобхзна махаад̣̇угкам̣ бажжанубхуяяамаанам̣ анаваб̣уж̇жханд̇о лого мад̇хураг̇ид̣̇д̇хо курад̇хаараалзхагабурисо вияа д̣̇адтаб̣б̣од̇и.
Evaṃ aguttadvārassa puggalassa chahi dvārehi chasupi ārammaṇesu asaṃvaranimittaṃ uppajjanakadukkhaṃ dassetvā svāyamasaṃvaro yasmā sarīrasabhāvānavabodhena hoti, tasmā sarīrasabhāvaṃ vicinanto ‘‘pubbalohitasampuṇṇa’’ntiādinā gāthādvayamāha. Tassattho – sarīraṃ nāmetaṃ pubbena lohitena ca sampuṇṇaṃ bharitaṃ aññena ca pittasemhādinā bahunā kuṇapena, tayidaṃ naravīrena naresu chekena sippācariyena kataṃ vaggu maṭṭhaṃ lākhāparikammādinā cittitaṃ, anto pana gūthādiasucibharitaṃ samuggaṃ viya chavimattamanoharaṃ bālajanasammohaṃ dukkhasabhāvatāya nirayādidukkhatāpanato ca kaṭukaṃ, parikappasambhavena amūlakena assādamattena madhuratāya madhurassādaṃ, tato eva piyabhāvanibandhanena piyanibandhanaṃ, dussahatāya appatītatāya ca dukhaṃ, īdise sarīre assādalobhena mahādukkhaṃ paccanubhuyyamānaṃ anavabujjhanto loko madhuragiddho khuradhārālehakapuriso viya daṭṭhabboti.
ид̣̇аани зд̇з жагкаад̣̇ийнам̣ г̇ожарабхууд̇аа руубаад̣̇аяо вуд̇д̇аа, д̇з висзсад̇о бурисасса ид̇т̇ибадиб̣ад̣̇д̇хаа гаманийяаад̇и д̇ад̇т̇а сам̣варо гаад̇аб̣б̣од̇и д̣̇ассзнд̇о ‘‘ид̇т̇ируубз’’д̇иаад̣̇имааха. д̇ад̇т̇а ид̇т̇ируубзд̇и ид̇т̇ияаа жад̇усамудтаанигаруубааяад̇анасан̇каад̇з ван̣н̣з. аби жа яо гожи ид̇т̇ияаа нивад̇т̇асса алан̇гаарасса ваа г̇анд̇хаван̣н̣агаад̣̇ийнам̣ ваа бил̣анд̇ханамаалаанам̣ ваа гааяабадиб̣ад̣̇д̇хо ван̣н̣о бурисасса жагкувин̃н̃аан̣асса аарамман̣абхаавааяа убагаббад̇и, саб̣б̣амзд̇ам̣ ‘‘ид̇т̇ирууба’’нд̇взва взд̣̇ид̇аб̣б̣ам̣. ид̇т̇исарзд̇и ид̇т̇ияаа г̇ийд̇алабид̇ахасид̇аруд̣̇ид̇асад̣̇д̣̇з. аби жа ид̇т̇ияаа нивад̇т̇авад̇т̇ассаби алан̇гад̇аалан̇гаарассаби ид̇т̇ибаяог̇анибпаад̣̇ид̇аа взн̣увийн̣аасан̇кабан̣аваад̣̇ийнамби сад̣̇д̣̇аа ид̇ха ид̇т̇исараг̇г̇ахан̣зна г̇ахид̇аад̇и взд̣̇ид̇аб̣б̣аа. саб̣б̣обзсо бурисасса жид̇д̇ам̣ аагад̣дхад̇ийд̇и. ‘‘ид̇т̇ирасз’’д̇и бана баал̣ияаа жад̇усамудтаанигарасааяад̇анавасзна вуд̇д̇ам̣. ид̇т̇ияаа гим̣гаарабадиссаавид̇аад̣̇ивасзна ассаварасо жзва барибхог̇арасо жа ид̇т̇ирасод̇и згз. яо бана ид̇т̇ияаа одтамам̣сасаммагкид̇акзл̣аад̣̇ирасо, яо жа д̇ааяа бурисасса д̣̇иннаяааг̇убхад̇д̇аад̣̇ийнам̣ расо, саб̣б̣обзсо ‘‘ид̇т̇ирасо’’д̇взва взд̣̇ид̇аб̣б̣о. подтаб̣б̣зби жа ид̇т̇ияаа гааяасампассо, ид̇т̇исарийрааруул̣хаанам̣ вад̇т̇аалан̇гаарамаалаад̣̇ийнам̣ пассо ‘‘ид̇т̇иподтаб̣б̣о’’д̇взва взд̣̇ид̇аб̣б̣о. зд̇т̇а жа язсам̣ ид̇т̇ируубз ид̇т̇исарзд̇и баал̣и, д̇зсам̣ аби-сад̣̇д̣̇зна ид̇т̇ирасасан̇г̇ахо д̣̇адтаб̣б̣о. ид̇т̇иг̇анд̇хзсууд̇и ид̇т̇ияаа жад̇усамудтаанигаг̇анд̇хааяад̇анзсу. ид̇т̇ияаа сарийраг̇анд̇хо наама д̣̇уг̇г̇анд̇хо. згажжаа хи ид̇т̇ий ассаг̇анд̇хиний ход̇и, згажжаа мзн̣д̣аг̇анд̇хиний, згажжаа сзд̣̇аг̇анд̇хиний, згажжаа сон̣ид̇аг̇анд̇хиний, д̇ат̇ааби д̇аасу анд̇хаб̣аало раж̇ж̇ад̇зва. жаггавад̇д̇ино бана ид̇т̇ирад̇анасса гааяад̇о жанд̣̇анаг̇анд̇хо вааяад̇и, мукад̇о уббалаг̇анд̇хо, аяам̣ на саб̣б̣аасам̣ ход̇ийд̇и, ид̇т̇ияаа сарийрз ааруул̣хо ааг̇анд̇уго анулимбанаад̣̇иг̇анд̇хо ‘‘ид̇т̇иг̇анд̇хо’’д̇и взд̣̇ид̇аб̣б̣о. саарад̇д̇од̇и судту рад̇д̇о г̇ад̇хид̇о мужчид̇о, ид̣̇ам̣ бана бад̣̇ам̣ ‘‘ид̇т̇ируубз’’д̇иаад̣̇ийсуби яож̇зд̇аб̣б̣ам̣. вивид̇хам̣ винд̣̇ад̇з д̣̇уканд̇и ид̇т̇ируубаад̣̇ийсу сарааг̇анимид̇д̇ам̣ д̣̇идтад̇хаммигам̣ вад̇хаб̣анд̇ханаад̣̇ивасзна самбарааяигам̣ бан̃жавид̇хаб̣анд̇ханаад̣̇ивасзна наанаббагаарам̣ д̣̇угкам̣ бадилабхад̇и.
Idāni ete cakkhādīnaṃ gocarabhūtā rūpādayo vuttā, te visesato purisassa itthipaṭibaddhā kamanīyāti tattha saṃvaro kātabboti dassento ‘‘itthirūpe’’tiādimāha. Tattha itthirūpeti itthiyā catusamuṭṭhānikarūpāyatanasaṅkhāte vaṇṇe. Api ca yo koci itthiyā nivatthassa alaṅkārassa vā gandhavaṇṇakādīnaṃ vā piḷandhanamālānaṃ vā kāyapaṭibaddho vaṇṇo purisassa cakkhuviññāṇassa ārammaṇabhāvāya upakappati, sabbametaṃ ‘‘itthirūpa’’ntveva veditabbaṃ. Itthisareti itthiyā gītalapitahasitaruditasadde. Api ca itthiyā nivatthavatthassapi alaṅkataalaṅkārassapi itthipayoganipphāditā veṇuvīṇāsaṅkhapaṇavādīnampi saddā idha itthisaraggahaṇena gahitāti veditabbā. Sabbopeso purisassa cittaṃ ākaḍḍhatīti. ‘‘Itthirase’’ti pana pāḷiyā catusamuṭṭhānikarasāyatanavasena vuttaṃ. Itthiyā kiṃkārapaṭissāvitādivasena assavaraso ceva paribhogaraso ca itthirasoti eke. Yo pana itthiyā oṭṭhamaṃsasammakkhitakheḷādiraso, yo ca tāya purisassa dinnayāgubhattādīnaṃ raso, sabbopeso ‘‘itthiraso’’tveva veditabbo. Phoṭṭhabbepi ca itthiyā kāyasamphasso, itthisarīrārūḷhānaṃ vatthālaṅkāramālādīnaṃ phasso ‘‘itthiphoṭṭhabbo’’tveva veditabbo. Ettha ca yesaṃ itthirūpe itthisareti pāḷi, tesaṃ api-saddena itthirasasaṅgaho daṭṭhabbo. Itthigandhesūti itthiyā catusamuṭṭhānikagandhāyatanesu. Itthiyā sarīragandho nāma duggandho. Ekaccā hi itthī assagandhinī hoti, ekaccā meṇḍagandhinī, ekaccā sedagandhinī, ekaccā soṇitagandhinī, tathāpi tāsu andhabālo rajjateva. Cakkavattino pana itthiratanassa kāyato candanagandho vāyati, mukhato uppalagandho, ayaṃ na sabbāsaṃ hotīti, itthiyā sarīre ārūḷho āgantuko anulimpanādigandho ‘‘itthigandho’’ti veditabbo. Sārattoti suṭṭhu ratto gadhito mucchito, idaṃ pana padaṃ ‘‘itthirūpe’’tiādīsupi yojetabbaṃ. Vividhaṃ vindate dukhanti itthirūpādīsu sarāganimittaṃ diṭṭhadhammikaṃ vadhabandhanādivasena samparāyikaṃ pañcavidhabandhanādivasena nānappakāraṃ dukkhaṃ paṭilabhati.
ид̇т̇исод̇аани саб̣б̣аанийд̇и ид̇т̇ияаа руубаад̣̇иаарамман̣аани саб̣б̣аани анавасзсаани бан̃жа д̇ан̣хаасод̇аани санд̣̇анд̇и. бан̃жасууд̇и бурисасса бан̃жасу д̣̇ваарзсу. д̇зсанд̇и д̇зсам̣ бан̃жаннам̣ сод̇аанам̣. ааваран̣анд̇и сам̣варан̣ам̣, яат̇аа асам̣варо на уббаж̇ж̇ад̇и, звам̣ сад̇исамбаж̇ан̃н̃ам̣ бажжубадтабзд̇ваа сам̣варам̣ бавад̇д̇зд̇ум̣ яо саггод̇и, со вийрияаваа аарад̣̇д̇хавийрияо агусалаанам̣ д̇хаммаанам̣ бахаанааяа гусалаанам̣ д̇хаммаанам̣ убасамбад̣̇ааяаад̇и ад̇т̇о.
Itthisotāni sabbānīti itthiyā rūpādiārammaṇāni sabbāni anavasesāni pañca taṇhāsotāni sandanti. Pañcasūti purisassa pañcasu dvāresu. Tesanti tesaṃ pañcannaṃ sotānaṃ. Āvaraṇanti saṃvaraṇaṃ, yathā asaṃvaro na uppajjati, evaṃ satisampajaññaṃ paccupaṭṭhapetvā saṃvaraṃ pavattetuṃ yo sakkoti, so vīriyavā āraddhavīriyo akusalānaṃ dhammānaṃ pahānāya kusalānaṃ dhammānaṃ upasampadāyāti attho.
звам̣ руубаад̣̇иг̇ожарз баб̣б̣аж̇ид̇асса бадибад̇д̇им̣ д̣̇ассзд̇ваа ид̣̇аани г̇ахадтасса д̣̇ассзд̇ум̣ ‘‘со ад̇т̇аваа’’д̇иаад̣̇и вуд̇д̇ам̣. д̇ад̇т̇а со ад̇т̇аваа со д̇хаммадто, со д̣̇агко со вижагкан̣од̇и со буг̇г̇ало имасмим̣ логз ад̇т̇аваа, б̣уд̣̇д̇химаа, д̇хаммз тид̇о, д̇хаммз д̣̇агко, д̇хаммз чзго, аналасо ваа вижагкан̣о ид̇и гад̇д̇аб̣б̣ад̇аасу гусало наама. гарзяяа рамамааноби, гижжам̣ д̇хаммад̇т̇асам̣хид̇анд̇и г̇зхарад̇ияаа рамамааноби д̇хаммад̇т̇асам̣хид̇ам̣ д̇хаммад̇о ад̇т̇ад̇о жа анабзд̇амзва д̇ам̣ д̇ам̣ гад̇д̇аб̣б̣ам̣. ануббаннаанам̣ бхог̇аанам̣ уббаад̣̇анам̣, уббаннаанам̣ барибааланам̣, барибхог̇ан̃жа гарзяяа, ан̃н̃аман̃н̃ам̣, авирод̇хзна, ан̃н̃аман̃н̃ам̣, аб̣аад̇ханзна, д̇иваг̇г̇ад̇т̇ам̣ ануяун̃ж̇зяяаад̇и ад̇хиббааяо . аяан̃жа наяо язсам̣ саммаабадибад̇д̇иавирод̇хзна д̇иваг̇г̇ад̇т̇асса васзна вад̇д̇ад̇и б̣имб̣исаарамахаарааж̇аад̣̇ийнам̣ вияа, д̇зсам̣ васзна вуд̇д̇о. на язсам̣ гзсан̃жи васзнаад̇и д̣̇адтаб̣б̣ам̣.
Evaṃ rūpādigocare pabbajitassa paṭipattiṃ dassetvā idāni gahaṭṭhassa dassetuṃ ‘‘so atthavā’’tiādi vuttaṃ. Tattha so atthavā so dhammaṭṭho, so dakkho so vicakkhaṇoti so puggalo imasmiṃ loke atthavā, buddhimā, dhamme ṭhito, dhamme dakkho, dhamme cheko, analaso vā vicakkhaṇo iti kattabbatāsu kusalo nāma. Kareyya ramamānopi, kiccaṃ dhammatthasaṃhitanti geharatiyā ramamānopi dhammatthasaṃhitaṃ dhammato atthato ca anapetameva taṃ taṃ kattabbaṃ. Anuppannānaṃ bhogānaṃ uppādanaṃ, uppannānaṃ paripālanaṃ, paribhogañca kareyya, aññamaññaṃ, avirodhena, aññamaññaṃ, abādhanena, tivaggatthaṃ anuyuñjeyyāti adhippāyo . Ayañca nayo yesaṃ sammāpaṭipattiavirodhena tivaggatthassa vasena vattati bimbisāramahārājādīnaṃ viya, tesaṃ vasena vutto. Na yesaṃ kesañci vasenāti daṭṭhabbaṃ.
ат̇о сийд̣̇ад̇и сан̃н̃уд̇д̇анд̇и яад̣̇и ид̇халогз субасам̣хид̇ам̣ д̣̇идтад̇хаммигам̣ ад̇т̇ам̣ бариг̇г̇ахзд̇ваа тид̇ам̣. важ̇ж̇з гижжам̣ нирад̇т̇аганд̇и самбарааяигад̇т̇арахид̇ам̣ анад̇т̇убасам̣хид̇ам̣ гижжам̣ сажзби виссаж̇ж̇зяяа барижжаж̇зяяа. на д̇ам̣ гижжанд̇и ман̃н̃ид̇ваа, аббамад̇д̇о вижагкан̣од̇и сад̇иавиббаваасзна аббамад̇д̇о вижааран̣абан̃н̃аасамбхавзна вижагкан̣о анад̇т̇убасам̣хид̇ам̣, д̇ам̣ гижжам̣ маяаа на гаад̇аб̣б̣анд̇и ман̃н̃ид̇ваа виваж̇ж̇зяяа.
Atho sīdati saññuttanti yadi idhaloke supasaṃhitaṃ diṭṭhadhammikaṃ atthaṃ pariggahetvā ṭhitaṃ. Vajje kiccaṃ niratthakanti samparāyikattharahitaṃ anatthupasaṃhitaṃ kiccaṃ sacepi vissajjeyya pariccajeyya. Na taṃ kiccanti maññitvā, appamatto vicakkhaṇoti satiavippavāsena appamatto vicāraṇapaññāsambhavena vicakkhaṇo anatthupasaṃhitaṃ, taṃ kiccaṃ mayā na kātabbanti maññitvā vivajjeyya.
виваж̇ж̇зд̇ваа бана яан̃жа ад̇т̇зна сан̃н̃уд̇д̇ам̣, яаа жа д̇хаммаг̇ад̇аа рад̇и. д̇ам̣ самаад̣̇ааяа вад̇д̇зт̇аад̇и яам̣гин̃жи д̣̇идтад̇хаммигасамбарааяигаббабхзд̣̇зна ад̇т̇зна хид̇зна сам̣яуд̇д̇ам̣ д̇ад̣̇убхаяахид̇аавахам̣, яаа жа ад̇хигусалад̇хаммаг̇ад̇аа самат̇авибассанаасахид̇аа рад̇и, д̇ад̣̇убхаяам̣ саммаа аад̣̇ияид̇ваа бариг̇г̇ахам̣ гад̇ваа вад̇д̇зяяа. ‘‘саб̣б̣ам̣ рад̇им̣ д̇хаммарад̇и ж̇инаад̇ий’’д̇и (д̇ха. ба. 354) важанад̇о саа хи згам̣сзна уд̇д̇амад̇т̇асса баабанад̇о уд̇д̇амаа рад̇и наама.
Vivajjetvā pana yañca atthena saññuttaṃ, yā ca dhammagatā rati. Taṃ samādāya vattethāti yaṃkiñci diṭṭhadhammikasamparāyikappabhedena atthena hitena saṃyuttaṃ tadubhayahitāvahaṃ, yā ca adhikusaladhammagatā samathavipassanāsahitā rati, tadubhayaṃ sammā ādiyitvā pariggahaṃ katvā vatteyya. ‘‘Sabbaṃ ratiṃ dhammarati jinātī’’ti (dha. pa. 354) vacanato sā hi ekaṃsena uttamatthassa pāpanato uttamā rati nāma.
яам̣ бана гаамарад̇исам̣яуд̇д̇ам̣ гижжам̣ нирад̇т̇аганд̇и вуд̇д̇ам̣, д̇ассаа анад̇т̇убасам̣хид̇абхаавам̣ д̣̇ассзд̇ум̣ ‘‘ужжааважзхий’’д̇иаад̣̇и вуд̇д̇ам̣. д̇ад̇т̇а ужжааважзхийд̇и маханд̇зхи жзва куд̣̇д̣̇агзхи жа. убааязхийд̇и наязхи. барзсамабхиж̇иг̇ийсад̇ийд̇и барзсам̣ санд̇агам̣ аахарид̇ум̣ ижчад̇и, барз ваа саб̣б̣ат̇аа хаабзд̇и, ж̇инаабзд̇и барам̣ ханд̇ваа, вад̇хид̇ваа ат̇а сожаяид̇ваа, аалобад̇и саахасаа яо барзсам̣. ид̣̇ам̣ вуд̇д̇ам̣ ход̇и – яо буг̇г̇ало гаамахзд̇у барз хананд̇о, гхаад̇знд̇о, сожзнд̇о санд̇хижчзд̣̇асанд̇хируханабасаяхаавахаараад̣̇ийхи наанубааязхи барзсам̣ санд̇агам̣ харид̇ум̣ вааяаманд̇о саахасаагаарам̣ гарод̇и, аалобад̇и, ж̇иг̇ийсад̇и саабад̇зяяавасзна барз хаабзд̇и, д̇асса д̇ам̣ гижжам̣ гаамарад̇исанниссид̇ам̣ анад̇т̇убасам̣хид̇ам̣ зганд̇анихийнанд̇и. зд̇зна д̇аббадибагкад̇о д̇хаммаг̇ад̇ааяа рад̇ияаа згам̣сад̇о уд̇д̇амабхаавам̣язва вибхаавзд̇и.
Yaṃ pana kāmaratisaṃyuttaṃ kiccaṃ niratthakanti vuttaṃ, tassā anatthupasaṃhitabhāvaṃ dassetuṃ ‘‘uccāvacehī’’tiādi vuttaṃ. Tattha uccāvacehīti mahantehi ceva khuddakehi ca. Upāyehīti nayehi. Paresamabhijigīsatīti paresaṃ santakaṃ āharituṃ icchati, pare vā sabbathā hāpeti, jināpeti paraṃ hantvā, vadhitvā atha socayitvā, ālopati sāhasā yo paresaṃ. Idaṃ vuttaṃ hoti – yo puggalo kāmahetu pare hananto, ghātento, socento sandhicchedasandhiruhanapasayhāvahārādīhi nānupāyehi paresaṃ santakaṃ harituṃ vāyamanto sāhasākāraṃ karoti, ālopati, jigīsati sāpateyyavasena pare hāpeti, tassa taṃ kiccaṃ kāmaratisannissitaṃ anatthupasaṃhitaṃ ekantanihīnanti. Etena tappaṭipakkhato dhammagatāya ratiyā ekaṃsato uttamabhāvaṃyeva vibhāveti.
ид̣̇аани яам̣ ‘‘д̇зсамааваран̣ам̣ гаад̇ум̣ яо саггод̇ий’’д̇и инд̣̇рияаанам̣ ааваран̣ам̣ вуд̇д̇ам̣, д̇ам̣ убааязна саха вибхаавзнд̇о ‘‘д̇ажчанд̇о аан̣ияаа аан̣им̣ , ниханд̇и б̣алаваа яат̇аа’’д̇и ааха. яат̇аа б̣алаваа гааяаб̣алзна, н̃аан̣аб̣алзна жа саманнааг̇ад̇о д̇ажчаго ругкад̣̇ан̣д̣аг̇ад̇ам̣ аан̣им̣ нийхарид̇угаамо д̇ад̇о б̣алавад̇им̣ аан̣им̣ годзнд̇о д̇ад̇о нийхарад̇и, д̇ат̇аа гусало бхигку жагкаад̣̇ийни инд̣̇рияаани вибассанааб̣алзна ниханд̇угаамо инд̣̇риязхи зва ниханд̇и.
Idāni yaṃ ‘‘tesamāvaraṇaṃ kātuṃ yo sakkotī’’ti indriyānaṃ āvaraṇaṃ vuttaṃ, taṃ upāyena saha vibhāvento ‘‘tacchanto āṇiyā āṇiṃ, nihanti balavā yathā’’ti āha. Yathā balavā kāyabalena, ñāṇabalena ca samannāgato tacchako rukkhadaṇḍagataṃ āṇiṃ nīharitukāmo tato balavatiṃ āṇiṃ koṭento tato nīharati, tathā kusalo bhikkhu cakkhādīni indriyāni vipassanābalena nihantukāmo indriyehi eva nihanti.
гад̇амзхи банаад̇и ааха ‘‘сад̣̇д̇ха’’нд̇иаад̣̇и. д̇ассад̇т̇о – ад̇химогкалагкан̣ам̣ сад̣̇д̇хам̣, баг̇г̇ахалагкан̣ам̣ вийрияам̣, авигкзбалагкан̣ам̣ самаад̇хим̣, убадтааналагкан̣ам̣ сад̇им̣, д̣̇ассаналагкан̣ам̣ бан̃н̃анд̇и имааниби вимуд̇д̇ибарибаажагаани бан̃жинд̣̇рияаани бхаавзнд̇о вад̣дхзнд̇о зд̇зхи бан̃жахи инд̣̇риязхи жагкаад̣̇ийни бан̃жинд̣̇рияаани анунаяабадигхаад̣̇игилзсуббад̇д̇ияаа д̣̇ваарабхаававиханзна ханд̇ваа, арияамаг̇г̇зна д̇ад̣̇убаниссаяз гилзсз самужчинд̣̇ид̇ваа, д̇ад̇о зва анийгхо нид̣̇д̣̇угко б̣раахман̣о анубаад̣̇исзсабариниб̣б̣аанамзва яаад̇и убаг̇ажчад̇ийд̇и.
Katamehi panāti āha ‘‘saddha’’ntiādi. Tassattho – adhimokkhalakkhaṇaṃ saddhaṃ, paggahalakkhaṇaṃ vīriyaṃ, avikkhepalakkhaṇaṃ samādhiṃ, upaṭṭhānalakkhaṇaṃ satiṃ, dassanalakkhaṇaṃ paññanti imānipi vimuttiparipācakāni pañcindriyāni bhāvento vaḍḍhento etehi pañcahi indriyehi cakkhādīni pañcindriyāni anunayapaṭighādikilesuppattiyā dvārabhāvavihanena hantvā, ariyamaggena tadupanissaye kilese samucchinditvā, tato eva anīgho niddukkho brāhmaṇo anupādisesaparinibbānameva yāti upagacchatīti.
со ад̇т̇аваад̇и со яат̇аавуд̇д̇о б̣раахман̣о уд̇д̇амад̇т̇зна саманнааг̇ад̇ад̇д̇аа ад̇т̇аваа, д̇ам̣ самбаабагз д̇хаммз тид̇ад̇д̇аа д̇хаммадто. саб̣б̣зна саб̣б̣ам̣ анавасзсзна вид̇хинаа анавасзсам̣ б̣уд̣̇д̇хасса бхаг̇авад̇о ваагяабхууд̇ам̣ анусаасаним̣ гад̇ваа яат̇аанусидтам̣ бадибаж̇ж̇ид̇ваа тид̇о. д̇ад̇о зва со наро уд̇д̇амабурисо ниб̣б̣аанасукан̃жа зд̇хад̇и, б̣руухзд̇и, вад̣дхзд̇ийд̇и.
So atthavāti so yathāvutto brāhmaṇo uttamatthena samannāgatattā atthavā, taṃ sampāpake dhamme ṭhitattā dhammaṭṭho. Sabbena sabbaṃ anavasesena vidhinā anavasesaṃ buddhassa bhagavato vākyabhūtaṃ anusāsaniṃ katvā yathānusiṭṭhaṃ paṭipajjitvā ṭhito. Tato eva so naro uttamapuriso nibbānasukhañca edhati, brūheti, vaḍḍhetīti.
звам̣ т̇зрзна ад̇д̇ано жинд̇ид̇аагааравибхааванаавасзна бадибад̇д̇ияаа багаасид̇ад̇д̇аа ид̣̇амзва жасса ан̃н̃ааб̣яаагаран̣ам̣ д̣̇адтаб̣б̣ам̣.
Evaṃ therena attano cintitākāravibhāvanāvasena paṭipattiyā pakāsitattā idameva cassa aññābyākaraṇaṃ daṭṭhabbaṃ.
баараабарияад̇т̇зраг̇аат̇ааван̣н̣анаа нидтид̇аа.
Pārāpariyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. баараабарияад̇т̇зраг̇аат̇аа • 2. Pārāpariyattheragāthā
