| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. परप्पसादकत्थेरअपदानं
4. Parappasādakattheraapadānaṃ
२०.
20.
‘‘उसभं पवरं वीरं, महेसिं विजिताविनं।
‘‘Usabhaṃ pavaraṃ vīraṃ, mahesiṃ vijitāvinaṃ;
सुवण्णवण्णं सम्बुद्धं, को दिस्वा नप्पसीदति॥
Suvaṇṇavaṇṇaṃ sambuddhaṃ, ko disvā nappasīdati.
२१.
21.
‘‘हिमवावापरिमेय्यो, सागरोव दुरुत्तरो।
‘‘Himavāvāparimeyyo, sāgarova duruttaro;
तथेव झानं बुद्धस्स, को दिस्वा नप्पसीदति॥
Tatheva jhānaṃ buddhassa, ko disvā nappasīdati.
२२.
22.
‘‘वसुधा यथाप्पमेय्या, चित्ता वनवटंसका।
‘‘Vasudhā yathāppameyyā, cittā vanavaṭaṃsakā;
तथेव सीलं बुद्धस्स, को दिस्वा नप्पसीदति॥
Tatheva sīlaṃ buddhassa, ko disvā nappasīdati.
२३.
23.
तथेव ञाणं बुद्धस्स, को दिस्वा नप्पसीदति॥
Tatheva ñāṇaṃ buddhassa, ko disvā nappasīdati.
२४.
24.
‘‘इमाहि चतुगाथाहि, ब्राह्मणो सेनसव्हयो।
‘‘Imāhi catugāthāhi, brāhmaṇo senasavhayo;
बुद्धसेट्ठं थवित्वान, सिद्धत्थं अपराजितं॥
Buddhaseṭṭhaṃ thavitvāna, siddhatthaṃ aparājitaṃ.
२५.
25.
‘‘चतुन्नवुतिकप्पानि, दुग्गतिं नुपपज्जथ।
‘‘Catunnavutikappāni, duggatiṃ nupapajjatha;
२६.
26.
‘‘चतुन्नवुतितो कप्पे, थवित्वा लोकनायकं।
‘‘Catunnavutito kappe, thavitvā lokanāyakaṃ;
२७.
27.
‘‘चातुद्दसम्हि कप्पम्हि, चतुरो आसुमुग्गता।
‘‘Cātuddasamhi kappamhi, caturo āsumuggatā;
सत्तरतनसम्पन्ना, चक्कवत्ती महब्बला॥
Sattaratanasampannā, cakkavattī mahabbalā.
२८.
28.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा परप्पसादको थेरो इमा गाथायो अभासित्थाति।
Itthaṃ sudaṃ āyasmā parappasādako thero imā gāthāyo abhāsitthāti.
परप्पसादकत्थेरस्सापदानं चतुत्थं।
Parappasādakattherassāpadānaṃ catutthaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ४. परप्पसादकत्थेरअपदानवण्णना • 4. Parappasādakattheraapadānavaṇṇanā
