| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๔. ปรปฺปสาทกเตฺถรอปทานํ
4. Parappasādakattheraapadānaṃ
๒๐.
20.
‘‘อุสภํ ปวรํ วีรํ, มเหสิํ วิชิตาวินํ;
‘‘Usabhaṃ pavaraṃ vīraṃ, mahesiṃ vijitāvinaṃ;
สุวณฺณวณฺณํ สมฺพุทฺธํ, โก ทิสฺวา นปฺปสีทติฯ
Suvaṇṇavaṇṇaṃ sambuddhaṃ, ko disvā nappasīdati.
๒๑.
21.
‘‘หิมวาวาปริเมโยฺย, สาคโรว ทุรุตฺตโร;
‘‘Himavāvāparimeyyo, sāgarova duruttaro;
ตเถว ฌานํ พุทฺธสฺส, โก ทิสฺวา นปฺปสีทติฯ
Tatheva jhānaṃ buddhassa, ko disvā nappasīdati.
๒๒.
22.
‘‘วสุธา ยถาปฺปเมยฺยา, จิตฺตา วนวฎํสกา;
‘‘Vasudhā yathāppameyyā, cittā vanavaṭaṃsakā;
ตเถว สีลํ พุทฺธสฺส, โก ทิสฺวา นปฺปสีทติฯ
Tatheva sīlaṃ buddhassa, ko disvā nappasīdati.
๒๓.
23.
ตเถว ญาณํ พุทฺธสฺส, โก ทิสฺวา นปฺปสีทติฯ
Tatheva ñāṇaṃ buddhassa, ko disvā nappasīdati.
๒๔.
24.
‘‘อิมาหิ จตุคาถาหิ, พฺราหฺมโณ เสนสวฺหโย;
‘‘Imāhi catugāthāhi, brāhmaṇo senasavhayo;
พุทฺธเสฎฺฐํ ถวิตฺวาน, สิทฺธตฺถํ อปราชิตํฯ
Buddhaseṭṭhaṃ thavitvāna, siddhatthaṃ aparājitaṃ.
๒๕.
25.
‘‘จตุนฺนวุติกปฺปานิ, ทุคฺคติํ นุปปชฺชถ;
‘‘Catunnavutikappāni, duggatiṃ nupapajjatha;
๒๖.
26.
‘‘จตุนฺนวุติโต กเปฺป, ถวิตฺวา โลกนายกํ;
‘‘Catunnavutito kappe, thavitvā lokanāyakaṃ;
๒๗.
27.
‘‘จาตุทฺทสมฺหิ กปฺปมฺหิ, จตุโร อาสุมุคฺคตา;
‘‘Cātuddasamhi kappamhi, caturo āsumuggatā;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๒๘.
28.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปรปฺปสาทโก เถโร อิมา คาถาโย อภาสิตฺถาติฯ
Itthaṃ sudaṃ āyasmā parappasādako thero imā gāthāyo abhāsitthāti.
ปรปฺปสาทกเตฺถรสฺสาปทานํ จตุตฺถํฯ
Parappasādakattherassāpadānaṃ catutthaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๔. ปรปฺปสาทกเตฺถรอปทานวณฺณนา • 4. Parappasādakattheraapadānavaṇṇanā
