| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. පරප්‌පසාදකත්‌ථෙරඅපදානං
4. Parappasādakattheraapadānaṃ
20.
20.
‘‘උසභං පවරං වීරං, මහෙසිං විජිතාවිනං;
‘‘Usabhaṃ pavaraṃ vīraṃ, mahesiṃ vijitāvinaṃ;
සුවණ්‌ණවණ්‌ණං සම්‌බුද්‌ධං, කො දිස්‌වා නප්‌පසීදති.
Suvaṇṇavaṇṇaṃ sambuddhaṃ, ko disvā nappasīdati.
21.
21.
‘‘හිමවාවාපරිමෙය්‍යො, සාගරොව දුරුත්‌තරො;
‘‘Himavāvāparimeyyo, sāgarova duruttaro;
තථෙව ඣානං බුද්‌ධස්‌ස, කො දිස්‌වා නප්‌පසීදති.
Tatheva jhānaṃ buddhassa, ko disvā nappasīdati.
22.
22.
‘‘වසුධා යථාප්‌පමෙය්‍යා, චිත්‌තා වනවටංසකා;
‘‘Vasudhā yathāppameyyā, cittā vanavaṭaṃsakā;
තථෙව සීලං බුද්‌ධස්‌ස, කො දිස්‌වා නප්‌පසීදති.
Tatheva sīlaṃ buddhassa, ko disvā nappasīdati.
23.
23.
තථෙව ඤාණං බුද්‌ධස්‌ස, කො දිස්‌වා නප්‌පසීදති.
Tatheva ñāṇaṃ buddhassa, ko disvā nappasīdati.
24.
24.
‘‘ඉමාහි චතුගාථාහි, බ්‍රාහ්‌මණො සෙනසව්‌හයො;
‘‘Imāhi catugāthāhi, brāhmaṇo senasavhayo;
බුද්‌ධසෙට්‌ඨං ථවිත්‌වාන, සිද්‌ධත්‌ථං අපරාජිතං.
Buddhaseṭṭhaṃ thavitvāna, siddhatthaṃ aparājitaṃ.
25.
25.
‘‘චතුන්‌නවුතිකප්‌පානි, දුග්‌ගතිං නුපපජ්‌ජථ;
‘‘Catunnavutikappāni, duggatiṃ nupapajjatha;
26.
26.
‘‘චතුන්‌නවුතිතො කප්‌පෙ, ථවිත්‌වා ලොකනායකං;
‘‘Catunnavutito kappe, thavitvā lokanāyakaṃ;
27.
27.
‘‘චාතුද්‌දසම්‌හි කප්‌පම්‌හි, චතුරො ආසුමුග්‌ගතා;
‘‘Cātuddasamhi kappamhi, caturo āsumuggatā;
සත්‌තරතනසම්‌පන්‌නා, චක්‌කවත්‌තී මහබ්‌බලා.
Sattaratanasampannā, cakkavattī mahabbalā.
28.
28.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පරප්‌පසාදකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā parappasādako thero imā gāthāyo abhāsitthāti.
පරප්‌පසාදකත්‌ථෙරස්‌සාපදානං චතුත්‌ථං.
Parappasādakattherassāpadānaṃ catutthaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 4. පරප්‌පසාදකත්‌ථෙරඅපදානවණ්‌ණනා • 4. Parappasādakattheraapadānavaṇṇanā
