| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. бараббасаад̣̇агад̇т̇зраабад̣̇аанаван̣н̣анаа
4. Parappasādakattheraapadānavaṇṇanā
усабхам̣ баварам̣ вийранд̇иаад̣̇игам̣ ааяасмад̇о бараббасаад̣̇агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз б̣раахман̣агулз ниб̣б̣ад̇д̇о д̇ин̣н̣ам̣ взд̣̇аанам̣ баараг̇уу ид̇ихаасабан̃жамаанам̣ бад̣̇аго взяяаагаран̣о санигхан̣д̣угздубхаанам̣ саагкараббабхзд̣̇аанам̣ логааяад̇амахаабурисалагкан̣зсу анаваяо наамзна сзлаб̣раахман̣од̇и баагадо сид̣̇д̇хад̇т̇ам̣ бхаг̇аванд̇ам̣ д̣̇исваа д̣̇вад̇д̇им̣самахаабурисалагкан̣зхи асийд̇иануб̣яан̃ж̇анзхи жаад̇и саяам̣ собхамаанам̣ д̣̇исваа басаннамаанасо анзгзхи гааран̣зхи анзгаахи убамаахи т̇оманам̣ багаасзси. со д̇зна бун̃н̃агаммзна д̣̇звалогз саггамаараад̣̇аяо ча гаамааважарасамбад̇д̇ияо анубхавид̇ваа мануссзсу жаггавад̇д̇исамбад̇д̇им̣ анубхавид̇ваа имасмим̣ б̣уд̣̇д̇хуббаад̣̇з вибхавасамбаннз згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̇т̇ари басийд̣̇исваа баб̣б̣аж̇ид̇о нажирассзва жад̇убадисамбхид̣̇аачал̣абхин̃н̃аббад̇д̇о махаакийн̣аасаво ахоси, б̣уд̣̇д̇хасса т̇уд̇ияаа сад̇д̇аанам̣ саб̣б̣зсам̣ жид̇д̇аббасаад̣̇агаран̣ад̇о бараббасаад̣̇агад̇т̇зрод̇и баагадо.
Usabhaṃ pavaraṃ vīrantiādikaṃ āyasmato parappasādakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle brāhmaṇakule nibbatto tiṇṇaṃ vedānaṃ pāragū itihāsapañcamānaṃ padako veyyākaraṇo sanighaṇḍukeṭubhānaṃ sākkharappabhedānaṃ lokāyatamahāpurisalakkhaṇesu anavayo nāmena selabrāhmaṇoti pākaṭo siddhatthaṃ bhagavantaṃ disvā dvattiṃsamahāpurisalakkhaṇehi asītianubyañjanehi cāti sayaṃ sobhamānaṃ disvā pasannamānaso anekehi kāraṇehi anekāhi upamāhi thomanaṃ pakāsesi. So tena puññakammena devaloke sakkamārādayo cha kāmāvacarasampattiyo anubhavitvā manussesu cakkavattisampattiṃ anubhavitvā imasmiṃ buddhuppāde vibhavasampanne ekasmiṃ kulagehe nibbatto viññutaṃ patto satthari pasīdisvā pabbajito nacirasseva catupaṭisambhidāchaḷabhiññappatto mahākhīṇāsavo ahosi, buddhassa thutiyā sattānaṃ sabbesaṃ cittappasādakaraṇato parappasādakattheroti pākaṭo.
20. згад̣̇ивасам̣ ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о усабхам̣ баварам̣ вийранд̇иаад̣̇имааха. д̇ад̇т̇а усабханд̇и васабхо нисабхо висабхо аасабход̇и жад̇д̇ааро ж̇здтабун̇г̇аваа. д̇ад̇т̇а г̇авасад̇аж̇здтаго васабхо, г̇авасахассаж̇здтаго нисабхо, г̇авасад̇асахассаж̇здтаго висабхо, г̇авагодисад̇асахассаж̇здтаго аасабход̇и жа яасса гассажи т̇уд̇им̣ гаронд̇аа б̣раахман̣абан̣д̣ид̇аа б̣ахуссуд̇аа ад̇д̇ано ад̇д̇ано бан̃н̃аавасзна т̇уд̇им̣ гаронд̇и, б̣уд̣̇д̇хаанам̣ бана саб̣б̣аагаарзна т̇уд̇им̣ гаад̇ум̣ самад̇т̇о згоби над̇т̇и. аббамзяяо хи б̣уд̣̇д̇хо. вуд̇д̇ан̃хзд̇ам̣ –
20. Ekadivasaṃ attano pubbakammaṃ saritvā somanassajāto pubbacaritāpadānaṃ pakāsento usabhaṃ pavaraṃ vīrantiādimāha. Tattha usabhanti vasabho nisabho visabho āsabhoti cattāro jeṭṭhapuṅgavā. Tattha gavasatajeṭṭhako vasabho, gavasahassajeṭṭhako nisabho, gavasatasahassajeṭṭhako visabho, gavakoṭisatasahassajeṭṭhako āsabhoti ca yassa kassaci thutiṃ karontā brāhmaṇapaṇḍitā bahussutā attano attano paññāvasena thutiṃ karonti, buddhānaṃ pana sabbākārena thutiṃ kātuṃ samattho ekopi natthi. Appameyyo hi buddho. Vuttañhetaṃ –
‘‘б̣уд̣̇д̇хоби б̣уд̣̇д̇хасса бхан̣зяяа ван̣н̣ам̣, габбамби жз ан̃н̃амабхаасамаано;
‘‘Buddhopi buddhassa bhaṇeyya vaṇṇaṃ, kappampi ce aññamabhāsamāno;
кийязт̇а габбо жирад̣̇ийгхаманд̇арз, ван̣н̣о на кийязт̇а д̇ат̇ааг̇ад̇ассаа’’д̇и. (д̣̇ий. ни. адта. 1.304; 3.141; ма. ни. адта. 2.425; уд̣̇аа. адта. 53) –
Khīyetha kappo ciradīghamantare, vaṇṇo na khīyetha tathāgatassā’’ti. (dī. ni. aṭṭha. 1.304; 3.141; ma. ni. aṭṭha. 2.425; udā. aṭṭha. 53) –
аад̣̇игам̣. аяамби б̣раахман̣о мукааруул̣хавасзна згабасийд̣̇анавасзна ‘‘аасабха’’нд̇и вад̇д̇аб̣б̣з ‘‘усабха’’нд̇иаад̣̇имааха. варид̇аб̣б̣о бад̇т̇зд̇аб̣б̣од̇и варо. анзгзсу габбасад̇асахассзсу гад̇авийрияад̇д̇аа вийро. маханд̇ам̣ сийлагканд̇хаад̣̇игам̣ зсад̇и г̇авзсад̇ийд̇и махзсий, д̇ам̣ махзсим̣ б̣уд̣̇д̇хам̣. висзсзна гилзсаканд̇хамаараад̣̇аяо маарз ж̇ид̇аваад̇и виж̇ид̇аавий, д̇ам̣ виж̇ид̇аавинам̣ самб̣уд̣̇д̇хам̣. суван̣н̣асса ван̣н̣о ива ван̣н̣о яасса самб̣уд̣̇д̇хасса со суван̣н̣аван̣н̣о, д̇ам̣ суван̣н̣аван̣н̣ам̣ самб̣уд̣̇д̇хам̣ д̣̇исваа го наама сад̇д̇о наббасийд̣̇ад̇ийд̇и.
Ādikaṃ. Ayampi brāhmaṇo mukhārūḷhavasena ekapasīdanavasena ‘‘āsabha’’nti vattabbe ‘‘usabha’’ntiādimāha. Varitabbo patthetabboti varo. Anekesu kappasatasahassesu katavīriyattā vīro. Mahantaṃ sīlakkhandhādikaṃ esati gavesatīti mahesī, taṃ mahesiṃ buddhaṃ. Visesena kilesakhandhamārādayo māre jitavāti vijitāvī, taṃ vijitāvinaṃ sambuddhaṃ. Suvaṇṇassa vaṇṇo iva vaṇṇo yassa sambuddhassa so suvaṇṇavaṇṇo, taṃ suvaṇṇavaṇṇaṃ sambuddhaṃ disvā ko nāma satto nappasīdatīti.
бараббасаад̣̇агад̇т̇зраабад̣̇аанаван̣н̣анаа самад̇д̇аа.
Parappasādakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 4. бараббасаад̣̇агад̇т̇зраабад̣̇аанам̣ • 4. Parappasādakattheraapadānaṃ
