| Library / Tipiṭaka / తిపిటక • Tipiṭaka / జాతకపాళి • Jātakapāḷi |
౩౯౫. పారావతజాతకం (౬-౨-౧౦)
395. Pārāvatajātakaṃ (6-2-10)
౧౩౪.
134.
చిరస్సం వత పస్సామి, సహాయం మణిధారినం;
Cirassaṃ vata passāmi, sahāyaṃ maṇidhārinaṃ;
౧౩౫.
135.
పరూళ్హకచ్ఛనఖలోమో , అహం కమ్మేసు బ్యావటో;
Parūḷhakacchanakhalomo , ahaṃ kammesu byāvaṭo;
చిరస్సం న్హాపితం లద్ధా, లోమం తం అజ్జం హారయిం 3.
Cirassaṃ nhāpitaṃ laddhā, lomaṃ taṃ ajjaṃ hārayiṃ 4.
౧౩౬.
136.
యం ను లోమం అహారేసి, దుల్లభం లద్ధ కప్పకం;
Yaṃ nu lomaṃ ahāresi, dullabhaṃ laddha kappakaṃ;
౧౩౭.
137.
మనుస్ససుఖుమాలానం, మణి కణ్ఠేసు లమ్బతి;
Manussasukhumālānaṃ, maṇi kaṇṭhesu lambati;
తేసాహం అనుసిక్ఖామి, మా త్వం మఞ్ఞి దవా కతం.
Tesāhaṃ anusikkhāmi, mā tvaṃ maññi davā kataṃ.
౧౩౮.
138.
సచేపిమం పిహయసి, మస్సుకుత్తిం సుకారితం;
Sacepimaṃ pihayasi, massukuttiṃ sukāritaṃ;
కారయిస్సామి తే సమ్మ, మణిఞ్చాపి దదామి తే.
Kārayissāmi te samma, maṇiñcāpi dadāmi te.
౧౩౯.
139.
త్వఞ్ఞేవ మణినా ఛన్నో, సుకతాయ చ మస్సుయా;
Tvaññeva maṇinā channo, sukatāya ca massuyā;
ఆమన్త ఖో తం గచ్ఛామి, పియం మే తవ దస్సనన్తి.
Āmanta kho taṃ gacchāmi, piyaṃ me tava dassananti.
తస్సుద్దానం –
Tassuddānaṃ –
అథ పస్స ససూచి చ తుణ్డిలకో, మిగ మయ్హకపఞ్చమపక్ఖివరో;
Atha passa sasūci ca tuṇḍilako, miga mayhakapañcamapakkhivaro;
అథ పఞ్జలి వారిజ మేజ్ఝ పున, అథ వట్ట కపోతవరేన దసాతి.
Atha pañjali vārija mejjha puna, atha vaṭṭa kapotavarena dasāti.
అథ వగ్గుద్దానం –
Atha vagguddānaṃ –
అథ వగ్గం పకిత్తిస్సం, ఛనిపాతం వరుత్తమే;
Atha vaggaṃ pakittissaṃ, chanipātaṃ varuttame;
ఛక్కనిపాతం నిట్ఠితం.
Chakkanipātaṃ niṭṭhitaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / జాతక-అట్ఠకథా • Jātaka-aṭṭhakathā / [౩౯౫] ౧౦. పారావతజాతకవణ్ణనా • [395] 10. Pārāvatajātakavaṇṇanā
