| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
баарааяанаануг̇ийд̇иг̇аат̇аа
Pārāyanānugītigāthā
1137.
1137.
‘‘баарааяанамануг̇ааяиссам̣, (ижжааяасмаа бин̇г̇ияо)
‘‘Pārāyanamanugāyissaṃ, (iccāyasmā piṅgiyo)
яат̇аад̣̇д̣̇агки д̇ат̇аагкааси, вимало бхууримзд̇хасо;
Yathāddakkhi tathākkhāsi, vimalo bhūrimedhaso;
ниггаамо ниб̣б̣ано 1 нааг̇о, гисса хзд̇у мусаа бхан̣з.
Nikkāmo nibbano 2 nāgo, kissa hetu musā bhaṇe.
1138.
1138.
‘‘бахийнамаламохасса , маанамагкаббахааяино;
‘‘Pahīnamalamohassa , mānamakkhappahāyino;
ханд̣̇аахам̣ гид̇д̇аяиссаами, г̇ирам̣ ван̣н̣уубасан̃хид̇ам̣.
Handāhaṃ kittayissāmi, giraṃ vaṇṇūpasañhitaṃ.
1139.
1139.
‘‘д̇амонуд̣̇о б̣уд̣̇д̇хо саманд̇ажагку, логанд̇аг̇уу саб̣б̣абхаваад̇ивад̇д̇о;
‘‘Tamonudo buddho samantacakkhu, lokantagū sabbabhavātivatto;
анаасаво саб̣б̣ад̣̇угкабахийно, сажжавхаяо б̣рахмз убаасид̇о мз.
Anāsavo sabbadukkhapahīno, saccavhayo brahme upāsito me.
1140.
1140.
‘‘д̣̇иж̇о яат̇аа губ̣б̣анагам̣ бахааяа, б̣ахубпалам̣ гаананамаавасзяяа;
‘‘Dijo yathā kubbanakaṃ pahāya, bahupphalaṃ kānanamāvaseyya;
звам̣ бахам̣ аббад̣̇ассз бахааяа, маход̣̇ад̇хим̣ хам̣сорива аж̇жхабад̇д̇о.
Evaṃ pahaṃ appadasse pahāya, mahodadhiṃ haṃsoriva ajjhapatto.
1141.
1141.
‘‘язмз буб̣б̣з вияаагам̣су, хурам̣ г̇од̇амасаасанаа;
‘‘Yeme pubbe viyākaṃsu, huraṃ gotamasāsanā;
ижжааси ид̇и бхависсад̇и;
Iccāsi iti bhavissati;
саб̣б̣ам̣ д̇ам̣ ид̇ихид̇ихам̣, саб̣б̣ам̣ д̇ам̣ д̇аггавад̣дханам̣.
Sabbaṃ taṃ itihitihaṃ, sabbaṃ taṃ takkavaḍḍhanaṃ.
1142.
1142.
‘‘зго д̇амануд̣̇аасино, ж̇уд̇имаа со бабхан̇гаро;
‘‘Eko tamanudāsino, jutimā so pabhaṅkaro;
г̇од̇амо бхуурибан̃н̃аан̣о, г̇од̇амо бхууримзд̇хасо.
Gotamo bhūripaññāṇo, gotamo bhūrimedhaso.
1143.
1143.
‘‘яо мз д̇хаммамад̣̇зсзси, санд̣̇идтигамагаалигам̣;
‘‘Yo me dhammamadesesi, sandiṭṭhikamakālikaṃ;
д̇ан̣хагкаяаманийд̇игам̣ , яасса над̇т̇и убамаа гважи’’.
Taṇhakkhayamanītikaṃ , yassa natthi upamā kvaci’’.
1144.
1144.
‘‘гим̣ну д̇амхаа виббавасаси, мухуд̇д̇амаби бин̇г̇ияа;
‘‘Kiṃnu tamhā vippavasasi, muhuttamapi piṅgiya;
г̇од̇амаа бхуурибан̃н̃аан̣аа, г̇од̇амаа бхууримзд̇хасаа.
Gotamā bhūripaññāṇā, gotamā bhūrimedhasā.
1145.
1145.
‘‘яо д̇з д̇хаммамад̣̇зсзси, санд̣̇идтигамагаалигам̣;
‘‘Yo te dhammamadesesi, sandiṭṭhikamakālikaṃ;
д̇ан̣хагкаяаманийд̇игам̣, яасса над̇т̇и убамаа гважи’’.
Taṇhakkhayamanītikaṃ, yassa natthi upamā kvaci’’.
1146.
1146.
‘‘наахам̣ д̇амхаа виббавасаами, мухуд̇д̇амаби б̣раахман̣а;
‘‘Nāhaṃ tamhā vippavasāmi, muhuttamapi brāhmaṇa;
г̇од̇амаа бхуурибан̃н̃аан̣аа, г̇од̇амаа бхууримзд̇хасаа.
Gotamā bhūripaññāṇā, gotamā bhūrimedhasā.
1147.
1147.
‘‘яо мз д̇хаммамад̣̇зсзси, санд̣̇идтигамагаалигам̣;
‘‘Yo me dhammamadesesi, sandiṭṭhikamakālikaṃ;
д̇ан̣хагкаяаманийд̇игам̣, яасса над̇т̇и убамаа гважи.
Taṇhakkhayamanītikaṃ, yassa natthi upamā kvaci.
1148.
1148.
‘‘бассаами нам̣ манасаа жагкунаава, рад̇д̇инд̣̇ивам̣ б̣раахман̣а аббамад̇д̇о;
‘‘Passāmi naṃ manasā cakkhunāva, rattindivaṃ brāhmaṇa appamatto;
намассамаано вивасзми рад̇д̇им̣, д̇знзва ман̃н̃аами авиббаваасам̣.
Namassamāno vivasemi rattiṃ, teneva maññāmi avippavāsaṃ.
1149.
1149.
‘‘сад̣̇д̇хаа жа бийд̇и жа мано сад̇и жа, наабзнд̇и мз г̇од̇амасаасанамхаа;
‘‘Saddhā ca pīti ca mano sati ca, nāpenti me gotamasāsanamhā;
яам̣ яам̣ д̣̇исам̣ важ̇ад̇и бхуурибан̃н̃о, са д̇зна д̇знзва над̇охамасми.
Yaṃ yaṃ disaṃ vajati bhūripañño, sa tena teneva natohamasmi.
1150.
1150.
‘‘ж̇ин̣н̣асса мз д̣̇уб̣б̣алат̇аамагасса, д̇знзва гааяо на балзд̇и д̇ад̇т̇а;
‘‘Jiṇṇassa me dubbalathāmakassa, teneva kāyo na paleti tattha;
сам̣габбаяанд̇ааяа 3 важ̇аами нижжам̣, мано хи мз б̣раахман̣а д̇зна яуд̇д̇о.
Saṃkappayantāya 4 vajāmi niccaṃ, mano hi me brāhmaṇa tena yutto.
1151.
1151.
‘‘бан̇гз саяаано барипанд̣̇амаано, д̣̇ийбаа д̣̇ийбам̣ убаблавим̣ 5;
‘‘Paṅke sayāno pariphandamāno, dīpā dīpaṃ upaplaviṃ 6;
ат̇ад̣̇д̣̇асаасим̣ самб̣уд̣̇д̇хам̣, огхад̇ин̣н̣аманаасавам̣’’.
Athaddasāsiṃ sambuddhaṃ, oghatiṇṇamanāsavaṃ’’.
1152.
1152.
‘‘яат̇аа ахуу ваггали муд̇д̇асад̣̇д̇хо, бхад̣̇раавуд̇хо аал̣ави г̇од̇амо жа;
‘‘Yathā ahū vakkali muttasaddho, bhadrāvudho āḷavi gotamo ca;
звамзва д̇вамби бамун̃жассу сад̣̇д̇хам̣,
Evameva tvampi pamuñcassu saddhaṃ,
г̇амиссаси д̇вам̣ бин̇г̇ияа мажжуд̇хзяяасса баарам̣’’ 7.
Gamissasi tvaṃ piṅgiya maccudheyyassa pāraṃ’’ 8.
1153.
1153.
‘‘зса бхияяо басийд̣̇аами, суд̇ваана мунино важо;
‘‘Esa bhiyyo pasīdāmi, sutvāna munino vaco;
виваддажчад̣̇о самб̣уд̣̇д̇хо, акило бадибхаанаваа.
Vivaṭṭacchado sambuddho, akhilo paṭibhānavā.
1154.
1154.
‘‘ад̇хид̣̇звз абхин̃н̃ааяа, саб̣б̣ам̣ взд̣̇и вароварам̣ 9;
‘‘Adhideve abhiññāya, sabbaṃ vedi varovaraṃ 10;
бан̃хаананд̇агаро сад̇т̇аа, ган̇кийнам̣ бадиж̇аанад̇ам̣.
Pañhānantakaro satthā, kaṅkhīnaṃ paṭijānataṃ.
1155.
1155.
‘‘асам̣хийрам̣ асан̇губбам̣, яасса над̇т̇и убамаа гважи;
‘‘Asaṃhīraṃ asaṅkuppaṃ, yassa natthi upamā kvaci;
ад̣̇д̇хаа г̇амиссаами на мзд̇т̇а ган̇каа, звам̣ мам̣ д̇хаарзхи ад̇химуд̇д̇ажид̇д̇а’’нд̇и.
Addhā gamissāmi na mettha kaṅkhā, evaṃ maṃ dhārehi adhimuttacitta’’nti.
баарааяанаваг̇г̇о бан̃жамо нидтид̇о.
Pārāyanavaggo pañcamo niṭṭhito.
суд̇д̇уд̣̇д̣̇аанам̣ –
Suttuddānaṃ –
1.
1.
жунд̣̇о бхаво бунад̣̇зва, васало жа гаран̣ийяан̃жа;
Cundo bhavo punadeva, vasalo ca karaṇīyañca;
хзмавад̇о ат̇а яагко, виж̇аяасуд̇д̇ам̣ мунисуд̇д̇аваранд̇и.
Hemavato atha yakkho, vijayasuttaṃ munisuttavaranti.
2.
2.
батамагадтаваро вараваг̇г̇о, д̣̇ваад̣̇асасуд̇д̇ад̇харо сувибхад̇д̇о;
Paṭhamakaṭṭhavaro varavaggo, dvādasasuttadharo suvibhatto;
д̣̇зсид̇о жагкумад̇аа вималзна, суяяад̇и ваг̇г̇аваро ураг̇од̇и.
Desito cakkhumatā vimalena, suyyati vaggavaro uragoti.
3.
3.
рад̇анаамаг̇анд̇хо хириман̇г̇аланаамо, сужиломагабило жа б̣раахман̣ад̇хаммо;
Ratanāmagandho hirimaṅgalanāmo, sucilomakapilo ca brāhmaṇadhammo;
нааваа 13 гим̣сийлаудтахано жа, раахуло жа бунаби ван̇г̇ийсо.
Nāvā 14 kiṃsīlauṭṭhahano ca, rāhulo ca punapi vaṅgīso.
4.
4.
саммаабариб̣б̣ааж̇анийяоби жзд̇т̇а, д̇хаммигасуд̇д̇аваро сувибхад̇д̇о;
Sammāparibbājanīyopi cettha, dhammikasuttavaro suvibhatto;
жуд̣̇д̣̇асасуд̇д̇ад̇харо д̣̇уд̇ияамхи, жуул̣агаваг̇г̇аварод̇и д̇амааху.
Cuddasasuttadharo dutiyamhi, cūḷakavaggavaroti tamāhu.
5.
5.
баб̣б̣аж̇ж̇абад̇хаанасубхаасид̇анаамо, буурал̣аасо бунад̣̇зва маагхо жа;
Pabbajjapadhānasubhāsitanāmo, pūraḷāso punadeva māgho ca;
сабхияам̣ гзн̣ияамзва салланаамо, ваасздтаваро гаалигоби жа.
Sabhiyaṃ keṇiyameva sallanāmo, vāseṭṭhavaro kālikopi ca.
6.
6.
наалагасуд̇д̇аваро сувибхад̇д̇о, д̇ам̣ анубассий д̇ат̇аа бунад̣̇зва;
Nālakasuttavaro suvibhatto, taṃ anupassī tathā punadeva;
д̣̇ваад̣̇асасуд̇д̇ад̇харо д̇ад̇ияамхи, суяяад̇и ваг̇г̇аваро махаанаамо.
Dvādasasuttadharo tatiyamhi, suyyati vaggavaro mahānāmo.
7.
7.
гаамаг̇ухадтагад̣̇удтаганаамаа , суд̣̇д̇хаваро барамадтаганаамо;
Kāmaguhaṭṭhakaduṭṭhakanāmā , suddhavaro paramaṭṭhakanāmo;
ж̇араа мзд̇д̇ияаваро сувибхад̇д̇о, басуурамааг̇ан̣д̣ияаа бураабхзд̣̇о.
Jarā mettiyavaro suvibhatto, pasūramāgaṇḍiyā purābhedo.
8.
8.
галахавиваад̣̇о убхо вияухаа жа, д̇увадагаад̇д̇ад̣̇ан̣д̣асаарибуд̇д̇аа;
Kalahavivādo ubho viyuhā ca, tuvaṭakaattadaṇḍasāriputtā;
сол̣асасуд̇д̇ад̇харо жад̇уд̇т̇амхи, адтагаваг̇г̇аварод̇и д̇амааху.
Soḷasasuttadharo catutthamhi, aṭṭhakavaggavaroti tamāhu.
9.
9.
маг̇ад̇хз ж̇анабад̣̇з раман̣ийяз, д̣̇зсаварз гад̇абун̃н̃анивзсз;
Magadhe janapade ramaṇīye, desavare katapuññanivese;
баасаан̣агажзд̇ияаварз сувибхад̇д̇з, васи бхаг̇аваа г̇ан̣асздто.
Pāsāṇakacetiyavare suvibhatte, vasi bhagavā gaṇaseṭṭho.
10.
10.
убхаяаваасамааг̇ад̇ияамхи 15, д̣̇ваад̣̇асаяож̇анияаа барисааяа;
Ubhayavāsamāgatiyamhi 16, dvādasayojaniyā parisāya;
сол̣асаб̣раахман̣аанам̣ гира будто, бужчааяа сол̣асабан̃хагаммияаа;
Soḷasabrāhmaṇānaṃ kira puṭṭho, pucchāya soḷasapañhakammiyā;
ниббагаасаяи д̇хаммамад̣̇ааси.
Nippakāsayi dhammamadāsi.
11.
11.
ад̇т̇абагаасагаб̣яан̃ж̇анабун̣н̣ам̣, д̇хаммамад̣̇зсзси баракзмаж̇анияам̣ 17;
Atthapakāsakabyañjanapuṇṇaṃ, dhammamadesesi parakhemajaniyaṃ 18;
логахид̇ааяа ж̇ино д̣̇вибад̣̇аг̇г̇о, суд̇д̇аварам̣ б̣ахуд̇хаммавижид̇рам̣;
Lokahitāya jino dvipadaggo, suttavaraṃ bahudhammavicitraṃ;
саб̣б̣агилзсабаможанахзд̇ум̣, д̣̇зсаяи суд̇д̇аварам̣ д̣̇вибад̣̇аг̇г̇о.
Sabbakilesapamocanahetuṃ, desayi suttavaraṃ dvipadaggo.
12.
12.
б̣яан̃ж̇анамад̇т̇абад̣̇ам̣ самаяуд̇д̇ам̣ 19, агкарасан̃н̃ид̇аобамаг̇аал̣хам̣;
Byañjanamatthapadaṃ samayuttaṃ 20, akkharasaññitaopamagāḷhaṃ;
логавижааран̣ан̃аан̣абабхаг̇г̇ам̣, д̣̇зсаяи суд̇д̇аварам̣ д̣̇вибад̣̇аг̇г̇о.
Lokavicāraṇañāṇapabhaggaṃ, desayi suttavaraṃ dvipadaggo.
13.
13.
рааг̇амалз амалам̣ вималаг̇г̇ам̣, д̣̇осамалз амалам̣ вималаг̇г̇ам̣;
Rāgamale amalaṃ vimalaggaṃ, dosamale amalaṃ vimalaggaṃ;
мохамалз амалам̣ вималаг̇г̇ам̣, логавижааран̣ан̃аан̣абабхаг̇г̇ам̣;
Mohamale amalaṃ vimalaggaṃ, lokavicāraṇañāṇapabhaggaṃ;
д̣̇зсаяи суд̇д̇аварам̣ д̣̇вибад̣̇аг̇г̇о.
Desayi suttavaraṃ dvipadaggo.
14.
14.
глзсамалз амалам̣ вималаг̇г̇ам̣, д̣̇ужжарид̇амалз амалам̣ вималаг̇г̇ам̣;
Klesamale amalaṃ vimalaggaṃ, duccaritamale amalaṃ vimalaggaṃ;
логавижааран̣ан̃аан̣абабхаг̇г̇ам̣, д̣̇зсаяи суд̇д̇аварам̣ д̣̇вибад̣̇аг̇г̇о.
Lokavicāraṇañāṇapabhaggaṃ, desayi suttavaraṃ dvipadaggo.
15.
15.
аасаваб̣анд̇ханаяог̇аагилзсам̣, нийваран̣аани жа д̇ийн̣и малаани;
Āsavabandhanayogākilesaṃ, nīvaraṇāni ca tīṇi malāni;
д̇асса гилзсабаможанахзд̇ум̣, д̣̇зсаяи суд̇д̇аварам̣ д̣̇вибад̣̇аг̇г̇о.
Tassa kilesapamocanahetuṃ, desayi suttavaraṃ dvipadaggo.
16.
16.
ниммаласаб̣б̣агилзсабанууд̣̇ам̣, рааг̇авирааг̇аманзж̇амасогам̣;
Nimmalasabbakilesapanūdaṃ, rāgavirāgamanejamasokaṃ;
санд̇абан̣ийд̇асуд̣̇уд̣̇д̣̇асад̇хаммам̣, д̣̇зсаяи суд̇д̇аварам̣ д̣̇вибад̣̇аг̇г̇о.
Santapaṇītasududdasadhammaṃ, desayi suttavaraṃ dvipadaggo.
17.
17.
рааг̇ан̃жа д̣̇осагамабхан̃ж̇ид̇асанд̇ам̣ 21, яонижад̇уг̇г̇ад̇ибан̃жавин̃н̃аан̣ам̣;
Rāgañca dosakamabhañjitasantaṃ 22, yonicatuggatipañcaviññāṇaṃ;
д̇ан̣хаарад̇ажчад̣̇анад̇аан̣алад̇аабамогкам̣ 23, д̣̇зсаяи суд̇д̇аварам̣ д̣̇вибад̣̇аг̇г̇о.
Taṇhāratacchadanatāṇalatāpamokkhaṃ 24, desayi suttavaraṃ dvipadaggo.
18.
18.
г̇амбхийрад̣̇уд̣̇д̣̇асасан̣ханибун̣ам̣, бан̣д̣ид̇авзд̣̇анияам̣ нибун̣ад̇т̇ам̣;
Gambhīraduddasasaṇhanipuṇaṃ, paṇḍitavedaniyaṃ nipuṇatthaṃ;
логавижааран̣ан̃аан̣абабхаг̇г̇ам̣, д̣̇зсаяи суд̇д̇аварам̣ д̣̇вибад̣̇аг̇г̇о.
Lokavicāraṇañāṇapabhaggaṃ, desayi suttavaraṃ dvipadaggo.
19.
19.
наван̇г̇агусумамаалаг̇ийвзяяам̣, инд̣̇рияажхаанавимогкавибхад̇д̇ам̣;
Navaṅgakusumamālagīveyyaṃ, indriyajhānavimokkhavibhattaṃ;
адтан̇г̇амаг̇г̇ад̇харам̣ вараяаанам̣, д̣̇зсаяи суд̇д̇аварам̣ д̣̇вибад̣̇аг̇г̇о.
Aṭṭhaṅgamaggadharaṃ varayānaṃ, desayi suttavaraṃ dvipadaggo.
20.
20.
сомубамам̣ вималам̣ барисуд̣̇д̇хам̣, ан̣н̣авамуубамарад̇анасужид̇д̇ам̣;
Somupamaṃ vimalaṃ parisuddhaṃ, aṇṇavamūpamaratanasucittaṃ;
бубпасамам̣ равимуубамад̇зж̇ам̣, д̣̇зсаяи суд̇д̇аварам̣ д̣̇вибад̣̇аг̇г̇о.
Pupphasamaṃ ravimūpamatejaṃ, desayi suttavaraṃ dvipadaggo.
21.
21.
кзмасивам̣ сукасийд̇аласанд̇ам̣, мажжуд̇ад̇аан̣абарам̣ барамад̇т̇ам̣;
Khemasivaṃ sukhasītalasantaṃ, maccutatāṇaparaṃ paramatthaṃ;
д̇асса суниб̣б̣уд̇ад̣̇ассанахзд̇ум̣, д̣̇зсаяи суд̇д̇аварам̣ д̣̇вибад̣̇аг̇г̇од̇и.
Tassa sunibbutadassanahetuṃ, desayi suttavaraṃ dvipadaggoti.
суд̇д̇анибаад̇абаал̣и нидтид̇аа.
Suttanipātapāḷi niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / баарааяанаануг̇ийд̇иг̇аат̇ааван̣н̣анаа • Pārāyanānugītigāthāvaṇṇanā
