| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
18. баарааяанаануг̇ийд̇иг̇аат̇аанид̣̇д̣̇зсаван̣н̣анаа
18. Pārāyanānugītigāthāniddesavaṇṇanā
102. баарааяанамануг̇ааяиссанд̇и асса аяам̣ самб̣анд̇хо – бхаг̇авад̇аа хи баарааяанз д̣̇зсид̇з сол̣асасахассаж̇адилаа арахад̇д̇ам̣ баабун̣им̣су, авасзсаанан̃жа жуд̣̇д̣̇асагодисан̇каанам̣ д̣̇звамануссаанам̣ д̇хаммаабхисамаяо ахоси. вуд̇д̇ан̃хзд̇ам̣ бораан̣зхи –
102.Pārāyanamanugāyissanti assa ayaṃ sambandho – bhagavatā hi pārāyane desite soḷasasahassajaṭilā arahattaṃ pāpuṇiṃsu, avasesānañca cuddasakoṭisaṅkhānaṃ devamanussānaṃ dhammābhisamayo ahosi. Vuttañhetaṃ porāṇehi –
‘‘д̇ад̇о баасаан̣агз раммз, баарааяанасамааг̇амз;
‘‘Tato pāsāṇake ramme, pārāyanasamāgame;
амад̇ам̣ баабаяий б̣уд̣̇д̇хо, жуд̣̇д̣̇аса баан̣агодияо’’д̇и. (су. ни. адта. 2.1138);
Amataṃ pāpayī buddho, cuddasa pāṇakoṭiyo’’ti. (su. ni. aṭṭha. 2.1138);
нидтид̇ааяа бана д̇хаммад̣̇зсанааяа д̇ад̇о д̇ад̇о ааг̇ад̇аа мануссаа бхаг̇авад̇о аанубхаавзна ад̇д̇ано ад̇д̇ано г̇ааманиг̇амаад̣̇ийсвзва баад̇урахзсум̣. бхаг̇авааби саавад̇т̇имзва аг̇амааси барижаарагасол̣асаад̣̇ийхи анзгзхи бхигкусахассзхи баривуд̇о. д̇ад̇т̇а бин̇г̇ияо бхаг̇аванд̇ам̣ ванд̣̇ид̇ваа ааха – ‘‘г̇ажчаамахам̣, бханд̇з, б̣ааварисса б̣уд̣̇д̇хуббаад̣̇ам̣ аарожзд̇ум̣, бадиссуд̇ан̃хи д̇ассзва маяаа’’д̇и. ат̇а бхаг̇авад̇аа анун̃н̃аад̇о н̃аан̣аг̇аманзнзва г̇од̇хааварийд̇ийрам̣ г̇анд̇ваа баад̣̇аг̇аманзна ассамаабхимуко аг̇амааси. д̇амзнам̣ б̣ааварий б̣раахман̣о маг̇г̇ам̣ ологзнд̇о нисинно д̣̇уурад̇ова д̇ам̣ каариж̇адаад̣̇ивирахид̇ам̣ бхигкувзсзнааг̇ажчанд̇ам̣ д̣̇исваа ‘‘б̣уд̣̇д̇хо логз уббанно’’д̇и нидтамаг̇амааси. самбад̇д̇ан̃жааби нам̣ бужчи – ‘‘гим̣, бин̇г̇ияа, б̣уд̣̇д̇хо логз уббанно’’д̇и? ‘‘аама, б̣раахман̣а, уббанно, баасаан̣агз жзд̇ияз нисинно амхаагам̣ д̇хаммам̣ д̣̇зсзси, д̇амахам̣ д̇уяхам̣ д̣̇зсзссаамий’’д̇и. д̇ад̇о б̣ааварий махад̇аа саггаарзна сабарисо д̇ам̣ бууж̇зд̇ваа аасанам̣ бан̃н̃аабзси. д̇ад̇т̇а нисийд̣̇ид̇ваа бин̇г̇ияо ‘‘баарааяанамануг̇ааяисса’’нд̇иаад̣̇имааха.
Niṭṭhitāya pana dhammadesanāya tato tato āgatā manussā bhagavato ānubhāvena attano attano gāmanigamādīsveva pāturahesuṃ. Bhagavāpi sāvatthimeva agamāsi paricārakasoḷasādīhi anekehi bhikkhusahassehi parivuto. Tattha piṅgiyo bhagavantaṃ vanditvā āha – ‘‘gacchāmahaṃ, bhante, bāvarissa buddhuppādaṃ ārocetuṃ, paṭissutañhi tasseva mayā’’ti. Atha bhagavatā anuññāto ñāṇagamaneneva godhāvarītīraṃ gantvā pādagamanena assamābhimukho agamāsi. Tamenaṃ bāvarī brāhmaṇo maggaṃ olokento nisinno dūratova taṃ khārijaṭādivirahitaṃ bhikkhuvesenāgacchantaṃ disvā ‘‘buddho loke uppanno’’ti niṭṭhamagamāsi. Sampattañcāpi naṃ pucchi – ‘‘kiṃ, piṅgiya, buddho loke uppanno’’ti? ‘‘Āma, brāhmaṇa, uppanno, pāsāṇake cetiye nisinno amhākaṃ dhammaṃ desesi, tamahaṃ tuyhaṃ desessāmī’’ti. Tato bāvarī mahatā sakkārena sapariso taṃ pūjetvā āsanaṃ paññāpesi. Tattha nisīditvā piṅgiyo ‘‘pārāyanamanugāyissa’’ntiādimāha.
д̇ад̇т̇а ануг̇ааяиссанд̇и бхаг̇авад̇о г̇ийд̇ам̣ ануг̇ааяиссам̣. яат̇аад̣̇д̣̇агкийд̇и яат̇аа саамам̣ сажжаабхисамб̣од̇хзна асаад̇хааран̣ан̃аан̣зна жа ад̣̇д̣̇агки. ниггаамод̇и бахийнагаамо. ‘‘ниггамо’’д̇иби баато, вийрияаваад̇и ад̇т̇о. нигканд̇о ваа агусалабагкаа. ниб̣б̣анод̇и гилзсаванавирахид̇о, д̇ан̣хаавирахид̇о зва ваа. гисса хзд̇у мусаа бхан̣зд̇и язхи гилзсзхи мусаа бхан̣зяяа, зд̇з д̇асса бахийнаад̇и д̣̇ассзд̇и. зд̇зна б̣раахман̣асса саванз уссаахам̣ ж̇анзд̇и (су. ни. адта. 2.1138).
Tattha anugāyissanti bhagavato gītaṃ anugāyissaṃ. Yathāddakkhīti yathā sāmaṃ saccābhisambodhena asādhāraṇañāṇena ca addakkhi. Nikkāmoti pahīnakāmo. ‘‘Nikkamo’’tipi pāṭho, vīriyavāti attho. Nikkhanto vā akusalapakkhā. Nibbanoti kilesavanavirahito, taṇhāvirahito eva vā. Kissa hetu musā bhaṇeti yehi kilesehi musā bhaṇeyya, ete tassa pahīnāti dasseti. Etena brāhmaṇassa savane ussāhaṃ janeti (su. ni. aṭṭha. 2.1138).
амалод̇и гилзсамалавирахид̇о. вималод̇и виг̇ад̇агилзсамало. ниммалод̇и гилзсамаласуд̣̇д̇хо. малаабаг̇ад̇од̇и гилзсамалаа д̣̇уурийбхууд̇о худ̇ваа жарад̇и. малавиббахийнод̇и гилзсамалаббахийно. малавимуд̇д̇од̇и гилзсзхи вимуд̇д̇о. саб̣б̣амалавийд̇ивад̇д̇од̇и ваасанаад̣̇исаб̣б̣агилзсамалам̣ ад̇игганд̇о. д̇з ванаад̇и зд̇з вуд̇д̇аббагаараа гилзсаа.
Amaloti kilesamalavirahito. Vimaloti vigatakilesamalo. Nimmaloti kilesamalasuddho. Malāpagatoti kilesamalā dūrībhūto hutvā carati. Malavippahīnoti kilesamalappahīno. Malavimuttoti kilesehi vimutto. Sabbamalavītivattoti vāsanādisabbakilesamalaṃ atikkanto. Te vanāti ete vuttappakārā kilesā.
103. ван̣н̣уубасам̣хид̇анд̇и г̇ун̣уубасам̣хид̇ам̣.
103. Vaṇṇūpasaṃhitanti guṇūpasaṃhitaṃ.
104. сажжавхаяод̇и б̣уд̣̇д̇хо хи сажжзнзва авхаанзна наамзна яуд̇д̇о. б̣рахмзд̇и д̇ам̣ б̣раахман̣ам̣ аалабад̇и.
104.Saccavhayoti buddho hi sacceneva avhānena nāmena yutto. Brahmeti taṃ brāhmaṇaṃ ālapati.
д̇ад̇т̇а логод̇и луж̇ж̇анадтзна лого. зго лого бхавалогод̇и д̇збхуумагавибааго. со хи бхавад̇ийд̇и бхаво, бхаво зва лого бхавалого. бхавалого жа самбхавалого жаад̇и зд̇т̇а згзго д̣̇вз д̣̇вз ход̇и. бхавалого хи самбад̇д̇ибхававибад̇д̇ибхававасзна д̣̇увид̇хо. самбхавалогоби самбад̇д̇исамбхававибад̇д̇исамбхававасзна д̣̇увид̇хо. д̇ад̇т̇а самбад̇д̇ибхавалогод̇и суг̇ад̇илого. со хи идтапалад̇д̇аа сунд̣̇аро логод̇и самбад̇д̇и, бхавад̇ийд̇и бхаво, самбад̇д̇и зва бхаво самбад̇д̇ибхаво, со зва лого самбад̇д̇ибхавалого. самбад̇д̇исамбхавалогод̇и суг̇ад̇уубаг̇ам̣ гаммам̣. д̇ан̃хи самбхавад̇и зд̇асмаа паланд̇и самбхаво, самбад̇д̇ияаа самбхаво самбад̇д̇исамбхаво, самбад̇д̇исамбхаво зва лого самбад̇д̇исамбхавалогод̇и.
Tattha lokoti lujjanaṭṭhena loko. Eko loko bhavalokoti tebhūmakavipāko. So hi bhavatīti bhavo, bhavo eva loko bhavaloko. Bhavaloko ca sambhavaloko cāti ettha ekeko dve dve hoti. Bhavaloko hi sampattibhavavipattibhavavasena duvidho. Sambhavalokopi sampattisambhavavipattisambhavavasena duvidho. Tattha sampattibhavalokoti sugatiloko. So hi iṭṭhaphalattā sundaro lokoti sampatti, bhavatīti bhavo, sampatti eva bhavo sampattibhavo, so eva loko sampattibhavaloko. Sampattisambhavalokoti sugatūpagaṃ kammaṃ. Tañhi sambhavati etasmā phalanti sambhavo, sampattiyā sambhavo sampattisambhavo, sampattisambhavo eva loko sampattisambhavalokoti.
вибад̇д̇ибхавалогод̇и абааяалого. со хи анидтапалад̇д̇аа вируубо логод̇и вибад̇д̇и, бхавад̇ийд̇и бхаво, вибад̇д̇и зва бхаво вибад̇д̇ибхаво, вибад̇д̇ибхаво зва лого вибад̇д̇ибхавалого. вибад̇д̇исамбхавалогод̇и абааяуубаг̇ам̣ гаммам̣. д̇ан̃хи самбхавад̇и зд̇асмаа паланд̇и самбхаво, вибад̇д̇ияаа самбхаво вибад̇д̇исамбхаво, вибад̇д̇исамбхаво зва лого вибад̇д̇исамбхавалогод̇и. д̇иссо взд̣̇анаад̇и сукаа взд̣̇анаа, д̣̇угкаа взд̣̇анаа, ад̣̇угкамасукаа взд̣̇анаа логияаа зва. аахаараад̇и бажжаяаа. бажжаяаа хи ад̇д̇ано палам̣ аахаранд̇ийд̇и аахаараа. габ̣ал̣ийгаараахааро пассаахааро маносан̃жзд̇анаахааро вин̃н̃аан̣аахаарод̇и жад̇д̇ааро. вад̇т̇увасзна габ̣ал̣ийгад̇д̇аб̣б̣ад̇д̇аа габ̣ал̣ийгааро, аж̇жхохарид̇аб̣б̣ад̇д̇аа аахааро, од̣̇анагуммаасаад̣̇ивад̇т̇угааяа ож̇ааязд̇ам̣ наамам̣. саа хи ож̇адтамагаруубаани аахарад̇ийд̇и аахааро. жагкусампассаад̣̇иго чаб̣б̣ид̇хо пассо д̇иссо взд̣̇анаа аахарад̇ийд̇и аахааро. манасо сан̃жзд̇анаа на сад̇д̇ассаад̇и маносан̃жзд̇анаа яат̇аа жид̇д̇згаг̇г̇ад̇аа, манасаа ваа самбаяуд̇д̇аа сан̃жзд̇анаа маносан̃жзд̇анаа яат̇аа ааж̇ан̃н̃арат̇о, д̇збхуумагагусалаагусалажзд̇анаа. саа хи д̇аяо бхавз аахарад̇ийд̇и аахааро. вин̃н̃аан̣анд̇и згуунавийсад̇ибхзд̣̇ам̣ бадисанд̇хивин̃н̃аан̣ам̣. д̇ан̃хи бадисанд̇хинаамаруубам̣ аахарад̇ийд̇и аахааро.
Vipattibhavalokoti apāyaloko. So hi aniṭṭhaphalattā virūpo lokoti vipatti, bhavatīti bhavo, vipatti eva bhavo vipattibhavo, vipattibhavo eva loko vipattibhavaloko. Vipattisambhavalokoti apāyūpagaṃ kammaṃ. Tañhi sambhavati etasmā phalanti sambhavo, vipattiyā sambhavo vipattisambhavo, vipattisambhavo eva loko vipattisambhavalokoti. Tisso vedanāti sukhā vedanā, dukkhā vedanā, adukkhamasukhā vedanā lokiyā eva. Āhārāti paccayā. Paccayā hi attano phalaṃ āharantīti āhārā. Kabaḷīkārāhāro phassāhāro manosañcetanāhāro viññāṇāhāroti cattāro. Vatthuvasena kabaḷīkattabbattā kabaḷīkāro, ajjhoharitabbattā āhāro, odanakummāsādivatthukāya ojāyetaṃ nāmaṃ. Sā hi ojaṭṭhamakarūpāni āharatīti āhāro. Cakkhusamphassādiko chabbidho phasso tisso vedanā āharatīti āhāro. Manaso sañcetanā na sattassāti manosañcetanā yathā cittekaggatā, manasā vā sampayuttā sañcetanā manosañcetanā yathā ājaññaratho, tebhūmakakusalākusalacetanā. Sā hi tayo bhave āharatīti āhāro. Viññāṇanti ekūnavīsatibhedaṃ paṭisandhiviññāṇaṃ. Tañhi paṭisandhināmarūpaṃ āharatīti āhāro.
убаад̣̇аанагканд̇хаад̇и убаад̣̇аанаг̇ожараа канд̇хаа убаад̣̇аанагканд̇хаа, маж̇жхз бад̣̇алобо д̣̇адтаб̣б̣о. убаад̣̇аанасамбхууд̇аа ваа канд̇хаа убаад̣̇аанагканд̇хаа яат̇аа д̇ин̣аг̇г̇и, т̇усаг̇г̇и. убаад̣̇аанавид̇хзяяаа ваа канд̇хаа убаад̣̇аанагканд̇хаа яат̇аа рааж̇абурисо. убаад̣̇аанаббабхаваа ваа канд̇хаа убаад̣̇аанагканд̇хаа яат̇аа бубпаругко, паларугко. убаад̣̇аанаани бана гаамубаад̣̇аанам̣ д̣̇идтубаад̣̇аанам̣ сийлаб̣б̣ад̇убаад̣̇аанам̣ ад̇д̇аваад̣̇убаад̣̇аананд̇и жад̇д̇аари. ад̇т̇ад̇о бана бхусам̣ аад̣̇аананд̇и убаад̣̇аанам̣. руубубаад̣̇аанагканд̇хо, взд̣̇анубаад̣̇аанагканд̇хо, сан̃н̃убаад̣̇аанагканд̇хо, сан̇каарубаад̣̇аанагканд̇хо, вин̃н̃аан̣убаад̣̇аанагканд̇ход̇и бан̃жа. ча аж̇жхад̇д̇игаани ааяад̇анаанийд̇и жагкааяад̇анам̣, сод̇ааяад̇анам̣, гхаанааяад̇анам̣, ж̇ивхааяад̇анам̣, гааяааяад̇анам̣, манааяад̇анам̣. сад̇д̇а вин̃н̃аан̣адтид̇ияо вуд̇д̇анаяаа зва. д̇ат̇аа адта логад̇хаммаа. аби жа – лаабхо, алаабхо, яасо, аяасо, нинд̣̇аа, басам̣саа, сукам̣, д̣̇угканд̇и имз адта логаббавад̇д̇ияаа сад̇и анубаривад̇д̇анад̇хаммагад̇д̇аа логасса д̇хаммаад̇и логад̇хаммаа. зд̇зхи муд̇д̇о сад̇д̇о наама над̇т̇и, б̣уд̣̇д̇хаанамби хонд̇иязва. яат̇ааха –
Upādānakkhandhāti upādānagocarā khandhā upādānakkhandhā, majjhe padalopo daṭṭhabbo. Upādānasambhūtā vā khandhā upādānakkhandhā yathā tiṇaggi, thusaggi. Upādānavidheyyā vā khandhā upādānakkhandhā yathā rājapuriso. Upādānappabhavā vā khandhā upādānakkhandhā yathā puppharukkho, phalarukkho. Upādānāni pana kāmupādānaṃ diṭṭhupādānaṃ sīlabbatupādānaṃ attavādupādānanti cattāri. Atthato pana bhusaṃ ādānanti upādānaṃ. Rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandhoti pañca. Cha ajjhattikāni āyatanānīti cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, manāyatanaṃ. Satta viññāṇaṭṭhitiyo vuttanayā eva. Tathā aṭṭhalokadhammā. Api ca – lābho, alābho, yaso, ayaso, nindā, pasaṃsā, sukhaṃ, dukkhanti ime aṭṭha lokappavattiyā sati anuparivattanadhammakattā lokassa dhammāti lokadhammā. Etehi mutto satto nāma natthi, buddhānampi hontiyeva. Yathāha –
‘‘адтимз, бхигкавз, логад̇хаммаа логам̣ анубаривад̇д̇анд̇и, лого жа адта логад̇хаммз анубаривад̇д̇ад̇и. гад̇амз адта? лаабхо жа алаабхо жа…бз… сукан̃жа д̣̇угкан̃жа. имз ко, бхигкавз, адта логад̇хаммаа логам̣ анубаривад̇д̇анд̇и, лого жа имз адта логад̇хаммз анубаривад̇д̇ад̇ий’’д̇и (а. ни. 8.6).
‘‘Aṭṭhime, bhikkhave, lokadhammā lokaṃ anuparivattanti, loko ca aṭṭha lokadhamme anuparivattati. Katame aṭṭha? Lābho ca alābho ca…pe… sukhañca dukkhañca. Ime kho, bhikkhave, aṭṭha lokadhammā lokaṃ anuparivattanti, loko ca ime aṭṭha lokadhamme anuparivattatī’’ti (a. ni. 8.6).
д̇ад̇т̇а анубаривад̇д̇анд̇ийд̇и ануб̣анд̇ханд̇и наббаж̇аханд̇и, логад̇о на нивад̇д̇анд̇ийд̇и ад̇т̇о. лаабход̇и баб̣б̣аж̇ид̇асса жийвараад̣̇и, г̇ахадтасса д̇ханад̇хан̃н̃аад̣̇илаабхо. соязва алаб̣бхамаано лаабхо алаабхо на лаабхо алаабход̇и вужжад̇и, но жа ад̇д̇аабхааваббад̇д̇ид̇о барин̃н̃зяяо сияаа. яасод̇и баривааро. соязва алаб̣бхамаано яасо аяасо. нинд̣̇аад̇и аван̣н̣абхан̣анам̣. басам̣саад̇и ван̣н̣абхан̣анам̣. суканд̇и гаамааважарагааяигажзд̇асигам̣. д̣̇угканд̇и бут̇уж̇ж̇анасод̇аабаннасагад̣̇ааг̇аамийнам̣ гааяигажзд̇асигам̣, анааг̇аамиараханд̇аанам̣ гааяигамзва. сад̇д̇ааваасаад̇и сад̇д̇аанам̣ ааваасаа, васанадтаанаанийд̇и ад̇т̇о. д̇аани бана д̇ат̇аа багаасид̇аа канд̇хаа зва. сад̇д̇асу вин̃н̃аан̣адтид̇ийсу асан̃н̃асад̇д̇зна жа нзвасан̃н̃аанаасан̃н̃ааяад̇анзна жа сад̣̇д̇хим̣ нава сад̇д̇ааваасаа. д̣̇асааяад̇анаанийд̇и жагкааяад̇анам̣, руубааяад̇анам̣, сод̇ааяад̇анам̣, сад̣̇д̣̇ааяад̇анам̣, гхаанааяад̇анам̣, г̇анд̇хааяад̇анам̣, ж̇ивхааяад̇анам̣, расааяад̇анам̣, гааяааяад̇анам̣, подтаб̣б̣ааяад̇ананд̇и звам̣ д̣̇аса. д̣̇ваад̣̇асааяад̇анаанийд̇и манааяад̇анад̇хаммааяад̇анзхи сад̣̇д̇хим̣ звам̣ д̣̇ваад̣̇аса. адтаараса д̇хаад̇уяод̇и жагкуд̇хаад̇у, руубад̇хаад̇у, жагкувин̃н̃аан̣ад̇хаад̇у…бз… манод̇хаад̇у, д̇хаммад̇хаад̇у, мановин̃н̃аан̣ад̇хаад̇ууд̇и згзгасмим̣ д̇ийн̣и д̇ийн̣и гад̇ваа адтаараса д̇хаад̇уяо.
Tattha anuparivattantīti anubandhanti nappajahanti, lokato na nivattantīti attho. Lābhoti pabbajitassa cīvarādi, gahaṭṭhassa dhanadhaññādilābho. Soyeva alabbhamāno lābho alābho na lābho alābhoti vuccati, no ca attābhāvappattito pariññeyyo siyā. Yasoti parivāro. Soyeva alabbhamāno yaso ayaso. Nindāti avaṇṇabhaṇanaṃ. Pasaṃsāti vaṇṇabhaṇanaṃ. Sukhanti kāmāvacarakāyikacetasikaṃ. Dukkhanti puthujjanasotāpannasakadāgāmīnaṃ kāyikacetasikaṃ, anāgāmiarahantānaṃ kāyikameva. Sattāvāsāti sattānaṃ āvāsā, vasanaṭṭhānānīti attho. Tāni pana tathā pakāsitā khandhā eva. Sattasu viññāṇaṭṭhitīsu asaññasattena ca nevasaññānāsaññāyatanena ca saddhiṃ nava sattāvāsā. Dasāyatanānīti cakkhāyatanaṃ, rūpāyatanaṃ, sotāyatanaṃ, saddāyatanaṃ, ghānāyatanaṃ, gandhāyatanaṃ, jivhāyatanaṃ, rasāyatanaṃ, kāyāyatanaṃ, phoṭṭhabbāyatananti evaṃ dasa. Dvādasāyatanānīti manāyatanadhammāyatanehi saddhiṃ evaṃ dvādasa. Aṭṭhārasa dhātuyoti cakkhudhātu, rūpadhātu, cakkhuviññāṇadhātu…pe… manodhātu, dhammadhātu, manoviññāṇadhātūti ekekasmiṃ tīṇi tīṇi katvā aṭṭhārasa dhātuyo.
сад̣̇исанаамод̇и д̇зсам̣ сад̣̇исанаамо згаг̇ун̣аван̣н̣анаамо. сад̣̇исавхаяод̇и згаг̇ун̣аван̣н̣анаамзна авхааяано. сажжасад̣̇исавхаяод̇и авид̇ат̇азгаг̇ун̣аван̣н̣анаамзна авибарийд̇зна авхааяано.
Sadisanāmoti tesaṃ sadisanāmo ekaguṇavaṇṇanāmo. Sadisavhayoti ekaguṇavaṇṇanāmena avhāyano. Saccasadisavhayoti avitathaekaguṇavaṇṇanāmena aviparītena avhāyano.
аасид̇од̇и убасан̇гамид̇о. убаасид̇од̇и убаг̇анд̇ваа сзвид̇о. баяирубаасид̇од̇и бхад̇д̇ивасзна ад̇ийва сзвид̇о.
Āsitoti upasaṅkamito. Upāsitoti upagantvā sevito. Payirupāsitoti bhattivasena atīva sevito.
105. губ̣б̣анаганд̇и барид̇д̇аванам̣. б̣ахубпалам̣ гаананамаавасзяяаад̇и анзгапалаад̣̇ивигад̇ибхарид̇агаананам̣ ааг̇амма васзяяа. аббад̣̇ассзд̇и б̣аавариббабхуд̇игз барид̇д̇абан̃н̃з. маход̣̇ад̇хинд̇и анод̇ад̇д̇аад̣̇им̣ маханд̇ам̣ уд̣̇агараасим̣.
105.Kubbanakanti parittavanaṃ. Bahupphalaṃ kānanamāvaseyyāti anekaphalādivikatibharitakānanaṃ āgamma vaseyya. Appadasseti bāvarippabhutike parittapaññe. Mahodadhinti anotattādiṃ mahantaṃ udakarāsiṃ.
аббад̣̇ассаад̇и манд̣̇ад̣̇ассино. барид̇д̇ад̣̇ассаад̇и ад̇иманд̣̇ад̣̇ассино. т̇огад̣̇ассаад̇и барид̇д̇ад̇оби ад̇ибарид̇д̇ад̣̇ассино. омагад̣̇ассаад̇и хздтимад̣̇ассино. лаамагад̣̇ассаад̇и аббад̇хаанад̣̇ассино. чад̇уггад̣̇ассаад̇и на уд̇д̇амад̣̇ассино. аббамаан̣ад̣̇ассанд̇и бамаан̣ам̣ ад̇иггамид̇ваа аббамаан̣ам̣ ниб̣б̣аанад̣̇ассам̣. аг̇г̇ад̣̇ассанд̇и ‘‘аг̇г̇ад̇о вз басаннаана’’нд̇иаад̣̇инаа (а. ни. 4.34; ид̇иву. 90) наязна аг̇г̇ад̇хаммад̣̇ассам̣. сздтад̣̇ассанд̇и самб̣уд̣̇д̇хо д̣̇вибад̣̇асздтод̇и сздтад̣̇ассам̣. висздтад̣̇ассанд̇иаад̣̇ийни жад̇д̇аари убасаг̇г̇зна вад̣дхид̇аани. асаманд̇и на самам̣ асамам̣ саб̣б̣ан̃н̃ум̣. асамасаманд̇и асамзхи ад̇ийд̇аб̣уд̣̇д̇хзхи самам̣ асамасамам̣. аббадисаманд̇и ад̇д̇ано сад̣̇исавирахид̇ам̣. аббадибхааг̇анд̇и ад̇д̇ано бадиб̣имб̣авирахид̇ам̣. аббадибуг̇г̇аланд̇и бадималлабуг̇г̇алавирахид̇ам̣. д̣̇зваад̇ид̣̇званд̇и висуд̣̇д̇хид̣̇зваанамби ад̇ид̣̇звам̣. абхиман̇г̇аласаммад̇адтзна усабхам̣. ачамбхид̇адтзна бурисасийхам̣. нид̣̇д̣̇осадтзна бурисанааг̇ам̣. уд̇д̇амадтзна бурисааж̇ан̃н̃ам̣. адтабарисабат̇авим̣ уббийл̣зд̇ваа сад̣̇звагз логз гзнажи бажжад̇т̇игзна бажжаамид̇д̇зна агамбияз ажаладтаанз д̇идтанадтзна бурисанисабхам̣. д̇хаммад̣̇зсанаад̇хураваханадтзна бурисад̇хораяхам̣.
Appadassāti mandadassino. Parittadassāti atimandadassino. Thokadassāti parittatopi atiparittadassino. Omakadassāti heṭṭhimadassino. Lāmakadassāti appadhānadassino. Chatukkadassāti na uttamadassino. Appamāṇadassanti pamāṇaṃ atikkamitvā appamāṇaṃ nibbānadassaṃ. Aggadassanti ‘‘aggato ve pasannāna’’ntiādinā (a. ni. 4.34; itivu. 90) nayena aggadhammadassaṃ. Seṭṭhadassanti sambuddho dvipadaseṭṭhoti seṭṭhadassaṃ. Viseṭṭhadassantiādīni cattāri upasaggena vaḍḍhitāni. Asamanti na samaṃ asamaṃ sabbaññuṃ. Asamasamanti asamehi atītabuddhehi samaṃ asamasamaṃ. Appaṭisamanti attano sadisavirahitaṃ. Appaṭibhāganti attano paṭibimbavirahitaṃ. Appaṭipuggalanti paṭimallapuggalavirahitaṃ. Devātidevanti visuddhidevānampi atidevaṃ. Abhimaṅgalasammataṭṭhena usabhaṃ. Achambhitaṭṭhena purisasīhaṃ. Niddosaṭṭhena purisanāgaṃ. Uttamaṭṭhena purisājaññaṃ. Aṭṭhaparisapathaviṃ uppīḷetvā sadevake loke kenaci paccatthikena paccāmittena akampiye acalaṭṭhāne tiṭṭhanaṭṭhena purisanisabhaṃ. Dhammadesanādhuravahanaṭṭhena purisadhorayhaṃ.
маанасагам̣ ваа саранд̇и манасаа жинд̇зд̇ваа гад̇ам̣ баллам̣ ваа наамамзва ваа. анод̇ад̇д̇ам̣ ваа д̣̇аханд̇и жанд̣̇имасуурияаа д̣̇агкин̣зна ваа уд̇д̇арзна ваа г̇ажчанд̇аа баб̣б̣ад̇анд̇арзна д̇ам̣ обхаасзнд̇и, уж̇ум̣ г̇ажчанд̇аа на обхаасзнд̇и, д̇знзвасса ‘‘анод̇ад̇д̇а’’нд̇и сан̇каа уд̣̇абаад̣̇и. зваруубам̣ анод̇ад̇д̇ам̣ ваа д̣̇ахам̣. агкобхам̣ амид̇од̣̇аганд̇и жаалзд̇ум̣ асаггун̣зяяам̣ абаримид̇ам̣ уд̣̇агаж̇алараасим̣. звамзваад̇и обаммасам̣санд̣̇анам̣, б̣уд̣̇д̇хам̣ бхаг̇аванд̇ам̣ агкобхам̣ аасабхам̣ таанадтаанзна жаалзд̇ум̣ асаггун̣зяяам̣. амид̇ад̇зж̇анд̇и абаримид̇ан̃аан̣ад̇зж̇ам̣. бабхиннан̃аан̣анд̇и д̣̇асаб̣алан̃аан̣аад̣̇ивасзна бабхзд̣̇аг̇ад̇ан̃аан̣ам̣. вивадажагкунд̇и саманд̇ажагкум̣.
Mānasakaṃ vā saranti manasā cintetvā kataṃ pallaṃ vā nāmameva vā. Anotattaṃ vā dahanti candimasūriyā dakkhiṇena vā uttarena vā gacchantā pabbatantarena taṃ obhāsenti, ujuṃ gacchantā na obhāsenti, tenevassa ‘‘anotatta’’nti saṅkhā udapādi. Evarūpaṃ anotattaṃ vā dahaṃ. Akkhobhaṃ amitodakanti cāletuṃ asakkuṇeyyaṃ aparimitaṃ udakajalarāsiṃ. Evamevāti opammasaṃsandanaṃ, buddhaṃ bhagavantaṃ akkhobhaṃ āsabhaṃ ṭhānaṭṭhānena cāletuṃ asakkuṇeyyaṃ. Amitatejanti aparimitañāṇatejaṃ. Pabhinnañāṇanti dasabalañāṇādivasena pabhedagatañāṇaṃ. Vivaṭacakkhunti samantacakkhuṃ.
бан̃н̃аабабхзд̣̇агусаланд̇и ‘‘яаа бан̃н̃аа баж̇аананаа вижаяо бавижаяо’’д̇иаад̣̇инаа (д̇ха. са. 16; вибха. 525) наязна бан̃н̃ааяа бабхзд̣̇аж̇аананз чзгам̣. ад̇хиг̇ад̇абадисамбхид̣̇анд̇и бадилад̣̇д̇хажад̇убадисамбхид̣̇ам̣. жад̇увзсаараж̇ж̇аббад̇д̇анд̇и ‘‘саммаасамб̣уд̣̇д̇хасса д̇з бадиж̇аанад̇о имз д̇хаммаа анабхисамб̣уд̣̇д̇хаа’’д̇иаад̣̇инаа (ма. ни. 1.150; а. ни. 4.8) наязна вуд̇д̇зсу жад̇уусу таанзсу висаарад̣̇абхааваббад̇д̇ам̣. сад̣̇д̇хаад̇химуд̇д̇анд̇и барисуд̣̇д̇хз паласамаабад̇д̇ижид̇д̇з ад̇химуд̇д̇ам̣, д̇ад̇т̇а бавидтам̣. сзд̇абажжад̇д̇анд̇и ваасанааяа виббахийнад̇д̇аа барисуд̣̇д̇хам̣ аавзн̣игаад̇д̇абхаавам̣. ад̣̇ваяабхаан̣инд̇и барижчиннаважанад̇д̇аа д̣̇виважанавирахид̇ам̣. д̇аад̣̇инд̇и д̇аад̣̇исам̣, идтаанидтзсу агамбанам̣ ваа. д̇ат̇аа бадин̃н̃аа ассаад̇и д̇ат̇аабадин̃н̃о, д̇ам̣. абарид̇д̇анд̇и на куд̣̇д̣̇агам̣. маханд̇анд̇и д̇зд̇хаад̇ум̣ ад̇иггамид̇ваа маханд̇аббад̇д̇ам̣.
Paññāpabhedakusalanti ‘‘yā paññā pajānanā vicayo pavicayo’’tiādinā (dha. sa. 16; vibha. 525) nayena paññāya pabhedajānane chekaṃ. Adhigatapaṭisambhidanti paṭiladdhacatupaṭisambhidaṃ. Catuvesārajjappattanti ‘‘sammāsambuddhassa te paṭijānato ime dhammā anabhisambuddhā’’tiādinā (ma. ni. 1.150; a. ni. 4.8) nayena vuttesu catūsu ṭhānesu visāradabhāvappattaṃ. Saddhādhimuttanti parisuddhe phalasamāpatticitte adhimuttaṃ, tattha paviṭṭhaṃ. Setapaccattanti vāsanāya vippahīnattā parisuddhaṃ āveṇikaattabhāvaṃ. Advayabhāṇinti paricchinnavacanattā dvivacanavirahitaṃ. Tādinti tādisaṃ, iṭṭhāniṭṭhesu akampanaṃ vā. Tathā paṭiññā assāti tathāpaṭiñño, taṃ. Aparittanti na khuddakaṃ. Mahantanti tedhātuṃ atikkamitvā mahantappattaṃ.
г̇амбхийранд̇и ан̃н̃зсам̣ д̣̇уббавзсам̣. аббамзяяанд̇и ад̇уладтзна аббамзяяам̣. д̣̇уббарияог̇ааханд̇и барияог̇аахид̇ум̣ д̣̇угкаббавзсам̣. бахууд̇арад̇ананд̇и сад̣̇д̇хаад̣̇ирад̇анзхи бахууд̇арад̇анам̣. сааг̇арасаманд̇и рад̇анаагарад̇о самуд̣̇д̣̇асад̣̇исам̣. чал̣ан̇г̇убзгкааяа саманнааг̇ад̇анд̇и ‘‘жагкунаа руубам̣ д̣̇исваа нзва сумано ход̇и на д̣̇уммано’’д̇и (а. ни. 6.1) вуд̇д̇анаязна чал̣ан̇г̇убзгкааяа барибун̣н̣ам̣. ад̇уланд̇и д̇улавирахид̇ам̣, д̇улаяид̇ум̣ асаггун̣зяяам̣. вибуланд̇и ад̇имаханд̇ам̣. аббамзяяанд̇и бамзд̇ум̣ асаггун̣зяяам̣. д̇ам̣ д̇аад̣̇исанд̇и д̇ам̣ бхаг̇аванд̇ам̣ д̇аад̣̇иг̇ун̣асамбаннам̣. бавад̣̇ад̇ам̣ маг̇г̇аваад̣̇инанд̇и бавад̣̇анд̇аанам̣ гат̇знд̇аанам̣ уд̇д̇амам̣ гат̇аяанд̇ам̣ вад̣̇анд̇ам̣ ад̇хиг̇ажчинд̇и самб̣анд̇хо. мзрумива наг̇аананд̇и баб̣б̣ад̇аанам̣ анд̇арз синзрум̣ вияа. г̇арул̣амива д̣̇иж̇аананд̇и багкиж̇аад̇аанам̣ анд̇арз субан̣н̣ам̣ вияа. сийхамива миг̇аананд̇и жад̇уббад̣̇аанаманд̇арз сийхам̣ вияа. уд̣̇ад̇химива ан̣н̣аваананд̇и вид̇т̇ин̣н̣аан̣н̣аваанам̣ анд̇арз самуд̣̇д̣̇ам̣ вияа ад̇хиг̇ажчим̣. ж̇инабаваранд̇и б̣уд̣̇д̇худ̇д̇амам̣.
Gambhīranti aññesaṃ duppavesaṃ. Appameyyanti atulaṭṭhena appameyyaṃ. Duppariyogāhanti pariyogāhituṃ dukkhappavesaṃ. Pahūtaratananti saddhādiratanehi pahūtaratanaṃ. Sāgarasamanti ratanākarato samuddasadisaṃ. Chaḷaṅgupekkhāya samannāgatanti ‘‘cakkhunā rūpaṃ disvā neva sumano hoti na dummano’’ti (a. ni. 6.1) vuttanayena chaḷaṅgupekkhāya paripuṇṇaṃ. Atulanti tulavirahitaṃ, tulayituṃ asakkuṇeyyaṃ. Vipulanti atimahantaṃ. Appameyyanti pametuṃ asakkuṇeyyaṃ. Taṃ tādisanti taṃ bhagavantaṃ tādiguṇasampannaṃ. Pavadataṃ maggavādinanti pavadantānaṃ kathentānaṃ uttamaṃ kathayantaṃ vadantaṃ adhigacchinti sambandho. Merumiva nagānanti pabbatānaṃ antare sineruṃ viya. Garuḷamiva dijānanti pakkhijātānaṃ antare supaṇṇaṃ viya. Sīhamiva migānanti catuppadānamantare sīhaṃ viya. Udadhimiva aṇṇavānanti vitthiṇṇaaṇṇavānaṃ antare samuddaṃ viya adhigacchiṃ. Jinapavaranti buddhuttamaṃ.
106. язмз буб̣б̣зд̇и яз имз буб̣б̣з.
106.Yeme pubbeti ye ime pubbe.
107. д̇амонуд̣̇аасийнод̇и д̇амонуд̣̇о аасийно. бхуурибан̃н̃аан̣од̇и н̃аан̣ад̣̇д̇хаж̇о. бхууримзд̇хасод̇и вибулабан̃н̃о.
107.Tamonudāsīnoti tamonudo āsīno. Bhūripaññāṇoti ñāṇaddhajo. Bhūrimedhasoti vipulapañño.
нид̣̇д̣̇зсз бабхан̇гарод̇и д̇зж̇ам̣гаро. аалогагарод̇и ананд̇хагаарагаро. обхаасагарод̇и обхаасам̣ ж̇од̇им̣ гарод̇ийд̇и обхаасагаро. д̣̇ийбасад̣̇исам̣ аалогам̣ гарод̇ийд̇и д̣̇ийбан̇гаро. бад̣̇ийбасад̣̇исам̣ аалогам̣ гарод̇ийд̇и бад̣̇ийбагаро. уж̇ж̇од̇агарод̇и бад̇аабагаро. баж̇ж̇од̇агарод̇и д̣̇исаавид̣̇исаа бад̇аабагаро.
Niddese pabhaṅkaroti tejaṃkaro. Ālokakaroti anandhakārakaro. Obhāsakaroti obhāsaṃ jotiṃ karotīti obhāsakaro. Dīpasadisaṃ ālokaṃ karotīti dīpaṅkaro. Padīpasadisaṃ ālokaṃ karotīti padīpakaro. Ujjotakaroti patāpakaro. Pajjotakaroti disāvidisā patāpakaro.
бхуурибан̃н̃аан̣од̇и бут̇улан̃аан̣о. н̃аан̣абан̃н̃аан̣од̇и н̃аан̣зна баагадо. бан̃н̃аад̇хаж̇од̇и уссид̇адтзна бан̃н̃аава д̇хаж̇о ассаад̇и бан̃н̃аад̇хаж̇о, д̇хаж̇о рат̇асса бан̃н̃аан̣анд̇иаад̣̇ийсу (ж̇аа. 2.22.1841; жуул̣ани. баарааяанаануг̇ийд̇иг̇аат̇аанид̣̇д̣̇зса 107) вияа. вибхууд̇авихаарийд̇и баагадавихааро.
Bhūripaññāṇoti puthulañāṇo. Ñāṇapaññāṇoti ñāṇena pākaṭo. Paññādhajoti ussitaṭṭhena paññāva dhajo assāti paññādhajo, dhajo rathassa paññāṇantiādīsu (jā. 2.22.1841; cūḷani. pārāyanānugītigāthāniddesa 107) viya. Vibhūtavihārīti pākaṭavihāro.
108. санд̣̇идтигамагаалиганд̇и саамам̣ бассид̇аб̣б̣ам̣ палам̣, на жа гааланд̇арз бад̇д̇аб̣б̣апалам̣. анийд̇иганд̇и гилзсаад̣̇иийд̇ивирахид̇ам̣.
108.Sandiṭṭhikamakālikanti sāmaṃ passitabbaṃ phalaṃ, na ca kālantare pattabbaphalaṃ. Anītikanti kilesādiītivirahitaṃ.
санд̣̇идтиганд̇и логуд̇д̇арад̇хаммо язна ад̇хиг̇ад̇о ход̇и, д̇зна барасад̣̇д̇хааяа г̇анд̇аб̣б̣ад̇ам̣ хид̇ваа бажжавзгкан̣ан̃аан̣зна саяам̣ д̣̇адтаб̣б̣од̇и санд̣̇идтиго, д̇ам̣ санд̣̇идтигам̣. ад̇д̇ано палам̣д̣̇аанам̣ санд̇хааяа наасса гаалод̇и агаало, агаалоязва агаалиго. яо зд̇т̇а арияамаг̇г̇ад̇хаммо, со ад̇д̇ано самананд̇арамзва палам̣ д̣̇зд̇ийд̇и ад̇т̇о, д̇ам̣ агаалигам̣. зхи басса имам̣ д̇хамманд̇и звам̣ бавад̇д̇ам̣ зхибассавид̇хим̣ арахад̇ийд̇и зхибассиго, д̇ам̣ зхибассигам̣. аад̣̇ид̇д̇ам̣ жзлам̣ ваа сийсам̣ ваа аж̇жхубзгкид̇вааби ад̇д̇ано жид̇д̇з убанаяам̣ арахад̇ийд̇и обанзяяиго, д̇ам̣ обанзяяигам̣. саб̣б̣зхиби уг̇гхадид̇ан̃н̃ууаад̣̇ийхи ‘‘бхаавид̇о мз маг̇г̇о, ад̇хиг̇ад̇ам̣ палам̣, сажчигад̇о нирод̇хо’’д̇и ад̇д̇ани ад̇д̇ани взд̣̇ид̇аб̣б̣анд̇и бажжад̇д̇ам̣ взд̣̇ид̇аб̣б̣ам̣ вин̃н̃уухи.
Sandiṭṭhikanti lokuttaradhammo yena adhigato hoti, tena parasaddhāya gantabbataṃ hitvā paccavekkhaṇañāṇena sayaṃ daṭṭhabboti sandiṭṭhiko, taṃ sandiṭṭhikaṃ. Attano phalaṃdānaṃ sandhāya nāssa kāloti akālo, akāloyeva akāliko. Yo ettha ariyamaggadhammo, so attano samanantarameva phalaṃ detīti attho, taṃ akālikaṃ. Ehi passa imaṃ dhammanti evaṃ pavattaṃ ehipassavidhiṃ arahatīti ehipassiko, taṃ ehipassikaṃ. Ādittaṃ celaṃ vā sīsaṃ vā ajjhupekkhitvāpi attano citte upanayaṃ arahatīti opaneyyiko, taṃ opaneyyikaṃ. Sabbehipi ugghaṭitaññūādīhi ‘‘bhāvito me maggo, adhigataṃ phalaṃ, sacchikato nirodho’’ti attani attani veditabbanti paccattaṃ veditabbaṃ viññūhi.
109. ат̇а нам̣ б̣ааварий ааха ‘‘гим̣ ну д̇амхаа’’д̇и д̣̇вз г̇аат̇аа.
109. Atha naṃ bāvarī āha ‘‘kiṃ nu tamhā’’ti dve gāthā.
мухуд̇д̇амбийд̇и т̇огамби. кан̣амбийд̇и на б̣ахугамби. лаяамбийд̇и манамби. ваяамбийд̇и годтаасамби. ад̣̇д̇хамбийд̇и д̣̇ивасамби.
Muhuttampīti thokampi. Khaṇampīti na bahukampi. Layampīti manampi. Vayampīti koṭṭhāsampi. Addhampīti divasampi.
111-113. д̇ад̇о бин̇г̇ияо бхаг̇авад̇о санд̇игаа авиббаваасамзва д̣̇ийбзнд̇о ‘‘наахам̣ д̇амхаа’’д̇иаад̣̇имааха. наахам̣ яо мз…бз… бассаами нам̣ манасаа жагкунааваад̇и д̇ам̣ б̣уд̣̇д̇хам̣ мам̣сажагкунаа вияа манасаа бассаами. намассамаано вивасзми рад̇д̇инд̇и намассамаанова рад̇д̇им̣ ад̇инаамзми.
111-113. Tato piṅgiyo bhagavato santikā avippavāsameva dīpento ‘‘nāhaṃ tamhā’’tiādimāha. Nāhaṃ yo me…pe… passāmi naṃ manasā cakkhunāvāti taṃ buddhaṃ maṃsacakkhunā viya manasā passāmi. Namassamāno vivasemi rattinti namassamānova rattiṃ atināmemi.
114. д̇зна д̇знзва над̇од̇и язна язна д̣̇исаабхааг̇зна б̣уд̣̇д̇хо, д̇зна д̇знзваахамби над̇о, д̇аннинно д̇аббон̣од̇и д̣̇ассзд̇и.
114. Tena teneva natoti yena yena disābhāgena buddho, tena tenevāhampi nato, tanninno tappoṇoti dasseti.
115. д̣̇уб̣б̣алат̇аамагассаад̇и аббат̇аамагасса. ат̇а ваа д̣̇уб̣б̣аласса д̣̇уд̇т̇аамагасса жа, б̣алавийрияахийнассаабийд̇и вуд̇д̇ам̣ ход̇и. д̇знзва гааяо на балзд̇ийд̇и д̇знзва д̣̇уб̣б̣алад̇т̇аамагад̇д̇зна гааяо на г̇ажчад̇и, язна б̣уд̣̇д̇хо, на д̇зна г̇ажчад̇и. ‘‘на барзд̇ий’’д̇иби баато, со звад̇т̇о. д̇ад̇т̇аад̇и б̣уд̣̇д̇хасса санд̇игз. сан̇габбаяанд̇ааяаад̇и сан̇габбаг̇аманзна. д̇зна яуд̇д̇од̇и язна б̣уд̣̇д̇хо, д̇зна яуд̇д̇о баяуд̇д̇о ануяуд̇д̇од̇и д̣̇ассзд̇и.
115.Dubbalathāmakassāti appathāmakassa. Atha vā dubbalassa dutthāmakassa ca, balavīriyahīnassāpīti vuttaṃ hoti. Teneva kāyo na paletīti teneva dubbalatthāmakattena kāyo na gacchati, yena buddho, na tena gacchati. ‘‘Na paretī’’tipi pāṭho, so evattho. Tatthāti buddhassa santike. Saṅkappayantāyāti saṅkappagamanena. Tena yuttoti yena buddho, tena yutto payutto anuyuttoti dasseti.
язна б̣уд̣̇д̇ход̇и язна д̣̇исаабхааг̇зна б̣уд̣̇д̇хо убасан̇гамид̇аб̣б̣о, д̇зна д̣̇исаабхааг̇зна на балзд̇и. ат̇а ваа бхуммад̇т̇з гаран̣аважанам̣. яад̇т̇а б̣уд̣̇д̇хо д̇ад̇т̇а на балзд̇и на г̇ажчад̇и. на важ̇ад̇ийд̇и бурад̇о на яаад̇и. на г̇ажчад̇ийд̇и нивад̇д̇ад̇и. наад̇иггамад̇ийд̇и на убасан̇гамад̇и.
Yena buddhoti yena disābhāgena buddho upasaṅkamitabbo, tena disābhāgena na paleti. Atha vā bhummatthe karaṇavacanaṃ. Yattha buddho tattha na paleti na gacchati. Na vajatīti purato na yāti. Na gacchatīti nivattati. Nātikkamatīti na upasaṅkamati.
116. бан̇гз саяаанод̇и гаамагад̣̇д̣̇амз саяамаано. д̣̇ийбаа д̣̇ийбам̣ убаллавинд̇и сад̇т̇аараад̣̇ид̇о сад̇т̇аараад̣̇им̣ ад̇хиг̇ажчим̣. ат̇ад̣̇д̣̇асаасим̣ самб̣уд̣̇д̇ханд̇и сохам̣ звам̣ д̣̇уд̣̇идтим̣ г̇ахзд̇ваа анваахин̣д̣анд̇о ат̇а баасаан̣агажзд̇ияз б̣уд̣̇д̇хамад̣̇д̣̇агким̣.
116.Paṅke sayānoti kāmakaddame sayamāno. Dīpā dīpaṃ upallavinti satthārādito satthārādiṃ adhigacchiṃ. Athaddasāsiṃ sambuddhanti sohaṃ evaṃ dudiṭṭhiṃ gahetvā anvāhiṇḍanto atha pāsāṇakacetiye buddhamaddakkhiṃ.
д̇ад̇т̇а сзмаанод̇и нисаж̇ж̇амаано. саяамаанод̇и сзяяам̣ габбаяамаано. аавасамаанод̇и васамаано. баривасамаанод̇и нижжам̣ васамаано.
Tattha semānoti nisajjamāno. Sayamānoti seyyaṃ kappayamāno. Āvasamānoti vasamāno. Parivasamānoti niccaṃ vasamāno.
баллавинд̇и уг̇г̇амим̣. убаллавинд̇и уд̇д̇арим̣ , самбаллавинд̇и убасаг̇г̇зна бад̣̇ам̣ вад̣дхид̇ам̣. ад̣̇д̣̇асанд̇и нид̣̇д̣̇зсасса уд̣̇д̣̇зсабад̣̇ам̣. ад̣̇д̣̇асанд̇и бассим̣. ад̣̇д̣̇агкинд̇и ологзсим̣. абассинд̇и зсим̣. бадивиж̇жхинд̇и винивиж̇жхим̣.
Pallavinti uggamiṃ. Upallavinti uttariṃ , sampallavinti upasaggena padaṃ vaḍḍhitaṃ. Addasanti niddesassa uddesapadaṃ. Addasanti passiṃ. Addakkhinti olokesiṃ. Apassinti esiṃ. Paṭivijjhinti vinivijjhiṃ.
117. имиссаа г̇аат̇ааяа авасаанз бин̇г̇ияасса жа б̣ааварисса жа инд̣̇рияабарибаагам̣ вид̣̇ид̇ваа бхаг̇аваа саавад̇т̇ияам̣ тид̇оязва суван̣н̣обхаасам̣ мун̃жи. бин̇г̇ияо б̣ааварисса б̣уд̣̇д̇хаг̇ун̣з ван̣н̣аяанд̇о нисинно зва д̇ам̣ обхаасам̣ д̣̇исваа ‘‘гим̣ ид̣̇а’’нд̇и ологзнд̇о бхаг̇аванд̇ам̣ ад̇д̇ано бурад̇о тид̇ам̣ вияа д̣̇исваа б̣аавариб̣раахман̣асса ‘‘б̣уд̣̇д̇хо ааг̇ад̇о’’д̇и аарожзси. б̣раахман̣о удтааяаасанаа ан̃ж̇алим̣ баг̇г̇ахзд̇ваа адтааси. бхаг̇авааби обхаасам̣ парид̇ваа б̣раахман̣асса ад̇д̇аанам̣ д̣̇ассзнд̇о убхиннамби саббааяам̣ вид̣̇ид̇ваа бин̇г̇ияамзва аалабамаано ‘‘яат̇аа ахуу, ваггалий’’д̇и имам̣ г̇аат̇амабхааси.
117. Imissā gāthāya avasāne piṅgiyassa ca bāvarissa ca indriyaparipākaṃ viditvā bhagavā sāvatthiyaṃ ṭhitoyeva suvaṇṇobhāsaṃ muñci. Piṅgiyo bāvarissa buddhaguṇe vaṇṇayanto nisinno eva taṃ obhāsaṃ disvā ‘‘kiṃ ida’’nti olokento bhagavantaṃ attano purato ṭhitaṃ viya disvā bāvaribrāhmaṇassa ‘‘buddho āgato’’ti ārocesi. Brāhmaṇo uṭṭhāyāsanā añjaliṃ paggahetvā aṭṭhāsi. Bhagavāpi obhāsaṃ pharitvā brāhmaṇassa attānaṃ dassento ubhinnampi sappāyaṃ viditvā piṅgiyameva ālapamāno ‘‘yathā ahū, vakkalī’’ti imaṃ gāthamabhāsi.
д̇ассад̇т̇о – яат̇аа ваггалид̇т̇зро сад̣̇д̇хаад̇химуд̇д̇о ахоси, сад̣̇д̇хаад̇хурзнзва арахад̇д̇ам̣ баабун̣и, яат̇аа жа сол̣асаннам̣ зго бхад̣̇раавуд̇хо наама, яат̇аа жа аал̣авиг̇од̇амо жа. звамзва д̇вамби бамун̃жассу сад̣̇д̇хам̣ , д̇ад̇о сад̣̇д̇хааяа ад̇химужжанд̇о ‘‘саб̣б̣з сан̇каараа анижжаа’’д̇иаад̣̇инаа (д̇ха. ба. 277; т̇зраг̇аа. 676; бади. ма. 1.31; гат̇аа. 753) наязна вибассанам̣ аарабхид̇ваа мажжуд̇хзяяасса баарам̣ ниб̣б̣аанам̣ г̇амиссасийд̇и арахад̇д̇анигуудзна д̣̇зсанам̣ нидтаабзси, д̣̇зсанаабарияосаанз бин̇г̇ияо арахад̇д̇з, б̣ааварий анааг̇аамипалз бад̇идтахи, б̣аавариб̣раахман̣асса сиссаа бана бан̃жасад̇аа сод̇аабаннаа ахзсум̣.
Tassattho – yathā vakkalitthero saddhādhimutto ahosi, saddhādhureneva arahattaṃ pāpuṇi, yathā ca soḷasannaṃ eko bhadrāvudho nāma, yathā ca āḷavigotamo ca. Evameva tvampi pamuñcassu saddhaṃ, tato saddhāya adhimuccanto ‘‘sabbe saṅkhārā aniccā’’tiādinā (dha. pa. 277; theragā. 676; paṭi. ma. 1.31; kathā. 753) nayena vipassanaṃ ārabhitvā maccudheyyassa pāraṃ nibbānaṃ gamissasīti arahattanikūṭena desanaṃ niṭṭhāpesi, desanāpariyosāne piṅgiyo arahatte, bāvarī anāgāmiphale patiṭṭhahi, bāvaribrāhmaṇassa sissā pana pañcasatā sotāpannā ahesuṃ.
д̇ад̇т̇а мун̃жассууд̇и можассу. бамун̃жассууд̇и можзхи. ад̇химун̃жассууд̇и д̇ад̇т̇а ад̇химогкам̣ гарассу. огаббзхийд̇и б̣ахумаанам̣ уббаад̣̇зхийд̇и. саб̣б̣з сан̇каараа анижжаад̇и худ̇ваа абхаавадтзна. саб̣б̣з сан̇каараа д̣̇угкаад̇и д̣̇угкамадтзна. саб̣б̣з д̇хаммаа анад̇д̇аад̇и авасавад̇д̇анадтзна.
Tattha muñcassūti mocassu. Pamuñcassūti mocehi. Adhimuñcassūti tattha adhimokkhaṃ karassu. Okappehīti bahumānaṃ uppādehīti. Sabbe saṅkhārā aniccāti hutvā abhāvaṭṭhena. Sabbe saṅkhārā dukkhāti dukkhamaṭṭhena. Sabbe dhammā anattāti avasavattanaṭṭhena.
118. ид̣̇аани бин̇г̇ияо ад̇д̇ано басаад̣̇ам̣ нивзд̣̇знд̇о ‘‘зса бхияяод̇иаад̣̇имааха. д̇ад̇т̇а бадибхаанаваад̇и бадибхаанаббадисамбхид̣̇ааяа убзд̇о.
118. Idāni piṅgiyo attano pasādaṃ nivedento ‘‘esa bhiyyotiādimāha. Tattha paṭibhānavāti paṭibhānappaṭisambhidāya upeto.
бхияяо бхияяод̇и убаруубари.
Bhiyyo bhiyyoti uparūpari.
119. ад̇хид̣̇звз абхин̃н̃ааяаад̇и ад̇хид̣̇звагарз д̇хаммз н̃ад̇ваа. баробаранд̇и хийнабан̣ийд̇ам̣, ад̇д̇ано жа барасса жа ад̇хид̣̇звад̇д̇агарам̣ саб̣б̣ад̇хаммаж̇аад̇ам̣ авзд̣̇ийд̇и вуд̇д̇ам̣ ход̇и. ган̇кийнам̣ бадиж̇аанад̇анд̇и ган̇кийнам̣язва сад̇ам̣ ‘‘нигган̇камхаа’’д̇и бадиж̇аананд̇аанам̣.
119.Adhideve abhiññāyāti adhidevakare dhamme ñatvā. Paroparanti hīnapaṇītaṃ, attano ca parassa ca adhidevattakaraṃ sabbadhammajātaṃ avedīti vuttaṃ hoti. Kaṅkhīnaṃ paṭijānatanti kaṅkhīnaṃyeva sataṃ ‘‘nikkaṅkhamhā’’ti paṭijānantānaṃ.
нид̣̇д̣̇зсз баарааяанигабан̃хаананд̇и баарааяанигаб̣раахман̣аанам̣ бужчаанам̣. авасаанам̣ гарод̇ийд̇и анд̇агаро. годим̣ гарод̇ийд̇и барияанд̇агаро. сиймам̣ марияаад̣̇ам̣ гарод̇ийд̇и барижчзд̣̇агаро. ниг̇амам̣ гарод̇ийд̇и баривадумагаро. сабхияабан̃хаананд̇и на гзвалам̣ баарааяанигаб̣раахман̣аанам̣ бан̃хаанам̣ зва, ат̇а ко сабхияабариб̣б̣ааж̇агаад̣̇ийнамби бан̃хаанам̣ анд̇ам̣ гарод̇ийд̇и д̣̇ассзд̇ум̣ ‘‘сабхияабан̃хаана’’нд̇иаад̣̇имааха.
Niddese pārāyanikapañhānanti pārāyanikabrāhmaṇānaṃ pucchānaṃ. Avasānaṃ karotīti antakaro. Koṭiṃ karotīti pariyantakaro. Sīmaṃ mariyādaṃ karotīti paricchedakaro. Nigamaṃ karotīti parivaṭumakaro. Sabhiyapañhānanti na kevalaṃ pārāyanikabrāhmaṇānaṃ pañhānaṃ eva, atha kho sabhiyaparibbājakādīnampi pañhānaṃ antaṃ karotīti dassetuṃ ‘‘sabhiyapañhāna’’ntiādimāha.
120. асам̣хийранд̇и рааг̇аад̣̇ийхи асам̣хаарияам̣. асан̇губбанд̇и асан̇губбам̣ авибарин̣аамад̇хаммам̣. д̣̇вийхиби бад̣̇зхи ниб̣б̣аанам̣ бхан̣ад̇и. ад̣̇д̇хаа г̇амиссаамийд̇и згам̣сзнзва д̇ам̣ анубаад̣̇исзсаниб̣б̣аанад̇хаад̇ум̣ г̇амиссаами. на мзд̇т̇а ган̇каад̇и над̇т̇и мз зд̇т̇а ниб̣б̣аанз ган̇каа. звам̣ мам̣ д̇хаарзхи ад̇химуд̇д̇ажид̇д̇анд̇и бин̇г̇ияо ‘‘звамзва д̇вамби бамун̃жассу сад̣̇д̇ха’’нд̇и иминаа бхаг̇авад̇о оваад̣̇зна ад̇д̇ани сад̣̇д̇хам̣ уббаад̣̇зд̇ваа сад̣̇д̇хаад̇хурзнзва жа вимун̃жид̇ваа д̇ам̣ сад̣̇д̇хаад̇химуд̇д̇им̣ багаасзнд̇о бхаг̇аванд̇ам̣ ааха – ‘‘звам̣ мам̣ д̇хаарзхи ад̇химуд̇д̇ажид̇д̇а’’нд̇и. аяан̃хзд̇т̇а ад̇хиббааяо ‘‘яат̇аа мам̣ д̇вам̣ аважа, звамзва мам̣ ад̇химуд̇д̇ажид̇д̇ам̣ д̇хаарзхий’’д̇и.
120.Asaṃhīranti rāgādīhi asaṃhāriyaṃ. Asaṅkuppanti asaṅkuppaṃ avipariṇāmadhammaṃ. Dvīhipi padehi nibbānaṃ bhaṇati. Addhā gamissāmīti ekaṃseneva taṃ anupādisesanibbānadhātuṃ gamissāmi. Na mettha kaṅkhāti natthi me ettha nibbāne kaṅkhā. Evaṃ maṃ dhārehi adhimuttacittanti piṅgiyo ‘‘evameva tvampi pamuñcassu saddha’’nti iminā bhagavato ovādena attani saddhaṃ uppādetvā saddhādhureneva ca vimuñcitvā taṃ saddhādhimuttiṃ pakāsento bhagavantaṃ āha – ‘‘evaṃ maṃ dhārehi adhimuttacitta’’nti. Ayañhettha adhippāyo ‘‘yathā maṃ tvaṃ avaca, evameva maṃ adhimuttacittaṃ dhārehī’’ti.
на сам̣харияад̇ийд̇и г̇ахзд̇ваа сам̣харид̇ум̣ на саггаа. нияог̇аважананд̇и яуд̇д̇аважанам̣. авад̇т̇аабанаважананд̇и саннидтаанаважанам̣. имасмим̣ баарааяанаваг̇г̇з яам̣ анд̇аранд̇араа на вуд̇д̇ам̣, д̇ам̣ хздтаа вуд̇д̇анаязна г̇ахзд̇аб̣б̣ам̣. сзсам̣ саб̣б̣ад̇т̇а баагадамзва.
Na saṃhariyatīti gahetvā saṃharituṃ na sakkā. Niyogavacananti yuttavacanaṃ. Avatthāpanavacananti sanniṭṭhānavacanaṃ. Imasmiṃ pārāyanavagge yaṃ antarantarā na vuttaṃ, taṃ heṭṭhā vuttanayena gahetabbaṃ. Sesaṃ sabbattha pākaṭameva.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
баарааяанаануг̇ийд̇иг̇аат̇аанид̣̇д̣̇зсаван̣н̣анаа нидтид̇аа.
Pārāyanānugītigāthāniddesavaṇṇanā niṭṭhitā.
баарааяанаваг̇г̇аван̣н̣анаа нидтид̇аа.
Pārāyanavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi
18. баарааяанаануг̇ийд̇иг̇аат̇аа • 18. Pārāyanānugītigāthā
18. баарааяанаануг̇ийд̇иг̇аат̇аанид̣̇д̣̇зсо • 18. Pārāyanānugītigāthāniddeso
