| Library / Tipiṭaka / ཏིཔིཊཀ • Tipiṭaka / ཙཱུལ༹ནིདྡེསཔཱལི༹ • Cūḷaniddesapāḷi |
༡༨. པཱརཱཡནཱནུགཱིཏིགཱཐཱནིདྡེསོ
18. Pārāyanānugītigāthāniddeso
༡༠༢.
102.
པཱརཱཡནམནུགཱཡིསྶཾ , [ཨིཙྩཱཡསྨཱ པིངྒིཡོ]
Pārāyanamanugāyissaṃ, [iccāyasmā piṅgiyo]
ཡཐཱདྡཀྑི ཏཐཱཀྑཱསི, ཝིམལོ བྷཱུརིམེདྷསོ།
Yathāddakkhi tathākkhāsi, vimalo bhūrimedhaso;
ནིཀྐཱམོ ནིབྦནོ ནཱགོ, ཀིསྶ ཧེཏུ མུསཱ བྷཎེ༎
Nikkāmo nibbano nāgo, kissa hetu musā bhaṇe.
པཱརཱཡནམནུགཱཡིསྶནྟི གཱིཏམནུགཱཡིསྶཾ ཀཐིཏམནུཀཐཡིསྶཾ 1 བྷཎིཏམནུབྷཎིསྶཾ ལཔིཏམནུལཔིསྶཾ བྷཱསིཏམནུབྷཱསིསྶནྟི – པཱརཱཡནམནུགཱཡིསྶཾ། ཨིཙྩཱཡསྨཱ པིངྒིཡོཏི། ཨིཙྩཱཏི པདསནྡྷི…པེ॰… པདཱནུཔུབྦཏཱཔེཏཾ – ཨིཙྩཱཏི། ཨཱཡསྨཱཏི པིཡཝཙནཾ གརུཝཙནཾ སགཱརཝསཔྤཏིསྶཱདྷིཝཙནམེཏཾ – ཨཱཡསྨཱཏི། པིངྒིཡོཏི ཏསྶ ཐེརསྶ ནཱམཾ སངྑཱ སམཉྙཱ པཉྙཏྟི ཝོཧཱརོ ནཱམཾ ནཱམཀམྨཾ ནཱམདྷེཡྻཾ ནིརུཏྟི བྱཉྫནཾ ཨབྷིལཱཔོཏི – ཨིཙྩཱཡསྨཱ པིངྒིཡོ།
Pārāyanamanugāyissanti gītamanugāyissaṃ kathitamanukathayissaṃ 2 bhaṇitamanubhaṇissaṃ lapitamanulapissaṃ bhāsitamanubhāsissanti – pārāyanamanugāyissaṃ. Iccāyasmā piṅgiyoti. Iccāti padasandhi…pe… padānupubbatāpetaṃ – iccāti. Āyasmāti piyavacanaṃ garuvacanaṃ sagāravasappatissādhivacanametaṃ – āyasmāti. Piṅgiyoti tassa therassa nāmaṃ saṅkhā samaññā paññatti vohāro nāmaṃ nāmakammaṃ nāmadheyyaṃ nirutti byañjanaṃ abhilāpoti – iccāyasmā piṅgiyo.
ཡཐཱདྡཀྑི ཏཐཱཀྑཱསཱིཏི ཡཐཱ ཨདྡཀྑི ཏཐཱ ཨཀྑཱསི ཨཱཙིཀྑི དེསེསི པཉྙཔེསི པཊྛཔེསི ཝིཝརི ཝིབྷཛི ཨུཏྟཱནཱིཨཀཱསི པཀཱསེསི། ‘‘སབྦེ སངྑཱརཱ ཨནིཙྩཱ’’ཏི ཡཐཱ ཨདྡཀྑི ཏཐཱ ཨཀྑཱསི ཨཱཙིཀྑི དེསེསི པཉྙཔེསི པཊྛཔེསི ཝིཝརི ཝིབྷཛི ཨུཏྟཱནཱིཨཀཱསི པཀཱསེསི། ‘‘སབྦེ སངྑཱརཱ དུཀྑཱ’’ཏི…པེ॰… ‘‘སབྦེ དྷམྨཱ ཨནཏྟཱ’’ཏི… ‘‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི ཡཐཱ ཨདྡཀྑི ཏཐཱ ཨཀྑཱསི ཨཱཙིཀྑི དེསེསི པཉྙཔེསི པཊྛཔེསི ཝིཝརི ཝིབྷཛི ཨུཏྟཱནཱིཨཀཱསི པཀཱསེསཱིཏི – ཡཐཱདྡཀྑི ཏཐཱཀྑཱསི།
Yathāddakkhi tathākkhāsīti yathā addakkhi tathā akkhāsi ācikkhi desesi paññapesi paṭṭhapesi vivari vibhaji uttānīakāsi pakāsesi. ‘‘Sabbe saṅkhārā aniccā’’ti yathā addakkhi tathā akkhāsi ācikkhi desesi paññapesi paṭṭhapesi vivari vibhaji uttānīakāsi pakāsesi. ‘‘Sabbe saṅkhārā dukkhā’’ti…pe… ‘‘sabbe dhammā anattā’’ti… ‘‘yaṃ kiñci samudayadhammaṃ sabbaṃ taṃ nirodhadhamma’’nti yathā addakkhi tathā akkhāsi ācikkhi desesi paññapesi paṭṭhapesi vivari vibhaji uttānīakāsi pakāsesīti – yathāddakkhi tathākkhāsi.
ཝིམལོ བྷཱུརིམེདྷསོཏི། ཝིམལོཏི རཱགོ མལཾ, དོསོ མལཾ, མོཧོ མལཾ, ཀོདྷོ… ཨུཔནཱཧོ…པེ॰… སབྦཱཀུསལཱབྷིསངྑཱརཱ མལཱ། ཏེ མལཱ བུདྡྷསྶ བྷགཝཏོ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ། ཨམལོ བུདྡྷོ ཝིམལོ ནིམྨལོ མལཱཔགཏོ མལཝིཔྤཧཱིནོ མལཝིམུཏྟོ སབྦམལཝཱིཏིཝཏྟོ། བྷཱུརི ཝུཙྩཏི པཐཝཱི། བྷགཝཱ ཏཱཡ 3 པཐཝིསམཱཡ པཉྙཱཡ ཝིཔུལཱཡ ཝིཏྠཏཱཡ སམནྣཱགཏོ། མེདྷཱ ཝུཙྩཏི པཉྙཱ། ཡཱ པཉྙཱ པཛཱནནཱ…པེ॰… ཨམོཧོ དྷམྨཝིཙཡོ སམྨཱདིཊྛི། བྷགཝཱ ཨིམཱཡ མེདྷཱཡ པཉྙཱཡ ཨུཔེཏོ སམུཔེཏོ ཨུཔཱགཏོ སམུཔཱགཏོ ཨུཔཔནྣོ སམུཔཔནྣོ སམནྣཱགཏོ, ཏསྨཱ བུདྡྷོ སུམེདྷསོཏི – ཝིམལོ བྷཱུརིམེདྷསོ།
Vimalo bhūrimedhasoti. Vimaloti rāgo malaṃ, doso malaṃ, moho malaṃ, kodho… upanāho…pe… sabbākusalābhisaṅkhārā malā. Te malā buddhassa bhagavato pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Amalo buddho vimalo nimmalo malāpagato malavippahīno malavimutto sabbamalavītivatto. Bhūri vuccati pathavī. Bhagavā tāya 4 pathavisamāya paññāya vipulāya vitthatāya samannāgato. Medhā vuccati paññā. Yā paññā pajānanā…pe… amoho dhammavicayo sammādiṭṭhi. Bhagavā imāya medhāya paññāya upeto samupeto upāgato samupāgato upapanno samupapanno samannāgato, tasmā buddho sumedhasoti – vimalo bhūrimedhaso.
ནིཀྐཱམོ ནིབྦནོ ནཱགོཏི། ཀཱམཱཏི ཨུདྡཱནཏོ དྭེ ཀཱམཱ – ཝཏྠུཀཱམཱ ཙ ཀིལེསཀཱམཱ ཙ…པེ॰… ཨིམེ ཝུཙྩནྟི ཝཏྠུཀཱམཱ…པེ॰… ཨིམེ ཝུཙྩནྟི ཀིལེསཀཱམཱ། བུདྡྷསྶ བྷགཝཏོ ཝཏྠུཀཱམཱ པརིཉྙཱཏཱ ཀིལེསཀཱམཱ པཧཱིནཱ ཝཏྠུཀཱམཱནཾ པརིཉྙཱཏཏྟཱ ཀིལེསཀཱམཱནཾ པཧཱིནཏྟཱ། བྷགཝཱ ན ཀཱམེ ཀཱམེཏི ན ཀཱམེ ཨིཙྪཏི ན ཀཱམེ པཏྠེཏི ན ཀཱམེ པིཧེཏི ན ཀཱམེ ཨབྷིཛཔྤཏི། ཡེ ཀཱམེ ཀཱམེནྟི ཀཱམེ ཨིཙྪནྟི ཀཱམེ པཏྠེནྟི ཀཱམེ པིཧེནྟི ཀཱམེ ཨབྷིཛཔྤནྟི ཏེ ཀཱམཀཱམིནོ རཱགརཱགིནོ སཉྙསཉྙིནོ། བྷགཝཱ ན ཀཱམེ ཀཱམེཏི ན ཀཱམེ ཨིཙྪཏི ན ཀཱམེ པཏྠེཏི ན ཀཱམེ པིཧེཏི ན ཀཱམེ ཨབྷིཛཔྤཏི། ཏསྨཱ བུདྡྷོ ཨཀཱམོ ནིཀྐཱམོ ཙཏྟཀཱམོ ཝནྟཀཱམོ མུཏྟཀཱམོ པཧཱིནཀཱམོ པཊིནིསྶཊྛཀཱམོ ཝཱིཏརཱགོ ཝིགཏརཱགོ ཙཏྟརཱགོ ཝནྟརཱགོ མུཏྟརཱགོ པཧཱིནརཱགོ པཊིནིསྶཊྛརཱགོ ནིཙྪཱཏོ ནིབྦུཏོ སཱིཏིབྷཱུཏོ སུཁཔྤཊིསཾཝེདཱི བྲཧྨབྷཱུཏེན ཨཏྟནཱ ཝིཧརཏཱིཏི – ནིཀྐཱམོ།
Nikkāmonibbano nāgoti. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Buddhassa bhagavato vatthukāmā pariññātā kilesakāmā pahīnā vatthukāmānaṃ pariññātattā kilesakāmānaṃ pahīnattā. Bhagavā na kāme kāmeti na kāme icchati na kāme pattheti na kāme piheti na kāme abhijappati. Ye kāme kāmenti kāme icchanti kāme patthenti kāme pihenti kāme abhijappanti te kāmakāmino rāgarāgino saññasaññino. Bhagavā na kāme kāmeti na kāme icchati na kāme pattheti na kāme piheti na kāme abhijappati. Tasmā buddho akāmo nikkāmo cattakāmo vantakāmo muttakāmo pahīnakāmo paṭinissaṭṭhakāmo vītarāgo vigatarāgo cattarāgo vantarāgo muttarāgo pahīnarāgo paṭinissaṭṭharāgo nicchāto nibbuto sītibhūto sukhappaṭisaṃvedī brahmabhūtena attanā viharatīti – nikkāmo.
ནིབྦནོཏི རཱགོ ཝནཾ, དོསོ ཝནཾ, མོཧོ ཝནཾ, ཀོདྷོ ཝནཾ, ཨུཔནཱཧོ ཝནཾ…པེ॰… སབྦཱཀུསལཱབྷིསངྑཱརཱ ཝནཱ། ཏེ ཝནཱ བུདྡྷསྶ བྷགཝཏོ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ། ཏསྨཱ བུདྡྷོ ཨཝནོ ཝིཝནོ ནིབྦནོ ཝནཱཔགཏོ ཝནཝིཔྤཧཱིནོ ཝནཝིམུཏྟོ སབྦཝནཝཱིཏིཝཏྟོཏི – ནིབྦནོ། ནཱགོཏི ནཱགོ; བྷགཝཱ ཨཱགུཾ ན ཀརོཏཱིཏི ནཱགོ, ན གཙྪཏཱིཏི ནཱགོ, ན ཨཱགཙྪཏཱིཏི ནཱགོ…པེ॰… ཨེཝཾ བྷགཝཱ ན ཨཱགཙྪཏཱིཏི ནཱགོཏི – ནིཀྐཱམོ ནིབྦནོ ནཱགོ།
Nibbanoti rāgo vanaṃ, doso vanaṃ, moho vanaṃ, kodho vanaṃ, upanāho vanaṃ…pe… sabbākusalābhisaṅkhārā vanā. Te vanā buddhassa bhagavato pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Tasmā buddho avano vivano nibbano vanāpagato vanavippahīno vanavimutto sabbavanavītivattoti – nibbano. Nāgoti nāgo; bhagavā āguṃ na karotīti nāgo, na gacchatīti nāgo, na āgacchatīti nāgo…pe… evaṃ bhagavā na āgacchatīti nāgoti – nikkāmo nibbano nāgo.
ཀིསྶ ཧེཏུ མུསཱ བྷཎེཏི། ཀིསྶ ཧེཏཱུཏི ཀིསྶ ཧེཏུ ཀིཾཧེཏུ ཀིཾཀཱརཎཱ ཀིཾནིདཱནཱ ཀིཾཔཙྩཡཱཏི – ཀིསྶ ཧེཏུ། མུསཱ བྷཎེཏི མུསཱ བྷཎེཡྻ ཀཐེཡྻ དཱིཔེཡྻ ཝོཧརེཡྻ; མུསཱ བྷཎེཏི མོསཝཛྫཾ བྷཎེཡྻ, མུསཱཝཱདཾ བྷཎེཡྻ, ཨནརིཡཝཱདཾ བྷཎེཡྻ། ཨིདྷེཀཙྩོ སབྷཱགཏོ 5 ཝཱ པརིསཱགཏོ 6 ཝཱ ཉཱཏིམཛ྄ཛྷགཏོ ཝཱ པཱུགམཛ྄ཛྷགཏོ ཝཱ རཱཛཀུལམཛ྄ཛྷགཏོ ཝཱ ཨབྷིནཱིཏོ སཀྑིཔུཊྛོ – ‘‘ཨེཧམྦྷོ 7 པུརིས, ཡཾ ཛཱནཱསི ཏཾ ཝདེཧཱི’’ཏི, སོ ཨཛཱནཾ ཝཱ ཨཱཧ – ‘‘ཛཱནཱམཱི’’ཏི , ཛཱནཾ ཝཱ ཨཱཧ – ‘‘ན ཛཱནཱམཱི’’ཏི, ཨཔསྶཾ ཝཱ ཨཱཧ – ‘‘པསྶཱམཱི’’ཏི, པསྶཾ ཝཱ ཨཱཧ – ‘‘ན པསྶཱམཱི’’ཏི། ཨིཏི ཨཏྟཧེཏུ ཝཱ པརཧེཏུ ཝཱ ཨཱམིསཀིཉྩིཀྑཧེཏུ ཝཱ སམྤཛཱནམུསཱ བྷཱསཏི, ཨིདཾ ཝུཙྩཏི མོསཝཛྫཾ།
Kissa hetu musā bhaṇeti. Kissa hetūti kissa hetu kiṃhetu kiṃkāraṇā kiṃnidānā kiṃpaccayāti – kissa hetu. Musā bhaṇeti musā bhaṇeyya katheyya dīpeyya vohareyya; musā bhaṇeti mosavajjaṃ bhaṇeyya, musāvādaṃ bhaṇeyya, anariyavādaṃ bhaṇeyya. Idhekacco sabhāgato 8 vā parisāgato 9 vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho – ‘‘ehambho 10 purisa, yaṃ jānāsi taṃ vadehī’’ti, so ajānaṃ vā āha – ‘‘jānāmī’’ti , jānaṃ vā āha – ‘‘na jānāmī’’ti, apassaṃ vā āha – ‘‘passāmī’’ti, passaṃ vā āha – ‘‘na passāmī’’ti. Iti attahetu vā parahetu vā āmisakiñcikkhahetu vā sampajānamusā bhāsati, idaṃ vuccati mosavajjaṃ.
ཨཔི ཙ, ཏཱིཧཱཀཱརེཧི མུསཱཝཱདོ ཧོཏི། པུབྦེཝསྶ ཧོཏི – ‘‘མུསཱ བྷཎིསྶ’’ནྟི, བྷཎནྟསྶ ཧོཏི – ‘‘མུསཱ བྷཎཱམཱི’’ཏི, བྷཎིཏསྶ ཧོཏི – ‘‘མུསཱ མཡཱ བྷཎིཏ’’ནྟི – ཨིམེཧི ཏཱིཧཱཀཱརེཧི མུསཱཝཱདོ ཧོཏི། ཨཔི ཙ, ཙཏཱུཧཱཀཱརེཧི མུསཱཝཱདོ ཧོཏི། པུབྦེཝསྶ ཧོཏི – ‘‘མུསཱ བྷཎིསྶ’’ནྟི, བྷཎནྟསྶ ཧོཏི – ‘‘མུསཱ བྷཎཱམཱི’’ཏི, བྷཎིཏསྶ ཧོཏི – ‘‘མུསཱ མཡཱ བྷཎིཏ’’ནྟི, ཝིནིདྷཱཡ དིཊྛིཾ – ཨིམེཧི ཙཏཱུཧཱཀཱརེཧི མུསཱཝཱདོ ཧོཏི། ཨཔི ཙ, པཉྩཧཱཀཱརེཧི…པེ॰… ཚཧཱཀཱརེཧི… སཏྟཧཱཀཱརེཧི… ཨཊྛཧཱཀཱརེཧི མུསཱཝཱདོ ཧོཏི། པུབྦེཝསྶ ཧོཏི – ‘‘མུསཱ བྷཎིསྶ’’ནྟི, བྷཎནྟསྶ ཧོཏི – ‘‘མུསཱ བྷཎཱམཱི’’ཏི, བྷཎིཏསྶ ཧོཏི – ‘‘མུསཱ མཡཱ བྷཎིཏ’’ནྟི, ཝིནིདྷཱཡ དིཊྛིཾ, ཝིནིདྷཱཡ ཁནྟིཾ, ཝིནིདྷཱཡ རུཙིཾ, ཝིནིདྷཱཡ སཉྙཾ, ཝིནིདྷཱཡ བྷཱཝཾ – ཨིམེཧི ཨཊྛཧཱཀཱརེཧི མུསཱཝཱདོ ཧོཏི མོསཝཛྫཾ། ཀིསྶ ཧེཏུ མུསཱ བྷཎེཡྻ ཀཐེཡྻ དཱིཔེཡྻ ཝོཧརེཡྻཱཏི – ཀིསྶ ཧེཏུ མུསཱ བྷཎེ། ཏེནཱཧ ཐེརོ པིངྒིཡོ –
Api ca, tīhākārehi musāvādo hoti. Pubbevassa hoti – ‘‘musā bhaṇissa’’nti, bhaṇantassa hoti – ‘‘musā bhaṇāmī’’ti, bhaṇitassa hoti – ‘‘musā mayā bhaṇita’’nti – imehi tīhākārehi musāvādo hoti. Api ca, catūhākārehi musāvādo hoti. Pubbevassa hoti – ‘‘musā bhaṇissa’’nti, bhaṇantassa hoti – ‘‘musā bhaṇāmī’’ti, bhaṇitassa hoti – ‘‘musā mayā bhaṇita’’nti, vinidhāya diṭṭhiṃ – imehi catūhākārehi musāvādo hoti. Api ca, pañcahākārehi…pe… chahākārehi… sattahākārehi… aṭṭhahākārehi musāvādo hoti. Pubbevassa hoti – ‘‘musā bhaṇissa’’nti, bhaṇantassa hoti – ‘‘musā bhaṇāmī’’ti, bhaṇitassa hoti – ‘‘musā mayā bhaṇita’’nti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya saññaṃ, vinidhāya bhāvaṃ – imehi aṭṭhahākārehi musāvādo hoti mosavajjaṃ. Kissa hetu musā bhaṇeyya katheyya dīpeyya vohareyyāti – kissa hetu musā bhaṇe. Tenāha thero piṅgiyo –
‘‘པཱརཱཡནམནུགཱཡིསྶཾ, [ཨིཙྩཱཡསྨཱ པིངྒིཡོ]
‘‘Pārāyanamanugāyissaṃ, [iccāyasmā piṅgiyo]
ཡཐཱདྡཀྑི ཏཐཱཀྑཱསི, ཝིམལོ བྷཱུརིམེདྷསོ།
Yathāddakkhi tathākkhāsi, vimalo bhūrimedhaso;
ནིཀྐཱམོ ནིབྦནོ ནཱགོ, ཀིསྶ ཧེཏུ མུསཱ བྷཎེ’’ཏི༎
Nikkāmo nibbano nāgo, kissa hetu musā bhaṇe’’ti.
༡༠༣.
103.
པཧཱིནམལམོཧསྶ, མཱནམཀྑཔྤཧཱཡིནོ།
Pahīnamalamohassa, mānamakkhappahāyino;
ཧནྡཱཧཾ ཀིཏྟཡིསྶཱམི, གིརཾ ཝཎྞཱུཔསཾཧིཏཾ༎
Handāhaṃ kittayissāmi, giraṃ vaṇṇūpasaṃhitaṃ.
པཧཱིནམལམོཧསྶཱཏི ། མལནྟི རཱགོ མལཾ, དོསོ མལཾ, མོཧོ མལཾ, མཱནོ མལཾ, དིཊྛི མལཾ, ཀིལེསོ མལཾ, སབྦདུཙྩརིཏཾ མལཾ, སབྦབྷཝགཱམིཀམྨཾ མལཾ།
Pahīnamalamohassāti . Malanti rāgo malaṃ, doso malaṃ, moho malaṃ, māno malaṃ, diṭṭhi malaṃ, kileso malaṃ, sabbaduccaritaṃ malaṃ, sabbabhavagāmikammaṃ malaṃ.
མོཧོཏི ཡཾ དུཀྑེ ཨཉྙཱཎཾ…པེ॰… ཨཝིཛྫཱལངྒཱི མོཧོ ཨཀུསལམཱུལཾ། ཨཡཾ ཝུཙྩཏི མོཧོ། མལཉྩ མོཧོ ཙ བུདྡྷསྶ བྷགཝཏོ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ། ཏསྨཱ བུདྡྷོ པཧཱིནམལམོཧོཏི – པཧཱིནམལམོཧསྶ།
Mohoti yaṃ dukkhe aññāṇaṃ…pe… avijjālaṅgī moho akusalamūlaṃ. Ayaṃ vuccati moho. Malañca moho ca buddhassa bhagavato pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Tasmā buddho pahīnamalamohoti – pahīnamalamohassa.
མཱནམཀྑཔྤཧཱཡིནོཏི། མཱནོཏི ཨེཀཝིདྷེན མཱནོ – ཡཱ ཙིཏྟསྶ ཨུནྣཏི 11། དུཝིདྷེན མཱནོ – ཨཏྟུཀྐཾསནམཱནོ, པརཝམྦྷནམཱནོ། ཏིཝིདྷེན མཱནོ – སེཡྻོཧམསྨཱིཏི མཱནོ, སདིསོཧམསྨཱིཏི མཱནོ, ཧཱིནོཧམསྨཱིཏི མཱནོ། ཙཏུབྦིདྷེན མཱནོ – ལཱབྷེན མཱནཾ ཛནེཏི, ཡསེན མཱནཾ ཛནེཏི, པསཾསཱཡ མཱནཾ ཛནེཏི, སུཁེན མཱནཾ ཛནེཏི། པཉྩཝིདྷེན མཱནོ – ལཱབྷིམྷི མནཱཔིཀཱནཾ རཱུཔཱནནྟི མཱནཾ ཛནེཏི, ལཱབྷིམྷི མནཱཔིཀཱནཾ སདྡཱནཾ…པེ॰… གནྡྷཱནཾ… རསཱནཾ… ཕོཊྛབྦཱནནྟི མཱནཾ ཛནེཏི། ཚབྦིདྷེན མཱནོ – ཙཀྑུསམྤདཱཡ མཱནཾ ཛནེཏི, སོཏསམྤདཱཡ…པེ॰… གྷཱནསམྤདཱཡ… ཛིཝ྄ཧཱསམྤདཱཡ… ཀཱཡསམྤདཱཡ… མནོསམྤདཱཡ མཱནཾ ཛནེཏི། སཏྟཝིདྷེན མཱནོ – མཱནོ, ཨཏིམཱནོ, མཱནཱཏིམཱནོ, ཨོམཱནོ, ཨཝམཱནོ, ཨསྨིམཱནོ, མིཙྪཱམཱནོ། ཨཊྛཝིདྷེན མཱནོ – ལཱབྷེན མཱནཾ ཛནེཏི, ཨལཱབྷེན ཨོམཱནཾ ཛནེཏི, ཡསེན མཱནཾ ཛནེཏི, ཨཡསེན ཨོམཱནཾ ཛནེཏི, པསཾསཱཡ མཱནཾ ཛནེཏི, ནིནྡཱཡ ཨོམཱནཾ ཛནེཏི, སུཁེན མཱནཾ ཛནེཏི , དུཀྑེན ཨོམཱནཾ ཛནེཏི། ནཝཝིདྷེན མཱནོ – སེཡྻསྶ སེཡྻོཧམསྨཱིཏི མཱནོ, སེཡྻསྶ སདིསོཧམསྨཱིཏི མཱནོ, སེཡྻསྶ ཧཱིནོཧམསྨཱིཏི མཱནོ, སདིསསྶ སེཡྻོཧམསྨཱིཏི མཱནོ, སདིསསྶ སདིསོཧམསྨཱིཏི མཱནོ, སདིསསྶ ཧཱིནོཧམསྨཱིཏི མཱནོ, ཧཱིནསྶ སེཡྻོཧམསྨཱིཏི མཱནོ, ཧཱིནསྶ སདིསོཧམསྨཱིཏི མཱནོ, ཧཱིནསྶ ཧཱིནོཧམསྶཱིཏི མཱནོ། དསཝིདྷེན མཱནོ – ཨིདྷེཀཙྩོ མཱནཾ ཛནེཏི ཛཱཏིཡཱ ཝཱ གོཏྟེན ཝཱ ཀོལཔུཏྟིཡེན ཝཱ ཝཎྞཔོཀྑརཏཱཡ ཝཱ དྷནེན ཝཱ ཨཛ྄ཛྷེནེན ཝཱ ཀམྨཱཡཏནེན ཝཱ སིཔྤཱཡཏནེན ཝཱ ཝིཛྫཱཊྛཱནེན 12 ཝཱ སུཏེན ཝཱ པཊིབྷཱནེན ཝཱ ཨཉྙཏརཉྙཏརེན ཝཱ ཝཏྠུནཱ། ཡོ ཨེཝརཱུཔོ མཱནོ མཉྙནཱ མཉྙིཏཏྟཾ ཨུནྣཏི ཨུནྣམོ དྷཛོ སམྤགྒཱཧོ ཀེཏུཀམྱཏཱ ཙིཏྟསྶ – ཨཡཾ ཝུཙྩཏི མཱནོ།
Mānamakkhappahāyinoti. Mānoti ekavidhena māno – yā cittassa unnati 13. Duvidhena māno – attukkaṃsanamāno, paravambhanamāno. Tividhena māno – seyyohamasmīti māno, sadisohamasmīti māno, hīnohamasmīti māno. Catubbidhena māno – lābhena mānaṃ janeti, yasena mānaṃ janeti, pasaṃsāya mānaṃ janeti, sukhena mānaṃ janeti. Pañcavidhena māno – lābhimhi manāpikānaṃ rūpānanti mānaṃ janeti, lābhimhi manāpikānaṃ saddānaṃ…pe… gandhānaṃ… rasānaṃ… phoṭṭhabbānanti mānaṃ janeti. Chabbidhena māno – cakkhusampadāya mānaṃ janeti, sotasampadāya…pe… ghānasampadāya… jivhāsampadāya… kāyasampadāya… manosampadāya mānaṃ janeti. Sattavidhena māno – māno, atimāno, mānātimāno, omāno, avamāno, asmimāno, micchāmāno. Aṭṭhavidhena māno – lābhena mānaṃ janeti, alābhena omānaṃ janeti, yasena mānaṃ janeti, ayasena omānaṃ janeti, pasaṃsāya mānaṃ janeti, nindāya omānaṃ janeti, sukhena mānaṃ janeti , dukkhena omānaṃ janeti. Navavidhena māno – seyyassa seyyohamasmīti māno, seyyassa sadisohamasmīti māno, seyyassa hīnohamasmīti māno, sadisassa seyyohamasmīti māno, sadisassa sadisohamasmīti māno, sadisassa hīnohamasmīti māno, hīnassa seyyohamasmīti māno, hīnassa sadisohamasmīti māno, hīnassa hīnohamassīti māno. Dasavidhena māno – idhekacco mānaṃ janeti jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena 14 vā sutena vā paṭibhānena vā aññataraññatarena vā vatthunā. Yo evarūpo māno maññanā maññitattaṃ unnati unnamo dhajo sampaggāho ketukamyatā cittassa – ayaṃ vuccati māno.
མཀྑོཏི ཡོ མཀྑོ མཀྑཱཡནཱ མཀྑཱཡིཏཏྟཾ ནིཊྛུརིཡཾ ནིཊྛུརིཡཀམྨཾ 15 – ཨཡཾ ཝུཙྩཏི མཀྑོ། བུདྡྷསྶ བྷགཝཏོ མཱནོ ཙ མཀྑོ ཙ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ། ཏསྨཱ བུདྡྷོ མཱནམཀྑཔྤཧཱཡཱིཏི – མཱནམཀྑཔྤཧཱཡིནོ།
Makkhoti yo makkho makkhāyanā makkhāyitattaṃ niṭṭhuriyaṃ niṭṭhuriyakammaṃ 16 – ayaṃ vuccati makkho. Buddhassa bhagavato māno ca makkho ca pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Tasmā buddho mānamakkhappahāyīti – mānamakkhappahāyino.
ཧནྡཱཧཾ ཀིཏྟཡིསྶཱམི གིརཾ ཝཎྞཱུཔསཾཧིཏནྟི། ཧནྡཱཧནྟི པདསནྡྷི པདསཾསགྒོ པདཔཱརིཔཱུརཱི ཨཀྑརསམཝཱཡོ བྱཉྫནསིལིཊྛཏཱ པདཱནུཔུབྦཏཱཔེཏཾ – ཧནྡཱཧནྟི། ཀིཏྟཡིསྶཱམི གིརཾ ཝཎྞཱུཔསཾཧིཏནྟི ཝཎྞེན ཨུཔེཏཾ སམུཔེཏཾ ཨུཔཱགཏཾ སམུཔཱགཏཾ ཨུཔཔནྣཾ སམུཔཔནྣཾ སམནྣཱགཏཾ ཝཱཙཾ གིརཾ བྱཔྤཐཾ ཨུདཱིརཎཾ 17 ཀིཏྟཡིསྶཱམི དེསེསྶཱམི པཉྙཔེསྶཱམི པཊྛཔེསྶཱམི ཝིཝརིསྶཱམི ཝིབྷཛིསྶཱམི ཨུཏྟཱནཱིཀརིསྶཱམི པཀཱསེསྶཱམཱིཏི – ཧནྡཱཧཾ ཀིཏྟཡིསྶཱམི གིརཾ ཝཎྞཱུཔསཾཧིཏཾ། ཏེནཱཧ ཐེརོ པིངྒིཡོ –
Handāhaṃ kittayissāmi giraṃ vaṇṇūpasaṃhitanti. Handāhanti padasandhi padasaṃsaggo padapāripūrī akkharasamavāyo byañjanasiliṭṭhatā padānupubbatāpetaṃ – handāhanti. Kittayissāmi giraṃ vaṇṇūpasaṃhitanti vaṇṇena upetaṃ samupetaṃ upāgataṃ samupāgataṃ upapannaṃ samupapannaṃ samannāgataṃ vācaṃ giraṃ byappathaṃ udīraṇaṃ 18 kittayissāmi desessāmi paññapessāmi paṭṭhapessāmi vivarissāmi vibhajissāmi uttānīkarissāmi pakāsessāmīti – handāhaṃ kittayissāmi giraṃ vaṇṇūpasaṃhitaṃ. Tenāha thero piṅgiyo –
‘‘པཧཱིནམལམོཧསྶ, མཱནམཀྑཔྤཧཱཡིནོ།
‘‘Pahīnamalamohassa, mānamakkhappahāyino;
ཧནྡཱཧཾ ཀིཏྟཡིསྶཱམི, གིརཾ ཝཎྞཱུཔསཾཧིཏ’’ནྟི༎
Handāhaṃ kittayissāmi, giraṃ vaṇṇūpasaṃhita’’nti.
༡༠༤.
104.
ཏམོནུདོ བུདྡྷོ སམནྟཙཀྑུ, ལོཀནྟགཱུ སབྦབྷཝཱཏིཝཏྟོ།
Tamonudo buddho samantacakkhu, lokantagū sabbabhavātivatto;
ཨནཱསཝོ སབྦདུཀྑཔྤཧཱིནོ, སཙྩཝ྄ཧཡོ བྲཧྨེ ཨུཔཱསིཏོ མེ༎
Anāsavo sabbadukkhappahīno, saccavhayo brahme upāsito me.
ཏམོནུདོ བུདྡྷོ སམནྟཙཀྑཱུཏི། ཏམོནུདོཏི རཱགཏམཾ དོསཏམཾ མོཧཏམཾ མཱནཏམཾ དིཊྛིཏམཾ ཀིལེསཏམཾ དུཙྩརིཏཏམཾ ཨནྡྷཀརཎཾ ཨཉྙཱཎཀརཎཾ པཉྙཱནིརོདྷིཀཾ ཝིགྷཱཏཔཀྑིཀཾ ཨནིབྦཱནསཾཝཏྟནིཀཾ ནུདི པནུདི པཛཧི ཝིནོདེསི བྱནྟཱིཨཀཱསི ཨནབྷཱཝཾ གམེསི། བུདྡྷོཏི ཡོ སོ བྷགཝཱ…པེ॰… སཙྪིཀཱ པཉྙཏྟི; ཡདིདཾ བུདྡྷོཏི། སམནྟཙཀྑུ ཝུཙྩཏི སབྦཉྙུཏཉཱཎཾ…པེ॰… ཏཐཱགཏོ ཏེན སམནྟཙཀྑཱུཏི – ཏམོནུདོ བུདྡྷོ སམནྟཙཀྑུ།
Tamonudobuddho samantacakkhūti. Tamonudoti rāgatamaṃ dosatamaṃ mohatamaṃ mānatamaṃ diṭṭhitamaṃ kilesatamaṃ duccaritatamaṃ andhakaraṇaṃ aññāṇakaraṇaṃ paññānirodhikaṃ vighātapakkhikaṃ anibbānasaṃvattanikaṃ nudi panudi pajahi vinodesi byantīakāsi anabhāvaṃ gamesi. Buddhoti yo so bhagavā…pe… sacchikā paññatti; yadidaṃ buddhoti. Samantacakkhu vuccati sabbaññutañāṇaṃ…pe… tathāgato tena samantacakkhūti – tamonudo buddho samantacakkhu.
ལོཀནྟགཱུ སབྦབྷཝཱཏིཝཏྟོཏི། ལོཀོཏི ཨེཀོ ལོཀོ – བྷཝལོཀོ། དྭེ ལོཀཱ – བྷཝལོཀོ ཙ སམྦྷཝལོཀོ ཙ; སམྤཏྟིབྷཝལོཀོ ཙ སམྤཏྟིསམྦྷཝལོཀོ ཙ; ཝིཔཏྟིབྷཝལོཀོ ཙ ཝིཔཏྟིསམྦྷཝལོཀོ ཙ 19། ཏཡོ ལོཀཱ – ཏིསྶོ ཝེདནཱ། ཙཏྟཱརོ ལོཀཱ – ཙཏྟཱརོ ཨཱཧཱརཱ། པཉྩ ལོཀཱ – པཉྩུཔཱདཱནཀྑནྡྷཱ། ཚ ལོཀཱ – ཚ ཨཛ྄ཛྷཏྟིཀཱནི ཨཱཡཏནཱནི། སཏྟ ལོཀཱ – སཏྟཝིཉྙཱཎཊྛིཏིཡོ ། ཨཊྛ ལོཀཱ – ཨཊྛ ལོཀདྷམྨཱ། ནཝ ལོཀཱ – ནཝ སཏྟཱཝཱསཱ། དས ལོཀཱ – དས ཨཱཡཏནཱནི། དྭཱདས ལོཀཱ – དྭཱདསཱཡཏནཱནི། ཨཊྛཱརས ལོཀཱ – ཨཊྛཱརས དྷཱཏུཡོ། ལོཀནྟགཱུཏི བྷགཝཱ ལོཀསྶ ཨནྟགཏོ ཨནྟཔྤཏྟོ ཀོཊིགཏོ ཀོཊིཔྤཏྟོ… ནིབྦཱནགཏོ ནིབྦཱནཔྤཏྟོ། སོ ཝུཏྠཝཱསོ ཙིཎྞཙརཎོ… ཛཱཏིམརཎསཾསཱརོ ནཏྠི ཏསྶ པུནབྦྷཝོཏི – ལོཀནྟགཱུ།
Lokantagū sabbabhavātivattoti. Lokoti eko loko – bhavaloko. Dve lokā – bhavaloko ca sambhavaloko ca; sampattibhavaloko ca sampattisambhavaloko ca; vipattibhavaloko ca vipattisambhavaloko ca 20. Tayo lokā – tisso vedanā. Cattāro lokā – cattāro āhārā. Pañca lokā – pañcupādānakkhandhā. Cha lokā – cha ajjhattikāni āyatanāni. Satta lokā – sattaviññāṇaṭṭhitiyo . Aṭṭha lokā – aṭṭha lokadhammā. Nava lokā – nava sattāvāsā. Dasa lokā – dasa āyatanāni. Dvādasa lokā – dvādasāyatanāni. Aṭṭhārasa lokā – aṭṭhārasa dhātuyo. Lokantagūti bhagavā lokassa antagato antappatto koṭigato koṭippatto… nibbānagato nibbānappatto. So vutthavāso ciṇṇacaraṇo… jātimaraṇasaṃsāro natthi tassa punabbhavoti – lokantagū.
སབྦབྷཝཱཏིཝཏྟོཏི། བྷཝཱཏི དྭེ བྷཝཱ – ཀམྨབྷཝོ ཙ པཊིསནྡྷིཀོ ཙ པུནབྦྷཝོ། ཀཏམོ ཀམྨབྷཝོ? པུཉྙཱབྷིསངྑཱརོ ཨཔུཉྙཱབྷིསངྑཱརོ ཨཱནེཉྫཱབྷིསངྑཱརོ – ཨཡཾ ཀམྨབྷཝོ། ཀཏམོ པཊིསནྡྷིཀོ པུནབྦྷཝོ? པཊིསནྡྷིཀཱ རཱུཔཱ ཝེདནཱ སཉྙཱ སངྑཱརཱ ཝིཉྙཱཎཾ – ཨཡཾ པཊིསནྡྷིཀོ པུནབྦྷཝོ། བྷགཝཱ ཀམྨབྷཝཉྩ པཊིསནྡྷིཀཉྩ པུནབྦྷཝཾ ཨཏིཝཏྟོ 21 ཨཏིཀྐནྟོ ཝཱིཏིཝཏྟོཏི – ལོཀནྟགཱུ སབྦབྷཝཱཏིཝཏྟོ།
Sabbabhavātivattoti. Bhavāti dve bhavā – kammabhavo ca paṭisandhiko ca punabbhavo. Katamo kammabhavo? Puññābhisaṅkhāro apuññābhisaṅkhāro āneñjābhisaṅkhāro – ayaṃ kammabhavo. Katamo paṭisandhiko punabbhavo? Paṭisandhikā rūpā vedanā saññā saṅkhārā viññāṇaṃ – ayaṃ paṭisandhiko punabbhavo. Bhagavā kammabhavañca paṭisandhikañca punabbhavaṃ ativatto 22 atikkanto vītivattoti – lokantagū sabbabhavātivatto.
ཨནཱསཝོ སབྦདུཀྑཔྤཧཱིནོཏི། ཨནཱསཝོཏི ཙཏྟཱརོ ཨཱསཝཱ – ཀཱམཱསཝོ, བྷཝཱསཝོ, དིཊྛཱསཝོ, ཨཝིཛྫཱསཝོ། ཏེ ཨཱསཝཱ བུདྡྷསྶ བྷགཝཏོ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ། ཏསྨཱ བུདྡྷོ ཨནཱསཝོ། སབྦདུཀྑཔྤཧཱིནོཏི སབྦཾ ཏསྶ པཊིསནྡྷིཀཾ ཛཱཏིདུཀྑཾ ཛརཱདུཀྑཾ བྱཱདྷིདུཀྑཾ མརཎདུཀྑཾ སོཀཔརིདེཝདུཀྑདོམནསྶུཔཱཡཱསདུཀྑཾ …པེ॰… དིཊྛིབྱསནདུཀྑཾ པཧཱིནཾ སམུཙྪིནྣཾ ཝཱུཔསནྟཾ པཊིཔྤསྶདྡྷཾ ཨབྷབྦུཔྤཏྟིཀཾ ཉཱཎགྒིནཱ དཌྜྷཾ། ཏསྨཱ བུདྡྷོ སབྦདུཀྑཔྤཧཱིནོཏི – ཨནཱསཝོ སབྦདུཀྑཔྤཧཱིནོ།
Anāsavo sabbadukkhappahīnoti. Anāsavoti cattāro āsavā – kāmāsavo, bhavāsavo, diṭṭhāsavo, avijjāsavo. Te āsavā buddhassa bhagavato pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Tasmā buddho anāsavo. Sabbadukkhappahīnoti sabbaṃ tassa paṭisandhikaṃ jātidukkhaṃ jarādukkhaṃ byādhidukkhaṃ maraṇadukkhaṃ sokaparidevadukkhadomanassupāyāsadukkhaṃ …pe… diṭṭhibyasanadukkhaṃ pahīnaṃ samucchinnaṃ vūpasantaṃ paṭippassaddhaṃ abhabbuppattikaṃ ñāṇagginā daḍḍhaṃ. Tasmā buddho sabbadukkhappahīnoti – anāsavo sabbadukkhappahīno.
སཙྩཝ྄ཧཡོ བྲཧྨེ ཨུཔཱསིཏོ མེཏི། སཙྩཝ྄ཧཡོཏི སཙྩཝ྄ཧཡོ སདིསནཱམོ སདིསཝ྄ཧཡོ སཙྩསདིསཝ྄ཧཡོ། ཝིཔསྶཱི བྷགཝཱ, སིཁཱི བྷགཝཱ, ཝེསྶབྷཱུ བྷགཝཱ, ཀཀུསནྡྷོ བྷགཝཱ, ཀོཎཱགམནོ བྷགཝཱ, ཀསྶཔོ བྷགཝཱ། ཏེ བུདྡྷཱ བྷགཝནྟོ སདིསནཱམཱ སདིསཝ྄ཧཡཱ། བྷགཝཱཔི སཀྱམུནི ཏེསཾ བུདྡྷཱནཾ བྷགཝནྟཱནཾ སདིསནཱམོ སདིསཝ྄ཧཡོཏི – ཏསྨཱ བུདྡྷོ སཙྩཝ྄ཧཡོ།
Saccavhayobrahme upāsito meti. Saccavhayoti saccavhayo sadisanāmo sadisavhayo saccasadisavhayo. Vipassī bhagavā, sikhī bhagavā, vessabhū bhagavā, kakusandho bhagavā, koṇāgamano bhagavā, kassapo bhagavā. Te buddhā bhagavanto sadisanāmā sadisavhayā. Bhagavāpi sakyamuni tesaṃ buddhānaṃ bhagavantānaṃ sadisanāmo sadisavhayoti – tasmā buddho saccavhayo.
བྲཧྨེ ཨུཔཱསིཏོ མེཏི སོ མཡཱ བྷགཝཱ ཨཱསིཏོ ཨུཔཱསིཏོ པཡིརུཔཱསིཏོ པརིཔུཙྪིཏོ པརིཔཉྷིཏོཏི – སཙྩཝ྄ཧཡོ བྲཧྨེ ཨུཔཱསིཏོ མེ། ཏེནཱཧ ཐེརོ པིངྒིཡོ –
Brahme upāsito meti so mayā bhagavā āsito upāsito payirupāsito paripucchito paripañhitoti – saccavhayo brahme upāsito me. Tenāha thero piṅgiyo –
‘‘ཏམོནུདོ བུདྡྷོ སམནྟཙཀྑུ, ལོཀནྟགཱུ སབྦབྷཝཱཏིཝཏྟོ།
‘‘Tamonudo buddho samantacakkhu, lokantagū sabbabhavātivatto;
ཨནཱསཝོ སབྦདུཀྑཔྤཧཱིནོ, སཙྩཝ྄ཧཡོ བྲཧྨེ ཨུཔཱསིཏོ མེ’’ཏི༎
Anāsavo sabbadukkhappahīno, saccavhayo brahme upāsito me’’ti.
༡༠༥.
105.
དིཛོ ཡཐཱ ཀུབྦནཀཾ པཧཱཡ, བཧུཔྥལཾ ཀཱནནམཱཝསེཡྻ།
Dijo yathā kubbanakaṃ pahāya, bahupphalaṃ kānanamāvaseyya;
ཨེཝམཧཾ ཨཔྤདསྶེ པཧཱཡ, མཧོདདྷིཾ ཧཾསོརིཝ ཨཛ྄ཛྷཔཏྟོ 23 ༎
Evamahaṃ appadasse pahāya, mahodadhiṃ haṃsoriva ajjhapatto24.
དིཛོ ཡཐཱ ཀུབྦནཀཾ པཧཱཡ, བཧུཔྥལཾ ཀཱནནམཱཝསེཡྻཱཏི ། དིཛོ ཝུཙྩཏི པཀྑཱི། ཀིཾཀཱརཎཱ དིཛོ ཝུཙྩཏི པཀྑཱི? དྭིཀྑཏྟུཾ ཛཱཡཏཱིཏི དིཛོ, མཱཏུཀུཙྪིམྷཱ ཙ ཨཎྜཀོསམྷཱ ཙ། ཏཾཀཱརཎཱ དིཛོ ཝུཙྩཏི པཀྑཱིཏི – དིཛོ། ཡཐཱ ཀུབྦནཀཾ པཧཱཡཱཏི ཡཐཱ དིཛོ ཀུབྦནཀཾ པརིཏྟཝནཀཾ ཨཔྤཕལཾ ཨཔྤབྷཀྑཾ ཨཔྤོདཀཾ པཧཱཡ ཛཧིཏྭཱ ཨཏིཀྐམིཏྭཱ སམཏིཀྐམིཏྭཱ ཝཱིཏིཝཏྟེཏྭཱ ཨཉྙཾ བཧུཔྥལཾ བཧུབྷཀྑཾ བཧཱུདཀཾ 25 མཧནྟཾ ཀཱནནཾ ཝནསཎྜཾ ཨདྷིགཙྪེཡྻ ཝིནྡེཡྻ པཊིལབྷེཡྻ, ཏསྨིཉྩ ཝནསཎྜེ ཝཱསཾ ཀཔྤེཡྻཱཏི – དིཛོ ཡཐཱ ཀུབྦནཀཾ པཧཱཡ བཧུཔྥལཾ ཀཱནནཾ ཨཱཝསེཡྻ།
Dijo yathā kubbanakaṃ pahāya, bahupphalaṃ kānanamāvaseyyāti . Dijo vuccati pakkhī. Kiṃkāraṇā dijo vuccati pakkhī? Dvikkhattuṃ jāyatīti dijo, mātukucchimhā ca aṇḍakosamhā ca. Taṃkāraṇā dijo vuccati pakkhīti – dijo. Yathā kubbanakaṃ pahāyāti yathā dijo kubbanakaṃ parittavanakaṃ appaphalaṃ appabhakkhaṃ appodakaṃ pahāya jahitvā atikkamitvā samatikkamitvā vītivattetvā aññaṃ bahupphalaṃ bahubhakkhaṃ bahūdakaṃ 26 mahantaṃ kānanaṃ vanasaṇḍaṃ adhigaccheyya vindeyya paṭilabheyya, tasmiñca vanasaṇḍe vāsaṃ kappeyyāti – dijo yathā kubbanakaṃ pahāya bahupphalaṃ kānanaṃ āvaseyya.
ཨེཝམཧཾ ཨཔྤདསྶེ པཧཱཡ, མཧོདདྷིཾ ཧཾསོརིཝ ཨཛ྄ཛྷཔཏྟོཏི། ཨེཝནྟི ཨོཔམྨསམྤཊིཔཱདནཾ། ཨཔྤདསྶེ པཧཱཡཱཏི ཡོ ཙ བཱཝརཱི བྲཱཧྨཎོ ཡེ ཙཉྙེ ཏསྶ ཨཱཙརིཡཱ བུདྡྷཾ བྷགཝནྟཾ ཨུཔཱདཱཡ ཨཔྤདསྶཱ པརིཏྟདསྶཱ ཐོཀདསྶཱ ཨོམཀདསྶཱ ལཱམཀདསྶཱ ཚཏུཀྐདསྶཱ 27 ཝཱ། ཏེ ཨཔྤདསྶེ པརིཏྟདསྶེ ཐོཀདསྶེ ཨོམཀདསྶེ ལཱམཀདསྶེ ཚཏུཀྐདསྶེ པཧཱཡ པཛཧིཏྭཱ ཨཏིཀྐམིཏྭཱ སམཏིཀྐམིཏྭཱ ཝཱིཏིཝཏྟེཏྭཱ བུདྡྷཾ བྷགཝནྟཾ ཨཔྤམཱཎདསྶཾ ཨགྒདསྶཾ སེཊྛདསྶཾ ཝིསེཊྛདསྶཾ པཱམོཀྑདསྶཾ ཨུཏྟམདསྶཾ པཝརདསྶཾ ཨསམཾ ཨསམསམཾ ཨཔྤཊིསམཾ ཨཔྤཊིབྷཱགཾ ཨཔྤཊིཔུགྒལཾ དེཝཱཏིདེཝཾ ནརཱསབྷཾ པུརིསསཱིཧཾ པུརིསནཱགཾ པུརིསཱཛཉྙཾ པུརིསནིསབྷཾ པུརིསདྷོརཡ྄ཧཾ དསབལདྷཱརིཾ 28 ཨདྷིགཙྪིཾ ཝིནྡིཾ པཊིལབྷིཾ། ཡཐཱ ཙ ཧཾསོ མཧནྟཾ མཱནསཀཾ 29 ཝཱ སརཾ ཨནོཏཏྟཾ ཝཱ དཧཾ མཧཱསམུདྡཾ ཝཱ ཨཀྑོབྷཾ ཨམིཏོདཀཾ ཛལརཱསིཾ ཨདྷིགཙྪེཡྻ ཝིནྡེཡྻ པཊིལབྷེཡྻ, ཨེཝམེཝ བུདྡྷཾ བྷགཝནྟཾ ཨཀྑོབྷཾ ཨམིཏཏེཛཾ པབྷིནྣཉཱཎཾ ཝིཝཊཙཀྑུཾ པཉྙཱཔབྷེདཀུསལཾ ཨདྷིགཏཔཊིསམྦྷིདཾ ཙཏུཝེསཱརཛྫཔྤཏྟཾ སུདྡྷཱདྷིམུཏྟཾ སེཏཔཙྩཏྟཾ ཨདྭཡབྷཱཎིཾ ཏཱདིཾ ཏཐཱཔཊིཉྙཾ ཨཔརིཏྟཾ མཧནྟཾ གམྦྷཱིརཾ ཨཔྤམེཡྻཾ དུཔྤརིཡོགཱཧཾ པཧཱུཏརཏནཾ སཱགརསམཾ ཚལ༹ངྒུཔེཀྑཱཡ སམནྣཱགཏཾ ཨཏུལཾ ཝིཔུལཾ ཨཔྤམེཡྻཾ, ཏཾ ཏཱདིསཾ པཝདཏཾ མགྒཝཱདིནཾ 30 མེརུམིཝ ནགཱནཾ གརུལ༹མིཝ དིཛཱནཾ སཱིཧམིཝ མིགཱནཾ ཨུདདྷིམིཝ ཨཎྞཝཱནཾ ཨདྷིགཙྪིཾ, ཏཾ སཏྠཱརཾ ཛིནཔཝརཾ མཧེསིནྟི – ཨེཝམཧཾ ཨཔྤདསྶེ པཧཱཡ མཧོདདྷིཾ ཧཾསོརིཝ ཨཛ྄ཛྷཔཏྟོ། ཏེནཱཧ ཐེརོ པིངྒིཡོ –
Evamahaṃ appadasse pahāya, mahodadhiṃ haṃsoriva ajjhapattoti. Evanti opammasampaṭipādanaṃ. Appadasse pahāyāti yo ca bāvarī brāhmaṇo ye caññe tassa ācariyā buddhaṃ bhagavantaṃ upādāya appadassā parittadassā thokadassā omakadassā lāmakadassā chatukkadassā 31 vā. Te appadasse parittadasse thokadasse omakadasse lāmakadasse chatukkadasse pahāya pajahitvā atikkamitvā samatikkamitvā vītivattetvā buddhaṃ bhagavantaṃ appamāṇadassaṃ aggadassaṃ seṭṭhadassaṃ viseṭṭhadassaṃ pāmokkhadassaṃ uttamadassaṃ pavaradassaṃ asamaṃ asamasamaṃ appaṭisamaṃ appaṭibhāgaṃ appaṭipuggalaṃ devātidevaṃ narāsabhaṃ purisasīhaṃ purisanāgaṃ purisājaññaṃ purisanisabhaṃ purisadhorayhaṃ dasabaladhāriṃ 32 adhigacchiṃ vindiṃ paṭilabhiṃ. Yathā ca haṃso mahantaṃ mānasakaṃ 33 vā saraṃ anotattaṃ vā dahaṃ mahāsamuddaṃ vā akkhobhaṃ amitodakaṃ jalarāsiṃ adhigaccheyya vindeyya paṭilabheyya, evameva buddhaṃ bhagavantaṃ akkhobhaṃ amitatejaṃ pabhinnañāṇaṃ vivaṭacakkhuṃ paññāpabhedakusalaṃ adhigatapaṭisambhidaṃ catuvesārajjappattaṃ suddhādhimuttaṃ setapaccattaṃ advayabhāṇiṃ tādiṃ tathāpaṭiññaṃ aparittaṃ mahantaṃ gambhīraṃ appameyyaṃ duppariyogāhaṃ pahūtaratanaṃ sāgarasamaṃ chaḷaṅgupekkhāya samannāgataṃ atulaṃ vipulaṃ appameyyaṃ, taṃ tādisaṃ pavadataṃ maggavādinaṃ 34 merumiva nagānaṃ garuḷamiva dijānaṃ sīhamiva migānaṃ udadhimiva aṇṇavānaṃ adhigacchiṃ, taṃ satthāraṃ jinapavaraṃ mahesinti – evamahaṃ appadasse pahāya mahodadhiṃ haṃsoriva ajjhapatto. Tenāha thero piṅgiyo –
‘‘དིཛོ ཡཐཱ ཀུབྦནཀཾ པཧཱཡ, བཧུཔྥལཾ ཀཱནནམཱཝསེཡྻ།
‘‘Dijo yathā kubbanakaṃ pahāya, bahupphalaṃ kānanamāvaseyya;
ཨེཝམཧཾ ཨཔྤདསྶེ པཧཱཡ, མཧོདདྷིཾ ཧཾསོརིཝ ཨཛ྄ཛྷཔཏྟོ’’ཏི༎
Evamahaṃ appadasse pahāya, mahodadhiṃ haṃsoriva ajjhapatto’’ti.
༡༠༦.
106.
ཡེ མེ པུབྦེ ཝིཡཱཀཾསུ,
Ye me pubbe viyākaṃsu,
ཧུརཾ གོཏམསཱསནཱ ‘ཨིཙྩཱསི ཨིཏི བྷཝིསྶཏི’།
Huraṃ gotamasāsanā ‘iccāsi iti bhavissati’;
སབྦཾ ཏཾ ཨིཏིཧཱིཏིཧཾ, སབྦཾ ཏཾ ཏཀྐཝཌྜྷནཾ༎
Sabbaṃ taṃ itihītihaṃ, sabbaṃ taṃ takkavaḍḍhanaṃ.
ཡེ མེ པུབྦེ ཝིཡཱཀཾསཱུཏི། ཡེཏི ཡོ ཙ བཱཝརཱི བྲཱཧྨཎོ ཡེ ཙཉྙེ ཏསྶ ཨཱཙརིཡཱ, ཏེ སཀཾ དིཊྛིཾ སཀཾ ཁནྟིཾ སཀཾ རུཙིཾ སཀཾ ལདྡྷིཾ སཀཾ ཨཛ྄ཛྷཱསཡཾ སཀཾ ཨདྷིཔྤཱཡཾ བྱཱཀཾསུ ཨཱཙིཀྑིཾསུ དེསཡིཾསུ པཉྙཔིཾསུ པཊྛཔིཾསུ ཝིཝརིཾསུ ཝིབྷཛིཾསུ ཨུཏྟཱནཱིཨཀཾསུ པཀཱསེསུནྟི – ཡེ མེ པུབྦེ ཝིཡཱཀཾསུ།
Ye me pubbe viyākaṃsūti. Yeti yo ca bāvarī brāhmaṇo ye caññe tassa ācariyā, te sakaṃ diṭṭhiṃ sakaṃ khantiṃ sakaṃ ruciṃ sakaṃ laddhiṃ sakaṃ ajjhāsayaṃ sakaṃ adhippāyaṃ byākaṃsu ācikkhiṃsu desayiṃsu paññapiṃsu paṭṭhapiṃsu vivariṃsu vibhajiṃsu uttānīakaṃsu pakāsesunti – ye me pubbe viyākaṃsu.
ཧུརཾ གོཏམསཱསནཱཏི ཧུརཾ གོཏམསཱསནཱ, པརཾ གོཏམསཱསནཱ, པུརེ གོཏམསཱསནཱ, པཋམཏརཾ གོཏམསཱསནཱ བུདྡྷསཱསནཱ ཛིནསཱསནཱ ཏཐཱགཏསཱསནཱ 35 ཨརཧནྟསཱསནཱཏི – ཧུརཾ གོཏམསཱསནཱ།
Huraṃ gotamasāsanāti huraṃ gotamasāsanā, paraṃ gotamasāsanā, pure gotamasāsanā, paṭhamataraṃ gotamasāsanā buddhasāsanā jinasāsanā tathāgatasāsanā 36 arahantasāsanāti – huraṃ gotamasāsanā.
ཨིཙྩཱསི ཨིཏི བྷཝིསྶཏཱིཏི ཨེཝཾ ཀིར ཨཱསི, ཨེཝཾ ཀིར བྷཝིསྶཏཱིཏི – ཨིཙྩཱསི ཨིཏི བྷཝིསྶཏི།
Iccāsi iti bhavissatīti evaṃ kira āsi, evaṃ kira bhavissatīti – iccāsi iti bhavissati.
སབྦཾ ཏཾ ཨིཏིཧཱིཏིཧནྟི སབྦཾ ཏཾ ཨིཏིཧཱིཏིཧཾ ཨིཏིཀིརཱཡ པརམྤརཱཡ པིཊཀསམྤདཱཡ ཏཀྐཧེཏུ ནཡཧེཏུ ཨཱཀཱརཔརིཝིཏཀྐེན དིཊྛིནིཛ྄ཛྷཱནཀྑནྟིཡཱ ན སཱམཾ སཡམབྷིཉྙཱཏཾ ན ཨཏྟཔཙྩཀྑཾ དྷམྨཾ ཡཾ ཀཐཡིཾསཱུཏི – སབྦཾ ཏཾ ཨིཏིཧཱིཏིཧཾ།
Sabbaṃtaṃ itihītihanti sabbaṃ taṃ itihītihaṃ itikirāya paramparāya piṭakasampadāya takkahetu nayahetu ākāraparivitakkena diṭṭhinijjhānakkhantiyā na sāmaṃ sayamabhiññātaṃ na attapaccakkhaṃ dhammaṃ yaṃ kathayiṃsūti – sabbaṃ taṃ itihītihaṃ.
སབྦཾ ཏཾ ཏཀྐཝཌྜྷནནྟི སབྦཾ ཏཾ ཏཀྐཝཌྜྷནཾ ཝིཏཀྐཝཌྜྷནཾ སངྐཔྤཝཌྜྷནཾ ཀཱམཝིཏཀྐཝཌྜྷནཾ བྱཱཔཱདཝིཏཀྐཝཌྜྷནཾ ཝིཧིཾསཱཝིཏཀྐཝཌྜྷནཾ ཉཱཏིཝིཏཀྐཝཌྜྷནཾ ཛནཔདཝིཏཀྐཝཌྜྷནཾ ཨམརཱཝིཏཀྐཝཌྜྷནཾ པརཱནུདཡཏཱཔཊིསཾཡུཏྟཝིཏཀྐཝཌྜྷནཾ ལཱབྷསཀྐཱརསིལོཀཔཊིསཾཡུཏྟཝིཏཀྐཝཌྜྷནཾ ཨནཝཉྙཏྟིཔཊིསཾཡུཏྟཝིཏཀྐཝཌྜྷནནྟི – སབྦཾ ཏཾ ཏཀྐཝཌྜྷནཾ། ཏེནཱཧ ཐེརོ པིངྒིཡོ –
Sabbaṃ taṃ takkavaḍḍhananti sabbaṃ taṃ takkavaḍḍhanaṃ vitakkavaḍḍhanaṃ saṅkappavaḍḍhanaṃ kāmavitakkavaḍḍhanaṃ byāpādavitakkavaḍḍhanaṃ vihiṃsāvitakkavaḍḍhanaṃ ñātivitakkavaḍḍhanaṃ janapadavitakkavaḍḍhanaṃ amarāvitakkavaḍḍhanaṃ parānudayatāpaṭisaṃyuttavitakkavaḍḍhanaṃ lābhasakkārasilokapaṭisaṃyuttavitakkavaḍḍhanaṃ anavaññattipaṭisaṃyuttavitakkavaḍḍhananti – sabbaṃ taṃ takkavaḍḍhanaṃ. Tenāha thero piṅgiyo –
‘‘ཡེ མེ པུབྦེ ཝིཡཱཀཾསུ, ཧུརཾ གོཏམསཱསནཱ།
‘‘Ye me pubbe viyākaṃsu, huraṃ gotamasāsanā;
‘ཨིཙྩཱསི ཨིཏི བྷཝིསྶ’ཏི།
‘Iccāsi iti bhavissa’ti;
སབྦཾ ཏཾ ཨིཏིཧཱིཏིཧཾ, སབྦཾ ཏཾ ཏཀྐཝཌྜྷན’’ནྟི༎
Sabbaṃ taṃ itihītihaṃ, sabbaṃ taṃ takkavaḍḍhana’’nti.
༡༠༧.
107.
ཨེཀོ ཏམོནུདཱསཱིནོ, ཛུཏིམཱ སོ པབྷངྐརོ།
Eko tamonudāsīno, jutimā so pabhaṅkaro;
གོཏམོ བྷཱུརིཔཉྙཱཎོ, གོཏམོ བྷཱུརིམེདྷསོ༎
Gotamo bhūripaññāṇo, gotamo bhūrimedhaso.
ཨེཀོ ཏམོནུདཱསཱིནོཏི། ཨེཀོཏི བྷགཝཱ པབྦཛྫསངྑཱཏེན ཨེཀོ, ཨདུཏིཡཊྛེན ཨེཀོ, ཏཎྷཱཡ པཧཱནཊྛེན ཨེཀོ, ཨེཀནྟཝཱིཏརཱགོཏི ཨེཀོ, ཨེཀནྟཝཱིཏདོསོཏི ཨེཀོ, ཨེཀནྟཝཱིཏམོཧོཏི ཨེཀོ, ཨེཀནྟནིཀྐིལེསོཏི ཨེཀོ, ཨེཀཱཡནམགྒཾ གཏོཏི ཨེཀོ, ཨེཀོ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོཏི ཨེཀོ།
Eko tamonudāsīnoti. Ekoti bhagavā pabbajjasaṅkhātena eko, adutiyaṭṭhena eko, taṇhāya pahānaṭṭhena eko, ekantavītarāgoti eko, ekantavītadosoti eko, ekantavītamohoti eko, ekantanikkilesoti eko, ekāyanamaggaṃ gatoti eko, eko anuttaraṃ sammāsambodhiṃ abhisambuddhoti eko.
ཀཐཾ བྷགཝཱ པབྦཛྫསངྑཱཏེན ཨེཀོ? བྷགཝཱ དཧརོཝ སམཱནོ སུསུ ཀཱལ༹ཀེསོ བྷདྲེན ཡོབྦནེན སམནྣཱགཏོ པཋམེན ཝཡསཱ ཨཀཱམཀཱནཾ མཱཏཱཔིཏཱུནཾ ཨསྶུམུཁཱནཾ རོདནྟཱནཾ ཝིལཔནྟཱནཾ ཉཱཏིསངྒྷཾ སབྦཾ གྷརཱཝཱསཔལིབོདྷཾ ཚིནྡིཏྭཱ པུཏྟདཱརཔལིབོདྷཾ ཚིནྡིཏྭཱ ཉཱཏིཔལིབོདྷཾ ཚིནྡིཏྭཱ མིཏྟཱམཙྩཔལིབོདྷཾ ཚིནྡིཏྭཱ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏྭཱ ཨཀིཉྩནབྷཱཝཾ ཨུཔགནྟྭཱ ཨེཀོ ཙརཏི ཝིཧརཏི ཨིརིཡཏི ཝཏྟེཏི པཱལེཏི ཡཔེཏི ཡཱཔེཏི། ཨེཝཾ བྷགཝཱ པབྦཛྫསངྑཱཏེན ཨེཀོ།
Kathaṃ bhagavā pabbajjasaṅkhātena eko? Bhagavā daharova samāno susu kāḷakeso bhadrena yobbanena samannāgato paṭhamena vayasā akāmakānaṃ mātāpitūnaṃ assumukhānaṃ rodantānaṃ vilapantānaṃ ñātisaṅghaṃ sabbaṃ gharāvāsapalibodhaṃ chinditvā puttadārapalibodhaṃ chinditvā ñātipalibodhaṃ chinditvā mittāmaccapalibodhaṃ chinditvā kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajitvā akiñcanabhāvaṃ upagantvā eko carati viharati iriyati vatteti pāleti yapeti yāpeti. Evaṃ bhagavā pabbajjasaṅkhātena eko.
ཀཐཾ བྷགཝཱ ཨདུཏིཡཊྛེན ཨེཀོ? ཨེཝཾ པབྦཛིཏོ སམཱནོ ཨེཀོ ཨརཉྙཝནཔཏྠཱནི པནྟཱནི སེནཱསནཱནི པཊིསེཝཏི ཨཔྤསདྡཱནི ཨཔྤནིགྒྷོསཱནི ཝིཛནཝཱཏཱནི མནུསྶརཱཧསྶེཡྻཀཱནི 37 པཊིསལླཱནསཱརུཔྤཱནི 38། སོ ཨེཀོ གཙྪཏི, ཨེཀོ ཏིཊྛཏི, ཨེཀོ ནིསཱིདཏི , ཨེཀོ སེཡྻཾ ཀཔྤེཏི, ཨེཀོ གཱམཾ པིཎྜཱཡ པཝིསཏི, ཨེཀོ ཨབྷིཀྐམཏི, ཨེཀོ པཊིཀྐམཏི, ཨེཀོ རཧོ ནིསཱིདཏི, ཨེཀོ ཙངྐམཾ ཨདྷིཊྛཱཏི, ཨེཀོ ཙརཏི ཝིཧརཏི ཨིརིཡཏི ཝཏྟེཏི པཱལེཏི ཡཔེཏི ཡཱཔེཏི། ཨེཝཾ བྷགཝཱ ཨདུཏིཡཊྛེན ཨེཀོ།
Kathaṃ bhagavā adutiyaṭṭhena eko? Evaṃ pabbajito samāno eko araññavanapatthāni pantāni senāsanāni paṭisevati appasaddāni appanigghosāni vijanavātāni manussarāhasseyyakāni 39 paṭisallānasāruppāni 40. So eko gacchati, eko tiṭṭhati, eko nisīdati , eko seyyaṃ kappeti, eko gāmaṃ piṇḍāya pavisati, eko abhikkamati, eko paṭikkamati, eko raho nisīdati, eko caṅkamaṃ adhiṭṭhāti, eko carati viharati iriyati vatteti pāleti yapeti yāpeti. Evaṃ bhagavā adutiyaṭṭhena eko.
‘‘ཏཎྷཱདུཏིཡོ པུརིསོ, དཱིགྷམདྡྷཱན སཾསརཾ།
‘‘Taṇhādutiyo puriso, dīghamaddhāna saṃsaraṃ;
ཨིཏྠབྷཱཝཉྙཐཱབྷཱཝཾ, སཾསཱརཾ ནཱཏིཝཏྟཏི༎
Itthabhāvaññathābhāvaṃ, saṃsāraṃ nātivattati.
ཝཱིཏཏཎྷོ ཨནཱདཱནོ, སཏོ བྷིཀྑུ པརིབྦཛེ’’ཏི༎
Vītataṇho anādāno, sato bhikkhu paribbaje’’ti.
ཨེཝཾ བྷགཝཱ ཏཎྷཱཡ པཧཱནཊྛེན ཨེཀོ།
Evaṃ bhagavā taṇhāya pahānaṭṭhena eko.
ཀཐཾ བྷགཝཱ ཨེཀནྟཝཱིཏརཱགོཏི ཨེཀོ? རཱགསྶ པཧཱིནཏྟཱ ཨེཀནྟཝཱིཏརཱགོཏི ཨེཀོ, དོསསྶ པཧཱིནཏྟཱ ཨེཀནྟཝཱིཏདོསོཏི ཨེཀོ, མོཧསྶ པཧཱིནཏྟཱ ཨེཀནྟཝཱིཏམོཧོཏི ཨེཀོ, ཀིལེསཱནཾ པཧཱིནཏྟཱ ཨེཀནྟནིཀྐིལེསོཏི ཨེཀོ།
Kathaṃ bhagavā ekantavītarāgoti eko? Rāgassa pahīnattā ekantavītarāgoti eko, dosassa pahīnattā ekantavītadosoti eko, mohassa pahīnattā ekantavītamohoti eko, kilesānaṃ pahīnattā ekantanikkilesoti eko.
ཀཐཾ བྷགཝཱ ཨེཀཱཡནམགྒཾ གཏོཏི ཨེཀོ? ཨེཀཱཡནམགྒོ ཝུཙྩཏི ཙཏྟཱརོ སཏིཔཊྛཱནཱ…པེ॰… ཨརིཡོ ཨཊྛངྒིཀོ མགྒོ།
Kathaṃ bhagavā ekāyanamaggaṃ gatoti eko? Ekāyanamaggo vuccati cattāro satipaṭṭhānā…pe… ariyo aṭṭhaṅgiko maggo.
‘‘ཨེཀཱཡནཾ ཛཱཏིཁཡནྟདསྶཱི, མགྒཾ པཛཱནཱཏི ཧིཏཱནུཀམྤཱི།
‘‘Ekāyanaṃ jātikhayantadassī, maggaṃ pajānāti hitānukampī;
ཨེཏེན མགྒེན ཏརིཾསུ 49 པུབྦེ, ཏརིསྶནྟི ཡེ ཙ ཏརནྟི ཨོགྷ’’ནྟི༎
Etena maggena tariṃsu 50 pubbe, tarissanti ye ca taranti ogha’’nti.
ཨེཝཾ བྷགཝཱ ཨེཀཱཡནམགྒཾ གཏོཏི ཨེཀོ།
Evaṃ bhagavā ekāyanamaggaṃ gatoti eko.
ཀཐཾ བྷགཝཱ ཨེཀོ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོཏི ཨེཀོ། བོདྷི ཝུཙྩཏི ཙཏཱུསུ མགྒེསུ ཉཱཎཾ པཉྙཱ པཉྙིནྡྲིཡཾ པཉྙཱབལཾ དྷམྨཝིཙཡསམྦོཛ྄ཛྷངྒོ ཝཱིམཾསཱ ཝིཔསྶནཱ སམྨཱདིཊྛི ། བྷགཝཱ ཏེན བོདྷིཉཱཎེན ‘‘སབྦེ སངྑཱརཱ ཨནིཙྩཱ’’ཏི བུཛ྄ཛྷི, ‘‘སབྦེ སངྑཱརཱ དུཀྑཱ’’ཏི བུཛ྄ཛྷི, ‘‘སབྦེ དྷམྨཱ ཨནཏྟཱ’’ཏི བུཛ྄ཛྷི…པེ॰… ‘‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི བུཛ྄ཛྷི། ཨཐ ཝཱ, ཡཾ བུཛ྄ཛྷིཏབྦཾ ཨནུབུཛ྄ཛྷིཏབྦཾ པཊིབུཛ྄ཛྷིཏབྦཾ སམྦུཛ྄ཛྷིཏབྦཾ ཨདྷིགནྟབྦཾ ཕསྶིཏབྦཾ སཙྪིཀཱཏབྦཾ སབྦཾ ཏཾ ཏེན བོདྷིཉཱཎེན བུཛ྄ཛྷི ཨནུབུཛ྄ཛྷི པཊིབུཛ྄ཛྷི སམྦུཛ྄ཛྷི ཨདྷིགཙྪི ཕསྶེསི སཙྪཱཀཱསི། ཨེཝཾ བྷགཝཱ ཨེཀོ ཨནུཏྟརཾ སམྨཱསམྦོདྷིཾ ཨབྷིསམྦུདྡྷོཏི ཨེཀོ།
Kathaṃ bhagavā eko anuttaraṃ sammāsambodhiṃ abhisambuddhoti eko. Bodhi vuccati catūsu maggesu ñāṇaṃ paññā paññindriyaṃ paññābalaṃ dhammavicayasambojjhaṅgo vīmaṃsā vipassanā sammādiṭṭhi . Bhagavā tena bodhiñāṇena ‘‘sabbe saṅkhārā aniccā’’ti bujjhi, ‘‘sabbe saṅkhārā dukkhā’’ti bujjhi, ‘‘sabbe dhammā anattā’’ti bujjhi…pe… ‘‘yaṃ kiñci samudayadhammaṃ sabbaṃ taṃ nirodhadhamma’’nti bujjhi. Atha vā, yaṃ bujjhitabbaṃ anubujjhitabbaṃ paṭibujjhitabbaṃ sambujjhitabbaṃ adhigantabbaṃ phassitabbaṃ sacchikātabbaṃ sabbaṃ taṃ tena bodhiñāṇena bujjhi anubujjhi paṭibujjhi sambujjhi adhigacchi phassesi sacchākāsi. Evaṃ bhagavā eko anuttaraṃ sammāsambodhiṃ abhisambuddhoti eko.
ཏམོནུདོཏི བྷགཝཱ རཱགཏམཾ དོསཏམཾ མོཧཏམཾ དིཊྛིཏམཾ ཀིལེསཏམཾ དུཙྩརིཏཏམཾ ཨནྡྷཀརཎཾ ཨཙཀྑུཀརཎཾ ཨཉྙཱཎཀརཎཾ པཉྙཱནིརོདྷིཀཾ ཝིགྷཱཏཔཀྑིཀཾ ཨནིབྦཱནསཾཝཏྟནིཀཾ ནུདི པནུདི པཛཧི ཝིནོདེསི བྱནྟཱིཨཀཱསི ཨནབྷཱཝཾ གམེསི། ཨཱསཱིནོཏི ནིསིནྣོ བྷགཝཱ པཱསཱཎཀེ ཙེཏིཡེཏི – ཨཱསཱིནོ 51།
Tamonudoti bhagavā rāgatamaṃ dosatamaṃ mohatamaṃ diṭṭhitamaṃ kilesatamaṃ duccaritatamaṃ andhakaraṇaṃ acakkhukaraṇaṃ aññāṇakaraṇaṃ paññānirodhikaṃ vighātapakkhikaṃ anibbānasaṃvattanikaṃ nudi panudi pajahi vinodesi byantīakāsi anabhāvaṃ gamesi. Āsīnoti nisinno bhagavā pāsāṇake cetiyeti – āsīno 52.
ནགསྶ པསྶེ ཨཱསཱིནཾ, མུནིཾ དུཀྑསྶ པཱརགུཾ།
Nagassa passe āsīnaṃ, muniṃ dukkhassa pāraguṃ;
སཱཝཀཱ པཡིརུཔཱསནྟི, ཏེཝིཛྫཱ མཙྩུཧཱཡིནོཏི༎
Sāvakā payirupāsanti, tevijjā maccuhāyinoti.
ཨེཝམྤི བྷགཝཱ ཨཱསཱིནོ…པེ॰… ཨཐ ཝཱ, བྷགཝཱ སབྦོསྶུཀྐཔཊིཔྤསྶདྡྷཏྟཱ ཨཱསཱིནོ སོ ཝུཏྠཝཱསོ ཙིཎྞཙརཎོ…པེ॰… ཛཱཏིམརཎསཾསཱརོ ནཏྠི ཏསྶ པུནབྦྷཝོཏི, ཨེཝམྤི བྷགཝཱ ཨཱསཱིནོཏི – ཨེཀོ ཏམོནུདཱསཱིནོ།
Evampi bhagavā āsīno…pe… atha vā, bhagavā sabbossukkapaṭippassaddhattā āsīno so vutthavāso ciṇṇacaraṇo…pe… jātimaraṇasaṃsāro natthi tassa punabbhavoti, evampi bhagavā āsīnoti – eko tamonudāsīno.
ཛུཏིམཱ སོ པབྷངྐརོཏི། ཛུཏིམཱཏི ཛུཏིམཱ མཏིམཱ པཎྜིཏོ པཉྙཝཱ བུདྡྷིམཱ ཉཱཎཱི ཝིབྷཱཝཱི མེདྷཱཝཱི། པབྷངྐརོཏི པབྷངྐརོ ཨཱལོཀཀརོ ཨོབྷཱསཀརོ དཱིཔངྐརོ པདཱིཔཀརོ ཨུཛྫོཏཀརོ པཛྫོཏཀརོཏི – ཛུཏིམཱ སོ པབྷངྐརོ།
Jutimā so pabhaṅkaroti. Jutimāti jutimā matimā paṇḍito paññavā buddhimā ñāṇī vibhāvī medhāvī. Pabhaṅkaroti pabhaṅkaro ālokakaro obhāsakaro dīpaṅkaro padīpakaro ujjotakaro pajjotakaroti – jutimā so pabhaṅkaro.
གོཏམོ བྷཱུརིཔཉྙཱཎོཏི གོཏམོ བྷཱུརིཔཉྙཱཎོ ཉཱཎཔཉྙཱཎོ པཉྙཱདྷཛོ པཉྙཱཀེཏུ པཉྙཱདྷིཔཏེཡྻོ ཝིཙཡབཧུལོ པཝིཙཡབཧུལོ ཨོཀྑཱཡནབཧུལོ སམོཀྑཱཡནདྷམྨོ ཝིབྷཱུཏཝིཧཱརཱི ཏཙྩརིཏོ ཏབྦཧུལོ ཏགྒརུཀོ ཏནྣིནྣོ ཏཔྤོཎོ ཏཔྤབྦྷཱརོ ཏདདྷིམུཏྟོ ཏདདྷིཔཏེཡྻོ།
Gotamobhūripaññāṇoti gotamo bhūripaññāṇo ñāṇapaññāṇo paññādhajo paññāketu paññādhipateyyo vicayabahulo pavicayabahulo okkhāyanabahulo samokkhāyanadhammo vibhūtavihārī taccarito tabbahulo taggaruko tanninno tappoṇo tappabbhāro tadadhimutto tadadhipateyyo.
རཱཛཱ རཊྛསྶ པཉྙཱཎཾ, བྷཏྟཱ པཉྙཱཎམིཏྠིཡཱཏི༎
Rājā raṭṭhassa paññāṇaṃ, bhattā paññāṇamitthiyāti.
ཨེཝམེཝ གོཏམོ བྷཱུརིཔཉྙཱཎོ ཉཱཎཔཉྙཱཎོ པཉྙཱདྷཛོ པཉྙཱཀེཏུ པཉྙཱདྷིཔཏེཡྻོ ཝིཙཡབཧུལོ པཝིཙཡབཧུལོ ཨོཀྑཱཡནབཧུལོ སམོཀྑཱཡནདྷམྨོ ཝིབྷཱུཏཝིཧཱརཱི ཏཙྩརིཏོ ཏབྦཧུལོ ཏགྒརུཀོ ཏནྣིནྣོ ཏཔྤོཎོ ཏཔྤབྦྷཱརོ ཏདདྷིམུཏྟོ ཏདདྷིཔཏེཡྻོཏི – གོཏམོ བྷཱུརིཔཉྙཱཎོ།
Evameva gotamo bhūripaññāṇo ñāṇapaññāṇo paññādhajo paññāketu paññādhipateyyo vicayabahulo pavicayabahulo okkhāyanabahulo samokkhāyanadhammo vibhūtavihārī taccarito tabbahulo taggaruko tanninno tappoṇo tappabbhāro tadadhimutto tadadhipateyyoti – gotamo bhūripaññāṇo.
གོཏམོ བྷཱུརིམེདྷསོཏི བྷཱུརི ཝུཙྩཏི པཐཝཱི། བྷགཝཱ ཏཱཡ པཐཝིསམཱཡ པཉྙཱཡ ཝིཔུལཱཡ ཝིཏྠཏཱཡ སམནྣཱགཏོ། མེདྷཱ ཝུཙྩཏི པཉྙཱ། ཡཱ པཉྙཱ པཛཱནནཱ…པེ॰… ཨམོཧོ དྷམྨཝིཙཡོ སམྨཱདིཊྛི། བྷགཝཱ ཨིམཱཡ མེདྷཱཡ ཨུཔེཏོ སམུཔེཏོ ཨུཔཱགཏོ སམུཔཱགཏོ ཨུཔཔནྣོ སམུཔཔནྣོ སམནྣཱགཏོ, ཏསྨཱ བུདྡྷོ སུམེདྷསོཏི 55 – གོཏམོ བྷཱུརིམེདྷསོ། ཏེནཱཧ ཐེརོ པིངྒིཡོ –
Gotamo bhūrimedhasoti bhūri vuccati pathavī. Bhagavā tāya pathavisamāya paññāya vipulāya vitthatāya samannāgato. Medhā vuccati paññā. Yā paññā pajānanā…pe… amoho dhammavicayo sammādiṭṭhi. Bhagavā imāya medhāya upeto samupeto upāgato samupāgato upapanno samupapanno samannāgato, tasmā buddho sumedhasoti 56 – gotamo bhūrimedhaso. Tenāha thero piṅgiyo –
‘‘ཨེཀོ ཏམོནུདཱསཱིནོ, ཛུཏིམཱ སོ པབྷངྐརོ།
‘‘Eko tamonudāsīno, jutimā so pabhaṅkaro;
གོཏམོ བྷཱུརིཔཉྙཱཎོ, གོཏམོ བྷཱུརིམེདྷསོ’’ཏི༎
Gotamo bhūripaññāṇo, gotamo bhūrimedhaso’’ti.
༡༠༨.
108.
ཡོ མེ དྷམྨམདེསེསི, སནྡིཊྛིཀམཀཱལིཀཾ།
Yo me dhammamadesesi, sandiṭṭhikamakālikaṃ;
ཏཎྷཀྑཡམནཱིཏིཀཾ, ཡསྶ ནཏྠི ཨུཔམཱ ཀྭཙི༎
Taṇhakkhayamanītikaṃ, yassa natthi upamā kvaci.
ཡོ མེ དྷམྨདེསེསཱིཏི། ཡོཏི ཡོ སོ བྷགཝཱ སཡམྦྷཱུ ཨནཱཙརིཡཀོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨབྷིསམྦུཛ྄ཛྷི, ཏཏྠ ཙ སབྦཉྙུཏཾ པཏྟོ བལེསུ ཙ ཝསཱིབྷཱཝཾ། དྷམྨམདེསེསཱིཏི། དྷམྨནྟི ཨཱདིཀལྱཱཎཾ མཛ྄ཛྷེཀལྱཱཎཾ པརིཡོསཱནཀལྱཱཎཾ སཱཏྠཾ སབྱཉྫནཾ ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ, ཙཏྟཱརོ སཏིཔཊྛཱནེ…པེ॰… ཨརིཡཾ ཨཊྛངྒིཀཾ མགྒཾ ནིབྦཱནཉྩ ནིབྦཱནགཱམིནིཉྩ པཊིཔདཾ ཨཱཙིཀྑི དེསེསི པཉྙཔེསི པཊྛཔེསི ཝིཝརི ཝིབྷཛི ཨུཏྟཱནཱིཨཀཱསི པཀཱསེསཱིཏི – ཡོ མེ དྷམྨམདེསེསི།
Yo me dhammadesesīti. Yoti yo so bhagavā sayambhū anācariyako pubbe ananussutesu dhammesu sāmaṃ saccāni abhisambujjhi, tattha ca sabbaññutaṃ patto balesu ca vasībhāvaṃ. Dhammamadesesīti. Dhammanti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ, cattāro satipaṭṭhāne…pe… ariyaṃ aṭṭhaṅgikaṃ maggaṃ nibbānañca nibbānagāminiñca paṭipadaṃ ācikkhi desesi paññapesi paṭṭhapesi vivari vibhaji uttānīakāsi pakāsesīti – yo me dhammamadesesi.
སནྡིཊྛིཀམཀཱལིཀནྟི སནྡིཊྛིཀཾ ཨཀཱལིཀཾ ཨེཧིཔསྶིཀཾ ཨོཔནེཡྻིཀཾ པཙྩཏྟཾ ཝེདིཏབྦཾ ཝིཉྙཱུཧཱིཏི – ཨེཝཾ སནྡིཊྛིཀཾ། ཨཐ ཝཱ, ཡོ དིཊྛེཝ དྷམྨེ ཨརིཡཾ ཨཊྛངྒིཀཾ མགྒཾ བྷཱཝེཏི, ཏསྶ མགྒསྶ ཨནནྟརཱ སམནནྟརཱ ཨདྷིགཙྪཏེཝ ཕལཾ ཝིནྡཏི པཊིལབྷཏཱིཏི, ཨེཝམྤི སནྡིཊྛིཀཾ། ཨཀཱལིཀནྟི ཡཐཱ མནུསྶཱ ཀཱལིཀཾ དྷནཾ དཏྭཱ ཨནནྟརཱ ན ལབྷནྟི ཀཱལཾ ཨཱགམེནྟི, ནེཝཱཡཾ དྷམྨོ། ཡོ དིཊྛེཝ དྷམྨེ ཨརིཡཾ ཨཊྛངྒིཀཾ མགྒཾ བྷཱཝེཏི, ཏསྶ མགྒསྶ ཨནནྟརཱ སམནནྟརཱ ཨདྷིགཙྪཏེཝ ཕལཾ ཝིནྡཏི པཊིལབྷཏི, ན པརཏྠ ན པརལོཀེ, ཨེཝཾ ཨཀཱལིཀནྟི – སནྡིཊྛིཀམཀཱལིཀཾ།
Sandiṭṭhikamakālikanti sandiṭṭhikaṃ akālikaṃ ehipassikaṃ opaneyyikaṃ paccattaṃ veditabbaṃ viññūhīti – evaṃ sandiṭṭhikaṃ. Atha vā, yo diṭṭheva dhamme ariyaṃ aṭṭhaṅgikaṃ maggaṃ bhāveti, tassa maggassa anantarā samanantarā adhigacchateva phalaṃ vindati paṭilabhatīti, evampi sandiṭṭhikaṃ. Akālikanti yathā manussā kālikaṃ dhanaṃ datvā anantarā na labhanti kālaṃ āgamenti, nevāyaṃ dhammo. Yo diṭṭheva dhamme ariyaṃ aṭṭhaṅgikaṃ maggaṃ bhāveti, tassa maggassa anantarā samanantarā adhigacchateva phalaṃ vindati paṭilabhati, na parattha na paraloke, evaṃ akālikanti – sandiṭṭhikamakālikaṃ.
ཏཎྷཀྑཡམནཱིཏིཀནྟི། ཏཎྷཱཏི རཱུཔཏཎྷཱ…པེ॰… དྷམྨཏཎྷཱ། ཏཎྷཀྑཡནྟི ཏཎྷཀྑཡཾ རཱགཀྑཡཾ དོསཀྑཡཾ མོཧཀྑཡཾ གཏིཀྑཡཾ ཨུཔཔཏྟིཀྑཡཾ པཊིསནྡྷིཀྑཡཾ བྷཝཀྑཡཾ སཾསཱརཀྑཡཾ ཝཊྚཀྑཡཾ། ཨནཱིཏིཀནྟི ཨཱིཏི ཝུཙྩནྟི ཀིལེསཱ ཙ ཁནྡྷཱ ཙ ཨབྷིསངྑཱརཱ ཙ། ཨཱིཏིཔྤཧཱནཾ ཨཱིཏིཝཱུཔསམཾ ཨཱིཏིཔཊིནིསྶགྒཾ ཨཱིཏིཔཊིཔྤསྶདྡྷིཾ ཨམཏཾ ནིབྦཱནནྟི – ཏཎྷཀྑཡམནཱིཏིཀཾ།
Taṇhakkhayamanītikanti. Taṇhāti rūpataṇhā…pe… dhammataṇhā. Taṇhakkhayanti taṇhakkhayaṃ rāgakkhayaṃ dosakkhayaṃ mohakkhayaṃ gatikkhayaṃ upapattikkhayaṃ paṭisandhikkhayaṃ bhavakkhayaṃ saṃsārakkhayaṃ vaṭṭakkhayaṃ. Anītikanti īti vuccanti kilesā ca khandhā ca abhisaṅkhārā ca. Ītippahānaṃ ītivūpasamaṃ ītipaṭinissaggaṃ ītipaṭippassaddhiṃ amataṃ nibbānanti – taṇhakkhayamanītikaṃ.
ཡསྶ ནཏྠི ཨུཔམཱ ཀྭཙཱིཏི། ཡསྶཱཏི ནིབྦཱནསྶ། ནཏྠི ཨུཔམཱཏི ཨུཔམཱ ནཏྠི, ཨུཔནིདྷཱ ནཏྠི, སདིསཾ ནཏྠི, པཊིབྷཱགོ ནཏྠི ན སཏི ན སཾཝིཛྫཏི ནུཔལབྦྷཏི། ཀྭཙཱིཏི ཀྭཙི ཀིམྷིཙི ཀཏྠཙི ཨཛ྄ཛྷཏྟཾ ཝཱ བཧིདྡྷཱ ཝཱ ཨཛ྄ཛྷཏྟབཧིདྡྷཱ ཝཱཏི – ཡསྶ ནཏྠི ཨུཔམཱ ཀྭཙི། ཏེནཱཧ ཐེརོ པིངྒིཡོ –
Yassa natthi upamā kvacīti. Yassāti nibbānassa. Natthi upamāti upamā natthi, upanidhā natthi, sadisaṃ natthi, paṭibhāgo natthi na sati na saṃvijjati nupalabbhati. Kvacīti kvaci kimhici katthaci ajjhattaṃ vā bahiddhā vā ajjhattabahiddhā vāti – yassa natthi upamā kvaci. Tenāha thero piṅgiyo –
‘‘ཡོ མེ དྷམྨམདེསེསི, སནྡིཊྛིཀམཀཱལིཀཾ།
‘‘Yo me dhammamadesesi, sandiṭṭhikamakālikaṃ;
ཏཎྷཀྑཡམནཱིཏིཀཾ, ཡསྶ ནཏྠི ཨུཔམཱ ཀྭཙཱི’’ཏི༎
Taṇhakkhayamanītikaṃ, yassa natthi upamā kvacī’’ti.
༡༠༩.
109.
ཀིཾ ནུ ཏམྷཱ ཝིཔྤཝསི, མུཧུཏྟམཔི པིངྒིཡ།
Kiṃ nu tamhā vippavasi, muhuttamapi piṅgiya;
གོཏམཱ བྷཱུརིཔཉྙཱཎཱ, གོཏམཱ བྷཱུརིམེདྷསཱ༎
Gotamā bhūripaññāṇā, gotamā bhūrimedhasā.
ཀིཾ ནུ ཏམྷཱ ཝིཔྤཝསཱིཏི ཀིཾ ནུ བུདྡྷམྷཱ ཝིཔྤཝསི ཨཔེསི ཨཔགཙྪི 57 ཝིནཱ ཧོསཱིཏི – ཀིཾ ནུ ཏམྷཱ ཝིཔྤཝསི།
Kiṃ nu tamhā vippavasīti kiṃ nu buddhamhā vippavasi apesi apagacchi 58 vinā hosīti – kiṃ nu tamhā vippavasi.
མུཧུཏྟམཔི པིངྒིཡཱཏི མུཧུཏྟམྤི ཁཎམྤི ལཡམྤི ཝཡམྤི ཨདྡྷམྤཱིཏི – མུཧུཏྟམཔི། པིངྒིཡཱཏི བཱཝརཱི ཏཾ ནཏྟཱརཾ ནཱམེན ཨཱལཔཏི།
Muhuttamapi piṅgiyāti muhuttampi khaṇampi layampi vayampi addhampīti – muhuttamapi. Piṅgiyāti bāvarī taṃ nattāraṃ nāmena ālapati.
གོཏམཱ བྷཱུརིཔཉྙཱཎཱཏི གོཏམཱ བྷཱུརིཔཉྙཱཎཱ ཉཱཎཔཉྙཱཎཱ པཉྙཱདྷཛཱ པཉྙཱཀེཏུམྷཱ པཉྙཱདྷིཔཏེཡྻམྷཱ ཝིཙཡབཧུལཱ པཝིཙཡབཧུལཱ ཨོཀྑཱཡནབཧུལཱ སམོཀྑཱཡནདྷམྨཱ ཝིབྷཱུཏཝིཧཱརིམྷཱ ཏཙྩརིཏཱ ཏབྦཧུལཱ ཏགྒརུཀཱ ཏནྣིནྣཱ ཏཔྤོཎཱ ཏཔྤབྦྷཱརཱ ཏདདྷིམུཏྟཱ ཏདདྷིཔཏེཡྻམྷཱཏི – གོཏམཱ བྷཱུརིཔཉྙཱཎཱ།
Gotamābhūripaññāṇāti gotamā bhūripaññāṇā ñāṇapaññāṇā paññādhajā paññāketumhā paññādhipateyyamhā vicayabahulā pavicayabahulā okkhāyanabahulā samokkhāyanadhammā vibhūtavihārimhā taccaritā tabbahulā taggarukā tanninnā tappoṇā tappabbhārā tadadhimuttā tadadhipateyyamhāti – gotamā bhūripaññāṇā.
གོཏམཱ བྷཱུརིམེདྷསཱཏི བྷཱུརི ཝུཙྩཏི པཐཝཱི། བྷགཝཱ ཏཱཡ པཐཝིསམཱཡ པཉྙཱཡ ཝིཔུལཱཡ ཝིཏྠཏཱཡ སམནྣཱགཏོ། མེདྷཱ ཝུཙྩཏི པཉྙཱ། ཡཱ པཉྙཱ པཛཱནནཱ…པེ॰… ཨམོཧོ དྷམྨཝིཙཡོ སམྨཱདིཊྛི། བྷགཝཱ ཨིམཱཡ མེདྷཱཡ པཉྙཱཡ ཨུཔེཏོ སམུཔེཏོ ཨུཔཱགཏོ སམུཔཱགཏོ ཨུཔཔནྣོ སམུཔཔནྣོ སམནྣཱགཏོ, ཏསྨཱ བུདྡྷོ སུམེདྷསོཏི – གོཏམཱ བྷཱུརིམེདྷསཱ། ཏེནཱཧ སོ བྲཱཧྨཎོ –
Gotamā bhūrimedhasāti bhūri vuccati pathavī. Bhagavā tāya pathavisamāya paññāya vipulāya vitthatāya samannāgato. Medhā vuccati paññā. Yā paññā pajānanā…pe… amoho dhammavicayo sammādiṭṭhi. Bhagavā imāya medhāya paññāya upeto samupeto upāgato samupāgato upapanno samupapanno samannāgato, tasmā buddho sumedhasoti – gotamā bhūrimedhasā. Tenāha so brāhmaṇo –
‘‘ཀིཾནུ ཏམྷཱ ཝིཔྤཝསི, མུཧུཏྟམཔི པིངྒིཡ།
‘‘Kiṃnu tamhā vippavasi, muhuttamapi piṅgiya;
གོཏམཱ བྷཱུརིཔཉྙཱཎཱ, གོཏམཱ བྷཱུརིམེདྷསཱ’’ཏི༎
Gotamā bhūripaññāṇā, gotamā bhūrimedhasā’’ti.
༡༡༠.
110.
ཡོ ཏེ དྷམྨམདེསེསི, སནྡིཊྛིཀམཀཱལིཀཾ།
Yo te dhammamadesesi, sandiṭṭhikamakālikaṃ;
ཏཎྷཀྑཡམནཱིཏིཀཾ, ཡསྶ ནཏྠི ཨུཔམཱ ཀྭཙི༎
Taṇhakkhayamanītikaṃ, yassa natthi upamā kvaci.
ཡོ ཏེ དྷམྨམདེསེསཱིཏི ཡོ སོ བྷགཝཱ…པེ॰… ཏཏྠ ཙ སབྦཉྙུཏཾ པཏྟོ བལེསུ ཙ ཝསཱིབྷཱཝཾ། དྷམྨམདེསེསཱིཏི དྷམྨནྟི ཨཱདིཀལྱཱཎཾ མཛ྄ཛྷེཀལྱཱཎཾ…པེ॰… ནིབྦཱནཉྩ ནིབྦཱནགཱམིནིཉྩ པཊིཔདཾ ཨཱཙིཀྑི དེསེསི པཉྙཔེསི པཊྛཔེསི ཝིཝརི ཝིབྷཛི ཨུཏྟཱནཱིཨཀཱསི པཀཱསེསཱིཏི – ཡོ ཏེ དྷམྨམདེསེསི།
Yo te dhammamadesesīti yo so bhagavā…pe… tattha ca sabbaññutaṃ patto balesu ca vasībhāvaṃ. Dhammamadesesīti dhammanti ādikalyāṇaṃ majjhekalyāṇaṃ…pe… nibbānañca nibbānagāminiñca paṭipadaṃ ācikkhi desesi paññapesi paṭṭhapesi vivari vibhaji uttānīakāsi pakāsesīti – yo te dhammamadesesi.
སནྡིཊྛིཀམཀཱལིཀནྟི སནྡིཊྛིཀཾ ཨཀཱལིཀཾ ཨེཧིཔསྶིཀཾ ཨོཔནེཡྻིཀཾ པཙྩཏྟཾ ཝེདིཏབྦཾ ཝིཉྙཱུཧཱིཏི – ཨེཝཾ སནྡིཊྛིཀཾ། ཨཐ ཝཱ, ཡོ དིཊྛེཝ དྷམྨེ ཨརིཡཾ ཨཊྛངྒིཀཾ མགྒཾ བྷཱཝེཏི, ཏསྶ མགྒསྶ ཨནནྟརཱ སམནནྟརཱ ཨདྷིགཙྪཏེཝ ཕལཾ ཝིནྡཏི པཊིལབྷཏཱིཏི – ཨེཝམྤི སནྡིཊྛིཀཾ། ཨཀཱལིཀནྟི ཡཐཱ མནུསྶཱ ཀཱལིཀཾ དྷནཾ དཏྭཱ ཨནནྟརཱ ན ལབྷནྟི, ཀཱལཾ ཨཱགམེནྟི, ནེཝཱཡཾ དྷམྨོ། ཡོ དིཊྛེཝ དྷམྨེ ཨརིཡཾ ཨཊྛངྒིཀཾ མགྒཾ བྷཱཝེཏི; ཏསྶ མགྒསྶ ཨནནྟརཱ སམནནྟརཱ ཨདྷིགཙྪཏེཝ ཕལཾ ཝིནྡཏི པཊིལབྷཏི, ན པརཏྠ ན པརལོཀེ, ཨེཝཾ ཨཀཱལིཀནྟི – སནྡིཊྛིཀམཀཱལིཀཾ།
Sandiṭṭhikamakālikanti sandiṭṭhikaṃ akālikaṃ ehipassikaṃ opaneyyikaṃ paccattaṃ veditabbaṃ viññūhīti – evaṃ sandiṭṭhikaṃ. Atha vā, yo diṭṭheva dhamme ariyaṃ aṭṭhaṅgikaṃ maggaṃ bhāveti, tassa maggassa anantarā samanantarā adhigacchateva phalaṃ vindati paṭilabhatīti – evampi sandiṭṭhikaṃ. Akālikanti yathā manussā kālikaṃ dhanaṃ datvā anantarā na labhanti, kālaṃ āgamenti, nevāyaṃ dhammo. Yo diṭṭheva dhamme ariyaṃ aṭṭhaṅgikaṃ maggaṃ bhāveti; tassa maggassa anantarā samanantarā adhigacchateva phalaṃ vindati paṭilabhati, na parattha na paraloke, evaṃ akālikanti – sandiṭṭhikamakālikaṃ.
ཏཎྷཀྑཡམནཱིཏིཀནྟི ། ཏཎྷཱཏི རཱུཔཏཎྷཱ…པེ॰… དྷམྨཏཎྷཱ། ཏཎྷཀྑཡནྟི ཏཎྷཀྑཡཾ རཱགཀྑཡཾ དོསཀྑཡཾ མོཧཀྑཡཾ གཏིཀྑཡཾ ཨུཔཔཏྟིཀྑཡཾ པཊིསནྡྷིཀྑཡཾ བྷཝཀྑཡཾ སཾསཱརཀྑཡཾ ཝཊྚཀྑཡཾ། ཨནཱིཏིཀནྟི ཨཱིཏི ཝུཙྩནྟི ཀིལེསཱ ཙ ཁནྡྷཱ ཙ ཨབྷིསངྑཱརཱ ཙ། ཨཱིཏིཔྤཧཱནཾ ཨཱིཏིཝཱུཔསམཾ ཨཱིཏིཔཊིནིསྶགྒཾ ཨཱིཏིཔཊིཔྤསྶདྡྷིཾ ཨམཏཾ ནིབྦཱནནྟི – ཏཎྷཀྑཡམནཱིཏིཀཾ།
Taṇhakkhayamanītikanti . Taṇhāti rūpataṇhā…pe… dhammataṇhā. Taṇhakkhayanti taṇhakkhayaṃ rāgakkhayaṃ dosakkhayaṃ mohakkhayaṃ gatikkhayaṃ upapattikkhayaṃ paṭisandhikkhayaṃ bhavakkhayaṃ saṃsārakkhayaṃ vaṭṭakkhayaṃ. Anītikanti īti vuccanti kilesā ca khandhā ca abhisaṅkhārā ca. Ītippahānaṃ ītivūpasamaṃ ītipaṭinissaggaṃ ītipaṭippassaddhiṃ amataṃ nibbānanti – taṇhakkhayamanītikaṃ.
ཡསྶ ནཏྠི ཨུཔམཱ ཀྭཙཱིཏི། ཡསྶཱཏི ནིབྦཱནསྶ། ནཏྠི ཨུཔམཱཏི ཨུཔམཱ ནཏྠི, ཨུཔནིདྷཱ ནཏྠི, སདིསཾ ནཏྠི, པཊིབྷཱགོ ནཏྠི ན སཏི ན སཾཝིཛྫཏི ནུཔལབྦྷཏི། ཀྭཙཱིཏི ཀྭཙི ཀིམྷིཙི ཀཏྠཙི ཨཛ྄ཛྷཏྟཾ ཝཱ བཧིདྡྷཱ ཝཱ ཨཛ྄ཛྷཏྟབཧིདྡྷཱ ཝཱཏི – ཡསྶ ནཏྠི ཨུཔམཱ ཀྭཙི། ཏེནཱཧ སོ བྲཱཧྨཎོ –
Yassanatthi upamā kvacīti. Yassāti nibbānassa. Natthi upamāti upamā natthi, upanidhā natthi, sadisaṃ natthi, paṭibhāgo natthi na sati na saṃvijjati nupalabbhati. Kvacīti kvaci kimhici katthaci ajjhattaṃ vā bahiddhā vā ajjhattabahiddhā vāti – yassa natthi upamā kvaci. Tenāha so brāhmaṇo –
‘‘ཡོ ཏེ དྷམྨམདེསེསི, སནྡིཊྛིཀམཀཱལིཀཾ།
‘‘Yo te dhammamadesesi, sandiṭṭhikamakālikaṃ;
ཏཎྷཀྑཡམནཱིཏིཀཾ, ཡསྶ ནཏྠི ཨུཔམཱ ཀྭཙཱི’’ཏི༎
Taṇhakkhayamanītikaṃ, yassa natthi upamā kvacī’’ti.
༡༡༡.
111.
ནཱཧཾ ཏམྷཱ ཝིཔྤཝསཱམི, མུཧུཏྟམཔི བྲཱཧྨཎ།
Nāhaṃtamhā vippavasāmi, muhuttamapi brāhmaṇa;
གོཏམཱ བྷཱུརིཔཉྙཱཎཱ, གོཏམཱ བྷཱུརིམེདྷསཱ༎
Gotamā bhūripaññāṇā, gotamā bhūrimedhasā.
ནཱཧཾ ཏམྷཱ ཝིཔྤཝསཱམཱིཏི ནཱཧཾ བུདྡྷམྷཱ ཝིཔྤཝསཱམི ཨཔེམི ཨཔགཙྪཱམི ཝིནཱ ཧོམཱིཏི – ནཱཧཾ ཏམྷཱ ཝིཔྤཝསཱམི།
Nāhaṃ tamhā vippavasāmīti nāhaṃ buddhamhā vippavasāmi apemi apagacchāmi vinā homīti – nāhaṃ tamhā vippavasāmi.
མུཧུཏྟམཔི བྲཱཧྨཎཱཏི མུཧུཏྟམྤི ཁཎམྤི ལཡམྤི ཝཡམྤི ཨདྡྷམྤཱིཏི མུཧུཏྟམཔི། བྲཱཧྨཎཱཏི གཱརཝེན མཱཏུལཾ ཨཱལཔཏི།
Muhuttamapi brāhmaṇāti muhuttampi khaṇampi layampi vayampi addhampīti muhuttamapi. Brāhmaṇāti gāravena mātulaṃ ālapati.
གོཏམཱ བྷཱུརིཔཉྙཱཎཱཏི གོཏམཱ བྷཱུརིཔཉྙཱཎཱ ཉཱཎཔཉྙཱཎཱ པཉྙཱདྷཛཱ པཉྙཱཀེཏུམྷཱ པཉྙཱདྷིཔཏེཡྻམྷཱ ཝིཙཡབཧུལཱ པཝིཙཡབཧུལཱ ཨོཀྑཱཡནབཧུལཱ སམོཀྑཱཡནདྷམྨཱ ཝིབྷཱུཏཝིཧཱརིམྷཱ ཏཙྩརིཏཱ ཏབྦཧུལཱ ཏགྒརུཀཱ ཏནྣིནྣཱ ཏཔྤོཎཱ ཏཔྤབྦྷཱརཱ ཏདདྷིམུཏྟཱ ཏདདྷིཔཏེཡྻམྷཱཏི – གོཏམཱ བྷཱུརིཔཉྙཱཎཱ།
Gotamā bhūripaññāṇāti gotamā bhūripaññāṇā ñāṇapaññāṇā paññādhajā paññāketumhā paññādhipateyyamhā vicayabahulā pavicayabahulā okkhāyanabahulā samokkhāyanadhammā vibhūtavihārimhā taccaritā tabbahulā taggarukā tanninnā tappoṇā tappabbhārā tadadhimuttā tadadhipateyyamhāti – gotamā bhūripaññāṇā.
གོཏམཱ བྷཱུརིམེདྷསཱཏི བྷཱུརི ཝུཙྩཏི པཐཝཱི། བྷགཝཱ ཏཱཡ པཐཝིསམཱཡ པཉྙཱཡ ཝིཔུལཱཡ ཝིཏྠཏཱཡ སམནྣཱགཏོ། མེདྷཱ ཝུཙྩཏི པཉྙཱ། ཡཱ པཉྙཱ པཛཱནནཱ…པེ॰… ཨམོཧོ དྷམྨཝིཙཡོ སམྨཱདིཊྛི། བྷགཝཱ ཨིམཱཡ མེདྷཱཡ པཉྙཱཡ ཨུཔེཏོ སམུཔེཏོ ཨུཔཱགཏོ སམུཔཱགཏོ ཨུཔཔནྣོ སམུཔཔནྣོ སམནྣཱགཏོ། ཏསྨཱ བུདྡྷོ སུམེདྷསོཏི – གོཏམཱ བྷཱུརིམེདྷསཱ། ཏེནཱཧ ཐེརོ པིངྒིཡོ –
Gotamā bhūrimedhasāti bhūri vuccati pathavī. Bhagavā tāya pathavisamāya paññāya vipulāya vitthatāya samannāgato. Medhā vuccati paññā. Yā paññā pajānanā…pe… amoho dhammavicayo sammādiṭṭhi. Bhagavā imāya medhāya paññāya upeto samupeto upāgato samupāgato upapanno samupapanno samannāgato. Tasmā buddho sumedhasoti – gotamā bhūrimedhasā. Tenāha thero piṅgiyo –
‘‘ནཱཧཾ ཏམྷཱ ཝིཔྤཝསཱམི, མུཧུཏྟམཔི བྲཱཧྨཎ།
‘‘Nāhaṃ tamhā vippavasāmi, muhuttamapi brāhmaṇa;
གོཏམཱ བྷཱུརིཔཉྙཱཎཱ, གོཏམཱ བྷཱུརིམེདྷསཱ’’ཏི༎
Gotamā bhūripaññāṇā, gotamā bhūrimedhasā’’ti.
༡༡༢.
112.
ཡོ མེ དྷམྨམདེསེསི, སནྡིཊྛིཀམཀཱལིཀཾ།
Yome dhammamadesesi, sandiṭṭhikamakālikaṃ;
ཏཎྷཀྑཡམནཱིཏིཀཾ , ཡསྶ ནཏྠི ཨུཔམཱ ཀྭཙི༎
Taṇhakkhayamanītikaṃ, yassa natthi upamā kvaci.
ཡོ མེ དྷམྨམདེསེསཱིཏི ཡོ སོ བྷགཝཱ སཡམྦྷཱུ ཨནཱཙརིཡཀོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨབྷིསམྦུཛ྄ཛྷི, ཏཏྠ ཙ སབྦཉྙུཏཾ པཏྟོ བལེསུ ཙ ཝསཱིབྷཱཝཾ། དྷམྨམདེསེསཱིཏི། དྷམྨནྟི ཨཱདིཀལྱཱཎཾ མཛ྄ཛྷེཀལྱཱཎཾ པརིཡོསཱནཀལྱཱཎཾ སཱཏྠཾ སབྱཉྫནཾ ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ, ཙཏྟཱརོ སཏིཔཊྛཱནེ ཙཏྟཱརོ སམྨཔྤདྷཱནེ ཙཏྟཱརོ ཨིདྡྷིཔཱདེ པཉྩིནྡྲིཡཱནི པཉྩ བལཱནི སཏྟ བོཛ྄ཛྷངྒེ ཨརིཡཾ ཨཊྛངྒིཀཾ མགྒཾ ནིབྦཱནཉྩ ནིབྦཱནགཱམིནིཉྩ པཊིཔདཾ ཨཱཙིཀྑི དེསེསི པཉྙཔེསི པཊྛཔེསི ཝིཝརི ཝིབྷཛི ཨུཏྟཱནཱིཨཀཱསི པཀཱསེསཱིཏི – ཡོ མེ དྷམྨམདེསེསི།
Yo me dhammamadesesīti yo so bhagavā sayambhū anācariyako pubbe ananussutesu dhammesu sāmaṃ saccāni abhisambujjhi, tattha ca sabbaññutaṃ patto balesu ca vasībhāvaṃ. Dhammamadesesīti. Dhammanti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ, cattāro satipaṭṭhāne cattāro sammappadhāne cattāro iddhipāde pañcindriyāni pañca balāni satta bojjhaṅge ariyaṃ aṭṭhaṅgikaṃ maggaṃ nibbānañca nibbānagāminiñca paṭipadaṃ ācikkhi desesi paññapesi paṭṭhapesi vivari vibhaji uttānīakāsi pakāsesīti – yo me dhammamadesesi.
སནྡིཊྛིཀམཀཱལིཀནྟི སནྡིཊྛིཀཾ ཨཀཱལིཀཾ ཨེཧིཔསྶིཀཾ ཨོཔནེཡྻིཀཾ པཙྩཏྟཾ ཝེདིཏབྦཾ ཝིཉྙཱུཧཱིཏི, ཨེཝཾ སནྡིཊྛིཀཾ། ཨཐ ཝཱ, ཡོ དིཊྛེཝ དྷམྨེ ཨརིཡཾ ཨཊྛངྒིཀཾ མགྒཾ བྷཱཝེཏི, ཏསྶ མགྒསྶ ཨནནྟརཱ སམནནྟརཱ ཨདྷིགཙྪཏེཝ ཕལཾ ཝིནྡཏི པཊིལབྷཏཱིཏི, ཨེཝམྤི སནྡིཊྛིཀཾ། ཨཀཱལིཀནྟི ཡཐཱ མནུསྶཱ ཀཱལིཀཾ དྷནཾ དཏྭཱ ཨནནྟརཱ ན ལབྷནྟི, ཀཱལཾ ཨཱགམེནྟི, ནེཝཱཡཾ དྷམྨོ། ཡོ དིཊྛེཝ དྷམྨེ ཨརིཡཾ ཨཊྛངྒིཀཾ མགྒཾ བྷཱཝེཏི, ཏསྶ མགྒསྶ ཨནནྟརཱ སམནནྟརཱ ཨདྷིགཙྪཏེཝ ཕལཾ ཝིནྡཏི པཊིལབྷཏི, ན པརཏྠ ན པརལོཀེ, ཨེཝཾ ཨཀཱལིཀནྟི – སནྡིཊྛིཀམཀཱལིཀཾ།
Sandiṭṭhikamakālikanti sandiṭṭhikaṃ akālikaṃ ehipassikaṃ opaneyyikaṃ paccattaṃ veditabbaṃ viññūhīti, evaṃ sandiṭṭhikaṃ. Atha vā, yo diṭṭheva dhamme ariyaṃ aṭṭhaṅgikaṃ maggaṃ bhāveti, tassa maggassa anantarā samanantarā adhigacchateva phalaṃ vindati paṭilabhatīti, evampi sandiṭṭhikaṃ. Akālikanti yathā manussā kālikaṃ dhanaṃ datvā anantarā na labhanti, kālaṃ āgamenti, nevāyaṃ dhammo. Yo diṭṭheva dhamme ariyaṃ aṭṭhaṅgikaṃ maggaṃ bhāveti, tassa maggassa anantarā samanantarā adhigacchateva phalaṃ vindati paṭilabhati, na parattha na paraloke, evaṃ akālikanti – sandiṭṭhikamakālikaṃ.
ཏཎྷཀྑཡམནཱིཏིཀནྟི ། ཏཎྷཱཏི རཱུཔཏཎྷཱ…པེ॰… དྷམྨཏཎྷཱ། ཏཎྷཀྑཡནྟི ཏཎྷཀྑཡཾ རཱགཀྑཡཾ དོསཀྑཡཾ མོཧཀྑཡཾ གཏིཀྑཡཾ ཨུཔཔཏྟིཀྑཡཾ པཊིསནྡྷིཀྑཡཾ བྷཝཀྑཡཾ སཾསཱརཀྑཡཾ ཝཊྚཀྑཡཾ། ཨནཱིཏིཀནྟི ཨཱིཏི ཝུཙྩནྟི ཀིལེསཱ ཙ ཁནྡྷཱ ཙ ཨབྷིསངྑཱརཱ ཙ། ཨཱིཏིཔྤཧཱནཾ ཨཱིཏིཝཱུཔསམཾ ཨཱིཏིཔཊིཔྤསྶདྡྷིཾ ཨམཏཾ ནིབྦཱནནྟི – ཏཎྷཀྑཡམནཱིཏིཀཾ།
Taṇhakkhayamanītikanti . Taṇhāti rūpataṇhā…pe… dhammataṇhā. Taṇhakkhayanti taṇhakkhayaṃ rāgakkhayaṃ dosakkhayaṃ mohakkhayaṃ gatikkhayaṃ upapattikkhayaṃ paṭisandhikkhayaṃ bhavakkhayaṃ saṃsārakkhayaṃ vaṭṭakkhayaṃ. Anītikanti īti vuccanti kilesā ca khandhā ca abhisaṅkhārā ca. Ītippahānaṃ ītivūpasamaṃ ītipaṭippassaddhiṃ amataṃ nibbānanti – taṇhakkhayamanītikaṃ.
ཡསྶ ནཏྠི ཨུཔམཱ ཀྭཙཱིཏི། ཡསྶཱཏི ནིབྦཱནསྶ། ནཏྠི ཨུཔམཱཏི ཨུཔམཱ ནཏྠི, ཨུཔནིདྷཱ ནཏྠི, སདིསཾ ནཏྠི, པཊིབྷཱགོ ནཏྠི ན ཨཏྠི ན སཾཝིཛྫཏི ནུཔལབྦྷཏི། ཀྭཙཱིཏི ཀྭཙི ཀིམྷིཙི ཀཏྠཙི ཨཛ྄ཛྷཏྟཾ ཝཱ བཧིདྡྷཱ ཝཱ ཨཛ྄ཛྷཏྟབཧིདྡྷཱ ཝཱཏི – ཡསྶ ནཏྠི ཨུཔམཱ ཀྭཙི། ཏེནཱཧ ཐེརོ པིངྒིཡོ –
Yassa natthi upamā kvacīti. Yassāti nibbānassa. Natthi upamāti upamā natthi, upanidhā natthi, sadisaṃ natthi, paṭibhāgo natthi na atthi na saṃvijjati nupalabbhati. Kvacīti kvaci kimhici katthaci ajjhattaṃ vā bahiddhā vā ajjhattabahiddhā vāti – yassa natthi upamā kvaci. Tenāha thero piṅgiyo –
‘‘ཡོ མེ དྷམྨམདེསེསི, སནྡིཊྛིཀམཀཱལིཀཾ།
‘‘Yo me dhammamadesesi, sandiṭṭhikamakālikaṃ;
ཏཎྷཀྑཡམནཱིཏིཀཾ, ཡསྶ ནཏྠི ཨུཔམཱ ཀྭཙཱི’’ཏི༎
Taṇhakkhayamanītikaṃ, yassa natthi upamā kvacī’’ti.
༡༡༣.
113.
པསྶཱམི ནཾ མནསཱ ཙཀྑུནཱཝ, རཏྟིནྡིཝཾ བྲཱཧྨཎ ཨཔྤམཏྟོ།
Passāmi naṃ manasā cakkhunāva, rattindivaṃ brāhmaṇa appamatto;
ནམསྶམཱནོ ཝིཝསེམི 59 རཏྟིཾ, ཏེནེཝ མཉྙཱམི ཨཝིཔྤཝཱསཾ༎
Namassamāno vivasemi60rattiṃ, teneva maññāmi avippavāsaṃ.
པསྶཱམི ནཾ མནསཱ ཙཀྑུནཱཝཱཏི ཡཐཱ ཙཀྑུམཱ པུརིསོ ཨཱལོཀེ རཱུཔགཏཱནི པསྶེཡྻ དཀྑེཡྻ ཨོལོཀེཡྻ ནིཛ྄ཛྷཱཡེཡྻ ཨུཔཔརིཀྑེཡྻ, ཨེཝམེཝཱཧཾ བུདྡྷཾ བྷགཝནྟཾ མནསཱ པསྶཱམི དཀྑཱམི ཨོལོཀེམི ནིཛ྄ཛྷཱཡཱམི ཨུཔཔརིཀྑཱམཱིཏི – པསྶཱམི ནཾ མནསཱ ཙཀྑུནཱཝ།
Passāmi naṃ manasā cakkhunāvāti yathā cakkhumā puriso āloke rūpagatāni passeyya dakkheyya olokeyya nijjhāyeyya upaparikkheyya, evamevāhaṃ buddhaṃ bhagavantaṃ manasā passāmi dakkhāmi olokemi nijjhāyāmi upaparikkhāmīti – passāmi naṃ manasā cakkhunāva.
རཏྟིནྡིཝཾ བྲཱཧྨཎ ཨཔྤམཏྟོཏི རཏྟིཉྩ དིཝཱ ཙ བུདྡྷཱནུསྶཏིཾ མནསཱ བྷཱཝེནྟོ ཨཔྤམཏྟོཏི – རཏྟིནྡིཝཾ བྲཱཧྨཎ ཨཔྤམཏྟོ།
Rattindivaṃ brāhmaṇa appamattoti rattiñca divā ca buddhānussatiṃ manasā bhāvento appamattoti – rattindivaṃ brāhmaṇa appamatto.
ནམསྶམཱནོ ཝིཝསེམི རཏྟིནྟི། ནམསྶམཱནོཏི ཀཱཡེན ཝཱ ནམསྶམཱནོ, ཝཱཙཱཡ ཝཱ ནམསྶམཱནོ, ཙིཏྟེན ཝཱ ནམསྶམཱནོ, ཨནྭཏྠཔཊིཔཏྟིཡཱ ཝཱ ནམསྶམཱནོ, དྷམྨཱནུདྷམྨཔཊིཔཏྟིཡཱ ཝཱ ནམསྶམཱནོ སཀྐཱརམཱནོ གརུཀཱརམཱནོ མཱནཡམཱནོ པཱུཛཡམཱནོ རཏྟིནྡིཝཾ ཝིཝསེམི ཨཏིནཱམེམི ཨཏིཀྐམེམཱིཏི – ནམསྶམཱནོ ཝིཝསེམི རཏྟིཾ།
Namassamāno vivasemi rattinti. Namassamānoti kāyena vā namassamāno, vācāya vā namassamāno, cittena vā namassamāno, anvatthapaṭipattiyā vā namassamāno, dhammānudhammapaṭipattiyā vā namassamāno sakkāramāno garukāramāno mānayamāno pūjayamāno rattindivaṃ vivasemi atināmemi atikkamemīti – namassamāno vivasemi rattiṃ.
ཏེནེཝ མཉྙཱམི ཨཝིཔྤཝཱསནྟི ཏཱཡ བུདྡྷཱནུསྶཏིཡཱ བྷཱཝེནྟོ ཨཝིཔྤཝཱསོཏི ཏཾ མཉྙཱམི, ཨཝིཔྤཝུཊྛོཏི ཏཾ མཉྙཱམི ཛཱནཱམི། ཨེཝཾ ཛཱནཱམི ཨེཝཾ ཨཱཛཱནཱམི ཨེཝཾ ཝིཛཱནཱམི ཨེཝཾ པཊིཝིཛཱནཱམི ཨེཝཾ པཊིཝིཛ྄ཛྷཱམཱིཏི – ཏེནེཝ མཉྙཱམི ཨཝིཔྤཝཱསཾ། ཏེནཱཧ ཐེརོ པིངྒིཡོ –
Teneva maññāmi avippavāsanti tāya buddhānussatiyā bhāvento avippavāsoti taṃ maññāmi, avippavuṭṭhoti taṃ maññāmi jānāmi. Evaṃ jānāmi evaṃ ājānāmi evaṃ vijānāmi evaṃ paṭivijānāmi evaṃ paṭivijjhāmīti – teneva maññāmi avippavāsaṃ. Tenāha thero piṅgiyo –
‘‘པསྶཱམི ནཾ མནསཱ ཙཀྑུནཱཝ, རཏྟིནྡིཝཾ བྲཱཧྨཎ ཨཔྤམཏྟོ།
‘‘Passāmi naṃ manasā cakkhunāva, rattindivaṃ brāhmaṇa appamatto;
ནམསྶམཱནོ ཝིཝསེམི རཏྟིཾ, ཏེནེཝ མཉྙཱམི ཨཝིཔྤཝཱས’’ནྟི༎
Namassamāno vivasemi rattiṃ, teneva maññāmi avippavāsa’’nti.
༡༡༤.
114.
སདྡྷཱ ཙ པཱིཏི ཙ མནོ སཏི ཙ, ནཱཔེནྟིམེ གོཏམསཱསནམྷཱ།
Saddhāca pīti ca mano sati ca,nāpentimegotamasāsanamhā;
ཡཾ ཡཾ དིསཾ ཝཛཏི བྷཱུརིཔཉྙོ, ས ཏེན ཏེནེཝ ནཏོཧམསྨི༎
Yaṃ yaṃ disaṃ vajati bhūripañño, sa tena teneva natohamasmi.
སདྡྷཱ ཙ པཱིཏི ཙ མནོ སཏི ཙཱཏི། སདྡྷཱཏི ཡཱ ཙ བྷགཝནྟཾ ཨཱརབྦྷ སདྡྷཱ སདྡཧནཱ 61 ཨོཀཔྤནཱ ཨབྷིཔྤསཱདོ སདྡྷཱ སདྡྷིནྡྲིཡཾ སདྡྷཱབལཾ། པཱིཏཱིཏི ཡཱ བྷགཝནྟཾ ཨཱརབྦྷ པཱིཏི པཱམོཛྫཾ 62 མོདནཱ ཨཱམོདནཱ པམོདནཱ ཧཱསོ པཧཱསོ ཝིཏྟི ཏུཊྛི ཨོདགྱཾ ཨཏྟམནཏཱ ཙིཏྟསྶ། མནོཏི ཡཉྩ བྷགཝནྟཾ ཨཱརབྦྷ ཙིཏྟཾ མནོ མཱནསཾ ཧདཡཾ པཎྜརཾ མནོ མནཱཡཏནཾ མནིནྡྲིཡཾ ཝིཉྙཱཎཾ ཝིཉྙཱཎཀྑནྡྷོ ཏཛྫཱ མནོཝིཉྙཱཎདྷཱཏུ། སཏཱིཏི ཡཱ བྷགཝནྟཾ ཨཱརབྦྷ སཏི ཨནུསྶཏི སམྨཱསཏཱིཏི – སདྡྷཱ ཙ པཱིཏི ཙ མནོ སཏི ཙ།
Saddhā ca pīti ca mano sati cāti. Saddhāti yā ca bhagavantaṃ ārabbha saddhā saddahanā 63 okappanā abhippasādo saddhā saddhindriyaṃ saddhābalaṃ. Pītīti yā bhagavantaṃ ārabbha pīti pāmojjaṃ 64 modanā āmodanā pamodanā hāso pahāso vitti tuṭṭhi odagyaṃ attamanatā cittassa. Manoti yañca bhagavantaṃ ārabbha cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjā manoviññāṇadhātu. Satīti yā bhagavantaṃ ārabbha sati anussati sammāsatīti – saddhā ca pīti ca mano sati ca.
ནཱཔེནྟིམེ གོཏམསཱསནམྷཱཏི ཨིམེ ཙཏྟཱརོ དྷམྨཱ གོཏམསཱསནཱ བུདྡྷསཱསནཱ ཛིནསཱསནཱ ཏཐཱགཏསཱསནཱ ཨརཧནྟསཱསནཱ ནཱཔེནྟི ན གཙྪནྟི ན ཝིཛཧནྟི ན ཝིནཱསེནྟཱིཏི – ནཱཔེནྟིམེ གོཏམསཱསནམྷཱ།
Nāpentime gotamasāsanamhāti ime cattāro dhammā gotamasāsanā buddhasāsanā jinasāsanā tathāgatasāsanā arahantasāsanā nāpenti na gacchanti na vijahanti na vināsentīti – nāpentime gotamasāsanamhā.
ཡཾ ཡཾ དིསཾ ཝཛཏི བྷཱུརིཔཉྙོཏི། ཡཾ ཡཾ དིསནྟི པུརཏྠིམཾ ཝཱ དིསཾ པཙྪིམཾ ཝཱ དིསཾ དཀྑིཎཾ ཝཱ དིསཾ ཨུཏྟརཾ ཝཱ དིསཾ ཝཛཏི གཙྪཏི ཀམཏི ཨབྷིཀྐམཏི། བྷཱུརིཔཉྙོཏི བྷཱུརིཔཉྙོ མཧཱཔཉྙོ ཏིཀྑཔཉྙོ པུཐུཔཉྙོ ཧཱསཔཉྙོ ཛཝནཔཉྙོ ནིབྦེདྷིཀཔཉྙོ ། བྷཱུརི ཝུཙྩཏི པཐཝཱི། བྷགཝཱ ཏཱཡ པཐཝིསམཱཡ པཉྙཱཡ ཝིཔུལཱཡ ཝིཏྠཏཱཡ སམནྣཱགཏོཏི – ཡཾ ཡཾ དིསཾ ཝཛཏི བྷཱུརིཔཉྙོ།
Yaṃ yaṃ disaṃ vajati bhūripaññoti. Yaṃ yaṃ disanti puratthimaṃ vā disaṃ pacchimaṃ vā disaṃ dakkhiṇaṃ vā disaṃ uttaraṃ vā disaṃ vajati gacchati kamati abhikkamati. Bhūripaññoti bhūripañño mahāpañño tikkhapañño puthupañño hāsapañño javanapañño nibbedhikapañño . Bhūri vuccati pathavī. Bhagavā tāya pathavisamāya paññāya vipulāya vitthatāya samannāgatoti – yaṃ yaṃ disaṃ vajati bhūripañño.
ས ཏེན ཏེནེཝ ནཏོཧམསྨཱིཏི སོ ཡེན བུདྡྷོ ཏེན ཏེནེཝ ནཏོ ཏནྣིནྣོ ཏཔྤོཎོ ཏཔྤབྦྷཱརོ ཏདདྷིམུཏྟོ ཏདདྷིཔཏེཡྻོཏི – ས ཏེན ཏེནེཝ ནཏོཧམསྨི། ཏེནཱཧ ཐེརོ པིངྒིཡོ –
Sa tena teneva natohamasmīti so yena buddho tena teneva nato tanninno tappoṇo tappabbhāro tadadhimutto tadadhipateyyoti – sa tena teneva natohamasmi. Tenāha thero piṅgiyo –
‘‘སདྡྷཱ ཙ པཱིཏི ཙ མནོ སཏི ཙ, ནཱཔེནྟིམེ གོཏམསཱསནམྷཱ།
‘‘Saddhā ca pīti ca mano sati ca, nāpentime gotamasāsanamhā;
ཡཾ ཡཾ དིསཾ ཝཛཏི བྷཱུརིཔཉྙོ, ས ཏེན ཏེནེཝ ནཏོཧམསྨཱི’’ཏི༎
Yaṃ yaṃ disaṃ vajati bhūripañño, sa tena teneva natohamasmī’’ti.
༡༡༥.
115.
ཛིཎྞསྶ མེ དུབྦལཐཱམཀསྶ, ཏེནེཝ ཀཱཡོ ན པལེཏི ཏཏྠ།
Jiṇṇassa me dubbalathāmakassa,teneva kāyo na paleti tattha;
སངྐཔྤཡནྟཱཡ ཝཛཱམི ནིཙྩཾ, མནོ ཧི མེ བྲཱཧྨཎ ཏེན ཡུཏྟོ༎
Saṅkappayantāya vajāmi niccaṃ, mano hi me brāhmaṇa tena yutto.
ཛིཎྞསྶ མེ དུབྦལཐཱམཀསྶཱཏི ཛིཎྞསྶ ཝུཌྜྷསྶ མཧལླཀསྶ ཨདྡྷགཏསྶ ཝཡོཨནུཔྤཏྟསྶ། དུབྦལཐཱམཀསྶཱཏི དུབྦལཐཱམཀསྶ ཨཔྤཐཱམཀསྶ པརིཏྟཐཱམཀསྶཱཏི – ཛིཎྞསྶ མེ དུབྦལཐཱམཀསྶ།
Jiṇṇassa me dubbalathāmakassāti jiṇṇassa vuḍḍhassa mahallakassa addhagatassa vayoanuppattassa. Dubbalathāmakassāti dubbalathāmakassa appathāmakassa parittathāmakassāti – jiṇṇassa me dubbalathāmakassa.
ཏེནེཝ ཀཱཡོ ན པལེཏི ཏཏྠཱཏི ཀཱཡོ ཡེན བུདྡྷོ ཏེན ན པལེཏི ན ཝཛཏི ན གཙྪཏི ནཱཏིཀྐམཏཱིཏི – ཏེནེཝ ཀཱཡོ ན པལེཏི ཏཏྠ།
Tenevakāyo na paleti tatthāti kāyo yena buddho tena na paleti na vajati na gacchati nātikkamatīti – teneva kāyo na paleti tattha.
སངྐཔྤཡནྟཱཡ ཝཛཱམི ནིཙྩནྟི སངྐཔྤགམནེན ཝིཏཀྐགམནེན ཉཱཎགམནེན པཉྙཱགམནེན བུདྡྷིགམནེན ཝཛཱམི གཙྪཱམི ཨཏིཀྐམཱམཱིཏི – སངྐཔྤཡནྟཱཡ ཝཛཱམི ནིཙྩཾ།
Saṅkappayantāyavajāmi niccanti saṅkappagamanena vitakkagamanena ñāṇagamanena paññāgamanena buddhigamanena vajāmi gacchāmi atikkamāmīti – saṅkappayantāya vajāmi niccaṃ.
མནོ ཧི མེ བྲཱཧྨཎ ཏེན ཡུཏྟོཏི། མནོཏི ཡཾ ཙིཏྟཾ མནོ མཱནསཾ…པེ॰… ཏཛྫཱ མནོཝིཉྙཱཎདྷཱཏུ། མནོ ཧི མེ བྲཱཧྨཎ ཏེན ཡུཏྟོཏི མནོ ཡེན བུདྡྷོ ཏེན ཡུཏྟོ པཡུཏྟོ སཾཡུཏྟོཏི – མནོ ཧི མེ བྲཱཧྨཎ ཏེན ཡུཏྟོ། ཏེནཱཧ ཐེརོ པིངྒིཡོ –
Mano hi me brāhmaṇa tena yuttoti. Manoti yaṃ cittaṃ mano mānasaṃ…pe… tajjā manoviññāṇadhātu. Mano hi me brāhmaṇa tena yuttoti mano yena buddho tena yutto payutto saṃyuttoti – mano hi me brāhmaṇa tena yutto. Tenāha thero piṅgiyo –
‘‘ཛིཎྞསྶ མེ དུབྦལཐཱམཀསྶ, ཏེནེཝ ཀཱཡོ ན པལེཏི ཏཏྠ།
‘‘Jiṇṇassa me dubbalathāmakassa, teneva kāyo na paleti tattha;
སངྐཔྤཡནྟཱཡ ཝཛཱམི ནིཙྩཾ, མནོ ཧི མེ བྲཱཧྨཎ ཏེན ཡུཏྟོ’’ཏི༎
Saṅkappayantāya vajāmi niccaṃ, mano hi me brāhmaṇa tena yutto’’ti.
༡༡༦.
116.
པངྐེ སཡཱནོ པརིཕནྡམཱནོ, དཱིཔཱ དཱིཔཾ ཨུཔལླཝིཾ།
Paṅke sayāno pariphandamāno, dīpā dīpaṃ upallaviṃ;
ཨཐདྡསཱསིཾ སམྦུདྡྷཾ, ཨོགྷཏིཎྞམནཱསཝཾ༎
Athaddasāsiṃ sambuddhaṃ, oghatiṇṇamanāsavaṃ.
པངྐེ སཡཱནོ པརིཕནྡམཱནོཏི། པངྐེ སཡཱནོཏི ཀཱམཔངྐེ ཀཱམཀདྡམེ ཀཱམཀིལེསེ ཀཱམབལི༹སེ ཀཱམཔརིལཱ༹ཧེ ཀཱམཔལིབོདྷེ སེམཱནོ སཡམཱནོ ཝསམཱནོ ཨཱཝསམཱནོ པརིཝསམཱནོ 65 ཏི – པངྐེ སཡཱནོ། པརིཕནྡམཱནོཏི ཏཎྷཱཕནྡནཱཡ ཕནྡམཱནོ, དིཊྛིཕནྡནཱཡ ཕནྡམཱནོ , ཀིལེསཕནྡནཱཡ ཕནྡམཱནོ, པཡོགཕནྡནཱཡ ཕནྡམཱནོ, ཝིཔཱཀཕནྡནཱཡ ཕནྡམཱནོ, མནོདུཙྩརིཏཕནྡནཱཡ ཕནྡམཱནོ, རཏྟོ རཱགེན ཕནྡམཱནོ, དུཊྛོ དོསེན ཕནྡམཱནོ, མཱུལ༹ྷོ མོཧེན ཕནྡམཱནོ, ཝིནིབནྡྷོ མཱནེན ཕནྡམཱནོ, པརཱམཊྛོ དིཊྛིཡཱ ཕནྡམཱནོ, ཝིཀྑེཔགཏོ ཨུདྡྷཙྩེན ཕནྡམཱནོ, ཨནིཊྛངྒཏོ ཝིཙིཀིཙྪཱཡ ཕནྡམཱནོ, ཐཱམགཏོ ཨནུསཡེཧི ཕནྡམཱནོ, ལཱབྷེན ཕནྡམཱནོ, ཨལཱབྷེན ཕནྡམཱནོ, ཡསེན ཕནྡམཱནོ, ཨཡསེན ཕནྡམཱནོ, པསཾསཱཡ ཕནྡམཱནོ, ནིནྡཱཡ ཕནྡམཱནོ, སུཁེན ཕནྡམཱནོ, དུཀྑེན ཕནྡམཱནོ, ཛཱཏིཡཱ ཕནྡམཱནོ, ཛརཱཡ ཕནྡམཱནོ, བྱཱདྷིནཱ ཕནྡམཱནོ, མརཎེན ཕནྡམཱནོ, སོཀཔརིདེཝདུཀྑདོམནསྶུཔཱཡཱསེཧི ཕནྡམཱནོ, ནེརཡིཀེན དུཀྑེན ཕནྡམཱནོ, ཏིརཙྪཱནཡོནིཀེན དུཀྑེན ཕནྡམཱནོ, པེཏྟིཝིསཡིཀེན དུཀྑེན ཕནྡམཱནོ, མཱནུསིཀེན དུཀྑེན…པེ॰… གབྦྷོཀྐནྟིམཱུལཀེན དུཀྑེན… གབྦྷཊྛིཏིམཱུལཀེན དུཀྑེན… གབྦྷཝུཊྛཱནམཱུལཀེན དུཀྑེན… ཛཱཏསྶཱུཔནིབནྡྷཀེན དུཀྑེན… ཛཱཏསྶ པརཱདྷེཡྻཀེན དུཀྑེན… ཨཏྟཱུཔཀྐམེན དུཀྑེན… པརཱུཔཀྐམེན དུཀྑེན… སངྑཱརདུཀྑེན… ཝིཔརིཎཱམདུཀྑེན… ཙཀྑུརོགེན དུཀྑེན… སོཏརོགེན དུཀྑེན… གྷཱནརོགེན དུཀྑེན… ཛིཝ྄ཧཱརོགེན དུཀྑེན… ཀཱཡརོགེན དུཀྑེན… སཱིསརོགེན དུཀྑེན… ཀཎྞརོགེན དུཀྑེན… མུཁརོགེན དུཀྑེན… དནྟརོགེན དུཀྑེན… ཨོཊྛརོགེན དུཀྑེན… ཀཱསེན… སཱསེན… པིནཱསེན… ཌཱཧེན 66 … ཛརེན… ཀུཙྪིརོགེན… མུཙྪཱཡ… པཀྑནྡིཀཱཡ… སཱུལཱཡ… ཝིསཱུཙིཀཱཡ… ཀུཊྛེན… གཎྜེན… ཀིལཱསེན… སོསེན… ཨཔམཱརེན … དདྡུཡཱ… ཀཎྜུཡཱ… ཀཙྪུཡཱ… རཁསཱཡ… ཝིཏཙྪིཀཱཡ… ལོཧིཏཔིཏྟེན 67 … མདྷུམེཧེན… ཨཾསཱཡ… པིལ༹ཀཱཡ… བྷགནྡལེན 68 … པིཏྟསམུཊྛཱནེན ཨཱབཱདྷེན… སེམྷསམུཊྛཱནེན ཨཱབཱདྷེན… ཝཱཏསམུཊྛཱནེན ཨཱབཱདྷེན… སནྣིཔཱཏིཀེན ཨཱབཱདྷེན… ཨུཏུཔརིཎཱམཛེན ཨཱབཱདྷེན… ཝིསམཔརིཧཱརཛེན ཨཱབཱདྷེན… ཨོཔཀྐམིཀེན ཨཱབཱདྷེན… ཀམྨཝིཔཱཀཛེན ཨཱབཱདྷེན… སཱིཏེན… ཨུཎྷེན… ཛིགྷཙྪཱཡ … པིཔཱསཱཡ… ཨུཙྩཱརེན… པསྶཱཝེན… ཌཾསམཀསཝཱཏཱཏཔསརཱིསཔསམྥསྶེན དུཀྑེན… མཱཏུམརཎེན དུཀྑེན… པིཏུམརཎེན དུཀྑེན… པུཏྟམརཎེན དུཀྑེན… དྷཱིཏུམརཎེན དུཀྑེན… ཉཱཏིབྱསནེན དུཀྑེན… བྷོགབྱསནེན དུཀྑེན… རོགབྱསནེན དུཀྑེན… སཱིལབྱསནེན དུཀྑེན… དིཊྛིབྱསནེན དུཀྑེན ཕནྡམཱནོ པརིཕནྡམཱནོ པཝེདྷམཱནོ སམྤཝེདྷམཱནོཏི – པངྐེ སཡཱནོ པརིཕནྡམཱནོ།
Paṅkesayāno pariphandamānoti. Paṅke sayānoti kāmapaṅke kāmakaddame kāmakilese kāmabaḷise kāmapariḷāhe kāmapalibodhe semāno sayamāno vasamāno āvasamāno parivasamāno 69 ti – paṅke sayāno. Pariphandamānoti taṇhāphandanāya phandamāno, diṭṭhiphandanāya phandamāno , kilesaphandanāya phandamāno, payogaphandanāya phandamāno, vipākaphandanāya phandamāno, manoduccaritaphandanāya phandamāno, ratto rāgena phandamāno, duṭṭho dosena phandamāno, mūḷho mohena phandamāno, vinibandho mānena phandamāno, parāmaṭṭho diṭṭhiyā phandamāno, vikkhepagato uddhaccena phandamāno, aniṭṭhaṅgato vicikicchāya phandamāno, thāmagato anusayehi phandamāno, lābhena phandamāno, alābhena phandamāno, yasena phandamāno, ayasena phandamāno, pasaṃsāya phandamāno, nindāya phandamāno, sukhena phandamāno, dukkhena phandamāno, jātiyā phandamāno, jarāya phandamāno, byādhinā phandamāno, maraṇena phandamāno, sokaparidevadukkhadomanassupāyāsehi phandamāno, nerayikena dukkhena phandamāno, tiracchānayonikena dukkhena phandamāno, pettivisayikena dukkhena phandamāno, mānusikena dukkhena…pe… gabbhokkantimūlakena dukkhena… gabbhaṭṭhitimūlakena dukkhena… gabbhavuṭṭhānamūlakena dukkhena… jātassūpanibandhakena dukkhena… jātassa parādheyyakena dukkhena… attūpakkamena dukkhena… parūpakkamena dukkhena… saṅkhāradukkhena… vipariṇāmadukkhena… cakkhurogena dukkhena… sotarogena dukkhena… ghānarogena dukkhena… jivhārogena dukkhena… kāyarogena dukkhena… sīsarogena dukkhena… kaṇṇarogena dukkhena… mukharogena dukkhena… dantarogena dukkhena… oṭṭharogena dukkhena… kāsena… sāsena… pināsena… ḍāhena 70 … jarena… kucchirogena… mucchāya… pakkhandikāya… sūlāya… visūcikāya… kuṭṭhena… gaṇḍena… kilāsena… sosena… apamārena … dadduyā… kaṇḍuyā… kacchuyā… rakhasāya… vitacchikāya… lohitapittena 71 … madhumehena… aṃsāya… piḷakāya… bhagandalena 72 … pittasamuṭṭhānena ābādhena… semhasamuṭṭhānena ābādhena… vātasamuṭṭhānena ābādhena… sannipātikena ābādhena… utupariṇāmajena ābādhena… visamaparihārajena ābādhena… opakkamikena ābādhena… kammavipākajena ābādhena… sītena… uṇhena… jighacchāya … pipāsāya… uccārena… passāvena… ḍaṃsamakasavātātapasarīsapasamphassena dukkhena… mātumaraṇena dukkhena… pitumaraṇena dukkhena… puttamaraṇena dukkhena… dhītumaraṇena dukkhena… ñātibyasanena dukkhena… bhogabyasanena dukkhena… rogabyasanena dukkhena… sīlabyasanena dukkhena… diṭṭhibyasanena dukkhena phandamāno pariphandamāno pavedhamāno sampavedhamānoti – paṅke sayāno pariphandamāno.
དཱིཔཱ དཱིཔཾ ཨུཔལླཝིནྟི སཏྠཱརཏོ སཏྠཱརཾ དྷམྨཀྑཱནཏོ དྷམྨཀྑཱནཾ གཎཏོ གཎཾ དིཊྛིཡཱ དིཊྛིཾ པཊིཔདཱཡ པཊིཔདཾ མགྒཏོ མགྒཾ པལླཝིཾ ཨུཔལླཝིཾ སམྤལླཝིནྟི – དཱིཔཱ དཱིཔཾ ཨུཔལླཝིཾ།
Dīpā dīpaṃ upallavinti satthārato satthāraṃ dhammakkhānato dhammakkhānaṃ gaṇato gaṇaṃ diṭṭhiyā diṭṭhiṃ paṭipadāya paṭipadaṃ maggato maggaṃ pallaviṃ upallaviṃ sampallavinti – dīpā dīpaṃ upallaviṃ.
ཨཐདྡསཱསིཾ སམྦུདྡྷནྟི། ཨཐཱཏི པདསནྡྷི པདསཾསགྒོ པདཔཱརིཔཱུརཱི ཨཀྑརསམཝཱཡོ བྱཉྫནསིལིཊྛཏཱ པདཱནུཔུབྦཏཱཔེཏཾ – ཨཐཱཏི། ཨདྡསཱསིནྟི ཨདྡསཾ ཨདྡཀྑིཾ ཨཔསྶིཾ པཊིཝིཛ྄ཛྷིཾ། བུདྡྷོཏི ཡོ སོ བྷགཝཱ སཡམྦྷཱུ ཨནཱཙརིཡཀོ…པེ॰… སཙྪིཀཱ པཉྙཏྟི, ཡདིདཾ བུདྡྷོཏི – ཨཐདྡསཱསིཾ སམྦུདྡྷཾ།
Athaddasāsiṃ sambuddhanti. Athāti padasandhi padasaṃsaggo padapāripūrī akkharasamavāyo byañjanasiliṭṭhatā padānupubbatāpetaṃ – athāti. Addasāsinti addasaṃ addakkhiṃ apassiṃ paṭivijjhiṃ. Buddhoti yo so bhagavā sayambhū anācariyako…pe… sacchikā paññatti, yadidaṃ buddhoti – athaddasāsiṃ sambuddhaṃ.
ཨོགྷཏིཎྞམནཱསཝནྟི། ཨོགྷཏིཎྞནྟི བྷགཝཱ ཀཱམོགྷཾ ཏིཎྞོ, བྷཝོགྷཾ ཏིཎྞོ, དིཊྛོགྷཾ ཏིཎྞོ, ཨཝིཛྫོགྷཾ ཏིཎྞོ, སབྦསཾསཱརཔཐཾ ཏིཎྞོ ཨུཏྟིཎྞོ ནིཏྠིཎྞོ ཨཏིཀྐནྟོ སམཏིཀྐནྟོ ཝཱིཏིཝཏྟོ, སོ ཝུཏྠཝཱསོ ཙིཎྞཙརཎོ…པེ॰… ཛཱཏིམརཎསཾསཱརོ, ནཏྠི ཏསྶ པུནབྦྷཝོཏི – ཨོགྷཏིཎྞཾ། ཨནཱསཝནྟི ཙཏྟཱརོ ཨཱསཝཱ – ཀཱམཱསཝོ, བྷཝཱསཝོ, དིཊྛཱསཝོ, ཨཝིཛྫཱསཝོ། ཏེ ཨཱསཝཱ བུདྡྷསྶ བྷགཝཏོ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ། ཏསྨཱ བུདྡྷོ ཨནཱསཝཱཏི – ཨོགྷཏིཎྞམནཱསཝཾ། ཏེནཱཧ ཐེརོ པིངྒིཡོ –
Oghatiṇṇamanāsavanti. Oghatiṇṇanti bhagavā kāmoghaṃ tiṇṇo, bhavoghaṃ tiṇṇo, diṭṭhoghaṃ tiṇṇo, avijjoghaṃ tiṇṇo, sabbasaṃsārapathaṃ tiṇṇo uttiṇṇo nitthiṇṇo atikkanto samatikkanto vītivatto, so vutthavāso ciṇṇacaraṇo…pe… jātimaraṇasaṃsāro, natthi tassa punabbhavoti – oghatiṇṇaṃ. Anāsavanti cattāro āsavā – kāmāsavo, bhavāsavo, diṭṭhāsavo, avijjāsavo. Te āsavā buddhassa bhagavato pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Tasmā buddho anāsavāti – oghatiṇṇamanāsavaṃ. Tenāha thero piṅgiyo –
‘‘པངྐེ སཡཱནོ པརིཕནྡམཱནོ, དཱིཔཱ དཱིཔཾ ཨུཔལླཝིཾ།
‘‘Paṅke sayāno pariphandamāno, dīpā dīpaṃ upallaviṃ;
ཨཐདྡསཱསིཾ སམྦུདྡྷཾ, ཨོགྷཏིཎྞམནཱསཝ’’ནྟི༎
Athaddasāsiṃ sambuddhaṃ, oghatiṇṇamanāsava’’nti.
༡༡༧.
117.
ཡཐཱ ཨཧཱུ ཝཀྐལི མུཏྟསདྡྷོ, བྷདྲཱཝུདྷོ ཨཱལ༹ཝིགོཏམོ ཙ།
Yathā ahū vakkali muttasaddho,bhadrāvudho āḷavigotamo ca;
ཨེཝམེཝ ཏྭམྤི པམུཉྩསྶུ སདྡྷཾ, གམིསྶསི ཏྭཾ པིངྒིཡ མཙྩུདྷེཡྻསྶ པཱརཾ༎
Evameva tvampi pamuñcassu saddhaṃ, gamissasi tvaṃ piṅgiya maccudheyyassa pāraṃ.
ཡཐཱ ཨཧཱུ ཝཀྐལི མུཏྟསདྡྷོ, བྷདྲཱཝུདྷོ ཨཱལ༹ཝིགོཏམོ ཙཱཏི ཡཐཱ ཝཀྐལིཏྠེརོ 73 སདྡྷོ སདྡྷཱགརུཀོ སདྡྷཱཔུབྦངྒམོ སདྡྷཱདྷིམུཏྟོ སདྡྷཱདྷིཔཏེཡྻོ ཨརཧཏྟཔྤཏྟོ, ཡཐཱ བྷདྲཱཝུདྷོ ཐེརོ སདྡྷོ སདྡྷཱགརུཀོ སདྡྷཱཔུབྦངྒམོ སདྡྷཱདྷིམུཏྟོ སདྡྷཱདྷིཔཏེཡྻོ ཨརཧཏྟཔྤཏྟོ, ཡཐཱ ཨཱལ༹ཝིགོཏམོ ཐེརོ སདྡྷོ སདྡྷཱགརུཀོ སདྡྷཱཔུབྦངྒམོ སདྡྷཱདྷིམུཏྟོ སདྡྷཱདྷིཔཏེཡྻོ ཨརཧཏྟཔྤཏྟོཏི – ཡཐཱ ཨཧཱུ ཝཀྐལི མུཏྟསདྡྷོ བྷདྲཱཝུདྷོ ཨཱལ༹ཝིགོཏམོ ཙ།
Yathāahū vakkali muttasaddho, bhadrāvudho āḷavigotamo cāti yathā vakkalitthero 74 saddho saddhāgaruko saddhāpubbaṅgamo saddhādhimutto saddhādhipateyyo arahattappatto, yathā bhadrāvudho thero saddho saddhāgaruko saddhāpubbaṅgamo saddhādhimutto saddhādhipateyyo arahattappatto, yathā āḷavigotamo thero saddho saddhāgaruko saddhāpubbaṅgamo saddhādhimutto saddhādhipateyyo arahattappattoti – yathā ahū vakkali muttasaddho bhadrāvudho āḷavigotamo ca.
ཨེཝམེཝ ཏྭམྤི པམུཉྩསྶུ སདྡྷནྟི ཨེཝམེཝ ཏྭཾ སདྡྷཾ མུཉྩསྶུ པམུཉྩསྶུ སམྤམུཉྩསྶུ ཨདྷིམུཉྩསྶུ ཨོཀཔྤེཧི། ‘‘སབྦེ སངྑཱརཱ ཨནིཙྩཱ’’ཏི སདྡྷཾ མུཉྩསྶུ པམུཉྩསྶུ སམྤམུཉྩསྶུ ཨདྷིམུཉྩསྶུ ཨོཀཔྤེཧི། ‘‘སབྦེ སངྑཱརཱ དུཀྑཱ’’ཏི…པེ॰… ‘‘སབྦེ དྷམྨཱ ཨནཏྟཱ’’ཏི སདྡྷཾ མུཉྩསྶུ པམུཉྩསྶུ སམྤམུཉྩསྶུ ཨདྷིམུཉྩསྶུ ཨོཀཔྤེཧི… ‘‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི སདྡྷཾ མུཉྩསྶུ པམུཉྩསྶུ, སམྤམུཉྩསྶུ ཨདྷིམུཉྩསྶུ ཨོཀཔྤེཧཱིཏི – ཨེཝམེཝ ཏྭམྤི པམུཉྩསྶུ སདྡྷཾ།
Evameva tvampi pamuñcassu saddhanti evameva tvaṃ saddhaṃ muñcassu pamuñcassu sampamuñcassu adhimuñcassu okappehi. ‘‘Sabbe saṅkhārā aniccā’’ti saddhaṃ muñcassu pamuñcassu sampamuñcassu adhimuñcassu okappehi. ‘‘Sabbe saṅkhārā dukkhā’’ti…pe… ‘‘sabbe dhammā anattā’’ti saddhaṃ muñcassu pamuñcassu sampamuñcassu adhimuñcassu okappehi… ‘‘yaṃ kiñci samudayadhammaṃ sabbaṃ taṃ nirodhadhamma’’nti saddhaṃ muñcassu pamuñcassu, sampamuñcassu adhimuñcassu okappehīti – evameva tvampi pamuñcassu saddhaṃ.
གམིསྶསི ཏྭཾ པིངྒིཡ མཙྩུདྷེཡྻསྶ པཱརནྟི མཙྩུདྷེཡྻཾ ཝུཙྩནྟི ཀིལེསཱ ཙ ཁནྡྷཱ ཙ ཨབྷིསངྑཱརཱ ཙ། མཙྩུདྷེཡྻསྶ པཱརཾ ཝུཙྩཏི ཨམཏཾ ནིབྦཱནཾ, ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ། གམིསྶསི ཏྭཾ པིངྒིཡ མཙྩུདྷེཡྻསྶ པཱརནྟི ཏྭཾ པཱརཾ གམིསྶསི, པཱརཾ ཨདྷིགམིསྶསི, པཱརཾ ཕསྶིསྶསི, པཱརཾ སཙྪིཀརིསྶསཱིཏི – གམིསྶསི ཏྭཾ པིངྒིཡ མཙྩུདྷེཡྻསྶ པཱརཾ། ཏེནཱཧ བྷགཝཱ –
Gamissasi tvaṃ piṅgiya maccudheyyassa pāranti maccudheyyaṃ vuccanti kilesā ca khandhā ca abhisaṅkhārā ca. Maccudheyyassa pāraṃ vuccati amataṃ nibbānaṃ, yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Gamissasi tvaṃ piṅgiya maccudheyyassa pāranti tvaṃ pāraṃ gamissasi, pāraṃ adhigamissasi, pāraṃ phassissasi, pāraṃ sacchikarissasīti – gamissasi tvaṃ piṅgiya maccudheyyassa pāraṃ. Tenāha bhagavā –
‘‘ཡཐཱ ཨཧཱུ ཝཀྐལི མུཏྟསདྡྷོ, བྷདྲཱཝུདྷོ ཨཱལ༹ཝིགོཏམོ ཙ།
‘‘Yathā ahū vakkali muttasaddho, bhadrāvudho āḷavigotamo ca;
ཨེཝམེཝ ཏྭམྤི པམུཉྩསྶུ སདྡྷཾ,
Evameva tvampi pamuñcassu saddhaṃ,
གམིསྶསི ཏྭཾ པིངྒིཡ མཙྩུདྷེཡྻསྶ པཱར’’ནྟི༎
Gamissasi tvaṃ piṅgiya maccudheyyassa pāra’’nti.
༡༡༨.
118.
ཨེས བྷིཡྻོ པསཱིདཱམི, སུཏྭཱན མུནིནོ ཝཙོ།
Esa bhiyyo pasīdāmi, sutvāna munino vaco;
ཨེས བྷིཡྻོ པསཱིདཱམཱིཏི ཨེས བྷིཡྻོ པསཱིདཱམི, བྷིཡྻོ བྷིཡྻོ སདྡཧཱམི, བྷིཡྻོ བྷིཡྻོ ཨོཀཔྤེམི, བྷིཡྻོ བྷིཡྻོ ཨདྷིམུཙྩཱམི; ‘‘སབྦེ སངྑཱརཱ ཨནིཙྩཱ’’ཏི བྷིཡྻོ བྷིཡྻོ པསཱིདཱམི, བྷིཡྻོ བྷིཡྻོ སདྡཧཱམི , བྷིཡྻོ བྷིཡྻོ ཨོཀཔྤེམི, བྷིཡྻོ བྷིཡྻོ ཨདྷིམུཙྩཱམི; ‘‘སབྦེ སངྑཱརཱ དུཀྑཱ’’ཏི བྷིཡྻོ བྷིཡྻོ པསཱིདཱམི…པེ॰… ‘‘སབྦེ དྷམྨཱ ཨནཏྟཱ’’ཏི བྷིཡྻོ བྷིཡྻོ པསཱིདཱམི…པེ॰… ‘‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི བྷིཡྻོ བྷིཡྻོ པསཱིདཱམི, བྷིཡྻོ བྷིཡྻོ སདྡཧཱམི, བྷིཡྻོ བྷིཡྻོ ཨོཀཔྤེམི, བྷིཡྻོ བྷིཡྻོ ཨདྷིམུཙྩཱམཱིཏི – ཨེས བྷིཡྻོ པསཱིདཱམི།
Esa bhiyyo pasīdāmīti esa bhiyyo pasīdāmi, bhiyyo bhiyyo saddahāmi, bhiyyo bhiyyo okappemi, bhiyyo bhiyyo adhimuccāmi; ‘‘sabbe saṅkhārā aniccā’’ti bhiyyo bhiyyo pasīdāmi, bhiyyo bhiyyo saddahāmi , bhiyyo bhiyyo okappemi, bhiyyo bhiyyo adhimuccāmi; ‘‘sabbe saṅkhārā dukkhā’’ti bhiyyo bhiyyo pasīdāmi…pe… ‘‘sabbe dhammā anattā’’ti bhiyyo bhiyyo pasīdāmi…pe… ‘‘yaṃ kiñci samudayadhammaṃ sabbaṃ taṃ nirodhadhamma’’nti bhiyyo bhiyyo pasīdāmi, bhiyyo bhiyyo saddahāmi, bhiyyo bhiyyo okappemi, bhiyyo bhiyyo adhimuccāmīti – esa bhiyyo pasīdāmi.
སུཏྭཱན མུནིནོ ཝཙོཏི། མུནཱིཏི མོནཾ ཝུཙྩཏི ཉཱཎཾ…པེ॰… སངྒཛཱལམཏིཙྩ སོ མུནི། སུཏྭཱན མུནིནོ ཝཙོཏི ཏུཡ྄ཧཾ ཝཙནཾ བྱཔྤཐཾ དེསནཾ ཨནུསཱསནཾ ཨནུསིཊྛཾ སུཏྭཱན ཨུགྒཧེཏྭཱན ཨུཔདྷཱརཡིཏྭཱན ཨུཔལཀྑཡིཏྭཱནཱཏི – སུཏྭཱན མུནིནོ ཝཙོ།
Sutvāna munino vacoti. Munīti monaṃ vuccati ñāṇaṃ…pe… saṅgajālamaticca so muni. Sutvāna munino vacoti tuyhaṃ vacanaṃ byappathaṃ desanaṃ anusāsanaṃ anusiṭṭhaṃ sutvāna uggahetvāna upadhārayitvāna upalakkhayitvānāti – sutvāna munino vaco.
ཝིཝཊཙྪདོ སམྦུདྡྷོཏི། ཚདནནྟི པཉྩ ཚདནཱནི – ཏཎྷཱཚདནཾ, དིཊྛིཚདནཾ, ཀིལེསཚདནཾ, དུཙྩརིཏཚདནཾ, ཨཝིཛྫཱཚདནཾ། ཏཱནི ཚདནཱནི བུདྡྷསྶ བྷགཝཏོ ཝིཝཊཱནི ཝིདྡྷཾསིཏཱནི སམུགྒྷཱཊིཏཱནི པཧཱིནཱནི སམུཙྪིནྣཱནི ཝཱུཔསནྟཱནི པཊིཔྤསྶདྡྷཱནི ཨབྷབྦུཔྤཏྟིཀཱནི ཉཱཎགྒིནཱ དཌྜྷཱནི། ཏསྨཱ བུདྡྷོ ཝིཝཊཙྪདོ། བུདྡྷོཏི ཡོ སོ བྷགཝཱ…པེ॰… སཙྪིཀཱ པཉྙཏྟི, ཡདིདཾ བུདྡྷོཏི – ཝིཝཊཙྪདོ སམྦུདྡྷོ།
Vivaṭacchado sambuddhoti. Chadananti pañca chadanāni – taṇhāchadanaṃ, diṭṭhichadanaṃ, kilesachadanaṃ, duccaritachadanaṃ, avijjāchadanaṃ. Tāni chadanāni buddhassa bhagavato vivaṭāni viddhaṃsitāni samugghāṭitāni pahīnāni samucchinnāni vūpasantāni paṭippassaddhāni abhabbuppattikāni ñāṇagginā daḍḍhāni. Tasmā buddho vivaṭacchado. Buddhoti yo so bhagavā…pe… sacchikā paññatti, yadidaṃ buddhoti – vivaṭacchado sambuddho.
ཨཁིལོ པཊིབྷཱནཝཱཏི། ཨཁིལོཏི རཱགོ ཁིལོ, དོསོ ཁིལོ, མོཧོ ཁིལོ, ཀོདྷོ ཁིལོ, ཨུཔནཱཧོ…པེ॰… སབྦཱཀུསལཱབྷིསངྑཱརཱ ཁིལཱ། ཏེ ཁིལཱ བུདྡྷསྶ བྷགཝཏོ པཧཱིནཱ ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ། ཏསྨཱ བུདྡྷོ ཨཁིལོ།
Akhilo paṭibhānavāti. Akhiloti rāgo khilo, doso khilo, moho khilo, kodho khilo, upanāho…pe… sabbākusalābhisaṅkhārā khilā. Te khilā buddhassa bhagavato pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Tasmā buddho akhilo.
པཊིབྷཱནཝཱཏི ཏཡོ པཊིབྷཱནཝནྟོ – པརིཡཏྟི པཊིབྷཱནཝཱ, པརིཔུཙྪཱཔཊིབྷཱནཝཱ, ཨདྷིགམཔཊིབྷཱནཝཱ། ཀཏམོ པརིཡཏྟིཔཊིབྷཱནཝཱ? ཨིདྷེཀཙྩསྶ བུདྡྷཝཙནཾ 79 པརིཡཱཔུཏཾ 80 ཧོཏི སུཏྟཾ གེཡྻཾ ཝེཡྻཱཀརཎཾ གཱཐཱ ཨུདཱནཾ ཨིཏིཝུཏྟཀཾ ཛཱཏཀཾ ཨབྦྷུཏདྷམྨཾ ཝེདལླཾ། ཏསྶ པརིཡཏྟིཾ ནིསྶཱཡ པཊིབྷཱཏི 81 – ཨཡཾ པརིཡཏྟིཔཊིབྷཱནཝཱ།
Paṭibhānavāti tayo paṭibhānavanto – pariyatti paṭibhānavā, paripucchāpaṭibhānavā, adhigamapaṭibhānavā. Katamo pariyattipaṭibhānavā? Idhekaccassa buddhavacanaṃ 82 pariyāputaṃ 83 hoti suttaṃ geyyaṃ veyyākaraṇaṃ gāthā udānaṃ itivuttakaṃ jātakaṃ abbhutadhammaṃ vedallaṃ. Tassa pariyattiṃ nissāya paṭibhāti 84 – ayaṃ pariyattipaṭibhānavā.
ཀཏམོ པརིཔུཙྪཱཔཊིབྷཱནཝཱ? ཨིདྷེཀཙྩོ པརིཔུཙྪིཏཱ ཧོཏི ཨཏྠེ ཙ ཉཱཡེ ཙ ལཀྑཎེ ཙ ཀཱརཎེ ཙ ཋཱནཱཋཱནེ ཙ། ཏསྶ པརིཔུཙྪཾ ནིསྶཱཡ པཊིབྷཱཏི – ཨཡཾ པརིཔུཙྪཱཔཊིབྷཱནཝཱ།
Katamo paripucchāpaṭibhānavā? Idhekacco paripucchitā hoti atthe ca ñāye ca lakkhaṇe ca kāraṇe ca ṭhānāṭhāne ca. Tassa paripucchaṃ nissāya paṭibhāti – ayaṃ paripucchāpaṭibhānavā.
ཀཏམོ ཨདྷིགམཔཊིབྷཱནཝཱ? ཨིདྷེཀཙྩསྶ ཨདྷིགཏཱ ཧོནྟི ཙཏྟཱརོ སཏིཔཊྛཱནཱ, ཙཏྟཱརོ སམྨཔྤདྷཱནཱ, ཙཏྟཱརོ ཨིདྡྷིཔཱདཱ, པཉྩིནྡྲིཡཱནི, པཉྩ བལཱནི, སཏྟ བོཛ྄ཛྷངྒཱ, ཨརིཡོ ཨཊྛངྒིཀོ མགྒོ, ཙཏྟཱརོ ཨརིཡམགྒཱ, ཙཏྟཱརི སཱམཉྙཕལཱནི, ཙཏསྶོ པཊིསམྦྷིདཱཡོ, ཚ ཨབྷིཉྙཱཡོ། ཏསྶ ཨཏྠོ ཉཱཏོ, དྷམྨོ ཉཱཏོ, ནིརུཏྟི ཉཱཏཱ། ཨཏྠེ ཉཱཏེ ཨཏྠོ པཊིབྷཱཏི, དྷམྨེ ཉཱཏེ དྷམྨོ པཊིབྷཱཏི, ནིརུཏྟིཡཱ ཉཱཏཱཡ ནིརུཏྟི པཊིབྷཱཏི། ཨིམེསུ ཏཱིསུ ཉཱཎེསུ ཉཱཎཾ པཊིབྷཱནཔཊིསམྦྷིདཱ། བྷགཝཱ ཨིམཱཡ པཊིབྷཱནཔཊིསམྦྷིདཱཡ ཨུཔེཏོ སམུཔེཏོ ཨུཔཱགཏོ སམུཔཱགཏོ ཨུཔཔནྣོ སམུཔཔནྣོ སམནྣཱགཏོ། ཏསྨཱ བུདྡྷོ པཊིབྷཱནཝཱ། ཡསྶ པརིཡཏྟི ནཏྠི, པརིཔུཙྪཱ ནཏྠི, ཨདྷིགམོ ནཏྠི, ཀིཾ ཏསྶ པཊིབྷཱཡིསྶཏཱིཏི – ཨཁིལོ པཊིབྷཱནཝཱ ། ཏེནཱཧ ཐེརོ པིངྒིཡོ –
Katamo adhigamapaṭibhānavā? Idhekaccassa adhigatā honti cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo, cattāro ariyamaggā, cattāri sāmaññaphalāni, catasso paṭisambhidāyo, cha abhiññāyo. Tassa attho ñāto, dhammo ñāto, nirutti ñātā. Atthe ñāte attho paṭibhāti, dhamme ñāte dhammo paṭibhāti, niruttiyā ñātāya nirutti paṭibhāti. Imesu tīsu ñāṇesu ñāṇaṃ paṭibhānapaṭisambhidā. Bhagavā imāya paṭibhānapaṭisambhidāya upeto samupeto upāgato samupāgato upapanno samupapanno samannāgato. Tasmā buddho paṭibhānavā. Yassa pariyatti natthi, paripucchā natthi, adhigamo natthi, kiṃ tassa paṭibhāyissatīti – akhilo paṭibhānavā . Tenāha thero piṅgiyo –
‘‘ཨེས བྷིཡྻོ པསཱིདཱམི, སུཏྭཱན མུནིནོ ཝཙོ།
‘‘Esa bhiyyo pasīdāmi, sutvāna munino vaco;
ཝིཝཊཙྪདོ སམྦུདྡྷོ, ཨཁིལོ པཊིབྷཱནཝཱ’’ཏི༎
Vivaṭacchado sambuddho, akhilo paṭibhānavā’’ti.
༡༡༩.
119.
པཉྷཱནནྟཀརོ སཏྠཱ, ཀངྑཱིནཾ པཊིཛཱནཏཾ༎
Pañhānantakaro satthā, kaṅkhīnaṃ paṭijānataṃ.
ཨདྷིདེཝེ ཨབྷིཉྙཱཡཱཏི། དེཝཱཏི ཏཡོ དེཝཱ – སམྨུཏིདེཝཱ 89, ཨུཔཔཏྟིདེཝཱ, ཝིསུདྡྷིདེཝཱ། ཀཏམེ སམྨུཏིདེཝཱ? སམྨུཏིདེཝཱ ཝུཙྩནྟི རཱཛཱནོ 90 ཙ རཱཛཀུམཱརོ ཙ དེཝིཡོ ཙ། ཨིམེ ཝུཙྩནྟི སམྨུཏིདེཝཱ། ཀཏམེ ཨུཔཔཏྟིདེཝཱ? ཨུཔཔཏྟིདེཝཱ ཝུཙྩནྟི ཙཱཏུམཧཱརཱཛིཀཱ དེཝཱ ཏཱཝཏིཾསཱ དེཝཱ…པེ॰… བྲཧྨཀཱཡིཀཱ དེཝཱ, ཡེ ཙ དེཝཱ ཏདུཏྟརི། ཨིམེ ཝུཙྩནྟི ཨུཔཔཏྟིདེཝཱ། ཀཏམེ ཝིསུདྡྷིདེཝཱ? ཝིསུདྡྷིདེཝཱ ཝུཙྩནྟི ཏཐཱགཏཱ ཏཐཱགཏསཱཝཀཱ ཨརཧནྟོ ཁཱིཎཱསཝཱ, ཡེ ཙ པཙྩེཀསམྦུདྡྷཱ། ཨིམེ ཝུཙྩནྟི ཝིསུདྡྷིདེཝཱ། བྷགཝཱ སམྨུཏིདེཝེ ཨདྷིདེཝཱཏི ཨབྷིཉྙཱཡ ཨུཔཔཏྟིདེཝེ ཨདྷིདེཝཱཏི ཨབྷིཉྙཱཡ, ཝིསུདྡྷིདེཝེ ཨདྷིདེཝཱཏི ཨབྷིཉྙཱཡ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱཏི – ཨདྷིདེཝེ ཨབྷིཉྙཱཡ།
Adhideve abhiññāyāti. Devāti tayo devā – sammutidevā 91, upapattidevā, visuddhidevā. Katame sammutidevā? Sammutidevā vuccanti rājāno 92 ca rājakumāro ca deviyo ca. Ime vuccanti sammutidevā. Katame upapattidevā? Upapattidevā vuccanti cātumahārājikā devā tāvatiṃsā devā…pe… brahmakāyikā devā, ye ca devā taduttari. Ime vuccanti upapattidevā. Katame visuddhidevā? Visuddhidevā vuccanti tathāgatā tathāgatasāvakā arahanto khīṇāsavā, ye ca paccekasambuddhā. Ime vuccanti visuddhidevā. Bhagavā sammutideve adhidevāti abhiññāya upapattideve adhidevāti abhiññāya, visuddhideve adhidevāti abhiññāya jānitvā tulayitvā tīrayitvā vibhāvayitvā vibhūtaṃ katvāti – adhideve abhiññāya.
སབྦཾ ཝེདི པརོཔརནྟི བྷགཝཱ ཨཏྟནོ ཙ པརེསཉྩ ཨདྷིདེཝཀརེ དྷམྨེ ཝེདི ཨཉྙཱསི ཨཕསྶི པཊིཝིཛ྄ཛྷི། ཀཏམེ ཨཏྟནོ ཨདྷིདེཝཀརཱ དྷམྨཱ? སམྨཱཔཊིཔདཱ ཨནུལོམཔཊིཔདཱ ཨཔཙྩནཱིཀཔཊིཔདཱ ཨནྭཏྠཔཊིཔདཱ དྷམྨཱནུདྷམྨཔཊིཔདཱ སཱིལེསུ པརིཔཱུརཀཱརིཏཱ ཨིནྡྲིཡེསུ གུཏྟདྭཱརཏཱ བྷོཛནེ མཏྟཉྙུཏཱ ཛཱགརིཡཱནུཡོགོ སཏིསམྤཛཉྙཾ ཙཏྟཱརོ སཏིཔཊྛཱནཱ…པེ॰… ཨརིཡོ ཨཊྛངྒིཀོ མགྒོ། ཨིམེ ཝུཙྩནྟི ཨཏྟནོ ཨདྷིདེཝཀརཱ དྷམྨཱ།
Sabbaṃvedi paroparanti bhagavā attano ca paresañca adhidevakare dhamme vedi aññāsi aphassi paṭivijjhi. Katame attano adhidevakarā dhammā? Sammāpaṭipadā anulomapaṭipadā apaccanīkapaṭipadā anvatthapaṭipadā dhammānudhammapaṭipadā sīlesu paripūrakāritā indriyesu guttadvāratā bhojane mattaññutā jāgariyānuyogo satisampajaññaṃ cattāro satipaṭṭhānā…pe… ariyo aṭṭhaṅgiko maggo. Ime vuccanti attano adhidevakarā dhammā.
ཀཏམེ པརེསཾ ཨདྷིདེཝཀརཱ དྷམྨཱ? སམྨཱཔཊིཔདཱ…པེ॰… ཨརིཡོ ཨཊྛངྒིཀོ མགྒོ། ཨིམེ ཝུཙྩནྟི པརེསཾ ཨདྷིདེཝཀརཱ དྷམྨཱ། ཨེཝཾ བྷགཝཱ ཨཏྟནོ ཙ པརེསཉྩ ཨདྷིདེཝཀརེ དྷམྨེ ཝེདི ཨཉྙཱསི ཨཕསྶི པཊིཝིཛ྄ཛྷཱིཏི – སབྦཾ ཝེདི པརོཔརཾ།
Katame paresaṃ adhidevakarā dhammā? Sammāpaṭipadā…pe… ariyo aṭṭhaṅgiko maggo. Ime vuccanti paresaṃ adhidevakarā dhammā. Evaṃ bhagavā attano ca paresañca adhidevakare dhamme vedi aññāsi aphassi paṭivijjhīti – sabbaṃ vedi paroparaṃ.
པཉྷཱནནྟཀརོ སཏྠཱཏི བྷགཝཱ པཱརཱཡནིཀཔཉྷཱནཾ ཨནྟཀརོ པརིཡནྟཀརོ པརིཙྪེདཀརོ པརིཝཊུམཀརོ; སབྷིཡཔཉྷཱནཾ 93 ཨནྟཀརོ པརིཡནྟཀརོ པརིཙྪེདཀརོ པརིཝཊུམཀརོ; སཀྐཔཉྷཱནཾ…པེ॰… སུཡཱམཔཉྷཱནཾ… བྷིཀྑུཔཉྷཱནཾ… བྷིཀྑུནཱིཔཉྷཱནཾ… ཨུཔཱསཀཔཉྷཱནཾ… ཨུཔཱསིཀཱཔཉྷཱནཾ… རཱཛཔཉྷཱནཾ… ཁཏྟིཡཔཉྷཱནཾ… བྲཱཧྨཎཔཉྷཱནཾ… ཝེསྶཔཉྷཱནཾ… སུདྡཔཉྷཱནཾ… དེཝཔཉྷཱནཾ… བྲཧྨཔཉྷཱནཾ ཨནྟཀརོ པརིཡནྟཀརོ པརིཙྪེདཀརོ པརིཝཊུམཀརོཏི – པཉྷཱནནྟཀརོ། སཏྠཱཏི བྷགཝཱ སཏྠཝཱཧོ། ཡཐཱ སཏྠཝཱཧོ སཏྠེ ཀནྟཱརཾ ཏཱརེཏི, ཙོརཀནྟཱརཾ ཏཱརེཏི, ཝཱལ༹ཀནྟཱརཾ ཏཱརེཏི, དུབྦྷིཀྑཀནྟཱརཾ ཏཱརེཏི, ནིརུདཀཀནྟཱརཾ ཏཱརེཏི ཨུཏྟཱརེཏི ནིཏྠཱརེཏི 94 པཏཱརེཏི, ཁེམནྟབྷཱུམིཾ སམྤཱཔེཏི; ཨེཝམེཝ བྷགཝཱ སཏྠཝཱཧོ སཏྟེ ཀནྟཱརཾ ཏཱརེཏི, ཛཱཏིཀནྟཱརཾ ཏཱརེཏི, ཛརཱཀནྟཱརཾ…པེ॰… བྱཱདྷིཀནྟཱརཾ… མརཎཀནྟཱརཾ… སོཀཔརིདེཝདུཀྑདོམནསྶུཔཱཡཱསཀནྟཱརཾ ཏཱརེཏི, རཱགཀནྟཱརཾ ཏཱརེཏི, དོསཀནྟཱརཾ… མོཧཀནྟཱརཾ… མཱནཀནྟཱརཾ… དིཊྛིཀནྟཱརཾ… ཀིལེསཀནྟཱརཾ… དུཙྩརིཏཀནྟཱརཾ ཏཱརེཏི, རཱགགཧནཾ ཏཱརེཏི, དོསགཧནཾ ཏཱརེཏི, མོཧགཧནཾ… དིཊྛིགཧནཾ… ཀིལེསགཧནཾ… དུཙྩརིཏགཧནཾ ཏཱརེཏི ཨུཏྟཱརེཏི ནིཏྠཱརེཏི པཏཱརེཏི; ཁེམནྟཾ ཨམཏཾ ནིབྦཱནཾ སམྤཱཔེཏཱིཏི – ཨེཝམྤི བྷགཝཱ སཏྠཝཱཧོ།
Pañhānantakaro satthāti bhagavā pārāyanikapañhānaṃ antakaro pariyantakaro paricchedakaro parivaṭumakaro; sabhiyapañhānaṃ 95 antakaro pariyantakaro paricchedakaro parivaṭumakaro; sakkapañhānaṃ…pe… suyāmapañhānaṃ… bhikkhupañhānaṃ… bhikkhunīpañhānaṃ… upāsakapañhānaṃ… upāsikāpañhānaṃ… rājapañhānaṃ… khattiyapañhānaṃ… brāhmaṇapañhānaṃ… vessapañhānaṃ… suddapañhānaṃ… devapañhānaṃ… brahmapañhānaṃ antakaro pariyantakaro paricchedakaro parivaṭumakaroti – pañhānantakaro. Satthāti bhagavā satthavāho. Yathā satthavāho satthe kantāraṃ tāreti, corakantāraṃ tāreti, vāḷakantāraṃ tāreti, dubbhikkhakantāraṃ tāreti, nirudakakantāraṃ tāreti uttāreti nitthāreti 96 patāreti, khemantabhūmiṃ sampāpeti; evameva bhagavā satthavāho satte kantāraṃ tāreti, jātikantāraṃ tāreti, jarākantāraṃ…pe… byādhikantāraṃ… maraṇakantāraṃ… sokaparidevadukkhadomanassupāyāsakantāraṃ tāreti, rāgakantāraṃ tāreti, dosakantāraṃ… mohakantāraṃ… mānakantāraṃ… diṭṭhikantāraṃ… kilesakantāraṃ… duccaritakantāraṃ tāreti, rāgagahanaṃ tāreti, dosagahanaṃ tāreti, mohagahanaṃ… diṭṭhigahanaṃ… kilesagahanaṃ… duccaritagahanaṃ tāreti uttāreti nitthāreti patāreti; khemantaṃ amataṃ nibbānaṃ sampāpetīti – evampi bhagavā satthavāho.
ཨཐ ཝཱ, བྷགཝཱ ནེཏཱ ཝིནེཏཱ ཨནུནེཏཱ པཉྙཔེཏཱ ནིཛ྄ཛྷཱཔེཏཱ པེཀྑཏཱ པསཱདེཏཱཏི, ཨེཝཾ བྷགཝཱ སཏྠཝཱཧོ། ཨཐ ཝཱ, བྷགཝཱ ཨནུཔྤནྣསྶ མགྒསྶ ཨུཔྤཱདེཏཱ, ཨསཉྫཱཏསྶ མགྒསྶ སཉྫནེཏཱ, ཨནཀྑཱཏསྶ མགྒསྶ ཨཀྑཱཏཱ, མགྒཉྙཱུ མགྒཝིདཱུ མགྒཀོཝིདོ མགྒཱནུགཱ ཙ པན ཨེཏརཧི སཱཝཀཱ ཝིཧརནྟི པཙྪཱ སམནྣཱགཏཱཏི, ཨེཝམྤི བྷགཝཱ སཏྠཝཱཧོཏི – པཉྷཱནནྟཀརོ སཏྠཱ།
Atha vā, bhagavā netā vinetā anunetā paññapetā nijjhāpetā pekkhatā pasādetāti, evaṃ bhagavā satthavāho. Atha vā, bhagavā anuppannassa maggassa uppādetā, asañjātassa maggassa sañjanetā, anakkhātassa maggassa akkhātā, maggaññū maggavidū maggakovido maggānugā ca pana etarahi sāvakā viharanti pacchā samannāgatāti, evampi bhagavā satthavāhoti – pañhānantakaro satthā.
ཀངྑཱིནཾ པཊིཛཱནཏནྟི སཀངྑཱ ཨཱགནྟྭཱ ནིཀྐངྑཱ སམྤཛྫནྟི, སལླེཁཱ ཨཱགནྟྭཱ ནིལླེཁཱ སམྤཛྫནྟི, སདྭེལ༹ྷཀཱ ཨཱགནྟྭཱ ནིདྭེལ༹ཧཀཱ སམྤཛྫནྟི, སཝིཙིཀིཙྪཱ ཨཱགནྟྭཱ ནིབྦིཙིཀིཙྪཱ སམྤཛྫནྟི, སརཱགཱ ཨཱགནྟྭཱ ཝཱིཏརཱགཱ སམྤཛྫནྟི, སདོསཱ ཨཱགནྟྭཱ ཝཱིཏདོསཱ སམྤཛྫནྟི, སམོཧཱ ཨཱགནྟྭཱ ཝཱིཏམོཧཱ སམྤཛྫནྟི, སཀིལེསཱ ཨཱགནྟྭཱ ནིཀྐིལེསཱ སམྤཛྫནྟཱིཏི – ཀངྑཱིནཾ པཊིཛཱནཏཾ། ཏེནཱཧ ཐེརོ པིངྒིཡོ –
Kaṅkhīnaṃ paṭijānatanti sakaṅkhā āgantvā nikkaṅkhā sampajjanti, sallekhā āgantvā nillekhā sampajjanti, sadveḷhakā āgantvā nidveḷahakā sampajjanti, savicikicchā āgantvā nibbicikicchā sampajjanti, sarāgā āgantvā vītarāgā sampajjanti, sadosā āgantvā vītadosā sampajjanti, samohā āgantvā vītamohā sampajjanti, sakilesā āgantvā nikkilesā sampajjantīti – kaṅkhīnaṃ paṭijānataṃ. Tenāha thero piṅgiyo –
‘‘ཨདྷིདེཝེ ཨབྷིཉྙཱཡ, སབྦཾ ཝེདི པརོཔརཾ།
‘‘Adhideve abhiññāya, sabbaṃ vedi paroparaṃ;
པཉྷཱནནྟཀརོ སཏྠཱ, ཀངྑཱིནཾ པཊིཛཱནཏ’’ནྟི༎
Pañhānantakaro satthā, kaṅkhīnaṃ paṭijānata’’nti.
༡༢༠.
120.
ཨསཾཧཱིརཾ ཨསཾཀུཔྤཾ, ཡསྶ ནཏྠི ཨུཔམཱ ཀྭཙི།
Asaṃhīraṃ asaṃkuppaṃ,yassa natthi upamā kvaci;
ཨདྡྷཱ གམིསྶཱམི ན མེཏྠ ཀངྑཱ, ཨེཝཾ མཾ དྷཱརེཧི ཨདྷིམུཏྟཙིཏྟཾ༎
Addhā gamissāmi na mettha kaṅkhā, evaṃ maṃ dhārehi adhimuttacittaṃ.
ཨསཾཧཱིརཾ ཨསཾཀུཔྤནྟི ཨསཾཧཱིརཾ ཝུཙྩཏི ཨམཏཾ ནིབྦཱནཾ། ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ། ཨསཾཧཱིརནྟི རཱགེན དོསེན མོཧེན ཀོདྷེན ཨུཔནཱཧེན མཀྑེན པལཱ༹སེན ཨིསྶཱཡ མཙྪརིཡེན མཱཡཱཡ སཱཋེཡྻེན ཐམྦྷེན སཱརམྦྷེན མཱནེན ཨཏིམཱནེན མདེན པམཱདེན སབྦཀིལེསེཧི སབྦདུཙྩརིཏེཧི སབྦཔརིལཱ༹ཧེཧི སབྦཱསཝེཧི སབྦདརཐེཧི སབྦསནྟཱཔེཧི སབྦཱཀུསལཱབྷིསངྑཱརེཧི ཨསཾཧཱརིཡཾ ནིབྦཱནཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི – ཨསཾཧཱིརཾ།
Asaṃhīraṃ asaṃkuppanti asaṃhīraṃ vuccati amataṃ nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Asaṃhīranti rāgena dosena mohena kodhena upanāhena makkhena paḷāsena issāya macchariyena māyāya sāṭheyyena thambhena sārambhena mānena atimānena madena pamādena sabbakilesehi sabbaduccaritehi sabbapariḷāhehi sabbāsavehi sabbadarathehi sabbasantāpehi sabbākusalābhisaṅkhārehi asaṃhāriyaṃ nibbānaṃ niccaṃ dhuvaṃ sassataṃ avipariṇāmadhammanti – asaṃhīraṃ.
ཡསྶ ནཏྠི ཨུཔམཱ ཀྭཙཱིཏི། ཡསྶཱཏི ནིབྦཱནསྶ། ནཏྠི ཨུཔམཱཏི ཨུཔམཱ ནཏྠི, ཨུཔནིདྷཱ ནཏྠི, སདིསཾ ནཏྠི, པཊིབྷཱགོ ནཏྠི, ན སཏི ན སཾཝིཛྫཏི ནུཔལབྦྷཏི། ཀྭཙཱིཏི ཀྭཙི ཀིམྷིཙི ཀཏྠཙི ཨཛ྄ཛྷཏྟཾ ཝཱ བཧིདྡྷཱ ཝཱ ཨཛ྄ཛྷཏྟབཧིདྡྷཱ ཝཱཏི – ཡསྶ ནཏྠི ཨུཔམཱ ཀྭཙི།
Yassanatthi upamā kvacīti. Yassāti nibbānassa. Natthi upamāti upamā natthi, upanidhā natthi, sadisaṃ natthi, paṭibhāgo natthi, na sati na saṃvijjati nupalabbhati. Kvacīti kvaci kimhici katthaci ajjhattaṃ vā bahiddhā vā ajjhattabahiddhā vāti – yassa natthi upamā kvaci.
ཨདྡྷཱ གམིསྶཱམི ན མེཏྠ ཀངྑཱཏི། ཨདྡྷཱཏི ཨེཀཾསཝཙནཾ ནིསྶཾསཡཝཙནཾ ནིཀྐངྑཝཙནཾ ཨདྭེཛ྄ཛྷཝཙནཾ ཨདྭེལ༹ྷཀཝཙནཾ ནིཡོགཝཙནཾ ཨཔཎྞཀཝཙནཾ ཨཝིརདྡྷཝཙནཾ ཨཝཏྠཱཔནཝཙནམེཏཾ – ཨདྡྷཱཏི། གམིསྶཱམཱིཏི གམིསྶཱམི ཨདྷིགམིསྶཱམི ཕསྶིསྶཱམི སཙྪིཀརིསྶཱམཱིཏི – ཨདྡྷཱ གམིསྶཱམི། ན མེཏྠ ཀངྑཱཏི། ཨེཏྠཱཏི ནིབྦཱནེ ཀངྑཱ ནཏྠི, ཝིཙིཀིཙྪཱ ནཏྠི, དྭེལ༹ྷཀཾ ནཏྠི, སཾསཡོ ནཏྠི, ན སཏི ན སཾཝིཛྫཏི ནུཔལབྦྷཏི, པཧཱིནོ སམུཙྪིནྣོ ཝཱུཔསནྟོ པཊིཔྤསྶདྡྷོ ཨབྷབྦུཔྤཏྟིཀོ ཉཱཎགྒིནཱ དཌྜྷོཏི – ཨདྡྷཱ གམིསྶཱམི ན མེཏྠ ཀངྑཱ།
Addhā gamissāmi na mettha kaṅkhāti. Addhāti ekaṃsavacanaṃ nissaṃsayavacanaṃ nikkaṅkhavacanaṃ advejjhavacanaṃ adveḷhakavacanaṃ niyogavacanaṃ apaṇṇakavacanaṃ aviraddhavacanaṃ avatthāpanavacanametaṃ – addhāti. Gamissāmīti gamissāmi adhigamissāmi phassissāmi sacchikarissāmīti – addhā gamissāmi. Na mettha kaṅkhāti. Etthāti nibbāne kaṅkhā natthi, vicikicchā natthi, dveḷhakaṃ natthi, saṃsayo natthi, na sati na saṃvijjati nupalabbhati, pahīno samucchinno vūpasanto paṭippassaddho abhabbuppattiko ñāṇagginā daḍḍhoti – addhā gamissāmi na mettha kaṅkhā.
ཨེཝཾ མཾ དྷཱརེཧི ཨདྷིམུཏྟཙིཏྟནྟི། ཨེཝཾ མཾ དྷཱརེཧཱིཏི ཨེཝཾ མཾ ཨུཔལཀྑེཧི། ཨདྷིམུཏྟཙིཏྟནྟི ནིབྦཱནནིནྣཾ ནིབྦཱནཔོཎཾ ནིབྦཱནཔབྦྷཱརཾ ནིབྦཱནཱདྷིམུཏྟནྟི – ཨེཝཾ མཾ དྷཱརེཧི ཨདྷིམུཏྟཙིཏྟནྟི། ཏེནཱཧ ཐེརོ པིངྒིཡོ –
Evaṃ maṃ dhārehi adhimuttacittanti. Evaṃ maṃ dhārehīti evaṃ maṃ upalakkhehi. Adhimuttacittanti nibbānaninnaṃ nibbānapoṇaṃ nibbānapabbhāraṃ nibbānādhimuttanti – evaṃ maṃ dhārehi adhimuttacittanti. Tenāha thero piṅgiyo –
‘‘ཨསཾཧཱིརཾ ཨསཾཀུཔྤཾ, ཡསྶ ནཏྠི ཨུཔམཱ ཀྭཙི།
‘‘Asaṃhīraṃ asaṃkuppaṃ, yassa natthi upamā kvaci;
ཨདྡྷཱ གམིསྶཱམི ན མེཏྠ ཀངྑཱ, ཨེཝཾ མཾ དྷཱརེཧི ཨདྷིམུཏྟཙིཏྟ’’ནྟི༎
Addhā gamissāmi na mettha kaṅkhā, evaṃ maṃ dhārehi adhimuttacitta’’nti.
པཱརཱཡནཱནུགཱིཏིགཱཐཱནིདྡེསོ ཨཊྛཱརསམོ།
Pārāyanānugītigāthāniddeso aṭṭhārasamo.
པཱརཱཡནཝགྒོ སམཏྟོ།
Pārāyanavaggo samatto.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ཙཱུལ༹ནིདྡེས-ཨཊྛཀཐཱ • Cūḷaniddesa-aṭṭhakathā / ༡༨. པཱརཱཡནཱནུགཱིཏིགཱཐཱནིདྡེསཝཎྞནཱ • 18. Pārāyanānugītigāthāniddesavaṇṇanā
