| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
баарааяанаануг̇ийд̇иг̇аат̇ааван̣н̣анаа
Pārāyanānugītigāthāvaṇṇanā
1138. баарааяанамануг̇ааяиссанд̇и асса аяам̣ самб̣анд̇хо – бхаг̇авад̇аа хи баарааяанз д̣̇зсид̇з сол̣асасахассаа ж̇адилаа арахад̇д̇ам̣ баабун̣им̣су, авасзсаанан̃жа жуд̣̇д̣̇асагодисан̇каанам̣ д̣̇звамануссаанам̣ д̇хаммаабхисамаяо ахоси. вуд̇д̇ан̃хзд̇ам̣ бораан̣зхи –
1138.Pārāyanamanugāyissanti assa ayaṃ sambandho – bhagavatā hi pārāyane desite soḷasasahassā jaṭilā arahattaṃ pāpuṇiṃsu, avasesānañca cuddasakoṭisaṅkhānaṃ devamanussānaṃ dhammābhisamayo ahosi. Vuttañhetaṃ porāṇehi –
‘‘д̇ад̇о баасаан̣агз раммз, баарааяанасамааг̇амз;
‘‘Tato pāsāṇake ramme, pārāyanasamāgame;
амад̇ам̣ баабаяий б̣уд̣̇д̇хо, жуд̣̇д̣̇аса баан̣агодияо’’д̇и.
Amataṃ pāpayī buddho, cuddasa pāṇakoṭiyo’’ti.
нидтид̇ааяа бана д̇хаммад̣̇зсанааяа д̇ад̇о д̇ад̇о ааг̇ад̇аа мануссаа бхаг̇авад̇о аанубхаавзна ад̇д̇ано ад̇д̇ано г̇ааманиг̇амаад̣̇ийсвзва баад̇урахзсум̣. бхаг̇авааби саавад̇т̇имзва аг̇амааси барижаарагасол̣асаад̣̇ийхи анзгзхи бхигкусахассзхи баривуд̇о. д̇ад̇т̇а бин̇г̇ияо бхаг̇аванд̇ам̣ ванд̣̇ид̇ваа ааха – ‘‘г̇ажчаамахам̣, бханд̇з, б̣ааварисса б̣уд̣̇д̇хуббаад̣̇ам̣ аарожзд̇ум̣, бадиссуд̇ан̃хи д̇асса маяаа’’д̇и. ат̇а бхаг̇авад̇аа анун̃н̃аад̇о н̃аан̣аг̇аманзнзва г̇од̇хааварийд̇ийрам̣ г̇анд̇ваа баад̣̇аг̇аманзна ассамаабхимуко аг̇амааси. д̇амзнам̣ б̣ааварий б̣раахман̣о маг̇г̇ам̣ ологзнд̇о нисинно д̣̇уурад̇ова каариж̇адаад̣̇ивирахид̇ам̣ бхигкувзсзна ааг̇ажчанд̇ам̣ д̣̇исваа ‘‘б̣уд̣̇д̇хо логз уббанно’’д̇и нидтам̣ аг̇амааси. самбад̇д̇ан̃жааби нам̣ бужчи – ‘‘гим̣, бин̇г̇ияа, б̣уд̣̇д̇хо логз уббанно’’д̇и. ‘‘аама, б̣раахман̣а, уббанно, баасаан̣агз жзд̇ияз нисинно амхаагам̣ д̇хаммам̣ д̣̇зсзси, д̇амахам̣ д̇уяхам̣ д̣̇зсзссаамий’’д̇и. д̇ад̇о б̣ааварий махад̇аа саггаарзна сабарисо д̇ам̣ бууж̇зд̇ваа аасанам̣ бан̃н̃аабзси. д̇ад̇т̇а нисийд̣̇ид̇ваа бин̇г̇ияо ‘‘баарааяанамануг̇ааяисса’’нд̇иаад̣̇имааха.
Niṭṭhitāya pana dhammadesanāya tato tato āgatā manussā bhagavato ānubhāvena attano attano gāmanigamādīsveva pāturahesuṃ. Bhagavāpi sāvatthimeva agamāsi paricārakasoḷasādīhi anekehi bhikkhusahassehi parivuto. Tattha piṅgiyo bhagavantaṃ vanditvā āha – ‘‘gacchāmahaṃ, bhante, bāvarissa buddhuppādaṃ ārocetuṃ, paṭissutañhi tassa mayā’’ti. Atha bhagavatā anuññāto ñāṇagamaneneva godhāvarītīraṃ gantvā pādagamanena assamābhimukho agamāsi. Tamenaṃ bāvarī brāhmaṇo maggaṃ olokento nisinno dūratova khārijaṭādivirahitaṃ bhikkhuvesena āgacchantaṃ disvā ‘‘buddho loke uppanno’’ti niṭṭhaṃ agamāsi. Sampattañcāpi naṃ pucchi – ‘‘kiṃ, piṅgiya, buddho loke uppanno’’ti. ‘‘Āma, brāhmaṇa, uppanno, pāsāṇake cetiye nisinno amhākaṃ dhammaṃ desesi, tamahaṃ tuyhaṃ desessāmī’’ti. Tato bāvarī mahatā sakkārena sapariso taṃ pūjetvā āsanaṃ paññāpesi. Tattha nisīditvā piṅgiyo ‘‘pārāyanamanugāyissa’’ntiādimāha.
д̇ад̇т̇а ануг̇ааяиссанд̇и бхаг̇авад̇аа г̇ийд̇ам̣ ануг̇ааяиссам̣. яат̇аад̣̇д̣̇агкийд̇и яат̇аа саамам̣ сажжаабхисамб̣од̇хзна асаад̇хааран̣ан̃аан̣зна жа ад̣̇д̣̇агки. ниггаамод̇и бахийнагаамо . ‘‘ниггамо’’д̇иби баато, вийрияаваад̇и ад̇т̇о нигканд̇о ваа агусалабагкаа. ниб̣б̣анод̇и гилзсаванавирахид̇о, д̇ан̣хаавирахид̇о зва ваа. гисса хзд̇у мусаа бхан̣зд̇и язхи гилзсзхи мусаа бхан̣зяяа, зд̇з д̇асса бахийнаад̇и д̣̇ассзд̇и. зд̇зна б̣раахман̣асса саванз уссаахам̣ ж̇анзд̇и.
Tattha anugāyissanti bhagavatā gītaṃ anugāyissaṃ. Yathāddakkhīti yathā sāmaṃ saccābhisambodhena asādhāraṇañāṇena ca addakkhi. Nikkāmoti pahīnakāmo . ‘‘Nikkamo’’tipi pāṭho, vīriyavāti attho nikkhanto vā akusalapakkhā. Nibbanoti kilesavanavirahito, taṇhāvirahito eva vā. Kissa hetu musā bhaṇeti yehi kilesehi musā bhaṇeyya, ete tassa pahīnāti dasseti. Etena brāhmaṇassa savane ussāhaṃ janeti.
1139-41. ван̣н̣уубасан̃хид̇анд̇и г̇ун̣уубасан̃хид̇ам̣. сажжавхаяод̇и ‘‘б̣уд̣̇д̇хо’’д̇и сажжзнзва авхаанзна наамзна яуд̇д̇о. б̣рахмзд̇и д̇ам̣ б̣раахман̣ам̣ аалабад̇и. губ̣б̣анаганд̇и барид̇д̇аванам̣. б̣ахубпалам̣ гаананамаавасзяяаад̇и анзгапалаад̣̇ивигад̇ибхарид̇ам̣ гаананам̣ ааг̇амма васзяяа. аббад̣̇ассзд̇и б̣ааварибабхуд̇игз барид̇д̇абан̃н̃з. маход̣̇ад̇хинд̇и анод̇ад̇д̇аад̣̇им̣ маханд̇ам̣ уд̣̇агараасим̣.
1139-41.Vaṇṇūpasañhitanti guṇūpasañhitaṃ. Saccavhayoti ‘‘buddho’’ti sacceneva avhānena nāmena yutto. Brahmeti taṃ brāhmaṇaṃ ālapati. Kubbanakanti parittavanaṃ. Bahupphalaṃ kānanamāvaseyyāti anekaphalādivikatibharitaṃ kānanaṃ āgamma vaseyya. Appadasseti bāvaripabhutike parittapaññe. Mahodadhinti anotattādiṃ mahantaṃ udakarāsiṃ.
1142-4. язмз буб̣б̣зд̇и яз имз буб̣б̣з. д̇амануд̣̇аасинод̇и д̇амонуд̣̇о аасино. бхуурибан̃н̃аан̣од̇и н̃аан̣ад̇хаж̇о. бхууримзд̇хасод̇и вибулабан̃н̃о. санд̣̇идтигамагаалиганд̇и саамам̣ бассид̇аб̣б̣апалам̣, на жа гааланд̇арз бад̇д̇аб̣б̣апалам̣. анийд̇иганд̇и гилзсаийд̇ивирахид̇ам̣.
1142-4.Yeme pubbeti ye ime pubbe. Tamanudāsinoti tamonudo āsino. Bhūripaññāṇoti ñāṇadhajo. Bhūrimedhasoti vipulapañño. Sandiṭṭhikamakālikanti sāmaṃ passitabbaphalaṃ, na ca kālantare pattabbaphalaṃ. Anītikanti kilesaītivirahitaṃ.
1145-50. ат̇а нам̣ б̣ааварий ааха ‘‘гим̣ ну д̇амхаа’’д̇и д̣̇вз г̇аат̇аа. д̇ад̇о бин̇г̇ияо бхаг̇авад̇о санд̇игаа авиббаваасамзва д̣̇ийбзнд̇о ‘‘наахам̣ д̇амхаа’’д̇иаад̣̇имааха. бассаами нам̣ манасаа жагкунааваад̇и д̇ам̣ б̣уд̣̇д̇хам̣ ахам̣ жагкунаа вияа манасаа бассаами . намассамаано вивасзми рад̇д̇инд̇и намассамаанова рад̇д̇им̣ ад̇инаамзми. д̇зна д̇знзва над̇од̇и язна д̣̇исаабхааг̇зна б̣уд̣̇д̇хо, д̇зна д̇знзваахамби над̇о д̇аннинно д̇аббон̣од̇и д̣̇ассзд̇и.
1145-50. Atha naṃ bāvarī āha ‘‘kiṃ nu tamhā’’ti dve gāthā. Tato piṅgiyo bhagavato santikā avippavāsameva dīpento ‘‘nāhaṃ tamhā’’tiādimāha. Passāmi naṃ manasā cakkhunāvāti taṃ buddhaṃ ahaṃ cakkhunā viya manasā passāmi . Namassamāno vivasemi rattinti namassamānova rattiṃ atināmemi. Tena teneva natoti yena disābhāgena buddho, tena tenevāhampi nato tanninno tappoṇoti dasseti.
1151. д̣̇уб̣б̣алат̇аамагассаад̇и аббат̇аамагасса, ат̇а ваа д̣̇уб̣б̣аласса д̣̇уд̇т̇аамагасса жа б̣алавийрияахийнассаад̇и вуд̇д̇ам̣ ход̇и. д̇знзва гааяо на балзд̇ийд̇и д̇знзва д̣̇уб̣б̣алат̇аамагад̇д̇зна гааяо на г̇ажчад̇и, язна ваа б̣уд̣̇д̇хо, д̇зна на г̇ажчад̇и. ‘‘на барзд̇ий’’д̇иби баато, со звад̇т̇о. д̇ад̇т̇аад̇и б̣уд̣̇д̇хасса санд̇игз. сан̇габбаяанд̇ааяаад̇и сан̇габбаг̇аманзна. д̇зна яуд̇д̇од̇и язна б̣уд̣̇д̇хо, д̇зна яуд̇д̇о баяуд̇д̇о ануяуд̇д̇од̇и д̣̇ассзд̇и.
1151.Dubbalathāmakassāti appathāmakassa, atha vā dubbalassa dutthāmakassa ca balavīriyahīnassāti vuttaṃ hoti. Teneva kāyo na paletīti teneva dubbalathāmakattena kāyo na gacchati, yena vā buddho, tena na gacchati. ‘‘Na paretī’’tipi pāṭho, so evattho. Tatthāti buddhassa santike. Saṅkappayantāyāti saṅkappagamanena. Tena yuttoti yena buddho, tena yutto payutto anuyuttoti dasseti.
1152. бан̇гз саяаанод̇и гаамагад̣̇д̣̇амз саяамаано. д̣̇ийбаа д̣̇ийбам̣ убаблавинд̇и сад̇т̇аараад̣̇ид̇о сад̇т̇аараад̣̇им̣ абхиг̇ажчим̣. ат̇ад̣̇д̣̇асаасим̣ самб̣уд̣̇д̇ханд̇и сохам̣ звам̣ д̣̇уд̣̇д̣̇идтим̣ г̇ахзд̇ваа анваахин̣д̣анд̇о ат̇а баасаан̣агз жзд̇ияз б̣уд̣̇д̇хамад̣̇д̣̇агким̣.
1152.Paṅkesayānoti kāmakaddame sayamāno. Dīpā dīpaṃ upaplavinti satthārādito satthārādiṃ abhigacchiṃ. Athaddasāsiṃ sambuddhanti sohaṃ evaṃ duddiṭṭhiṃ gahetvā anvāhiṇḍanto atha pāsāṇake cetiye buddhamaddakkhiṃ.
1153. имиссаа г̇аат̇ааяа авасаанз бин̇г̇ияасса жа б̣ааварисса жа инд̣̇рияабарибаагам̣ вид̣̇ид̇ваа бхаг̇аваа саавад̇т̇ияам̣ тид̇оязва суван̣н̣обхаасам̣ мун̃жи. бин̇г̇ияо б̣ааварисса б̣уд̣̇д̇хаг̇ун̣з ван̣н̣аяанд̇о нисинно зва д̇ам̣ обхаасам̣ д̣̇исваа ‘‘гим̣ ид̣̇а’’нд̇и вилогзнд̇о бхаг̇аванд̇ам̣ ад̇д̇ано бурад̇о тид̇ам̣ вияа д̣̇исваа б̣аавариб̣раахман̣асса ‘‘б̣уд̣̇д̇хо ааг̇ад̇о’’д̇и аарожзси, б̣раахман̣о удтааяаасанаа ан̃ж̇алим̣ баг̇г̇ахзд̇ваа адтааси. бхаг̇авааби обхаасам̣ парид̇ваа б̣раахман̣асса ад̇д̇аанам̣ д̣̇ассзнд̇о убхиннамби саббааяам̣ вид̣̇ид̇ваа бин̇г̇ияамзва аалабамаано ‘‘яат̇аа ахуу ваггалий’’д̇и имам̣ г̇аат̇амабхааси.
1153. Imissā gāthāya avasāne piṅgiyassa ca bāvarissa ca indriyaparipākaṃ viditvā bhagavā sāvatthiyaṃ ṭhitoyeva suvaṇṇobhāsaṃ muñci. Piṅgiyo bāvarissa buddhaguṇe vaṇṇayanto nisinno eva taṃ obhāsaṃ disvā ‘‘kiṃ ida’’nti vilokento bhagavantaṃ attano purato ṭhitaṃ viya disvā bāvaribrāhmaṇassa ‘‘buddho āgato’’ti ārocesi, brāhmaṇo uṭṭhāyāsanā añjaliṃ paggahetvā aṭṭhāsi. Bhagavāpi obhāsaṃ pharitvā brāhmaṇassa attānaṃ dassento ubhinnampi sappāyaṃ viditvā piṅgiyameva ālapamāno ‘‘yathā ahū vakkalī’’ti imaṃ gāthamabhāsi.
д̇ассад̇т̇о – яат̇аа ваггалид̇т̇зро сад̣̇д̇хаад̇химуд̇д̇о ахоси, сад̣̇д̇хаад̇хурзна жа арахад̇д̇ам̣ баабун̣и. яат̇аа жа сол̣асаннам̣ зго бхад̣̇раавуд̇хо наама яат̇аа жа аал̣ави г̇од̇амо, звамзва д̇вамби бамун̃жассу сад̣̇д̇хам̣. д̇ад̇о сад̣̇д̇хааяа ад̇химужжанд̇о ‘‘саб̣б̣з сан̇каараа анижжаа’’д̇иаад̣̇инаа наязна вибассанам̣ аарабхид̇ваа мажжуд̇хзяяасса баарам̣ ниб̣б̣аанам̣ г̇амиссасийд̇и арахад̇д̇анигуудзнзва д̣̇зсанам̣ нидтаабзси. д̣̇зсанаабарияосаанз бин̇г̇ияо арахад̇д̇з б̣ааварий анааг̇аамипалз бад̇идтахи. б̣аавариб̣раахман̣асса сиссаа бана бан̃жасад̇аа сод̇аабаннаа ахзсум̣.
Tassattho – yathā vakkalitthero saddhādhimutto ahosi, saddhādhurena ca arahattaṃ pāpuṇi. Yathā ca soḷasannaṃ eko bhadrāvudho nāma yathā ca āḷavi gotamo, evameva tvampi pamuñcassu saddhaṃ. Tato saddhāya adhimuccanto ‘‘sabbe saṅkhārā aniccā’’tiādinā nayena vipassanaṃ ārabhitvā maccudheyyassa pāraṃ nibbānaṃ gamissasīti arahattanikūṭeneva desanaṃ niṭṭhāpesi. Desanāpariyosāne piṅgiyo arahatte bāvarī anāgāmiphale patiṭṭhahi. Bāvaribrāhmaṇassa sissā pana pañcasatā sotāpannā ahesuṃ.
1154-5. ид̣̇аани бин̇г̇ияо ад̇д̇ано басаад̣̇ам̣ бавзд̣̇знд̇о ‘‘зса бхияяо’’д̇иаад̣̇имааха. д̇ад̇т̇а бадибхаанаваад̇и бадибхаанабадисамбхид̣̇ааяа убзд̇о. ад̇хид̣̇звз абхин̃н̃ааяаад̇и ад̇хид̣̇звагарз д̇хаммз н̃ад̇ваа. бароваранд̇и хийнабан̣ийд̇ам̣, ад̇д̇ано жа барасса жа ад̇хид̣̇звад̇д̇агарам̣ саб̣б̣ам̣ д̇хаммаж̇аад̇ам̣ взд̣̇ийд̇и вуд̇д̇ам̣ ход̇и. ган̇кийнам̣ бадиж̇аанад̇анд̇и ган̇кийнам̣язва сад̇ам̣ ‘‘нигган̇камхаа’’д̇и бадиж̇аананд̇аанам̣.
1154-5. Idāni piṅgiyo attano pasādaṃ pavedento ‘‘esa bhiyyo’’tiādimāha. Tattha paṭibhānavāti paṭibhānapaṭisambhidāya upeto. Adhideve abhiññāyāti adhidevakare dhamme ñatvā. Parovaranti hīnapaṇītaṃ, attano ca parassa ca adhidevattakaraṃ sabbaṃ dhammajātaṃ vedīti vuttaṃ hoti. Kaṅkhīnaṃ paṭijānatanti kaṅkhīnaṃyeva sataṃ ‘‘nikkaṅkhamhā’’ti paṭijānantānaṃ.
1156. асам̣хийранд̇и рааг̇аад̣̇ийхи асам̣хаарияам̣. асам̣губбанд̇и агуббам̣ авибарин̣аамад̇хаммам̣. д̣̇вийхиби бад̣̇зхи ниб̣б̣аанам̣ бхан̣ад̇и. ад̣̇д̇хаа г̇амиссаамийд̇и згам̣сзнзва д̇ам̣ анубаад̣̇исзсам̣ ниб̣б̣аанад̇хаад̇ум̣ г̇амиссаами. на мзд̇т̇а ган̇каад̇и над̇т̇и мз зд̇т̇а ниб̣б̣аанз ган̇каа. звам̣ мам̣ д̇хаарзхи ад̇химуд̇д̇ажид̇д̇анд̇и бин̇г̇ияо ‘‘звамзва д̇вамби бамун̃жассу сад̣̇д̇ха’’нд̇и. иминаа бхаг̇авад̇о оваад̣̇зна ад̇д̇ани сад̣̇д̇хам̣ уббаад̣̇зд̇ваа сад̣̇д̇хаад̇хурзнзва жа вимун̃жид̇ваа д̇ам̣ сад̣̇д̇хаад̇химуд̇д̇ад̇ам̣ багаасзнд̇о бхаг̇аванд̇ам̣ ааха – ‘‘звам̣ мам̣ д̇хаарзхи ад̇химуд̇д̇ажид̇д̇а’’нд̇и. аяамзд̇т̇а ад̇хиббааяо ‘‘яат̇аа мам̣ д̇вам̣ аважа, звамзва ад̇химуд̇д̇ам̣ д̇хаарзхий’’д̇и.
1156.Asaṃhīranti rāgādīhi asaṃhāriyaṃ. Asaṃkuppanti akuppaṃ avipariṇāmadhammaṃ. Dvīhipi padehi nibbānaṃ bhaṇati. Addhā gamissāmīti ekaṃseneva taṃ anupādisesaṃ nibbānadhātuṃ gamissāmi. Na mettha kaṅkhāti natthi me ettha nibbāne kaṅkhā. Evaṃ maṃ dhārehi adhimuttacittanti piṅgiyo ‘‘evameva tvampi pamuñcassu saddha’’nti. Iminā bhagavato ovādena attani saddhaṃ uppādetvā saddhādhureneva ca vimuñcitvā taṃ saddhādhimuttataṃ pakāsento bhagavantaṃ āha – ‘‘evaṃ maṃ dhārehi adhimuttacitta’’nti. Ayamettha adhippāyo ‘‘yathā maṃ tvaṃ avaca, evameva adhimuttaṃ dhārehī’’ti.
ид̇и барамад̇т̇аж̇од̇игааяа куд̣̇д̣̇ага-адтагат̇ааяа
Iti paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа сол̣асаб̣раахман̣асуд̇д̇аван̣н̣анаа нидтид̇аа.
Suttanipāta-aṭṭhakathāya soḷasabrāhmaṇasuttavaṇṇanā niṭṭhitā.
нидтид̇о жа бан̃жамо ваг̇г̇о ад̇т̇аван̣н̣анаанаяад̇о, наамзна
Niṭṭhito ca pañcamo vaggo atthavaṇṇanānayato, nāmena
баарааяанаваг̇г̇од̇и.
Pārāyanavaggoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / баарааяанаануг̇ийд̇иг̇аат̇аа • Pārāyanānugītigāthā
