| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩৩. পরাযনসুত্তং
33. Parāyanasuttaṃ
৪০৯. ‘‘পরাযনঞ্চ 1 ৰো, ভিক্খৰে, দেসেস্সামি পরাযনগামিঞ্চ মগ্গং। তং সুণাথ। কতমঞ্চ, ভিক্খৰে, পরাযনং? যো, ভিক্খৰে, রাগক্খযো দোসক্খযো মোহক্খযো – ইদং ৰুচ্চতি, ভিক্খৰে, পরাযনং। কতমো চ, ভিক্খৰে, পরাযনগামী মগ্গো? কাযগতাসতি। অযং ৰুচ্চতি, ভিক্খৰে, পরাযনগামিমগ্গো। ইতি খো, ভিক্খৰে, দেসিতং ৰো মযা পরাযনং, দেসিতো পরাযনগামিমগ্গো। যং, ভিক্খৰে, সত্থারা করণীযং সাৰকানং হিতেসিনা অনুকম্পকেন অনুকম্পং উপাদায, কতং ৰো তং মযা। এতানি, ভিক্খৰে, রুক্খমূলানি, এতানি সুঞ্ঞাগারানি। ঝাযথ, ভিক্খৰে, মা পমাদত্থ; মা পচ্ছা ৰিপ্পটিসারিনো অহুৰত্থ। অযং ৰো অম্হাকং অনুসাসনী’’তি। (যথা অসঙ্খতং তথা ৰিত্থারেতব্বং)। তেত্তিংসতিমং।
409. ‘‘Parāyanañca 2 vo, bhikkhave, desessāmi parāyanagāmiñca maggaṃ. Taṃ suṇātha. Katamañca, bhikkhave, parāyanaṃ? Yo, bhikkhave, rāgakkhayo dosakkhayo mohakkhayo – idaṃ vuccati, bhikkhave, parāyanaṃ. Katamo ca, bhikkhave, parāyanagāmī maggo? Kāyagatāsati. Ayaṃ vuccati, bhikkhave, parāyanagāmimaggo. Iti kho, bhikkhave, desitaṃ vo mayā parāyanaṃ, desito parāyanagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti. (Yathā asaṅkhataṃ tathā vitthāretabbaṃ). Tettiṃsatimaṃ.
দুতিযো ৰগ্গো।
Dutiyo vaggo.
তস্সুদ্দানং –
Tassuddānaṃ –
অসঙ্খতং অনতং অনাসৰং, সচ্চঞ্চ পারং নিপুণং সুদুদ্দসং।
Asaṅkhataṃ anataṃ anāsavaṃ, saccañca pāraṃ nipuṇaṃ sududdasaṃ;
অজজ্জরং ধুৰং অপলোকিতং, অনিদস্সনং নিপ্পপঞ্চ সন্তং॥
Ajajjaraṃ dhuvaṃ apalokitaṃ, anidassanaṃ nippapañca santaṃ.
অমতং পণীতঞ্চ সিৰঞ্চ খেমং, তণ্হাক্খযো অচ্ছরিযঞ্চ অব্ভুতং।
Amataṃ paṇītañca sivañca khemaṃ, taṇhākkhayo acchariyañca abbhutaṃ;
অনীতিকং অনীতিকধম্মং, নিব্বানমেতং সুগতেন দেসিতং॥
Anītikaṃ anītikadhammaṃ, nibbānametaṃ sugatena desitaṃ.
অব্যাপজ্ঝো ৰিরাগো চ, সুদ্ধি মুত্তি অনালযো।
Abyāpajjho virāgo ca, suddhi mutti anālayo;
দীপো লেণঞ্চ তাণঞ্চ, সরণঞ্চ পরাযনন্তি॥
Dīpo leṇañca tāṇañca, saraṇañca parāyananti.
অসঙ্খতসংযুত্তং সমত্তং।
Asaṅkhatasaṃyuttaṃ samattaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-৩৩. অসঙ্খতসুত্তাদিৰণ্ণনা • 1-33. Asaṅkhatasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২৩-৩৩. অসঙ্খতসুত্তাদিৰণ্ণনা • 23-33. Asaṅkhatasuttādivaṇṇanā
