| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
33. барааяанасуд̇д̇ам̣
33. Parāyanasuttaṃ
409. ‘‘барааяанан̃жа 1 во, бхигкавз, д̣̇зсзссаами барааяанаг̇аамин̃жа маг̇г̇ам̣. д̇ам̣ сун̣аат̇а. гад̇аман̃жа, бхигкавз, барааяанам̣? яо, бхигкавз, рааг̇агкаяо д̣̇осагкаяо мохагкаяо – ид̣̇ам̣ вужжад̇и, бхигкавз, барааяанам̣. гад̇амо жа, бхигкавз, барааяанаг̇аамий маг̇г̇о? гааяаг̇ад̇аасад̇и. аяам̣ вужжад̇и, бхигкавз, барааяанаг̇аамимаг̇г̇о. ид̇и ко, бхигкавз, д̣̇зсид̇ам̣ во маяаа барааяанам̣, д̣̇зсид̇о барааяанаг̇аамимаг̇г̇о. яам̣, бхигкавз, сад̇т̇аараа гаран̣ийяам̣ саавагаанам̣ хид̇зсинаа анугамбагзна анугамбам̣ убаад̣̇ааяа, гад̇ам̣ во д̇ам̣ маяаа. зд̇аани, бхигкавз, ругкамуулаани, зд̇аани сун̃н̃ааг̇аараани. жхааяат̇а, бхигкавз, маа бамаад̣̇ад̇т̇а; маа бажчаа виббадисаарино ахувад̇т̇а. аяам̣ во амхаагам̣ анусаасаний’’д̇и. (яат̇аа асан̇кад̇ам̣ д̇ат̇аа вид̇т̇аарзд̇аб̣б̣ам̣). д̇зд̇д̇им̣сад̇имам̣.
409. ‘‘Parāyanañca 2 vo, bhikkhave, desessāmi parāyanagāmiñca maggaṃ. Taṃ suṇātha. Katamañca, bhikkhave, parāyanaṃ? Yo, bhikkhave, rāgakkhayo dosakkhayo mohakkhayo – idaṃ vuccati, bhikkhave, parāyanaṃ. Katamo ca, bhikkhave, parāyanagāmī maggo? Kāyagatāsati. Ayaṃ vuccati, bhikkhave, parāyanagāmimaggo. Iti kho, bhikkhave, desitaṃ vo mayā parāyanaṃ, desito parāyanagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti. (Yathā asaṅkhataṃ tathā vitthāretabbaṃ). Tettiṃsatimaṃ.
д̣̇уд̇ияо ваг̇г̇о.
Dutiyo vaggo.
д̇ассуд̣̇д̣̇аанам̣ –
Tassuddānaṃ –
асан̇кад̇ам̣ анад̇ам̣ анаасавам̣, сажжан̃жа баарам̣ нибун̣ам̣ суд̣̇уд̣̇д̣̇асам̣;
Asaṅkhataṃ anataṃ anāsavaṃ, saccañca pāraṃ nipuṇaṃ sududdasaṃ;
аж̇аж̇ж̇арам̣ д̇хувам̣ абалогид̇ам̣, анид̣̇ассанам̣ ниббабан̃жа санд̇ам̣.
Ajajjaraṃ dhuvaṃ apalokitaṃ, anidassanaṃ nippapañca santaṃ.
амад̇ам̣ бан̣ийд̇ан̃жа сиван̃жа кзмам̣, д̇ан̣хаагкаяо ажчарияан̃жа аб̣бхуд̇ам̣;
Amataṃ paṇītañca sivañca khemaṃ, taṇhākkhayo acchariyañca abbhutaṃ;
анийд̇игам̣ анийд̇игад̇хаммам̣, ниб̣б̣аанамзд̇ам̣ суг̇ад̇зна д̣̇зсид̇ам̣.
Anītikaṃ anītikadhammaṃ, nibbānametaṃ sugatena desitaṃ.
аб̣яаабаж̇жхо вирааг̇о жа, суд̣̇д̇хи муд̇д̇и анаалаяо;
Abyāpajjho virāgo ca, suddhi mutti anālayo;
д̣̇ийбо лзн̣ан̃жа д̇аан̣ан̃жа, саран̣ан̃жа барааяананд̇и.
Dīpo leṇañca tāṇañca, saraṇañca parāyananti.
асан̇кад̇асам̣яуд̇д̇ам̣ самад̇д̇ам̣.
Asaṅkhatasaṃyuttaṃ samattaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-33. асан̇кад̇асуд̇д̇аад̣̇иван̣н̣анаа • 1-33. Asaṅkhatasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 23-33. асан̇кад̇асуд̇д̇аад̣̇иван̣н̣анаа • 23-33. Asaṅkhatasuttādivaṇṇanā
