| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
17. баарааяанад̇т̇уд̇иг̇аат̇аанид̣̇д̣̇зсаван̣н̣анаа
17. Pārāyanatthutigāthāniddesavaṇṇanā
93. ид̇о барам̣ сан̇г̇ийд̇игаараа д̣̇зсанам̣ т̇омзнд̇аа ‘‘ид̣̇амавожа бхаг̇аваа’’д̇иаад̣̇имаахам̣су. д̇ад̇т̇а ид̣̇амавожаад̇и ид̣̇ам̣ баарааяанам̣ авожа. барижаарагасол̣асаананд̇и б̣ааварисса барижаарагзна бин̇г̇иязна саха сол̣асаанам̣, б̣уд̣̇д̇хасса ваа бхаг̇авад̇о барижаарагаанам̣ сол̣асаананд̇и барижаарагасол̣асаанам̣. д̇з зва жа б̣раахман̣аа д̇ад̇т̇а сол̣асасу д̣̇исаасу бурад̇о жа бажчад̇о жа ваамабассад̇о жа д̣̇агкин̣абассад̇о жа ча ча яож̇анаа нисиннаа уж̇угзна д̣̇ваад̣̇асаяож̇анигаа ахоси. аж̇жхидтод̇и яаажид̇о.
93. Ito paraṃ saṅgītikārā desanaṃ thomentā ‘‘idamavoca bhagavā’’tiādimāhaṃsu. Tattha idamavocāti idaṃ pārāyanaṃ avoca. Paricārakasoḷasānanti bāvarissa paricārakena piṅgiyena saha soḷasānaṃ, buddhassa vā bhagavato paricārakānaṃ soḷasānanti paricārakasoḷasānaṃ. Te eva ca brāhmaṇā tattha soḷasasu disāsu purato ca pacchato ca vāmapassato ca dakkhiṇapassato ca cha cha yojanā nisinnā ujukena dvādasayojanikā ahosi. Ajjhiṭṭhoti yācito.
94-97. ад̇т̇аман̃н̃ааяаад̇и баал̣иад̇т̇аман̃н̃ааяа. д̇хаммаман̃н̃ааяаад̇и баал̣иман̃н̃ааяа. баарааяананд̇и звам̣ имасса д̇хаммабарияааяасса ад̇хиважанам̣ ааробзд̇ваа д̇зсам̣ б̣раахман̣аанам̣ наамаани гид̇д̇аяанд̇о ‘‘аж̇ид̇о…бз… б̣уд̣̇д̇хасздтамубааг̇аму’’нд̇и аахам̣су. д̇ад̇т̇а самбаннажаран̣анд̇и ниб̣б̣аанабад̣̇адтаанабхууд̇зна баад̇имогкасийлаад̣̇инаа самбаннам̣. исинд̇и махзсим̣.
94-97.Atthamaññāyāti pāḷiatthamaññāya. Dhammamaññāyāti pāḷimaññāya. Pārāyananti evaṃ imassa dhammapariyāyassa adhivacanaṃ āropetvā tesaṃ brāhmaṇānaṃ nāmāni kittayanto ‘‘ajito…pe… buddhaseṭṭhamupāgamu’’nti āhaṃsu. Tattha sampannacaraṇanti nibbānapadaṭṭhānabhūtena pātimokkhasīlādinā sampannaṃ. Isinti mahesiṃ.
нид̣̇д̣̇зсз убааг̇амим̣сууд̇и самийбам̣ г̇амим̣су. убасан̇гамим̣сууд̇и авид̣̇уурадтаанам̣ г̇амим̣су. баяирубаасим̣сууд̇и самийбз нисийд̣̇им̣су. барибужчим̣сууд̇и барибужчам̣ аахарим̣су. бариг̇ан̣хим̣сууд̇и д̇улаяим̣су. ‘‘жод̣̇аяим̣суу’’д̇и гзжи.
Niddese upāgamiṃsūti samīpaṃ gamiṃsu. Upasaṅkamiṃsūti avidūraṭṭhānaṃ gamiṃsu. Payirupāsiṃsūti samīpe nisīdiṃsu. Paripucchiṃsūti paripucchaṃ āhariṃsu. Parigaṇhiṃsūti tulayiṃsu. ‘‘Codayiṃsū’’ti keci.
сийлаажаараниб̣б̣ад̇д̇ийд̇и уд̇д̇амасийлаажаараниб̣б̣ад̇д̇и, маг̇г̇зна нибпаннасийланд̇и ад̇т̇о.
Sīlācāranibbattīti uttamasīlācāranibbatti, maggena nipphannasīlanti attho.
г̇амбхийрзд̇и уд̇д̇аанабхаавабадигкзбаважанам̣. д̣̇уд̣̇д̣̇асзд̇и г̇амбхийрад̇д̇аа д̣̇уд̣̇д̣̇асз, д̣̇угкзна д̣̇адтаб̣б̣з, на саггаа сукзна д̣̇адтум̣. д̣̇уд̣̇д̣̇асад̇д̇аава д̣̇урануб̣од̇хз, д̣̇угкзна аваб̣уж̇жхид̇аб̣б̣з, на саггаа сукзна аваб̣уж̇жхид̇ум̣. санд̇зд̇и ниб̣б̣уд̇з. бан̣ийд̇зд̇и ад̇аббагз. ид̣̇ам̣ д̣̇ваяам̣ логуд̇д̇арамзва санд̇хааяа вуд̇д̇ам̣. ад̇аггааважарзд̇и д̇аггзна на аважарид̇аб̣б̣з на ог̇аахид̇аб̣б̣з н̃аан̣знзва аважарид̇аб̣б̣з. нибун̣зд̇и сан̣хз. бан̣д̣ид̇авзд̣̇анийязд̇и саммаа бадибаннзхи бан̣д̣ид̇зхи взд̣̇ид̇аб̣б̣з.
Gambhīreti uttānabhāvapaṭikkhepavacanaṃ. Duddaseti gambhīrattā duddase, dukkhena daṭṭhabbe, na sakkā sukhena daṭṭhuṃ. Duddasattāva duranubodhe, dukkhena avabujjhitabbe, na sakkā sukhena avabujjhituṃ. Santeti nibbute. Paṇīteti atappake. Idaṃ dvayaṃ lokuttarameva sandhāya vuttaṃ. Atakkāvacareti takkena na avacaritabbe na ogāhitabbe ñāṇeneva avacaritabbe. Nipuṇeti saṇhe. Paṇḍitavedanīyeti sammā paṭipannehi paṇḍitehi veditabbe.
98. д̇осзсийд̇и д̇удтим̣ аабаад̣̇зси. вид̇осзсийд̇и вивид̇хаа д̇зсам̣ соманассам̣ уббаад̣̇зси. басаад̣̇зсийд̇и д̇зсам̣ жид̇д̇аббасаад̣̇ам̣ агааси . аараад̇хзсийд̇и аараад̇хаяи сид̣̇д̇хим̣ баабзси. ад̇д̇аманз агаасийд̇и соманассавасзна сагаманз агааси.
98.Tosesīti tuṭṭhiṃ āpādesi. Vitosesīti vividhā tesaṃ somanassaṃ uppādesi. Pasādesīti tesaṃ cittappasādaṃ akāsi . Ārādhesīti ārādhayi siddhiṃ pāpesi. Attamane akāsīti somanassavasena sakamane akāsi.
99. д̇ад̇о барам̣ б̣рахмажарияамажарим̣сууд̇и маг̇г̇аб̣рахмажарияам̣ ажарим̣су.
99. Tato paraṃ brahmacariyamacariṃsūti maggabrahmacariyaṃ acariṃsu.
101. д̇асмаа баарааяананд̇и д̇асса баарабхууд̇асса ниб̣б̣аанасса ааяад̇ананд̇и вуд̇д̇ам̣ ход̇и.
101.Tasmā pārāyananti tassa pārabhūtassa nibbānassa āyatananti vuttaṃ hoti.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
баарааяанад̇т̇уд̇иг̇аат̇аанид̣̇д̣̇зсаван̣н̣анаа нидтид̇аа.
Pārāyanatthutigāthāniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi
17. баарааяанад̇т̇уд̇иг̇аат̇аа • 17. Pārāyanatthutigāthā
17. баарааяанад̇т̇уд̇иг̇аат̇аанид̣̇д̣̇зсо • 17. Pārāyanatthutigāthāniddeso
