| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. бариб̣б̣ааж̇агасуд̇д̇аван̣н̣анаа
10. Paribbājakasuttavaṇṇanā
30. д̣̇асамз абхин̃н̃аад̇аад̇и н̃аад̇аа баагадаа. аннабхаарод̇иаад̣̇ийни д̇зсам̣ наамаани. бадисаллаанаа вудтид̇од̇и паласамаабад̇д̇ид̇о вудтид̇о. саа хи ид̇ха бадисаллаананд̇и ад̇хиббзд̇аа. бажжагкааяаад̇и бадигкибид̇ваа. абхиж̇жхаалунд̇и сад̇ан̣хам̣. гаамзсу д̇иб̣б̣асаарааг̇анд̇и вад̇т̇угаамзсу б̣ахаларааг̇ам̣. д̇амахам̣ д̇ад̇т̇а звам̣ вад̣̇зяяанд̇и д̇ам̣ ахам̣ д̇асмим̣ гааран̣з звам̣ вад̣̇зяяам̣. бадиггосид̇аб̣б̣ам̣ ман̃н̃зяяаад̇и бадиггосид̇аб̣б̣аани бадиб̣аахид̇аб̣б̣ани ваа ман̃н̃зяяа. сахад̇хаммигаад̇и сагааран̣аа. ваад̣̇аанубаад̇аад̇и д̇хаммигаваад̣̇з гхаддаяамаанаа ад̇хаммигаваад̣̇аанубаад̇аа, ваад̣̇аббавад̇д̇ияод̇и ад̇т̇о. г̇аараяхаа таанаад̇и г̇арахид̇аб̣б̣аяуд̇д̇агаа бажжаяаа. ааг̇ажчанд̇ийд̇и убаг̇ажчанд̇и.
30. Dasame abhiññātāti ñātā pākaṭā. Annabhārotiādīni tesaṃ nāmāni. Paṭisallānā vuṭṭhitoti phalasamāpattito vuṭṭhito. Sā hi idha paṭisallānanti adhippetā. Paccakkhāyāti paṭikkhipitvā. Abhijjhālunti sataṇhaṃ. Kāmesutibbasārāganti vatthukāmesu bahalarāgaṃ. Tamahaṃ tattha evaṃ vadeyyanti taṃ ahaṃ tasmiṃ kāraṇe evaṃ vadeyyaṃ. Paṭikkositabbaṃ maññeyyāti paṭikkositabbāni paṭibāhitabbani vā maññeyya. Sahadhammikāti sakāraṇā. Vādānupātāti dhammikavāde ghaṭṭayamānā adhammikavādānupātā, vādappavattiyoti attho. Gārayhā ṭhānāti garahitabbayuttakā paccayā. Āgacchantīti upagacchanti.
уггалаад̇и уггалаж̇анабад̣̇аваасино. вассабхан̃н̃аад̇и вассо жа бхан̃н̃о жаад̇и д̣̇вз ж̇анаа. ахзд̇угаваад̣̇аад̇и ‘‘над̇т̇и хзд̇у над̇т̇и бажжаяо сад̇д̇аанам̣ висуд̣̇д̇хияаа’’д̇извамаад̣̇иваад̣̇ино. агирияаваад̣̇аад̇и ‘‘гарод̇о на гарийяад̇и бааба’’нд̇и звам̣ гирияабадигкзбаваад̣̇ино. над̇т̇игаваад̣̇аад̇и ‘‘над̇т̇и д̣̇инна’’нд̇иаад̣̇иваад̣̇ино. д̇з имзсу д̇ийсуби д̣̇ассанзсу огганд̇анияаамаа ахзсум̣. гат̇ам̣ бана д̇зсу нияаамо ход̇ийд̇и? яо хи зваруубам̣ лад̣̇д̇хим̣ г̇ахзд̇ваа рад̇д̇идтаанад̣̇иваадтаанзсу нисинно саж̇жхааяад̇и виймам̣сад̇и, д̇асса ‘‘над̇т̇и хзд̇у над̇т̇и бажжаяо гарод̇о на гарийяад̇и баабам̣…бз… над̇т̇и д̣̇иннам̣…бз… гааяасса бхзд̣̇аа ужчиж̇ж̇ад̇ий’’д̇и д̇асмим̣ аарамман̣з мижчаасад̇и санд̇идтад̇и, жид̇д̇ам̣ згаг̇г̇ам̣ ход̇и, ж̇аванаани ж̇аванд̇и. батамаж̇аванз сад̇згижчо ход̇и, д̇ат̇аа д̣̇уд̇ияаад̣̇ийсу, сад̇д̇амз б̣уд̣̇д̇хаанамби ад̇згижчо анивад̇д̇и аридтаган̣дагасад̣̇исо ход̇и . д̇ад̇т̇а гожи згам̣ д̣̇ассанам̣ оггамад̇и, гожи д̣̇вз, гожи д̇ийн̣иби. нияад̇амижчаад̣̇идтигова ход̇и, бад̇д̇о саг̇г̇амаг̇г̇ааваран̣ан̃жзва могкамаг̇г̇ааваран̣ан̃жа, абхаб̣б̣о д̇асса ад̇д̇абхаавасса ананд̇арам̣ саг̇г̇амби г̇анд̇ум̣, баг̇зва могкам̣. ваддакаан̣уго наамзса сад̇д̇о бат̇авиг̇обаго, язбхуяязна зваруубасса бхавад̇о вудтаанам̣ над̇т̇и. вассабхан̃н̃ааби зд̣̇исаа ахзсум̣. нинд̣̇ааб̣яааросанаубаарамбхабхаяаад̇и ад̇д̇ано нинд̣̇абхаязна гхадданабхаязна убаваад̣̇абхаязна жаад̇и ад̇т̇о. абхиж̇жхаавинаяз сигканд̇и абхиж̇жхаавинаяо вужжад̇и арахад̇д̇ам̣, арахад̇д̇з сигкамаано аббамад̇д̇о наама вужжад̇ийд̇и суд̇д̇анд̇з ваддавиддам̣ гат̇зд̇ваа г̇аат̇ааяа паласамаабад̇д̇и гат̇ид̇аад̇и.
Ukkalāti ukkalajanapadavāsino. Vassabhaññāti vasso ca bhañño cāti dve janā. Ahetukavādāti ‘‘natthi hetu natthi paccayo sattānaṃ visuddhiyā’’tievamādivādino. Akiriyavādāti ‘‘karoto na karīyati pāpa’’nti evaṃ kiriyapaṭikkhepavādino. Natthikavādāti ‘‘natthi dinna’’ntiādivādino. Te imesu tīsupi dassanesu okkantaniyāmā ahesuṃ. Kathaṃ pana tesu niyāmo hotīti? Yo hi evarūpaṃ laddhiṃ gahetvā rattiṭṭhānadivāṭṭhānesu nisinno sajjhāyati vīmaṃsati, tassa ‘‘natthi hetu natthi paccayo karoto na karīyati pāpaṃ…pe… natthi dinnaṃ…pe… kāyassa bhedā ucchijjatī’’ti tasmiṃ ārammaṇe micchāsati santiṭṭhati, cittaṃ ekaggaṃ hoti, javanāni javanti. Paṭhamajavane satekiccho hoti, tathā dutiyādīsu, sattame buddhānampi atekiccho anivatti ariṭṭhakaṇṭakasadiso hoti . Tattha koci ekaṃ dassanaṃ okkamati, koci dve, koci tīṇipi. Niyatamicchādiṭṭhikova hoti, patto saggamaggāvaraṇañceva mokkhamaggāvaraṇañca, abhabbo tassa attabhāvassa anantaraṃ saggampi gantuṃ, pageva mokkhaṃ. Vaṭṭakhāṇuko nāmesa satto pathavigopako, yebhuyyena evarūpassa bhavato vuṭṭhānaṃ natthi. Vassabhaññāpi edisā ahesuṃ. Nindābyārosanaupārambhabhayāti attano nindabhayena ghaṭṭanabhayena upavādabhayena cāti attho. Abhijjhāvinaye sikkhanti abhijjhāvinayo vuccati arahattaṃ, arahatte sikkhamāno appamatto nāma vuccatīti suttante vaṭṭaviṭṭaṃ kathetvā gāthāya phalasamāpatti kathitāti.
урувзлаваг̇г̇о д̇ад̇ияо.
Uruvelavaggo tatiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. бариб̣б̣ааж̇агасуд̇д̇ам̣ • 10. Paribbājakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. бариб̣б̣ааж̇агасуд̇д̇аван̣н̣анаа • 10. Paribbājakasuttavaṇṇanā
