| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਪਰਿਬ੍ਬਾਜਕਸੁਤ੍ਤવਣ੍ਣਨਾ
10. Paribbājakasuttavaṇṇanā
੩੦. ਦਸਮੇ ਅਭਿਞ੍ਞਾਤਾਤਿ ਞਾਤਾ ਪਾਕਟਾ। ਅਨ੍ਨਭਾਰੋਤਿਆਦੀਨਿ ਤੇਸਂ ਨਾਮਾਨਿ। ਪਟਿਸਲ੍ਲਾਨਾ વੁਟ੍ਠਿਤੋਤਿ ਫਲਸਮਾਪਤ੍ਤਿਤੋ વੁਟ੍ਠਿਤੋ। ਸਾ ਹਿ ਇਧ ਪਟਿਸਲ੍ਲਾਨਨ੍ਤਿ ਅਧਿਪ੍ਪੇਤਾ। ਪਚ੍ਚਕ੍ਖਾਯਾਤਿ ਪਟਿਕ੍ਖਿਪਿਤ੍વਾ। ਅਭਿਜ੍ਝਾਲੁਨ੍ਤਿ ਸਤਣ੍ਹਂ। ਕਾਮੇਸੁ ਤਿਬ੍ਬਸਾਰਾਗਨ੍ਤਿ વਤ੍ਥੁਕਾਮੇਸੁ ਬਹਲਰਾਗਂ। ਤਮਹਂ ਤਤ੍ਥ ਏવਂ વਦੇਯ੍ਯਨ੍ਤਿ ਤਂ ਅਹਂ ਤਸ੍ਮਿਂ ਕਾਰਣੇ ਏવਂ વਦੇਯ੍ਯਂ। ਪਟਿਕ੍ਕੋਸਿਤਬ੍ਬਂ ਮਞ੍ਞੇਯ੍ਯਾਤਿ ਪਟਿਕ੍ਕੋਸਿਤਬ੍ਬਾਨਿ ਪਟਿਬਾਹਿਤਬ੍ਬਨਿ વਾ ਮਞ੍ਞੇਯ੍ਯ। ਸਹਧਮ੍ਮਿਕਾਤਿ ਸਕਾਰਣਾ। વਾਦਾਨੁਪਾਤਾਤਿ ਧਮ੍ਮਿਕવਾਦੇ ਘਟ੍ਟਯਮਾਨਾ ਅਧਮ੍ਮਿਕવਾਦਾਨੁਪਾਤਾ, વਾਦਪ੍ਪવਤ੍ਤਿਯੋਤਿ ਅਤ੍ਥੋ। ਗਾਰਯ੍ਹਾ ਠਾਨਾਤਿ ਗਰਹਿਤਬ੍ਬਯੁਤ੍ਤਕਾ ਪਚ੍ਚਯਾ। ਆਗਚ੍ਛਨ੍ਤੀਤਿ ਉਪਗਚ੍ਛਨ੍ਤਿ।
30. Dasame abhiññātāti ñātā pākaṭā. Annabhārotiādīni tesaṃ nāmāni. Paṭisallānā vuṭṭhitoti phalasamāpattito vuṭṭhito. Sā hi idha paṭisallānanti adhippetā. Paccakkhāyāti paṭikkhipitvā. Abhijjhālunti sataṇhaṃ. Kāmesutibbasārāganti vatthukāmesu bahalarāgaṃ. Tamahaṃ tattha evaṃ vadeyyanti taṃ ahaṃ tasmiṃ kāraṇe evaṃ vadeyyaṃ. Paṭikkositabbaṃ maññeyyāti paṭikkositabbāni paṭibāhitabbani vā maññeyya. Sahadhammikāti sakāraṇā. Vādānupātāti dhammikavāde ghaṭṭayamānā adhammikavādānupātā, vādappavattiyoti attho. Gārayhā ṭhānāti garahitabbayuttakā paccayā. Āgacchantīti upagacchanti.
ਉਕ੍ਕਲਾਤਿ ਉਕ੍ਕਲਜਨਪਦવਾਸਿਨੋ। વਸ੍ਸਭਞ੍ਞਾਤਿ વਸ੍ਸੋ ਚ ਭਞ੍ਞੋ ਚਾਤਿ ਦ੍વੇ ਜਨਾ। ਅਹੇਤੁਕવਾਦਾਤਿ ‘‘ਨਤ੍ਥਿ ਹੇਤੁ ਨਤ੍ਥਿ ਪਚ੍ਚਯੋ ਸਤ੍ਤਾਨਂ વਿਸੁਦ੍ਧਿਯਾ’’ਤਿਏવਮਾਦਿવਾਦਿਨੋ। ਅਕਿਰਿਯવਾਦਾਤਿ ‘‘ਕਰੋਤੋ ਨ ਕਰੀਯਤਿ ਪਾਪ’’ਨ੍ਤਿ ਏવਂ ਕਿਰਿਯਪਟਿਕ੍ਖੇਪવਾਦਿਨੋ। ਨਤ੍ਥਿਕવਾਦਾਤਿ ‘‘ਨਤ੍ਥਿ ਦਿਨ੍ਨ’’ਨ੍ਤਿਆਦਿવਾਦਿਨੋ। ਤੇ ਇਮੇਸੁ ਤੀਸੁਪਿ ਦਸ੍ਸਨੇਸੁ ਓਕ੍ਕਨ੍ਤਨਿਯਾਮਾ ਅਹੇਸੁਂ। ਕਥਂ ਪਨ ਤੇਸੁ ਨਿਯਾਮੋ ਹੋਤੀਤਿ? ਯੋ ਹਿ ਏવਰੂਪਂ ਲਦ੍ਧਿਂ ਗਹੇਤ੍વਾ ਰਤ੍ਤਿਟ੍ਠਾਨਦਿવਾਟ੍ਠਾਨੇਸੁ ਨਿਸਿਨ੍ਨੋ ਸਜ੍ਝਾਯਤਿ વੀਮਂਸਤਿ, ਤਸ੍ਸ ‘‘ਨਤ੍ਥਿ ਹੇਤੁ ਨਤ੍ਥਿ ਪਚ੍ਚਯੋ ਕਰੋਤੋ ਨ ਕਰੀਯਤਿ ਪਾਪਂ…ਪੇ॰… ਨਤ੍ਥਿ ਦਿਨ੍ਨਂ…ਪੇ॰… ਕਾਯਸ੍ਸ ਭੇਦਾ ਉਚ੍ਛਿਜ੍ਜਤੀ’’ਤਿ ਤਸ੍ਮਿਂ ਆਰਮ੍ਮਣੇ ਮਿਚ੍ਛਾਸਤਿ ਸਨ੍ਤਿਟ੍ਠਤਿ, ਚਿਤ੍ਤਂ ਏਕਗ੍ਗਂ ਹੋਤਿ, ਜવਨਾਨਿ ਜવਨ੍ਤਿ। ਪਠਮਜવਨੇ ਸਤੇਕਿਚ੍ਛੋ ਹੋਤਿ, ਤਥਾ ਦੁਤਿਯਾਦੀਸੁ, ਸਤ੍ਤਮੇ ਬੁਦ੍ਧਾਨਮ੍ਪਿ ਅਤੇਕਿਚ੍ਛੋ ਅਨਿવਤ੍ਤਿ ਅਰਿਟ੍ਠਕਣ੍ਟਕਸਦਿਸੋ ਹੋਤਿ । ਤਤ੍ਥ ਕੋਚਿ ਏਕਂ ਦਸ੍ਸਨਂ ਓਕ੍ਕਮਤਿ, ਕੋਚਿ ਦ੍વੇ, ਕੋਚਿ ਤੀਣਿਪਿ। ਨਿਯਤਮਿਚ੍ਛਾਦਿਟ੍ਠਿਕੋવ ਹੋਤਿ, ਪਤ੍ਤੋ ਸਗ੍ਗਮਗ੍ਗਾવਰਣਞ੍ਚੇવ ਮੋਕ੍ਖਮਗ੍ਗਾવਰਣਞ੍ਚ, ਅਭਬ੍ਬੋ ਤਸ੍ਸ ਅਤ੍ਤਭਾવਸ੍ਸ ਅਨਨ੍ਤਰਂ ਸਗ੍ਗਮ੍ਪਿ ਗਨ੍ਤੁਂ, ਪਗੇવ ਮੋਕ੍ਖਂ। વਟ੍ਟਖਾਣੁਕੋ ਨਾਮੇਸ ਸਤ੍ਤੋ ਪਥવਿਗੋਪਕੋ, ਯੇਭੁਯ੍ਯੇਨ ਏવਰੂਪਸ੍ਸ ਭવਤੋ વੁਟ੍ਠਾਨਂ ਨਤ੍ਥਿ। વਸ੍ਸਭਞ੍ਞਾਪਿ ਏਦਿਸਾ ਅਹੇਸੁਂ। ਨਿਨ੍ਦਾਬ੍ਯਾਰੋਸਨਉਪਾਰਮ੍ਭਭਯਾਤਿ ਅਤ੍ਤਨੋ ਨਿਨ੍ਦਭਯੇਨ ਘਟ੍ਟਨਭਯੇਨ ਉਪવਾਦਭਯੇਨ ਚਾਤਿ ਅਤ੍ਥੋ। ਅਭਿਜ੍ਝਾવਿਨਯੇ ਸਿਕ੍ਖਨ੍ਤਿ ਅਭਿਜ੍ਝਾવਿਨਯੋ વੁਚ੍ਚਤਿ ਅਰਹਤ੍ਤਂ, ਅਰਹਤ੍ਤੇ ਸਿਕ੍ਖਮਾਨੋ ਅਪ੍ਪਮਤ੍ਤੋ ਨਾਮ વੁਚ੍ਚਤੀਤਿ ਸੁਤ੍ਤਨ੍ਤੇ વਟ੍ਟવਿਟ੍ਟਂ ਕਥੇਤ੍વਾ ਗਾਥਾਯ ਫਲਸਮਾਪਤ੍ਤਿ ਕਥਿਤਾਤਿ।
Ukkalāti ukkalajanapadavāsino. Vassabhaññāti vasso ca bhañño cāti dve janā. Ahetukavādāti ‘‘natthi hetu natthi paccayo sattānaṃ visuddhiyā’’tievamādivādino. Akiriyavādāti ‘‘karoto na karīyati pāpa’’nti evaṃ kiriyapaṭikkhepavādino. Natthikavādāti ‘‘natthi dinna’’ntiādivādino. Te imesu tīsupi dassanesu okkantaniyāmā ahesuṃ. Kathaṃ pana tesu niyāmo hotīti? Yo hi evarūpaṃ laddhiṃ gahetvā rattiṭṭhānadivāṭṭhānesu nisinno sajjhāyati vīmaṃsati, tassa ‘‘natthi hetu natthi paccayo karoto na karīyati pāpaṃ…pe… natthi dinnaṃ…pe… kāyassa bhedā ucchijjatī’’ti tasmiṃ ārammaṇe micchāsati santiṭṭhati, cittaṃ ekaggaṃ hoti, javanāni javanti. Paṭhamajavane satekiccho hoti, tathā dutiyādīsu, sattame buddhānampi atekiccho anivatti ariṭṭhakaṇṭakasadiso hoti . Tattha koci ekaṃ dassanaṃ okkamati, koci dve, koci tīṇipi. Niyatamicchādiṭṭhikova hoti, patto saggamaggāvaraṇañceva mokkhamaggāvaraṇañca, abhabbo tassa attabhāvassa anantaraṃ saggampi gantuṃ, pageva mokkhaṃ. Vaṭṭakhāṇuko nāmesa satto pathavigopako, yebhuyyena evarūpassa bhavato vuṭṭhānaṃ natthi. Vassabhaññāpi edisā ahesuṃ. Nindābyārosanaupārambhabhayāti attano nindabhayena ghaṭṭanabhayena upavādabhayena cāti attho. Abhijjhāvinaye sikkhanti abhijjhāvinayo vuccati arahattaṃ, arahatte sikkhamāno appamatto nāma vuccatīti suttante vaṭṭaviṭṭaṃ kathetvā gāthāya phalasamāpatti kathitāti.
ਉਰੁવੇਲવਗ੍ਗੋ ਤਤਿਯੋ।
Uruvelavaggo tatiyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਪਰਿਬ੍ਬਾਜਕਸੁਤ੍ਤਂ • 10. Paribbājakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਪਰਿਬ੍ਬਾਜਕਸੁਤ੍ਤવਣ੍ਣਨਾ • 10. Paribbājakasuttavaṇṇanā
