| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
7. сад̇д̇амаваг̇г̇о
7. Sattamavaggo
(67) 5. барибхог̇амаяабун̃н̃агат̇аа
(67) 5. Paribhogamayapuññakathā
483. барибхог̇амаяам̣ бун̃н̃ам̣ вад̣дхад̇ийд̇и? ааманд̇аа. барибхог̇амаяо пассо вад̣дхад̇и, взд̣̇анаа вад̣дхад̇и, сан̃н̃аа вад̣дхад̇и, жзд̇анаа вад̣дхад̇и, жид̇д̇ам̣ вад̣дхад̇и, сад̣̇д̇хаа вад̣дхад̇и, вийрияам̣ вад̣дхад̇и, сад̇и вад̣дхад̇и, самаад̇хи вад̣дхад̇и, бан̃н̃аа вад̣дхад̇ийд̇и? на хзвам̣ вад̇д̇аб̣б̣з…бз….
483. Paribhogamayaṃ puññaṃ vaḍḍhatīti? Āmantā. Paribhogamayo phasso vaḍḍhati, vedanā vaḍḍhati, saññā vaḍḍhati, cetanā vaḍḍhati, cittaṃ vaḍḍhati, saddhā vaḍḍhati, vīriyaṃ vaḍḍhati, sati vaḍḍhati, samādhi vaḍḍhati, paññā vaḍḍhatīti? Na hevaṃ vattabbe…pe….
барибхог̇амаяам̣ бун̃н̃ам̣ вад̣дхад̇ийд̇и? ааманд̇аа. лад̇аа вияа вад̣дхад̇и, маалуваа вияа вад̣дхад̇и, ругко вияа вад̣дхад̇и, д̇ин̣ам̣ вияа вад̣дхад̇и, мун̃ж̇абун̃ж̇о вияа вад̣дхад̇ийд̇и? на хзвам̣ вад̇д̇аб̣б̣з…бз….
Paribhogamayaṃ puññaṃ vaḍḍhatīti? Āmantā. Latā viya vaḍḍhati, māluvā viya vaḍḍhati, rukkho viya vaḍḍhati, tiṇaṃ viya vaḍḍhati, muñjapuñjo viya vaḍḍhatīti? Na hevaṃ vattabbe…pe….
484. барибхог̇амаяам̣ бун̃н̃ам̣ вад̣дхад̇ийд̇и? ааманд̇аа. д̣̇ааяаго д̣̇аанам̣ д̣̇ад̇ваа на саманнаахарад̇и, ход̇и бун̃н̃анд̇и? ааманд̇аа. анааваддзнд̇асса 1 ход̇и… анаабхог̇асса ход̇и… асаманнаахаранд̇асса ход̇и… аманасигаронд̇асса ход̇и… ажзд̇аяанд̇асса ход̇и… абад̇т̇аяанд̇асса ход̇и… аббан̣ид̣̇аханд̇асса ход̇ийд̇и? на хзвам̣ вад̇д̇аб̣б̣з…бз… нану ааваддзнд̇асса ход̇и… аабхог̇асса ход̇и… саманнаахаранд̇асса ход̇и… манасигаронд̇асса ход̇и… жзд̇аяанд̇асса ход̇и… бад̇т̇аяанд̇асса ход̇и… бан̣ид̣̇аханд̇асса ход̇ийд̇и? ааманд̇аа. хан̃жи ааваддзнд̇асса ход̇и… аабхог̇асса ход̇и… саманнаахаранд̇асса ход̇и… манасигаронд̇асса ход̇и… жзд̇аяанд̇асса ход̇и… бад̇т̇аяанд̇асса ход̇и… бан̣ид̣̇аханд̇асса ход̇и, но жа вад̇а рз вад̇д̇аб̣б̣з – ‘‘барибхог̇амаяам̣ бун̃н̃ам̣ вад̣дхад̇ий’’д̇и.
484. Paribhogamayaṃ puññaṃ vaḍḍhatīti? Āmantā. Dāyako dānaṃ datvā na samannāharati, hoti puññanti? Āmantā. Anāvaṭṭentassa 2 hoti… anābhogassa hoti… asamannāharantassa hoti… amanasikarontassa hoti… acetayantassa hoti… apatthayantassa hoti… appaṇidahantassa hotīti? Na hevaṃ vattabbe…pe… nanu āvaṭṭentassa hoti… ābhogassa hoti… samannāharantassa hoti… manasikarontassa hoti… cetayantassa hoti… patthayantassa hoti… paṇidahantassa hotīti? Āmantā. Hañci āvaṭṭentassa hoti… ābhogassa hoti… samannāharantassa hoti… manasikarontassa hoti… cetayantassa hoti… patthayantassa hoti… paṇidahantassa hoti, no ca vata re vattabbe – ‘‘paribhogamayaṃ puññaṃ vaḍḍhatī’’ti.
485. барибхог̇амаяам̣ бун̃н̃ам̣ вад̣дхад̇ийд̇и? ааманд̇аа. д̣̇ааяаго д̣̇аанам̣ д̣̇ад̇ваа гаамавид̇аггам̣ вид̇аггзд̇и, б̣яаабаад̣̇авид̇аггам̣ вид̇аггзд̇и, вихим̣саавид̇аггам̣ вид̇аггзд̇и , ход̇и бун̃н̃анд̇и? ааманд̇аа. д̣̇виннам̣ пассаанам̣…бз… д̣̇виннам̣ жид̇д̇аанам̣ самод̇хаанам̣ ход̇ийд̇и? на хзвам̣ вад̇д̇аб̣б̣з…бз… д̣̇виннам̣ пассаанам̣…бз… д̣̇виннам̣ жид̇д̇аанам̣ самод̇хаанам̣ ход̇ийд̇и? ааманд̇аа. гусалаагусалаа сааваж̇ж̇аанаваж̇ж̇аа хийнабан̣ийд̇аа ган̣хасуггасаббадибхааг̇аа д̇хаммаа саммукийбхаавам̣ ааг̇ажчанд̇ийд̇и? на хзвам̣ вад̇д̇аб̣б̣з…бз… гусалаагусалаа сааваж̇ж̇аанаваж̇ж̇аа хийнабан̣ийд̇аа ган̣хасуггасаббадибхааг̇аа д̇хаммаа саммукийбхаавам̣ ааг̇ажчанд̇ийд̇и? ааманд̇аа. нану вуд̇д̇ам̣ бхаг̇авад̇аа – ‘‘жад̇д̇ааримаани, бхигкавз, сувид̣̇ууравид̣̇уураани! гад̇амаани жад̇д̇аари? набхан̃жа, бхигкавз, бат̇авий жа – ид̣̇ам̣ батамам̣ сувид̣̇ууравид̣̇уурам̣. ориман̃жа, бхигкавз, д̇ийрам̣ самуд̣̇д̣̇асса баариман̃жа д̇ийрам̣ – ид̣̇ам̣ д̣̇уд̇ияам̣ сувид̣̇ууравид̣̇уурам̣. яад̇о жа, бхигкавз, взрожано аб̣бхуд̣̇зд̇и яад̇т̇а жа ад̇т̇амзд̇и – ид̣̇ам̣ д̇ад̇ияам̣ сувид̣̇ууравид̣̇уурам̣. сад̇ан̃жа, бхигкавз, д̇хаммо асад̇ан̃жа д̇хаммо – ид̣̇ам̣ жад̇уд̇т̇ам̣ сувид̣̇ууравид̣̇уурам̣. имаани ко, бхигкавз, жад̇д̇аари сувид̣̇ууравид̣̇уураанийд̇и.
485. Paribhogamayaṃ puññaṃ vaḍḍhatīti? Āmantā. Dāyako dānaṃ datvā kāmavitakkaṃ vitakketi, byāpādavitakkaṃ vitakketi, vihiṃsāvitakkaṃ vitakketi , hoti puññanti? Āmantā. Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe… dvinnaṃ phassānaṃ…pe… dvinnaṃ cittānaṃ samodhānaṃ hotīti? Āmantā. Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti? Na hevaṃ vattabbe…pe… kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti? Āmantā. Nanu vuttaṃ bhagavatā – ‘‘cattārimāni, bhikkhave, suvidūravidūrāni! Katamāni cattāri? Nabhañca, bhikkhave, pathavī ca – idaṃ paṭhamaṃ suvidūravidūraṃ. Orimañca, bhikkhave, tīraṃ samuddassa pārimañca tīraṃ – idaṃ dutiyaṃ suvidūravidūraṃ. Yato ca, bhikkhave, verocano abbhudeti yattha ca atthameti – idaṃ tatiyaṃ suvidūravidūraṃ. Satañca, bhikkhave, dhammo asatañca dhammo – idaṃ catutthaṃ suvidūravidūraṃ. Imāni kho, bhikkhave, cattāri suvidūravidūrānīti.
‘‘набхан̃жа д̣̇уурз бат̇авий жа д̣̇уурз,
‘‘Nabhañca dūre pathavī ca dūre,
баарам̣ самуд̣̇д̣̇асса д̇ад̣̇ааху д̣̇уурз;
Pāraṃ samuddassa tadāhu dūre;
яад̇о жа взрожано аб̣бхуд̣̇зд̇и,
Yato ca verocano abbhudeti,
бабхан̇гаро яад̇т̇а жа ад̇т̇амзд̇и.
Pabhaṅkaro yattha ca atthameti.
‘‘д̇ад̇о хавз д̣̇уурад̇арам̣ вад̣̇анд̇и,
‘‘Tato have dūrataraṃ vadanti,
сад̇ан̃жа д̇хаммам̣ асад̇ан̃жа д̇хаммам̣;
Satañca dhammaṃ asatañca dhammaṃ;
аб̣яааяиго ход̇и сад̇ам̣ самааг̇амо,
Abyāyiko hoti sataṃ samāgamo,
яаавамби д̇идтзяяа д̇ат̇зва ход̇и.
Yāvampi tiṭṭheyya tatheva hoti.
ад̇т̇зва суд̇д̇анд̇од̇и? ааманд̇аа. д̇зна хи на вад̇д̇аб̣б̣ам̣ – ‘‘гусалаагусалаа сааваж̇ж̇аанаваж̇ж̇аа хийнабан̣ийд̇аа ган̣хасуггасаббадибхааг̇аа д̇хаммаа саммукийбхаавам̣ ааг̇ажчанд̇ий’’д̇и.
Attheva suttantoti? Āmantā. Tena hi na vattabbaṃ – ‘‘kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantī’’ti.
486. на вад̇д̇аб̣б̣ам̣ – ‘‘барибхог̇амаяам̣ бун̃н̃ам̣ вад̣дхад̇ий’’д̇и? ааманд̇аа. нану вуд̇д̇ам̣ бхаг̇авад̇аа –
486. Na vattabbaṃ – ‘‘paribhogamayaṃ puññaṃ vaḍḍhatī’’ti? Āmantā. Nanu vuttaṃ bhagavatā –
‘‘аараамаробаа ванаробаа, яз ж̇анаа сзд̇угаарагаа;
‘‘Ārāmaropā vanaropā, ye janā setukārakā;
бабан̃жа уд̣̇абаанан̃жа, яз д̣̇ад̣̇анд̇и убассаяам̣.
Papañca udapānañca, ye dadanti upassayaṃ.
‘‘д̇зсам̣ д̣̇иваа жа рад̇д̇о жа, сад̣̇аа бун̃н̃ам̣ бавад̣дхад̇и;
‘‘Tesaṃ divā ca ratto ca, sadā puññaṃ pavaḍḍhati;
д̇хаммадтаа сийласамбаннаа, д̇з ж̇анаа саг̇г̇аг̇аамино’’д̇и 7.
Dhammaṭṭhā sīlasampannā, te janā saggagāmino’’ti 8.
ад̇т̇зва суд̇д̇анд̇од̇и? ааманд̇аа. д̇зна хи барибхог̇амаяам̣ бун̃н̃ам̣ вад̣дхад̇ийд̇и.
Attheva suttantoti? Āmantā. Tena hi paribhogamayaṃ puññaṃ vaḍḍhatīti.
на вад̇д̇аб̣б̣ам̣ – ‘‘барибхог̇амаяам̣ бун̃н̃ам̣ вад̣дхад̇ий’’д̇и? ааманд̇аа. нану вуд̇д̇ам̣ бхаг̇авад̇аа – ‘‘жад̇д̇ааромз, бхигкавз, бун̃н̃аабхисанд̣̇аа гусалаабхисанд̣̇аа сукассаахаараа соваг̇г̇игаа сукавибаагаа саг̇г̇асам̣вад̇д̇анигаа идтааяа ганд̇ааяа манаабааяа хид̇ааяа сукааяа сам̣вад̇д̇анд̇и! гад̇амз жад̇д̇ааро? яасса, бхигкавз, бхигку жийварам̣ барибхун̃ж̇амаано аббамаан̣ам̣ жзд̇осамаад̇хим̣ убасамбаж̇ж̇а вихарад̇и, аббамаан̣о д̇асса бун̃н̃аабхисанд̣̇о гусалаабхисанд̣̇о сукассаахааро соваг̇г̇иго сукавибааго саг̇г̇асам̣вад̇д̇аниго идтааяа ганд̇ааяа манаабааяа хид̇ааяа сукааяа сам̣вад̇д̇ад̇и. яасса, бхигкавз, бхигку бин̣д̣абаад̇ам̣ барибхун̃ж̇амаано…бз… сзнаасанам̣ барибхун̃ж̇амаано…бз… г̇илаанабажжаяабхзсаж̇ж̇абаригкаарам̣ барибхун̃ж̇амаано аббамаан̣ам̣ жзд̇осамаад̇хим̣ убасамбаж̇ж̇а вихарад̇и, аббамаан̣о д̇асса бун̃н̃аабхисанд̣̇о гусалаабхисанд̣̇о сукассаахааро соваг̇г̇иго сукавибааго саг̇г̇асам̣вад̇д̇аниго идтааяа ганд̇ааяа манаабааяа хид̇ааяа сукааяа сам̣вад̇д̇ад̇и. имз ко, бхигкавз, жад̇д̇ааро бун̃н̃аабхисанд̣̇аа гусалаабхисанд̣̇аа сукассаахаараа соваг̇г̇игаа сукавибаагаа саг̇г̇асам̣вад̇д̇анигаа идтааяа ганд̇ааяа манаабааяа хид̇ааяа сукааяа сам̣вад̇д̇анд̇ий’’д̇и 9. ад̇т̇зва суд̇д̇анд̇од̇и? ааманд̇аа. д̇зна хи барибхог̇амаяам̣ бун̃н̃ам̣ вад̣дхад̇ийд̇и.
Na vattabbaṃ – ‘‘paribhogamayaṃ puññaṃ vaḍḍhatī’’ti? Āmantā. Nanu vuttaṃ bhagavatā – ‘‘cattārome, bhikkhave, puññābhisandā kusalābhisandā sukhassāhārā sovaggikā sukhavipākā saggasaṃvattanikā iṭṭhāya kantāya manāpāya hitāya sukhāya saṃvattanti! Katame cattāro? Yassa, bhikkhave, bhikkhu cīvaraṃ paribhuñjamāno appamāṇaṃ cetosamādhiṃ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattati. Yassa, bhikkhave, bhikkhu piṇḍapātaṃ paribhuñjamāno…pe… senāsanaṃ paribhuñjamāno…pe… gilānapaccayabhesajjaparikkhāraṃ paribhuñjamāno appamāṇaṃ cetosamādhiṃ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattati. Ime kho, bhikkhave, cattāro puññābhisandā kusalābhisandā sukhassāhārā sovaggikā sukhavipākā saggasaṃvattanikā iṭṭhāya kantāya manāpāya hitāya sukhāya saṃvattantī’’ti 10. Attheva suttantoti? Āmantā. Tena hi paribhogamayaṃ puññaṃ vaḍḍhatīti.
487. барибхог̇амаяам̣ бун̃н̃ам̣ вад̣дхад̇ийд̇и? ааманд̇аа. д̣̇ааяаго д̣̇аанам̣ д̣̇зд̇и, бадиг̇г̇аахаго бадиг̇г̇ахзд̇ваа на барибхун̃ж̇ад̇и чад̣д̣зд̇и виссаж̇ж̇зд̇и, ход̇и бун̃н̃анд̇и? ааманд̇аа. хан̃жи д̣̇ааяаго д̣̇аанам̣ д̣̇зд̇и, бадиг̇г̇аахаго бадиг̇г̇ахзд̇ваа на барибхун̃ж̇ад̇и чад̣д̣зд̇и виссаж̇ж̇зд̇и, ход̇и бун̃н̃ам̣; но жа вад̇а рз вад̇д̇аб̣б̣з – ‘‘барибхог̇амаяам̣ бун̃н̃ам̣ вад̣дхад̇ий’’д̇и.
487. Paribhogamayaṃ puññaṃ vaḍḍhatīti? Āmantā. Dāyako dānaṃ deti, paṭiggāhako paṭiggahetvā na paribhuñjati chaḍḍeti vissajjeti, hoti puññanti? Āmantā. Hañci dāyako dānaṃ deti, paṭiggāhako paṭiggahetvā na paribhuñjati chaḍḍeti vissajjeti, hoti puññaṃ; no ca vata re vattabbe – ‘‘paribhogamayaṃ puññaṃ vaḍḍhatī’’ti.
барибхог̇амаяам̣ бун̃н̃ам̣ вад̣дхад̇ийд̇и? ааманд̇аа. д̣̇ааяаго д̣̇аанам̣ д̣̇зд̇и, бадиг̇г̇аахагз бадиг̇г̇ахид̇з рааж̇аано ваа харанд̇и, жораа ваа харанд̇и, аг̇г̇и ваа д̣̇ахад̇и, уд̣̇агам̣ ваа вахад̇и, аббияаа ваа д̣̇ааяаад̣̇аа харанд̇и, ход̇и бун̃н̃анд̇и? ааманд̇аа . хан̃жи д̣̇ааяаго д̣̇аанам̣ д̣̇зд̇и, бадиг̇г̇аахагз бадиг̇г̇ахид̇з рааж̇аано ваа харанд̇и, жораа ваа харанд̇и, аг̇г̇и ваа д̣̇ахад̇и, уд̣̇агам̣ ваа вахад̇и, аббияаа ваа д̣̇ааяаад̣̇аа харанд̇и, ход̇и бун̃н̃ам̣; но жа вад̇а рз вад̇д̇аб̣б̣з – ‘‘барибхог̇амаяам̣ бун̃н̃ам̣ вад̣дхад̇ий’’д̇и.
Paribhogamayaṃ puññaṃ vaḍḍhatīti? Āmantā. Dāyako dānaṃ deti, paṭiggāhake paṭiggahite rājāno vā haranti, corā vā haranti, aggi vā dahati, udakaṃ vā vahati, appiyā vā dāyādā haranti, hoti puññanti? Āmantā . Hañci dāyako dānaṃ deti, paṭiggāhake paṭiggahite rājāno vā haranti, corā vā haranti, aggi vā dahati, udakaṃ vā vahati, appiyā vā dāyādā haranti, hoti puññaṃ; no ca vata re vattabbe – ‘‘paribhogamayaṃ puññaṃ vaḍḍhatī’’ti.
барибхог̇амаяабун̃н̃агат̇аа нидтид̇аа.
Paribhogamayapuññakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 5. барибхог̇амаяабун̃н̃агат̇ааван̣н̣анаа • 5. Paribhogamayapuññakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 5. барибхог̇амаяабун̃н̃агат̇ааван̣н̣анаа • 5. Paribhogamayapuññakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. барибхог̇амаяабун̃н̃агат̇ааван̣н̣анаа • 5. Paribhogamayapuññakathāvaṇṇanā
