| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੭. ਸਤ੍ਤਮવਗ੍ਗੋ
7. Sattamavaggo
(੬੭) ੫. ਪਰਿਭੋਗਮਯਪੁਞ੍ਞਕਥਾ
(67) 5. Paribhogamayapuññakathā
੪੮੩. ਪਰਿਭੋਗਮਯਂ ਪੁਞ੍ਞਂ વਡ੍ਢਤੀਤਿ? ਆਮਨ੍ਤਾ। ਪਰਿਭੋਗਮਯੋ ਫਸ੍ਸੋ વਡ੍ਢਤਿ, વੇਦਨਾ વਡ੍ਢਤਿ, ਸਞ੍ਞਾ વਡ੍ਢਤਿ, ਚੇਤਨਾ વਡ੍ਢਤਿ, ਚਿਤ੍ਤਂ વਡ੍ਢਤਿ, ਸਦ੍ਧਾ વਡ੍ਢਤਿ, વੀਰਿਯਂ વਡ੍ਢਤਿ, ਸਤਿ વਡ੍ਢਤਿ, ਸਮਾਧਿ વਡ੍ਢਤਿ, ਪਞ੍ਞਾ વਡ੍ਢਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
483. Paribhogamayaṃ puññaṃ vaḍḍhatīti? Āmantā. Paribhogamayo phasso vaḍḍhati, vedanā vaḍḍhati, saññā vaḍḍhati, cetanā vaḍḍhati, cittaṃ vaḍḍhati, saddhā vaḍḍhati, vīriyaṃ vaḍḍhati, sati vaḍḍhati, samādhi vaḍḍhati, paññā vaḍḍhatīti? Na hevaṃ vattabbe…pe….
ਪਰਿਭੋਗਮਯਂ ਪੁਞ੍ਞਂ વਡ੍ਢਤੀਤਿ? ਆਮਨ੍ਤਾ। ਲਤਾ વਿਯ વਡ੍ਢਤਿ, ਮਾਲੁવਾ વਿਯ વਡ੍ਢਤਿ, ਰੁਕ੍ਖੋ વਿਯ વਡ੍ਢਤਿ, ਤਿਣਂ વਿਯ વਡ੍ਢਤਿ, ਮੁਞ੍ਜਪੁਞ੍ਜੋ વਿਯ વਡ੍ਢਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paribhogamayaṃ puññaṃ vaḍḍhatīti? Āmantā. Latā viya vaḍḍhati, māluvā viya vaḍḍhati, rukkho viya vaḍḍhati, tiṇaṃ viya vaḍḍhati, muñjapuñjo viya vaḍḍhatīti? Na hevaṃ vattabbe…pe….
੪੮੪. ਪਰਿਭੋਗਮਯਂ ਪੁਞ੍ਞਂ વਡ੍ਢਤੀਤਿ? ਆਮਨ੍ਤਾ। ਦਾਯਕੋ ਦਾਨਂ ਦਤ੍વਾ ਨ ਸਮਨ੍ਨਾਹਰਤਿ, ਹੋਤਿ ਪੁਞ੍ਞਨ੍ਤਿ? ਆਮਨ੍ਤਾ। ਅਨਾવਟ੍ਟੇਨ੍ਤਸ੍ਸ 1 ਹੋਤਿ… ਅਨਾਭੋਗਸ੍ਸ ਹੋਤਿ… ਅਸਮਨ੍ਨਾਹਰਨ੍ਤਸ੍ਸ ਹੋਤਿ… ਅਮਨਸਿਕਰੋਨ੍ਤਸ੍ਸ ਹੋਤਿ… ਅਚੇਤਯਨ੍ਤਸ੍ਸ ਹੋਤਿ… ਅਪਤ੍ਥਯਨ੍ਤਸ੍ਸ ਹੋਤਿ… ਅਪ੍ਪਣਿਦਹਨ੍ਤਸ੍ਸ ਹੋਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਆવਟ੍ਟੇਨ੍ਤਸ੍ਸ ਹੋਤਿ… ਆਭੋਗਸ੍ਸ ਹੋਤਿ… ਸਮਨ੍ਨਾਹਰਨ੍ਤਸ੍ਸ ਹੋਤਿ… ਮਨਸਿਕਰੋਨ੍ਤਸ੍ਸ ਹੋਤਿ… ਚੇਤਯਨ੍ਤਸ੍ਸ ਹੋਤਿ… ਪਤ੍ਥਯਨ੍ਤਸ੍ਸ ਹੋਤਿ… ਪਣਿਦਹਨ੍ਤਸ੍ਸ ਹੋਤੀਤਿ? ਆਮਨ੍ਤਾ। ਹਞ੍ਚਿ ਆવਟ੍ਟੇਨ੍ਤਸ੍ਸ ਹੋਤਿ… ਆਭੋਗਸ੍ਸ ਹੋਤਿ… ਸਮਨ੍ਨਾਹਰਨ੍ਤਸ੍ਸ ਹੋਤਿ… ਮਨਸਿਕਰੋਨ੍ਤਸ੍ਸ ਹੋਤਿ… ਚੇਤਯਨ੍ਤਸ੍ਸ ਹੋਤਿ… ਪਤ੍ਥਯਨ੍ਤਸ੍ਸ ਹੋਤਿ… ਪਣਿਦਹਨ੍ਤਸ੍ਸ ਹੋਤਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਪਰਿਭੋਗਮਯਂ ਪੁਞ੍ਞਂ વਡ੍ਢਤੀ’’ਤਿ।
484. Paribhogamayaṃ puññaṃ vaḍḍhatīti? Āmantā. Dāyako dānaṃ datvā na samannāharati, hoti puññanti? Āmantā. Anāvaṭṭentassa 2 hoti… anābhogassa hoti… asamannāharantassa hoti… amanasikarontassa hoti… acetayantassa hoti… apatthayantassa hoti… appaṇidahantassa hotīti? Na hevaṃ vattabbe…pe… nanu āvaṭṭentassa hoti… ābhogassa hoti… samannāharantassa hoti… manasikarontassa hoti… cetayantassa hoti… patthayantassa hoti… paṇidahantassa hotīti? Āmantā. Hañci āvaṭṭentassa hoti… ābhogassa hoti… samannāharantassa hoti… manasikarontassa hoti… cetayantassa hoti… patthayantassa hoti… paṇidahantassa hoti, no ca vata re vattabbe – ‘‘paribhogamayaṃ puññaṃ vaḍḍhatī’’ti.
੪੮੫. ਪਰਿਭੋਗਮਯਂ ਪੁਞ੍ਞਂ વਡ੍ਢਤੀਤਿ? ਆਮਨ੍ਤਾ। ਦਾਯਕੋ ਦਾਨਂ ਦਤ੍વਾ ਕਾਮવਿਤਕ੍ਕਂ વਿਤਕ੍ਕੇਤਿ, ਬ੍ਯਾਪਾਦવਿਤਕ੍ਕਂ વਿਤਕ੍ਕੇਤਿ, વਿਹਿਂਸਾવਿਤਕ੍ਕਂ વਿਤਕ੍ਕੇਤਿ , ਹੋਤਿ ਪੁਞ੍ਞਨ੍ਤਿ? ਆਮਨ੍ਤਾ। ਦ੍વਿਨ੍ਨਂ ਫਸ੍ਸਾਨਂ…ਪੇ॰… ਦ੍વਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦ੍વਿਨ੍ਨਂ ਫਸ੍ਸਾਨਂ…ਪੇ॰… ਦ੍વਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਆਮਨ੍ਤਾ। ਕੁਸਲਾਕੁਸਲਾ ਸਾવਜ੍ਜਾਨવਜ੍ਜਾ ਹੀਨਪਣੀਤਾ ਕਣ੍ਹਸੁਕ੍ਕਸਪ੍ਪਟਿਭਾਗਾ ਧਮ੍ਮਾ ਸਮ੍ਮੁਖੀਭਾવਂ ਆਗਚ੍ਛਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਕੁਸਲਾਕੁਸਲਾ ਸਾવਜ੍ਜਾਨવਜ੍ਜਾ ਹੀਨਪਣੀਤਾ ਕਣ੍ਹਸੁਕ੍ਕਸਪ੍ਪਟਿਭਾਗਾ ਧਮ੍ਮਾ ਸਮ੍ਮੁਖੀਭਾવਂ ਆਗਚ੍ਛਨ੍ਤੀਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਚਤ੍ਤਾਰਿਮਾਨਿ, ਭਿਕ੍ਖવੇ, ਸੁવਿਦੂਰવਿਦੂਰਾਨਿ! ਕਤਮਾਨਿ ਚਤ੍ਤਾਰਿ? ਨਭਞ੍ਚ, ਭਿਕ੍ਖવੇ, ਪਥવੀ ਚ – ਇਦਂ ਪਠਮਂ ਸੁવਿਦੂਰવਿਦੂਰਂ। ਓਰਿਮਞ੍ਚ, ਭਿਕ੍ਖવੇ, ਤੀਰਂ ਸਮੁਦ੍ਦਸ੍ਸ ਪਾਰਿਮਞ੍ਚ ਤੀਰਂ – ਇਦਂ ਦੁਤਿਯਂ ਸੁવਿਦੂਰવਿਦੂਰਂ। ਯਤੋ ਚ, ਭਿਕ੍ਖવੇ, વੇਰੋਚਨੋ ਅਬ੍ਭੁਦੇਤਿ ਯਤ੍ਥ ਚ ਅਤ੍ਥਮੇਤਿ – ਇਦਂ ਤਤਿਯਂ ਸੁવਿਦੂਰવਿਦੂਰਂ। ਸਤਞ੍ਚ, ਭਿਕ੍ਖવੇ, ਧਮ੍ਮੋ ਅਸਤਞ੍ਚ ਧਮ੍ਮੋ – ਇਦਂ ਚਤੁਤ੍ਥਂ ਸੁવਿਦੂਰવਿਦੂਰਂ। ਇਮਾਨਿ ਖੋ, ਭਿਕ੍ਖવੇ, ਚਤ੍ਤਾਰਿ ਸੁવਿਦੂਰવਿਦੂਰਾਨੀਤਿ।
485. Paribhogamayaṃ puññaṃ vaḍḍhatīti? Āmantā. Dāyako dānaṃ datvā kāmavitakkaṃ vitakketi, byāpādavitakkaṃ vitakketi, vihiṃsāvitakkaṃ vitakketi , hoti puññanti? Āmantā. Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe… dvinnaṃ phassānaṃ…pe… dvinnaṃ cittānaṃ samodhānaṃ hotīti? Āmantā. Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti? Na hevaṃ vattabbe…pe… kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti? Āmantā. Nanu vuttaṃ bhagavatā – ‘‘cattārimāni, bhikkhave, suvidūravidūrāni! Katamāni cattāri? Nabhañca, bhikkhave, pathavī ca – idaṃ paṭhamaṃ suvidūravidūraṃ. Orimañca, bhikkhave, tīraṃ samuddassa pārimañca tīraṃ – idaṃ dutiyaṃ suvidūravidūraṃ. Yato ca, bhikkhave, verocano abbhudeti yattha ca atthameti – idaṃ tatiyaṃ suvidūravidūraṃ. Satañca, bhikkhave, dhammo asatañca dhammo – idaṃ catutthaṃ suvidūravidūraṃ. Imāni kho, bhikkhave, cattāri suvidūravidūrānīti.
‘‘ਨਭਞ੍ਚ ਦੂਰੇ ਪਥવੀ ਚ ਦੂਰੇ,
‘‘Nabhañca dūre pathavī ca dūre,
ਪਾਰਂ ਸਮੁਦ੍ਦਸ੍ਸ ਤਦਾਹੁ ਦੂਰੇ।
Pāraṃ samuddassa tadāhu dūre;
ਯਤੋ ਚ વੇਰੋਚਨੋ ਅਬ੍ਭੁਦੇਤਿ,
Yato ca verocano abbhudeti,
ਪਭਙ੍ਕਰੋ ਯਤ੍ਥ ਚ ਅਤ੍ਥਮੇਤਿ॥
Pabhaṅkaro yattha ca atthameti.
‘‘ਤਤੋ ਹવੇ ਦੂਰਤਰਂ વਦਨ੍ਤਿ,
‘‘Tato have dūrataraṃ vadanti,
ਸਤਞ੍ਚ ਧਮ੍ਮਂ ਅਸਤਞ੍ਚ ਧਮ੍ਮਂ।
Satañca dhammaṃ asatañca dhammaṃ;
ਅਬ੍ਯਾਯਿਕੋ ਹੋਤਿ ਸਤਂ ਸਮਾਗਮੋ,
Abyāyiko hoti sataṃ samāgamo,
ਯਾવਮ੍ਪਿ ਤਿਟ੍ਠੇਯ੍ਯ ਤਥੇવ ਹੋਤਿ॥
Yāvampi tiṭṭheyya tatheva hoti.
ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਕੁਸਲਾਕੁਸਲਾ ਸਾવਜ੍ਜਾਨવਜ੍ਜਾ ਹੀਨਪਣੀਤਾ ਕਣ੍ਹਸੁਕ੍ਕਸਪ੍ਪਟਿਭਾਗਾ ਧਮ੍ਮਾ ਸਮ੍ਮੁਖੀਭਾવਂ ਆਗਚ੍ਛਨ੍ਤੀ’’ਤਿ।
Attheva suttantoti? Āmantā. Tena hi na vattabbaṃ – ‘‘kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantī’’ti.
੪੮੬. ਨ વਤ੍ਤਬ੍ਬਂ – ‘‘ਪਰਿਭੋਗਮਯਂ ਪੁਞ੍ਞਂ વਡ੍ਢਤੀ’’ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ –
486. Na vattabbaṃ – ‘‘paribhogamayaṃ puññaṃ vaḍḍhatī’’ti? Āmantā. Nanu vuttaṃ bhagavatā –
‘‘ਆਰਾਮਰੋਪਾ વਨਰੋਪਾ, ਯੇ ਜਨਾ ਸੇਤੁਕਾਰਕਾ।
‘‘Ārāmaropā vanaropā, ye janā setukārakā;
ਪਪਞ੍ਚ ਉਦਪਾਨਞ੍ਚ, ਯੇ ਦਦਨ੍ਤਿ ਉਪਸ੍ਸਯਂ॥
Papañca udapānañca, ye dadanti upassayaṃ.
‘‘ਤੇਸਂ ਦਿવਾ ਚ ਰਤ੍ਤੋ ਚ, ਸਦਾ ਪੁਞ੍ਞਂ ਪવਡ੍ਢਤਿ।
‘‘Tesaṃ divā ca ratto ca, sadā puññaṃ pavaḍḍhati;
ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਪਰਿਭੋਗਮਯਂ ਪੁਞ੍ਞਂ વਡ੍ਢਤੀਤਿ।
Attheva suttantoti? Āmantā. Tena hi paribhogamayaṃ puññaṃ vaḍḍhatīti.
ਨ વਤ੍ਤਬ੍ਬਂ – ‘‘ਪਰਿਭੋਗਮਯਂ ਪੁਞ੍ਞਂ વਡ੍ਢਤੀ’’ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਚਤ੍ਤਾਰੋਮੇ, ਭਿਕ੍ਖવੇ, ਪੁਞ੍ਞਾਭਿਸਨ੍ਦਾ ਕੁਸਲਾਭਿਸਨ੍ਦਾ ਸੁਖਸ੍ਸਾਹਾਰਾ ਸੋવਗ੍ਗਿਕਾ ਸੁਖવਿਪਾਕਾ ਸਗ੍ਗਸਂવਤ੍ਤਨਿਕਾ ਇਟ੍ਠਾਯ ਕਨ੍ਤਾਯ ਮਨਾਪਾਯ ਹਿਤਾਯ ਸੁਖਾਯ ਸਂવਤ੍ਤਨ੍ਤਿ! ਕਤਮੇ ਚਤ੍ਤਾਰੋ? ਯਸ੍ਸ, ਭਿਕ੍ਖવੇ, ਭਿਕ੍ਖੁ ਚੀવਰਂ ਪਰਿਭੁਞ੍ਜਮਾਨੋ ਅਪ੍ਪਮਾਣਂ ਚੇਤੋਸਮਾਧਿਂ ਉਪਸਮ੍ਪਜ੍ਜ વਿਹਰਤਿ, ਅਪ੍ਪਮਾਣੋ ਤਸ੍ਸ ਪੁਞ੍ਞਾਭਿਸਨ੍ਦੋ ਕੁਸਲਾਭਿਸਨ੍ਦੋ ਸੁਖਸ੍ਸਾਹਾਰੋ ਸੋવਗ੍ਗਿਕੋ ਸੁਖવਿਪਾਕੋ ਸਗ੍ਗਸਂવਤ੍ਤਨਿਕੋ ਇਟ੍ਠਾਯ ਕਨ੍ਤਾਯ ਮਨਾਪਾਯ ਹਿਤਾਯ ਸੁਖਾਯ ਸਂવਤ੍ਤਤਿ। ਯਸ੍ਸ, ਭਿਕ੍ਖવੇ, ਭਿਕ੍ਖੁ ਪਿਣ੍ਡਪਾਤਂ ਪਰਿਭੁਞ੍ਜਮਾਨੋ…ਪੇ॰… ਸੇਨਾਸਨਂ ਪਰਿਭੁਞ੍ਜਮਾਨੋ…ਪੇ॰… ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਪਰਿਭੁਞ੍ਜਮਾਨੋ ਅਪ੍ਪਮਾਣਂ ਚੇਤੋਸਮਾਧਿਂ ਉਪਸਮ੍ਪਜ੍ਜ વਿਹਰਤਿ, ਅਪ੍ਪਮਾਣੋ ਤਸ੍ਸ ਪੁਞ੍ਞਾਭਿਸਨ੍ਦੋ ਕੁਸਲਾਭਿਸਨ੍ਦੋ ਸੁਖਸ੍ਸਾਹਾਰੋ ਸੋવਗ੍ਗਿਕੋ ਸੁਖવਿਪਾਕੋ ਸਗ੍ਗਸਂવਤ੍ਤਨਿਕੋ ਇਟ੍ਠਾਯ ਕਨ੍ਤਾਯ ਮਨਾਪਾਯ ਹਿਤਾਯ ਸੁਖਾਯ ਸਂવਤ੍ਤਤਿ। ਇਮੇ ਖੋ, ਭਿਕ੍ਖવੇ, ਚਤ੍ਤਾਰੋ ਪੁਞ੍ਞਾਭਿਸਨ੍ਦਾ ਕੁਸਲਾਭਿਸਨ੍ਦਾ ਸੁਖਸ੍ਸਾਹਾਰਾ ਸੋવਗ੍ਗਿਕਾ ਸੁਖવਿਪਾਕਾ ਸਗ੍ਗਸਂવਤ੍ਤਨਿਕਾ ਇਟ੍ਠਾਯ ਕਨ੍ਤਾਯ ਮਨਾਪਾਯ ਹਿਤਾਯ ਸੁਖਾਯ ਸਂવਤ੍ਤਨ੍ਤੀ’’ਤਿ 9। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਪਰਿਭੋਗਮਯਂ ਪੁਞ੍ਞਂ વਡ੍ਢਤੀਤਿ।
Na vattabbaṃ – ‘‘paribhogamayaṃ puññaṃ vaḍḍhatī’’ti? Āmantā. Nanu vuttaṃ bhagavatā – ‘‘cattārome, bhikkhave, puññābhisandā kusalābhisandā sukhassāhārā sovaggikā sukhavipākā saggasaṃvattanikā iṭṭhāya kantāya manāpāya hitāya sukhāya saṃvattanti! Katame cattāro? Yassa, bhikkhave, bhikkhu cīvaraṃ paribhuñjamāno appamāṇaṃ cetosamādhiṃ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattati. Yassa, bhikkhave, bhikkhu piṇḍapātaṃ paribhuñjamāno…pe… senāsanaṃ paribhuñjamāno…pe… gilānapaccayabhesajjaparikkhāraṃ paribhuñjamāno appamāṇaṃ cetosamādhiṃ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattati. Ime kho, bhikkhave, cattāro puññābhisandā kusalābhisandā sukhassāhārā sovaggikā sukhavipākā saggasaṃvattanikā iṭṭhāya kantāya manāpāya hitāya sukhāya saṃvattantī’’ti 10. Attheva suttantoti? Āmantā. Tena hi paribhogamayaṃ puññaṃ vaḍḍhatīti.
੪੮੭. ਪਰਿਭੋਗਮਯਂ ਪੁਞ੍ਞਂ વਡ੍ਢਤੀਤਿ? ਆਮਨ੍ਤਾ। ਦਾਯਕੋ ਦਾਨਂ ਦੇਤਿ, ਪਟਿਗ੍ਗਾਹਕੋ ਪਟਿਗ੍ਗਹੇਤ੍વਾ ਨ ਪਰਿਭੁਞ੍ਜਤਿ ਛਡ੍ਡੇਤਿ વਿਸ੍ਸਜ੍ਜੇਤਿ, ਹੋਤਿ ਪੁਞ੍ਞਨ੍ਤਿ? ਆਮਨ੍ਤਾ। ਹਞ੍ਚਿ ਦਾਯਕੋ ਦਾਨਂ ਦੇਤਿ, ਪਟਿਗ੍ਗਾਹਕੋ ਪਟਿਗ੍ਗਹੇਤ੍વਾ ਨ ਪਰਿਭੁਞ੍ਜਤਿ ਛਡ੍ਡੇਤਿ વਿਸ੍ਸਜ੍ਜੇਤਿ, ਹੋਤਿ ਪੁਞ੍ਞਂ; ਨੋ ਚ વਤ ਰੇ વਤ੍ਤਬ੍ਬੇ – ‘‘ਪਰਿਭੋਗਮਯਂ ਪੁਞ੍ਞਂ વਡ੍ਢਤੀ’’ਤਿ।
487. Paribhogamayaṃ puññaṃ vaḍḍhatīti? Āmantā. Dāyako dānaṃ deti, paṭiggāhako paṭiggahetvā na paribhuñjati chaḍḍeti vissajjeti, hoti puññanti? Āmantā. Hañci dāyako dānaṃ deti, paṭiggāhako paṭiggahetvā na paribhuñjati chaḍḍeti vissajjeti, hoti puññaṃ; no ca vata re vattabbe – ‘‘paribhogamayaṃ puññaṃ vaḍḍhatī’’ti.
ਪਰਿਭੋਗਮਯਂ ਪੁਞ੍ਞਂ વਡ੍ਢਤੀਤਿ? ਆਮਨ੍ਤਾ। ਦਾਯਕੋ ਦਾਨਂ ਦੇਤਿ, ਪਟਿਗ੍ਗਾਹਕੇ ਪਟਿਗ੍ਗਹਿਤੇ ਰਾਜਾਨੋ વਾ ਹਰਨ੍ਤਿ, ਚੋਰਾ વਾ ਹਰਨ੍ਤਿ, ਅਗ੍ਗਿ વਾ ਦਹਤਿ, ਉਦਕਂ વਾ વਹਤਿ, ਅਪ੍ਪਿਯਾ વਾ ਦਾਯਾਦਾ ਹਰਨ੍ਤਿ, ਹੋਤਿ ਪੁਞ੍ਞਨ੍ਤਿ? ਆਮਨ੍ਤਾ । ਹਞ੍ਚਿ ਦਾਯਕੋ ਦਾਨਂ ਦੇਤਿ, ਪਟਿਗ੍ਗਾਹਕੇ ਪਟਿਗ੍ਗਹਿਤੇ ਰਾਜਾਨੋ વਾ ਹਰਨ੍ਤਿ, ਚੋਰਾ વਾ ਹਰਨ੍ਤਿ, ਅਗ੍ਗਿ વਾ ਦਹਤਿ, ਉਦਕਂ વਾ વਹਤਿ, ਅਪ੍ਪਿਯਾ વਾ ਦਾਯਾਦਾ ਹਰਨ੍ਤਿ, ਹੋਤਿ ਪੁਞ੍ਞਂ; ਨੋ ਚ વਤ ਰੇ વਤ੍ਤਬ੍ਬੇ – ‘‘ਪਰਿਭੋਗਮਯਂ ਪੁਞ੍ਞਂ વਡ੍ਢਤੀ’’ਤਿ।
Paribhogamayaṃ puññaṃ vaḍḍhatīti? Āmantā. Dāyako dānaṃ deti, paṭiggāhake paṭiggahite rājāno vā haranti, corā vā haranti, aggi vā dahati, udakaṃ vā vahati, appiyā vā dāyādā haranti, hoti puññanti? Āmantā . Hañci dāyako dānaṃ deti, paṭiggāhake paṭiggahite rājāno vā haranti, corā vā haranti, aggi vā dahati, udakaṃ vā vahati, appiyā vā dāyādā haranti, hoti puññaṃ; no ca vata re vattabbe – ‘‘paribhogamayaṃ puññaṃ vaḍḍhatī’’ti.
ਪਰਿਭੋਗਮਯਪੁਞ੍ਞਕਥਾ ਨਿਟ੍ਠਿਤਾ।
Paribhogamayapuññakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੫. ਪਰਿਭੋਗਮਯਪੁਞ੍ਞਕਥਾવਣ੍ਣਨਾ • 5. Paribhogamayapuññakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੫. ਪਰਿਭੋਗਮਯਪੁਞ੍ਞਕਥਾવਣ੍ਣਨਾ • 5. Paribhogamayapuññakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੫. ਪਰਿਭੋਗਮਯਪੁਞ੍ਞਕਥਾવਣ੍ਣਨਾ • 5. Paribhogamayapuññakathāvaṇṇanā
