| Library / Tipiṭaka / তিপিটক • Tipiṭaka / পঞ্চপকরণ-মূলটীকা • Pañcapakaraṇa-mūlaṭīkā |
৫. পরিভোগমযপুঞ্ঞকথাৰণ্ণনা
5. Paribhogamayapuññakathāvaṇṇanā
৪৮৩. পরিভোগমযং নাম চিত্তৰিপ্পযুত্তং পুঞ্ঞং অত্থীতি লদ্ধি। তঞ্হি তে সন্ধায পরিভোগমযং পুঞ্ঞং পৰড্ঢতীতি ৰদন্তীতি অধিপ্পাযো।
483. Paribhogamayaṃ nāma cittavippayuttaṃ puññaṃ atthīti laddhi. Tañhi te sandhāya paribhogamayaṃ puññaṃ pavaḍḍhatīti vadantīti adhippāyo.
৪৮৫. তস্সাপি ৰসেনাতি তস্সাপি লদ্ধিযা ৰসেন। পঞ্চৰিঞ্ঞাণানং ৰিয এতেসম্পি সমোধানং সিযাতি পটিজানাতীতি ৰদন্তি। পঞ্চৰিঞ্ঞাণফস্সাদীনমেৰ পন সমোধানং সন্ধায পটিজানাতীতি অধিপ্পাযো।
485. Tassāpi vasenāti tassāpi laddhiyā vasena. Pañcaviññāṇānaṃ viya etesampi samodhānaṃ siyāti paṭijānātīti vadanti. Pañcaviññāṇaphassādīnameva pana samodhānaṃ sandhāya paṭijānātīti adhippāyo.
৪৮৬. অপরিভুত্তেপীতি ইমিনা ‘‘পটিগ্গাহকো পটিগ্গহেত্ৰা ন পরিভুঞ্জতি ছড্ডেতী’’তিআদিকং দস্সেতি। অপরিভুত্তে দেয্যধম্মে পুঞ্ঞভাৰতো পরিভোগমযং পুঞ্ঞং পৰড্ঢতীতি অযং ৰাদো হীযতি। তস্মিঞ্চ হীনে সকৰাদীৰাদো বলৰা। চাগচেতনায এৰ হি পুঞ্ঞভাৰো এৰং সিদ্ধো হোতীতি অধিপ্পাযো। অপরিভুত্তেপি দেয্যধম্মে পুঞ্ঞভাৰে চাগচেতনায এৰ পুঞ্ঞভাৰোতি আহ ‘‘সকৰাদীৰাদোৰ বলৰা’’তি।
486. Aparibhuttepīti iminā ‘‘paṭiggāhako paṭiggahetvā na paribhuñjati chaḍḍetī’’tiādikaṃ dasseti. Aparibhutte deyyadhamme puññabhāvato paribhogamayaṃ puññaṃ pavaḍḍhatīti ayaṃ vādo hīyati. Tasmiñca hīne sakavādīvādo balavā. Cāgacetanāya eva hi puññabhāvo evaṃ siddho hotīti adhippāyo. Aparibhuttepi deyyadhamme puññabhāve cāgacetanāya eva puññabhāvoti āha ‘‘sakavādīvādova balavā’’ti.
পরিভোগমযপুঞ্ঞকথাৰণ্ণনা নিট্ঠিতা।
Paribhogamayapuññakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৬৭) ৫. পরিভোগমযপুঞ্ঞকথা • (67) 5. Paribhogamayapuññakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫. পরিভোগমযপুঞ্ঞকথাৰণ্ণনা • 5. Paribhogamayapuññakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৫. পরিভোগমযপুঞ্ঞকথাৰণ্ণনা • 5. Paribhogamayapuññakathāvaṇṇanā
