| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
৫. পরিভোগমযপুঞ্ঞকথাৰণ্ণনা
5. Paribhogamayapuññakathāvaṇṇanā
৪৮৫. তস্সা লদ্ধিযাতি পঞ্চন্নং ৰিঞ্ঞাণানং সমোধানং হোতীতি লদ্ধিযা। এতেসন্তি ৰত্তমানচিত্তপরিভোগমযপুঞ্ঞানং।
485. Tassā laddhiyāti pañcannaṃ viññāṇānaṃ samodhānaṃ hotīti laddhiyā. Etesanti vattamānacittaparibhogamayapuññānaṃ.
৪৮৬. অযং ৰাদো হীযতি পরিভোগস্সেৰ অভাৰতো। চাগচেতনায এৰ পুঞ্ঞভাৰো, ন চিত্তৰিপ্পযুত্তস্স। এৰন্তি ইমিনা পকারেন, অপরিভুত্তে দেয্যধম্মে পুঞ্ঞভাৰেনাতি অত্থো। অপরিভুত্তে দেয্যধম্মে পুঞ্ঞভাৰতো এৰ হি পুথুজ্জনকালে দিন্নং অরহা হুত্ৰা পরিভুঞ্জন্তে তম্পি পুথুজ্জনে দানমেৰাতি নিচ্ছিতং। পরৰাদীপটিক্খেপমুখেন সকৰাদং পতিট্ঠাপেতি পঠমো অত্থৰিকপ্পো, দুতিযো পন উজুকমেৰ সকৰাদং পতিট্ঠাপেতীতি অযমেতেসং ৰিসেসো।
486. Ayaṃ vādo hīyati paribhogasseva abhāvato. Cāgacetanāya eva puññabhāvo, na cittavippayuttassa. Evanti iminā pakārena, aparibhutte deyyadhamme puññabhāvenāti attho. Aparibhutte deyyadhamme puññabhāvato eva hi puthujjanakāle dinnaṃ arahā hutvā paribhuñjante tampi puthujjane dānamevāti nicchitaṃ. Paravādīpaṭikkhepamukhena sakavādaṃ patiṭṭhāpeti paṭhamo atthavikappo, dutiyo pana ujukameva sakavādaṃ patiṭṭhāpetīti ayametesaṃ viseso.
পরিভোগমযপুঞ্ঞকথাৰণ্ণনা নিট্ঠিতা।
Paribhogamayapuññakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৬৭) ৫. পরিভোগমযপুঞ্ঞকথা • (67) 5. Paribhogamayapuññakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫. পরিভোগমযপুঞ্ঞকথাৰণ্ণনা • 5. Paribhogamayapuññakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৫. পরিভোগমযপুঞ্ঞকথাৰণ্ণনা • 5. Paribhogamayapuññakathāvaṇṇanā
