| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
5. барибхог̇амаяабун̃н̃агат̇ааван̣н̣анаа
5. Paribhogamayapuññakathāvaṇṇanā
483. барибхог̇амаяам̣ наама жид̇д̇авиббаяуд̇д̇ам̣ бун̃н̃ам̣ ад̇т̇ийд̇и лад̣̇д̇хи. д̇ан̃хи д̇з санд̇хааяа барибхог̇амаяам̣ бун̃н̃ам̣ бавад̣дхад̇ийд̇и вад̣̇анд̇ийд̇и ад̇хиббааяо.
483. Paribhogamayaṃ nāma cittavippayuttaṃ puññaṃ atthīti laddhi. Tañhi te sandhāya paribhogamayaṃ puññaṃ pavaḍḍhatīti vadantīti adhippāyo.
485. д̇ассааби васзнаад̇и д̇ассааби лад̣̇д̇хияаа васзна. бан̃жавин̃н̃аан̣аанам̣ вияа зд̇зсамби самод̇хаанам̣ сияаад̇и бадиж̇аанаад̇ийд̇и вад̣̇анд̇и. бан̃жавин̃н̃аан̣апассаад̣̇ийнамзва бана самод̇хаанам̣ санд̇хааяа бадиж̇аанаад̇ийд̇и ад̇хиббааяо.
485. Tassāpi vasenāti tassāpi laddhiyā vasena. Pañcaviññāṇānaṃ viya etesampi samodhānaṃ siyāti paṭijānātīti vadanti. Pañcaviññāṇaphassādīnameva pana samodhānaṃ sandhāya paṭijānātīti adhippāyo.
486. абарибхуд̇д̇збийд̇и иминаа ‘‘бадиг̇г̇аахаго бадиг̇г̇ахзд̇ваа на барибхун̃ж̇ад̇и чад̣д̣зд̇ий’’д̇иаад̣̇игам̣ д̣̇ассзд̇и. абарибхуд̇д̇з д̣̇зяяад̇хаммз бун̃н̃абхаавад̇о барибхог̇амаяам̣ бун̃н̃ам̣ бавад̣дхад̇ийд̇и аяам̣ ваад̣̇о хийяад̇и. д̇асмин̃жа хийнз сагаваад̣̇ийваад̣̇о б̣алаваа. жааг̇ажзд̇анааяа зва хи бун̃н̃абхааво звам̣ сид̣̇д̇хо ход̇ийд̇и ад̇хиббааяо. абарибхуд̇д̇зби д̣̇зяяад̇хаммз бун̃н̃абхаавз жааг̇ажзд̇анааяа зва бун̃н̃абхаавод̇и ааха ‘‘сагаваад̣̇ийваад̣̇ова б̣алаваа’’д̇и.
486. Aparibhuttepīti iminā ‘‘paṭiggāhako paṭiggahetvā na paribhuñjati chaḍḍetī’’tiādikaṃ dasseti. Aparibhutte deyyadhamme puññabhāvato paribhogamayaṃ puññaṃ pavaḍḍhatīti ayaṃ vādo hīyati. Tasmiñca hīne sakavādīvādo balavā. Cāgacetanāya eva hi puññabhāvo evaṃ siddho hotīti adhippāyo. Aparibhuttepi deyyadhamme puññabhāve cāgacetanāya eva puññabhāvoti āha ‘‘sakavādīvādova balavā’’ti.
барибхог̇амаяабун̃н̃агат̇ааван̣н̣анаа нидтид̇аа.
Paribhogamayapuññakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (67) 5. барибхог̇амаяабун̃н̃агат̇аа • (67) 5. Paribhogamayapuññakathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 5. барибхог̇амаяабун̃н̃агат̇ааван̣н̣анаа • 5. Paribhogamayapuññakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. барибхог̇амаяабун̃н̃агат̇ааван̣н̣анаа • 5. Paribhogamayapuññakathāvaṇṇanā
