| Library / Tipiṭaka / तिपिटक • Tipiṭaka / पञ्चपकरण-अनुटीका • Pañcapakaraṇa-anuṭīkā |
५. परिभोगमयपुञ्ञकथावण्णना
5. Paribhogamayapuññakathāvaṇṇanā
४८५. तस्सा लद्धियाति पञ्चन्नं विञ्ञाणानं समोधानं होतीति लद्धिया। एतेसन्ति वत्तमानचित्तपरिभोगमयपुञ्ञानं।
485. Tassā laddhiyāti pañcannaṃ viññāṇānaṃ samodhānaṃ hotīti laddhiyā. Etesanti vattamānacittaparibhogamayapuññānaṃ.
४८६. अयं वादो हीयति परिभोगस्सेव अभावतो। चागचेतनाय एव पुञ्ञभावो, न चित्तविप्पयुत्तस्स। एवन्ति इमिना पकारेन, अपरिभुत्ते देय्यधम्मे पुञ्ञभावेनाति अत्थो। अपरिभुत्ते देय्यधम्मे पुञ्ञभावतो एव हि पुथुज्जनकाले दिन्नं अरहा हुत्वा परिभुञ्जन्ते तम्पि पुथुज्जने दानमेवाति निच्छितं। परवादीपटिक्खेपमुखेन सकवादं पतिट्ठापेति पठमो अत्थविकप्पो, दुतियो पन उजुकमेव सकवादं पतिट्ठापेतीति अयमेतेसं विसेसो।
486. Ayaṃ vādo hīyati paribhogasseva abhāvato. Cāgacetanāya eva puññabhāvo, na cittavippayuttassa. Evanti iminā pakārena, aparibhutte deyyadhamme puññabhāvenāti attho. Aparibhutte deyyadhamme puññabhāvato eva hi puthujjanakāle dinnaṃ arahā hutvā paribhuñjante tampi puthujjane dānamevāti nicchitaṃ. Paravādīpaṭikkhepamukhena sakavādaṃ patiṭṭhāpeti paṭhamo atthavikappo, dutiyo pana ujukameva sakavādaṃ patiṭṭhāpetīti ayametesaṃ viseso.
परिभोगमयपुञ्ञकथावण्णना निट्ठिता।
Paribhogamayapuññakathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (६७) ५. परिभोगमयपुञ्ञकथा • (67) 5. Paribhogamayapuññakathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ५. परिभोगमयपुञ्ञकथावण्णना • 5. Paribhogamayapuññakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ५. परिभोगमयपुञ्ञकथावण्णना • 5. Paribhogamayapuññakathāvaṇṇanā
