| Library / Tipiṭaka / ཏིཔིཊཀ • Tipiṭaka / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā |
༥. པརིབྷོགམཡཔུཉྙཀཐཱཝཎྞནཱ
5. Paribhogamayapuññakathāvaṇṇanā
༤༨༣. པརིབྷོགམཡཾ ནཱམ ཙིཏྟཝིཔྤཡུཏྟཾ པུཉྙཾ ཨཏྠཱིཏི ལདྡྷི། ཏཉྷི ཏེ སནྡྷཱཡ པརིབྷོགམཡཾ པུཉྙཾ པཝཌྜྷཏཱིཏི ཝདནྟཱིཏི ཨདྷིཔྤཱཡོ།
483. Paribhogamayaṃ nāma cittavippayuttaṃ puññaṃ atthīti laddhi. Tañhi te sandhāya paribhogamayaṃ puññaṃ pavaḍḍhatīti vadantīti adhippāyo.
༤༨༥. ཏསྶཱཔི ཝསེནཱཏི ཏསྶཱཔི ལདྡྷིཡཱ ཝསེན། པཉྩཝིཉྙཱཎཱནཾ ཝིཡ ཨེཏེསམྤི སམོདྷཱནཾ སིཡཱཏི པཊིཛཱནཱཏཱིཏི ཝདནྟི། པཉྩཝིཉྙཱཎཕསྶཱདཱིནམེཝ པན སམོདྷཱནཾ སནྡྷཱཡ པཊིཛཱནཱཏཱིཏི ཨདྷིཔྤཱཡོ།
485. Tassāpi vasenāti tassāpi laddhiyā vasena. Pañcaviññāṇānaṃ viya etesampi samodhānaṃ siyāti paṭijānātīti vadanti. Pañcaviññāṇaphassādīnameva pana samodhānaṃ sandhāya paṭijānātīti adhippāyo.
༤༨༦. ཨཔརིབྷུཏྟེཔཱིཏི ཨིམིནཱ ‘‘པཊིགྒཱཧཀོ པཊིགྒཧེཏྭཱ ན པརིབྷུཉྫཏི ཚཌྜེཏཱི’’ཏིཨཱདིཀཾ དསྶེཏི། ཨཔརིབྷུཏྟེ དེཡྻདྷམྨེ པུཉྙབྷཱཝཏོ པརིབྷོགམཡཾ པུཉྙཾ པཝཌྜྷཏཱིཏི ཨཡཾ ཝཱདོ ཧཱིཡཏི། ཏསྨིཉྩ ཧཱིནེ སཀཝཱདཱིཝཱདོ བལཝཱ། ཙཱགཙེཏནཱཡ ཨེཝ ཧི པུཉྙབྷཱཝོ ཨེཝཾ སིདྡྷོ ཧོཏཱིཏི ཨདྷིཔྤཱཡོ། ཨཔརིབྷུཏྟེཔི དེཡྻདྷམྨེ པུཉྙབྷཱཝེ ཙཱགཙེཏནཱཡ ཨེཝ པུཉྙབྷཱཝོཏི ཨཱཧ ‘‘སཀཝཱདཱིཝཱདོཝ བལཝཱ’’ཏི།
486. Aparibhuttepīti iminā ‘‘paṭiggāhako paṭiggahetvā na paribhuñjati chaḍḍetī’’tiādikaṃ dasseti. Aparibhutte deyyadhamme puññabhāvato paribhogamayaṃ puññaṃ pavaḍḍhatīti ayaṃ vādo hīyati. Tasmiñca hīne sakavādīvādo balavā. Cāgacetanāya eva hi puññabhāvo evaṃ siddho hotīti adhippāyo. Aparibhuttepi deyyadhamme puññabhāve cāgacetanāya eva puññabhāvoti āha ‘‘sakavādīvādova balavā’’ti.
པརིབྷོགམཡཔུཉྙཀཐཱཝཎྞནཱ ནིཊྛིཏཱ།
Paribhogamayapuññakathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༦༧) ༥. པརིབྷོགམཡཔུཉྙཀཐཱ • (67) 5. Paribhogamayapuññakathā
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༥. པརིབྷོགམཡཔུཉྙཀཐཱཝཎྞནཱ • 5. Paribhogamayapuññakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༥. པརིབྷོགམཡཔུཉྙཀཐཱཝཎྞནཱ • 5. Paribhogamayapuññakathāvaṇṇanā
