| Library / Tipiṭaka / തിപിടക • Tipiṭaka / പഞ്ചപകരണ-മൂലടീകാ • Pañcapakaraṇa-mūlaṭīkā |
൫. പരിഭോഗമയപുഞ്ഞകഥാവണ്ണനാ
5. Paribhogamayapuññakathāvaṇṇanā
൪൮൩. പരിഭോഗമയം നാമ ചിത്തവിപ്പയുത്തം പുഞ്ഞം അത്ഥീതി ലദ്ധി. തഞ്ഹി തേ സന്ധായ പരിഭോഗമയം പുഞ്ഞം പവഡ്ഢതീതി വദന്തീതി അധിപ്പായോ.
483. Paribhogamayaṃ nāma cittavippayuttaṃ puññaṃ atthīti laddhi. Tañhi te sandhāya paribhogamayaṃ puññaṃ pavaḍḍhatīti vadantīti adhippāyo.
൪൮൫. തസ്സാപി വസേനാതി തസ്സാപി ലദ്ധിയാ വസേന. പഞ്ചവിഞ്ഞാണാനം വിയ ഏതേസമ്പി സമോധാനം സിയാതി പടിജാനാതീതി വദന്തി. പഞ്ചവിഞ്ഞാണഫസ്സാദീനമേവ പന സമോധാനം സന്ധായ പടിജാനാതീതി അധിപ്പായോ.
485. Tassāpi vasenāti tassāpi laddhiyā vasena. Pañcaviññāṇānaṃ viya etesampi samodhānaṃ siyāti paṭijānātīti vadanti. Pañcaviññāṇaphassādīnameva pana samodhānaṃ sandhāya paṭijānātīti adhippāyo.
൪൮൬. അപരിഭുത്തേപീതി ഇമിനാ ‘‘പടിഗ്ഗാഹകോ പടിഗ്ഗഹേത്വാ ന പരിഭുഞ്ജതി ഛഡ്ഡേതീ’’തിആദികം ദസ്സേതി. അപരിഭുത്തേ ദേയ്യധമ്മേ പുഞ്ഞഭാവതോ പരിഭോഗമയം പുഞ്ഞം പവഡ്ഢതീതി അയം വാദോ ഹീയതി. തസ്മിഞ്ച ഹീനേ സകവാദീവാദോ ബലവാ. ചാഗചേതനായ ഏവ ഹി പുഞ്ഞഭാവോ ഏവം സിദ്ധോ ഹോതീതി അധിപ്പായോ. അപരിഭുത്തേപി ദേയ്യധമ്മേ പുഞ്ഞഭാവേ ചാഗചേതനായ ഏവ പുഞ്ഞഭാവോതി ആഹ ‘‘സകവാദീവാദോവ ബലവാ’’തി.
486. Aparibhuttepīti iminā ‘‘paṭiggāhako paṭiggahetvā na paribhuñjati chaḍḍetī’’tiādikaṃ dasseti. Aparibhutte deyyadhamme puññabhāvato paribhogamayaṃ puññaṃ pavaḍḍhatīti ayaṃ vādo hīyati. Tasmiñca hīne sakavādīvādo balavā. Cāgacetanāya eva hi puññabhāvo evaṃ siddho hotīti adhippāyo. Aparibhuttepi deyyadhamme puññabhāve cāgacetanāya eva puññabhāvoti āha ‘‘sakavādīvādova balavā’’ti.
പരിഭോഗമയപുഞ്ഞകഥാവണ്ണനാ നിട്ഠിതാ.
Paribhogamayapuññakathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൬൭) ൫. പരിഭോഗമയപുഞ്ഞകഥാ • (67) 5. Paribhogamayapuññakathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൫. പരിഭോഗമയപുഞ്ഞകഥാവണ്ണനാ • 5. Paribhogamayapuññakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൫. പരിഭോഗമയപുഞ്ഞകഥാവണ്ണനാ • 5. Paribhogamayapuññakathāvaṇṇanā
