| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. баарижчад̇д̇агасуд̇д̇ам̣
5. Pāricchattakasuttaṃ
69. ‘‘яасмим̣, бхигкавз, самаяз д̣̇зваанам̣ д̇аавад̇им̣саанам̣ баарижчад̇д̇аго говил̣ааро бан̣д̣убалаасо ход̇и, ад̇д̇аманаа, бхигкавз, д̣̇зваа д̇аавад̇им̣саа д̇асмим̣ самаяз хонд̇и – ‘бан̣д̣убалаасо д̣̇аани баарижчад̇д̇аго говил̣ааро нажирассзва д̣̇аани баннабалаасо бхависсад̇ий’’’д̇и.
69. ‘‘Yasmiṃ, bhikkhave, samaye devānaṃ tāvatiṃsānaṃ pāricchattako koviḷāro paṇḍupalāso hoti, attamanā, bhikkhave, devā tāvatiṃsā tasmiṃ samaye honti – ‘paṇḍupalāso dāni pāricchattako koviḷāro nacirasseva dāni pannapalāso bhavissatī’’’ti.
‘‘яасмим̣, бхигкавз, самаяз д̣̇зваанам̣ д̇аавад̇им̣саанам̣ баарижчад̇д̇аго говил̣ааро баннабалаасо ход̇и, ад̇д̇аманаа, бхигкавз, д̣̇зваа д̇аавад̇им̣саа д̇асмим̣ самаяз хонд̇и – ‘баннабалаасо д̣̇аани баарижчад̇д̇аго говил̣ааро нажирассзва д̣̇аани ж̇аалагаж̇аад̇о бхависсад̇ий’’’д̇и.
‘‘Yasmiṃ, bhikkhave, samaye devānaṃ tāvatiṃsānaṃ pāricchattako koviḷāro pannapalāso hoti, attamanā, bhikkhave, devā tāvatiṃsā tasmiṃ samaye honti – ‘pannapalāso dāni pāricchattako koviḷāro nacirasseva dāni jālakajāto bhavissatī’’’ti.
‘‘яасмим̣, бхигкавз, самаяз д̣̇зваанам̣ д̇аавад̇им̣саанам̣ баарижчад̇д̇аго говил̣ааро ж̇аалагаж̇аад̇о ход̇и, ад̇д̇аманаа, бхигкавз, д̣̇зваа д̇аавад̇им̣саа д̇асмим̣ самаяз хонд̇и – ‘ж̇аалагаж̇аад̇о д̣̇аани баарижчад̇д̇аго говил̣ааро нажирассзва д̣̇аани каарагаж̇аад̇о бхависсад̇ий’’’д̇и.
‘‘Yasmiṃ, bhikkhave, samaye devānaṃ tāvatiṃsānaṃ pāricchattako koviḷāro jālakajāto hoti, attamanā, bhikkhave, devā tāvatiṃsā tasmiṃ samaye honti – ‘jālakajāto dāni pāricchattako koviḷāro nacirasseva dāni khārakajāto bhavissatī’’’ti.
‘‘яасмим̣, бхигкавз, самаяз д̣̇зваанам̣ д̇аавад̇им̣саанам̣ баарижчад̇д̇аго говил̣ааро каарагаж̇аад̇о ход̇и, ад̇д̇аманаа, бхигкавз, д̣̇зваа д̇аавад̇им̣саа д̇асмим̣ самаяз хонд̇и – ‘каарагаж̇аад̇о д̣̇аани баарижчад̇д̇аго говил̣ааро нажирассзва д̣̇аани гудумалагаж̇аад̇о 1 бхависсад̇ий’’’д̇и.
‘‘Yasmiṃ, bhikkhave, samaye devānaṃ tāvatiṃsānaṃ pāricchattako koviḷāro khārakajāto hoti, attamanā, bhikkhave, devā tāvatiṃsā tasmiṃ samaye honti – ‘khārakajāto dāni pāricchattako koviḷāro nacirasseva dāni kuṭumalakajāto 2 bhavissatī’’’ti.
‘‘яасмим̣ , бхигкавз, самаяз д̣̇зваанам̣ д̇аавад̇им̣саанам̣ баарижчад̇д̇аго говил̣ааро гудумалагаж̇аад̇о ход̇и , ад̇д̇аманаа, бхигкавз, д̣̇зваа д̇аавад̇им̣саа д̇асмим̣ самаяз хонд̇и – ‘гудумалагаж̇аад̇о д̣̇аани баарижчад̇д̇аго говил̣ааро нажирассзва д̣̇аани горагаж̇аад̇о 3 бхависсад̇ий’’’д̇и.
‘‘Yasmiṃ , bhikkhave, samaye devānaṃ tāvatiṃsānaṃ pāricchattako koviḷāro kuṭumalakajāto hoti , attamanā, bhikkhave, devā tāvatiṃsā tasmiṃ samaye honti – ‘kuṭumalakajāto dāni pāricchattako koviḷāro nacirasseva dāni korakajāto 4 bhavissatī’’’ti.
‘‘яасмим̣, бхигкавз, самаяз д̣̇зваанам̣ д̇аавад̇им̣саанам̣ баарижчад̇д̇аго говил̣ааро горагаж̇аад̇о ход̇и, ад̇д̇аманаа, бхигкавз, д̣̇зваа д̇аавад̇им̣саа д̇асмим̣ самаяз хонд̇и – ‘горагаж̇аад̇о д̣̇аани баарижчад̇д̇аго говил̣ааро нажирассзва д̣̇аани саб̣б̣апаалипулло 5 бхависсад̇ий’’’д̇и.
‘‘Yasmiṃ, bhikkhave, samaye devānaṃ tāvatiṃsānaṃ pāricchattako koviḷāro korakajāto hoti, attamanā, bhikkhave, devā tāvatiṃsā tasmiṃ samaye honti – ‘korakajāto dāni pāricchattako koviḷāro nacirasseva dāni sabbaphāliphullo 6 bhavissatī’’’ti.
‘‘яасмим̣, бхигкавз, самаяз д̣̇зваанам̣ д̇аавад̇им̣саанам̣ баарижчад̇д̇аго говил̣ааро саб̣б̣апаалипулло ход̇и, ад̇д̇аманаа, бхигкавз, д̣̇зваа д̇аавад̇им̣саа баарижчад̇д̇агасса говил̣аарасса муулз д̣̇иб̣б̣з жад̇д̇ааро маасз бан̃жахи гаамаг̇ун̣зхи самаббид̇аа саман̇г̇ийбхууд̇аа барижаарзнд̇и.
‘‘Yasmiṃ, bhikkhave, samaye devānaṃ tāvatiṃsānaṃ pāricchattako koviḷāro sabbaphāliphullo hoti, attamanā, bhikkhave, devā tāvatiṃsā pāricchattakassa koviḷārassa mūle dibbe cattāro māse pañcahi kāmaguṇehi samappitā samaṅgībhūtā paricārenti.
‘‘саб̣б̣апаалипулласса ко бана, бхигкавз, баарижчад̇д̇агасса говил̣аарасса саманд̇аа бан̃н̃аасаяож̇анаани аабхааяа пудам̣ ход̇и, ануваад̇ам̣ яож̇анасад̇ам̣ г̇анд̇хо г̇ажчад̇и, аяамаанубхааво баарижчад̇д̇агасса говил̣аарасса.
‘‘Sabbaphāliphullassa kho pana, bhikkhave, pāricchattakassa koviḷārassa samantā paññāsayojanāni ābhāya phuṭaṃ hoti, anuvātaṃ yojanasataṃ gandho gacchati, ayamānubhāvo pāricchattakassa koviḷārassa.
‘‘звамзвам̣ ко, бхигкавз, яасмим̣ самаяз арияасааваго аг̇аарасмаа анаг̇аарияам̣ баб̣б̣аж̇ж̇ааяа жзд̇зд̇и, бан̣д̣убалаасо, бхигкавз, арияасааваго д̇асмим̣ самаяз ход̇и д̣̇зваанам̣ва д̇аавад̇им̣саанам̣ баарижчад̇д̇аго говил̣ааро.
‘‘Evamevaṃ kho, bhikkhave, yasmiṃ samaye ariyasāvako agārasmā anagāriyaṃ pabbajjāya ceteti, paṇḍupalāso, bhikkhave, ariyasāvako tasmiṃ samaye hoti devānaṃva tāvatiṃsānaṃ pāricchattako koviḷāro.
‘‘яасмим̣, бхигкавз, самаяз арияасааваго гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇о ход̇и, баннабалаасо, бхигкавз, арияасааваго д̇асмим̣ самаяз ход̇и д̣̇зваанам̣ва д̇аавад̇им̣саанам̣ баарижчад̇д̇аго говил̣ааро.
‘‘Yasmiṃ, bhikkhave, samaye ariyasāvako kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito hoti, pannapalāso, bhikkhave, ariyasāvako tasmiṃ samaye hoti devānaṃva tāvatiṃsānaṃ pāricchattako koviḷāro.
‘‘яасмим̣, бхигкавз, самаяз арияасааваго вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и, ж̇аалагаж̇аад̇о, бхигкавз, арияасааваго д̇асмим̣ самаяз ход̇и д̣̇зваанам̣ва д̇аавад̇им̣саанам̣ баарижчад̇д̇аго говил̣ааро.
‘‘Yasmiṃ, bhikkhave, samaye ariyasāvako vivicceva kāmehi…pe… paṭhamaṃ jhānaṃ upasampajja viharati, jālakajāto, bhikkhave, ariyasāvako tasmiṃ samaye hoti devānaṃva tāvatiṃsānaṃ pāricchattako koviḷāro.
‘‘яасмим̣ , бхигкавз, самаяз арияасааваго вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарад̇и, каарагаж̇аад̇о, бхигкавз, арияасааваго д̇асмим̣ самаяз ход̇и д̣̇зваанам̣ва д̇аавад̇им̣саанам̣ баарижчад̇д̇аго говил̣ааро.
‘‘Yasmiṃ , bhikkhave, samaye ariyasāvako vitakkavicārānaṃ vūpasamā…pe… dutiyaṃ jhānaṃ upasampajja viharati, khārakajāto, bhikkhave, ariyasāvako tasmiṃ samaye hoti devānaṃva tāvatiṃsānaṃ pāricchattako koviḷāro.
‘‘яасмим̣, бхигкавз, самаяз арияасааваго бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихарад̇и, гудумалагаж̇аад̇о, бхигкавз, арияасааваго д̇асмим̣ самаяз ход̇и д̣̇зваанам̣ва д̇аавад̇им̣саанам̣ баарижчад̇д̇аго говил̣ааро.
‘‘Yasmiṃ, bhikkhave, samaye ariyasāvako pītiyā ca virāgā…pe… tatiyaṃ jhānaṃ upasampajja viharati, kuṭumalakajāto, bhikkhave, ariyasāvako tasmiṃ samaye hoti devānaṃva tāvatiṃsānaṃ pāricchattako koviḷāro.
‘‘яасмим̣, бхигкавз, самаяз арияасааваго сукасса жа бахаанаа д̣̇угкасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихарад̇и, горагаж̇аад̇о, бхигкавз, арияасааваго д̇асмим̣ самаяз ход̇и д̣̇зваанам̣ва д̇аавад̇им̣саанам̣ баарижчад̇д̇аго говил̣ааро.
‘‘Yasmiṃ, bhikkhave, samaye ariyasāvako sukhassa ca pahānā dukkhassa ca pahānā…pe… catutthaṃ jhānaṃ upasampajja viharati, korakajāto, bhikkhave, ariyasāvako tasmiṃ samaye hoti devānaṃva tāvatiṃsānaṃ pāricchattako koviḷāro.
‘‘яасмим̣, бхигкавз, самаяз арияасааваго аасаваанам̣ каяаа…бз… сажчигад̇ваа убасамбаж̇ж̇а вихарад̇и, саб̣б̣апаалипулло, бхигкавз, арияасааваго д̇асмим̣ самаяз ход̇и д̣̇зваанам̣ва д̇аавад̇им̣саанам̣ баарижчад̇д̇аго говил̣ааро.
‘‘Yasmiṃ, bhikkhave, samaye ariyasāvako āsavānaṃ khayā…pe… sacchikatvā upasampajja viharati, sabbaphāliphullo, bhikkhave, ariyasāvako tasmiṃ samaye hoti devānaṃva tāvatiṃsānaṃ pāricchattako koviḷāro.
‘‘д̇асмим̣, бхигкавз, самаяз бхуммаа д̣̇зваа сад̣̇д̣̇амануссаавзнд̇и – ‘зсо ид̇т̇аннаамо ааяасмаа ид̇т̇аннаамасса ааяасмад̇о сад̣̇д̇хивихаариго амугамхаа г̇аамаа ваа ниг̇амаа ваа аг̇аарасмаа анаг̇аарияам̣ баб̣б̣аж̇ид̇о аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’д̇и. бхуммаанам̣ д̣̇зваанам̣ сад̣̇д̣̇ам̣ суд̇ваа жаад̇умахаарааж̇игаа д̣̇зваа…бз… д̇аавад̇им̣саа д̣̇зваа… яаамаа д̣̇зваа… д̇усид̇аа д̣̇зваа… ниммаанарад̇ий д̣̇зваа… бараниммид̇авасавад̇д̇ий д̣̇зваа… б̣рахмагааяигаа д̣̇зваа сад̣̇д̣̇амануссаавзнд̇и – ‘зсо ид̇т̇аннаамо ааяасмаа ид̇т̇аннаамасса ааяасмад̇о сад̣̇д̇хивихаариго амугамхаа г̇аамаа ваа ниг̇амаа ваа аг̇аарасмаа анаг̇аарияам̣ баб̣б̣аж̇ид̇о аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’д̇и. ид̇иха д̇зна кан̣зна д̇зна мухуд̇д̇зна яаава б̣рахмалогаа сад̣̇д̣̇о 7 аб̣бхуг̇г̇ажчад̇и , аяамаанубхааво кийн̣аасавасса бхигкуно’’д̇и. бан̃жамам̣.
‘‘Tasmiṃ, bhikkhave, samaye bhummā devā saddamanussāventi – ‘eso itthannāmo āyasmā itthannāmassa āyasmato saddhivihāriko amukamhā gāmā vā nigamā vā agārasmā anagāriyaṃ pabbajito āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’ti. Bhummānaṃ devānaṃ saddaṃ sutvā cātumahārājikā devā…pe… tāvatiṃsā devā… yāmā devā… tusitā devā… nimmānaratī devā… paranimmitavasavattī devā… brahmakāyikā devā saddamanussāventi – ‘eso itthannāmo āyasmā itthannāmassa āyasmato saddhivihāriko amukamhā gāmā vā nigamā vā agārasmā anagāriyaṃ pabbajito āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’ti. Itiha tena khaṇena tena muhuttena yāva brahmalokā saddo 8 abbhuggacchati , ayamānubhāvo khīṇāsavassa bhikkhuno’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. баарижчад̇д̇агасуд̇д̇аван̣н̣анаа • 5. Pāricchattakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-6. баарижчад̇д̇агасуд̇д̇аад̣̇иван̣н̣анаа • 5-6. Pāricchattakasuttādivaṇṇanā
