| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. баарижчад̇д̇агасуд̇д̇аван̣н̣анаа
5. Pāricchattakasuttavaṇṇanā
69. бан̃жамз баннабалаасод̇и бад̇ид̇абалаасо. ж̇аалагаж̇аад̇од̇и сан̃ж̇аад̇абад̇д̇абубпаж̇аало. д̇асса хи бад̇д̇аж̇аалан̃жа бубпаж̇аалан̃жа сахзва нигкамад̇и. каарагаж̇аад̇од̇и баадиязггам̣ сан̃ж̇аад̇зна сувибхад̇д̇зна бад̇д̇аж̇аалагзна жа бубпаж̇аалагзна жа саманнааг̇ад̇о. гудумалагаж̇аад̇од̇и сан̃ж̇аад̇амагул̣о. горагаж̇аад̇од̇и авигасид̇зхи махаагужчийхи самбхиннамукзхи бубпзхи саманнааг̇ад̇о. саб̣б̣абаалипуллод̇и саб̣б̣аагаарзна субубпид̇о. д̣̇иб̣б̣з жад̇д̇ааро маасзд̇и д̣̇иб̣б̣зна ааяунаа жад̇д̇ааро маасз. мануссаг̇ан̣анааяа бана д̇аани д̣̇ваад̣̇аса вассасахассаани хонд̇и. барижаарзнд̇ийд̇и ид̇о жид̇о жа инд̣̇рияаани жаарзнд̇и, гийл̣анд̇и раманд̇ийд̇и ад̇т̇о.
69. Pañcame pannapalāsoti patitapalāso. Jālakajātoti sañjātapattapupphajālo. Tassa hi pattajālañca pupphajālañca saheva nikkhamati. Khārakajātoti pāṭiyekkaṃ sañjātena suvibhattena pattajālakena ca pupphajālakena ca samannāgato. Kuṭumalakajātoti sañjātamakuḷo. Korakajātoti avikasitehi mahākucchīhi sambhinnamukhehi pupphehi samannāgato. Sabbapāliphulloti sabbākārena supupphito. Dibbe cattāro māseti dibbena āyunā cattāro māse. Manussagaṇanāya pana tāni dvādasa vassasahassāni honti. Paricārentīti ito cito ca indriyāni cārenti, kīḷanti ramantīti attho.
аабхааяа пудам̣ ход̇ийд̇и д̇ад̇д̇агам̣ таанам̣ обхаасзна пудам̣ ход̇и. д̇зсан̃хи бубпаанам̣ б̣ааласуурияасса вияа аабхаа ход̇и, бад̇д̇аани бан̣н̣ажчад̇д̇аббамаан̣аани, анд̇о махаад̇умб̣амад̇д̇аа рзн̣у ход̇и. бубпид̇з бана баарижчад̇д̇агз аароханагижжам̣ ваа ан̇гусагам̣ г̇ахзд̇ваа наманагижжам̣ ваа бубпаахаран̣ад̇т̇ам̣ жан̇г̇одагагижжам̣ ваа над̇т̇и, ганд̇анагаваад̇о удтахид̇ваа бубпаани ван̣дад̇о ганд̇ад̇и, самбадижчанагаваад̇о самбадижчад̇и, бавзсанагаваад̇о суд̇хаммам̣ д̣̇звасабхам̣ бавзсзд̇и, саммаж̇ж̇анагаваад̇о бураан̣абубпаани нийхарад̇и, сант̇аран̣агаваад̇о бад̇д̇аган̣н̣игагзсараани ран̃ж̇знд̇о сант̇арад̇и. маж̇жхадтаанз д̇хаммаасанам̣ ход̇и яож̇анаббамаан̣о рад̇анабаллан̇го убари д̇ияож̇анзна сзд̇ажчад̇д̇зна д̇хаарияамаанзна, д̇ад̣̇ананд̇арам̣ саггасса д̣̇зваран̃н̃о аасанам̣ ад̇т̇арияад̇и, д̇ад̇о д̇зд̇д̇им̣сааяа д̣̇звабуд̇д̇аанам̣, д̇ад̇о ан̃н̃зсам̣ махзсагкаанам̣ д̣̇зваанам̣, ан̃н̃ад̇арад̣̇звад̇аанам̣ бубпаган̣н̣игаава аасанам̣ ход̇и. д̣̇зваа д̣̇звасабхам̣ бависид̇ваа нисийд̣̇анд̇и. д̇ад̇о бубпзхи рзн̣увадди уг̇г̇анд̇ваа убариган̣н̣игам̣ аахажжа нибад̇амаанаа д̣̇звад̇аанам̣ д̇иг̇аавуд̇аббамаан̣ам̣ ад̇д̇абхаавам̣ лаакаарасабаригаммасаж̇ж̇ид̇ам̣ вияа суван̣н̣ажун̣н̣абин̃ж̇арам̣ вияа гарод̇и. згажжз д̣̇зваа згзгам̣ бубпам̣ г̇ахзд̇ваа ан̃н̃аман̃н̃ам̣ бахаранд̇ааби гийл̣анд̇иязва. бахаран̣агаалзби махаад̇умб̣аббамаан̣аа рзн̣у нигкамид̇ваа сарийрам̣ бабхаасамбаннзхи г̇анд̇хажун̣н̣зхи сан̃ж̇ад̇аманосилаарааг̇ам̣ вияа гарод̇и. звам̣ саа гийл̣аа жад̇уухи маасзхи барияосаанам̣ г̇ажчад̇и. аяамаанубхаавод̇и аяам̣ анупарид̇ум̣ аанубхааво.
Ābhāya phuṭaṃ hotīti tattakaṃ ṭhānaṃ obhāsena phuṭaṃ hoti. Tesañhi pupphānaṃ bālasūriyassa viya ābhā hoti, pattāni paṇṇacchattappamāṇāni, anto mahātumbamattā reṇu hoti. Pupphite pana pāricchattake ārohanakiccaṃ vā aṅkusakaṃ gahetvā namanakiccaṃ vā pupphāharaṇatthaṃ caṅgoṭakakiccaṃ vā natthi, kantanakavāto uṭṭhahitvā pupphāni vaṇṭato kantati, sampaṭicchanakavāto sampaṭicchati, pavesanakavāto sudhammaṃ devasabhaṃ paveseti, sammajjanakavāto purāṇapupphāni nīharati, santharaṇakavāto pattakaṇṇikakesarāni rañjento santharati. Majjhaṭṭhāne dhammāsanaṃ hoti yojanappamāṇo ratanapallaṅko upari tiyojanena setacchattena dhāriyamānena, tadanantaraṃ sakkassa devarañño āsanaṃ atthariyati, tato tettiṃsāya devaputtānaṃ, tato aññesaṃ mahesakkhānaṃ devānaṃ, aññataradevatānaṃ pupphakaṇṇikāva āsanaṃ hoti. Devā devasabhaṃ pavisitvā nisīdanti. Tato pupphehi reṇuvaṭṭi uggantvā uparikaṇṇikaṃ āhacca nipatamānā devatānaṃ tigāvutappamāṇaṃ attabhāvaṃ lākhārasaparikammasajjitaṃ viya suvaṇṇacuṇṇapiñjaraṃ viya karoti. Ekacce devā ekekaṃ pupphaṃ gahetvā aññamaññaṃ paharantāpi kīḷantiyeva. Paharaṇakālepi mahātumbappamāṇā reṇu nikkhamitvā sarīraṃ pabhāsampannehi gandhacuṇṇehi sañjatamanosilārāgaṃ viya karoti. Evaṃ sā kīḷā catūhi māsehi pariyosānaṃ gacchati. Ayamānubhāvoti ayaṃ anupharituṃ ānubhāvo.
ид̣̇аани яасмаа на сад̇т̇аа баарижчад̇д̇агзна ад̇т̇иго, д̇зна бана сад̣̇д̇хим̣ убамзд̇ваа сад̇д̇а арияасаавагз д̣̇ассзд̇угаамо, д̇асмаа д̇з д̣̇ассзд̇ум̣ звамзва код̇иаад̣̇имааха. д̇ад̇т̇а баб̣б̣аж̇ж̇ааяа жзд̇зд̇ийд̇и баб̣б̣аж̇иссаамийд̇и жинд̇зд̇и. д̣̇зваанам̣ваад̇и д̣̇зваанам̣ вияа. яаава б̣рахмалогаа сад̣̇д̣̇о аб̣бхуг̇г̇ажчад̇ийд̇и бат̇авид̇алад̇о яаава б̣рахмалогаа саад̇хугаарасад̣̇д̣̇зна саб̣б̣ам̣ згасад̣̇д̣̇амзва ход̇и. аяамаанубхаавод̇и аяам̣ кийн̣аасавасса бхигкуно анупаран̣аанубхааво. имасмим̣ суд̇д̇з жад̇убаарисуд̣̇д̇хисийлам̣ баб̣б̣аж̇ж̇ааниссид̇ам̣ ход̇и, гасин̣абаригаммам̣ батамаж̇жхаанасанниссид̇ам̣, вибассанааяа сад̣̇д̇хим̣ д̇аяо маг̇г̇аа д̇ийн̣и жа палаани арахад̇д̇амаг̇г̇асанниссид̇аани хонд̇и. д̣̇зсанааяа хздтад̇о ваа убарид̇о ваа убхаяад̇о ваа барижчзд̣̇о ход̇и, ид̇ха бана убхаяад̇о барижчзд̣̇о. д̇знзд̇ам̣ вуд̇д̇ам̣. сан̇кзбад̇о банзд̇т̇а ваддавиваддам̣ гат̇ид̇анд̇и взд̣̇ид̇аб̣б̣ам̣.
Idāni yasmā na satthā pāricchattakena atthiko, tena pana saddhiṃ upametvā satta ariyasāvake dassetukāmo, tasmā te dassetuṃ evameva khotiādimāha. Tattha pabbajjāya cetetīti pabbajissāmīti cinteti. Devānaṃvāti devānaṃ viya. Yāva brahmalokā saddo abbhuggacchatīti pathavitalato yāva brahmalokā sādhukārasaddena sabbaṃ ekasaddameva hoti. Ayamānubhāvoti ayaṃ khīṇāsavassa bhikkhuno anupharaṇānubhāvo. Imasmiṃ sutte catupārisuddhisīlaṃ pabbajjānissitaṃ hoti, kasiṇaparikammaṃ paṭhamajjhānasannissitaṃ, vipassanāya saddhiṃ tayo maggā tīṇi ca phalāni arahattamaggasannissitāni honti. Desanāya heṭṭhato vā uparito vā ubhayato vā paricchedo hoti, idha pana ubhayato paricchedo. Tenetaṃ vuttaṃ. Saṅkhepato panettha vaṭṭavivaṭṭaṃ kathitanti veditabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. баарижчад̇д̇агасуд̇д̇ам̣ • 5. Pāricchattakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-6. баарижчад̇д̇агасуд̇д̇аад̣̇иван̣н̣анаа • 5-6. Pāricchattakasuttādivaṇṇanā
