| Library / Tipiṭaka / д̇ибидага • Tipiṭaka / вимаанавад̇т̇убаал̣и • Vimānavatthupāḷi |
10. баарижчад̇д̇агавимаанавад̇т̇у
10. Pāricchattakavimānavatthu
680.
680.
‘‘баарижчад̇д̇агз говил̣аарз, раман̣ийяз манорамз;
‘‘Pāricchattake koviḷāre, ramaṇīye manorame;
д̣̇иб̣б̣амаалам̣ г̇ант̇амаанаа, г̇ааяанд̇ий самбамод̣̇аси.
Dibbamālaṃ ganthamānā, gāyantī sampamodasi.
681.
681.
‘‘д̇ассаа д̇з нажжамаанааяа, ан̇г̇аман̇г̇зхи саб̣б̣асо;
‘‘Tassā te naccamānāya, aṅgamaṅgehi sabbaso;
д̣̇иб̣б̣аа сад̣̇д̣̇аа нижчаранд̇и, саванийяаа манорамаа.
Dibbā saddā niccharanti, savanīyā manoramā.
682.
682.
‘‘д̇ассаа д̇з нажжамаанааяа, ан̇г̇аман̇г̇зхи саб̣б̣асо;
‘‘Tassā te naccamānāya, aṅgamaṅgehi sabbaso;
д̣̇иб̣б̣аа г̇анд̇хаа бавааяанд̇и, сужиг̇анд̇хаа манорамаа.
Dibbā gandhā pavāyanti, sucigandhā manoramā.
683.
683.
‘‘вивад̇д̇амаанаа гааязна, яаа взн̣ийсу бил̣анд̇ханаа.
‘‘Vivattamānā kāyena, yā veṇīsu piḷandhanā.
д̇зсам̣ суяяад̇и ниг̇гхосо, д̇уурияз бан̃жан̇г̇игз яат̇аа.
Tesaṃ suyyati nigghoso, tūriye pañcaṅgike yathā.
684.
684.
‘‘вадам̣сагаа ваад̇ад̇худ̇аа 1, ваад̇зна самбагамбид̇аа;
‘‘Vaṭaṃsakā vātadhutā 2, vātena sampakampitā;
д̇зсам̣ суяяад̇и ниг̇гхосо, д̇уурияз бан̃жан̇г̇игз яат̇аа.
Tesaṃ suyyati nigghoso, tūriye pañcaṅgike yathā.
685.
685.
‘‘яааби д̇з сирасмим̣ маалаа, сужиг̇анд̇хаа манорамаа;
‘‘Yāpi te sirasmiṃ mālā, sucigandhā manoramā;
ваад̇и г̇анд̇хо д̣̇исаа саб̣б̣аа, ругко ман̃ж̇уусаго яат̇аа.
Vāti gandho disā sabbā, rukkho mañjūsako yathā.
686.
686.
д̣̇звад̇з бужчид̇аажигка, гисса гаммассид̣̇ам̣ пала’’нд̇и.
Devate pucchitācikkha, kissa kammassidaṃ phala’’nti.
687.
687.
‘‘бабхассарам̣ ажжиманд̇ам̣, ван̣н̣аг̇анд̇хзна сам̣яуд̇ам̣;
‘‘Pabhassaraṃ accimantaṃ, vaṇṇagandhena saṃyutaṃ;
асогабубпамаалаахам̣, б̣уд̣̇д̇хасса убанаамаяим̣.
Asokapupphamālāhaṃ, buddhassa upanāmayiṃ.
688.
688.
‘‘д̇аахам̣ гаммам̣ гарид̇ваана, гусалам̣ б̣уд̣̇д̇хаван̣н̣ид̇ам̣;
‘‘Tāhaṃ kammaṃ karitvāna, kusalaṃ buddhavaṇṇitaṃ;
абзд̇асогаа сукид̇аа, самбамод̣̇ааманаамаяаа’’д̇и.
Apetasokā sukhitā, sampamodāmanāmayā’’ti.
баарижчад̇д̇агавимаанам̣ д̣̇асамам̣.
Pāricchattakavimānaṃ dasamaṃ.
баарижчад̇д̇агаваг̇г̇о д̇ад̇ияо нидтид̇о.
Pāricchattakavaggo tatiyo niṭṭhito.
д̇ассуд̣̇д̣̇аанам̣ –
Tassuddānaṃ –
ул̣ааро ужчу баллан̇го, лад̇аа жа г̇уд̇д̇илзна жа;
Uḷāro ucchu pallaṅko, latā ca guttilena ca;
д̣̇ад̣̇д̣̇аллабзсамаллигаа, висаалагки баарижчад̇д̇аго;
Daddallapesamallikā, visālakkhi pāricchattako;
ваг̇г̇о д̇зна бавужжад̇ийд̇и.
Vaggo tena pavuccatīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / вимаанавад̇т̇у-адтагат̇аа • Vimānavatthu-aṭṭhakathā / 10. баарижчад̇д̇агавимаанаван̣н̣анаа • 10. Pāricchattakavimānavaṇṇanā
