| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੩. ਪਰਿਹਾਨਧਮ੍ਮਸੁਤ੍ਤਂ
3. Parihānadhammasuttaṃ
੯੬. ‘‘ਪਰਿਹਾਨਧਮ੍ਮਞ੍ਚ વੋ, ਭਿਕ੍ਖવੇ, ਦੇਸੇਸ੍ਸਾਮਿ ਅਪਰਿਹਾਨਧਮ੍ਮਞ੍ਚ ਛ ਚ ਅਭਿਭਾਯਤਨਾਨਿ। ਤਂ ਸੁਣਾਥ। ਕਥਞ੍ਚ, ਭਿਕ੍ਖવੇ, ਪਰਿਹਾਨਧਮ੍ਮੋ ਹੋਤਿ? ਇਧ, ਭਿਕ੍ਖવੇ, ਭਿਕ੍ਖੁਨੋ ਚਕ੍ਖੁਨਾ ਰੂਪਂ ਦਿਸ੍વਾ ਉਪ੍ਪਜ੍ਜਨ੍ਤਿ ਪਾਪਕਾ ਅਕੁਸਲਾ ਸਰਸਙ੍ਕਪ੍ਪਾ 1 ਸਂਯੋਜਨਿਯਾ। ਤਞ੍ਚੇ ਭਿਕ੍ਖੁ ਅਧਿવਾਸੇਤਿ ਨਪ੍ਪਜਹਤਿ ਨ વਿਨੋਦੇਤਿ ਨ ਬ੍ਯਨ੍ਤੀਕਰੋਤਿ 2 ਨ ਅਨਭਾવਂ ਗਮੇਤਿ, વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ – ‘ਪਰਿਹਾਯਾਮਿ ਕੁਸਲੇਹਿ ਧਮ੍ਮੇਹਿ’। ਪਰਿਹਾਨਞ੍ਹੇਤਂ વੁਤ੍ਤਂ ਭਗવਤਾਤਿ…ਪੇ॰…।
96. ‘‘Parihānadhammañca vo, bhikkhave, desessāmi aparihānadhammañca cha ca abhibhāyatanāni. Taṃ suṇātha. Kathañca, bhikkhave, parihānadhammo hoti? Idha, bhikkhave, bhikkhuno cakkhunā rūpaṃ disvā uppajjanti pāpakā akusalā sarasaṅkappā 3 saṃyojaniyā. Tañce bhikkhu adhivāseti nappajahati na vinodeti na byantīkaroti 4 na anabhāvaṃ gameti, veditabbametaṃ, bhikkhave, bhikkhunā – ‘parihāyāmi kusalehi dhammehi’. Parihānañhetaṃ vuttaṃ bhagavatāti…pe….
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁਨੋ ਜਿવ੍ਹਾਯ ਰਸਂ ਸਾਯਿਤ੍વਾ ਉਪ੍ਪਜ੍ਜਨ੍ਤਿ…ਪੇ॰… ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁਨੋ ਮਨਸਾ ਧਮ੍ਮਂ વਿਞ੍ਞਾਯ ਉਪ੍ਪਜ੍ਜਨ੍ਤਿ ਪਾਪਕਾ ਅਕੁਸਲਾ ਸਰਸਙ੍ਕਪ੍ਪਾ ਸਂਯੋਜਨਿਯਾ। ਤਞ੍ਚੇ ਭਿਕ੍ਖੁ ਅਧਿવਾਸੇਤਿ ਨਪ੍ਪਜਹਤਿ ਨ વਿਨੋਦੇਤਿ ਨ ਬ੍ਯਨ੍ਤੀਕਰੋਤਿ ਨ ਅਨਭਾવਂ ਗਮੇਤਿ, વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ – ‘ਪਰਿਹਾਯਾਮਿ ਕੁਸਲੇਹਿ ਧਮ੍ਮੇਹਿ’। ਪਰਿਹਾਨਞ੍ਹੇਤਂ વੁਤ੍ਤਂ ਭਗવਤਾਤਿ। ਏવਂ ਖੋ, ਭਿਕ੍ਖવੇ, ਪਰਿਹਾਨਧਮ੍ਮੋ ਹੋਤਿ।
‘‘Puna caparaṃ, bhikkhave, bhikkhuno jivhāya rasaṃ sāyitvā uppajjanti…pe… puna caparaṃ, bhikkhave, bhikkhuno manasā dhammaṃ viññāya uppajjanti pāpakā akusalā sarasaṅkappā saṃyojaniyā. Tañce bhikkhu adhivāseti nappajahati na vinodeti na byantīkaroti na anabhāvaṃ gameti, veditabbametaṃ, bhikkhave, bhikkhunā – ‘parihāyāmi kusalehi dhammehi’. Parihānañhetaṃ vuttaṃ bhagavatāti. Evaṃ kho, bhikkhave, parihānadhammo hoti.
‘‘ਕਥਞ੍ਚ, ਭਿਕ੍ਖવੇ, ਅਪਰਿਹਾਨਧਮ੍ਮੋ ਹੋਤਿ? ਇਧ, ਭਿਕ੍ਖવੇ, ਭਿਕ੍ਖੁਨੋ ਚਕ੍ਖੁਨਾ ਰੂਪਂ ਦਿਸ੍વਾ ਉਪ੍ਪਜ੍ਜਨ੍ਤਿ ਪਾਪਕਾ ਅਕੁਸਲਾ ਸਰਸਙ੍ਕਪ੍ਪਾ ਸਂਯੋਜਨਿਯਾ। ਤਞ੍ਚੇ ਭਿਕ੍ਖੁ ਨਾਧਿવਾਸੇਤਿ ਪਜਹਤਿ વਿਨੋਦੇਤਿ ਬ੍ਯਨ੍ਤੀਕਰੋਤਿ ਅਨਭਾવਂ ਗਮੇਤਿ, વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ – ‘ਨ ਪਰਿਹਾਯਾਮਿ ਕੁਸਲੇਹਿ ਧਮ੍ਮੇਹਿ’। ਅਪਰਿਹਾਨਞ੍ਹੇਤਂ વੁਤ੍ਤਂ ਭਗવਤਾਤਿ…ਪੇ॰…।
‘‘Kathañca, bhikkhave, aparihānadhammo hoti? Idha, bhikkhave, bhikkhuno cakkhunā rūpaṃ disvā uppajjanti pāpakā akusalā sarasaṅkappā saṃyojaniyā. Tañce bhikkhu nādhivāseti pajahati vinodeti byantīkaroti anabhāvaṃ gameti, veditabbametaṃ, bhikkhave, bhikkhunā – ‘na parihāyāmi kusalehi dhammehi’. Aparihānañhetaṃ vuttaṃ bhagavatāti…pe….
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁਨੋ ਜਿવ੍ਹਾਯ ਰਸਂ ਸਾਯਿਤ੍વਾ ਉਪ੍ਪਜ੍ਜਨ੍ਤਿ…ਪੇ॰… ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁਨੋ ਮਨਸਾ ਧਮ੍ਮਂ વਿਞ੍ਞਾਯ ਉਪ੍ਪਜ੍ਜਨ੍ਤਿ ਪਾਪਕਾ ਅਕੁਸਲਾ ਸਰਸਙ੍ਕਪ੍ਪਾ ਸਂਯੋਜਨਿਯਾ। ਤਞ੍ਚੇ ਭਿਕ੍ਖੁ ਨਾਧਿવਾਸੇਤਿ ਪਜਹਤਿ વਿਨੋਦੇਤਿ ਬ੍ਯਨ੍ਤੀਕਰੋਤਿ ਅਨਭਾવਂ ਗਮੇਤਿ, વੇਦਿਤਬ੍ਬਮੇਤਂ , ਭਿਕ੍ਖવੇ, ਭਿਕ੍ਖੁਨਾ – ‘ਨ ਪਰਿਹਾਯਾਮਿ ਕੁਸਲੇਹਿ ਧਮ੍ਮੇਹਿ’। ਅਪਰਿਹਾਨਞ੍ਹੇਤਂ વੁਤ੍ਤਂ ਭਗવਤਾਤਿ। ਏવਂ ਖੋ, ਭਿਕ੍ਖવੇ, ਅਪਰਿਹਾਨਧਮ੍ਮੋ ਹੋਤਿ।
‘‘Puna caparaṃ, bhikkhave, bhikkhuno jivhāya rasaṃ sāyitvā uppajjanti…pe… puna caparaṃ, bhikkhave, bhikkhuno manasā dhammaṃ viññāya uppajjanti pāpakā akusalā sarasaṅkappā saṃyojaniyā. Tañce bhikkhu nādhivāseti pajahati vinodeti byantīkaroti anabhāvaṃ gameti, veditabbametaṃ , bhikkhave, bhikkhunā – ‘na parihāyāmi kusalehi dhammehi’. Aparihānañhetaṃ vuttaṃ bhagavatāti. Evaṃ kho, bhikkhave, aparihānadhammo hoti.
‘‘ਕਤਮਾਨਿ ਚ, ਭਿਕ੍ਖવੇ, ਛ ਅਭਿਭਾਯਤਨਾਨਿ? ਇਧ, ਭਿਕ੍ਖવੇ, ਭਿਕ੍ਖੁਨੋ ਚਕ੍ਖੁਨਾ ਰੂਪਂ ਦਿਸ੍વਾ ਨੁਪ੍ਪਜ੍ਜਨ੍ਤਿ ਪਾਪਕਾ ਅਕੁਸਲਾ ਸਰਸਙ੍ਕਪ੍ਪਾ ਸਂਯੋਜਨਿਯਾ। વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ – ‘ਅਭਿਭੂਤਮੇਤਂ ਆਯਤਨਂ’। ਅਭਿਭਾਯਤਨਞ੍ਹੇਤਂ વੁਤ੍ਤਂ ਭਗવਤਾਤਿ…ਪੇ॰… ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁਨੋ ਮਨਸਾ ਧਮ੍ਮਂ વਿਞ੍ਞਾਯ ਨੁਪ੍ਪਜ੍ਜਨ੍ਤਿ ਪਾਪਕਾ ਅਕੁਸਲਾ ਧਮ੍ਮਾ ਸਰਸਙ੍ਕਪ੍ਪਾ ਸਂਯੋਜਨਿਯਾ। વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ – ‘ਅਭਿਭੂਤਮੇਤਂ ਆਯਤਨਂ’। ਅਭਿਭਾਯਤਨਞ੍ਹੇਤਂ વੁਤ੍ਤਂ ਭਗવਤਾਤਿ। ਇਮਾਨਿ વੁਚ੍ਚਨ੍ਤਿ, ਭਿਕ੍ਖવੇ, ਛ ਅਭਿਭਾਯਤਨਾਨੀ’’ਤਿ। ਤਤਿਯਂ।
‘‘Katamāni ca, bhikkhave, cha abhibhāyatanāni? Idha, bhikkhave, bhikkhuno cakkhunā rūpaṃ disvā nuppajjanti pāpakā akusalā sarasaṅkappā saṃyojaniyā. Veditabbametaṃ, bhikkhave, bhikkhunā – ‘abhibhūtametaṃ āyatanaṃ’. Abhibhāyatanañhetaṃ vuttaṃ bhagavatāti…pe… puna caparaṃ, bhikkhave, bhikkhuno manasā dhammaṃ viññāya nuppajjanti pāpakā akusalā dhammā sarasaṅkappā saṃyojaniyā. Veditabbametaṃ, bhikkhave, bhikkhunā – ‘abhibhūtametaṃ āyatanaṃ’. Abhibhāyatanañhetaṃ vuttaṃ bhagavatāti. Imāni vuccanti, bhikkhave, cha abhibhāyatanānī’’ti. Tatiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਪਰਿਹਾਨਧਮ੍ਮਸੁਤ੍ਤવਣ੍ਣਨਾ • 3. Parihānadhammasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਪਰਿਹਾਨਸੁਤ੍ਤવਣ੍ਣਨਾ • 3. Parihānasuttavaṇṇanā
