| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
3. பரிஹானத⁴ம்மஸுத்தவண்ணனா
3. Parihānadhammasuttavaṇṇanā
96. ததியே பரிஹானத⁴ம்மந்தி பரிஹானஸபா⁴வங். அபி⁴பா⁴யதனானீதி அபி⁴ப⁴விதானி ஆயதனானி. ஸரஸங்கப்பாதி எத்த² ஸரந்தீதி ஸரா, தா⁴வந்தீதி அத்தோ². ஸரா ச தே ஸங்கப்பா ச ஸரஸங்கப்பா. ஸங்யோஜனியாதி ப³ந்த⁴னியா ப³ந்த⁴னஸ்ஸ பச்சயபூ⁴தா. தஞ்சே பி⁴க்கூ²தி தங் ஏவங் உப்பன்னங் கிலேஸஜாதங், தங் வா ஆரம்மணங். அதி⁴வாஸேதீதி சித்தே ஆரோபெத்வா வாஸேதி. நப்பஜஹதீதி ச²ந்த³ராக³ப்பஹானேன ந பஜஹதி. ஏவங் ஸப்³ப³பதே³ஹி யோஜேதப்³ப³ங். அபி⁴பா⁴யதனஞ்ஹேதங் வுத்தங் ப⁴க³வதாதி ஏதங் பு³த்³தே⁴ன ப⁴க³வதா அபி⁴ப⁴விதங் ஆயதனந்தி கதி²தங். இத⁴ த⁴ம்மங் புச்சி²த்வா விப⁴ஜந்தேன புக்³க³லேன த⁴ம்மோ த³ஸ்ஸிதோ.
96. Tatiye parihānadhammanti parihānasabhāvaṃ. Abhibhāyatanānīti abhibhavitāni āyatanāni. Sarasaṅkappāti ettha sarantīti sarā, dhāvantīti attho. Sarā ca te saṅkappā ca sarasaṅkappā. Saṃyojaniyāti bandhaniyā bandhanassa paccayabhūtā. Tañce bhikkhūti taṃ evaṃ uppannaṃ kilesajātaṃ, taṃ vā ārammaṇaṃ. Adhivāsetīti citte āropetvā vāseti. Nappajahatīti chandarāgappahānena na pajahati. Evaṃ sabbapadehi yojetabbaṃ. Abhibhāyatanañhetaṃ vuttaṃ bhagavatāti etaṃ buddhena bhagavatā abhibhavitaṃ āyatananti kathitaṃ. Idha dhammaṃ pucchitvā vibhajantena puggalena dhammo dassito.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. பரிஹானத⁴ம்மஸுத்தங் • 3. Parihānadhammasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. பரிஹானஸுத்தவண்ணனா • 3. Parihānasuttavaṇṇanā
