| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৩. পরিহানধম্মসুত্তৰণ্ণনা
3. Parihānadhammasuttavaṇṇanā
৯৬. ততিযে পরিহানধম্মন্তি পরিহানসভাৰং। অভিভাযতনানীতি অভিভৰিতানি আযতনানি। সরসঙ্কপ্পাতি এত্থ সরন্তীতি সরা, ধাৰন্তীতি অত্থো। সরা চ তে সঙ্কপ্পা চ সরসঙ্কপ্পা। সংযোজনিযাতি বন্ধনিযা বন্ধনস্স পচ্চযভূতা। তঞ্চে ভিক্খূতি তং এৰং উপ্পন্নং কিলেসজাতং, তং ৰা আরম্মণং। অধিৰাসেতীতি চিত্তে আরোপেত্ৰা ৰাসেতি। নপ্পজহতীতি ছন্দরাগপ্পহানেন ন পজহতি। এৰং সব্বপদেহি যোজেতব্বং। অভিভাযতনঞ্হেতং ৰুত্তং ভগৰতাতি এতং বুদ্ধেন ভগৰতা অভিভৰিতং আযতনন্তি কথিতং। ইধ ধম্মং পুচ্ছিত্ৰা ৰিভজন্তেন পুগ্গলেন ধম্মো দস্সিতো।
96. Tatiye parihānadhammanti parihānasabhāvaṃ. Abhibhāyatanānīti abhibhavitāni āyatanāni. Sarasaṅkappāti ettha sarantīti sarā, dhāvantīti attho. Sarā ca te saṅkappā ca sarasaṅkappā. Saṃyojaniyāti bandhaniyā bandhanassa paccayabhūtā. Tañce bhikkhūti taṃ evaṃ uppannaṃ kilesajātaṃ, taṃ vā ārammaṇaṃ. Adhivāsetīti citte āropetvā vāseti. Nappajahatīti chandarāgappahānena na pajahati. Evaṃ sabbapadehi yojetabbaṃ. Abhibhāyatanañhetaṃ vuttaṃ bhagavatāti etaṃ buddhena bhagavatā abhibhavitaṃ āyatananti kathitaṃ. Idha dhammaṃ pucchitvā vibhajantena puggalena dhammo dassito.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৩. পরিহানধম্মসুত্তং • 3. Parihānadhammasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. পরিহানসুত্তৰণ্ণনা • 3. Parihānasuttavaṇṇanā
