| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౩. పరిహానధమ్మసుత్తవణ్ణనా
3. Parihānadhammasuttavaṇṇanā
౯౬. తతియే పరిహానధమ్మన్తి పరిహానసభావం. అభిభాయతనానీతి అభిభవితాని ఆయతనాని. సరసఙ్కప్పాతి ఏత్థ సరన్తీతి సరా, ధావన్తీతి అత్థో. సరా చ తే సఙ్కప్పా చ సరసఙ్కప్పా. సంయోజనియాతి బన్ధనియా బన్ధనస్స పచ్చయభూతా. తఞ్చే భిక్ఖూతి తం ఏవం ఉప్పన్నం కిలేసజాతం, తం వా ఆరమ్మణం. అధివాసేతీతి చిత్తే ఆరోపేత్వా వాసేతి. నప్పజహతీతి ఛన్దరాగప్పహానేన న పజహతి. ఏవం సబ్బపదేహి యోజేతబ్బం. అభిభాయతనఞ్హేతం వుత్తం భగవతాతి ఏతం బుద్ధేన భగవతా అభిభవితం ఆయతనన్తి కథితం. ఇధ ధమ్మం పుచ్ఛిత్వా విభజన్తేన పుగ్గలేన ధమ్మో దస్సితో.
96. Tatiye parihānadhammanti parihānasabhāvaṃ. Abhibhāyatanānīti abhibhavitāni āyatanāni. Sarasaṅkappāti ettha sarantīti sarā, dhāvantīti attho. Sarā ca te saṅkappā ca sarasaṅkappā. Saṃyojaniyāti bandhaniyā bandhanassa paccayabhūtā. Tañce bhikkhūti taṃ evaṃ uppannaṃ kilesajātaṃ, taṃ vā ārammaṇaṃ. Adhivāsetīti citte āropetvā vāseti. Nappajahatīti chandarāgappahānena na pajahati. Evaṃ sabbapadehi yojetabbaṃ. Abhibhāyatanañhetaṃ vuttaṃ bhagavatāti etaṃ buddhena bhagavatā abhibhavitaṃ āyatananti kathitaṃ. Idha dhammaṃ pucchitvā vibhajantena puggalena dhammo dassito.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౩. పరిహానధమ్మసుత్తం • 3. Parihānadhammasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౩. పరిహానసుత్తవణ్ణనా • 3. Parihānasuttavaṇṇanā
