| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๓. ปริหานธมฺมสุตฺตวณฺณนา
3. Parihānadhammasuttavaṇṇanā
๙๖. ตติเย ปริหานธมฺมนฺติ ปริหานสภาวํฯ อภิภายตนานีติ อภิภวิตานิ อายตนานิฯ สรสงฺกปฺปาติ เอตฺถ สรนฺตีติ สรา, ธาวนฺตีติ อโตฺถฯ สรา จ เต สงฺกปฺปา จ สรสงฺกปฺปาฯ สํโยชนิยาติ พนฺธนิยา พนฺธนสฺส ปจฺจยภูตาฯ ตเญฺจ ภิกฺขูติ ตํ เอวํ อุปฺปนฺนํ กิเลสชาตํ, ตํ วา อารมฺมณํฯ อธิวาเสตีติ จิเตฺต อาโรเปตฺวา วาเสติฯ นปฺปชหตีติ ฉนฺทราคปฺปหาเนน น ปชหติฯ เอวํ สพฺพปเทหิ โยเชตพฺพํฯ อภิภายตนเญฺหตํ วุตฺตํ ภควตาติ เอตํ พุเทฺธน ภควตา อภิภวิตํ อายตนนฺติ กถิตํฯ อิธ ธมฺมํ ปุจฺฉิตฺวา วิภชเนฺตน ปุคฺคเลน ธโมฺม ทสฺสิโตฯ
96. Tatiye parihānadhammanti parihānasabhāvaṃ. Abhibhāyatanānīti abhibhavitāni āyatanāni. Sarasaṅkappāti ettha sarantīti sarā, dhāvantīti attho. Sarā ca te saṅkappā ca sarasaṅkappā. Saṃyojaniyāti bandhaniyā bandhanassa paccayabhūtā. Tañce bhikkhūti taṃ evaṃ uppannaṃ kilesajātaṃ, taṃ vā ārammaṇaṃ. Adhivāsetīti citte āropetvā vāseti. Nappajahatīti chandarāgappahānena na pajahati. Evaṃ sabbapadehi yojetabbaṃ. Abhibhāyatanañhetaṃ vuttaṃ bhagavatāti etaṃ buddhena bhagavatā abhibhavitaṃ āyatananti kathitaṃ. Idha dhammaṃ pucchitvā vibhajantena puggalena dhammo dassito.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๓. ปริหานธมฺมสุตฺตํ • 3. Parihānadhammasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๓. ปริหานสุตฺตวณฺณนา • 3. Parihānasuttavaṇṇanā
