| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၃. ပရိဟာနဓမ္မသုတ္တဝဏ္ဏနာ
3. Parihānadhammasuttavaṇṇanā
၉၆. တတိယေ ပရိဟာနဓမ္မန္တိ ပရိဟာနသဘာဝံ။ အဘိဘာယတနာနီတိ အဘိဘဝိတာနိ အာယတနာနိ။ သရသင္ကပ္ပာတိ ဧတ္ထ သရန္တီတိ သရာ, ဓာဝန္တီတိ အတ္ထော။ သရာ စ တေ သင္ကပ္ပာ စ သရသင္ကပ္ပာ။ သံယောဇနိယာတိ ဗန္ဓနိယာ ဗန္ဓနသ္သ ပစ္စယဘူတာ။ တဉ္စေ ဘိက္ခူတိ တံ ဧဝံ ဥပ္ပန္နံ ကိလေသဇာတံ, တံ ဝာ အာရမ္မဏံ။ အဓိဝာသေတီတိ စိတ္တေ အာရောပေတ္ဝာ ဝာသေတိ။ နပ္ပဇဟတီတိ ဆန္ဒရာဂပ္ပဟာနေန န ပဇဟတိ။ ဧဝံ သဗ္ဗပဒေဟိ ယောဇေတဗ္ဗံ။ အဘိဘာယတနဉ္ဟေတံ ဝုတ္တံ ဘဂဝတာတိ ဧတံ ဗုဒ္ဓေန ဘဂဝတာ အဘိဘဝိတံ အာယတနန္တိ ကထိတံ။ ဣဓ ဓမ္မံ ပုစ္ဆိတ္ဝာ ဝိဘဇန္တေန ပုဂ္ဂလေန ဓမ္မော ဒသ္သိတော။
96. Tatiye parihānadhammanti parihānasabhāvaṃ. Abhibhāyatanānīti abhibhavitāni āyatanāni. Sarasaṅkappāti ettha sarantīti sarā, dhāvantīti attho. Sarā ca te saṅkappā ca sarasaṅkappā. Saṃyojaniyāti bandhaniyā bandhanassa paccayabhūtā. Tañce bhikkhūti taṃ evaṃ uppannaṃ kilesajātaṃ, taṃ vā ārammaṇaṃ. Adhivāsetīti citte āropetvā vāseti. Nappajahatīti chandarāgappahānena na pajahati. Evaṃ sabbapadehi yojetabbaṃ. Abhibhāyatanañhetaṃ vuttaṃ bhagavatāti etaṃ buddhena bhagavatā abhibhavitaṃ āyatananti kathitaṃ. Idha dhammaṃ pucchitvā vibhajantena puggalena dhammo dassito.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. ပရိဟာနဓမ္မသုတ္တံ • 3. Parihānadhammasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၃. ပရိဟာနသုတ္တဝဏ္ဏနာ • 3. Parihānasuttavaṇṇanā
