| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
3. පරිහානධම්‌මසුත්‌තවණ්‌ණනා
3. Parihānadhammasuttavaṇṇanā
96. තතියෙ පරිහානධම්‌මන්‌ති පරිහානසභාවං. අභිභායතනානීති අභිභවිතානි ආයතනානි. සරසඞ්‌කප්‌පාති එත්‌ථ සරන්‌තීති සරා, ධාවන්‌තීති අත්‌ථො. සරා ච තෙ සඞ්‌කප්‌පා ච සරසඞ්‌කප්‌පා. සංයොජනියාති බන්‌ධනියා බන්‌ධනස්‌ස පච්‌චයභූතා. තඤ්‌චෙ භික්‌ඛූති තං එවං උප්‌පන්‌නං කිලෙසජාතං, තං වා ආරම්‌මණං. අධිවාසෙතීති චිත්‌තෙ ආරොපෙත්‌වා වාසෙති. නප්‌පජහතීති ඡන්‌දරාගප්‌පහානෙන න පජහති. එවං සබ්‌බපදෙහි යොජෙතබ්‌බං. අභිභායතනඤ්‌හෙතං වුත්‌තං භගවතාති එතං බුද්‌ධෙන භගවතා අභිභවිතං ආයතනන්‌ති කථිතං. ඉධ ධම්‌මං පුච්‌ඡිත්‌වා විභජන්‌තෙන පුග්‌ගලෙන ධම්‌මො දස්‌සිතො.
96. Tatiye parihānadhammanti parihānasabhāvaṃ. Abhibhāyatanānīti abhibhavitāni āyatanāni. Sarasaṅkappāti ettha sarantīti sarā, dhāvantīti attho. Sarā ca te saṅkappā ca sarasaṅkappā. Saṃyojaniyāti bandhaniyā bandhanassa paccayabhūtā. Tañce bhikkhūti taṃ evaṃ uppannaṃ kilesajātaṃ, taṃ vā ārammaṇaṃ. Adhivāsetīti citte āropetvā vāseti. Nappajahatīti chandarāgappahānena na pajahati. Evaṃ sabbapadehi yojetabbaṃ. Abhibhāyatanañhetaṃ vuttaṃ bhagavatāti etaṃ buddhena bhagavatā abhibhavitaṃ āyatananti kathitaṃ. Idha dhammaṃ pucchitvā vibhajantena puggalena dhammo dassito.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 3. පරිහානධම්‌මසුත්‌තං • 3. Parihānadhammasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3. පරිහානසුත්‌තවණ්‌ණනා • 3. Parihānasuttavaṇṇanā
