| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༣. པརིཧཱནདྷམྨསུཏྟཝཎྞནཱ
3. Parihānadhammasuttavaṇṇanā
༩༦. ཏཏིཡེ པརིཧཱནདྷམྨནྟི པརིཧཱནསབྷཱཝཾ། ཨབྷིབྷཱཡཏནཱནཱིཏི ཨབྷིབྷཝིཏཱནི ཨཱཡཏནཱནི། སརསངྐཔྤཱཏི ཨེཏྠ སརནྟཱིཏི སརཱ, དྷཱཝནྟཱིཏི ཨཏྠོ། སརཱ ཙ ཏེ སངྐཔྤཱ ཙ སརསངྐཔྤཱ། སཾཡོཛནིཡཱཏི བནྡྷནིཡཱ བནྡྷནསྶ པཙྩཡབྷཱུཏཱ། ཏཉྩེ བྷིཀྑཱུཏི ཏཾ ཨེཝཾ ཨུཔྤནྣཾ ཀིལེསཛཱཏཾ, ཏཾ ཝཱ ཨཱརམྨཎཾ། ཨདྷིཝཱསེཏཱིཏི ཙིཏྟེ ཨཱརོཔེཏྭཱ ཝཱསེཏི། ནཔྤཛཧཏཱིཏི ཚནྡརཱགཔྤཧཱནེན ན པཛཧཏི། ཨེཝཾ སབྦཔདེཧི ཡོཛེཏབྦཾ། ཨབྷིབྷཱཡཏནཉྷེཏཾ ཝུཏྟཾ བྷགཝཏཱཏི ཨེཏཾ བུདྡྷེན བྷགཝཏཱ ཨབྷིབྷཝིཏཾ ཨཱཡཏནནྟི ཀཐིཏཾ། ཨིདྷ དྷམྨཾ པུཙྪིཏྭཱ ཝིབྷཛནྟེན པུགྒལེན དྷམྨོ དསྶིཏོ།
96. Tatiye parihānadhammanti parihānasabhāvaṃ. Abhibhāyatanānīti abhibhavitāni āyatanāni. Sarasaṅkappāti ettha sarantīti sarā, dhāvantīti attho. Sarā ca te saṅkappā ca sarasaṅkappā. Saṃyojaniyāti bandhaniyā bandhanassa paccayabhūtā. Tañce bhikkhūti taṃ evaṃ uppannaṃ kilesajātaṃ, taṃ vā ārammaṇaṃ. Adhivāsetīti citte āropetvā vāseti. Nappajahatīti chandarāgappahānena na pajahati. Evaṃ sabbapadehi yojetabbaṃ. Abhibhāyatanañhetaṃ vuttaṃ bhagavatāti etaṃ buddhena bhagavatā abhibhavitaṃ āyatananti kathitaṃ. Idha dhammaṃ pucchitvā vibhajantena puggalena dhammo dassito.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༣. པརིཧཱནདྷམྨསུཏྟཾ • 3. Parihānadhammasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. པརིཧཱནསུཏྟཝཎྞནཱ • 3. Parihānasuttavaṇṇanā
