| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
১০. পরিহানসুত্তং
10. Parihānasuttaṃ
৭৯. ৰুত্তঞ্হেতং ভগৰতা, ৰুত্তমরহতাতি মে সুতং –
79. Vuttañhetaṃ bhagavatā, vuttamarahatāti me sutaṃ –
‘‘তযোমে, ভিক্খৰে, ধম্মা সেখস্স ভিক্খুনো পরিহানায সংৰত্তন্তি। কতমে তযো? ইধ, ভিক্খৰে, সেখো ভিক্খু কম্মারামো হোতি, কম্মরতো, কম্মারামতমনুযুত্তো; ভস্সারামো হোতি, ভস্সরতো, ভস্সারামতমনুযুত্তো; নিদ্দারামো হোতি, নিদ্দারতো, নিদ্দারামতমনুযুত্তো। ইমে খো, ভিক্খৰে, তযো ধম্মা সেখস্স ভিক্খুনো পরিহানায সংৰত্তন্তি।
‘‘Tayome, bhikkhave, dhammā sekhassa bhikkhuno parihānāya saṃvattanti. Katame tayo? Idha, bhikkhave, sekho bhikkhu kammārāmo hoti, kammarato, kammārāmatamanuyutto; bhassārāmo hoti, bhassarato, bhassārāmatamanuyutto; niddārāmo hoti, niddārato, niddārāmatamanuyutto. Ime kho, bhikkhave, tayo dhammā sekhassa bhikkhuno parihānāya saṃvattanti.
‘‘তযোমে, ভিক্খৰে, ধম্মা সেখস্স ভিক্খুনো অপরিহানায সংৰত্তন্তি। কতমে তযো? ইধ, ভিক্খৰে, সেখো ভিক্খু ন কম্মারামো হোতি, ন কম্মরতো, ন কম্মারামতমনুযুত্তো; ন ভস্সারামো হোতি, ন ভস্সরতো, ন ভস্সারামতমনুযুত্তো; ন নিদ্দারামো হোতি, ন নিদ্দারতো , ন নিদ্দারামতমনুযুত্তো। ইমে খো, ভিক্খৰে, তযো ধম্মা সেখস্স ভিক্খুনো অপরিহানায সংৰত্তন্তী’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Tayome, bhikkhave, dhammā sekhassa bhikkhuno aparihānāya saṃvattanti. Katame tayo? Idha, bhikkhave, sekho bhikkhu na kammārāmo hoti, na kammarato, na kammārāmatamanuyutto; na bhassārāmo hoti, na bhassarato, na bhassārāmatamanuyutto; na niddārāmo hoti, na niddārato , na niddārāmatamanuyutto. Ime kho, bhikkhave, tayo dhammā sekhassa bhikkhuno aparihānāya saṃvattantī’’ti. Etamatthaṃ bhagavā avoca. Tatthetaṃ iti vuccati –
অভব্বো তাদিসো ভিক্খু, ফুট্ঠুং সম্বোধিমুত্তমং॥
Abhabbo tādiso bhikkhu, phuṭṭhuṃ sambodhimuttamaṃ.
‘‘তস্মা হি অপ্পকিচ্চস্স, অপ্পমিদ্ধো অনুদ্ধতো।
‘‘Tasmā hi appakiccassa, appamiddho anuddhato;
ভব্বো সো তাদিসো ভিক্খু, ফুট্ঠুং সম্বোধিমুত্তম’’ন্তি॥
Bhabbo so tādiso bhikkhu, phuṭṭhuṃ sambodhimuttama’’nti.
অযম্পি অত্থো ৰুত্তো ভগৰতা, ইতি মে সুতন্তি। দসমং।
Ayampi attho vutto bhagavatā, iti me sutanti. Dasamaṃ.
ততিযো ৰগ্গো নিট্ঠিতো।
Tatiyo vaggo niṭṭhito.
তস্সুদ্দানং –
Tassuddānaṃ –
দ্ৰে দিট্ঠী নিস্সরণং রূপং, পুত্তো অৰুট্ঠিকেন চ।
Dve diṭṭhī nissaraṇaṃ rūpaṃ, putto avuṭṭhikena ca;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ১০. পরিহানসুত্তৰণ্ণনা • 10. Parihānasuttavaṇṇanā
