| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. барихаанасуд̇д̇ам̣
3. Parihānasuttaṃ
389. згам̣ самаяам̣ ааяасмаа жа аананд̣̇о ааяасмаа жа бхад̣̇д̣̇о баадалибуд̇д̇з вихаранд̇и гуггудаараамз. ат̇а ко ааяасмаа бхад̣̇д̣̇о сааяанхасамаяам̣ бадисаллаанаа вудтид̇о язнааяасмаа аананд̣̇о д̇знубасан̇гами; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа бхад̣̇д̣̇о ааяасманд̇ам̣ аананд̣̇ам̣ зд̇ад̣̇авожа – ‘‘го ну ко, аавусо аананд̣̇а, хзд̇у, го бажжаяо язна сад̣̇д̇хаммабарихаанам̣ ход̇и? го ну ко, аавусо аананд̣̇а, хзд̇у, го бажжаяо язна сад̣̇д̇хаммаабарихаанам̣ ход̇ий’’д̇и?
389. Ekaṃ samayaṃ āyasmā ca ānando āyasmā ca bhaddo pāṭaliputte viharanti kukkuṭārāme. Atha kho āyasmā bhaddo sāyanhasamayaṃ paṭisallānā vuṭṭhito yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā bhaddo āyasmantaṃ ānandaṃ etadavoca – ‘‘ko nu kho, āvuso ānanda, hetu, ko paccayo yena saddhammaparihānaṃ hoti? Ko nu kho, āvuso ānanda, hetu, ko paccayo yena saddhammaaparihānaṃ hotī’’ti?
‘‘саад̇ху саад̇ху, аавусо бхад̣̇д̣̇а! бхад̣̇д̣̇аго ко д̇з, аавусо бхад̣̇д̣̇а, умман̇г̇о, бхад̣̇д̣̇агам̣ бадибхаанам̣, галяаан̣ий барибужчаа. зван̃хи д̇вам̣, аавусо бхад̣̇д̣̇а, бужчаси – ‘го ну ко, аавусо аананд̣̇а, хзд̇у, го бажжаяо язна сад̣̇д̇хаммабарихаанам̣ ход̇и? го банаавусо аананд̣̇а, хзд̇у, го бажжаяо язна сад̣̇д̇хаммаабарихаанам̣ ход̇ий’’’д̇и? ‘‘звамаавусо’’д̇и. ‘‘жад̇уннам̣ ко, аавусо , сад̇ибадтаанаанам̣ абхаавид̇ад̇д̇аа аб̣ахулийгад̇ад̇д̇аа сад̣̇д̇хаммабарихаанам̣ ход̇и. жад̇уннан̃жа ко, аавусо, сад̇ибадтаанаанам̣ бхаавид̇ад̇д̇аа б̣ахулийгад̇ад̇д̇аа сад̣̇д̇хаммаабарихаанам̣ ход̇и’’.
‘‘Sādhu sādhu, āvuso bhadda! Bhaddako kho te, āvuso bhadda, ummaṅgo, bhaddakaṃ paṭibhānaṃ, kalyāṇī paripucchā. Evañhi tvaṃ, āvuso bhadda, pucchasi – ‘ko nu kho, āvuso ānanda, hetu, ko paccayo yena saddhammaparihānaṃ hoti? Ko panāvuso ānanda, hetu, ko paccayo yena saddhammaaparihānaṃ hotī’’’ti? ‘‘Evamāvuso’’ti. ‘‘Catunnaṃ kho, āvuso , satipaṭṭhānānaṃ abhāvitattā abahulīkatattā saddhammaparihānaṃ hoti. Catunnañca kho, āvuso, satipaṭṭhānānaṃ bhāvitattā bahulīkatattā saddhammaaparihānaṃ hoti’’.
‘‘гад̇амзсам̣ жад̇уннам̣? ид̇хаавусо, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. имзсам̣ ко, аавусо, жад̇уннам̣ сад̇ибадтаанаанам̣ абхаавид̇ад̇д̇аа аб̣ахулийгад̇ад̇д̇аа сад̣̇д̇хаммабарихаанам̣ ход̇и. имзсан̃жа ко, аавусо, жад̇уннам̣ сад̇ибадтаанаанам̣ бхаавид̇ад̇д̇аа б̣ахулийгад̇ад̇д̇аа сад̣̇д̇хаммаабарихаанам̣ ход̇ий’’д̇и. д̇ад̇ияам̣.
‘‘Katamesaṃ catunnaṃ? Idhāvuso, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Imesaṃ kho, āvuso, catunnaṃ satipaṭṭhānānaṃ abhāvitattā abahulīkatattā saddhammaparihānaṃ hoti. Imesañca kho, āvuso, catunnaṃ satipaṭṭhānānaṃ bhāvitattā bahulīkatattā saddhammaaparihānaṃ hotī’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-5. барихаанасуд̇д̇аад̣̇иван̣н̣анаа • 3-5. Parihānasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-5. барихаанасуд̇д̇аад̣̇иван̣н̣анаа • 3-5. Parihānasuttādivaṇṇanā
