| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๑๐. ปริหานสุตฺตํ
10. Parihānasuttaṃ
๗๙. วุตฺตเญฺหตํ ภควตา, วุตฺตมรหตาติ เม สุตํ –
79. Vuttañhetaṃ bhagavatā, vuttamarahatāti me sutaṃ –
‘‘ตโยเม, ภิกฺขเว, ธมฺมา เสขสฺส ภิกฺขุโน ปริหานาย สํวตฺตนฺติฯ กตเม ตโย? อิธ, ภิกฺขเว, เสโข ภิกฺขุ กมฺมาราโม โหติ, กมฺมรโต, กมฺมารามตมนุยุโตฺต; ภสฺสาราโม โหติ, ภสฺสรโต, ภสฺสารามตมนุยุโตฺต; นิทฺทาราโม โหติ, นิทฺทารโต, นิทฺทารามตมนุยุโตฺตฯ อิเม โข, ภิกฺขเว, ตโย ธมฺมา เสขสฺส ภิกฺขุโน ปริหานาย สํวตฺตนฺติฯ
‘‘Tayome, bhikkhave, dhammā sekhassa bhikkhuno parihānāya saṃvattanti. Katame tayo? Idha, bhikkhave, sekho bhikkhu kammārāmo hoti, kammarato, kammārāmatamanuyutto; bhassārāmo hoti, bhassarato, bhassārāmatamanuyutto; niddārāmo hoti, niddārato, niddārāmatamanuyutto. Ime kho, bhikkhave, tayo dhammā sekhassa bhikkhuno parihānāya saṃvattanti.
‘‘ตโยเม, ภิกฺขเว, ธมฺมา เสขสฺส ภิกฺขุโน อปริหานาย สํวตฺตนฺติฯ กตเม ตโย? อิธ, ภิกฺขเว, เสโข ภิกฺขุ น กมฺมาราโม โหติ, น กมฺมรโต, น กมฺมารามตมนุยุโตฺต; น ภสฺสาราโม โหติ, น ภสฺสรโต, น ภสฺสารามตมนุยุโตฺต; น นิทฺทาราโม โหติ, น นิทฺทารโต , น นิทฺทารามตมนุยุโตฺตฯ อิเม โข, ภิกฺขเว, ตโย ธมฺมา เสขสฺส ภิกฺขุโน อปริหานาย สํวตฺตนฺตี’’ติฯ เอตมตฺถํ ภควา อโวจฯ ตเตฺถตํ อิติ วุจฺจติ –
‘‘Tayome, bhikkhave, dhammā sekhassa bhikkhuno aparihānāya saṃvattanti. Katame tayo? Idha, bhikkhave, sekho bhikkhu na kammārāmo hoti, na kammarato, na kammārāmatamanuyutto; na bhassārāmo hoti, na bhassarato, na bhassārāmatamanuyutto; na niddārāmo hoti, na niddārato , na niddārāmatamanuyutto. Ime kho, bhikkhave, tayo dhammā sekhassa bhikkhuno aparihānāya saṃvattantī’’ti. Etamatthaṃ bhagavā avoca. Tatthetaṃ iti vuccati –
อภโพฺพ ตาทิโส ภิกฺขุ, ผุฎฺฐุํ สโมฺพธิมุตฺตมํฯ
Abhabbo tādiso bhikkhu, phuṭṭhuṃ sambodhimuttamaṃ.
‘‘ตสฺมา หิ อปฺปกิจฺจสฺส, อปฺปมิโทฺธ อนุทฺธโต;
‘‘Tasmā hi appakiccassa, appamiddho anuddhato;
ภโพฺพ โส ตาทิโส ภิกฺขุ, ผุฎฺฐุํ สโมฺพธิมุตฺตม’’นฺติฯ
Bhabbo so tādiso bhikkhu, phuṭṭhuṃ sambodhimuttama’’nti.
อยมฺปิ อโตฺถ วุโตฺต ภควตา, อิติ เม สุตนฺติฯ ทสมํฯ
Ayampi attho vutto bhagavatā, iti me sutanti. Dasamaṃ.
ตติโย วโคฺค นิฎฺฐิโตฯ
Tatiyo vaggo niṭṭhito.
ตสฺสุทฺทานํ –
Tassuddānaṃ –
เทฺว ทิฎฺฐี นิสฺสรณํ รูปํ, ปุโตฺต อวุฎฺฐิเกน จ;
Dve diṭṭhī nissaraṇaṃ rūpaṃ, putto avuṭṭhikena ca;
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๑๐. ปริหานสุตฺตวณฺณนา • 10. Parihānasuttavaṇṇanā
