| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
10. барихаанасуд̇д̇аван̣н̣анаа
10. Parihānasuttavaṇṇanā
79. д̣̇асамз барихаанааяа сам̣вад̇д̇анд̇ийд̇и авуд̣̇д̇хияаа бхаванд̇и, маг̇г̇аад̇хиг̇амасса барибант̇ааяа хонд̇и. ад̇хиг̇ад̇асса бана маг̇г̇асса барихаани наама над̇т̇и. ‘‘д̇аяо д̇хаммаа’’д̇и д̇хаммаад̇хидтаанавасзна уд̣̇д̣̇идтад̇хаммз буг̇г̇алаад̇хидтаанааяа д̣̇зсанааяа вибхаж̇анд̇о ‘‘ид̇ха, бхигкавз, сзко бхигкуу’’д̇иаад̣̇имааха.
79. Dasame parihānāya saṃvattantīti avuddhiyā bhavanti, maggādhigamassa paripanthāya honti. Adhigatassa pana maggassa parihāni nāma natthi. ‘‘Tayo dhammā’’ti dhammādhiṭṭhānavasena uddiṭṭhadhamme puggalādhiṭṭhānāya desanāya vibhajanto ‘‘idha, bhikkhave, sekho bhikkhū’’tiādimāha.
д̇ад̇т̇а гаммам̣ аарамид̇аб̣б̣ад̇о аараамо зд̇ассаад̇и гаммаараамо. гаммз рад̇од̇и гаммарад̇о. гаммаараамад̇ам̣ гаммаабхирад̇им̣ ануяуд̇д̇о баяуд̇д̇од̇и гаммаараамад̇амануяуд̇д̇о. д̇ад̇т̇а гаммам̣ наама ид̇игад̇д̇аб̣б̣ам̣ гаммам̣, сзяяат̇ид̣̇ам̣ – жийваравижааран̣ам̣, жийварагаран̣ам̣, убад̇т̇амбханам̣, бад̇д̇ад̇т̇авигам̣, ам̣саб̣анд̇ханам̣, гааяаб̣анд̇ханам̣, д̇хамагаран̣ам̣, аад̇хаарагам̣, баад̣̇агат̇алигам̣, саммаж̇ж̇анийд̇и звамаад̣̇ийнам̣ убагаран̣аанам̣ гаран̣ам̣, яан̃жа вихаарз кан̣д̣апуллаад̣̇ибадисан̇каран̣ам̣ . згажжо хи зд̇аани гаронд̇о сагалад̣̇ивасам̣ зд̇аанзва гарод̇и. д̇ам̣ санд̇хааязд̇ам̣ вуд̇д̇ам̣. яо бана зд̇зсам̣ гаран̣авзлааяамзва зд̇аани гарод̇и, уд̣̇д̣̇зсавзлааяам̣ уд̣̇д̣̇зсам̣ г̇ан̣хаад̇и, саж̇жхааяавзлааяам̣ саж̇жхааяад̇и, жзд̇ияан̇г̇ан̣авад̇д̇аад̣̇игаран̣авзлааяам̣ жзд̇ияан̇г̇ан̣авад̇д̇аад̣̇ийни гарод̇и, манасигааравзлааяам̣ манасигаарам̣ гарод̇и саб̣б̣ад̇т̇агагаммадтаанз ваа баарихаарияагаммадтаанз ваа, на со гаммаараамо наама. д̇асса д̇ам̣ –
Tattha kammaṃ āramitabbato ārāmo etassāti kammārāmo. Kamme ratoti kammarato. Kammārāmataṃ kammābhiratiṃ anuyutto payuttoti kammārāmatamanuyutto. Tattha kammaṃ nāma itikattabbaṃ kammaṃ, seyyathidaṃ – cīvaravicāraṇaṃ, cīvarakaraṇaṃ, upatthambhanaṃ, pattatthavikaṃ, aṃsabandhanaṃ, kāyabandhanaṃ, dhamakaraṇaṃ, ādhārakaṃ, pādakathalikaṃ, sammajjanīti evamādīnaṃ upakaraṇānaṃ karaṇaṃ, yañca vihāre khaṇḍaphullādipaṭisaṅkharaṇaṃ . Ekacco hi etāni karonto sakaladivasaṃ etāneva karoti. Taṃ sandhāyetaṃ vuttaṃ. Yo pana etesaṃ karaṇavelāyameva etāni karoti, uddesavelāyaṃ uddesaṃ gaṇhāti, sajjhāyavelāyaṃ sajjhāyati, cetiyaṅgaṇavattādikaraṇavelāyaṃ cetiyaṅgaṇavattādīni karoti, manasikāravelāyaṃ manasikāraṃ karoti sabbatthakakammaṭṭhāne vā pārihāriyakammaṭṭhāne vā, na so kammārāmo nāma. Tassa taṃ –
‘‘яаани ко бана д̇аани саб̣рахмажаарийнам̣ ужжааважаани гим̣гаран̣ийяаани, д̇ад̇т̇а д̣̇агко ход̇и аналасо, д̇ад̇рубааяааяа виймам̣сааяа саманнааг̇ад̇о, алам̣ гаад̇ум̣ алам̣ сам̣вид̇хаад̇у’’нд̇и (д̣̇ий. ни. 3.345; а. ни. 10.18) –
‘‘Yāni kho pana tāni sabrahmacārīnaṃ uccāvacāni kiṃkaraṇīyāni, tattha dakkho hoti analaso, tatrupāyāya vīmaṃsāya samannāgato, alaṃ kātuṃ alaṃ saṃvidhātu’’nti (dī. ni. 3.345; a. ni. 10.18) –
аад̣̇инаа сад̇т̇аараа анун̃н̃аад̇агаран̣амзва ход̇и.
Ādinā satthārā anuññātakaraṇameva hoti.
бхассаараамод̇и яо бхаг̇авад̇аа бадигкид̇д̇арааж̇агат̇аад̣̇ивасзна рад̇д̇инд̣̇ивам̣ вийд̇инаамзд̇и, аяам̣ бхассз барияанд̇агаарий на ход̇ийд̇и бхассаараамо наама. яо бана рад̇д̇имби д̣̇ивааби д̇хаммам̣ гат̇зд̇и, бан̃хам̣ виссаж̇ж̇зд̇и, аяам̣ аббабхассо бхассз барияанд̇агаарийязва. гасмаа? ‘‘саннибад̇ид̇аанам̣ во, бхигкавз, д̣̇ваяам̣ гаран̣ийяам̣ – д̇хаммий ваа гат̇аа, арияо ваа д̇ун̣хийбхааво’’д̇и (ма. ни. 1.273) вуд̇д̇авид̇хим̣язва бадибаннод̇и.
Bhassārāmoti yo bhagavatā paṭikkhittarājakathādivasena rattindivaṃ vītināmeti, ayaṃ bhasse pariyantakārī na hotīti bhassārāmo nāma. Yo pana rattimpi divāpi dhammaṃ katheti, pañhaṃ vissajjeti, ayaṃ appabhasso bhasse pariyantakārīyeva. Kasmā? ‘‘Sannipatitānaṃ vo, bhikkhave, dvayaṃ karaṇīyaṃ – dhammī vā kathā, ariyo vā tuṇhībhāvo’’ti (ma. ni. 1.273) vuttavidhiṃyeva paṭipannoti.
нид̣̇д̣̇аараамод̇и яо яаавад̣̇ад̇т̇ам̣ уд̣̇араавад̣̇зхагам̣ бхун̃ж̇ид̇ваа сзяяасукам̣, бассасукам̣, мид̣̇д̇хасукам̣ ануяун̃ж̇ад̇и, яо жа г̇ажчанд̇оби нисинноби тид̇оби т̇инамид̣̇д̇хаабхибхууд̇о нид̣̇д̣̇ааяад̇и, аяам̣ нид̣̇д̣̇аараамо наама. яасса бана гараж̇агааяаг̇злан̃н̃зна жид̇д̇ам̣ бхаван̇г̇ам̣ од̇арад̇и, нааяам̣ нид̣̇д̣̇аараамо, д̇знзвааха –
Niddārāmoti yo yāvadatthaṃ udarāvadehakaṃ bhuñjitvā seyyasukhaṃ, passasukhaṃ, middhasukhaṃ anuyuñjati, yo ca gacchantopi nisinnopi ṭhitopi thinamiddhābhibhūto niddāyati, ayaṃ niddārāmo nāma. Yassa pana karajakāyagelaññena cittaṃ bhavaṅgaṃ otarati, nāyaṃ niddārāmo, tenevāha –
‘‘абхиж̇аанаами ко банаахам̣, аг̇г̇ивзссана, г̇имхаанам̣ бажчимз маасз бажчаабхад̇д̇ам̣ бин̣д̣абаад̇аббадигганд̇о жад̇уг̇г̇ун̣ам̣ сан̇гхаадим̣ бан̃н̃аабзд̇ваа д̣̇агкин̣зна бассзна сад̇о самбаж̇аано нид̣̇д̣̇ам̣ оггамид̇аа’’д̇и (ма. ни. 1.387).
‘‘Abhijānāmi kho panāhaṃ, aggivessana, gimhānaṃ pacchime māse pacchābhattaṃ piṇḍapātappaṭikkanto catugguṇaṃ saṅghāṭiṃ paññāpetvā dakkhiṇena passena sato sampajāno niddaṃ okkamitā’’ti (ma. ni. 1.387).
зд̇т̇а жа бут̇уж̇ж̇анагаляаан̣агоби сзкод̇взва взд̣̇ид̇аб̣б̣о. д̇асмаа д̇асса саб̣б̣ассаби висзсаад̇хиг̇амасса ид̇арзсам̣ убари висзсаад̇хиг̇амасса жа барихаанааяа вад̇д̇анд̇ийд̇и взд̣̇ид̇аб̣б̣ам̣. суггабагкасса вуд̇д̇авибарияааязна ад̇т̇авибхааванаа взд̣̇ид̇аб̣б̣аа.
Ettha ca puthujjanakalyāṇakopi sekhotveva veditabbo. Tasmā tassa sabbassapi visesādhigamassa itaresaṃ upari visesādhigamassa ca parihānāya vattantīti veditabbaṃ. Sukkapakkhassa vuttavipariyāyena atthavibhāvanā veditabbā.
г̇аат̇аасу уд̣̇д̇хад̇од̇и жид̇д̇авигкзбагарзна уд̣̇д̇хажжзна уд̣̇д̇хад̇о авуубасанд̇о. аббагижжассаад̇и анун̃н̃аад̇ассаби вуд̇д̇аббагаарасса гижжасса яуд̇д̇аббаяуд̇д̇агаалзязва гаран̣ад̇о аббагижжо асса бхавзяяа. аббамид̣̇д̇ход̇и ‘‘д̣̇ивасам̣ жан̇гамзна нисаж̇ж̇ааяаа’’д̇иаад̣̇инаа вуд̇д̇аж̇ааг̇арияаануяог̇зна нид̣̇д̣̇аарахид̇о асса. ануд̣̇д̇хад̇од̇и бхассаараамад̇ааяа уббаж̇ж̇анагажид̇д̇авигкзбасса абхассаараамо худ̇ваа бариваж̇ж̇анзна на уд̣̇д̇хад̇о вуубасанд̇ажид̇д̇о, самаахид̇од̇и ад̇т̇о. сзсам̣ буб̣б̣з вуд̇д̇анаяад̇д̇аа сувин̃н̃зяяамзва. ид̇и имасмим̣ ваг̇г̇з батамад̣̇уд̇ияабан̃жамачадтасад̇д̇амаадтаманавамзсу суд̇д̇зсу ваддам̣ гат̇ид̇ам̣, ид̇арзсу ваддавиваддам̣.
Gāthāsu uddhatoti cittavikkhepakarena uddhaccena uddhato avūpasanto. Appakiccassāti anuññātassapi vuttappakārassa kiccassa yuttappayuttakāleyeva karaṇato appakicco assa bhaveyya. Appamiddhoti ‘‘divasaṃ caṅkamena nisajjāyā’’tiādinā vuttajāgariyānuyogena niddārahito assa. Anuddhatoti bhassārāmatāya uppajjanakacittavikkhepassa abhassārāmo hutvā parivajjanena na uddhato vūpasantacitto, samāhitoti attho. Sesaṃ pubbe vuttanayattā suviññeyyameva. Iti imasmiṃ vagge paṭhamadutiyapañcamachaṭṭhasattamaaṭṭhamanavamesu suttesu vaṭṭaṃ kathitaṃ, itaresu vaṭṭavivaṭṭaṃ.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
д̇ад̇ияаваг̇г̇аван̣н̣анаа нидтид̇аа.
Tatiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 10. барихаанасуд̇д̇ам̣ • 10. Parihānasuttaṃ
