| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๓. ปริหานสุตฺตวณฺณนา
3. Parihānasuttavaṇṇanā
๙๖. ปริหานสภาวนฺติ อนวชฺชธเมฺมหิ ปริหายนสภาวํฯ อภิภวิตานีติ อภิภูตานิ นิพฺพิเสวนภาวากาเรนฯ สรสงฺกปฺปาติ ตสฺมิํ ตสฺมิํ วิสเย อนวฎฺฐิตภาเวน สงฺกปฺปาฯ สํโยชนิยาติ สํโยเชตพฺพาฯ สํโยชนานญฺหิ ปุนปฺปุนํ อุปฺปตฺติยา โอกาสํ เทโนฺต กิเลสชาตํ อธิวาเสติ นามฯ กิเลโส เอว กิเลสชาตํฯ อารมฺมณํ ปน จิเตฺต กโรโนฺต อธิวาเสติ นามฯ ฉนฺทราคปฺปหาเนน น ปชหติ อารมฺมณํ, กิเลสํ ปน อนุปฺปตฺติธมฺมตาปาทเนน เอวฯ อภิภวิตํ อายตนนฺติ กถิตํ อธิวาสนาทินาฯ ‘‘กถญฺจ, ภิกฺขเว, ปริหานธโมฺม โหตี’’ติ ธมฺมํ ปุจฺฉิตฺวา ตํ วิภชเนฺตน ภควตา ‘‘ตเญฺจ ภิกฺขุ อธิวาเสตี’’ติอาทินา ปุคฺคเลน ปุคฺคลาธิฎฺฐาเนน ธโมฺม ทสฺสิโตฯ
96.Parihānasabhāvanti anavajjadhammehi parihāyanasabhāvaṃ. Abhibhavitānīti abhibhūtāni nibbisevanabhāvākārena. Sarasaṅkappāti tasmiṃ tasmiṃ visaye anavaṭṭhitabhāvena saṅkappā. Saṃyojaniyāti saṃyojetabbā. Saṃyojanānañhi punappunaṃ uppattiyā okāsaṃ dento kilesajātaṃ adhivāseti nāma. Kileso eva kilesajātaṃ. Ārammaṇaṃ pana citte karonto adhivāseti nāma. Chandarāgappahānena na pajahati ārammaṇaṃ, kilesaṃ pana anuppattidhammatāpādanena eva. Abhibhavitaṃ āyatananti kathitaṃ adhivāsanādinā. ‘‘Kathañca, bhikkhave, parihānadhammo hotī’’ti dhammaṃ pucchitvā taṃ vibhajantena bhagavatā ‘‘tañce bhikkhu adhivāsetī’’tiādinā puggalena puggalādhiṭṭhānena dhammo dassito.
ปริหานสุตฺตวณฺณนา นิฎฺฐิตาฯ
Parihānasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๓. ปริหานธมฺมสุตฺตํ • 3. Parihānadhammasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๓. ปริหานธมฺมสุตฺตวณฺณนา • 3. Parihānadhammasuttavaṇṇanā
