| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
২. পরিহানিকথা
2. Parihānikathā
১. ৰাদযুত্তিপরিহানি
1. Vādayuttiparihāni
২৩৯. পরিহাযতি অরহা অরহত্তাতি? আমন্তা। সব্বত্থ অরহা অরহত্তা পরিহাযতীতি? ন হেৰং ৰত্তব্বে…পে॰… সব্বত্থ অরহা অরহত্তা পরিহাযতীতি? আমন্তা। সব্বত্থ অরহতো পরিহানীতি? ন হেৰং ৰত্তব্বে…পে॰…।
239. Parihāyati arahā arahattāti? Āmantā. Sabbattha arahā arahattā parihāyatīti? Na hevaṃ vattabbe…pe… sabbattha arahā arahattā parihāyatīti? Āmantā. Sabbattha arahato parihānīti? Na hevaṃ vattabbe…pe….
পরিহাযতি অরহা অরহত্তাতি? আমন্তা । সব্বদা অরহা অরহত্তা পরিহাযতীতি? ন হেৰং ৰত্তব্বে…পে॰… সব্বদা অরহা অরহত্তা পরিহাযতীতি? আমন্তা। সব্বদা অরহতো পরিহানীতি? ন হেৰং ৰত্তব্বে…পে॰…।
Parihāyati arahā arahattāti? Āmantā . Sabbadā arahā arahattā parihāyatīti? Na hevaṃ vattabbe…pe… sabbadā arahā arahattā parihāyatīti? Āmantā. Sabbadā arahato parihānīti? Na hevaṃ vattabbe…pe….
পরিহাযতি অরহা অরহত্তাতি? আমন্তা। সব্বেৰ অরহন্তো অরহত্তা পরিহাযন্তীতি? ন হেৰং ৰত্তব্বে…পে॰… সব্বেৰ অরহন্তো অরহত্তা পরিহাযন্তীতি? আমন্তা। সব্বেসংযেৰ অরহন্তানং পরিহানীতি? ন হেৰং ৰত্তব্বে…পে॰…।
Parihāyati arahā arahattāti? Āmantā. Sabbeva arahanto arahattā parihāyantīti? Na hevaṃ vattabbe…pe… sabbeva arahanto arahattā parihāyantīti? Āmantā. Sabbesaṃyeva arahantānaṃ parihānīti? Na hevaṃ vattabbe…pe….
পরিহাযতি অরহা অরহত্তাতি? আমন্তা। অরহা অরহত্তা পরিহাযমানো চতূহি ফলেহি পরিহাযতীতি? ন হেৰং ৰত্তব্বে…পে॰…।
Parihāyati arahā arahattāti? Āmantā. Arahā arahattā parihāyamāno catūhi phalehi parihāyatīti? Na hevaṃ vattabbe…pe….
চতূহি সতসহস্সেহি সেট্ঠী সেট্ঠিত্তং কারেন্তো সতসহস্সে পরিহীনে সেট্ঠিত্তা পরিহীনো হোতীতি? আমন্তা। সব্বসাপতেয্যা পরিহীনো হোতীতি? ন হেৰং ৰত্তব্বে…পে॰…।
Catūhi satasahassehi seṭṭhī seṭṭhittaṃ kārento satasahasse parihīne seṭṭhittā parihīno hotīti? Āmantā. Sabbasāpateyyā parihīno hotīti? Na hevaṃ vattabbe…pe….
চতূহি সতসহস্সেহি সেট্ঠী সেট্ঠিত্তং কারেন্তো সতসহস্সে পরিহীনে ভব্বো সব্বসাপতেয্যা পরিহাযিতুন্তি? আমন্তা। অরহা অরহত্তা পরিহাযমানো ভব্বো চতূহি ফলেহি পরিহাযিতুন্তি? ন হেৰং ৰত্তব্বে…পে॰…।
Catūhi satasahassehi seṭṭhī seṭṭhittaṃ kārento satasahasse parihīne bhabbo sabbasāpateyyā parihāyitunti? Āmantā. Arahā arahattā parihāyamāno bhabbo catūhi phalehi parihāyitunti? Na hevaṃ vattabbe…pe….
২. অরিযপুগ্গলসংসন্দনপরিহানি
2. Ariyapuggalasaṃsandanaparihāni
২৪০. পরিহাযতি অরহা অরহত্তাতি? আমন্তা। পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
240. Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe….
পরিহাযতি অরহা অরহত্তাতি? আমন্তা। পরিহাযতি সকদাগামী সকদাগামিফলাতি? ন হেৰং ৰত্তব্বে…পে॰…।
Parihāyati arahā arahattāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe….
পরিহাযতি অরহা অরহত্তাতি? আমন্তা। পরিহাযতি অনাগামী অনাগামিফলাতি? ন হেৰং ৰত্তব্বে…পে॰…।
Parihāyati arahā arahattāti? Āmantā. Parihāyati anāgāmī anāgāmiphalāti? Na hevaṃ vattabbe…pe….
পরিহাযতি অনাগামী অনাগামিফলাতি? আমন্তা। পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
Parihāyati anāgāmī anāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe….
পরিহাযতি অনাগামী অনাগামিফলাতি? আমন্তা। পরিহাযতি সকদাগামী সকদাগামিফলাতি? ন হেৰং ৰত্তব্বে…পে॰…।
Parihāyati anāgāmī anāgāmiphalāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe….
পরিহাযতি সকদাগামী সকদাগামিফলাতি? আমন্তা। পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
Parihāyati sakadāgāmī sakadāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe….
ন পরিহাযতি সোতাপন্নো সোতাপত্তিফলাতি? আমন্তা। ন পরিহাযতি অরহা অরহত্তাতি? ন হেৰং ৰত্তব্বে…পে॰…।
Na parihāyati sotāpanno sotāpattiphalāti? Āmantā. Na parihāyati arahā arahattāti? Na hevaṃ vattabbe…pe….
ন পরিহাযতি সকদাগামী সকদাগামিফলাতি? আমন্তা। ন পরিহাযতি অরহা অরহত্তাতি? ন হেৰং ৰত্তব্বে…পে॰…।
Na parihāyati sakadāgāmī sakadāgāmiphalāti? Āmantā. Na parihāyati arahā arahattāti? Na hevaṃ vattabbe…pe….
ন পরিহাযতি অনাগামী অনাগামিফলাতি? আমন্তা। ন পরিহাযতি অরহা অরহত্তাতি? ন হেৰং ৰত্তব্বে…পে॰…।
Na parihāyati anāgāmī anāgāmiphalāti? Āmantā. Na parihāyati arahā arahattāti? Na hevaṃ vattabbe…pe….
ন পরিহাযতি সোতাপন্নো সোতাপত্তিফলাতি? আমন্তা। ন পরিহাযতি অনাগামী অনাগামিফলাতি? ন হেৰং ৰত্তব্বে…পে॰…।
Na parihāyati sotāpanno sotāpattiphalāti? Āmantā. Na parihāyati anāgāmī anāgāmiphalāti? Na hevaṃ vattabbe…pe….
ন পরিহাযতি সকদাগামী সকদাগামিফলাতি? আমন্তা । ন পরিহাযতি অনাগামী অনাগামিফলাতি? ন হেৰং ৰত্তব্বে…পে॰…।
Na parihāyati sakadāgāmī sakadāgāmiphalāti? Āmantā . Na parihāyati anāgāmī anāgāmiphalāti? Na hevaṃ vattabbe…pe….
ন পরিহাযতি সোতাপন্নো সোতাপত্তিফলাতি? আমন্তা। ন পরিহাযতি সকদাগামী সকদাগামিফলাতি? ন হেৰং ৰত্তব্বে…পে॰…।
Na parihāyati sotāpanno sotāpattiphalāti? Āmantā. Na parihāyati sakadāgāmī sakadāgāmiphalāti? Na hevaṃ vattabbe…pe….
২৪১. পরিহাযতি অরহা অরহত্তাতি? আমন্তা। অরহা অরহত্তা পরিহাযমানো কত্থ সণ্ঠাতীতি? অনাগামিফলেতি। অনাগামী অনাগামিফলা পরিহাযমানো কত্থ সণ্ঠাতীতি? সকদাগামিফলেতি। সকদাগামী সকদাগামিফলা পরিহাযমানো কত্থ সণ্ঠাতীতি? সোতাপত্তিফলেতি। সোতাপন্নো সোতাপত্তিফলা পরিহাযমানো পুথুজ্জনভূমিযং সণ্ঠাতীতি? ন হেৰং ৰত্তব্বে।
241. Parihāyati arahā arahattāti? Āmantā. Arahā arahattā parihāyamāno kattha saṇṭhātīti? Anāgāmiphaleti. Anāgāmī anāgāmiphalā parihāyamāno kattha saṇṭhātīti? Sakadāgāmiphaleti. Sakadāgāmī sakadāgāmiphalā parihāyamāno kattha saṇṭhātīti? Sotāpattiphaleti. Sotāpanno sotāpattiphalā parihāyamāno puthujjanabhūmiyaṃ saṇṭhātīti? Na hevaṃ vattabbe.
আজানাহি নিগ্গহং। হঞ্চি অরহা অরহত্তা পরিহাযমানো অনাগামিফলে সণ্ঠাতি, অনাগামী অনাগামিফলা পরিহাযমানো সকদাগামিফলে সণ্ঠাতি, সকদাগামী সকদাগামিফলা পরিহাযমানো সোতাপত্তিফলে সণ্ঠাতি; তেন ৰত রে ৰত্তব্বে – ‘‘সোতাপন্নো সোতাপত্তিফলা পরিহাযমানো পুথুজ্জনভূমিযং সণ্ঠাতী’’তি।
Ājānāhi niggahaṃ. Hañci arahā arahattā parihāyamāno anāgāmiphale saṇṭhāti, anāgāmī anāgāmiphalā parihāyamāno sakadāgāmiphale saṇṭhāti, sakadāgāmī sakadāgāmiphalā parihāyamāno sotāpattiphale saṇṭhāti; tena vata re vattabbe – ‘‘sotāpanno sotāpattiphalā parihāyamāno puthujjanabhūmiyaṃ saṇṭhātī’’ti.
অরহা অরহত্তা পরিহাযমানো সোতাপত্তিফলে সণ্ঠাতীতি? আমন্তা। সোতাপত্তিফলস্স অনন্তরা অরহত্তংযেৰ সচ্ছিকরোতীতি? ন হেৰং ৰত্তব্বে…পে॰…।
Arahā arahattā parihāyamāno sotāpattiphale saṇṭhātīti? Āmantā. Sotāpattiphalassa anantarā arahattaṃyeva sacchikarotīti? Na hevaṃ vattabbe…pe….
২৪২. পরিহাযতি অরহা অরহত্তাতি? আমন্তা। পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰… কস্স বহুতরা কিলেসা পহীনা অরহতো ৰা সোতাপন্নস্স ৰাতি? অরহতো। হঞ্চি অরহতো বহুতরা কিলেসা পহীনা, পরিহাযতি অরহা অরহত্তা; তেন ৰত রে ৰত্তব্বে – ‘‘পরিহাযতি সোতাপন্নো সোতাপত্তিফলা’’তি।
242. Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa bahutarā kilesā pahīnā arahato vā sotāpannassa vāti? Arahato. Hañci arahato bahutarā kilesā pahīnā, parihāyati arahā arahattā; tena vata re vattabbe – ‘‘parihāyati sotāpanno sotāpattiphalā’’ti.
পরিহাযতি অরহা অরহত্তাতি? আমন্তা। পরিহাযতি সকদাগামী সকদাগামিফলাতি? ন হেৰং ৰত্তব্বে…পে॰… কস্স বহুতরা কিলেসা পহীনা অরহতো ৰা সকদাগামিস্স ৰাতি? অরহতো। হঞ্চি অরহতো বহুতরা কিলেসা পহীনা, পরিহাযতি অরহা অরহত্তা; তেন ৰত রে ৰত্তব্বে – ‘‘পরিহাযতি সকদাগামী সকদাগামিফলা’’তি।
Parihāyati arahā arahattāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa bahutarā kilesā pahīnā arahato vā sakadāgāmissa vāti? Arahato. Hañci arahato bahutarā kilesā pahīnā, parihāyati arahā arahattā; tena vata re vattabbe – ‘‘parihāyati sakadāgāmī sakadāgāmiphalā’’ti.
পরিহাযতি অরহা অরহত্তাতি? আমন্তা। পরিহাযতি অনাগামী অনাগামিফলাতি? ন হেৰং ৰত্তব্বে…পে॰… কস্স বহুতরা কিলেসা পহীনা অরহতো ৰা অনাগামিস্স ৰাতি? অরহতো। হঞ্চি অরহতো বহুতরা কিলেসা পহীনা, পরিহাযতি অরহা অরহত্তা; তেন ৰত রে ৰত্তব্বে – ‘‘পরিহাযতি অনাগামী অনাগামিফলা’’তি।
Parihāyati arahā arahattāti? Āmantā. Parihāyati anāgāmī anāgāmiphalāti? Na hevaṃ vattabbe…pe… kassa bahutarā kilesā pahīnā arahato vā anāgāmissa vāti? Arahato. Hañci arahato bahutarā kilesā pahīnā, parihāyati arahā arahattā; tena vata re vattabbe – ‘‘parihāyati anāgāmī anāgāmiphalā’’ti.
পরিহাযতি অনাগামী অনাগামিফলাতি? আমন্তা। পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰… কস্স বহুতরা কিলেসা পহীনা অনাগামিস্স ৰা সোতাপন্নস্স ৰাতি? অনাগামিস্স। হঞ্চি অনাগামিস্স বহুতরা কিলেসা পহীনা, পরিহাযতি অনাগামী অনাগামিফলা; তেন ৰত রে ৰত্তব্বে – ‘‘পরিহাযতি সোতাপন্নো সোতাপত্তিফলা’’তি।
Parihāyati anāgāmī anāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa bahutarā kilesā pahīnā anāgāmissa vā sotāpannassa vāti? Anāgāmissa. Hañci anāgāmissa bahutarā kilesā pahīnā, parihāyati anāgāmī anāgāmiphalā; tena vata re vattabbe – ‘‘parihāyati sotāpanno sotāpattiphalā’’ti.
২৪৩. পরিহাযতি অনাগামী অনাগামিফলাতি? আমন্তা। পরিহাযতি সকদাগামী সকদাগামিফলাতি? ন হেৰং ৰত্তব্বে…পে॰… কস্স বহুতরা কিলেসা পহীনা অনাগামিস্স ৰা সকদাগামিস্স ৰাতি? অনাগামিস্স। হঞ্চি অনাগামিস্স বহুতরা কিলেসা পহীনা, পরিহাযতি অনাগামী অনাগামিফলা; তেন ৰত রে ৰত্তব্বে – ‘‘পরিহাযতি সকদাগামী সকদাগামিফলা’’তি।
243. Parihāyati anāgāmī anāgāmiphalāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa bahutarā kilesā pahīnā anāgāmissa vā sakadāgāmissa vāti? Anāgāmissa. Hañci anāgāmissa bahutarā kilesā pahīnā, parihāyati anāgāmī anāgāmiphalā; tena vata re vattabbe – ‘‘parihāyati sakadāgāmī sakadāgāmiphalā’’ti.
পরিহাযতি সকদাগামী সকদাগামিফলাতি? আমন্তা। পরিহাযতি সোতাপন্নো সোতাপত্তিফলাতি ? ন হেৰং ৰত্তব্বে…পে॰… কস্স বহুতরা কিলেসা পহীনা সকদাগামিস্স ৰা সোতাপন্নস্স ৰাতি? সকদাগামিস্স। হঞ্চি সকদাগামিস্স বহুতরা কিলেসা পহীনা, পরিহাযতি সকদাগামী সকদাগামিফলা; তেন ৰত রে ৰত্তব্বে – ‘‘পরিহাযতি সোতাপন্নো সোতাপত্তিফলা’’তি।
Parihāyati sakadāgāmī sakadāgāmiphalāti? Āmantā. Parihāyati sotāpanno sotāpattiphalāti ? Na hevaṃ vattabbe…pe… kassa bahutarā kilesā pahīnā sakadāgāmissa vā sotāpannassa vāti? Sakadāgāmissa. Hañci sakadāgāmissa bahutarā kilesā pahīnā, parihāyati sakadāgāmī sakadāgāmiphalā; tena vata re vattabbe – ‘‘parihāyati sotāpanno sotāpattiphalā’’ti.
২৪৪. পরিহাযতি অরহা অরহত্তাতি? আমন্তা। পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰… কস্স অধিমত্তা মগ্গভাৰনা অরহতো ৰা সোতাপন্নস্স ৰাতি? অরহতো। হঞ্চি অরহতো অধিমত্তা মগ্গভাৰনা, পরিহাযতি অরহা অরহত্তা; তেন ৰত রে ৰত্তব্বে – ‘‘পরিহাযতি সোতাপন্নো সোতাপত্তিফলা’’তি।
244. Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā maggabhāvanā arahato vā sotāpannassa vāti? Arahato. Hañci arahato adhimattā maggabhāvanā, parihāyati arahā arahattā; tena vata re vattabbe – ‘‘parihāyati sotāpanno sotāpattiphalā’’ti.
পরিহাযতি অরহা অরহত্তাতি? আমন্তা। পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰… কস্স অধিমত্তা সতিপট্ঠানভাৰনা…পে॰… সম্মপ্পধানভাৰনা… ইদ্ধিপাদভাৰনা… ইন্দ্রিযভাৰনা … বলভাৰনা… বোজ্ঝঙ্গভাৰনা অরহতো ৰা সোতাপন্নস্স ৰাতি? অরহতো। হঞ্চি অরহতো অধিমত্তা বোজ্ঝঙ্গভাৰনা, পরিহাযতি অরহা অরহত্তা; তেন ৰত রে ৰত্তব্বে – ‘‘পরিহাযতি সোতাপন্নো সোতাপত্তিফলা’’তি।
Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā satipaṭṭhānabhāvanā…pe… sammappadhānabhāvanā… iddhipādabhāvanā… indriyabhāvanā … balabhāvanā… bojjhaṅgabhāvanā arahato vā sotāpannassa vāti? Arahato. Hañci arahato adhimattā bojjhaṅgabhāvanā, parihāyati arahā arahattā; tena vata re vattabbe – ‘‘parihāyati sotāpanno sotāpattiphalā’’ti.
পরিহাযতি অরহা অরহত্তাতি? আমন্তা। পরিহাযতি সকদাগামী সকদাগামিফলাতি? ন হেৰং ৰত্তব্বে…পে॰… কস্স অধিমত্তা মগ্গভাৰনা…পে॰… বোজ্ঝঙ্গভাৰনা অরহতো ৰা সকদাগামিস্স ৰাতি? অরহতো। হঞ্চি অরহতো অধিমত্তা বোজ্ঝঙ্গভাৰনা, পরিহাযতি অরহা অরহত্তা; তেন ৰত রে ৰত্তব্বে – ‘‘পরিহাযতি সকদাগামী সকদাগামিফলা’’তি।
Parihāyati arahā arahattāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā arahato vā sakadāgāmissa vāti? Arahato. Hañci arahato adhimattā bojjhaṅgabhāvanā, parihāyati arahā arahattā; tena vata re vattabbe – ‘‘parihāyati sakadāgāmī sakadāgāmiphalā’’ti.
পরিহাযতি অরহা অরহত্তাতি? আমন্তা। পরিহাযতি অনাগামী অনাগামিফলাতি? ন হেৰং ৰত্তব্বে…পে॰… কস্স অধিমত্তা মগ্গভাৰনা…পে॰… বোজ্ঝঙ্গভাৰনা অরহতো ৰা অনাগামিস্স ৰাতি? অরহতো। হঞ্চি অরহতো অধিমত্তা বোজ্ঝঙ্গভাৰনা, পরিহাযতি অরহা অরহত্তা; তেন ৰত রে ৰত্তব্বে – ‘‘পরিহাযতি অনাগামী অনাগামিফলা’’তি।
Parihāyati arahā arahattāti? Āmantā. Parihāyati anāgāmī anāgāmiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā arahato vā anāgāmissa vāti? Arahato. Hañci arahato adhimattā bojjhaṅgabhāvanā, parihāyati arahā arahattā; tena vata re vattabbe – ‘‘parihāyati anāgāmī anāgāmiphalā’’ti.
২৪৫. পরিহাযতি অনাগামী অনাগামিফলাতি? আমন্তা। পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰… কস্স অধিমত্তা মগ্গভাৰনা…পে॰… বোজ্ঝঙ্গভাৰনা অনাগামিস্স ৰা সোতাপন্নস্স ৰাতি? অনাগামিস্স। হঞ্চি অনাগামিস্স অধিমত্তা বোজ্ঝঙ্গভাৰনা, পরিহাযতি অনাগামী অনাগামিফলা; তেন ৰত রে ৰত্তব্বে – ‘‘পরিহাযতি সোতাপন্নো সোতাপত্তিফলা’’তি।
245. Parihāyati anāgāmī anāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā anāgāmissa vā sotāpannassa vāti? Anāgāmissa. Hañci anāgāmissa adhimattā bojjhaṅgabhāvanā, parihāyati anāgāmī anāgāmiphalā; tena vata re vattabbe – ‘‘parihāyati sotāpanno sotāpattiphalā’’ti.
পরিহাযতি অনাগামী অনাগামিফলাতি? আমন্তা। পরিহাযতি সকদাগামী সকদাগামিফলাতি? ন হেৰং ৰত্তব্বে…পে॰… কস্স অধিমত্তা মগ্গভাৰনা…পে॰… বোজ্ঝঙ্গভাৰনা অনাগামিস্স ৰা সকদাগামিস্স ৰাতি? অনাগামিস্স। হঞ্চি অনাগামিস্স অধিমত্তা বোজ্ঝঙ্গভাৰনা, পরিহাযতি অনাগামী অনাগামিফলা; তেন ৰত রে ৰত্তব্বে – ‘‘পরিহাযতি সকদাগামী সকদাগামিফলা’’তি।
Parihāyati anāgāmī anāgāmiphalāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā anāgāmissa vā sakadāgāmissa vāti? Anāgāmissa. Hañci anāgāmissa adhimattā bojjhaṅgabhāvanā, parihāyati anāgāmī anāgāmiphalā; tena vata re vattabbe – ‘‘parihāyati sakadāgāmī sakadāgāmiphalā’’ti.
২৪৬. পরিহাযতি সকদাগামী সকদাগামিফলাতি? আমন্তা। পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰… কস্স অধিমত্তা মগ্গভাৰনা…পে॰… বোজ্ঝঙ্গভাৰনা সকদাগামিস্স ৰা সোতাপন্নস্স ৰাতি? সকদাগামিস্স। হঞ্চি সকদাগামিস্স অধিমত্তা বোজ্ঝঙ্গভাৰনা, পরিহাযতি সকদাগামী সকদাগামিফলা; তেন ৰত রে ৰত্তব্বে – ‘‘পরিহাযতি সোতাপন্নো সোতাপত্তিফলা’’তি…পে॰…।
246. Parihāyati sakadāgāmī sakadāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā sakadāgāmissa vā sotāpannassa vāti? Sakadāgāmissa. Hañci sakadāgāmissa adhimattā bojjhaṅgabhāvanā, parihāyati sakadāgāmī sakadāgāmiphalā; tena vata re vattabbe – ‘‘parihāyati sotāpanno sotāpattiphalā’’ti…pe….
২৪৭. অরহতা দুক্খং দিট্ঠং, পরিহাযতি অরহা অরহত্তাতি? আমন্তা। সোতাপন্নেন দুক্খং দিট্ঠং, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
247. Arahatā dukkhaṃ diṭṭhaṃ, parihāyati arahā arahattāti? Āmantā. Sotāpannena dukkhaṃ diṭṭhaṃ, parihāyati sotāpanno sotāpattiphalāti? Na hevaṃ vattabbe…pe….
অরহতা সমুদযো দিট্ঠো, পরিহাযতি অরহা অরহত্তাতি ? আমন্তা। সোতাপন্নেন সমুদযো দিট্ঠো, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
Arahatā samudayo diṭṭho, parihāyati arahā arahattāti ? Āmantā. Sotāpannena samudayo diṭṭho, parihāyati sotāpanno sotāpattiphalāti? Na hevaṃ vattabbe…pe….
অরহতা নিরোধো দিট্ঠো, পরিহাযতি অরহা অরহত্তাতি? আমন্তা। সোতাপন্নেন নিরোধো দিট্ঠো, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
Arahatā nirodho diṭṭho, parihāyati arahā arahattāti? Āmantā. Sotāpannena nirodho diṭṭho, parihāyati sotāpanno sotāpattiphalāti? Na hevaṃ vattabbe…pe….
অরহতা মগ্গো দিট্ঠো, পরিহাযতি অরহা অরহত্তাতি? আমন্তা। সোতাপন্নেন মগ্গো দিট্ঠো, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
Arahatā maggo diṭṭho, parihāyati arahā arahattāti? Āmantā. Sotāpannena maggo diṭṭho, parihāyati sotāpanno sotāpattiphalāti? Na hevaṃ vattabbe…pe….
অরহতা চত্তারি সচ্চানি দিট্ঠানি, পরিহাযতি অরহা অরহত্তাতি? আমন্তা। সোতাপন্নেন চত্তারি সচ্চানি দিট্ঠানি, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
Arahatā cattāri saccāni diṭṭhāni, parihāyati arahā arahattāti? Āmantā. Sotāpannena cattāri saccāni diṭṭhāni, parihāyati sotāpanno sotāpattiphalāti? Na hevaṃ vattabbe…pe….
অরহতা দুক্খং দিট্ঠং, পরিহাযতি অরহা অরহত্তাতি? আমন্তা। সকদাগামিনা দুক্খং দিট্ঠং, পরিহাযতি সকদাগামী সকদাগামিফলাতি? ন হেৰং ৰত্তব্বে…পে॰…।
Arahatā dukkhaṃ diṭṭhaṃ, parihāyati arahā arahattāti? Āmantā. Sakadāgāminā dukkhaṃ diṭṭhaṃ, parihāyati sakadāgāmī sakadāgāmiphalāti? Na hevaṃ vattabbe…pe….
অরহতা সমুদযো দিট্ঠো…পে॰… নিরোধো দিট্ঠো…পে॰… মগ্গো দিট্ঠো…পে॰… চত্তারি সচ্চানি দিট্ঠানি, পরিহাযতি অরহা অরহত্তাতি? আমন্তা। সকদাগামিনা চত্তারি সচ্চানি দিট্ঠানি, পরিহাযতি সকদাগামী সকদাগামিফলাতি? ন হেৰং ৰত্তব্বে…পে॰…।
Arahatā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati arahā arahattāti? Āmantā. Sakadāgāminā cattāri saccāni diṭṭhāni, parihāyati sakadāgāmī sakadāgāmiphalāti? Na hevaṃ vattabbe…pe….
অরহতা দুক্খং দিট্ঠং, পরিহাযতি অরহা অরহত্তাতি? আমন্তা। অনাগামিনা দুক্খং দিট্ঠং, পরিহাযতি অনাগামী অনাগামিফলাতি? ন হেৰং ৰত্তব্বে…পে॰…।
Arahatā dukkhaṃ diṭṭhaṃ, parihāyati arahā arahattāti? Āmantā. Anāgāminā dukkhaṃ diṭṭhaṃ, parihāyati anāgāmī anāgāmiphalāti? Na hevaṃ vattabbe…pe….
অরহতা সমুদযো দিট্ঠো…পে॰… নিরোধো দিট্ঠো…পে॰… মগ্গো দিট্ঠো…পে॰… চত্তারি সচ্চানি দিট্ঠানি, পরিহাযতি অরহা অরহত্তাতি? আমন্তা। অনাগামিনা চত্তারি সচ্চানি দিট্ঠানি, পরিহাযতি অনাগামী অনাগামিফলাতি? ন হেৰং ৰত্তব্বে…পে॰…।
Arahatā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati arahā arahattāti? Āmantā. Anāgāminā cattāri saccāni diṭṭhāni, parihāyati anāgāmī anāgāmiphalāti? Na hevaṃ vattabbe…pe….
২৪৮. অনাগামিনা দুক্খং দিট্ঠং, পরিহাযতি অনাগামী অনাগামিফলাতি? আমন্তা। সোতাপন্নেন দুক্খং দিট্ঠং, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
248. Anāgāminā dukkhaṃ diṭṭhaṃ, parihāyati anāgāmī anāgāmiphalāti? Āmantā. Sotāpannena dukkhaṃ diṭṭhaṃ, parihāyati sotāpanno sotāpattiphalāti? Na hevaṃ vattabbe…pe….
অনাগামিনা সমুদযো দিট্ঠো…পে॰… নিরোধো দিট্ঠো…পে॰… মগ্গো দিট্ঠো…পে॰… চত্তারি সচ্চানি দিট্ঠানি, পরিহাযতি অনাগামী অনাগামিফলাতি? আমন্তা । সোতাপন্নেন চত্তারি সচ্চানি দিট্ঠানি, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
Anāgāminā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati anāgāmī anāgāmiphalāti? Āmantā . Sotāpannena cattāri saccāni diṭṭhāni, parihāyati sotāpanno sotāpattiphalāti? Na hevaṃ vattabbe…pe….
অনাগামিনা দুক্খং দিট্ঠং, পরিহাযতি অনাগামী অনাগামিফলাতি? আমন্তা। সকদাগামিনা দুক্খং দিট্ঠং, পরিহাযতি সকদাগামী সকদাগামিফলাতি? ন হেৰং ৰত্তব্বে…পে॰…।
Anāgāminā dukkhaṃ diṭṭhaṃ, parihāyati anāgāmī anāgāmiphalāti? Āmantā. Sakadāgāminā dukkhaṃ diṭṭhaṃ, parihāyati sakadāgāmī sakadāgāmiphalāti? Na hevaṃ vattabbe…pe….
অনাগামিনা সমুদযো দিট্ঠো…পে॰… নিরোধো দিট্ঠো…পে॰… মগ্গো দিট্ঠো…পে॰… চত্তারি সচ্চানি দিট্ঠানি, পরিহাযতি অনাগামী অনাগামিফলাতি? আমন্তা। সকদাগামিনা চত্তারি সচ্চানি দিট্ঠানি, পরিহাযতি সকদাগামী সকদাগামিফলাতি? ন হেৰং ৰত্তব্বে…পে॰…।
Anāgāminā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati anāgāmī anāgāmiphalāti? Āmantā. Sakadāgāminā cattāri saccāni diṭṭhāni, parihāyati sakadāgāmī sakadāgāmiphalāti? Na hevaṃ vattabbe…pe….
২৪৯. সকদাগামিনা দুক্খং দিট্ঠং, পরিহাযতি সকদাগামী সকদাগামিফলাতি? আমন্তা। সোতাপন্নেন দুক্খং দিট্ঠং, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
249. Sakadāgāminā dukkhaṃ diṭṭhaṃ, parihāyati sakadāgāmī sakadāgāmiphalāti? Āmantā. Sotāpannena dukkhaṃ diṭṭhaṃ, parihāyati sotāpanno sotāpattiphalāti? Na hevaṃ vattabbe…pe….
সকদাগামিনা সমুদযো দিট্ঠো…পে॰… নিরোধো দিট্ঠো…পে॰… মগ্গো দিট্ঠো…পে॰… চত্তারি সচ্চানি দিট্ঠানি, পরিহাযতি সকদাগামী সকদাগামিফলাতি? আমন্তা। সোতাপন্নেন চত্তারি সচ্চানি দিট্ঠানি, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
Sakadāgāminā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati sakadāgāmī sakadāgāmiphalāti? Āmantā. Sotāpannena cattāri saccāni diṭṭhāni, parihāyati sotāpanno sotāpattiphalāti? Na hevaṃ vattabbe…pe….
২৫০. সোতাপন্নেন দুক্খং দিট্ঠং, ন পরিহাযতি সোতাপন্নো সোতাপত্তিফলাতি? আমন্তা। অরহতা দুক্খং দিট্ঠং, ন পরিহাযতি অরহা অরহত্তাতি? ন হেৰং ৰত্তব্বে…পে॰…।
250. Sotāpannena dukkhaṃ diṭṭhaṃ, na parihāyati sotāpanno sotāpattiphalāti? Āmantā. Arahatā dukkhaṃ diṭṭhaṃ, na parihāyati arahā arahattāti? Na hevaṃ vattabbe…pe….
সোতাপন্নেন সমুদযো দিট্ঠো…পে॰… নিরোধো দিট্ঠো…পে॰… মগ্গো দিট্ঠো…পে॰… চত্তারি সচ্চানি দিট্ঠানি, ন পরিহাযতি সোতাপন্নো সোতাপত্তিফলাতি? আমন্তা। অরহতা চত্তারি সচ্চানি দিট্ঠানি, ন পরিহাযতি অরহা অরহত্তাতি? ন হেৰং ৰত্তব্বে…পে॰…।
Sotāpannena samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, na parihāyati sotāpanno sotāpattiphalāti? Āmantā. Arahatā cattāri saccāni diṭṭhāni, na parihāyati arahā arahattāti? Na hevaṃ vattabbe…pe….
সকদাগামিনা দুক্খং দিট্ঠং…পে॰… চত্তারি সচ্চানি দিট্ঠানি, ন পরিহাযতি সকদাগামী সকদাগামিফলাতি? আমন্তা। অরহতা চত্তারি সচ্চানি দিট্ঠানি, ন পরিহাযতি অরহা অরহত্তাতি? ন হেৰং ৰত্তব্বে…পে॰…।
Sakadāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati sakadāgāmī sakadāgāmiphalāti? Āmantā. Arahatā cattāri saccāni diṭṭhāni, na parihāyati arahā arahattāti? Na hevaṃ vattabbe…pe….
অনাগামিনা দুক্খং দিট্ঠং…পে॰… চত্তারি সচ্চানি দিট্ঠানি, ন পরিহাযতি অনাগামী অনাগামিফলাতি? আমন্তা। অরহতা চত্তারি সচ্চানি দিট্ঠানি, ন পরিহাযতি অরহা অরহত্তাতি? ন হেৰং ৰত্তব্বে…পে॰…।
Anāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati anāgāmī anāgāmiphalāti? Āmantā. Arahatā cattāri saccāni diṭṭhāni, na parihāyati arahā arahattāti? Na hevaṃ vattabbe…pe….
সোতাপন্নেন দুক্খং দিট্ঠং…পে॰… চত্তারি সচ্চানি দিট্ঠানি, ন পরিহাযতি সোতাপন্নো সোতাপত্তিফলাতি? আমন্তা।
Sotāpannena dukkhaṃ diṭṭhaṃ…pe… cattāri saccāni diṭṭhāni, na parihāyati sotāpanno sotāpattiphalāti? Āmantā.
অনাগামিনা দুক্খং দিট্ঠং…পে॰… চত্তারি সচ্চানি দিট্ঠানি, ন পরিহাযতি অনাগামী অনাগামিফলাতি? ন হেৰং ৰত্তব্বে…পে॰…।
Anāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati anāgāmī anāgāmiphalāti? Na hevaṃ vattabbe…pe….
সকদাগামিনা দুক্খং দিট্ঠং…পে॰… চত্তারি সচ্চানি দিট্ঠানি, ন পরিহাযতি সকদাগামী সকদাগামিফলাতি? আমন্তা। অনাগামিনা দুক্খং দিট্ঠং…পে॰… চত্তারি সচ্চানি দিট্ঠানি, ন পরিহাযতি অনাগামী অনাগামিফলাতি? ন হেৰং ৰত্তব্বে…পে॰…।
Sakadāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati sakadāgāmī sakadāgāmiphalāti? Āmantā. Anāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati anāgāmī anāgāmiphalāti? Na hevaṃ vattabbe…pe….
সোতাপন্নেন দুক্খং দিট্ঠং…পে॰… চত্তারি সচ্চানি দিট্ঠানি, ন পরিহাযতি সোতাপন্নো সোতাপত্তিফলাতি? আমন্তা। সকদাগামিনা দুক্খং দিট্ঠং…পে॰… চত্তারি সচ্চানি দিট্ঠানি, ন পরিহাযতি সকদাগামী সকদাগামিফলাতি? ন হেৰং ৰত্তব্বে…পে॰…।
Sotāpannena dukkhaṃ diṭṭhaṃ…pe… cattāri saccāni diṭṭhāni, na parihāyati sotāpanno sotāpattiphalāti? Āmantā. Sakadāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati sakadāgāmī sakadāgāmiphalāti? Na hevaṃ vattabbe…pe….
২৫১. অরহতো রাগো পহীনো, পরিহাযতি অরহা অরহত্তাতি? আমন্তা। সোতাপন্নস্স সক্কাযদিট্ঠি পহীনা, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
251. Arahato rāgo pahīno, parihāyati arahā arahattāti? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe…pe….
অরহতো রাগো পহীনো, পরিহাযতি অরহা অরহত্তাতি? আমন্তা। সোতাপন্নস্স ৰিচিকিচ্ছা পহীনা…পে॰… সীলব্বতপরামাসো পহীনো…পে॰… অপাযগমনীযো রাগো পহীনো …পে॰… অপাযগমনীযো দোসো পহীনো…পে॰… অপাযগমনীযো মোহো পহীনো, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
Arahato rāgo pahīno, parihāyati arahā arahattāti? Āmantā. Sotāpannassa vicikicchā pahīnā…pe… sīlabbataparāmāso pahīno…pe… apāyagamanīyo rāgo pahīno …pe… apāyagamanīyo doso pahīno…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe…pe….
অরহতো দোসো পহীনো…পে॰… মোহো পহীনো… মানো পহীনো… দিট্ঠি পহীনা… ৰিচিকিচ্ছা পহীনা… থিনং 1 পহীনং… উদ্ধচ্চং পহীনং… অহিরিকং পহীনং…পে॰… অনোত্তপ্পং পহীনং, পরিহাযতি অরহা অরহত্তাতি ? আমন্তা। সোতাপন্নস্স সক্কাযদিট্ঠি পহীনা, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
Arahato doso pahīno…pe… moho pahīno… māno pahīno… diṭṭhi pahīnā… vicikicchā pahīnā… thinaṃ 2 pahīnaṃ… uddhaccaṃ pahīnaṃ… ahirikaṃ pahīnaṃ…pe… anottappaṃ pahīnaṃ, parihāyati arahā arahattāti ? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe…pe….
অরহতো অনোত্তপ্পং পহীনং, পরিহাযতি অরহা অরহত্তাতি? আমন্তা। সোতাপন্নস্স ৰিচিকিচ্ছা পহীনা…পে॰… সীলব্বতপরামাসো পহীনো…পে॰… অপাযগমনীযো রাগো পহীনো…পে॰… অপাযগমনীযো দোসো পহীনো…পে॰… অপাযগমনীযো মোহো পহীনো, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে…পে॰…।
Arahato anottappaṃ pahīnaṃ, parihāyati arahā arahattāti? Āmantā. Sotāpannassa vicikicchā pahīnā…pe… sīlabbataparāmāso pahīno…pe… apāyagamanīyo rāgo pahīno…pe… apāyagamanīyo doso pahīno…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe…pe….
অরহতো রাগো পহীনো, পরিহাযতি অরহা অরহত্তাতি? আমন্তা। সকদাগামিস্স সক্কাযদিট্ঠি পহীনা, পরিহাযতি সকদাগামী সকদাগামিফলাতি? ন হেৰং ৰত্তব্বে।
Arahato rāgo pahīno, parihāyati arahā arahattāti? Āmantā. Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Na hevaṃ vattabbe.
অরহতো রাগো পহীনো, পরিহাযতি অরহা অরহত্তাতি? আমন্তা। সকদাগামিস্স ৰিচিকিচ্ছা পহীনা…পে॰… সীলব্বতপরামাসো পহীনো…পে॰… ওল়ারিকো কামরাগো পহীনো… ওল়ারিকো ব্যাপাদো পহীনো, পরিহাযতি সকদাগামী সকদাগামিফলাতি? ন হেৰং ৰত্তব্বে…পে॰…।
Arahato rāgo pahīno, parihāyati arahā arahattāti? Āmantā. Sakadāgāmissa vicikicchā pahīnā…pe… sīlabbataparāmāso pahīno…pe… oḷāriko kāmarāgo pahīno… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe…pe….
অরহতো দোসো পহীনো…পে॰… অনোত্তপ্পং পহীনং, পরিহাযতি অরহা অরহত্তাতি? আমন্তা। সকদাগামিস্স সক্কাযদিট্ঠি পহীনা…পে॰… ওল়ারিকো ব্যাপাদো পহীনো, পরিহাযতি সকদাগামী সকদাগামিফলাতি? ন হেৰং ৰত্তব্বে।
Arahato doso pahīno…pe… anottappaṃ pahīnaṃ, parihāyati arahā arahattāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe.
অরহতো রাগো পহীনো, পরিহাযতি অরহা অরহত্তাতি? আমন্তা। অনাগামিস্স সক্কাযদিট্ঠি পহীনা, পরিহাযতি অনাগামী অনাগামিফলাতি? ন হেৰং ৰত্তব্বে…পে॰…।
Arahato rāgo pahīno, parihāyati arahā arahattāti? Āmantā. Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Na hevaṃ vattabbe…pe….
অরহতো রাগো পহীনো, পরিহাযতি অরহা অরহত্তাতি? আমন্তা। অনাগামিস্স ৰিচিকিচ্ছা পহীনা…পে॰… সীলব্বতপরামাসো পহীনো… অণুসহগতো কামরাগো পহীনো… অণুসহগতো ব্যাপাদো পহীনো, পরিহাযতি অনাগামী অনাগামিফলাতি? ন হেৰং ৰত্তব্বে।
Arahato rāgo pahīno, parihāyati arahā arahattāti? Āmantā. Anāgāmissa vicikicchā pahīnā…pe… sīlabbataparāmāso pahīno… aṇusahagato kāmarāgo pahīno… aṇusahagato byāpādo pahīno, parihāyati anāgāmī anāgāmiphalāti? Na hevaṃ vattabbe.
অরহতো দোসো পহীনো…পে॰… অনোত্তপ্পং পহীনং, পরিহাযতি অরহা অরহত্তাতি? আমন্তা। অনাগামিস্স সক্কাযদিট্ঠি পহীনা…পে॰… অণুসহগতো ব্যাপাদো পহীনো, পরিহাযতি অনাগামী অনাগামিফলাতি? ন হেৰং ৰত্তব্বে।
Arahato doso pahīno…pe… anottappaṃ pahīnaṃ, parihāyati arahā arahattāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, parihāyati anāgāmī anāgāmiphalāti? Na hevaṃ vattabbe.
২৫২. অনাগামিস্স সক্কাযদিট্ঠি পহীনা, পরিহাযতি অনাগামী অনাগামিফলাতি? আমন্তা। সোতাপন্নস্স সক্কাযদিট্ঠি পহীনা, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে।
252. Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe.
অনাগামিস্স সক্কাযদিট্ঠি পহীনা, পরিহাযতি অনাগামী অনাগামিফলাতি? আমন্তা। সোতাপন্নস্স ৰিচিকিচ্ছা পহীনা…পে॰… অপাযগমনীযো মোহো পহীনো, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে।
Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sotāpannassa vicikicchā pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.
অনাগামিস্স ৰিচিকিচ্ছা পহীনা…পে॰… অণুসহগতো ব্যাপাদো পহীনো, পরিহাযতি অনাগামী অনাগামিফলাতি? আমন্তা । সোতাপন্নস্স সক্কাযদিট্ঠি পহীনা…পে॰… অপাযগমনীযো মোহো পহীনো, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে।
Anāgāmissa vicikicchā pahīnā…pe… aṇusahagato byāpādo pahīno, parihāyati anāgāmī anāgāmiphalāti? Āmantā . Sotāpannassa sakkāyadiṭṭhi pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.
অনাগামিস্স সক্কাযদিট্ঠি পহীনা, পরিহাযতি অনাগামী অনাগামিফলাতি? আমন্তা। সকদাগামিস্স সক্কাযদিট্ঠি পহীনা, পরিহাযতি সকদাগামী সকদাগামিফলাতি? ন হেৰং ৰত্তব্বে।
Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Na hevaṃ vattabbe.
অনাগামিস্স সক্কাযদিট্ঠি পহীনা, পরিহাযতি অনাগামী অনাগামিফলাতি? আমন্তা। সকদাগামিস্স ৰিচিকিচ্ছা পহীনা…পে॰… সীলব্বতপরামাসো পহীনো… ওল়ারিকো কামরাগো পহীনো… ওল়ারিকো ব্যাপাদো পহীনো, পরিহাযতি সকদাগামী সকদাগামিফলাতি? ন হেৰং ৰত্তব্বে।
Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sakadāgāmissa vicikicchā pahīnā…pe… sīlabbataparāmāso pahīno… oḷāriko kāmarāgo pahīno… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe.
অনাগামিস্স ৰিচিকিচ্ছা পহীনা…পে॰… অণুসহগতো ব্যাপাদো পহীনো, পরিহাযতি অনাগামী অনাগামিফলাতি? আমন্তা। সকদাগামিস্স সক্কাযদিট্ঠি পহীনা…পে॰… ওল়ারিকো ব্যাপাদো পহীনো, পরিহাযতি সকদাগামী সকদাগামিফলাতি? ন হেৰং ৰত্তব্বে।
Anāgāmissa vicikicchā pahīnā…pe… aṇusahagato byāpādo pahīno, parihāyati anāgāmī anāgāmiphalāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe.
২৫৩. সকদাগামিস্স সক্কাযদিট্ঠি পহীনা, পরিহাযতি সকদাগামী সকদাগামিফলাতি? আমন্তা। সোতাপন্নস্স সক্কাযদিট্ঠি পহীনা, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে।
253. Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe.
সকদাগামিস্স সক্কাযদিট্ঠি পহীনা, পরিহাযতি সকদাগামী সকদাগামিফলাতি? আমন্তা। সোতাপন্নস্স ৰিচিকিচ্ছা পহীনা…পে॰… অপাযগমনীযো মোহো পহীনো, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে।
Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Āmantā. Sotāpannassa vicikicchā pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.
সকদাগামিস্স ৰিচিকিচ্ছা পহীনা…পে॰… ওল়ারিকো কামরাগো পহীনো… ওল়ারিকো ব্যাপাদো পহীনো, পরিহাযতি সকদাগামী সকদাগামিফলাতি ? আমন্তা । সোতাপন্নস্স সক্কাযদিট্ঠি পহীনা…পে॰… অপাযগমনীযো মোহো পহীনো, পরিহাযতি সোতাপন্নো সোতাপত্তিফলাতি? ন হেৰং ৰত্তব্বে।
Sakadāgāmissa vicikicchā pahīnā…pe… oḷāriko kāmarāgo pahīno… oḷāriko byāpādo pahīno, parihāyati sakadāgāmī sakadāgāmiphalāti ? Āmantā . Sotāpannassa sakkāyadiṭṭhi pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.
২৫৪. সোতাপন্নস্স সক্কাযদিট্ঠি পহীনা, ন পরিহাযতি সোতাপন্নো সোতাপত্তিফলাতি? আমন্তা। অরহতো রাগো পহীনো, ন পরিহাযতি অরহা অরহত্তাতি? ন হেৰং ৰত্তব্বে।
254. Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Arahato rāgo pahīno, na parihāyati arahā arahattāti? Na hevaṃ vattabbe.
সোতাপন্নস্স সক্কাযদিট্ঠি পহীনা, ন পরিহাযতি সোতাপন্নো সোতাপত্তিফলাতি? আমন্তা। অরহতো দোসো পহীনো…পে॰… অনোত্তপ্পং পহীনং, ন পরিহাযতি অরহা অরহত্তাতি? ন হেৰং ৰত্তব্বে।
Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Arahato doso pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
সোতাপন্নস্স ৰিচিকিচ্ছা পহীনা…পে॰… অপাযগমনীযো মোহো পহীনো, ন পরিহাযতি সোতাপন্নো সোতাপত্তিফলাতি? আমন্তা। অরহতো রাগো পহীনো…পে॰… অনোত্তপ্পং পহীনং, ন পরিহাযতি অরহা অরহত্তাতি? ন হেৰং ৰত্তব্বে।
Sotāpannassa vicikicchā pahīnā…pe… apāyagamanīyo moho pahīno, na parihāyati sotāpanno sotāpattiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
২৫৫. সকদাগামিস্স সক্কাযদিট্ঠি পহীনা, ন পরিহাযতি সকদাগামী সকদাগামিফলাতি? আমন্তা। অরহতো রাগো পহীনো…পে॰… অনোত্তপ্পং পহীনং, ন পরিহাযতি অরহা অরহত্তাতি? ন হেৰং ৰত্তব্বে।
255. Sakadāgāmissa sakkāyadiṭṭhi pahīnā, na parihāyati sakadāgāmī sakadāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
সকদাগামিস্স ৰিচিকিচ্ছা পহীনা…পে॰… ওল়ারিকো ব্যাপাদো পহীনো, ন পরিহাযতি সকদাগামী সকদাগামিফলাতি? আমন্তা। অরহতো রাগো পহীনো…পে॰… অনোত্তপ্পং পহীনং, ন পরিহাযতি অরহা অরহত্তাতি? ন হেৰং ৰত্তব্বে।
Sakadāgāmissa vicikicchā pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
২৫৬. অনাগামিস্স সক্কাযদিট্ঠি পহীনা, ন পরিহাযতি অনাগামী অনাগামিফলাতি? আমন্তা। অরহতো রাগো পহীনো…পে॰… অনোত্তপ্পং পহীনং, ন পরিহাযতি অরহা অরহত্তাতি? ন হেৰং ৰত্তব্বে ।
256. Anāgāmissa sakkāyadiṭṭhi pahīnā, na parihāyati anāgāmī anāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe .
অনাগামিস্স ৰিচিকিচ্ছা পহীনা…পে॰… অণুসহগতো ব্যাপাদো পহীনো, ন পরিহাযতি অনাগামী অনাগামিফলাতি? আমন্তা। অরহতো রাগো পহীনো…পে॰… অনোত্তপ্পং পহীনং, ন পরিহাযতি অরহা অরহত্তাতি? ন হেৰং ৰত্তব্বে।
Anāgāmissa vicikicchā pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
২৫৭. সোতাপন্নস্স সক্কাযদিট্ঠি পহীনা, ন পরিহাযতি সোতাপন্নো সোতাপত্তিফলাতি? আমন্তা। অনাগামিস্স সক্কাযদিট্ঠি পহীনা… অণুসহগতো ব্যাপাদো পহীনো, ন পরিহাযতি অনাগামী অনাগামিফলাতি? ন হেৰং ৰত্তব্বে।
257. Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Anāgāmissa sakkāyadiṭṭhi pahīnā… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.
সোতাপন্নস্স ৰিচিকিচ্ছা পহীনা…পে॰… অপাযগমনীযো মোহো পহীনো, ন পরিহাযতি সোতাপন্নো সোতাপত্তিফলাতি? আমন্তা। অনাগামিস্স সক্কাযদিট্ঠি পহীনা…পে॰… অণুসহগতো ব্যাপাদো পহীনো, ন পরিহাযতি অনাগামী অনাগামিফলাতি? ন হেৰং ৰত্তব্বে।
Sotāpannassa vicikicchā pahīnā…pe… apāyagamanīyo moho pahīno, na parihāyati sotāpanno sotāpattiphalāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.
২৫৮. সকদাগামিস্স সক্কাযদিট্ঠি পহীনা, ন পরিহাযতি সকদাগামী সকদাগামিফলাতি? আমন্তা। অনাগামিস্স সক্কাযদিট্ঠি পহীনা…পে॰… অণুসহগতো ব্যাপাদো পহীনো, ন পরিহাযতি অনাগামী অনাগামিফলাতি? ন হেৰং ৰত্তব্বে।
258. Sakadāgāmissa sakkāyadiṭṭhi pahīnā, na parihāyati sakadāgāmī sakadāgāmiphalāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.
সকদাগামিস্স ৰিচিকিচ্ছা পহীনা…পে॰… ওল়ারিকো ব্যাপাদো পহীনো, ন পরিহাযতি সকদাগামী সকদাগামিফলাতি? আমন্তা। অনাগামিস্স সক্কাযদিট্ঠি পহীনা…পে॰… অণুসহগতো ব্যাপাদো পহীনো, ন পরিহাযতি অনাগামী অনাগামিফলাতি? ন হেৰং ৰত্তব্বে।
Sakadāgāmissa vicikicchā pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.
২৫৯. সোতাপন্নস্স সক্কাযদিট্ঠি পহীনা, ন পরিহাযতি সোতাপন্নো সোতাপত্তিফলাতি? আমন্তা। সকদাগামিস্স সক্কাযদিট্ঠি পহীনা…পে॰… ওল়ারিকো ব্যাপাদো পহীনো, ন পরিহাযতি সকদাগামী সকদাগামিফলাতি? ন হেৰং ৰত্তব্বে।
259. Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Na hevaṃ vattabbe.
সোতাপন্নস্স ৰিচিকিচ্ছা পহীনা…পে॰… অপাযগমনীযো মোহো পহীনো, ন পরিহাযতি সোতাপন্নো সোতাপত্তিফলাতি? আমন্তা। সকদাগামিস্স সক্কাযদিট্ঠি পহীনা…পে॰… ওল়ারিকো ব্যাপাদো পহীনো, ন পরিহাযতি সকদাগামী সকদাগামিফলাতি? ন হেৰং ৰত্তব্বে।
Sotāpannassa vicikicchā pahīnā…pe… apāyagamanīyo moho pahīno, na parihāyati sotāpanno sotāpattiphalāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Na hevaṃ vattabbe.
পরিহাযতি অরহা অরহত্তাতি? আমন্তা। ননু অরহতো দোসো পহীনো…পে॰… মোহো পহীনো… মানো পহীনো… দিট্ঠি পহীনা… ৰিচিকিচ্ছা পহীনা… থিনং পহীনং… উদ্ধচ্চং পহীনং… অহিরিকং পহীনং… অনোত্তপ্পং পহীনং উচ্ছিন্নমূলং তালাৰত্থুকতং অনভাৰঙ্কতং আযতিং অনুপ্পাদধম্মন্তি? আমন্তা। হঞ্চি অরহতো অনোত্তপ্পং পহীনং উচ্ছিন্নমূলং তালাৰত্থুকতং অনভাৰঙ্কতং আযতিং অনুপ্পাদধম্মং, নো চ ৰত রে ৰত্তব্বে – ‘‘পরিহাযতি অরহা অরহত্তা’’তি।
Parihāyati arahā arahattāti? Āmantā. Nanu arahato doso pahīno…pe… moho pahīno… māno pahīno… diṭṭhi pahīnā… vicikicchā pahīnā… thinaṃ pahīnaṃ… uddhaccaṃ pahīnaṃ… ahirikaṃ pahīnaṃ… anottappaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammanti? Āmantā. Hañci arahato anottappaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammaṃ, no ca vata re vattabbe – ‘‘parihāyati arahā arahattā’’ti.
পরিহাযতি অরহা অরহত্তাতি? আমন্তা। ননু অরহতো রাগপ্পহানায মগ্গো ভাৰিতোতি ? আমন্তা। হঞ্চি অরহতো রাগপ্পহানায মগ্গো ভাৰিতো, নো চ ৰত রে ৰত্তব্বে – ‘‘পরিহাযতি অরহা অরহত্তা’’তি।
Parihāyati arahā arahattāti? Āmantā. Nanu arahato rāgappahānāya maggo bhāvitoti ? Āmantā. Hañci arahato rāgappahānāya maggo bhāvito, no ca vata re vattabbe – ‘‘parihāyati arahā arahattā’’ti.
পরিহাযতি অরহা অরহত্তাতি? আমন্তা। ননু অরহতো রাগপ্পহানায সতিপট্ঠানা ভাৰিতা…পে॰… সম্মপ্পধানা ভাৰিতা… ইদ্ধিপাদা ভাৰিতা… ইন্দ্রিযা ভাৰিতা… বলা ভাৰিতা… বোজ্ঝঙ্গা ভাৰিতাতি? আমন্তা। হঞ্চি অরহতো রাগপ্পহানায বোজ্ঝঙ্গা ভাৰিতা, নো চ ৰত রে ৰত্তব্বে – ‘‘পরিহাযতি অরহা অরহত্তা’’তি।
Parihāyati arahā arahattāti? Āmantā. Nanu arahato rāgappahānāya satipaṭṭhānā bhāvitā…pe… sammappadhānā bhāvitā… iddhipādā bhāvitā… indriyā bhāvitā… balā bhāvitā… bojjhaṅgā bhāvitāti? Āmantā. Hañci arahato rāgappahānāya bojjhaṅgā bhāvitā, no ca vata re vattabbe – ‘‘parihāyati arahā arahattā’’ti.
পরিহাযতি অরহা অরহত্তাতি? আমন্তা। ননু অরহতো দোসপ্পহানায…পে॰… অনোত্তপ্পপহানায মগ্গো ভাৰিতো…পে॰… বোজ্ঝঙ্গা ভাৰিতাতি? আমন্তা। হঞ্চি অরহতো অনোত্তপ্পপহানায বোজ্ঝঙ্গা ভাৰিতা, নো চ ৰত রে ৰত্তব্বে – ‘‘পরিহাযতি অরহা অরহত্তা’’তি।
Parihāyati arahā arahattāti? Āmantā. Nanu arahato dosappahānāya…pe… anottappapahānāya maggo bhāvito…pe… bojjhaṅgā bhāvitāti? Āmantā. Hañci arahato anottappapahānāya bojjhaṅgā bhāvitā, no ca vata re vattabbe – ‘‘parihāyati arahā arahattā’’ti.
২৬১. পরিহাযতি অরহা অরহত্তাতি? আমন্তা। ননু অরহা ৰীতরাগো ৰীতদোসো ৰীতমোহো কতকরণীযো ওহিতভারো অনুপ্পত্তসদত্থো পরিক্খীণভৰসংযোজনো সম্মদঞ্ঞাৰিমুত্তো উক্খিত্তপলিঘো সঙ্কিণ্ণপরিখো অব্বূল়্হেসিকো নিরগ্গল়ো অরিযো পন্নদ্ধজো পন্নভারো ৰিসঞ্ঞুত্তো সুৰিজিতৰিজযো; দুক্খং তস্স পরিঞ্ঞাতং, সমুদযো পহীনো, নিরোধো সচ্ছিকতো, মগ্গো ভাৰিতো, অভিঞ্ঞেয্যং অভিঞ্ঞাতং , পরিঞ্ঞেয্যং পরিঞ্ঞাতং, পহাতব্বং পহীনং, ভাৰেতব্বং ভাৰিতং, সচ্ছিকাতব্বং সচ্ছিকতন্তি? আমন্তা। হঞ্চি অরহা ৰীতরাগো ৰীতদোসো ৰীতমোহো…পে॰… সচ্ছিকাতব্বং সচ্ছিকতং, নো চ ৰত রে ৰত্তব্বে – ‘‘পরিহাযতি অরহা অরহত্তা’’তি।
261. Parihāyati arahā arahattāti? Āmantā. Nanu arahā vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo; dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ , pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikatanti? Āmantā. Hañci arahā vītarāgo vītadoso vītamoho…pe… sacchikātabbaṃ sacchikataṃ, no ca vata re vattabbe – ‘‘parihāyati arahā arahattā’’ti.
অসমযৰিমুত্তো অরহা অরহত্তা ন পরিহাযতীতি? আমন্তা। সমযৰিমুত্তো অরহা অরহত্তা ন পরিহাযতীতি? ন হেৰং ৰত্তব্বে।
Asamayavimutto arahā arahattā na parihāyatīti? Āmantā. Samayavimutto arahā arahattā na parihāyatīti? Na hevaṃ vattabbe.
সমযৰিমুত্তস্স অরহতো রাগো পহীনো, পরিহাযতি সমযৰিমুত্তো অরহা অরহত্তাতি? আমন্তা। অসমযৰিমুত্তস্স অরহতো রাগো পহীনো, পরিহাযতি অসমযৰিমুত্তো অরহা অরহত্তাতি? ন হেৰং ৰত্তব্বে।
Samayavimuttassa arahato rāgo pahīno, parihāyati samayavimutto arahā arahattāti? Āmantā. Asamayavimuttassa arahato rāgo pahīno, parihāyati asamayavimutto arahā arahattāti? Na hevaṃ vattabbe.
সমযৰিমুত্তস্স অরহতো দোসো পহীনো…পে॰… অনোত্তপ্পং পহীনং, পরিহাযতি সমযৰিমুত্তো অরহা অরহত্তাতি? আমন্তা। অসমযৰিমুত্তস্স অরহতো অনোত্তপ্পং পহীনং, পরিহাযতি অসমযৰিমুত্তো অরহা অরহত্তাতি? ন হেৰং ৰত্তব্বে।
Samayavimuttassa arahato doso pahīno…pe… anottappaṃ pahīnaṃ, parihāyati samayavimutto arahā arahattāti? Āmantā. Asamayavimuttassa arahato anottappaṃ pahīnaṃ, parihāyati asamayavimutto arahā arahattāti? Na hevaṃ vattabbe.
সমযৰিমুত্তস্স অরহতো রাগপ্পহানায মগ্গো ভাৰিতো, পরিহাযতি সমযৰিমুত্তো অরহা অরহত্তাতি? আমন্তা। অসমযৰিমুত্তস্স অরহতো রাগপ্পহানায মগ্গো ভাৰিতো, পরিহাযতি অসমযৰিমুত্তো অরহা অরহত্তাতি? ন হেৰং ৰত্তব্বে।
Samayavimuttassa arahato rāgappahānāya maggo bhāvito, parihāyati samayavimutto arahā arahattāti? Āmantā. Asamayavimuttassa arahato rāgappahānāya maggo bhāvito, parihāyati asamayavimutto arahā arahattāti? Na hevaṃ vattabbe.
সমযৰিমুত্তস্স অরহতো রাগপ্পহানায সতিপট্ঠানা ভাৰিতা…পে॰… সম্মপ্পধানা ভাৰিতা… ইদ্ধিপাদা ভাৰিতা… ইন্দ্রিযা ভাৰিতা… বলা ভাৰিতা… বোজ্ঝঙ্গা ভাৰিতা, পরিহাযতি সমযৰিমুত্তো অরহা অরহত্তাতি? আমন্তা। অসমযৰিমুত্তস্স অরহতো রাগপ্পহানায সতিপট্ঠানা ভাৰিতা…পে॰… বোজ্ঝঙ্গা ভাৰিতা, পরিহাযতি অসমযৰিমুত্তো অরহা অরহত্তাতি? ন হেৰং ৰত্তব্বে।
Samayavimuttassa arahato rāgappahānāya satipaṭṭhānā bhāvitā…pe… sammappadhānā bhāvitā… iddhipādā bhāvitā… indriyā bhāvitā… balā bhāvitā… bojjhaṅgā bhāvitā, parihāyati samayavimutto arahā arahattāti? Āmantā. Asamayavimuttassa arahato rāgappahānāya satipaṭṭhānā bhāvitā…pe… bojjhaṅgā bhāvitā, parihāyati asamayavimutto arahā arahattāti? Na hevaṃ vattabbe.
সমযৰিমুত্তস্স অরহতো দোসপ্পহানায…পে॰… অনোত্তপ্পপহানায মগ্গো ভাৰিতো…পে॰… বোজ্ঝঙ্গা ভাৰিতা, পরিহাযতি সমযৰিমুত্তো অরহা অরহত্তাতি? আমন্তা। অসমযৰিমুত্তস্স অরহতো অনোত্তপ্পপহানায মগ্গো ভাৰিতো…পে॰… বোজ্ঝঙ্গা ভাৰিতা, পরিহাযতি অসমযৰিমুত্তো অরহা অরহত্তাতি? ন হেৰং ৰত্তব্বে…পে॰…।
Samayavimuttassa arahato dosappahānāya…pe… anottappapahānāya maggo bhāvito…pe… bojjhaṅgā bhāvitā, parihāyati samayavimutto arahā arahattāti? Āmantā. Asamayavimuttassa arahato anottappapahānāya maggo bhāvito…pe… bojjhaṅgā bhāvitā, parihāyati asamayavimutto arahā arahattāti? Na hevaṃ vattabbe…pe….
সমযৰিমুত্তো অরহা ৰীতরাগো ৰীতদোসো ৰীতমোহো কতকরণীযো ওহিতভারো অনুপ্পত্তসদত্থো পরিক্খীণভৰসংযোজনো সম্মদঞ্ঞাৰিমুত্তো উক্খিত্তপলিঘো সঙ্কিণ্ণপরিখো অব্বূল়্হেসিকো নিরগ্গল়ো অরিযো পন্নদ্ধজো পন্নভারো ৰিসঞ্ঞুত্তো সুৰিজিতৰিজযো, দুক্খং তস্স পরিঞ্ঞাতং, সমুদযো পহীনো, নিরোধো সচ্ছিকতো, মগ্গো ভাৰিতো, অভিঞ্ঞেয্যং অভিঞ্ঞাতং, পরিঞ্ঞেয্যং পরিঞ্ঞাতং, পহাতব্বং পহীনং, ভাৰেতব্বং ভাৰিতং, সচ্ছিকাতব্বং সচ্ছিকতং , পরিহাযতি সমযৰিমুত্তো অরহা অরহত্তাতি? আমন্তা। অসমযৰিমুত্তো অরহা ৰীতরাগো ৰীতদোসো ৰীতমোহো…পে॰… সচ্ছিকাতব্বং সচ্ছিকতং, পরিহাযতি অসমযৰিমুত্তো অরহা অরহত্তাতি? ন হেৰং ৰত্তব্বে।
Samayavimutto arahā vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikataṃ , parihāyati samayavimutto arahā arahattāti? Āmantā. Asamayavimutto arahā vītarāgo vītadoso vītamoho…pe… sacchikātabbaṃ sacchikataṃ, parihāyati asamayavimutto arahā arahattāti? Na hevaṃ vattabbe.
২৬৩. অসমযৰিমুত্তস্স অরহতো রাগো পহীনো, ন পরিহাযতি অসমযৰিমুত্তো অরহা অরহত্তাতি? আমন্তা। সমযৰিমুত্তস্স অরহতো রাগো পহীনো, ন পরিহাযতি সমযৰিমুত্তো অরহা অরহত্তাতি? ন হেৰং ৰত্তব্বে।
263. Asamayavimuttassa arahato rāgo pahīno, na parihāyati asamayavimutto arahā arahattāti? Āmantā. Samayavimuttassa arahato rāgo pahīno, na parihāyati samayavimutto arahā arahattāti? Na hevaṃ vattabbe.
অসমযৰিমুত্তস্স অরহতো দোসো পহীনো…পে॰… অনোত্তপ্পং পহীনং, ন পরিহাযতি অসমযৰিমুত্তো অরহা অরহত্তাতি? আমন্তা। সমযৰিমুত্তস্স অরহতো অনোত্তপ্পং পহীনং, ন পরিহাযতি সমযৰিমুত্তো অরহা অরহত্তাতি? ন হেৰং ৰত্তব্বে।
Asamayavimuttassa arahato doso pahīno…pe… anottappaṃ pahīnaṃ, na parihāyati asamayavimutto arahā arahattāti? Āmantā. Samayavimuttassa arahato anottappaṃ pahīnaṃ, na parihāyati samayavimutto arahā arahattāti? Na hevaṃ vattabbe.
অসমযৰিমুত্তস্স অরহতো রাগপ্পহানায মগ্গো ভাৰিতো…পে॰… বোজ্ঝঙ্গা ভাৰিতা, ন পরিহাযতি অসমযৰিমুত্তো অরহা অরহত্তাতি? আমন্তা। সমযৰিমুত্তস্স অরহতো রাগপ্পহানায মগ্গো ভাৰিতো…পে॰… বোজ্ঝঙ্গা ভাৰিতা, ন পরিহাযতি সমযৰিমুত্তো অরহা অরহত্তাতি? ন হেৰং ৰত্তব্বে।
Asamayavimuttassa arahato rāgappahānāya maggo bhāvito…pe… bojjhaṅgā bhāvitā, na parihāyati asamayavimutto arahā arahattāti? Āmantā. Samayavimuttassa arahato rāgappahānāya maggo bhāvito…pe… bojjhaṅgā bhāvitā, na parihāyati samayavimutto arahā arahattāti? Na hevaṃ vattabbe.
অসমযৰিমুত্তস্স অরহতো দোসপ্পহানায…পে॰… অনোত্তপ্পপহানায মগ্গো ভাৰিতো…পে॰… বোজ্ঝঙ্গা ভাৰিতা, ন পরিহাযতি অসমযৰিমুত্তো অরহা অরহত্তাতি? আমন্তা। সমযৰিমুত্তস্স অরহতো অনোত্তপ্পপহানায মগ্গো ভাৰিতো…পে॰… বোজ্ঝঙ্গা ভাৰিতা, ন পরিহাযতি সমযৰিমুত্তো অরহা অরহত্তাতি? ন হেৰং ৰত্তব্বে।
Asamayavimuttassa arahato dosappahānāya…pe… anottappapahānāya maggo bhāvito…pe… bojjhaṅgā bhāvitā, na parihāyati asamayavimutto arahā arahattāti? Āmantā. Samayavimuttassa arahato anottappapahānāya maggo bhāvito…pe… bojjhaṅgā bhāvitā, na parihāyati samayavimutto arahā arahattāti? Na hevaṃ vattabbe.
অসমযৰিমুত্তো অরহা ৰীতরাগো ৰীতদোসো ৰীতমোহো…পে॰… সচ্ছিকাতব্বং সচ্ছিকতং, ন পরিহাযতি অসমযৰিমুত্তো অরহা অরহত্তাতি? আমন্তা। সমযৰিমুত্তো অরহা ৰীতরাগো ৰীতদোসো ৰীতমোহো…পে॰… সচ্ছিকাতব্বং সচ্ছিকতং, ন পরিহাযতি সমযৰিমুত্তো অরহা অরহত্তাতি? ন হেৰং ৰত্তব্বে…পে॰…।
Asamayavimutto arahā vītarāgo vītadoso vītamoho…pe… sacchikātabbaṃ sacchikataṃ, na parihāyati asamayavimutto arahā arahattāti? Āmantā. Samayavimutto arahā vītarāgo vītadoso vītamoho…pe… sacchikātabbaṃ sacchikataṃ, na parihāyati samayavimutto arahā arahattāti? Na hevaṃ vattabbe…pe….
সারিপুত্তো থেরো ন পরিহাযিত্থ অরহত্তাতি? আমন্তা। হঞ্চি সারিপুত্তো থেরো ন পরিহাযিত্থ অরহত্তা, নো চ ৰত রে ৰত্তব্বে – ‘‘পরিহাযতি অরহা অরহত্তা’’তি।
Sāriputto thero na parihāyittha arahattāti? Āmantā. Hañci sāriputto thero na parihāyittha arahattā, no ca vata re vattabbe – ‘‘parihāyati arahā arahattā’’ti.
মহামোগ্গল্লানো থেরো… মহাকস্সপো থেরো… মহাকচ্চাযনো থেরো… মহাকোট্ঠিকো থেরো… মহাপন্থকো থেরো ন পরিহাযিত্থ অরহত্তাতি? আমন্তা। হঞ্চি মহাপন্থকো থেরো ন পরিহাযিত্থ অরহত্তা, নো চ ৰত রে ৰত্তব্বে – ‘‘পরিহাযতি অরহা অরহত্তা’’তি।
Mahāmoggallāno thero… mahākassapo thero… mahākaccāyano thero… mahākoṭṭhiko thero… mahāpanthako thero na parihāyittha arahattāti? Āmantā. Hañci mahāpanthako thero na parihāyittha arahattā, no ca vata re vattabbe – ‘‘parihāyati arahā arahattā’’ti.
অরিযপুগ্গলসংসন্দনং।
Ariyapuggalasaṃsandanaṃ.
৩. সুত্তসাধনপরিহানি
3. Suttasādhanaparihāni
২৬৫. পরিহাযতি অরহা অরহত্তাতি? আমন্তা। ননু ৰুত্তং ভগৰতা –
265. Parihāyati arahā arahattāti? Āmantā. Nanu vuttaṃ bhagavatā –
ন পারং দিগুণং যন্তি, নযিদং একগুণং মুত’’ন্তি 19॥
Na pāraṃ diguṇaṃ yanti, nayidaṃ ekaguṇaṃ muta’’nti 20.
অত্থেৰ সুত্তন্তোতি? আমন্তা। তেন হি ন ৰত্তব্বং – ‘‘পরিহাযতি অরহা অরহত্তা’’তি।
Attheva suttantoti? Āmantā. Tena hi na vattabbaṃ – ‘‘parihāyati arahā arahattā’’ti.
পরিহাযতি অরহা অরহত্তাতি? আমন্তা। অত্থি ছিন্নস্স ছেদিযন্তি? ন হেৰং ৰত্তব্বে।
Parihāyati arahā arahattāti? Āmantā. Atthi chinnassa chediyanti? Na hevaṃ vattabbe.
অত্থি ছিন্নস্স ছেদিযন্তি? আমন্তা। ননু ৰুত্তং ভগৰতা –
Atthi chinnassa chediyanti? Āmantā. Nanu vuttaṃ bhagavatā –
‘‘ৰীততণ্হো অনাদানো, কিচ্চং যস্স ন ৰিজ্জতি।
‘‘Vītataṇho anādāno, kiccaṃ yassa na vijjati;
ছিন্নস্স ছেদিযং নত্থি, ওঘপাসো সমূহতো’’তি॥
Chinnassa chediyaṃ natthi, oghapāso samūhato’’ti.
অত্থেৰ সুত্তন্তোতি? আমন্তা। তেন হি ন ৰত্তব্বং – ‘‘অত্থি ছিন্নস্স ছেদিয’’ন্তি।
Attheva suttantoti? Āmantā. Tena hi na vattabbaṃ – ‘‘atthi chinnassa chediya’’nti.
২৬৬. পরিহাযতি অরহা অরহত্তাতি? আমন্তা। অত্থি কতস্স পতিচযোতি? ন হেৰং ৰত্তব্বে।
266. Parihāyati arahā arahattāti? Āmantā. Atthi katassa paticayoti? Na hevaṃ vattabbe.
অত্থি কতস্স পতিচযোতি? আমন্তা। ননু ৰুত্তং ভগৰতা –
Atthi katassa paticayoti? Āmantā. Nanu vuttaṃ bhagavatā –
‘‘তস্স সম্মা ৰিমুত্তস্স, সন্তচিত্তস্স ভিক্খুনো।
‘‘Tassa sammā vimuttassa, santacittassa bhikkhuno;
কতস্স পতিচযো নত্থি, করণীযং ন ৰিজ্জতি॥
Katassa paticayo natthi, karaṇīyaṃ na vijjati.
‘‘সেলো যথা একগ্ঘনো, ৰাতেন ন সমীরতি।
‘‘Selo yathā ekagghano, vātena na samīrati;
এৰং রূপা রসা সদ্দা, গন্ধা ফস্সা চ কেৰলা॥
Evaṃ rūpā rasā saddā, gandhā phassā ca kevalā.
‘‘ইট্ঠা ধম্মা অনিট্ঠা চ, নপ্পৰেধেন্তি তাদিনো।
‘‘Iṭṭhā dhammā aniṭṭhā ca, nappavedhenti tādino;
ঠিতং চিত্তং ৰিপ্পমুত্তং, ৰযং চস্সানুপস্সতী’’তি 21॥
Ṭhitaṃ cittaṃ vippamuttaṃ, vayaṃ cassānupassatī’’ti 22.
অত্থেৰ সুত্তন্তোতি? আমন্তা। তেন হি ন ৰত্তব্বং – ‘‘অত্থি কতস্স পতিচযো’’তি।
Attheva suttantoti? Āmantā. Tena hi na vattabbaṃ – ‘‘atthi katassa paticayo’’ti.
২৬৭. ন ৰত্তব্বং – ‘‘পরিহাযতি অরহা অরহত্তা’’তি? আমন্তা। ননু ৰুত্তং ভগৰতা – ‘‘পঞ্চিমে, ভিক্খৰে, ধম্মা সমযৰিমুত্তস্স ভিক্খুনো পরিহানায সংৰত্তন্তি। কতমে পঞ্চ? কম্মারামতা, ভস্সারামতা, নিদ্দারামতা, সঙ্গণিকারামতা, যথাৰিমুত্তং চিত্তং ন পচ্চৰেক্খতি। ইমে খো, ভিক্খৰে, পঞ্চ ধম্মা সমযৰিমুত্তস্স ভিক্খুনো পরিহানায সংৰত্তন্তী’’তি 23। অত্থেৰ সুত্তন্তোতি? আমন্তা। তেন হি পরিহাযতি অরহা অরহত্তাতি।
267. Na vattabbaṃ – ‘‘parihāyati arahā arahattā’’ti? Āmantā. Nanu vuttaṃ bhagavatā – ‘‘pañcime, bhikkhave, dhammā samayavimuttassa bhikkhuno parihānāya saṃvattanti. Katame pañca? Kammārāmatā, bhassārāmatā, niddārāmatā, saṅgaṇikārāmatā, yathāvimuttaṃ cittaṃ na paccavekkhati. Ime kho, bhikkhave, pañca dhammā samayavimuttassa bhikkhuno parihānāya saṃvattantī’’ti 24. Attheva suttantoti? Āmantā. Tena hi parihāyati arahā arahattāti.
অত্থি অরহতো কম্মারামতাতি? ন হেৰং ৰত্তব্বে।
Atthi arahato kammārāmatāti? Na hevaṃ vattabbe.
অত্থি অরহতো কম্মারামতাতি? আমন্তা। অত্থি অরহতো রাগো কামরাগো কামরাগপরিযুট্ঠানং কামরাগসংযোজনং কামোঘো কামযোগো কামচ্ছন্দনীৰরণন্তি? ন হেৰং ৰত্তব্বে।
Atthi arahato kammārāmatāti? Āmantā. Atthi arahato rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇanti? Na hevaṃ vattabbe.
অত্থি অরহতো ভস্সারামতা, অত্থি অরহতো নিদ্দারামতা, অত্থি অরহতো সঙ্গণিকারামতাতি? ন হেৰং ৰত্তব্বে।
Atthi arahato bhassārāmatā, atthi arahato niddārāmatā, atthi arahato saṅgaṇikārāmatāti? Na hevaṃ vattabbe.
অত্থি অরহতো সঙ্গণিকারামতাতি? আমন্তা। অত্থি অরহতো রাগো কামরাগো কামরাগপরিযুট্ঠানং কামরাগসংযোজনং কামোঘো কামযোগো কামচ্ছন্দনীৰরণন্তি? ন হেৰং ৰত্তব্বে।
Atthi arahato saṅgaṇikārāmatāti? Āmantā. Atthi arahato rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇanti? Na hevaṃ vattabbe.
২৬৮. পরিহাযতি অরহা অরহত্তাতি? আমন্তা। অরহা অরহত্তা পরিহাযমানো কিং পরিযুট্ঠিতো পরিহাযতীতি? রাগপরিযুট্ঠিতো পরিহাযতীতি। পরিযুট্ঠানং কিং পটিচ্চ উপ্পজ্জতীতি? অনুসযং পটিচ্চ উপ্পজ্জতীতি। অত্থি অরহতো অনুসযাতি? ন হেৰং ৰত্তব্বে।
268. Parihāyati arahā arahattāti? Āmantā. Arahā arahattā parihāyamāno kiṃ pariyuṭṭhito parihāyatīti? Rāgapariyuṭṭhito parihāyatīti. Pariyuṭṭhānaṃ kiṃ paṭicca uppajjatīti? Anusayaṃ paṭicca uppajjatīti. Atthi arahato anusayāti? Na hevaṃ vattabbe.
অত্থি অরহতো অনুসযাতি? আমন্তা। অত্থি অরহতো কামরাগানুসযো পটিঘানুসযো মানানুসযো দিট্ঠানুসযো ৰিচিকিচ্ছানুসযো ভৰরাগানুসযো অৰিজ্জানুসযোতি? ন হেৰং ৰত্তব্বে।
Atthi arahato anusayāti? Āmantā. Atthi arahato kāmarāgānusayo paṭighānusayo mānānusayo diṭṭhānusayo vicikicchānusayo bhavarāgānusayo avijjānusayoti? Na hevaṃ vattabbe.
দোসপরিযুট্ঠিতো পরিহাযতীতি…পে॰… মোহপরিযুট্ঠিতো পরিহাযতীতি…। পরিযুট্ঠানং কিং পটিচ্চ উপ্পজ্জতীতি? অনুসযং পটিচ্চ উপ্পজ্জতীতি। অত্থি অরহতো অনুসযাতি? ন হেৰং ৰত্তব্বে…পে॰…।
Dosapariyuṭṭhito parihāyatīti…pe… mohapariyuṭṭhito parihāyatīti…. Pariyuṭṭhānaṃ kiṃ paṭicca uppajjatīti? Anusayaṃ paṭicca uppajjatīti. Atthi arahato anusayāti? Na hevaṃ vattabbe…pe….
অত্থি অরহতো অনুসযাতি? আমন্তা। অত্থি অরহতো কামরাগানুসযো…পে॰… অৰিজ্জানুসযোতি? ন হেৰং ৰত্তব্বে।
Atthi arahato anusayāti? Āmantā. Atthi arahato kāmarāgānusayo…pe… avijjānusayoti? Na hevaṃ vattabbe.
পরিহাযতি অরহা অরহত্তাতি? আমন্তা। অরহতো অরহত্তা পরিহাযমানস্স কিং উপচযং গচ্ছতীতি? রাগো উপচযং গচ্ছতীতি। সক্কাযদিট্ঠি উপচযং গচ্ছতীতি, ৰিচিকিচ্ছা উপচযং গচ্ছতীতি, সীলব্বতপরামাসো উপচযং গচ্ছতীতি? ন হেৰং ৰত্তব্বে। দোসো উপচযং গচ্ছতীতি…পে॰… মোহো উপচযং গচ্ছতীতি, সক্কাযদিট্ঠি উপচযং গচ্ছতীতি, ৰিচিকিচ্ছা উপচযং গচ্ছতীতি, সীলব্বতপরামাসো উপচযং গচ্ছতীতি? ন হেৰং ৰত্তব্বে।
Parihāyati arahā arahattāti? Āmantā. Arahato arahattā parihāyamānassa kiṃ upacayaṃ gacchatīti? Rāgo upacayaṃ gacchatīti. Sakkāyadiṭṭhi upacayaṃ gacchatīti, vicikicchā upacayaṃ gacchatīti, sīlabbataparāmāso upacayaṃ gacchatīti? Na hevaṃ vattabbe. Doso upacayaṃ gacchatīti…pe… moho upacayaṃ gacchatīti, sakkāyadiṭṭhi upacayaṃ gacchatīti, vicikicchā upacayaṃ gacchatīti, sīlabbataparāmāso upacayaṃ gacchatīti? Na hevaṃ vattabbe.
পরিহাযতি অরহা অরহত্তাতি? আমন্তা। অরহা আচিনতীতি? ন হেৰং ৰত্তব্বে। অরহা অপচিনতীতি? ন হেৰং ৰত্তব্বে। অরহা পজহতীতি? ন হেৰং ৰত্তব্বে। অরহা উপাদিযতীতি? ন হেৰং ৰত্তব্বে। অরহা ৰিসিনেতীতি? ন হেৰং ৰত্তব্বে। অরহা উস্সিনেতীতি? ন হেৰং ৰত্তব্বে। অরহা ৰিধূপেতীতি? ন হেৰং ৰত্তব্বে। অরহা সন্ধূপেতীতি? ন হেৰং ৰত্তব্বে।
Parihāyati arahā arahattāti? Āmantā. Arahā ācinatīti? Na hevaṃ vattabbe. Arahā apacinatīti? Na hevaṃ vattabbe. Arahā pajahatīti? Na hevaṃ vattabbe. Arahā upādiyatīti? Na hevaṃ vattabbe. Arahā visinetīti? Na hevaṃ vattabbe. Arahā ussinetīti? Na hevaṃ vattabbe. Arahā vidhūpetīti? Na hevaṃ vattabbe. Arahā sandhūpetīti? Na hevaṃ vattabbe.
ননু অরহা নেৰাচিনতি ন অপচিনতি অপচিনিত্ৰা ঠিতোতি? আমন্তা। হঞ্চি অরহা নেৰাচিনতি ন অপচিনতি অপচিনিত্ৰা ঠিতো, নো চ ৰত রে ৰত্তব্বে – ‘‘পরিহাযতি অরহা অরহত্তা’’তি।
Nanu arahā nevācinati na apacinati apacinitvā ṭhitoti? Āmantā. Hañci arahā nevācinati na apacinati apacinitvā ṭhito, no ca vata re vattabbe – ‘‘parihāyati arahā arahattā’’ti.
ননু অরহা নেৰ পজহতি ন উপাদিযতি পজহিত্ৰা ঠিতোতি? আমন্তা। হঞ্চি অরহা নেৰ পজহতি ন উপাদিযতি পজহিত্ৰা ঠিতো, নো চ ৰত রে ৰত্তব্বে – ‘‘পরিহাযতি অরহা অরহত্তা’’তি।
Nanu arahā neva pajahati na upādiyati pajahitvā ṭhitoti? Āmantā. Hañci arahā neva pajahati na upādiyati pajahitvā ṭhito, no ca vata re vattabbe – ‘‘parihāyati arahā arahattā’’ti.
ননু অরহা নেৰ ৰিসিনেতি ন উস্সিনেতি ৰিসিনিত্ৰা ঠিতোতি? আমন্তা। হঞ্চি অরহা নেৰ ৰিসিনেতি ন উস্সিনেতি ৰিসিনিত্ৰা ঠিতো, নো চ ৰত রে ৰত্তব্বে – ‘‘পরিহাযতি অরহা অরহত্তা’’তি।
Nanu arahā neva visineti na ussineti visinitvā ṭhitoti? Āmantā. Hañci arahā neva visineti na ussineti visinitvā ṭhito, no ca vata re vattabbe – ‘‘parihāyati arahā arahattā’’ti.
ননু অরহা নেৰ ৰিধূপেতি ন সন্ধূপেতি ৰিধূপেত্ৰা ঠিতোতি? আমন্তা। হঞ্চি অরহা নেৰ ৰিধূপেতি ন সন্ধূপেতি ৰিধূপেত্ৰা ঠিতো, নো চ ৰত রে ৰত্তব্বে – ‘‘পরিহাযতি অরহা অরহত্তা’’তি।
Nanu arahā neva vidhūpeti na sandhūpeti vidhūpetvā ṭhitoti? Āmantā. Hañci arahā neva vidhūpeti na sandhūpeti vidhūpetvā ṭhito, no ca vata re vattabbe – ‘‘parihāyati arahā arahattā’’ti.
পরিহানিকথা নিট্ঠিতা।
Parihānikathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ২. পরিহানিকথা • 2. Parihānikathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ২. পরিহানিকথা • 2. Parihānikathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ২. পরিহানিকথা • 2. Parihānikathā
