| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. барихаанигат̇аа
2. Parihānikathā
1. ваад̣̇аяуд̇д̇ибарихааниван̣н̣анаа
1. Vādayuttiparihānivaṇṇanā
239. ид̣̇аани барихаанигат̇аа ход̇и. барихаанид̇хаммо абарихаанид̇хаммо, ‘‘д̣̇взмз, бхигкавз, д̇хаммаа сзгкасса, бхигкуно барихаанааяа сам̣вад̇д̇анд̇и’’ (а. ни. 2.185), ‘‘бан̃жимз, бхигкавз, д̇хаммаа самаяавимуд̇д̇асса бхигкуно барихаанааяа сам̣вад̇д̇анд̇ий’’д̇и (а. ни. 5.149) звамаад̣̇ийни хи суд̇д̇аани ниссааяа саммид̇ияаа важ̇ж̇ибуд̇д̇агаа саб̣б̣ад̇т̇иваад̣̇ино згажжз жа махаасан̇гхигаа арахад̇оби барихааним̣ ижчанд̇и, д̇асмаа д̇з ваа хонд̇у ан̃н̃зязва ваа, язсам̣ аяам̣ лад̣̇д̇хи, д̇зсам̣ лад̣̇д̇хибхинд̣̇анад̇т̇ам̣ барихааяад̇и арахаа арахад̇д̇аад̇и бужчаа сагаваад̣̇исса. д̇ад̇ра барихааяад̇ийд̇и д̣̇вз барихаанияо бад̇д̇абарихаани жа аббад̇д̇абарихаани жа. д̇ад̇т̇а ‘‘д̣̇уд̇ияамби ко ааяасмаа г̇од̇хиго д̇амхаа саамаяигааяа жзд̇овимуд̇д̇ияаа барихааяий’’д̇и (сам̣. ни. 1.159) аяам̣ бад̇д̇абарихаани наама. ‘‘маа во сааман̃н̃ад̇т̇игаанам̣ сад̇ам̣ сааман̃н̃ад̇т̇о барихааяий’’д̇и (ма. ни. 1.416-418) аяам̣ аббад̇д̇абарихаани. д̇аасу ид̇ха бад̇д̇абарихаани ад̇хиббзд̇аа. д̇ан̃хи санд̇хааяа ааманд̇аад̇и бадин̃н̃аа бараваад̣̇исса. сагасамаяз бана имам̣ бад̇д̇абарихааним̣ наама логияасамаабад̇д̇ияаава ижчанд̇и, на арахад̇д̇аад̣̇ийхи сааман̃н̃апалзхи. барасамаязби нам̣ саб̣б̣асааман̃н̃апалзсу саб̣б̣абхавзсу саб̣б̣агаалзсу саб̣б̣зсан̃жа буг̇г̇алаанам̣ на ижчанд̇и. д̇ам̣ бана д̇зсам̣ лад̣̇д̇химад̇д̇амзваад̇и саб̣б̣ам̣ лад̣̇д̇хиж̇аалам̣ бхинд̣̇ид̇ум̣ буна саб̣б̣ад̇т̇аад̇иаад̣̇инаа наязна д̣̇зсанаа вад̣дхид̇аа.
239. Idāni parihānikathā hoti. Parihānidhammo aparihānidhammo, ‘‘dveme, bhikkhave, dhammā sekkhassa, bhikkhuno parihānāya saṃvattanti’’ (a. ni. 2.185), ‘‘pañcime, bhikkhave, dhammā samayavimuttassa bhikkhuno parihānāya saṃvattantī’’ti (a. ni. 5.149) evamādīni hi suttāni nissāya sammitiyā vajjiputtakā sabbatthivādino ekacce ca mahāsaṅghikā arahatopi parihāniṃ icchanti, tasmā te vā hontu aññeyeva vā, yesaṃ ayaṃ laddhi, tesaṃ laddhibhindanatthaṃ parihāyati arahā arahattāti pucchā sakavādissa. Tatra parihāyatīti dve parihāniyo pattaparihāni ca appattaparihāni ca. Tattha ‘‘dutiyampi kho āyasmā godhiko tamhā sāmayikāya cetovimuttiyā parihāyī’’ti (saṃ. ni. 1.159) ayaṃ pattaparihāni nāma. ‘‘Mā vo sāmaññatthikānaṃ sataṃ sāmaññattho parihāyī’’ti (ma. ni. 1.416-418) ayaṃ appattaparihāni. Tāsu idha pattaparihāni adhippetā. Tañhi sandhāya āmantāti paṭiññā paravādissa. Sakasamaye pana imaṃ pattaparihāniṃ nāma lokiyasamāpattiyāva icchanti, na arahattādīhi sāmaññaphalehi. Parasamayepi naṃ sabbasāmaññaphalesu sabbabhavesu sabbakālesu sabbesañca puggalānaṃ na icchanti. Taṃ pana tesaṃ laddhimattamevāti sabbaṃ laddhijālaṃ bhindituṃ puna sabbatthātiādinā nayena desanā vaḍḍhitā.
д̇ад̇т̇а яасмаа бараваад̣̇ий гамзна барихааяид̇ваа сод̇аабад̇д̇ипалз тид̇асса арахад̇о барихааним̣ на ижчад̇и, убарипалзсу тид̇ассзва ижчад̇и. яасмаа жа руубааруубабхавзсу тид̇асса на ижчад̇и, гаммаараамад̇аад̣̇ийнам̣ бана барихаанияад̇хаммаанам̣ бхаавад̇о гаамабхавз тид̇ассзва ижчад̇и, д̇асмаа ‘‘саб̣б̣ад̇т̇аа’’д̇и будто бадигкибад̇и. буна д̣̇ал̣хам̣ гад̇ваа будто гаамабхавам̣ санд̇хааяа бадиж̇аанаад̇и. саб̣б̣асмимби хи гаамабхавз барихаанигараа гаамаг̇ун̣аа ад̇т̇и, д̇асмаа д̇ад̇т̇а барихааяад̇ийд̇и д̇асса лад̣̇д̇хи.
Tattha yasmā paravādī kamena parihāyitvā sotāpattiphale ṭhitassa arahato parihāniṃ na icchati, upariphalesu ṭhitasseva icchati. Yasmā ca rūpārūpabhavesu ṭhitassa na icchati, kammārāmatādīnaṃ pana parihāniyadhammānaṃ bhāvato kāmabhave ṭhitasseva icchati, tasmā ‘‘sabbatthā’’ti puṭṭho paṭikkhipati. Puna daḷhaṃ katvā puṭṭho kāmabhavaṃ sandhāya paṭijānāti. Sabbasmimpi hi kāmabhave parihānikarā kāmaguṇā atthi, tasmā tattha parihāyatīti tassa laddhi.
д̇ад̇ияабужчааяа барихаанийд̇и барихаанигарз д̇хаммз бужчад̇и. д̇ад̇т̇а яасмаа барихаани наама гаммаараамад̇аад̣̇ид̇хаммаа, висзсад̇о ваа гаамарааг̇аб̣яаабаад̣̇аа зва, д̇з жа руубааруубабхавз над̇т̇и, д̇асмаа ‘‘на хзва’’нд̇и бадигкзбо бараваад̣̇исса.
Tatiyapucchāya parihānīti parihānikare dhamme pucchati. Tattha yasmā parihāni nāma kammārāmatādidhammā, visesato vā kāmarāgabyāpādā eva, te ca rūpārūpabhave natthi, tasmā ‘‘na heva’’nti paṭikkhepo paravādissa.
саб̣б̣ад̣̇аад̇и гаалабужчаа. д̇ад̇т̇а батамабан̃хз яонисоманасигаарагаалз абарихааяанад̇о бадигкибад̇и. д̣̇уд̇ияз аяонисоманасигарод̇о рад̇д̇ибхааг̇з ваа д̣̇ивасабхааг̇з ваа саб̣б̣ад̣̇аа барихааяанад̇о бадиж̇аанаад̇и. д̇ад̇ияз барихаанигарад̇хаммасамааяог̇з сад̇и мухуд̇д̇амзва барихаани наама ход̇и, д̇ад̇о буб̣б̣з абарихийнасса бажчаа барихийнасса жа барихаани наама над̇т̇ийд̇и бадигкибад̇и.
Sabbadāti kālapucchā. Tattha paṭhamapañhe yonisomanasikārakāle aparihāyanato paṭikkhipati. Dutiye ayonisomanasikaroto rattibhāge vā divasabhāge vā sabbadā parihāyanato paṭijānāti. Tatiye parihānikaradhammasamāyoge sati muhuttameva parihāni nāma hoti, tato pubbe aparihīnassa pacchā parihīnassa ca parihāni nāma natthīti paṭikkhipati.
саб̣б̣зва араханд̇од̇и бан̃хаанам̣ батамасмим̣ д̇игкинд̣̇рияз санд̇хааяа бадигкибад̇и. д̣̇уд̇ияасмим̣ муд̣̇инд̣̇рияз санд̇хааяа бадиж̇аанаад̇и. д̇ад̇ияасмимби д̇игкинд̣̇рияаава ад̇хиббзд̇аа. д̇зсан̃хи саб̣б̣зсамби барихаани на ход̇ийд̇и д̇асса лад̣̇д̇хи.
Sabbeva arahantoti pañhānaṃ paṭhamasmiṃ tikkhindriye sandhāya paṭikkhipati. Dutiyasmiṃ mudindriye sandhāya paṭijānāti. Tatiyasmimpi tikkhindriyāva adhippetā. Tesañhi sabbesampi parihāni na hotīti tassa laddhi.
сздтиуд̣̇аахаран̣з батамабужчаа бараваад̣̇исса, д̣̇уд̇ияаа сагаваад̣̇исса. д̇ад̇рааяам̣ ад̇хиббааяо – яам̣ мам̣ д̇умхз бужчат̇а – ‘‘арахаа арахад̇д̇аа барихааяанд̇о жад̇уухи палзхи барихааяад̇ий’’д̇и, д̇ад̇ра во бадибужчаами – ‘‘жад̇уухи сад̇асахассзхи сздтий сздтид̇д̇ам̣ гаронд̇о сад̇асахассзхи барихийнз сздтий сздтид̇д̇аа барихийно ход̇ий’’д̇и. д̇ад̇о сагаваад̣̇инаа згад̣̇зсзна барихааним̣ санд̇хааяа ‘‘ааманд̇аа’’д̇и вуд̇д̇з саб̣б̣асаабад̇зяяаа барихийно ход̇ийд̇и бужчад̇и. д̇ат̇аа абарихийнад̇д̇аа сагаваад̣̇ий на хзваад̇и вад̇ваа ат̇а нам̣ ‘‘звамзва арахааби барихааяад̇и жа. на жа жад̇уухи палзхий’’д̇и уббанналад̣̇д̇хигам̣ д̣̇уд̇ияам̣ бхаб̣б̣абан̃хам̣ бужчад̇и. бараваад̣̇ий сздтино абхаб̣б̣ад̇ааяа нияамам̣ абассанд̇о бадиж̇аанид̇ваа арахад̇о жад̇уухи палзхи барихаанибхаб̣б̣ад̇ам̣ будто ‘‘нияад̇о самб̣од̇хибарааяан̣о’’д̇и (а. ни. 3.87) важанасса аяонисо ад̇т̇ам̣ г̇ахзд̇ваа лад̣̇д̇хияам̣ тид̇о сод̇аабад̇д̇ипалад̇о барихааяид̇ум̣ абхаб̣б̣ад̇ам̣ санд̇хааяа бадигкибад̇и. д̇ам̣ банасса лад̣̇д̇химад̇д̇амзваад̇и.
Seṭṭhiudāharaṇe paṭhamapucchā paravādissa, dutiyā sakavādissa. Tatrāyaṃ adhippāyo – yaṃ maṃ tumhe pucchatha – ‘‘arahā arahattā parihāyanto catūhi phalehi parihāyatī’’ti, tatra vo paṭipucchāmi – ‘‘catūhi satasahassehi seṭṭhī seṭṭhittaṃ karonto satasahassehi parihīne seṭṭhī seṭṭhittā parihīno hotī’’ti. Tato sakavādinā ekadesena parihāniṃ sandhāya ‘‘āmantā’’ti vutte sabbasāpateyyā parihīno hotīti pucchati. Tathā aparihīnattā sakavādī na hevāti vatvā atha naṃ ‘‘evameva arahāpi parihāyati ca. Na ca catūhi phalehī’’ti uppannaladdhikaṃ dutiyaṃ bhabbapañhaṃ pucchati. Paravādī seṭṭhino abhabbatāya niyamaṃ apassanto paṭijānitvā arahato catūhi phalehi parihānibhabbataṃ puṭṭho ‘‘niyato sambodhiparāyaṇo’’ti (a. ni. 3.87) vacanassa ayoniso atthaṃ gahetvā laddhiyaṃ ṭhito sotāpattiphalato parihāyituṃ abhabbataṃ sandhāya paṭikkhipati. Taṃ panassa laddhimattamevāti.
зд̇д̇аавад̇аа ваад̣̇аяуд̇д̇и наама нидтид̇аа ход̇и.
Ettāvatā vādayutti nāma niṭṭhitā hoti.
2. арияабуг̇г̇аласам̣санд̣̇анабарихааниван̣н̣анаа
2. Ariyapuggalasaṃsandanaparihānivaṇṇanā
240. ид̣̇аани арияабуг̇г̇аласам̣санд̣̇анаа аарад̣̇д̇хаа. д̇ад̇т̇а яасмаа гзжи арахад̇ова барихааним̣ ижчанд̇и, гзжи анааг̇ааминоби, гзжи сагад̣̇ааг̇аамиссаби. сод̇аабаннасса бана саб̣б̣зби на ижчанд̇иязва. яз арахад̇д̇аа барихааяид̇ваа анааг̇аамисагад̣̇ааг̇аамибхаавз тид̇аа, д̇зсам̣ барихааним̣ ижчанд̇и, на ид̇арзсам̣ анааг̇аамисагад̣̇ааг̇аамийнам̣. сод̇аабаннасса бана д̇зби саб̣б̣ат̇ааби на ижчанд̇иязва, д̇асмаа бзяяааламукзна бужчаа гад̇аа. д̇ад̇т̇а д̇зсам̣ лад̣̇д̇хивасзна бадин̃н̃аа жа бадигкзбо жа взд̣̇ид̇аб̣б̣аа. ‘‘барихааяад̇и анааг̇аамий анааг̇аамипалаа’’д̇и хи бан̃хасмим̣ яз анааг̇аамино барихааним̣ на ижчанд̇и, д̇зсам̣ васзна бадигкзбо. яз багад̇ианааг̇аамино ваа арахад̇д̇аа барихааяид̇ваа тид̇аанааг̇аамино ваа барихааним̣ ижчанд̇и, д̇зсам̣ васзна бадин̃н̃аад̇и ид̣̇амзд̇т̇а наяамукам̣. д̇ассаанусаарзна саб̣б̣абзяяаалаа ад̇т̇ад̇о взд̣̇ид̇аб̣б̣аа.
240. Idāni ariyapuggalasaṃsandanā āraddhā. Tattha yasmā keci arahatova parihāniṃ icchanti, keci anāgāminopi, keci sakadāgāmissapi. Sotāpannassa pana sabbepi na icchantiyeva. Ye arahattā parihāyitvā anāgāmisakadāgāmibhāve ṭhitā, tesaṃ parihāniṃ icchanti, na itaresaṃ anāgāmisakadāgāmīnaṃ. Sotāpannassa pana tepi sabbathāpi na icchantiyeva, tasmā peyyālamukhena pucchā katā. Tattha tesaṃ laddhivasena paṭiññā ca paṭikkhepo ca veditabbā. ‘‘Parihāyati anāgāmī anāgāmiphalā’’ti hi pañhasmiṃ ye anāgāmino parihāniṃ na icchanti, tesaṃ vasena paṭikkhepo. Ye pakatianāgāmino vā arahattā parihāyitvā ṭhitaanāgāmino vā parihāniṃ icchanti, tesaṃ vasena paṭiññāti idamettha nayamukhaṃ. Tassānusārena sabbapeyyālā atthato veditabbā.
241. яам̣ банзд̇т̇а ‘‘сод̇аабад̇д̇ипаласса ананд̇араа арахад̇д̇ам̣язва сажчигарод̇ий’’д̇и вуд̇д̇ам̣, д̇ам̣ барихийнасса буна вааяамад̇о арахад̇д̇аббад̇д̇им̣ санд̇хааяа вуд̇д̇ам̣. ид̇аро сод̇аабад̇д̇ипалаананд̇арам̣ арахад̇д̇асса абхааваа бадигкибад̇и.
241. Yaṃ panettha ‘‘sotāpattiphalassa anantarā arahattaṃyeva sacchikarotī’’ti vuttaṃ, taṃ parihīnassa puna vāyamato arahattappattiṃ sandhāya vuttaṃ. Itaro sotāpattiphalānantaraṃ arahattassa abhāvā paṭikkhipati.
242. д̇ад̇о барам̣ ‘‘барихаани наамзсаа гилзсаббахаанасса ваа манд̣̇ад̇ааяа бхавзяяа, маг̇г̇абхааванаад̣̇ийнам̣ ваа анад̇химад̇д̇ад̇ааяа, сажжаанам̣ ваа ад̣̇ассанзнаа’’д̇и звамаад̣̇ийнам̣ васзна ануяун̃ж̇ид̇ум̣ гасса б̣ахуд̇араа гилзсаа бахийнаад̇иаад̣̇и вуд̇д̇ам̣. д̇ам̣ саб̣б̣ам̣ уд̇д̇аанаад̇хиббааяамзва суд̇д̇аанам̣ банад̇т̇о ааг̇амадтагат̇аасу вуд̇д̇анаязнзва взд̣̇ид̇аб̣б̣о.
242. Tato paraṃ ‘‘parihāni nāmesā kilesappahānassa vā mandatāya bhaveyya, maggabhāvanādīnaṃ vā anadhimattatāya, saccānaṃ vā adassanenā’’ti evamādīnaṃ vasena anuyuñjituṃ kassa bahutarā kilesā pahīnātiādi vuttaṃ. Taṃ sabbaṃ uttānādhippāyameva suttānaṃ panattho āgamaṭṭhakathāsu vuttanayeneva veditabbo.
262. самаяавимуд̇д̇о арахаа арахад̇д̇аа барихааяад̇ийд̇и зд̇т̇а муд̣̇инд̣̇рияо самаяавимуд̇д̇о, д̇игкинд̣̇рияо асамаяавимуд̇д̇од̇и д̇зсам̣ лад̣̇д̇хи. сагасамаяз бана авасиббад̇д̇о жхааналаабхий самаяавимуд̇д̇о, васиббад̇д̇о жхааналаабхий жзва саб̣б̣з жа арияабуг̇г̇алаа арияз вимогкз асамаяавимуд̇д̇аад̇и саннидтаанам̣. со бана д̇ам̣ ад̇д̇ано лад̣̇д̇хим̣ г̇ахзд̇ваа самаяавимуд̇д̇о барихааяад̇и, ид̇аро на барихааяад̇ий’’д̇и ааха. сзсамзд̇т̇а уд̇д̇аанад̇т̇амзва.
262. Samayavimutto arahā arahattā parihāyatīti ettha mudindriyo samayavimutto, tikkhindriyo asamayavimuttoti tesaṃ laddhi. Sakasamaye pana avasippatto jhānalābhī samayavimutto, vasippatto jhānalābhī ceva sabbe ca ariyapuggalā ariye vimokkhe asamayavimuttāti sanniṭṭhānaṃ. So pana taṃ attano laddhiṃ gahetvā samayavimutto parihāyati, itaro na parihāyatī’’ti āha. Sesamettha uttānatthameva.
арияабуг̇г̇аласам̣санд̣̇анабарихааниван̣н̣анаа.
Ariyapuggalasaṃsandanaparihānivaṇṇanā.
3. суд̇д̇асаад̇ханабарихааниван̣н̣анаа
3. Suttasādhanaparihānivaṇṇanā
265. ид̣̇аани суд̇д̇асаад̇ханаа ход̇и. д̇ад̇т̇а ужжааважаад̇и уд̇д̇амахийнабхзд̣̇ад̇о ужжаа жа аважаа жа. бадибаад̣̇аад̇и бадибад̣̇аа. саман̣зна багаасид̇аад̇и б̣уд̣̇д̇хасаман̣зна ж̇од̇ид̇аа. сукаабадибад̣̇аа хи киббаабхин̃н̃аа ужжаа. д̣̇угкаабадибад̣̇аа д̣̇анд̇хаабхин̃н̃аа аважаа. ид̇араа д̣̇вз згзнан̇г̇зна ужжаа, згзна аважаа. батамам̣ вуд̇д̇аа зва ваа ужжаа, ид̇аро д̇иссоби аважаа. д̇ааяа жзд̇ааяа ужжааважааяа бадибад̣̇ааяа на баарам̣ д̣̇иг̇ун̣ам̣ яанд̇и, згамаг̇г̇зна д̣̇вигкад̇д̇ум̣ ниб̣б̣аанам̣ на г̇ажчанд̇ийд̇и ад̇т̇о. гасмаа? язна маг̇г̇зна яз гилзсаа бахийнаа, д̇зна д̇зсам̣ буна аббахаад̇аб̣б̣ад̇о. зд̇зна барихаанид̇хаммаабхаавам̣ д̣̇ийбзд̇и. наяид̣̇ам̣ згаг̇ун̣ам̣ муд̇анд̇и д̇ан̃жа ид̣̇ам̣ баарам̣ згаваарам̣язва пусанаарахам̣ на ход̇и. гасмаа? згзна маг̇г̇зна саб̣б̣агилзсаанам̣ аббахаанад̇о. зд̇зна згамаг̇г̇знзва арахад̇д̇аабхаавам̣ д̣̇ийбзд̇и.
265. Idāni suttasādhanā hoti. Tattha uccāvacāti uttamahīnabhedato uccā ca avacā ca. Paṭipādāti paṭipadā. Samaṇena pakāsitāti buddhasamaṇena jotitā. Sukhāpaṭipadā hi khippābhiññā uccā. Dukkhāpaṭipadā dandhābhiññā avacā. Itarā dve ekenaṅgena uccā, ekena avacā. Paṭhamaṃ vuttā eva vā uccā, itaro tissopi avacā. Tāya cetāya uccāvacāya paṭipadāya na pāraṃ diguṇaṃ yanti, ekamaggena dvikkhattuṃ nibbānaṃ na gacchantīti attho. Kasmā? Yena maggena ye kilesā pahīnā, tena tesaṃ puna appahātabbato. Etena parihānidhammābhāvaṃ dīpeti. Nayidaṃ ekaguṇaṃ mutanti tañca idaṃ pāraṃ ekavāraṃyeva phusanārahaṃ na hoti. Kasmā? Ekena maggena sabbakilesānaṃ appahānato. Etena ekamaggeneva arahattābhāvaṃ dīpeti.
ад̇т̇и чиннасса чзд̣̇ияанд̇и чиннасса гилзсаваддасса буна чинд̣̇ид̇аб̣б̣ам̣ гин̃жи ад̇т̇ийд̇и бужчад̇и. ид̇аро д̇игкинд̣̇рияам̣ санд̇хааяа бадигкибид̇ваа буна будто муд̣̇инд̣̇рияам̣ санд̇хааяа бадиж̇аанаад̇и. сагаваад̣̇ий суд̇д̇ам̣ аахарид̇ваа над̇т̇ибхаавам̣ д̣̇ассзд̇и. д̇ад̇т̇а огхабаасод̇и гилзсогхо жзва гилзсабаасо жа.
Atthi chinnassa chediyanti chinnassa kilesavaṭṭassa puna chinditabbaṃ kiñci atthīti pucchati. Itaro tikkhindriyaṃ sandhāya paṭikkhipitvā puna puṭṭho mudindriyaṃ sandhāya paṭijānāti. Sakavādī suttaṃ āharitvā natthibhāvaṃ dasseti. Tattha oghapāsoti kilesogho ceva kilesapāso ca.
266. гад̇асса бадижаяод̇и бхаавид̇асса маг̇г̇асса буна бхааванаа. ид̇хааби бадигкзбабадиж̇аананаани буриманаязнзва взд̣̇ид̇аб̣б̣аани.
266. Katassa paṭicayoti bhāvitassa maggassa puna bhāvanā. Idhāpi paṭikkhepapaṭijānanāni purimanayeneva veditabbāni.
267. барихаанааяа сам̣вад̇д̇анд̇ийд̇и бараваад̣̇инаа аабхад̇з суд̇д̇з бан̃жа д̇хаммаа аббад̇д̇абарихаанааяа жзва логияасамаабад̇д̇ибарихаанааяа жа сам̣вад̇д̇анд̇и. со бана бад̇д̇асса арахад̇д̇апаласса барихаанааяа саллагкзд̇и. д̇знзва ад̇т̇и арахад̇о гаммаараамад̇аад̇и ааха. ид̇ароби асамаяавимуд̇д̇ам̣ санд̇хааяа бадигкибид̇ваа ид̇арам̣ санд̇хааяа бадиж̇аанаад̇и. гаамарааг̇авасзна ваа бавад̇д̇амаанам̣ д̇ам̣ бадигкибид̇ваа ид̇арат̇аа бавад̇д̇амаанам̣ бадиж̇аанаад̇и. рааг̇аад̣̇ийнам̣ бана ад̇т̇ид̇ам̣ будто бадиж̇аанид̇ум̣ на саггод̇и.
267. Parihānāya saṃvattantīti paravādinā ābhate sutte pañca dhammā appattaparihānāya ceva lokiyasamāpattiparihānāya ca saṃvattanti. So pana pattassa arahattaphalassa parihānāya sallakkheti. Teneva atthi arahato kammārāmatāti āha. Itaropi asamayavimuttaṃ sandhāya paṭikkhipitvā itaraṃ sandhāya paṭijānāti. Kāmarāgavasena vā pavattamānaṃ taṃ paṭikkhipitvā itarathā pavattamānaṃ paṭijānāti. Rāgādīnaṃ pana atthitaṃ puṭṭho paṭijānituṃ na sakkoti.
268. гим̣ барияудтид̇од̇и гзна барияудтид̇о ануб̣ад̣̇д̇хо аж̇жход̇т̇ад̇о ваа худ̇ваад̇и ад̇т̇о. анусаяабужчааяаби д̇игкинд̣̇рияамуд̣̇инд̣̇рияавасзнзва бадигкзбабадиж̇аананаани взд̣̇ид̇аб̣б̣аани. галяаан̣аанусаяод̇и важанамад̇д̇асааман̃н̃зна ваа бадиж̇аанаад̇и. рааг̇о убажаяам̣ г̇ажчад̇ийд̇и бхааванааяа бахийнам̣ санд̇хааяааха. барад̇о д̣̇осамохзсуби зсзва наяо. саггааяад̣̇идтиаад̣̇ийнам̣ бана д̣̇ассанзна бахийнад̇д̇аа убажаяам̣ на ижчад̇и. сзсам̣ саб̣б̣ад̇т̇а уд̇д̇аанад̇т̇амзваад̇и.
268. Kiṃ pariyuṭṭhitoti kena pariyuṭṭhito anubaddho ajjhotthato vā hutvāti attho. Anusayapucchāyapi tikkhindriyamudindriyavaseneva paṭikkhepapaṭijānanāni veditabbāni. Kalyāṇānusayoti vacanamattasāmaññena vā paṭijānāti. Rāgo upacayaṃ gacchatīti bhāvanāya pahīnaṃ sandhāyāha. Parato dosamohesupi eseva nayo. Sakkāyadiṭṭhiādīnaṃ pana dassanena pahīnattā upacayaṃ na icchati. Sesaṃ sabbattha uttānatthamevāti.
суд̇д̇асаад̇ханаа.
Suttasādhanā.
барихаанигат̇аа нидтид̇аа.
Parihānikathā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 2. барихаанигат̇аа • 2. Parihānikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. барихаанигат̇аа • 2. Parihānikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. барихаанигат̇аа • 2. Parihānikathā
