| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
2. барихаанигат̇аа
2. Parihānikathā
1. ваад̣̇аяуд̇д̇ибарихаанигат̇ааван̣н̣анаа
1. Vādayuttiparihānikathāvaṇṇanā
239. ‘‘д̣̇взмз , бхигкавз, д̇хаммаа сзгкасса бхигкуно барихаанааяа сам̣вад̇д̇анд̇ий’’д̇и (а. ни. 2.185) ид̣̇ам̣ суд̇д̇ам̣ арахад̇о барихаанилад̣̇д̇хияаа на ниссаяо, ат̇а ко анааг̇аамиаад̣̇ийнам̣ барихаанилад̣̇д̇хияаа, д̇асмаа арахад̇оби барихааним̣ ижчанд̇ийд̇и зд̇т̇а би-сад̣̇д̣̇зна анааг̇аамиссаби сагад̣̇ааг̇аамиссабийд̇и яож̇зд̇аб̣б̣ам̣.
239. ‘‘Dveme , bhikkhave, dhammā sekkhassa bhikkhuno parihānāya saṃvattantī’’ti (a. ni. 2.185) idaṃ suttaṃ arahato parihāniladdhiyā na nissayo, atha kho anāgāmiādīnaṃ parihāniladdhiyā, tasmā arahatopi parihāniṃ icchantīti ettha pi-saddena anāgāmissapi sakadāgāmissapīti yojetabbaṃ.
‘‘д̇ад̇ияасмимби муд̣̇инд̣̇рияаава ад̇хиббзд̇аа. д̇зсан̃хи саб̣б̣зсамби барихаани на ход̇ийд̇и д̇асса лад̣̇д̇хий’’д̇и буримабаато, муд̣̇инд̣̇риязсвзва бана ад̇хиббзд̇зсу баригкзбо на гаад̇аб̣б̣о сияаа, гад̇о жа, д̇асмаа ‘‘д̇ад̇ияасмимби д̇игкинд̣̇рияаава ад̇хиббзд̇аа. д̇зсан̃хи саб̣б̣зсамби барихаани на ход̇ийд̇и д̇асса лад̣̇д̇хий’’д̇и батанд̇и.
‘‘Tatiyasmimpi mudindriyāva adhippetā. Tesañhi sabbesampi parihāni na hotīti tassa laddhī’’ti purimapāṭho, mudindriyesveva pana adhippetesu parikkhepo na kātabbo siyā, kato ca, tasmā ‘‘tatiyasmimpi tikkhindriyāva adhippetā. Tesañhi sabbesampi parihāni na hotīti tassa laddhī’’ti paṭhanti.
аяонисо ад̇т̇ам̣ г̇ахзд̇ваад̇и сод̇аабанноязва нияад̇од̇и вуд̇д̇од̇и соязва на барихааяад̇и, на ид̇арзд̇и ад̇т̇ам̣ г̇ахзд̇ваа. ‘‘убаримаг̇г̇ад̇т̇ааяаа’’д̇и вуд̇д̇ам̣ ад̇т̇ам̣ аг̇г̇ахзд̇ваа нияад̇од̇и сод̇аабад̇д̇ипалаа на барихааяад̇ийд̇и зд̇амад̇т̇ам̣ г̇ан̣хийд̇и бана вад̣̇анд̇и.
Ayoniso atthaṃ gahetvāti sotāpannoyeva niyatoti vuttoti soyeva na parihāyati, na itareti atthaṃ gahetvā. ‘‘Uparimaggatthāyā’’ti vuttaṃ atthaṃ aggahetvā niyatoti sotāpattiphalā na parihāyatīti etamatthaṃ gaṇhīti pana vadanti.
ваад̣̇аяуд̇д̇ибарихаанигат̇ааван̣н̣анаа нидтид̇аа.
Vādayuttiparihānikathāvaṇṇanā niṭṭhitā.
2. арияабуг̇г̇аласам̣санд̣̇анабарихааниван̣н̣анаа
2. Ariyapuggalasaṃsandanaparihānivaṇṇanā
241. яам̣ банзд̇т̇аад̇иаад̣̇имхи д̣̇ассанамаг̇г̇апалз тид̇асса ананд̇арам̣ арахад̇д̇аббад̇д̇им̣, д̇ад̇о барихааяид̇ваа д̇ад̇т̇а жа таанам̣ ижчанд̇о буна вааяаамзна д̇ад̣̇ананд̇арам̣ арахад̇д̇аббад̇д̇им̣ на ижчад̇ийд̇и вижаарзд̇аб̣б̣амзд̇ам̣.
241. Yaṃpanetthātiādimhi dassanamaggaphale ṭhitassa anantaraṃ arahattappattiṃ, tato parihāyitvā tattha ca ṭhānaṃ icchanto puna vāyāmena tadanantaraṃ arahattappattiṃ na icchatīti vicāretabbametaṃ.
262. авасиббад̇д̇о жхааналаабхийд̇и сзгко вуд̇д̇од̇и д̣̇адтаб̣б̣о. бут̇уж̇ж̇ано бана васиббад̇д̇о авасиббад̇д̇о жа самаяавимуд̇д̇аасамаяавимуд̇д̇ад̇анд̇ияаа аг̇г̇ахид̇о, бхаж̇аабияамаано бана самаабад̇д̇ивигкамбхид̇аанам̣ гилзсаанам̣ васзна самаяавимуд̇д̇абхаавам̣ бхаж̇зяяаад̇и вуд̇д̇од̇и.
262. Avasippatto jhānalābhīti sekkho vuttoti daṭṭhabbo. Puthujjano pana vasippatto avasippatto ca samayavimuttaasamayavimuttatantiyā aggahito, bhajāpiyamāno pana samāpattivikkhambhitānaṃ kilesānaṃ vasena samayavimuttabhāvaṃ bhajeyyāti vuttoti.
арияабуг̇г̇аласам̣санд̣̇анабарихааниван̣н̣анаа нидтид̇аа.
Ariyapuggalasaṃsandanaparihānivaṇṇanā niṭṭhitā.
3. суд̇д̇асаад̇ханабарихааниван̣н̣анаа
3. Suttasādhanaparihānivaṇṇanā
265. уд̇д̇амахийнабхзд̣̇о ‘‘д̇ад̇ра яааяам̣ бадибад̣̇аа сукаа киббаабхин̃н̃аа, саа убхаязнзва бан̣ийд̇аа агкааяад̇ий’’д̇иаад̣̇исуд̇д̇авасзна (д̣̇ий. ни. 3.152) вуд̇д̇о. ‘‘д̣̇идтам̣ суд̇ам̣ муд̇а’’нд̇и зд̇т̇а вияа муд̇асад̣̇д̣̇о бад̇д̇аб̣б̣ам̣ вад̣̇ад̇ийд̇и ааха ‘‘пусанаараха’’нд̇и.
265. Uttamahīnabhedo ‘‘tatra yāyaṃ paṭipadā sukhā khippābhiññā, sā ubhayeneva paṇītā akkhāyatī’’tiādisuttavasena (dī. ni. 3.152) vutto. ‘‘Diṭṭhaṃ sutaṃ muta’’nti ettha viya mutasaddo pattabbaṃ vadatīti āha ‘‘phusanāraha’’nti.
267. аббад̇д̇абарихаанааяа жзва сам̣вад̇д̇анд̇и яат̇аагад̇асаннидтаанасса самаяавимуд̇д̇ассаад̇и ад̇хиббааяо.
267. Appattaparihānāya ceva saṃvattanti yathākatasanniṭṭhānassa samayavimuttassāti adhippāyo.
суд̇д̇асаад̇ханабарихааниван̣н̣анаа нидтид̇аа.
Suttasādhanaparihānivaṇṇanā niṭṭhitā.
барихаанигат̇ааван̣н̣анаа нидтид̇аа.
Parihānikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 2. барихаанигат̇аа • 2. Parihānikathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 2. барихаанигат̇аа • 2. Parihānikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. барихаанигат̇аа • 2. Parihānikathā
