| Library / Tipiṭaka / तिपिटक • Tipiṭaka / कथावत्थुपाळि • Kathāvatthupāḷi |
२. परिहानिकथा
2. Parihānikathā
१. वादयुत्तिपरिहानि
1. Vādayuttiparihāni
२३९. परिहायति अरहा अरहत्ताति? आमन्ता। सब्बत्थ अरहा अरहत्ता परिहायतीति? न हेवं वत्तब्बे…पे॰… सब्बत्थ अरहा अरहत्ता परिहायतीति? आमन्ता। सब्बत्थ अरहतो परिहानीति? न हेवं वत्तब्बे…पे॰…।
239. Parihāyati arahā arahattāti? Āmantā. Sabbattha arahā arahattā parihāyatīti? Na hevaṃ vattabbe…pe… sabbattha arahā arahattā parihāyatīti? Āmantā. Sabbattha arahato parihānīti? Na hevaṃ vattabbe…pe….
परिहायति अरहा अरहत्ताति? आमन्ता । सब्बदा अरहा अरहत्ता परिहायतीति? न हेवं वत्तब्बे…पे॰… सब्बदा अरहा अरहत्ता परिहायतीति? आमन्ता। सब्बदा अरहतो परिहानीति? न हेवं वत्तब्बे…पे॰…।
Parihāyati arahā arahattāti? Āmantā . Sabbadā arahā arahattā parihāyatīti? Na hevaṃ vattabbe…pe… sabbadā arahā arahattā parihāyatīti? Āmantā. Sabbadā arahato parihānīti? Na hevaṃ vattabbe…pe….
परिहायति अरहा अरहत्ताति? आमन्ता। सब्बेव अरहन्तो अरहत्ता परिहायन्तीति? न हेवं वत्तब्बे…पे॰… सब्बेव अरहन्तो अरहत्ता परिहायन्तीति? आमन्ता। सब्बेसंयेव अरहन्तानं परिहानीति? न हेवं वत्तब्बे…पे॰…।
Parihāyati arahā arahattāti? Āmantā. Sabbeva arahanto arahattā parihāyantīti? Na hevaṃ vattabbe…pe… sabbeva arahanto arahattā parihāyantīti? Āmantā. Sabbesaṃyeva arahantānaṃ parihānīti? Na hevaṃ vattabbe…pe….
परिहायति अरहा अरहत्ताति? आमन्ता। अरहा अरहत्ता परिहायमानो चतूहि फलेहि परिहायतीति? न हेवं वत्तब्बे…पे॰…।
Parihāyati arahā arahattāti? Āmantā. Arahā arahattā parihāyamāno catūhi phalehi parihāyatīti? Na hevaṃ vattabbe…pe….
चतूहि सतसहस्सेहि सेट्ठी सेट्ठित्तं कारेन्तो सतसहस्से परिहीने सेट्ठित्ता परिहीनो होतीति? आमन्ता। सब्बसापतेय्या परिहीनो होतीति? न हेवं वत्तब्बे…पे॰…।
Catūhi satasahassehi seṭṭhī seṭṭhittaṃ kārento satasahasse parihīne seṭṭhittā parihīno hotīti? Āmantā. Sabbasāpateyyā parihīno hotīti? Na hevaṃ vattabbe…pe….
चतूहि सतसहस्सेहि सेट्ठी सेट्ठित्तं कारेन्तो सतसहस्से परिहीने भब्बो सब्बसापतेय्या परिहायितुन्ति? आमन्ता। अरहा अरहत्ता परिहायमानो भब्बो चतूहि फलेहि परिहायितुन्ति? न हेवं वत्तब्बे…पे॰…।
Catūhi satasahassehi seṭṭhī seṭṭhittaṃ kārento satasahasse parihīne bhabbo sabbasāpateyyā parihāyitunti? Āmantā. Arahā arahattā parihāyamāno bhabbo catūhi phalehi parihāyitunti? Na hevaṃ vattabbe…pe….
२. अरियपुग्गलसंसन्दनपरिहानि
2. Ariyapuggalasaṃsandanaparihāni
२४०. परिहायति अरहा अरहत्ताति? आमन्ता। परिहायति सोतापन्नो सोतापत्तिफलाति? न हेवं वत्तब्बे…पे॰…।
240. Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe….
परिहायति अरहा अरहत्ताति? आमन्ता। परिहायति सकदागामी सकदागामिफलाति? न हेवं वत्तब्बे…पे॰…।
Parihāyati arahā arahattāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe….
परिहायति अरहा अरहत्ताति? आमन्ता। परिहायति अनागामी अनागामिफलाति? न हेवं वत्तब्बे…पे॰…।
Parihāyati arahā arahattāti? Āmantā. Parihāyati anāgāmī anāgāmiphalāti? Na hevaṃ vattabbe…pe….
परिहायति अनागामी अनागामिफलाति? आमन्ता। परिहायति सोतापन्नो सोतापत्तिफलाति? न हेवं वत्तब्बे…पे॰…।
Parihāyati anāgāmī anāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe….
परिहायति अनागामी अनागामिफलाति? आमन्ता। परिहायति सकदागामी सकदागामिफलाति? न हेवं वत्तब्बे…पे॰…।
Parihāyati anāgāmī anāgāmiphalāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe….
परिहायति सकदागामी सकदागामिफलाति? आमन्ता। परिहायति सोतापन्नो सोतापत्तिफलाति? न हेवं वत्तब्बे…पे॰…।
Parihāyati sakadāgāmī sakadāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe….
न परिहायति सोतापन्नो सोतापत्तिफलाति? आमन्ता। न परिहायति अरहा अरहत्ताति? न हेवं वत्तब्बे…पे॰…।
Na parihāyati sotāpanno sotāpattiphalāti? Āmantā. Na parihāyati arahā arahattāti? Na hevaṃ vattabbe…pe….
न परिहायति सकदागामी सकदागामिफलाति? आमन्ता। न परिहायति अरहा अरहत्ताति? न हेवं वत्तब्बे…पे॰…।
Na parihāyati sakadāgāmī sakadāgāmiphalāti? Āmantā. Na parihāyati arahā arahattāti? Na hevaṃ vattabbe…pe….
न परिहायति अनागामी अनागामिफलाति? आमन्ता। न परिहायति अरहा अरहत्ताति? न हेवं वत्तब्बे…पे॰…।
Na parihāyati anāgāmī anāgāmiphalāti? Āmantā. Na parihāyati arahā arahattāti? Na hevaṃ vattabbe…pe….
न परिहायति सोतापन्नो सोतापत्तिफलाति? आमन्ता। न परिहायति अनागामी अनागामिफलाति? न हेवं वत्तब्बे…पे॰…।
Na parihāyati sotāpanno sotāpattiphalāti? Āmantā. Na parihāyati anāgāmī anāgāmiphalāti? Na hevaṃ vattabbe…pe….
न परिहायति सकदागामी सकदागामिफलाति? आमन्ता । न परिहायति अनागामी अनागामिफलाति? न हेवं वत्तब्बे…पे॰…।
Na parihāyati sakadāgāmī sakadāgāmiphalāti? Āmantā . Na parihāyati anāgāmī anāgāmiphalāti? Na hevaṃ vattabbe…pe….
न परिहायति सोतापन्नो सोतापत्तिफलाति? आमन्ता। न परिहायति सकदागामी सकदागामिफलाति? न हेवं वत्तब्बे…पे॰…।
Na parihāyati sotāpanno sotāpattiphalāti? Āmantā. Na parihāyati sakadāgāmī sakadāgāmiphalāti? Na hevaṃ vattabbe…pe….
२४१. परिहायति अरहा अरहत्ताति? आमन्ता। अरहा अरहत्ता परिहायमानो कत्थ सण्ठातीति? अनागामिफलेति। अनागामी अनागामिफला परिहायमानो कत्थ सण्ठातीति? सकदागामिफलेति। सकदागामी सकदागामिफला परिहायमानो कत्थ सण्ठातीति? सोतापत्तिफलेति। सोतापन्नो सोतापत्तिफला परिहायमानो पुथुज्जनभूमियं सण्ठातीति? न हेवं वत्तब्बे।
241. Parihāyati arahā arahattāti? Āmantā. Arahā arahattā parihāyamāno kattha saṇṭhātīti? Anāgāmiphaleti. Anāgāmī anāgāmiphalā parihāyamāno kattha saṇṭhātīti? Sakadāgāmiphaleti. Sakadāgāmī sakadāgāmiphalā parihāyamāno kattha saṇṭhātīti? Sotāpattiphaleti. Sotāpanno sotāpattiphalā parihāyamāno puthujjanabhūmiyaṃ saṇṭhātīti? Na hevaṃ vattabbe.
आजानाहि निग्गहं। हञ्चि अरहा अरहत्ता परिहायमानो अनागामिफले सण्ठाति, अनागामी अनागामिफला परिहायमानो सकदागामिफले सण्ठाति, सकदागामी सकदागामिफला परिहायमानो सोतापत्तिफले सण्ठाति; तेन वत रे वत्तब्बे – ‘‘सोतापन्नो सोतापत्तिफला परिहायमानो पुथुज्जनभूमियं सण्ठाती’’ति।
Ājānāhi niggahaṃ. Hañci arahā arahattā parihāyamāno anāgāmiphale saṇṭhāti, anāgāmī anāgāmiphalā parihāyamāno sakadāgāmiphale saṇṭhāti, sakadāgāmī sakadāgāmiphalā parihāyamāno sotāpattiphale saṇṭhāti; tena vata re vattabbe – ‘‘sotāpanno sotāpattiphalā parihāyamāno puthujjanabhūmiyaṃ saṇṭhātī’’ti.
अरहा अरहत्ता परिहायमानो सोतापत्तिफले सण्ठातीति? आमन्ता। सोतापत्तिफलस्स अनन्तरा अरहत्तंयेव सच्छिकरोतीति? न हेवं वत्तब्बे…पे॰…।
Arahā arahattā parihāyamāno sotāpattiphale saṇṭhātīti? Āmantā. Sotāpattiphalassa anantarā arahattaṃyeva sacchikarotīti? Na hevaṃ vattabbe…pe….
२४२. परिहायति अरहा अरहत्ताति? आमन्ता। परिहायति सोतापन्नो सोतापत्तिफलाति? न हेवं वत्तब्बे…पे॰… कस्स बहुतरा किलेसा पहीना अरहतो वा सोतापन्नस्स वाति? अरहतो। हञ्चि अरहतो बहुतरा किलेसा पहीना, परिहायति अरहा अरहत्ता; तेन वत रे वत्तब्बे – ‘‘परिहायति सोतापन्नो सोतापत्तिफला’’ति।
242. Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa bahutarā kilesā pahīnā arahato vā sotāpannassa vāti? Arahato. Hañci arahato bahutarā kilesā pahīnā, parihāyati arahā arahattā; tena vata re vattabbe – ‘‘parihāyati sotāpanno sotāpattiphalā’’ti.
परिहायति अरहा अरहत्ताति? आमन्ता। परिहायति सकदागामी सकदागामिफलाति? न हेवं वत्तब्बे…पे॰… कस्स बहुतरा किलेसा पहीना अरहतो वा सकदागामिस्स वाति? अरहतो। हञ्चि अरहतो बहुतरा किलेसा पहीना, परिहायति अरहा अरहत्ता; तेन वत रे वत्तब्बे – ‘‘परिहायति सकदागामी सकदागामिफला’’ति।
Parihāyati arahā arahattāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa bahutarā kilesā pahīnā arahato vā sakadāgāmissa vāti? Arahato. Hañci arahato bahutarā kilesā pahīnā, parihāyati arahā arahattā; tena vata re vattabbe – ‘‘parihāyati sakadāgāmī sakadāgāmiphalā’’ti.
परिहायति अरहा अरहत्ताति? आमन्ता। परिहायति अनागामी अनागामिफलाति? न हेवं वत्तब्बे…पे॰… कस्स बहुतरा किलेसा पहीना अरहतो वा अनागामिस्स वाति? अरहतो। हञ्चि अरहतो बहुतरा किलेसा पहीना, परिहायति अरहा अरहत्ता; तेन वत रे वत्तब्बे – ‘‘परिहायति अनागामी अनागामिफला’’ति।
Parihāyati arahā arahattāti? Āmantā. Parihāyati anāgāmī anāgāmiphalāti? Na hevaṃ vattabbe…pe… kassa bahutarā kilesā pahīnā arahato vā anāgāmissa vāti? Arahato. Hañci arahato bahutarā kilesā pahīnā, parihāyati arahā arahattā; tena vata re vattabbe – ‘‘parihāyati anāgāmī anāgāmiphalā’’ti.
परिहायति अनागामी अनागामिफलाति? आमन्ता। परिहायति सोतापन्नो सोतापत्तिफलाति? न हेवं वत्तब्बे…पे॰… कस्स बहुतरा किलेसा पहीना अनागामिस्स वा सोतापन्नस्स वाति? अनागामिस्स। हञ्चि अनागामिस्स बहुतरा किलेसा पहीना, परिहायति अनागामी अनागामिफला; तेन वत रे वत्तब्बे – ‘‘परिहायति सोतापन्नो सोतापत्तिफला’’ति।
Parihāyati anāgāmī anāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa bahutarā kilesā pahīnā anāgāmissa vā sotāpannassa vāti? Anāgāmissa. Hañci anāgāmissa bahutarā kilesā pahīnā, parihāyati anāgāmī anāgāmiphalā; tena vata re vattabbe – ‘‘parihāyati sotāpanno sotāpattiphalā’’ti.
२४३. परिहायति अनागामी अनागामिफलाति? आमन्ता। परिहायति सकदागामी सकदागामिफलाति? न हेवं वत्तब्बे…पे॰… कस्स बहुतरा किलेसा पहीना अनागामिस्स वा सकदागामिस्स वाति? अनागामिस्स। हञ्चि अनागामिस्स बहुतरा किलेसा पहीना, परिहायति अनागामी अनागामिफला; तेन वत रे वत्तब्बे – ‘‘परिहायति सकदागामी सकदागामिफला’’ति।
243. Parihāyati anāgāmī anāgāmiphalāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa bahutarā kilesā pahīnā anāgāmissa vā sakadāgāmissa vāti? Anāgāmissa. Hañci anāgāmissa bahutarā kilesā pahīnā, parihāyati anāgāmī anāgāmiphalā; tena vata re vattabbe – ‘‘parihāyati sakadāgāmī sakadāgāmiphalā’’ti.
परिहायति सकदागामी सकदागामिफलाति? आमन्ता। परिहायति सोतापन्नो सोतापत्तिफलाति ? न हेवं वत्तब्बे…पे॰… कस्स बहुतरा किलेसा पहीना सकदागामिस्स वा सोतापन्नस्स वाति? सकदागामिस्स। हञ्चि सकदागामिस्स बहुतरा किलेसा पहीना, परिहायति सकदागामी सकदागामिफला; तेन वत रे वत्तब्बे – ‘‘परिहायति सोतापन्नो सोतापत्तिफला’’ति।
Parihāyati sakadāgāmī sakadāgāmiphalāti? Āmantā. Parihāyati sotāpanno sotāpattiphalāti ? Na hevaṃ vattabbe…pe… kassa bahutarā kilesā pahīnā sakadāgāmissa vā sotāpannassa vāti? Sakadāgāmissa. Hañci sakadāgāmissa bahutarā kilesā pahīnā, parihāyati sakadāgāmī sakadāgāmiphalā; tena vata re vattabbe – ‘‘parihāyati sotāpanno sotāpattiphalā’’ti.
२४४. परिहायति अरहा अरहत्ताति? आमन्ता। परिहायति सोतापन्नो सोतापत्तिफलाति? न हेवं वत्तब्बे…पे॰… कस्स अधिमत्ता मग्गभावना अरहतो वा सोतापन्नस्स वाति? अरहतो। हञ्चि अरहतो अधिमत्ता मग्गभावना, परिहायति अरहा अरहत्ता; तेन वत रे वत्तब्बे – ‘‘परिहायति सोतापन्नो सोतापत्तिफला’’ति।
244. Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā maggabhāvanā arahato vā sotāpannassa vāti? Arahato. Hañci arahato adhimattā maggabhāvanā, parihāyati arahā arahattā; tena vata re vattabbe – ‘‘parihāyati sotāpanno sotāpattiphalā’’ti.
परिहायति अरहा अरहत्ताति? आमन्ता। परिहायति सोतापन्नो सोतापत्तिफलाति? न हेवं वत्तब्बे…पे॰… कस्स अधिमत्ता सतिपट्ठानभावना…पे॰… सम्मप्पधानभावना… इद्धिपादभावना… इन्द्रियभावना … बलभावना… बोज्झङ्गभावना अरहतो वा सोतापन्नस्स वाति? अरहतो। हञ्चि अरहतो अधिमत्ता बोज्झङ्गभावना, परिहायति अरहा अरहत्ता; तेन वत रे वत्तब्बे – ‘‘परिहायति सोतापन्नो सोतापत्तिफला’’ति।
Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā satipaṭṭhānabhāvanā…pe… sammappadhānabhāvanā… iddhipādabhāvanā… indriyabhāvanā … balabhāvanā… bojjhaṅgabhāvanā arahato vā sotāpannassa vāti? Arahato. Hañci arahato adhimattā bojjhaṅgabhāvanā, parihāyati arahā arahattā; tena vata re vattabbe – ‘‘parihāyati sotāpanno sotāpattiphalā’’ti.
परिहायति अरहा अरहत्ताति? आमन्ता। परिहायति सकदागामी सकदागामिफलाति? न हेवं वत्तब्बे…पे॰… कस्स अधिमत्ता मग्गभावना…पे॰… बोज्झङ्गभावना अरहतो वा सकदागामिस्स वाति? अरहतो। हञ्चि अरहतो अधिमत्ता बोज्झङ्गभावना, परिहायति अरहा अरहत्ता; तेन वत रे वत्तब्बे – ‘‘परिहायति सकदागामी सकदागामिफला’’ति।
Parihāyati arahā arahattāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā arahato vā sakadāgāmissa vāti? Arahato. Hañci arahato adhimattā bojjhaṅgabhāvanā, parihāyati arahā arahattā; tena vata re vattabbe – ‘‘parihāyati sakadāgāmī sakadāgāmiphalā’’ti.
परिहायति अरहा अरहत्ताति? आमन्ता। परिहायति अनागामी अनागामिफलाति? न हेवं वत्तब्बे…पे॰… कस्स अधिमत्ता मग्गभावना…पे॰… बोज्झङ्गभावना अरहतो वा अनागामिस्स वाति? अरहतो। हञ्चि अरहतो अधिमत्ता बोज्झङ्गभावना, परिहायति अरहा अरहत्ता; तेन वत रे वत्तब्बे – ‘‘परिहायति अनागामी अनागामिफला’’ति।
Parihāyati arahā arahattāti? Āmantā. Parihāyati anāgāmī anāgāmiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā arahato vā anāgāmissa vāti? Arahato. Hañci arahato adhimattā bojjhaṅgabhāvanā, parihāyati arahā arahattā; tena vata re vattabbe – ‘‘parihāyati anāgāmī anāgāmiphalā’’ti.
२४५. परिहायति अनागामी अनागामिफलाति? आमन्ता। परिहायति सोतापन्नो सोतापत्तिफलाति? न हेवं वत्तब्बे…पे॰… कस्स अधिमत्ता मग्गभावना…पे॰… बोज्झङ्गभावना अनागामिस्स वा सोतापन्नस्स वाति? अनागामिस्स। हञ्चि अनागामिस्स अधिमत्ता बोज्झङ्गभावना, परिहायति अनागामी अनागामिफला; तेन वत रे वत्तब्बे – ‘‘परिहायति सोतापन्नो सोतापत्तिफला’’ति।
245. Parihāyati anāgāmī anāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā anāgāmissa vā sotāpannassa vāti? Anāgāmissa. Hañci anāgāmissa adhimattā bojjhaṅgabhāvanā, parihāyati anāgāmī anāgāmiphalā; tena vata re vattabbe – ‘‘parihāyati sotāpanno sotāpattiphalā’’ti.
परिहायति अनागामी अनागामिफलाति? आमन्ता। परिहायति सकदागामी सकदागामिफलाति? न हेवं वत्तब्बे…पे॰… कस्स अधिमत्ता मग्गभावना…पे॰… बोज्झङ्गभावना अनागामिस्स वा सकदागामिस्स वाति? अनागामिस्स। हञ्चि अनागामिस्स अधिमत्ता बोज्झङ्गभावना, परिहायति अनागामी अनागामिफला; तेन वत रे वत्तब्बे – ‘‘परिहायति सकदागामी सकदागामिफला’’ति।
Parihāyati anāgāmī anāgāmiphalāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā anāgāmissa vā sakadāgāmissa vāti? Anāgāmissa. Hañci anāgāmissa adhimattā bojjhaṅgabhāvanā, parihāyati anāgāmī anāgāmiphalā; tena vata re vattabbe – ‘‘parihāyati sakadāgāmī sakadāgāmiphalā’’ti.
२४६. परिहायति सकदागामी सकदागामिफलाति? आमन्ता। परिहायति सोतापन्नो सोतापत्तिफलाति? न हेवं वत्तब्बे…पे॰… कस्स अधिमत्ता मग्गभावना…पे॰… बोज्झङ्गभावना सकदागामिस्स वा सोतापन्नस्स वाति? सकदागामिस्स। हञ्चि सकदागामिस्स अधिमत्ता बोज्झङ्गभावना, परिहायति सकदागामी सकदागामिफला; तेन वत रे वत्तब्बे – ‘‘परिहायति सोतापन्नो सोतापत्तिफला’’ति…पे॰…।
246. Parihāyati sakadāgāmī sakadāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā sakadāgāmissa vā sotāpannassa vāti? Sakadāgāmissa. Hañci sakadāgāmissa adhimattā bojjhaṅgabhāvanā, parihāyati sakadāgāmī sakadāgāmiphalā; tena vata re vattabbe – ‘‘parihāyati sotāpanno sotāpattiphalā’’ti…pe….
२४७. अरहता दुक्खं दिट्ठं, परिहायति अरहा अरहत्ताति? आमन्ता। सोतापन्नेन दुक्खं दिट्ठं, परिहायति सोतापन्नो सोतापत्तिफलाति? न हेवं वत्तब्बे…पे॰…।
247. Arahatā dukkhaṃ diṭṭhaṃ, parihāyati arahā arahattāti? Āmantā. Sotāpannena dukkhaṃ diṭṭhaṃ, parihāyati sotāpanno sotāpattiphalāti? Na hevaṃ vattabbe…pe….
अरहता समुदयो दिट्ठो, परिहायति अरहा अरहत्ताति ? आमन्ता। सोतापन्नेन समुदयो दिट्ठो, परिहायति सोतापन्नो सोतापत्तिफलाति? न हेवं वत्तब्बे…पे॰…।
Arahatā samudayo diṭṭho, parihāyati arahā arahattāti ? Āmantā. Sotāpannena samudayo diṭṭho, parihāyati sotāpanno sotāpattiphalāti? Na hevaṃ vattabbe…pe….
अरहता निरोधो दिट्ठो, परिहायति अरहा अरहत्ताति? आमन्ता। सोतापन्नेन निरोधो दिट्ठो, परिहायति सोतापन्नो सोतापत्तिफलाति? न हेवं वत्तब्बे…पे॰…।
Arahatā nirodho diṭṭho, parihāyati arahā arahattāti? Āmantā. Sotāpannena nirodho diṭṭho, parihāyati sotāpanno sotāpattiphalāti? Na hevaṃ vattabbe…pe….
अरहता मग्गो दिट्ठो, परिहायति अरहा अरहत्ताति? आमन्ता। सोतापन्नेन मग्गो दिट्ठो, परिहायति सोतापन्नो सोतापत्तिफलाति? न हेवं वत्तब्बे…पे॰…।
Arahatā maggo diṭṭho, parihāyati arahā arahattāti? Āmantā. Sotāpannena maggo diṭṭho, parihāyati sotāpanno sotāpattiphalāti? Na hevaṃ vattabbe…pe….
अरहता चत्तारि सच्चानि दिट्ठानि, परिहायति अरहा अरहत्ताति? आमन्ता। सोतापन्नेन चत्तारि सच्चानि दिट्ठानि, परिहायति सोतापन्नो सोतापत्तिफलाति? न हेवं वत्तब्बे…पे॰…।
Arahatā cattāri saccāni diṭṭhāni, parihāyati arahā arahattāti? Āmantā. Sotāpannena cattāri saccāni diṭṭhāni, parihāyati sotāpanno sotāpattiphalāti? Na hevaṃ vattabbe…pe….
अरहता दुक्खं दिट्ठं, परिहायति अरहा अरहत्ताति? आमन्ता। सकदागामिना दुक्खं दिट्ठं, परिहायति सकदागामी सकदागामिफलाति? न हेवं वत्तब्बे…पे॰…।
Arahatā dukkhaṃ diṭṭhaṃ, parihāyati arahā arahattāti? Āmantā. Sakadāgāminā dukkhaṃ diṭṭhaṃ, parihāyati sakadāgāmī sakadāgāmiphalāti? Na hevaṃ vattabbe…pe….
अरहता समुदयो दिट्ठो…पे॰… निरोधो दिट्ठो…पे॰… मग्गो दिट्ठो…पे॰… चत्तारि सच्चानि दिट्ठानि, परिहायति अरहा अरहत्ताति? आमन्ता। सकदागामिना चत्तारि सच्चानि दिट्ठानि, परिहायति सकदागामी सकदागामिफलाति? न हेवं वत्तब्बे…पे॰…।
Arahatā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati arahā arahattāti? Āmantā. Sakadāgāminā cattāri saccāni diṭṭhāni, parihāyati sakadāgāmī sakadāgāmiphalāti? Na hevaṃ vattabbe…pe….
अरहता दुक्खं दिट्ठं, परिहायति अरहा अरहत्ताति? आमन्ता। अनागामिना दुक्खं दिट्ठं, परिहायति अनागामी अनागामिफलाति? न हेवं वत्तब्बे…पे॰…।
Arahatā dukkhaṃ diṭṭhaṃ, parihāyati arahā arahattāti? Āmantā. Anāgāminā dukkhaṃ diṭṭhaṃ, parihāyati anāgāmī anāgāmiphalāti? Na hevaṃ vattabbe…pe….
अरहता समुदयो दिट्ठो…पे॰… निरोधो दिट्ठो…पे॰… मग्गो दिट्ठो…पे॰… चत्तारि सच्चानि दिट्ठानि, परिहायति अरहा अरहत्ताति? आमन्ता। अनागामिना चत्तारि सच्चानि दिट्ठानि, परिहायति अनागामी अनागामिफलाति? न हेवं वत्तब्बे…पे॰…।
Arahatā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati arahā arahattāti? Āmantā. Anāgāminā cattāri saccāni diṭṭhāni, parihāyati anāgāmī anāgāmiphalāti? Na hevaṃ vattabbe…pe….
२४८. अनागामिना दुक्खं दिट्ठं, परिहायति अनागामी अनागामिफलाति? आमन्ता। सोतापन्नेन दुक्खं दिट्ठं, परिहायति सोतापन्नो सोतापत्तिफलाति? न हेवं वत्तब्बे…पे॰…।
248. Anāgāminā dukkhaṃ diṭṭhaṃ, parihāyati anāgāmī anāgāmiphalāti? Āmantā. Sotāpannena dukkhaṃ diṭṭhaṃ, parihāyati sotāpanno sotāpattiphalāti? Na hevaṃ vattabbe…pe….
अनागामिना समुदयो दिट्ठो…पे॰… निरोधो दिट्ठो…पे॰… मग्गो दिट्ठो…पे॰… चत्तारि सच्चानि दिट्ठानि, परिहायति अनागामी अनागामिफलाति? आमन्ता । सोतापन्नेन चत्तारि सच्चानि दिट्ठानि, परिहायति सोतापन्नो सोतापत्तिफलाति? न हेवं वत्तब्बे…पे॰…।
Anāgāminā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati anāgāmī anāgāmiphalāti? Āmantā . Sotāpannena cattāri saccāni diṭṭhāni, parihāyati sotāpanno sotāpattiphalāti? Na hevaṃ vattabbe…pe….
अनागामिना दुक्खं दिट्ठं, परिहायति अनागामी अनागामिफलाति? आमन्ता। सकदागामिना दुक्खं दिट्ठं, परिहायति सकदागामी सकदागामिफलाति? न हेवं वत्तब्बे…पे॰…।
Anāgāminā dukkhaṃ diṭṭhaṃ, parihāyati anāgāmī anāgāmiphalāti? Āmantā. Sakadāgāminā dukkhaṃ diṭṭhaṃ, parihāyati sakadāgāmī sakadāgāmiphalāti? Na hevaṃ vattabbe…pe….
अनागामिना समुदयो दिट्ठो…पे॰… निरोधो दिट्ठो…पे॰… मग्गो दिट्ठो…पे॰… चत्तारि सच्चानि दिट्ठानि, परिहायति अनागामी अनागामिफलाति? आमन्ता। सकदागामिना चत्तारि सच्चानि दिट्ठानि, परिहायति सकदागामी सकदागामिफलाति? न हेवं वत्तब्बे…पे॰…।
Anāgāminā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati anāgāmī anāgāmiphalāti? Āmantā. Sakadāgāminā cattāri saccāni diṭṭhāni, parihāyati sakadāgāmī sakadāgāmiphalāti? Na hevaṃ vattabbe…pe….
२४९. सकदागामिना दुक्खं दिट्ठं, परिहायति सकदागामी सकदागामिफलाति? आमन्ता। सोतापन्नेन दुक्खं दिट्ठं, परिहायति सोतापन्नो सोतापत्तिफलाति? न हेवं वत्तब्बे…पे॰…।
249. Sakadāgāminā dukkhaṃ diṭṭhaṃ, parihāyati sakadāgāmī sakadāgāmiphalāti? Āmantā. Sotāpannena dukkhaṃ diṭṭhaṃ, parihāyati sotāpanno sotāpattiphalāti? Na hevaṃ vattabbe…pe….
सकदागामिना समुदयो दिट्ठो…पे॰… निरोधो दिट्ठो…पे॰… मग्गो दिट्ठो…पे॰… चत्तारि सच्चानि दिट्ठानि, परिहायति सकदागामी सकदागामिफलाति? आमन्ता। सोतापन्नेन चत्तारि सच्चानि दिट्ठानि, परिहायति सोतापन्नो सोतापत्तिफलाति? न हेवं वत्तब्बे…पे॰…।
Sakadāgāminā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati sakadāgāmī sakadāgāmiphalāti? Āmantā. Sotāpannena cattāri saccāni diṭṭhāni, parihāyati sotāpanno sotāpattiphalāti? Na hevaṃ vattabbe…pe….
२५०. सोतापन्नेन दुक्खं दिट्ठं, न परिहायति सोतापन्नो सोतापत्तिफलाति? आमन्ता। अरहता दुक्खं दिट्ठं, न परिहायति अरहा अरहत्ताति? न हेवं वत्तब्बे…पे॰…।
250. Sotāpannena dukkhaṃ diṭṭhaṃ, na parihāyati sotāpanno sotāpattiphalāti? Āmantā. Arahatā dukkhaṃ diṭṭhaṃ, na parihāyati arahā arahattāti? Na hevaṃ vattabbe…pe….
सोतापन्नेन समुदयो दिट्ठो…पे॰… निरोधो दिट्ठो…पे॰… मग्गो दिट्ठो…पे॰… चत्तारि सच्चानि दिट्ठानि, न परिहायति सोतापन्नो सोतापत्तिफलाति? आमन्ता। अरहता चत्तारि सच्चानि दिट्ठानि, न परिहायति अरहा अरहत्ताति? न हेवं वत्तब्बे…पे॰…।
Sotāpannena samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, na parihāyati sotāpanno sotāpattiphalāti? Āmantā. Arahatā cattāri saccāni diṭṭhāni, na parihāyati arahā arahattāti? Na hevaṃ vattabbe…pe….
सकदागामिना दुक्खं दिट्ठं…पे॰… चत्तारि सच्चानि दिट्ठानि, न परिहायति सकदागामी सकदागामिफलाति? आमन्ता। अरहता चत्तारि सच्चानि दिट्ठानि, न परिहायति अरहा अरहत्ताति? न हेवं वत्तब्बे…पे॰…।
Sakadāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati sakadāgāmī sakadāgāmiphalāti? Āmantā. Arahatā cattāri saccāni diṭṭhāni, na parihāyati arahā arahattāti? Na hevaṃ vattabbe…pe….
अनागामिना दुक्खं दिट्ठं…पे॰… चत्तारि सच्चानि दिट्ठानि, न परिहायति अनागामी अनागामिफलाति? आमन्ता। अरहता चत्तारि सच्चानि दिट्ठानि, न परिहायति अरहा अरहत्ताति? न हेवं वत्तब्बे…पे॰…।
Anāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati anāgāmī anāgāmiphalāti? Āmantā. Arahatā cattāri saccāni diṭṭhāni, na parihāyati arahā arahattāti? Na hevaṃ vattabbe…pe….
सोतापन्नेन दुक्खं दिट्ठं…पे॰… चत्तारि सच्चानि दिट्ठानि, न परिहायति सोतापन्नो सोतापत्तिफलाति? आमन्ता।
Sotāpannena dukkhaṃ diṭṭhaṃ…pe… cattāri saccāni diṭṭhāni, na parihāyati sotāpanno sotāpattiphalāti? Āmantā.
अनागामिना दुक्खं दिट्ठं…पे॰… चत्तारि सच्चानि दिट्ठानि, न परिहायति अनागामी अनागामिफलाति? न हेवं वत्तब्बे…पे॰…।
Anāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati anāgāmī anāgāmiphalāti? Na hevaṃ vattabbe…pe….
सकदागामिना दुक्खं दिट्ठं…पे॰… चत्तारि सच्चानि दिट्ठानि, न परिहायति सकदागामी सकदागामिफलाति? आमन्ता। अनागामिना दुक्खं दिट्ठं…पे॰… चत्तारि सच्चानि दिट्ठानि, न परिहायति अनागामी अनागामिफलाति? न हेवं वत्तब्बे…पे॰…।
Sakadāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati sakadāgāmī sakadāgāmiphalāti? Āmantā. Anāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati anāgāmī anāgāmiphalāti? Na hevaṃ vattabbe…pe….
सोतापन्नेन दुक्खं दिट्ठं…पे॰… चत्तारि सच्चानि दिट्ठानि, न परिहायति सोतापन्नो सोतापत्तिफलाति? आमन्ता। सकदागामिना दुक्खं दिट्ठं…पे॰… चत्तारि सच्चानि दिट्ठानि, न परिहायति सकदागामी सकदागामिफलाति? न हेवं वत्तब्बे…पे॰…।
Sotāpannena dukkhaṃ diṭṭhaṃ…pe… cattāri saccāni diṭṭhāni, na parihāyati sotāpanno sotāpattiphalāti? Āmantā. Sakadāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati sakadāgāmī sakadāgāmiphalāti? Na hevaṃ vattabbe…pe….
२५१. अरहतो रागो पहीनो, परिहायति अरहा अरहत्ताति? आमन्ता। सोतापन्नस्स सक्कायदिट्ठि पहीना, परिहायति सोतापन्नो सोतापत्तिफलाति? न हेवं वत्तब्बे…पे॰…।
251. Arahato rāgo pahīno, parihāyati arahā arahattāti? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe…pe….
अरहतो रागो पहीनो, परिहायति अरहा अरहत्ताति? आमन्ता। सोतापन्नस्स विचिकिच्छा पहीना…पे॰… सीलब्बतपरामासो पहीनो…पे॰… अपायगमनीयो रागो पहीनो …पे॰… अपायगमनीयो दोसो पहीनो…पे॰… अपायगमनीयो मोहो पहीनो, परिहायति सोतापन्नो सोतापत्तिफलाति? न हेवं वत्तब्बे…पे॰…।
Arahato rāgo pahīno, parihāyati arahā arahattāti? Āmantā. Sotāpannassa vicikicchā pahīnā…pe… sīlabbataparāmāso pahīno…pe… apāyagamanīyo rāgo pahīno …pe… apāyagamanīyo doso pahīno…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe…pe….
अरहतो दोसो पहीनो…पे॰… मोहो पहीनो… मानो पहीनो… दिट्ठि पहीना… विचिकिच्छा पहीना… थिनं 1 पहीनं… उद्धच्चं पहीनं… अहिरिकं पहीनं…पे॰… अनोत्तप्पं पहीनं, परिहायति अरहा अरहत्ताति ? आमन्ता। सोतापन्नस्स सक्कायदिट्ठि पहीना, परिहायति सोतापन्नो सोतापत्तिफलाति? न हेवं वत्तब्बे…पे॰…।
Arahato doso pahīno…pe… moho pahīno… māno pahīno… diṭṭhi pahīnā… vicikicchā pahīnā… thinaṃ 2 pahīnaṃ… uddhaccaṃ pahīnaṃ… ahirikaṃ pahīnaṃ…pe… anottappaṃ pahīnaṃ, parihāyati arahā arahattāti ? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe…pe….
अरहतो अनोत्तप्पं पहीनं, परिहायति अरहा अरहत्ताति? आमन्ता। सोतापन्नस्स विचिकिच्छा पहीना…पे॰… सीलब्बतपरामासो पहीनो…पे॰… अपायगमनीयो रागो पहीनो…पे॰… अपायगमनीयो दोसो पहीनो…पे॰… अपायगमनीयो मोहो पहीनो, परिहायति सोतापन्नो सोतापत्तिफलाति? न हेवं वत्तब्बे…पे॰…।
Arahato anottappaṃ pahīnaṃ, parihāyati arahā arahattāti? Āmantā. Sotāpannassa vicikicchā pahīnā…pe… sīlabbataparāmāso pahīno…pe… apāyagamanīyo rāgo pahīno…pe… apāyagamanīyo doso pahīno…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe…pe….
अरहतो रागो पहीनो, परिहायति अरहा अरहत्ताति? आमन्ता। सकदागामिस्स सक्कायदिट्ठि पहीना, परिहायति सकदागामी सकदागामिफलाति? न हेवं वत्तब्बे।
Arahato rāgo pahīno, parihāyati arahā arahattāti? Āmantā. Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Na hevaṃ vattabbe.
अरहतो रागो पहीनो, परिहायति अरहा अरहत्ताति? आमन्ता। सकदागामिस्स विचिकिच्छा पहीना…पे॰… सीलब्बतपरामासो पहीनो…पे॰… ओळारिको कामरागो पहीनो… ओळारिको ब्यापादो पहीनो, परिहायति सकदागामी सकदागामिफलाति? न हेवं वत्तब्बे…पे॰…।
Arahato rāgo pahīno, parihāyati arahā arahattāti? Āmantā. Sakadāgāmissa vicikicchā pahīnā…pe… sīlabbataparāmāso pahīno…pe… oḷāriko kāmarāgo pahīno… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe…pe….
अरहतो दोसो पहीनो…पे॰… अनोत्तप्पं पहीनं, परिहायति अरहा अरहत्ताति? आमन्ता। सकदागामिस्स सक्कायदिट्ठि पहीना…पे॰… ओळारिको ब्यापादो पहीनो, परिहायति सकदागामी सकदागामिफलाति? न हेवं वत्तब्बे।
Arahato doso pahīno…pe… anottappaṃ pahīnaṃ, parihāyati arahā arahattāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe.
अरहतो रागो पहीनो, परिहायति अरहा अरहत्ताति? आमन्ता। अनागामिस्स सक्कायदिट्ठि पहीना, परिहायति अनागामी अनागामिफलाति? न हेवं वत्तब्बे…पे॰…।
Arahato rāgo pahīno, parihāyati arahā arahattāti? Āmantā. Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Na hevaṃ vattabbe…pe….
अरहतो रागो पहीनो, परिहायति अरहा अरहत्ताति? आमन्ता। अनागामिस्स विचिकिच्छा पहीना…पे॰… सीलब्बतपरामासो पहीनो… अणुसहगतो कामरागो पहीनो… अणुसहगतो ब्यापादो पहीनो, परिहायति अनागामी अनागामिफलाति? न हेवं वत्तब्बे।
Arahato rāgo pahīno, parihāyati arahā arahattāti? Āmantā. Anāgāmissa vicikicchā pahīnā…pe… sīlabbataparāmāso pahīno… aṇusahagato kāmarāgo pahīno… aṇusahagato byāpādo pahīno, parihāyati anāgāmī anāgāmiphalāti? Na hevaṃ vattabbe.
अरहतो दोसो पहीनो…पे॰… अनोत्तप्पं पहीनं, परिहायति अरहा अरहत्ताति? आमन्ता। अनागामिस्स सक्कायदिट्ठि पहीना…पे॰… अणुसहगतो ब्यापादो पहीनो, परिहायति अनागामी अनागामिफलाति? न हेवं वत्तब्बे।
Arahato doso pahīno…pe… anottappaṃ pahīnaṃ, parihāyati arahā arahattāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, parihāyati anāgāmī anāgāmiphalāti? Na hevaṃ vattabbe.
२५२. अनागामिस्स सक्कायदिट्ठि पहीना, परिहायति अनागामी अनागामिफलाति? आमन्ता। सोतापन्नस्स सक्कायदिट्ठि पहीना, परिहायति सोतापन्नो सोतापत्तिफलाति? न हेवं वत्तब्बे।
252. Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe.
अनागामिस्स सक्कायदिट्ठि पहीना, परिहायति अनागामी अनागामिफलाति? आमन्ता। सोतापन्नस्स विचिकिच्छा पहीना…पे॰… अपायगमनीयो मोहो पहीनो, परिहायति सोतापन्नो सोतापत्तिफलाति? न हेवं वत्तब्बे।
Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sotāpannassa vicikicchā pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.
अनागामिस्स विचिकिच्छा पहीना…पे॰… अणुसहगतो ब्यापादो पहीनो, परिहायति अनागामी अनागामिफलाति? आमन्ता । सोतापन्नस्स सक्कायदिट्ठि पहीना…पे॰… अपायगमनीयो मोहो पहीनो, परिहायति सोतापन्नो सोतापत्तिफलाति? न हेवं वत्तब्बे।
Anāgāmissa vicikicchā pahīnā…pe… aṇusahagato byāpādo pahīno, parihāyati anāgāmī anāgāmiphalāti? Āmantā . Sotāpannassa sakkāyadiṭṭhi pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.
अनागामिस्स सक्कायदिट्ठि पहीना, परिहायति अनागामी अनागामिफलाति? आमन्ता। सकदागामिस्स सक्कायदिट्ठि पहीना, परिहायति सकदागामी सकदागामिफलाति? न हेवं वत्तब्बे।
Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Na hevaṃ vattabbe.
अनागामिस्स सक्कायदिट्ठि पहीना, परिहायति अनागामी अनागामिफलाति? आमन्ता। सकदागामिस्स विचिकिच्छा पहीना…पे॰… सीलब्बतपरामासो पहीनो… ओळारिको कामरागो पहीनो… ओळारिको ब्यापादो पहीनो, परिहायति सकदागामी सकदागामिफलाति? न हेवं वत्तब्बे।
Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sakadāgāmissa vicikicchā pahīnā…pe… sīlabbataparāmāso pahīno… oḷāriko kāmarāgo pahīno… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe.
अनागामिस्स विचिकिच्छा पहीना…पे॰… अणुसहगतो ब्यापादो पहीनो, परिहायति अनागामी अनागामिफलाति? आमन्ता। सकदागामिस्स सक्कायदिट्ठि पहीना…पे॰… ओळारिको ब्यापादो पहीनो, परिहायति सकदागामी सकदागामिफलाति? न हेवं वत्तब्बे।
Anāgāmissa vicikicchā pahīnā…pe… aṇusahagato byāpādo pahīno, parihāyati anāgāmī anāgāmiphalāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe.
२५३. सकदागामिस्स सक्कायदिट्ठि पहीना, परिहायति सकदागामी सकदागामिफलाति? आमन्ता। सोतापन्नस्स सक्कायदिट्ठि पहीना, परिहायति सोतापन्नो सोतापत्तिफलाति? न हेवं वत्तब्बे।
253. Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe.
सकदागामिस्स सक्कायदिट्ठि पहीना, परिहायति सकदागामी सकदागामिफलाति? आमन्ता। सोतापन्नस्स विचिकिच्छा पहीना…पे॰… अपायगमनीयो मोहो पहीनो, परिहायति सोतापन्नो सोतापत्तिफलाति? न हेवं वत्तब्बे।
Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Āmantā. Sotāpannassa vicikicchā pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.
सकदागामिस्स विचिकिच्छा पहीना…पे॰… ओळारिको कामरागो पहीनो… ओळारिको ब्यापादो पहीनो, परिहायति सकदागामी सकदागामिफलाति ? आमन्ता । सोतापन्नस्स सक्कायदिट्ठि पहीना…पे॰… अपायगमनीयो मोहो पहीनो, परिहायति सोतापन्नो सोतापत्तिफलाति? न हेवं वत्तब्बे।
Sakadāgāmissa vicikicchā pahīnā…pe… oḷāriko kāmarāgo pahīno… oḷāriko byāpādo pahīno, parihāyati sakadāgāmī sakadāgāmiphalāti ? Āmantā . Sotāpannassa sakkāyadiṭṭhi pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.
२५४. सोतापन्नस्स सक्कायदिट्ठि पहीना, न परिहायति सोतापन्नो सोतापत्तिफलाति? आमन्ता। अरहतो रागो पहीनो, न परिहायति अरहा अरहत्ताति? न हेवं वत्तब्बे।
254. Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Arahato rāgo pahīno, na parihāyati arahā arahattāti? Na hevaṃ vattabbe.
सोतापन्नस्स सक्कायदिट्ठि पहीना, न परिहायति सोतापन्नो सोतापत्तिफलाति? आमन्ता। अरहतो दोसो पहीनो…पे॰… अनोत्तप्पं पहीनं, न परिहायति अरहा अरहत्ताति? न हेवं वत्तब्बे।
Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Arahato doso pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
सोतापन्नस्स विचिकिच्छा पहीना…पे॰… अपायगमनीयो मोहो पहीनो, न परिहायति सोतापन्नो सोतापत्तिफलाति? आमन्ता। अरहतो रागो पहीनो…पे॰… अनोत्तप्पं पहीनं, न परिहायति अरहा अरहत्ताति? न हेवं वत्तब्बे।
Sotāpannassa vicikicchā pahīnā…pe… apāyagamanīyo moho pahīno, na parihāyati sotāpanno sotāpattiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
२५५. सकदागामिस्स सक्कायदिट्ठि पहीना, न परिहायति सकदागामी सकदागामिफलाति? आमन्ता। अरहतो रागो पहीनो…पे॰… अनोत्तप्पं पहीनं, न परिहायति अरहा अरहत्ताति? न हेवं वत्तब्बे।
255. Sakadāgāmissa sakkāyadiṭṭhi pahīnā, na parihāyati sakadāgāmī sakadāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
सकदागामिस्स विचिकिच्छा पहीना…पे॰… ओळारिको ब्यापादो पहीनो, न परिहायति सकदागामी सकदागामिफलाति? आमन्ता। अरहतो रागो पहीनो…पे॰… अनोत्तप्पं पहीनं, न परिहायति अरहा अरहत्ताति? न हेवं वत्तब्बे।
Sakadāgāmissa vicikicchā pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
२५६. अनागामिस्स सक्कायदिट्ठि पहीना, न परिहायति अनागामी अनागामिफलाति? आमन्ता। अरहतो रागो पहीनो…पे॰… अनोत्तप्पं पहीनं, न परिहायति अरहा अरहत्ताति? न हेवं वत्तब्बे ।
256. Anāgāmissa sakkāyadiṭṭhi pahīnā, na parihāyati anāgāmī anāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe .
अनागामिस्स विचिकिच्छा पहीना…पे॰… अणुसहगतो ब्यापादो पहीनो, न परिहायति अनागामी अनागामिफलाति? आमन्ता। अरहतो रागो पहीनो…पे॰… अनोत्तप्पं पहीनं, न परिहायति अरहा अरहत्ताति? न हेवं वत्तब्बे।
Anāgāmissa vicikicchā pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
२५७. सोतापन्नस्स सक्कायदिट्ठि पहीना, न परिहायति सोतापन्नो सोतापत्तिफलाति? आमन्ता। अनागामिस्स सक्कायदिट्ठि पहीना… अणुसहगतो ब्यापादो पहीनो, न परिहायति अनागामी अनागामिफलाति? न हेवं वत्तब्बे।
257. Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Anāgāmissa sakkāyadiṭṭhi pahīnā… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.
सोतापन्नस्स विचिकिच्छा पहीना…पे॰… अपायगमनीयो मोहो पहीनो, न परिहायति सोतापन्नो सोतापत्तिफलाति? आमन्ता। अनागामिस्स सक्कायदिट्ठि पहीना…पे॰… अणुसहगतो ब्यापादो पहीनो, न परिहायति अनागामी अनागामिफलाति? न हेवं वत्तब्बे।
Sotāpannassa vicikicchā pahīnā…pe… apāyagamanīyo moho pahīno, na parihāyati sotāpanno sotāpattiphalāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.
२५८. सकदागामिस्स सक्कायदिट्ठि पहीना, न परिहायति सकदागामी सकदागामिफलाति? आमन्ता। अनागामिस्स सक्कायदिट्ठि पहीना…पे॰… अणुसहगतो ब्यापादो पहीनो, न परिहायति अनागामी अनागामिफलाति? न हेवं वत्तब्बे।
258. Sakadāgāmissa sakkāyadiṭṭhi pahīnā, na parihāyati sakadāgāmī sakadāgāmiphalāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.
सकदागामिस्स विचिकिच्छा पहीना…पे॰… ओळारिको ब्यापादो पहीनो, न परिहायति सकदागामी सकदागामिफलाति? आमन्ता। अनागामिस्स सक्कायदिट्ठि पहीना…पे॰… अणुसहगतो ब्यापादो पहीनो, न परिहायति अनागामी अनागामिफलाति? न हेवं वत्तब्बे।
Sakadāgāmissa vicikicchā pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.
२५९. सोतापन्नस्स सक्कायदिट्ठि पहीना, न परिहायति सोतापन्नो सोतापत्तिफलाति? आमन्ता। सकदागामिस्स सक्कायदिट्ठि पहीना…पे॰… ओळारिको ब्यापादो पहीनो, न परिहायति सकदागामी सकदागामिफलाति? न हेवं वत्तब्बे।
259. Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Na hevaṃ vattabbe.
सोतापन्नस्स विचिकिच्छा पहीना…पे॰… अपायगमनीयो मोहो पहीनो, न परिहायति सोतापन्नो सोतापत्तिफलाति? आमन्ता। सकदागामिस्स सक्कायदिट्ठि पहीना…पे॰… ओळारिको ब्यापादो पहीनो, न परिहायति सकदागामी सकदागामिफलाति? न हेवं वत्तब्बे।
Sotāpannassa vicikicchā pahīnā…pe… apāyagamanīyo moho pahīno, na parihāyati sotāpanno sotāpattiphalāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Na hevaṃ vattabbe.
परिहायति अरहा अरहत्ताति? आमन्ता। ननु अरहतो दोसो पहीनो…पे॰… मोहो पहीनो… मानो पहीनो… दिट्ठि पहीना… विचिकिच्छा पहीना… थिनं पहीनं… उद्धच्चं पहीनं… अहिरिकं पहीनं… अनोत्तप्पं पहीनं उच्छिन्नमूलं तालावत्थुकतं अनभावङ्कतं आयतिं अनुप्पादधम्मन्ति? आमन्ता। हञ्चि अरहतो अनोत्तप्पं पहीनं उच्छिन्नमूलं तालावत्थुकतं अनभावङ्कतं आयतिं अनुप्पादधम्मं, नो च वत रे वत्तब्बे – ‘‘परिहायति अरहा अरहत्ता’’ति।
Parihāyati arahā arahattāti? Āmantā. Nanu arahato doso pahīno…pe… moho pahīno… māno pahīno… diṭṭhi pahīnā… vicikicchā pahīnā… thinaṃ pahīnaṃ… uddhaccaṃ pahīnaṃ… ahirikaṃ pahīnaṃ… anottappaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammanti? Āmantā. Hañci arahato anottappaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammaṃ, no ca vata re vattabbe – ‘‘parihāyati arahā arahattā’’ti.
परिहायति अरहा अरहत्ताति? आमन्ता। ननु अरहतो रागप्पहानाय मग्गो भावितोति ? आमन्ता। हञ्चि अरहतो रागप्पहानाय मग्गो भावितो, नो च वत रे वत्तब्बे – ‘‘परिहायति अरहा अरहत्ता’’ति।
Parihāyati arahā arahattāti? Āmantā. Nanu arahato rāgappahānāya maggo bhāvitoti ? Āmantā. Hañci arahato rāgappahānāya maggo bhāvito, no ca vata re vattabbe – ‘‘parihāyati arahā arahattā’’ti.
परिहायति अरहा अरहत्ताति? आमन्ता। ननु अरहतो रागप्पहानाय सतिपट्ठाना भाविता…पे॰… सम्मप्पधाना भाविता… इद्धिपादा भाविता… इन्द्रिया भाविता… बला भाविता… बोज्झङ्गा भाविताति? आमन्ता। हञ्चि अरहतो रागप्पहानाय बोज्झङ्गा भाविता, नो च वत रे वत्तब्बे – ‘‘परिहायति अरहा अरहत्ता’’ति।
Parihāyati arahā arahattāti? Āmantā. Nanu arahato rāgappahānāya satipaṭṭhānā bhāvitā…pe… sammappadhānā bhāvitā… iddhipādā bhāvitā… indriyā bhāvitā… balā bhāvitā… bojjhaṅgā bhāvitāti? Āmantā. Hañci arahato rāgappahānāya bojjhaṅgā bhāvitā, no ca vata re vattabbe – ‘‘parihāyati arahā arahattā’’ti.
परिहायति अरहा अरहत्ताति? आमन्ता। ननु अरहतो दोसप्पहानाय…पे॰… अनोत्तप्पपहानाय मग्गो भावितो…पे॰… बोज्झङ्गा भाविताति? आमन्ता। हञ्चि अरहतो अनोत्तप्पपहानाय बोज्झङ्गा भाविता, नो च वत रे वत्तब्बे – ‘‘परिहायति अरहा अरहत्ता’’ति।
Parihāyati arahā arahattāti? Āmantā. Nanu arahato dosappahānāya…pe… anottappapahānāya maggo bhāvito…pe… bojjhaṅgā bhāvitāti? Āmantā. Hañci arahato anottappapahānāya bojjhaṅgā bhāvitā, no ca vata re vattabbe – ‘‘parihāyati arahā arahattā’’ti.
२६१. परिहायति अरहा अरहत्ताति? आमन्ता। ननु अरहा वीतरागो वीतदोसो वीतमोहो कतकरणीयो ओहितभारो अनुप्पत्तसदत्थो परिक्खीणभवसंयोजनो सम्मदञ्ञाविमुत्तो उक्खित्तपलिघो सङ्किण्णपरिखो अब्बूळ्हेसिको निरग्गळो अरियो पन्नद्धजो पन्नभारो विसञ्ञुत्तो सुविजितविजयो; दुक्खं तस्स परिञ्ञातं, समुदयो पहीनो, निरोधो सच्छिकतो, मग्गो भावितो, अभिञ्ञेय्यं अभिञ्ञातं , परिञ्ञेय्यं परिञ्ञातं, पहातब्बं पहीनं, भावेतब्बं भावितं, सच्छिकातब्बं सच्छिकतन्ति? आमन्ता। हञ्चि अरहा वीतरागो वीतदोसो वीतमोहो…पे॰… सच्छिकातब्बं सच्छिकतं, नो च वत रे वत्तब्बे – ‘‘परिहायति अरहा अरहत्ता’’ति।
261. Parihāyati arahā arahattāti? Āmantā. Nanu arahā vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo; dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ , pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikatanti? Āmantā. Hañci arahā vītarāgo vītadoso vītamoho…pe… sacchikātabbaṃ sacchikataṃ, no ca vata re vattabbe – ‘‘parihāyati arahā arahattā’’ti.
असमयविमुत्तो अरहा अरहत्ता न परिहायतीति? आमन्ता। समयविमुत्तो अरहा अरहत्ता न परिहायतीति? न हेवं वत्तब्बे।
Asamayavimutto arahā arahattā na parihāyatīti? Āmantā. Samayavimutto arahā arahattā na parihāyatīti? Na hevaṃ vattabbe.
समयविमुत्तस्स अरहतो रागो पहीनो, परिहायति समयविमुत्तो अरहा अरहत्ताति? आमन्ता। असमयविमुत्तस्स अरहतो रागो पहीनो, परिहायति असमयविमुत्तो अरहा अरहत्ताति? न हेवं वत्तब्बे।
Samayavimuttassa arahato rāgo pahīno, parihāyati samayavimutto arahā arahattāti? Āmantā. Asamayavimuttassa arahato rāgo pahīno, parihāyati asamayavimutto arahā arahattāti? Na hevaṃ vattabbe.
समयविमुत्तस्स अरहतो दोसो पहीनो…पे॰… अनोत्तप्पं पहीनं, परिहायति समयविमुत्तो अरहा अरहत्ताति? आमन्ता। असमयविमुत्तस्स अरहतो अनोत्तप्पं पहीनं, परिहायति असमयविमुत्तो अरहा अरहत्ताति? न हेवं वत्तब्बे।
Samayavimuttassa arahato doso pahīno…pe… anottappaṃ pahīnaṃ, parihāyati samayavimutto arahā arahattāti? Āmantā. Asamayavimuttassa arahato anottappaṃ pahīnaṃ, parihāyati asamayavimutto arahā arahattāti? Na hevaṃ vattabbe.
समयविमुत्तस्स अरहतो रागप्पहानाय मग्गो भावितो, परिहायति समयविमुत्तो अरहा अरहत्ताति? आमन्ता। असमयविमुत्तस्स अरहतो रागप्पहानाय मग्गो भावितो, परिहायति असमयविमुत्तो अरहा अरहत्ताति? न हेवं वत्तब्बे।
Samayavimuttassa arahato rāgappahānāya maggo bhāvito, parihāyati samayavimutto arahā arahattāti? Āmantā. Asamayavimuttassa arahato rāgappahānāya maggo bhāvito, parihāyati asamayavimutto arahā arahattāti? Na hevaṃ vattabbe.
समयविमुत्तस्स अरहतो रागप्पहानाय सतिपट्ठाना भाविता…पे॰… सम्मप्पधाना भाविता… इद्धिपादा भाविता… इन्द्रिया भाविता… बला भाविता… बोज्झङ्गा भाविता, परिहायति समयविमुत्तो अरहा अरहत्ताति? आमन्ता। असमयविमुत्तस्स अरहतो रागप्पहानाय सतिपट्ठाना भाविता…पे॰… बोज्झङ्गा भाविता, परिहायति असमयविमुत्तो अरहा अरहत्ताति? न हेवं वत्तब्बे।
Samayavimuttassa arahato rāgappahānāya satipaṭṭhānā bhāvitā…pe… sammappadhānā bhāvitā… iddhipādā bhāvitā… indriyā bhāvitā… balā bhāvitā… bojjhaṅgā bhāvitā, parihāyati samayavimutto arahā arahattāti? Āmantā. Asamayavimuttassa arahato rāgappahānāya satipaṭṭhānā bhāvitā…pe… bojjhaṅgā bhāvitā, parihāyati asamayavimutto arahā arahattāti? Na hevaṃ vattabbe.
समयविमुत्तस्स अरहतो दोसप्पहानाय…पे॰… अनोत्तप्पपहानाय मग्गो भावितो…पे॰… बोज्झङ्गा भाविता, परिहायति समयविमुत्तो अरहा अरहत्ताति? आमन्ता। असमयविमुत्तस्स अरहतो अनोत्तप्पपहानाय मग्गो भावितो…पे॰… बोज्झङ्गा भाविता, परिहायति असमयविमुत्तो अरहा अरहत्ताति? न हेवं वत्तब्बे…पे॰…।
Samayavimuttassa arahato dosappahānāya…pe… anottappapahānāya maggo bhāvito…pe… bojjhaṅgā bhāvitā, parihāyati samayavimutto arahā arahattāti? Āmantā. Asamayavimuttassa arahato anottappapahānāya maggo bhāvito…pe… bojjhaṅgā bhāvitā, parihāyati asamayavimutto arahā arahattāti? Na hevaṃ vattabbe…pe….
समयविमुत्तो अरहा वीतरागो वीतदोसो वीतमोहो कतकरणीयो ओहितभारो अनुप्पत्तसदत्थो परिक्खीणभवसंयोजनो सम्मदञ्ञाविमुत्तो उक्खित्तपलिघो सङ्किण्णपरिखो अब्बूळ्हेसिको निरग्गळो अरियो पन्नद्धजो पन्नभारो विसञ्ञुत्तो सुविजितविजयो, दुक्खं तस्स परिञ्ञातं, समुदयो पहीनो, निरोधो सच्छिकतो, मग्गो भावितो, अभिञ्ञेय्यं अभिञ्ञातं, परिञ्ञेय्यं परिञ्ञातं, पहातब्बं पहीनं, भावेतब्बं भावितं, सच्छिकातब्बं सच्छिकतं , परिहायति समयविमुत्तो अरहा अरहत्ताति? आमन्ता। असमयविमुत्तो अरहा वीतरागो वीतदोसो वीतमोहो…पे॰… सच्छिकातब्बं सच्छिकतं, परिहायति असमयविमुत्तो अरहा अरहत्ताति? न हेवं वत्तब्बे।
Samayavimutto arahā vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikataṃ , parihāyati samayavimutto arahā arahattāti? Āmantā. Asamayavimutto arahā vītarāgo vītadoso vītamoho…pe… sacchikātabbaṃ sacchikataṃ, parihāyati asamayavimutto arahā arahattāti? Na hevaṃ vattabbe.
२६३. असमयविमुत्तस्स अरहतो रागो पहीनो, न परिहायति असमयविमुत्तो अरहा अरहत्ताति? आमन्ता। समयविमुत्तस्स अरहतो रागो पहीनो, न परिहायति समयविमुत्तो अरहा अरहत्ताति? न हेवं वत्तब्बे।
263. Asamayavimuttassa arahato rāgo pahīno, na parihāyati asamayavimutto arahā arahattāti? Āmantā. Samayavimuttassa arahato rāgo pahīno, na parihāyati samayavimutto arahā arahattāti? Na hevaṃ vattabbe.
असमयविमुत्तस्स अरहतो दोसो पहीनो…पे॰… अनोत्तप्पं पहीनं, न परिहायति असमयविमुत्तो अरहा अरहत्ताति? आमन्ता। समयविमुत्तस्स अरहतो अनोत्तप्पं पहीनं, न परिहायति समयविमुत्तो अरहा अरहत्ताति? न हेवं वत्तब्बे।
Asamayavimuttassa arahato doso pahīno…pe… anottappaṃ pahīnaṃ, na parihāyati asamayavimutto arahā arahattāti? Āmantā. Samayavimuttassa arahato anottappaṃ pahīnaṃ, na parihāyati samayavimutto arahā arahattāti? Na hevaṃ vattabbe.
असमयविमुत्तस्स अरहतो रागप्पहानाय मग्गो भावितो…पे॰… बोज्झङ्गा भाविता, न परिहायति असमयविमुत्तो अरहा अरहत्ताति? आमन्ता। समयविमुत्तस्स अरहतो रागप्पहानाय मग्गो भावितो…पे॰… बोज्झङ्गा भाविता, न परिहायति समयविमुत्तो अरहा अरहत्ताति? न हेवं वत्तब्बे।
Asamayavimuttassa arahato rāgappahānāya maggo bhāvito…pe… bojjhaṅgā bhāvitā, na parihāyati asamayavimutto arahā arahattāti? Āmantā. Samayavimuttassa arahato rāgappahānāya maggo bhāvito…pe… bojjhaṅgā bhāvitā, na parihāyati samayavimutto arahā arahattāti? Na hevaṃ vattabbe.
असमयविमुत्तस्स अरहतो दोसप्पहानाय…पे॰… अनोत्तप्पपहानाय मग्गो भावितो…पे॰… बोज्झङ्गा भाविता, न परिहायति असमयविमुत्तो अरहा अरहत्ताति? आमन्ता। समयविमुत्तस्स अरहतो अनोत्तप्पपहानाय मग्गो भावितो…पे॰… बोज्झङ्गा भाविता, न परिहायति समयविमुत्तो अरहा अरहत्ताति? न हेवं वत्तब्बे।
Asamayavimuttassa arahato dosappahānāya…pe… anottappapahānāya maggo bhāvito…pe… bojjhaṅgā bhāvitā, na parihāyati asamayavimutto arahā arahattāti? Āmantā. Samayavimuttassa arahato anottappapahānāya maggo bhāvito…pe… bojjhaṅgā bhāvitā, na parihāyati samayavimutto arahā arahattāti? Na hevaṃ vattabbe.
असमयविमुत्तो अरहा वीतरागो वीतदोसो वीतमोहो…पे॰… सच्छिकातब्बं सच्छिकतं, न परिहायति असमयविमुत्तो अरहा अरहत्ताति? आमन्ता। समयविमुत्तो अरहा वीतरागो वीतदोसो वीतमोहो…पे॰… सच्छिकातब्बं सच्छिकतं, न परिहायति समयविमुत्तो अरहा अरहत्ताति? न हेवं वत्तब्बे…पे॰…।
Asamayavimutto arahā vītarāgo vītadoso vītamoho…pe… sacchikātabbaṃ sacchikataṃ, na parihāyati asamayavimutto arahā arahattāti? Āmantā. Samayavimutto arahā vītarāgo vītadoso vītamoho…pe… sacchikātabbaṃ sacchikataṃ, na parihāyati samayavimutto arahā arahattāti? Na hevaṃ vattabbe…pe….
सारिपुत्तो थेरो न परिहायित्थ अरहत्ताति? आमन्ता। हञ्चि सारिपुत्तो थेरो न परिहायित्थ अरहत्ता, नो च वत रे वत्तब्बे – ‘‘परिहायति अरहा अरहत्ता’’ति।
Sāriputto thero na parihāyittha arahattāti? Āmantā. Hañci sāriputto thero na parihāyittha arahattā, no ca vata re vattabbe – ‘‘parihāyati arahā arahattā’’ti.
महामोग्गल्लानो थेरो… महाकस्सपो थेरो… महाकच्चायनो थेरो… महाकोट्ठिको थेरो… महापन्थको थेरो न परिहायित्थ अरहत्ताति? आमन्ता। हञ्चि महापन्थको थेरो न परिहायित्थ अरहत्ता, नो च वत रे वत्तब्बे – ‘‘परिहायति अरहा अरहत्ता’’ति।
Mahāmoggallāno thero… mahākassapo thero… mahākaccāyano thero… mahākoṭṭhiko thero… mahāpanthako thero na parihāyittha arahattāti? Āmantā. Hañci mahāpanthako thero na parihāyittha arahattā, no ca vata re vattabbe – ‘‘parihāyati arahā arahattā’’ti.
अरियपुग्गलसंसन्दनं।
Ariyapuggalasaṃsandanaṃ.
३. सुत्तसाधनपरिहानि
3. Suttasādhanaparihāni
२६५. परिहायति अरहा अरहत्ताति? आमन्ता। ननु वुत्तं भगवता –
265. Parihāyati arahā arahattāti? Āmantā. Nanu vuttaṃ bhagavatā –
न पारं दिगुणं यन्ति, नयिदं एकगुणं मुत’’न्ति 19॥
Na pāraṃ diguṇaṃ yanti, nayidaṃ ekaguṇaṃ muta’’nti 20.
अत्थेव सुत्तन्तोति? आमन्ता। तेन हि न वत्तब्बं – ‘‘परिहायति अरहा अरहत्ता’’ति।
Attheva suttantoti? Āmantā. Tena hi na vattabbaṃ – ‘‘parihāyati arahā arahattā’’ti.
परिहायति अरहा अरहत्ताति? आमन्ता। अत्थि छिन्नस्स छेदियन्ति? न हेवं वत्तब्बे।
Parihāyati arahā arahattāti? Āmantā. Atthi chinnassa chediyanti? Na hevaṃ vattabbe.
अत्थि छिन्नस्स छेदियन्ति? आमन्ता। ननु वुत्तं भगवता –
Atthi chinnassa chediyanti? Āmantā. Nanu vuttaṃ bhagavatā –
‘‘वीततण्हो अनादानो, किच्चं यस्स न विज्जति।
‘‘Vītataṇho anādāno, kiccaṃ yassa na vijjati;
छिन्नस्स छेदियं नत्थि, ओघपासो समूहतो’’ति॥
Chinnassa chediyaṃ natthi, oghapāso samūhato’’ti.
अत्थेव सुत्तन्तोति? आमन्ता। तेन हि न वत्तब्बं – ‘‘अत्थि छिन्नस्स छेदिय’’न्ति।
Attheva suttantoti? Āmantā. Tena hi na vattabbaṃ – ‘‘atthi chinnassa chediya’’nti.
२६६. परिहायति अरहा अरहत्ताति? आमन्ता। अत्थि कतस्स पतिचयोति? न हेवं वत्तब्बे।
266. Parihāyati arahā arahattāti? Āmantā. Atthi katassa paticayoti? Na hevaṃ vattabbe.
अत्थि कतस्स पतिचयोति? आमन्ता। ननु वुत्तं भगवता –
Atthi katassa paticayoti? Āmantā. Nanu vuttaṃ bhagavatā –
‘‘तस्स सम्मा विमुत्तस्स, सन्तचित्तस्स भिक्खुनो।
‘‘Tassa sammā vimuttassa, santacittassa bhikkhuno;
कतस्स पतिचयो नत्थि, करणीयं न विज्जति॥
Katassa paticayo natthi, karaṇīyaṃ na vijjati.
‘‘सेलो यथा एकग्घनो, वातेन न समीरति।
‘‘Selo yathā ekagghano, vātena na samīrati;
एवं रूपा रसा सद्दा, गन्धा फस्सा च केवला॥
Evaṃ rūpā rasā saddā, gandhā phassā ca kevalā.
‘‘इट्ठा धम्मा अनिट्ठा च, नप्पवेधेन्ति तादिनो।
‘‘Iṭṭhā dhammā aniṭṭhā ca, nappavedhenti tādino;
ठितं चित्तं विप्पमुत्तं, वयं चस्सानुपस्सती’’ति 21॥
Ṭhitaṃ cittaṃ vippamuttaṃ, vayaṃ cassānupassatī’’ti 22.
अत्थेव सुत्तन्तोति? आमन्ता। तेन हि न वत्तब्बं – ‘‘अत्थि कतस्स पतिचयो’’ति।
Attheva suttantoti? Āmantā. Tena hi na vattabbaṃ – ‘‘atthi katassa paticayo’’ti.
२६७. न वत्तब्बं – ‘‘परिहायति अरहा अरहत्ता’’ति? आमन्ता। ननु वुत्तं भगवता – ‘‘पञ्चिमे, भिक्खवे, धम्मा समयविमुत्तस्स भिक्खुनो परिहानाय संवत्तन्ति। कतमे पञ्च? कम्मारामता, भस्सारामता, निद्दारामता, सङ्गणिकारामता, यथाविमुत्तं चित्तं न पच्चवेक्खति। इमे खो, भिक्खवे, पञ्च धम्मा समयविमुत्तस्स भिक्खुनो परिहानाय संवत्तन्ती’’ति 23। अत्थेव सुत्तन्तोति? आमन्ता। तेन हि परिहायति अरहा अरहत्ताति।
267. Na vattabbaṃ – ‘‘parihāyati arahā arahattā’’ti? Āmantā. Nanu vuttaṃ bhagavatā – ‘‘pañcime, bhikkhave, dhammā samayavimuttassa bhikkhuno parihānāya saṃvattanti. Katame pañca? Kammārāmatā, bhassārāmatā, niddārāmatā, saṅgaṇikārāmatā, yathāvimuttaṃ cittaṃ na paccavekkhati. Ime kho, bhikkhave, pañca dhammā samayavimuttassa bhikkhuno parihānāya saṃvattantī’’ti 24. Attheva suttantoti? Āmantā. Tena hi parihāyati arahā arahattāti.
अत्थि अरहतो कम्मारामताति? न हेवं वत्तब्बे।
Atthi arahato kammārāmatāti? Na hevaṃ vattabbe.
अत्थि अरहतो कम्मारामताति? आमन्ता। अत्थि अरहतो रागो कामरागो कामरागपरियुट्ठानं कामरागसंयोजनं कामोघो कामयोगो कामच्छन्दनीवरणन्ति? न हेवं वत्तब्बे।
Atthi arahato kammārāmatāti? Āmantā. Atthi arahato rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇanti? Na hevaṃ vattabbe.
अत्थि अरहतो भस्सारामता, अत्थि अरहतो निद्दारामता, अत्थि अरहतो सङ्गणिकारामताति? न हेवं वत्तब्बे।
Atthi arahato bhassārāmatā, atthi arahato niddārāmatā, atthi arahato saṅgaṇikārāmatāti? Na hevaṃ vattabbe.
अत्थि अरहतो सङ्गणिकारामताति? आमन्ता। अत्थि अरहतो रागो कामरागो कामरागपरियुट्ठानं कामरागसंयोजनं कामोघो कामयोगो कामच्छन्दनीवरणन्ति? न हेवं वत्तब्बे।
Atthi arahato saṅgaṇikārāmatāti? Āmantā. Atthi arahato rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇanti? Na hevaṃ vattabbe.
२६८. परिहायति अरहा अरहत्ताति? आमन्ता। अरहा अरहत्ता परिहायमानो किं परियुट्ठितो परिहायतीति? रागपरियुट्ठितो परिहायतीति। परियुट्ठानं किं पटिच्च उप्पज्जतीति? अनुसयं पटिच्च उप्पज्जतीति। अत्थि अरहतो अनुसयाति? न हेवं वत्तब्बे।
268. Parihāyati arahā arahattāti? Āmantā. Arahā arahattā parihāyamāno kiṃ pariyuṭṭhito parihāyatīti? Rāgapariyuṭṭhito parihāyatīti. Pariyuṭṭhānaṃ kiṃ paṭicca uppajjatīti? Anusayaṃ paṭicca uppajjatīti. Atthi arahato anusayāti? Na hevaṃ vattabbe.
अत्थि अरहतो अनुसयाति? आमन्ता। अत्थि अरहतो कामरागानुसयो पटिघानुसयो मानानुसयो दिट्ठानुसयो विचिकिच्छानुसयो भवरागानुसयो अविज्जानुसयोति? न हेवं वत्तब्बे।
Atthi arahato anusayāti? Āmantā. Atthi arahato kāmarāgānusayo paṭighānusayo mānānusayo diṭṭhānusayo vicikicchānusayo bhavarāgānusayo avijjānusayoti? Na hevaṃ vattabbe.
दोसपरियुट्ठितो परिहायतीति…पे॰… मोहपरियुट्ठितो परिहायतीति…। परियुट्ठानं किं पटिच्च उप्पज्जतीति? अनुसयं पटिच्च उप्पज्जतीति। अत्थि अरहतो अनुसयाति? न हेवं वत्तब्बे…पे॰…।
Dosapariyuṭṭhito parihāyatīti…pe… mohapariyuṭṭhito parihāyatīti…. Pariyuṭṭhānaṃ kiṃ paṭicca uppajjatīti? Anusayaṃ paṭicca uppajjatīti. Atthi arahato anusayāti? Na hevaṃ vattabbe…pe….
अत्थि अरहतो अनुसयाति? आमन्ता। अत्थि अरहतो कामरागानुसयो…पे॰… अविज्जानुसयोति? न हेवं वत्तब्बे।
Atthi arahato anusayāti? Āmantā. Atthi arahato kāmarāgānusayo…pe… avijjānusayoti? Na hevaṃ vattabbe.
परिहायति अरहा अरहत्ताति? आमन्ता। अरहतो अरहत्ता परिहायमानस्स किं उपचयं गच्छतीति? रागो उपचयं गच्छतीति। सक्कायदिट्ठि उपचयं गच्छतीति, विचिकिच्छा उपचयं गच्छतीति, सीलब्बतपरामासो उपचयं गच्छतीति? न हेवं वत्तब्बे। दोसो उपचयं गच्छतीति…पे॰… मोहो उपचयं गच्छतीति, सक्कायदिट्ठि उपचयं गच्छतीति, विचिकिच्छा उपचयं गच्छतीति, सीलब्बतपरामासो उपचयं गच्छतीति? न हेवं वत्तब्बे।
Parihāyati arahā arahattāti? Āmantā. Arahato arahattā parihāyamānassa kiṃ upacayaṃ gacchatīti? Rāgo upacayaṃ gacchatīti. Sakkāyadiṭṭhi upacayaṃ gacchatīti, vicikicchā upacayaṃ gacchatīti, sīlabbataparāmāso upacayaṃ gacchatīti? Na hevaṃ vattabbe. Doso upacayaṃ gacchatīti…pe… moho upacayaṃ gacchatīti, sakkāyadiṭṭhi upacayaṃ gacchatīti, vicikicchā upacayaṃ gacchatīti, sīlabbataparāmāso upacayaṃ gacchatīti? Na hevaṃ vattabbe.
परिहायति अरहा अरहत्ताति? आमन्ता। अरहा आचिनतीति? न हेवं वत्तब्बे। अरहा अपचिनतीति? न हेवं वत्तब्बे। अरहा पजहतीति? न हेवं वत्तब्बे। अरहा उपादियतीति? न हेवं वत्तब्बे। अरहा विसिनेतीति? न हेवं वत्तब्बे। अरहा उस्सिनेतीति? न हेवं वत्तब्बे। अरहा विधूपेतीति? न हेवं वत्तब्बे। अरहा सन्धूपेतीति? न हेवं वत्तब्बे।
Parihāyati arahā arahattāti? Āmantā. Arahā ācinatīti? Na hevaṃ vattabbe. Arahā apacinatīti? Na hevaṃ vattabbe. Arahā pajahatīti? Na hevaṃ vattabbe. Arahā upādiyatīti? Na hevaṃ vattabbe. Arahā visinetīti? Na hevaṃ vattabbe. Arahā ussinetīti? Na hevaṃ vattabbe. Arahā vidhūpetīti? Na hevaṃ vattabbe. Arahā sandhūpetīti? Na hevaṃ vattabbe.
ननु अरहा नेवाचिनति न अपचिनति अपचिनित्वा ठितोति? आमन्ता। हञ्चि अरहा नेवाचिनति न अपचिनति अपचिनित्वा ठितो, नो च वत रे वत्तब्बे – ‘‘परिहायति अरहा अरहत्ता’’ति।
Nanu arahā nevācinati na apacinati apacinitvā ṭhitoti? Āmantā. Hañci arahā nevācinati na apacinati apacinitvā ṭhito, no ca vata re vattabbe – ‘‘parihāyati arahā arahattā’’ti.
ननु अरहा नेव पजहति न उपादियति पजहित्वा ठितोति? आमन्ता। हञ्चि अरहा नेव पजहति न उपादियति पजहित्वा ठितो, नो च वत रे वत्तब्बे – ‘‘परिहायति अरहा अरहत्ता’’ति।
Nanu arahā neva pajahati na upādiyati pajahitvā ṭhitoti? Āmantā. Hañci arahā neva pajahati na upādiyati pajahitvā ṭhito, no ca vata re vattabbe – ‘‘parihāyati arahā arahattā’’ti.
ननु अरहा नेव विसिनेति न उस्सिनेति विसिनित्वा ठितोति? आमन्ता। हञ्चि अरहा नेव विसिनेति न उस्सिनेति विसिनित्वा ठितो, नो च वत रे वत्तब्बे – ‘‘परिहायति अरहा अरहत्ता’’ति।
Nanu arahā neva visineti na ussineti visinitvā ṭhitoti? Āmantā. Hañci arahā neva visineti na ussineti visinitvā ṭhito, no ca vata re vattabbe – ‘‘parihāyati arahā arahattā’’ti.
ननु अरहा नेव विधूपेति न सन्धूपेति विधूपेत्वा ठितोति? आमन्ता। हञ्चि अरहा नेव विधूपेति न सन्धूपेति विधूपेत्वा ठितो, नो च वत रे वत्तब्बे – ‘‘परिहायति अरहा अरहत्ता’’ति।
Nanu arahā neva vidhūpeti na sandhūpeti vidhūpetvā ṭhitoti? Āmantā. Hañci arahā neva vidhūpeti na sandhūpeti vidhūpetvā ṭhito, no ca vata re vattabbe – ‘‘parihāyati arahā arahattā’’ti.
परिहानिकथा निट्ठिता।
Parihānikathā niṭṭhitā.
Footnotes:
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / २. परिहानिकथा • 2. Parihānikathā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / २. परिहानिकथा • 2. Parihānikathā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / २. परिहानिकथा • 2. Parihānikathā
