Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi

    ๒. ปริหานิกถา

    2. Parihānikathā

    ๑. วาทยุตฺติปริหานิ

    1. Vādayuttiparihāni

    ๒๓๙. ปริหายติ อรหา อรหตฺตาติ? อามนฺตาฯ สพฺพตฺถ อรหา อรหตฺตา ปริหายตีติ? น เหวํ วตฺตเพฺพ…เป.… สพฺพตฺถ อรหา อรหตฺตา ปริหายตีติ? อามนฺตาฯ สพฺพตฺถ อรหโต ปริหานีติ? น เหวํ วตฺตเพฺพ…เป.…ฯ

    239. Parihāyati arahā arahattāti? Āmantā. Sabbattha arahā arahattā parihāyatīti? Na hevaṃ vattabbe…pe… sabbattha arahā arahattā parihāyatīti? Āmantā. Sabbattha arahato parihānīti? Na hevaṃ vattabbe…pe….

    ปริหายติ อรหา อรหตฺตาติ? อามนฺตา ฯ สพฺพทา อรหา อรหตฺตา ปริหายตีติ? น เหวํ วตฺตเพฺพ…เป.… สพฺพทา อรหา อรหตฺตา ปริหายตีติ? อามนฺตาฯ สพฺพทา อรหโต ปริหานีติ? น เหวํ วตฺตเพฺพ…เป.…ฯ

    Parihāyati arahā arahattāti? Āmantā . Sabbadā arahā arahattā parihāyatīti? Na hevaṃ vattabbe…pe… sabbadā arahā arahattā parihāyatīti? Āmantā. Sabbadā arahato parihānīti? Na hevaṃ vattabbe…pe….

    ปริหายติ อรหา อรหตฺตาติ? อามนฺตาฯ สเพฺพว อรหโนฺต อรหตฺตา ปริหายนฺตีติ? น เหวํ วตฺตเพฺพ…เป.… สเพฺพว อรหโนฺต อรหตฺตา ปริหายนฺตีติ? อามนฺตาฯ สเพฺพสํเยว อรหนฺตานํ ปริหานีติ? น เหวํ วตฺตเพฺพ…เป.…ฯ

    Parihāyati arahā arahattāti? Āmantā. Sabbeva arahanto arahattā parihāyantīti? Na hevaṃ vattabbe…pe… sabbeva arahanto arahattā parihāyantīti? Āmantā. Sabbesaṃyeva arahantānaṃ parihānīti? Na hevaṃ vattabbe…pe….

    ปริหายติ อรหา อรหตฺตาติ? อามนฺตาฯ อรหา อรหตฺตา ปริหายมาโน จตูหิ ผเลหิ ปริหายตีติ? น เหวํ วตฺตเพฺพ…เป.…ฯ

    Parihāyati arahā arahattāti? Āmantā. Arahā arahattā parihāyamāno catūhi phalehi parihāyatīti? Na hevaṃ vattabbe…pe….

    จตูหิ สตสหเสฺสหิ เสฎฺฐี เสฎฺฐิตฺตํ กาเรโนฺต สตสหเสฺส ปริหีเน เสฎฺฐิตฺตา ปริหีโน โหตีติ? อามนฺตาฯ สพฺพสาปเตยฺยา ปริหีโน โหตีติ? น เหวํ วตฺตเพฺพ…เป.…ฯ

    Catūhi satasahassehi seṭṭhī seṭṭhittaṃ kārento satasahasse parihīne seṭṭhittā parihīno hotīti? Āmantā. Sabbasāpateyyā parihīno hotīti? Na hevaṃ vattabbe…pe….

    จตูหิ สตสหเสฺสหิ เสฎฺฐี เสฎฺฐิตฺตํ กาเรโนฺต สตสหเสฺส ปริหีเน ภโพฺพ สพฺพสาปเตยฺยา ปริหายิตุนฺติ? อามนฺตาฯ อรหา อรหตฺตา ปริหายมาโน ภโพฺพ จตูหิ ผเลหิ ปริหายิตุนฺติ? น เหวํ วตฺตเพฺพ…เป.…ฯ

    Catūhi satasahassehi seṭṭhī seṭṭhittaṃ kārento satasahasse parihīne bhabbo sabbasāpateyyā parihāyitunti? Āmantā. Arahā arahattā parihāyamāno bhabbo catūhi phalehi parihāyitunti? Na hevaṃ vattabbe…pe….

    ๒. อริยปุคฺคลสํสนฺทนปริหานิ

    2. Ariyapuggalasaṃsandanaparihāni

    ๒๔๐. ปริหายติ อรหา อรหตฺตาติ? อามนฺตาฯ ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    240. Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe….

    ปริหายติ อรหา อรหตฺตาติ? อามนฺตาฯ ปริหายติ สกทาคามี สกทาคามิผลาติ? น เหวํ วตฺตเพฺพ…เป.…ฯ

    Parihāyati arahā arahattāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe….

    ปริหายติ อรหา อรหตฺตาติ? อามนฺตาฯ ปริหายติ อนาคามี อนาคามิผลาติ? น เหวํ วตฺตเพฺพ…เป.…ฯ

    Parihāyati arahā arahattāti? Āmantā. Parihāyati anāgāmī anāgāmiphalāti? Na hevaṃ vattabbe…pe….

    ปริหายติ อนาคามี อนาคามิผลาติ? อามนฺตาฯ ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    Parihāyati anāgāmī anāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe….

    ปริหายติ อนาคามี อนาคามิผลาติ? อามนฺตาฯ ปริหายติ สกทาคามี สกทาคามิผลาติ? น เหวํ วตฺตเพฺพ…เป.…ฯ

    Parihāyati anāgāmī anāgāmiphalāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe….

    ปริหายติ สกทาคามี สกทาคามิผลาติ? อามนฺตาฯ ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    Parihāyati sakadāgāmī sakadāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe….

    น ปริหายติ โสตาปโนฺน โสตาปตฺติผลาติ? อามนฺตาฯ น ปริหายติ อรหา อรหตฺตาติ? น เหวํ วตฺตเพฺพ…เป.…ฯ

    Na parihāyati sotāpanno sotāpattiphalāti? Āmantā. Na parihāyati arahā arahattāti? Na hevaṃ vattabbe…pe….

    น ปริหายติ สกทาคามี สกทาคามิผลาติ? อามนฺตาฯ น ปริหายติ อรหา อรหตฺตาติ? น เหวํ วตฺตเพฺพ…เป.…ฯ

    Na parihāyati sakadāgāmī sakadāgāmiphalāti? Āmantā. Na parihāyati arahā arahattāti? Na hevaṃ vattabbe…pe….

    น ปริหายติ อนาคามี อนาคามิผลาติ? อามนฺตาฯ น ปริหายติ อรหา อรหตฺตาติ? น เหวํ วตฺตเพฺพ…เป.…ฯ

    Na parihāyati anāgāmī anāgāmiphalāti? Āmantā. Na parihāyati arahā arahattāti? Na hevaṃ vattabbe…pe….

    น ปริหายติ โสตาปโนฺน โสตาปตฺติผลาติ? อามนฺตาฯ น ปริหายติ อนาคามี อนาคามิผลาติ? น เหวํ วตฺตเพฺพ…เป.…ฯ

    Na parihāyati sotāpanno sotāpattiphalāti? Āmantā. Na parihāyati anāgāmī anāgāmiphalāti? Na hevaṃ vattabbe…pe….

    น ปริหายติ สกทาคามี สกทาคามิผลาติ? อามนฺตา ฯ น ปริหายติ อนาคามี อนาคามิผลาติ? น เหวํ วตฺตเพฺพ…เป.…ฯ

    Na parihāyati sakadāgāmī sakadāgāmiphalāti? Āmantā . Na parihāyati anāgāmī anāgāmiphalāti? Na hevaṃ vattabbe…pe….

    น ปริหายติ โสตาปโนฺน โสตาปตฺติผลาติ? อามนฺตาฯ น ปริหายติ สกทาคามี สกทาคามิผลาติ? น เหวํ วตฺตเพฺพ…เป.…ฯ

    Na parihāyati sotāpanno sotāpattiphalāti? Āmantā. Na parihāyati sakadāgāmī sakadāgāmiphalāti? Na hevaṃ vattabbe…pe….

    ๒๔๑. ปริหายติ อรหา อรหตฺตาติ? อามนฺตาฯ อรหา อรหตฺตา ปริหายมาโน กตฺถ สณฺฐาตีติ? อนาคามิผเลติฯ อนาคามี อนาคามิผลา ปริหายมาโน กตฺถ สณฺฐาตีติ? สกทาคามิผเลติฯ สกทาคามี สกทาคามิผลา ปริหายมาโน กตฺถ สณฺฐาตีติ? โสตาปตฺติผเลติฯ โสตาปโนฺน โสตาปตฺติผลา ปริหายมาโน ปุถุชฺชนภูมิยํ สณฺฐาตีติ? น เหวํ วตฺตเพฺพฯ

    241. Parihāyati arahā arahattāti? Āmantā. Arahā arahattā parihāyamāno kattha saṇṭhātīti? Anāgāmiphaleti. Anāgāmī anāgāmiphalā parihāyamāno kattha saṇṭhātīti? Sakadāgāmiphaleti. Sakadāgāmī sakadāgāmiphalā parihāyamāno kattha saṇṭhātīti? Sotāpattiphaleti. Sotāpanno sotāpattiphalā parihāyamāno puthujjanabhūmiyaṃ saṇṭhātīti? Na hevaṃ vattabbe.

    อาชานาหิ นิคฺคหํฯ หญฺจิ อรหา อรหตฺตา ปริหายมาโน อนาคามิผเล สณฺฐาติ, อนาคามี อนาคามิผลา ปริหายมาโน สกทาคามิผเล สณฺฐาติ, สกทาคามี สกทาคามิผลา ปริหายมาโน โสตาปตฺติผเล สณฺฐาติ; เตน วต เร วตฺตเพฺพ – ‘‘โสตาปโนฺน โสตาปตฺติผลา ปริหายมาโน ปุถุชฺชนภูมิยํ สณฺฐาตี’’ติฯ

    Ājānāhi niggahaṃ. Hañci arahā arahattā parihāyamāno anāgāmiphale saṇṭhāti, anāgāmī anāgāmiphalā parihāyamāno sakadāgāmiphale saṇṭhāti, sakadāgāmī sakadāgāmiphalā parihāyamāno sotāpattiphale saṇṭhāti; tena vata re vattabbe – ‘‘sotāpanno sotāpattiphalā parihāyamāno puthujjanabhūmiyaṃ saṇṭhātī’’ti.

    อรหา อรหตฺตา ปริหายมาโน โสตาปตฺติผเล สณฺฐาตีติ? อามนฺตาฯ โสตาปตฺติผลสฺส อนนฺตรา อรหตฺตํเยว สจฺฉิกโรตีติ? น เหวํ วตฺตเพฺพ…เป.…ฯ

    Arahā arahattā parihāyamāno sotāpattiphale saṇṭhātīti? Āmantā. Sotāpattiphalassa anantarā arahattaṃyeva sacchikarotīti? Na hevaṃ vattabbe…pe….

    ๒๔๒. ปริหายติ อรหา อรหตฺตาติ? อามนฺตาฯ ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.… กสฺส พหุตรา กิเลสา ปหีนา อรหโต วา โสตาปนฺนสฺส วาติ? อรหโตฯ หญฺจิ อรหโต พหุตรา กิเลสา ปหีนา, ปริหายติ อรหา อรหตฺตา; เตน วต เร วตฺตเพฺพ – ‘‘ปริหายติ โสตาปโนฺน โสตาปตฺติผลา’’ติฯ

    242. Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa bahutarā kilesā pahīnā arahato vā sotāpannassa vāti? Arahato. Hañci arahato bahutarā kilesā pahīnā, parihāyati arahā arahattā; tena vata re vattabbe – ‘‘parihāyati sotāpanno sotāpattiphalā’’ti.

    ปริหายติ อรหา อรหตฺตาติ? อามนฺตาฯ ปริหายติ สกทาคามี สกทาคามิผลาติ? น เหวํ วตฺตเพฺพ…เป.… กสฺส พหุตรา กิเลสา ปหีนา อรหโต วา สกทาคามิสฺส วาติ? อรหโตฯ หญฺจิ อรหโต พหุตรา กิเลสา ปหีนา, ปริหายติ อรหา อรหตฺตา; เตน วต เร วตฺตเพฺพ – ‘‘ปริหายติ สกทาคามี สกทาคามิผลา’’ติฯ

    Parihāyati arahā arahattāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa bahutarā kilesā pahīnā arahato vā sakadāgāmissa vāti? Arahato. Hañci arahato bahutarā kilesā pahīnā, parihāyati arahā arahattā; tena vata re vattabbe – ‘‘parihāyati sakadāgāmī sakadāgāmiphalā’’ti.

    ปริหายติ อรหา อรหตฺตาติ? อามนฺตาฯ ปริหายติ อนาคามี อนาคามิผลาติ? น เหวํ วตฺตเพฺพ…เป.… กสฺส พหุตรา กิเลสา ปหีนา อรหโต วา อนาคามิสฺส วาติ? อรหโตฯ หญฺจิ อรหโต พหุตรา กิเลสา ปหีนา, ปริหายติ อรหา อรหตฺตา; เตน วต เร วตฺตเพฺพ – ‘‘ปริหายติ อนาคามี อนาคามิผลา’’ติฯ

    Parihāyati arahā arahattāti? Āmantā. Parihāyati anāgāmī anāgāmiphalāti? Na hevaṃ vattabbe…pe… kassa bahutarā kilesā pahīnā arahato vā anāgāmissa vāti? Arahato. Hañci arahato bahutarā kilesā pahīnā, parihāyati arahā arahattā; tena vata re vattabbe – ‘‘parihāyati anāgāmī anāgāmiphalā’’ti.

    ปริหายติ อนาคามี อนาคามิผลาติ? อามนฺตาฯ ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.… กสฺส พหุตรา กิเลสา ปหีนา อนาคามิสฺส วา โสตาปนฺนสฺส วาติ? อนาคามิสฺสฯ หญฺจิ อนาคามิสฺส พหุตรา กิเลสา ปหีนา, ปริหายติ อนาคามี อนาคามิผลา; เตน วต เร วตฺตเพฺพ – ‘‘ปริหายติ โสตาปโนฺน โสตาปตฺติผลา’’ติฯ

    Parihāyati anāgāmī anāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa bahutarā kilesā pahīnā anāgāmissa vā sotāpannassa vāti? Anāgāmissa. Hañci anāgāmissa bahutarā kilesā pahīnā, parihāyati anāgāmī anāgāmiphalā; tena vata re vattabbe – ‘‘parihāyati sotāpanno sotāpattiphalā’’ti.

    ๒๔๓. ปริหายติ อนาคามี อนาคามิผลาติ? อามนฺตาฯ ปริหายติ สกทาคามี สกทาคามิผลาติ? น เหวํ วตฺตเพฺพ…เป.… กสฺส พหุตรา กิเลสา ปหีนา อนาคามิสฺส วา สกทาคามิสฺส วาติ? อนาคามิสฺสฯ หญฺจิ อนาคามิสฺส พหุตรา กิเลสา ปหีนา, ปริหายติ อนาคามี อนาคามิผลา; เตน วต เร วตฺตเพฺพ – ‘‘ปริหายติ สกทาคามี สกทาคามิผลา’’ติฯ

    243. Parihāyati anāgāmī anāgāmiphalāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa bahutarā kilesā pahīnā anāgāmissa vā sakadāgāmissa vāti? Anāgāmissa. Hañci anāgāmissa bahutarā kilesā pahīnā, parihāyati anāgāmī anāgāmiphalā; tena vata re vattabbe – ‘‘parihāyati sakadāgāmī sakadāgāmiphalā’’ti.

    ปริหายติ สกทาคามี สกทาคามิผลาติ? อามนฺตาฯ ปริหายติ โสตาปโนฺน โสตาปตฺติผลาติ ? น เหวํ วตฺตเพฺพ…เป.… กสฺส พหุตรา กิเลสา ปหีนา สกทาคามิสฺส วา โสตาปนฺนสฺส วาติ? สกทาคามิสฺสฯ หญฺจิ สกทาคามิสฺส พหุตรา กิเลสา ปหีนา, ปริหายติ สกทาคามี สกทาคามิผลา; เตน วต เร วตฺตเพฺพ – ‘‘ปริหายติ โสตาปโนฺน โสตาปตฺติผลา’’ติฯ

    Parihāyati sakadāgāmī sakadāgāmiphalāti? Āmantā. Parihāyati sotāpanno sotāpattiphalāti ? Na hevaṃ vattabbe…pe… kassa bahutarā kilesā pahīnā sakadāgāmissa vā sotāpannassa vāti? Sakadāgāmissa. Hañci sakadāgāmissa bahutarā kilesā pahīnā, parihāyati sakadāgāmī sakadāgāmiphalā; tena vata re vattabbe – ‘‘parihāyati sotāpanno sotāpattiphalā’’ti.

    ๒๔๔. ปริหายติ อรหา อรหตฺตาติ? อามนฺตาฯ ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.… กสฺส อธิมตฺตา มคฺคภาวนา อรหโต วา โสตาปนฺนสฺส วาติ? อรหโตฯ หญฺจิ อรหโต อธิมตฺตา มคฺคภาวนา, ปริหายติ อรหา อรหตฺตา; เตน วต เร วตฺตเพฺพ – ‘‘ปริหายติ โสตาปโนฺน โสตาปตฺติผลา’’ติฯ

    244. Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā maggabhāvanā arahato vā sotāpannassa vāti? Arahato. Hañci arahato adhimattā maggabhāvanā, parihāyati arahā arahattā; tena vata re vattabbe – ‘‘parihāyati sotāpanno sotāpattiphalā’’ti.

    ปริหายติ อรหา อรหตฺตาติ? อามนฺตาฯ ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.… กสฺส อธิมตฺตา สติปฎฺฐานภาวนา…เป.… สมฺมปฺปธานภาวนา… อิทฺธิปาทภาวนา… อินฺทฺริยภาวนา … พลภาวนา… โพชฺฌงฺคภาวนา อรหโต วา โสตาปนฺนสฺส วาติ? อรหโตฯ หญฺจิ อรหโต อธิมตฺตา โพชฺฌงฺคภาวนา, ปริหายติ อรหา อรหตฺตา; เตน วต เร วตฺตเพฺพ – ‘‘ปริหายติ โสตาปโนฺน โสตาปตฺติผลา’’ติฯ

    Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā satipaṭṭhānabhāvanā…pe… sammappadhānabhāvanā… iddhipādabhāvanā… indriyabhāvanā … balabhāvanā… bojjhaṅgabhāvanā arahato vā sotāpannassa vāti? Arahato. Hañci arahato adhimattā bojjhaṅgabhāvanā, parihāyati arahā arahattā; tena vata re vattabbe – ‘‘parihāyati sotāpanno sotāpattiphalā’’ti.

    ปริหายติ อรหา อรหตฺตาติ? อามนฺตาฯ ปริหายติ สกทาคามี สกทาคามิผลาติ? น เหวํ วตฺตเพฺพ…เป.… กสฺส อธิมตฺตา มคฺคภาวนา…เป.… โพชฺฌงฺคภาวนา อรหโต วา สกทาคามิสฺส วาติ? อรหโตฯ หญฺจิ อรหโต อธิมตฺตา โพชฺฌงฺคภาวนา, ปริหายติ อรหา อรหตฺตา; เตน วต เร วตฺตเพฺพ – ‘‘ปริหายติ สกทาคามี สกทาคามิผลา’’ติฯ

    Parihāyati arahā arahattāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā arahato vā sakadāgāmissa vāti? Arahato. Hañci arahato adhimattā bojjhaṅgabhāvanā, parihāyati arahā arahattā; tena vata re vattabbe – ‘‘parihāyati sakadāgāmī sakadāgāmiphalā’’ti.

    ปริหายติ อรหา อรหตฺตาติ? อามนฺตาฯ ปริหายติ อนาคามี อนาคามิผลาติ? น เหวํ วตฺตเพฺพ…เป.… กสฺส อธิมตฺตา มคฺคภาวนา…เป.… โพชฺฌงฺคภาวนา อรหโต วา อนาคามิสฺส วาติ? อรหโตฯ หญฺจิ อรหโต อธิมตฺตา โพชฺฌงฺคภาวนา, ปริหายติ อรหา อรหตฺตา; เตน วต เร วตฺตเพฺพ – ‘‘ปริหายติ อนาคามี อนาคามิผลา’’ติฯ

    Parihāyati arahā arahattāti? Āmantā. Parihāyati anāgāmī anāgāmiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā arahato vā anāgāmissa vāti? Arahato. Hañci arahato adhimattā bojjhaṅgabhāvanā, parihāyati arahā arahattā; tena vata re vattabbe – ‘‘parihāyati anāgāmī anāgāmiphalā’’ti.

    ๒๔๕. ปริหายติ อนาคามี อนาคามิผลาติ? อามนฺตาฯ ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.… กสฺส อธิมตฺตา มคฺคภาวนา…เป.… โพชฺฌงฺคภาวนา อนาคามิสฺส วา โสตาปนฺนสฺส วาติ? อนาคามิสฺสฯ หญฺจิ อนาคามิสฺส อธิมตฺตา โพชฺฌงฺคภาวนา, ปริหายติ อนาคามี อนาคามิผลา; เตน วต เร วตฺตเพฺพ – ‘‘ปริหายติ โสตาปโนฺน โสตาปตฺติผลา’’ติฯ

    245. Parihāyati anāgāmī anāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā anāgāmissa vā sotāpannassa vāti? Anāgāmissa. Hañci anāgāmissa adhimattā bojjhaṅgabhāvanā, parihāyati anāgāmī anāgāmiphalā; tena vata re vattabbe – ‘‘parihāyati sotāpanno sotāpattiphalā’’ti.

    ปริหายติ อนาคามี อนาคามิผลาติ? อามนฺตาฯ ปริหายติ สกทาคามี สกทาคามิผลาติ? น เหวํ วตฺตเพฺพ…เป.… กสฺส อธิมตฺตา มคฺคภาวนา…เป.… โพชฺฌงฺคภาวนา อนาคามิสฺส วา สกทาคามิสฺส วาติ? อนาคามิสฺสฯ หญฺจิ อนาคามิสฺส อธิมตฺตา โพชฺฌงฺคภาวนา, ปริหายติ อนาคามี อนาคามิผลา; เตน วต เร วตฺตเพฺพ – ‘‘ปริหายติ สกทาคามี สกทาคามิผลา’’ติฯ

    Parihāyati anāgāmī anāgāmiphalāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā anāgāmissa vā sakadāgāmissa vāti? Anāgāmissa. Hañci anāgāmissa adhimattā bojjhaṅgabhāvanā, parihāyati anāgāmī anāgāmiphalā; tena vata re vattabbe – ‘‘parihāyati sakadāgāmī sakadāgāmiphalā’’ti.

    ๒๔๖. ปริหายติ สกทาคามี สกทาคามิผลาติ? อามนฺตาฯ ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.… กสฺส อธิมตฺตา มคฺคภาวนา…เป.… โพชฺฌงฺคภาวนา สกทาคามิสฺส วา โสตาปนฺนสฺส วาติ? สกทาคามิสฺสฯ หญฺจิ สกทาคามิสฺส อธิมตฺตา โพชฺฌงฺคภาวนา, ปริหายติ สกทาคามี สกทาคามิผลา; เตน วต เร วตฺตเพฺพ – ‘‘ปริหายติ โสตาปโนฺน โสตาปตฺติผลา’’ติ…เป.…ฯ

    246. Parihāyati sakadāgāmī sakadāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā sakadāgāmissa vā sotāpannassa vāti? Sakadāgāmissa. Hañci sakadāgāmissa adhimattā bojjhaṅgabhāvanā, parihāyati sakadāgāmī sakadāgāmiphalā; tena vata re vattabbe – ‘‘parihāyati sotāpanno sotāpattiphalā’’ti…pe….

    ๒๔๗. อรหตา ทุกฺขํ ทิฎฺฐํ, ปริหายติ อรหา อรหตฺตาติ? อามนฺตาฯ โสตาปเนฺนน ทุกฺขํ ทิฎฺฐํ, ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    247. Arahatā dukkhaṃ diṭṭhaṃ, parihāyati arahā arahattāti? Āmantā. Sotāpannena dukkhaṃ diṭṭhaṃ, parihāyati sotāpanno sotāpattiphalāti? Na hevaṃ vattabbe…pe….

    อรหตา สมุทโย ทิโฎฺฐ, ปริหายติ อรหา อรหตฺตาติ ? อามนฺตาฯ โสตาปเนฺนน สมุทโย ทิโฎฺฐ, ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    Arahatā samudayo diṭṭho, parihāyati arahā arahattāti ? Āmantā. Sotāpannena samudayo diṭṭho, parihāyati sotāpanno sotāpattiphalāti? Na hevaṃ vattabbe…pe….

    อรหตา นิโรโธ ทิโฎฺฐ, ปริหายติ อรหา อรหตฺตาติ? อามนฺตาฯ โสตาปเนฺนน นิโรโธ ทิโฎฺฐ, ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    Arahatā nirodho diṭṭho, parihāyati arahā arahattāti? Āmantā. Sotāpannena nirodho diṭṭho, parihāyati sotāpanno sotāpattiphalāti? Na hevaṃ vattabbe…pe….

    อรหตา มโคฺค ทิโฎฺฐ, ปริหายติ อรหา อรหตฺตาติ? อามนฺตาฯ โสตาปเนฺนน มโคฺค ทิโฎฺฐ, ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    Arahatā maggo diṭṭho, parihāyati arahā arahattāti? Āmantā. Sotāpannena maggo diṭṭho, parihāyati sotāpanno sotāpattiphalāti? Na hevaṃ vattabbe…pe….

    อรหตา จตฺตาริ สจฺจานิ ทิฎฺฐานิ, ปริหายติ อรหา อรหตฺตาติ? อามนฺตาฯ โสตาปเนฺนน จตฺตาริ สจฺจานิ ทิฎฺฐานิ, ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    Arahatā cattāri saccāni diṭṭhāni, parihāyati arahā arahattāti? Āmantā. Sotāpannena cattāri saccāni diṭṭhāni, parihāyati sotāpanno sotāpattiphalāti? Na hevaṃ vattabbe…pe….

    อรหตา ทุกฺขํ ทิฎฺฐํ, ปริหายติ อรหา อรหตฺตาติ? อามนฺตาฯ สกทาคามินา ทุกฺขํ ทิฎฺฐํ, ปริหายติ สกทาคามี สกทาคามิผลาติ? น เหวํ วตฺตเพฺพ…เป.…ฯ

    Arahatā dukkhaṃ diṭṭhaṃ, parihāyati arahā arahattāti? Āmantā. Sakadāgāminā dukkhaṃ diṭṭhaṃ, parihāyati sakadāgāmī sakadāgāmiphalāti? Na hevaṃ vattabbe…pe….

    อรหตา สมุทโย ทิโฎฺฐ…เป.… นิโรโธ ทิโฎฺฐ…เป.… มโคฺค ทิโฎฺฐ…เป.… จตฺตาริ สจฺจานิ ทิฎฺฐานิ, ปริหายติ อรหา อรหตฺตาติ? อามนฺตาฯ สกทาคามินา จตฺตาริ สจฺจานิ ทิฎฺฐานิ, ปริหายติ สกทาคามี สกทาคามิผลาติ? น เหวํ วตฺตเพฺพ…เป.…ฯ

    Arahatā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati arahā arahattāti? Āmantā. Sakadāgāminā cattāri saccāni diṭṭhāni, parihāyati sakadāgāmī sakadāgāmiphalāti? Na hevaṃ vattabbe…pe….

    อรหตา ทุกฺขํ ทิฎฺฐํ, ปริหายติ อรหา อรหตฺตาติ? อามนฺตาฯ อนาคามินา ทุกฺขํ ทิฎฺฐํ, ปริหายติ อนาคามี อนาคามิผลาติ? น เหวํ วตฺตเพฺพ…เป.…ฯ

    Arahatā dukkhaṃ diṭṭhaṃ, parihāyati arahā arahattāti? Āmantā. Anāgāminā dukkhaṃ diṭṭhaṃ, parihāyati anāgāmī anāgāmiphalāti? Na hevaṃ vattabbe…pe….

    อรหตา สมุทโย ทิโฎฺฐ…เป.… นิโรโธ ทิโฎฺฐ…เป.… มโคฺค ทิโฎฺฐ…เป.… จตฺตาริ สจฺจานิ ทิฎฺฐานิ, ปริหายติ อรหา อรหตฺตาติ? อามนฺตาฯ อนาคามินา จตฺตาริ สจฺจานิ ทิฎฺฐานิ, ปริหายติ อนาคามี อนาคามิผลาติ? น เหวํ วตฺตเพฺพ…เป.…ฯ

    Arahatā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati arahā arahattāti? Āmantā. Anāgāminā cattāri saccāni diṭṭhāni, parihāyati anāgāmī anāgāmiphalāti? Na hevaṃ vattabbe…pe….

    ๒๔๘. อนาคามินา ทุกฺขํ ทิฎฺฐํ, ปริหายติ อนาคามี อนาคามิผลาติ? อามนฺตาฯ โสตาปเนฺนน ทุกฺขํ ทิฎฺฐํ, ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    248. Anāgāminā dukkhaṃ diṭṭhaṃ, parihāyati anāgāmī anāgāmiphalāti? Āmantā. Sotāpannena dukkhaṃ diṭṭhaṃ, parihāyati sotāpanno sotāpattiphalāti? Na hevaṃ vattabbe…pe….

    อนาคามินา สมุทโย ทิโฎฺฐ…เป.… นิโรโธ ทิโฎฺฐ…เป.… มโคฺค ทิโฎฺฐ…เป.… จตฺตาริ สจฺจานิ ทิฎฺฐานิ, ปริหายติ อนาคามี อนาคามิผลาติ? อามนฺตา ฯ โสตาปเนฺนน จตฺตาริ สจฺจานิ ทิฎฺฐานิ, ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    Anāgāminā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati anāgāmī anāgāmiphalāti? Āmantā . Sotāpannena cattāri saccāni diṭṭhāni, parihāyati sotāpanno sotāpattiphalāti? Na hevaṃ vattabbe…pe….

    อนาคามินา ทุกฺขํ ทิฎฺฐํ, ปริหายติ อนาคามี อนาคามิผลาติ? อามนฺตาฯ สกทาคามินา ทุกฺขํ ทิฎฺฐํ, ปริหายติ สกทาคามี สกทาคามิผลาติ? น เหวํ วตฺตเพฺพ…เป.…ฯ

    Anāgāminā dukkhaṃ diṭṭhaṃ, parihāyati anāgāmī anāgāmiphalāti? Āmantā. Sakadāgāminā dukkhaṃ diṭṭhaṃ, parihāyati sakadāgāmī sakadāgāmiphalāti? Na hevaṃ vattabbe…pe….

    อนาคามินา สมุทโย ทิโฎฺฐ…เป.… นิโรโธ ทิโฎฺฐ…เป.… มโคฺค ทิโฎฺฐ…เป.… จตฺตาริ สจฺจานิ ทิฎฺฐานิ, ปริหายติ อนาคามี อนาคามิผลาติ? อามนฺตาฯ สกทาคามินา จตฺตาริ สจฺจานิ ทิฎฺฐานิ, ปริหายติ สกทาคามี สกทาคามิผลาติ? น เหวํ วตฺตเพฺพ…เป.…ฯ

    Anāgāminā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati anāgāmī anāgāmiphalāti? Āmantā. Sakadāgāminā cattāri saccāni diṭṭhāni, parihāyati sakadāgāmī sakadāgāmiphalāti? Na hevaṃ vattabbe…pe….

    ๒๔๙. สกทาคามินา ทุกฺขํ ทิฎฺฐํ, ปริหายติ สกทาคามี สกทาคามิผลาติ? อามนฺตาฯ โสตาปเนฺนน ทุกฺขํ ทิฎฺฐํ, ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    249. Sakadāgāminā dukkhaṃ diṭṭhaṃ, parihāyati sakadāgāmī sakadāgāmiphalāti? Āmantā. Sotāpannena dukkhaṃ diṭṭhaṃ, parihāyati sotāpanno sotāpattiphalāti? Na hevaṃ vattabbe…pe….

    สกทาคามินา สมุทโย ทิโฎฺฐ…เป.… นิโรโธ ทิโฎฺฐ…เป.… มโคฺค ทิโฎฺฐ…เป.… จตฺตาริ สจฺจานิ ทิฎฺฐานิ, ปริหายติ สกทาคามี สกทาคามิผลาติ? อามนฺตาฯ โสตาปเนฺนน จตฺตาริ สจฺจานิ ทิฎฺฐานิ, ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    Sakadāgāminā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati sakadāgāmī sakadāgāmiphalāti? Āmantā. Sotāpannena cattāri saccāni diṭṭhāni, parihāyati sotāpanno sotāpattiphalāti? Na hevaṃ vattabbe…pe….

    ๒๕๐. โสตาปเนฺนน ทุกฺขํ ทิฎฺฐํ, น ปริหายติ โสตาปโนฺน โสตาปตฺติผลาติ? อามนฺตาฯ อรหตา ทุกฺขํ ทิฎฺฐํ, น ปริหายติ อรหา อรหตฺตาติ? น เหวํ วตฺตเพฺพ…เป.…ฯ

    250. Sotāpannena dukkhaṃ diṭṭhaṃ, na parihāyati sotāpanno sotāpattiphalāti? Āmantā. Arahatā dukkhaṃ diṭṭhaṃ, na parihāyati arahā arahattāti? Na hevaṃ vattabbe…pe….

    โสตาปเนฺนน สมุทโย ทิโฎฺฐ…เป.… นิโรโธ ทิโฎฺฐ…เป.… มโคฺค ทิโฎฺฐ…เป.… จตฺตาริ สจฺจานิ ทิฎฺฐานิ, น ปริหายติ โสตาปโนฺน โสตาปตฺติผลาติ? อามนฺตาฯ อรหตา จตฺตาริ สจฺจานิ ทิฎฺฐานิ, น ปริหายติ อรหา อรหตฺตาติ? น เหวํ วตฺตเพฺพ…เป.…ฯ

    Sotāpannena samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, na parihāyati sotāpanno sotāpattiphalāti? Āmantā. Arahatā cattāri saccāni diṭṭhāni, na parihāyati arahā arahattāti? Na hevaṃ vattabbe…pe….

    สกทาคามินา ทุกฺขํ ทิฎฺฐํ…เป.… จตฺตาริ สจฺจานิ ทิฎฺฐานิ, น ปริหายติ สกทาคามี สกทาคามิผลาติ? อามนฺตาฯ อรหตา จตฺตาริ สจฺจานิ ทิฎฺฐานิ, น ปริหายติ อรหา อรหตฺตาติ? น เหวํ วตฺตเพฺพ…เป.…ฯ

    Sakadāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati sakadāgāmī sakadāgāmiphalāti? Āmantā. Arahatā cattāri saccāni diṭṭhāni, na parihāyati arahā arahattāti? Na hevaṃ vattabbe…pe….

    อนาคามินา ทุกฺขํ ทิฎฺฐํ…เป.… จตฺตาริ สจฺจานิ ทิฎฺฐานิ, น ปริหายติ อนาคามี อนาคามิผลาติ? อามนฺตาฯ อรหตา จตฺตาริ สจฺจานิ ทิฎฺฐานิ, น ปริหายติ อรหา อรหตฺตาติ? น เหวํ วตฺตเพฺพ…เป.…ฯ

    Anāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati anāgāmī anāgāmiphalāti? Āmantā. Arahatā cattāri saccāni diṭṭhāni, na parihāyati arahā arahattāti? Na hevaṃ vattabbe…pe….

    โสตาปเนฺนน ทุกฺขํ ทิฎฺฐํ…เป.… จตฺตาริ สจฺจานิ ทิฎฺฐานิ, น ปริหายติ โสตาปโนฺน โสตาปตฺติผลาติ? อามนฺตาฯ

    Sotāpannena dukkhaṃ diṭṭhaṃ…pe… cattāri saccāni diṭṭhāni, na parihāyati sotāpanno sotāpattiphalāti? Āmantā.

    อนาคามินา ทุกฺขํ ทิฎฺฐํ…เป.… จตฺตาริ สจฺจานิ ทิฎฺฐานิ, น ปริหายติ อนาคามี อนาคามิผลาติ? น เหวํ วตฺตเพฺพ…เป.…ฯ

    Anāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati anāgāmī anāgāmiphalāti? Na hevaṃ vattabbe…pe….

    สกทาคามินา ทุกฺขํ ทิฎฺฐํ…เป.… จตฺตาริ สจฺจานิ ทิฎฺฐานิ, น ปริหายติ สกทาคามี สกทาคามิผลาติ? อามนฺตาฯ อนาคามินา ทุกฺขํ ทิฎฺฐํ…เป.… จตฺตาริ สจฺจานิ ทิฎฺฐานิ, น ปริหายติ อนาคามี อนาคามิผลาติ? น เหวํ วตฺตเพฺพ…เป.…ฯ

    Sakadāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati sakadāgāmī sakadāgāmiphalāti? Āmantā. Anāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati anāgāmī anāgāmiphalāti? Na hevaṃ vattabbe…pe….

    โสตาปเนฺนน ทุกฺขํ ทิฎฺฐํ…เป.… จตฺตาริ สจฺจานิ ทิฎฺฐานิ, น ปริหายติ โสตาปโนฺน โสตาปตฺติผลาติ? อามนฺตาฯ สกทาคามินา ทุกฺขํ ทิฎฺฐํ…เป.… จตฺตาริ สจฺจานิ ทิฎฺฐานิ, น ปริหายติ สกทาคามี สกทาคามิผลาติ? น เหวํ วตฺตเพฺพ…เป.…ฯ

    Sotāpannena dukkhaṃ diṭṭhaṃ…pe… cattāri saccāni diṭṭhāni, na parihāyati sotāpanno sotāpattiphalāti? Āmantā. Sakadāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati sakadāgāmī sakadāgāmiphalāti? Na hevaṃ vattabbe…pe….

    ๒๕๑. อรหโต ราโค ปหีโน, ปริหายติ อรหา อรหตฺตาติ? อามนฺตาฯ โสตาปนฺนสฺส สกฺกายทิฎฺฐิ ปหีนา, ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    251. Arahato rāgo pahīno, parihāyati arahā arahattāti? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe…pe….

    อรหโต ราโค ปหีโน, ปริหายติ อรหา อรหตฺตาติ? อามนฺตาฯ โสตาปนฺนสฺส วิจิกิจฺฉา ปหีนา…เป.… สีลพฺพตปรามาโส ปหีโน…เป.… อปายคมนีโย ราโค ปหีโน …เป.… อปายคมนีโย โทโส ปหีโน…เป.… อปายคมนีโย โมโห ปหีโน, ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    Arahato rāgo pahīno, parihāyati arahā arahattāti? Āmantā. Sotāpannassa vicikicchā pahīnā…pe… sīlabbataparāmāso pahīno…pe… apāyagamanīyo rāgo pahīno …pe… apāyagamanīyo doso pahīno…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe…pe….

    อรหโต โทโส ปหีโน…เป.… โมโห ปหีโน… มาโน ปหีโน… ทิฎฺฐิ ปหีนา… วิจิกิจฺฉา ปหีนา… ถินํ 1 ปหีนํ… อุทฺธจฺจํ ปหีนํ… อหิริกํ ปหีนํ…เป.… อโนตฺตปฺปํ ปหีนํ, ปริหายติ อรหา อรหตฺตาติ ? อามนฺตาฯ โสตาปนฺนสฺส สกฺกายทิฎฺฐิ ปหีนา, ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    Arahato doso pahīno…pe… moho pahīno… māno pahīno… diṭṭhi pahīnā… vicikicchā pahīnā… thinaṃ 2 pahīnaṃ… uddhaccaṃ pahīnaṃ… ahirikaṃ pahīnaṃ…pe… anottappaṃ pahīnaṃ, parihāyati arahā arahattāti ? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe…pe….

    อรหโต อโนตฺตปฺปํ ปหีนํ, ปริหายติ อรหา อรหตฺตาติ? อามนฺตาฯ โสตาปนฺนสฺส วิจิกิจฺฉา ปหีนา…เป.… สีลพฺพตปรามาโส ปหีโน…เป.… อปายคมนีโย ราโค ปหีโน…เป.… อปายคมนีโย โทโส ปหีโน…เป.… อปายคมนีโย โมโห ปหีโน, ปริหายติ โสตาปโนฺน โสตาปตฺติผลาติ? น เหวํ วตฺตเพฺพ…เป.…ฯ

    Arahato anottappaṃ pahīnaṃ, parihāyati arahā arahattāti? Āmantā. Sotāpannassa vicikicchā pahīnā…pe… sīlabbataparāmāso pahīno…pe… apāyagamanīyo rāgo pahīno…pe… apāyagamanīyo doso pahīno…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe…pe….

    อรหโต ราโค ปหีโน, ปริหายติ อรหา อรหตฺตาติ? อามนฺตาฯ สกทาคามิสฺส สกฺกายทิฎฺฐิ ปหีนา, ปริหายติ สกทาคามี สกทาคามิผลาติ? น เหวํ วตฺตเพฺพฯ

    Arahato rāgo pahīno, parihāyati arahā arahattāti? Āmantā. Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Na hevaṃ vattabbe.

    อรหโต ราโค ปหีโน, ปริหายติ อรหา อรหตฺตาติ? อามนฺตาฯ สกทาคามิสฺส วิจิกิจฺฉา ปหีนา…เป.… สีลพฺพตปรามาโส ปหีโน…เป.… โอฬาริโก กามราโค ปหีโน… โอฬาริโก พฺยาปาโท ปหีโน, ปริหายติ สกทาคามี สกทาคามิผลาติ? น เหวํ วตฺตเพฺพ…เป.…ฯ

    Arahato rāgo pahīno, parihāyati arahā arahattāti? Āmantā. Sakadāgāmissa vicikicchā pahīnā…pe… sīlabbataparāmāso pahīno…pe… oḷāriko kāmarāgo pahīno… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe…pe….

    อรหโต โทโส ปหีโน…เป.… อโนตฺตปฺปํ ปหีนํ, ปริหายติ อรหา อรหตฺตาติ? อามนฺตาฯ สกทาคามิสฺส สกฺกายทิฎฺฐิ ปหีนา…เป.… โอฬาริโก พฺยาปาโท ปหีโน, ปริหายติ สกทาคามี สกทาคามิผลาติ? น เหวํ วตฺตเพฺพฯ

    Arahato doso pahīno…pe… anottappaṃ pahīnaṃ, parihāyati arahā arahattāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe.

    อรหโต ราโค ปหีโน, ปริหายติ อรหา อรหตฺตาติ? อามนฺตาฯ อนาคามิสฺส สกฺกายทิฎฺฐิ ปหีนา, ปริหายติ อนาคามี อนาคามิผลาติ? น เหวํ วตฺตเพฺพ…เป.…ฯ

    Arahato rāgo pahīno, parihāyati arahā arahattāti? Āmantā. Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Na hevaṃ vattabbe…pe….

    อรหโต ราโค ปหีโน, ปริหายติ อรหา อรหตฺตาติ? อามนฺตาฯ อนาคามิสฺส วิจิกิจฺฉา ปหีนา…เป.… สีลพฺพตปรามาโส ปหีโน… อณุสหคโต กามราโค ปหีโน… อณุสหคโต พฺยาปาโท ปหีโน, ปริหายติ อนาคามี อนาคามิผลาติ? น เหวํ วตฺตเพฺพฯ

    Arahato rāgo pahīno, parihāyati arahā arahattāti? Āmantā. Anāgāmissa vicikicchā pahīnā…pe… sīlabbataparāmāso pahīno… aṇusahagato kāmarāgo pahīno… aṇusahagato byāpādo pahīno, parihāyati anāgāmī anāgāmiphalāti? Na hevaṃ vattabbe.

    อรหโต โทโส ปหีโน…เป.… อโนตฺตปฺปํ ปหีนํ, ปริหายติ อรหา อรหตฺตาติ? อามนฺตาฯ อนาคามิสฺส สกฺกายทิฎฺฐิ ปหีนา…เป.… อณุสหคโต พฺยาปาโท ปหีโน, ปริหายติ อนาคามี อนาคามิผลาติ? น เหวํ วตฺตเพฺพฯ

    Arahato doso pahīno…pe… anottappaṃ pahīnaṃ, parihāyati arahā arahattāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, parihāyati anāgāmī anāgāmiphalāti? Na hevaṃ vattabbe.

    ๒๕๒. อนาคามิสฺส สกฺกายทิฎฺฐิ ปหีนา, ปริหายติ อนาคามี อนาคามิผลาติ? อามนฺตาฯ โสตาปนฺนสฺส สกฺกายทิฎฺฐิ ปหีนา, ปริหายติ โสตาปโนฺน โสตาปตฺติผลาติ? น เหวํ วตฺตเพฺพฯ

    252. Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe.

    อนาคามิสฺส สกฺกายทิฎฺฐิ ปหีนา, ปริหายติ อนาคามี อนาคามิผลาติ? อามนฺตาฯ โสตาปนฺนสฺส วิจิกิจฺฉา ปหีนา…เป.… อปายคมนีโย โมโห ปหีโน, ปริหายติ โสตาปโนฺน โสตาปตฺติผลาติ? น เหวํ วตฺตเพฺพฯ

    Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sotāpannassa vicikicchā pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.

    อนาคามิสฺส วิจิกิจฺฉา ปหีนา…เป.… อณุสหคโต พฺยาปาโท ปหีโน, ปริหายติ อนาคามี อนาคามิผลาติ? อามนฺตา ฯ โสตาปนฺนสฺส สกฺกายทิฎฺฐิ ปหีนา…เป.… อปายคมนีโย โมโห ปหีโน, ปริหายติ โสตาปโนฺน โสตาปตฺติผลาติ? น เหวํ วตฺตเพฺพฯ

    Anāgāmissa vicikicchā pahīnā…pe… aṇusahagato byāpādo pahīno, parihāyati anāgāmī anāgāmiphalāti? Āmantā . Sotāpannassa sakkāyadiṭṭhi pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.

    อนาคามิสฺส สกฺกายทิฎฺฐิ ปหีนา, ปริหายติ อนาคามี อนาคามิผลาติ? อามนฺตาฯ สกทาคามิสฺส สกฺกายทิฎฺฐิ ปหีนา, ปริหายติ สกทาคามี สกทาคามิผลาติ? น เหวํ วตฺตเพฺพฯ

    Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Na hevaṃ vattabbe.

    อนาคามิสฺส สกฺกายทิฎฺฐิ ปหีนา, ปริหายติ อนาคามี อนาคามิผลาติ? อามนฺตาฯ สกทาคามิสฺส วิจิกิจฺฉา ปหีนา…เป.… สีลพฺพตปรามาโส ปหีโน… โอฬาริโก กามราโค ปหีโน… โอฬาริโก พฺยาปาโท ปหีโน, ปริหายติ สกทาคามี สกทาคามิผลาติ? น เหวํ วตฺตเพฺพฯ

    Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sakadāgāmissa vicikicchā pahīnā…pe… sīlabbataparāmāso pahīno… oḷāriko kāmarāgo pahīno… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe.

    อนาคามิสฺส วิจิกิจฺฉา ปหีนา…เป.… อณุสหคโต พฺยาปาโท ปหีโน, ปริหายติ อนาคามี อนาคามิผลาติ? อามนฺตาฯ สกทาคามิสฺส สกฺกายทิฎฺฐิ ปหีนา…เป.… โอฬาริโก พฺยาปาโท ปหีโน, ปริหายติ สกทาคามี สกทาคามิผลาติ? น เหวํ วตฺตเพฺพฯ

    Anāgāmissa vicikicchā pahīnā…pe… aṇusahagato byāpādo pahīno, parihāyati anāgāmī anāgāmiphalāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe.

    ๒๕๓. สกทาคามิสฺส สกฺกายทิฎฺฐิ ปหีนา, ปริหายติ สกทาคามี สกทาคามิผลาติ? อามนฺตาฯ โสตาปนฺนสฺส สกฺกายทิฎฺฐิ ปหีนา, ปริหายติ โสตาปโนฺน โสตาปตฺติผลาติ? น เหวํ วตฺตเพฺพฯ

    253. Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe.

    สกทาคามิสฺส สกฺกายทิฎฺฐิ ปหีนา, ปริหายติ สกทาคามี สกทาคามิผลาติ? อามนฺตาฯ โสตาปนฺนสฺส วิจิกิจฺฉา ปหีนา…เป.… อปายคมนีโย โมโห ปหีโน, ปริหายติ โสตาปโนฺน โสตาปตฺติผลาติ? น เหวํ วตฺตเพฺพฯ

    Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Āmantā. Sotāpannassa vicikicchā pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.

    สกทาคามิสฺส วิจิกิจฺฉา ปหีนา…เป.… โอฬาริโก กามราโค ปหีโน… โอฬาริโก พฺยาปาโท ปหีโน, ปริหายติ สกทาคามี สกทาคามิผลาติ ? อามนฺตา ฯ โสตาปนฺนสฺส สกฺกายทิฎฺฐิ ปหีนา…เป.… อปายคมนีโย โมโห ปหีโน, ปริหายติ โสตาปโนฺน โสตาปตฺติผลาติ? น เหวํ วตฺตเพฺพฯ

    Sakadāgāmissa vicikicchā pahīnā…pe… oḷāriko kāmarāgo pahīno… oḷāriko byāpādo pahīno, parihāyati sakadāgāmī sakadāgāmiphalāti ? Āmantā . Sotāpannassa sakkāyadiṭṭhi pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.

    ๒๕๔. โสตาปนฺนสฺส สกฺกายทิฎฺฐิ ปหีนา, น ปริหายติ โสตาปโนฺน โสตาปตฺติผลาติ? อามนฺตาฯ อรหโต ราโค ปหีโน, น ปริหายติ อรหา อรหตฺตาติ? น เหวํ วตฺตเพฺพฯ

    254. Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Arahato rāgo pahīno, na parihāyati arahā arahattāti? Na hevaṃ vattabbe.

    โสตาปนฺนสฺส สกฺกายทิฎฺฐิ ปหีนา, น ปริหายติ โสตาปโนฺน โสตาปตฺติผลาติ? อามนฺตาฯ อรหโต โทโส ปหีโน…เป.… อโนตฺตปฺปํ ปหีนํ, น ปริหายติ อรหา อรหตฺตาติ? น เหวํ วตฺตเพฺพฯ

    Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Arahato doso pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.

    โสตาปนฺนสฺส วิจิกิจฺฉา ปหีนา…เป.… อปายคมนีโย โมโห ปหีโน, น ปริหายติ โสตาปโนฺน โสตาปตฺติผลาติ? อามนฺตาฯ อรหโต ราโค ปหีโน…เป.… อโนตฺตปฺปํ ปหีนํ, น ปริหายติ อรหา อรหตฺตาติ? น เหวํ วตฺตเพฺพฯ

    Sotāpannassa vicikicchā pahīnā…pe… apāyagamanīyo moho pahīno, na parihāyati sotāpanno sotāpattiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.

    ๒๕๕. สกทาคามิสฺส สกฺกายทิฎฺฐิ ปหีนา, น ปริหายติ สกทาคามี สกทาคามิผลาติ? อามนฺตาฯ อรหโต ราโค ปหีโน…เป.… อโนตฺตปฺปํ ปหีนํ, น ปริหายติ อรหา อรหตฺตาติ? น เหวํ วตฺตเพฺพฯ

    255. Sakadāgāmissa sakkāyadiṭṭhi pahīnā, na parihāyati sakadāgāmī sakadāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.

    สกทาคามิสฺส วิจิกิจฺฉา ปหีนา…เป.… โอฬาริโก พฺยาปาโท ปหีโน, น ปริหายติ สกทาคามี สกทาคามิผลาติ? อามนฺตาฯ อรหโต ราโค ปหีโน…เป.… อโนตฺตปฺปํ ปหีนํ, น ปริหายติ อรหา อรหตฺตาติ? น เหวํ วตฺตเพฺพฯ

    Sakadāgāmissa vicikicchā pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.

    ๒๕๖. อนาคามิสฺส สกฺกายทิฎฺฐิ ปหีนา, น ปริหายติ อนาคามี อนาคามิผลาติ? อามนฺตาฯ อรหโต ราโค ปหีโน…เป.… อโนตฺตปฺปํ ปหีนํ, น ปริหายติ อรหา อรหตฺตาติ? น เหวํ วตฺตเพฺพ ฯ

    256. Anāgāmissa sakkāyadiṭṭhi pahīnā, na parihāyati anāgāmī anāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe .

    อนาคามิสฺส วิจิกิจฺฉา ปหีนา…เป.… อณุสหคโต พฺยาปาโท ปหีโน, น ปริหายติ อนาคามี อนาคามิผลาติ? อามนฺตาฯ อรหโต ราโค ปหีโน…เป.… อโนตฺตปฺปํ ปหีนํ, น ปริหายติ อรหา อรหตฺตาติ? น เหวํ วตฺตเพฺพฯ

    Anāgāmissa vicikicchā pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.

    ๒๕๗. โสตาปนฺนสฺส สกฺกายทิฎฺฐิ ปหีนา, น ปริหายติ โสตาปโนฺน โสตาปตฺติผลาติ? อามนฺตาฯ อนาคามิสฺส สกฺกายทิฎฺฐิ ปหีนา… อณุสหคโต พฺยาปาโท ปหีโน, น ปริหายติ อนาคามี อนาคามิผลาติ? น เหวํ วตฺตเพฺพฯ

    257. Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Anāgāmissa sakkāyadiṭṭhi pahīnā… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.

    โสตาปนฺนสฺส วิจิกิจฺฉา ปหีนา…เป.… อปายคมนีโย โมโห ปหีโน, น ปริหายติ โสตาปโนฺน โสตาปตฺติผลาติ? อามนฺตาฯ อนาคามิสฺส สกฺกายทิฎฺฐิ ปหีนา…เป.… อณุสหคโต พฺยาปาโท ปหีโน, น ปริหายติ อนาคามี อนาคามิผลาติ? น เหวํ วตฺตเพฺพฯ

    Sotāpannassa vicikicchā pahīnā…pe… apāyagamanīyo moho pahīno, na parihāyati sotāpanno sotāpattiphalāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.

    ๒๕๘. สกทาคามิสฺส สกฺกายทิฎฺฐิ ปหีนา, น ปริหายติ สกทาคามี สกทาคามิผลาติ? อามนฺตาฯ อนาคามิสฺส สกฺกายทิฎฺฐิ ปหีนา…เป.… อณุสหคโต พฺยาปาโท ปหีโน, น ปริหายติ อนาคามี อนาคามิผลาติ? น เหวํ วตฺตเพฺพฯ

    258. Sakadāgāmissa sakkāyadiṭṭhi pahīnā, na parihāyati sakadāgāmī sakadāgāmiphalāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.

    สกทาคามิสฺส วิจิกิจฺฉา ปหีนา…เป.… โอฬาริโก พฺยาปาโท ปหีโน, น ปริหายติ สกทาคามี สกทาคามิผลาติ? อามนฺตาฯ อนาคามิสฺส สกฺกายทิฎฺฐิ ปหีนา…เป.… อณุสหคโต พฺยาปาโท ปหีโน, น ปริหายติ อนาคามี อนาคามิผลาติ? น เหวํ วตฺตเพฺพฯ

    Sakadāgāmissa vicikicchā pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.

    ๒๕๙. โสตาปนฺนสฺส สกฺกายทิฎฺฐิ ปหีนา, น ปริหายติ โสตาปโนฺน โสตาปตฺติผลาติ? อามนฺตาฯ สกทาคามิสฺส สกฺกายทิฎฺฐิ ปหีนา…เป.… โอฬาริโก พฺยาปาโท ปหีโน, น ปริหายติ สกทาคามี สกทาคามิผลาติ? น เหวํ วตฺตเพฺพฯ

    259. Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Na hevaṃ vattabbe.

    โสตาปนฺนสฺส วิจิกิจฺฉา ปหีนา…เป.… อปายคมนีโย โมโห ปหีโน, น ปริหายติ โสตาปโนฺน โสตาปตฺติผลาติ? อามนฺตาฯ สกทาคามิสฺส สกฺกายทิฎฺฐิ ปหีนา…เป.… โอฬาริโก พฺยาปาโท ปหีโน, น ปริหายติ สกทาคามี สกทาคามิผลาติ? น เหวํ วตฺตเพฺพฯ

    Sotāpannassa vicikicchā pahīnā…pe… apāyagamanīyo moho pahīno, na parihāyati sotāpanno sotāpattiphalāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Na hevaṃ vattabbe.

    ๒๖๐. ปริหายติ อรหา อรหตฺตาติ? อามนฺตาฯ นนุ อรหโต ราโค ปหีโน อุจฺฉินฺนมูโล ตาลาวตฺถุกโต อนภาวงฺกโต 3 อายติํ อนุปฺปาทธโมฺมติ? อามนฺตาฯ หญฺจิ อรหโต ราโค ปหีโน อุจฺฉินฺนมูโล ตาลาวตฺถุกโต อนภาวงฺกโต อายติํ อนุปฺปาทธโมฺม, โน จ วต เร 4 วตฺตเพฺพ – ‘‘ปริหายติ อรหา อรหตฺตา’’ติฯ

    260. Parihāyati arahā arahattāti? Āmantā. Nanu arahato rāgo pahīno ucchinnamūlo tālāvatthukato anabhāvaṅkato 5 āyatiṃ anuppādadhammoti? Āmantā. Hañci arahato rāgo pahīno ucchinnamūlo tālāvatthukato anabhāvaṅkato āyatiṃ anuppādadhammo, no ca vata re 6 vattabbe – ‘‘parihāyati arahā arahattā’’ti.

    ปริหายติ อรหา อรหตฺตาติ? อามนฺตาฯ นนุ อรหโต โทโส ปหีโน…เป.… โมโห ปหีโน… มาโน ปหีโน… ทิฎฺฐิ ปหีนา… วิจิกิจฺฉา ปหีนา… ถินํ ปหีนํ… อุทฺธจฺจํ ปหีนํ… อหิริกํ ปหีนํ… อโนตฺตปฺปํ ปหีนํ อุจฺฉินฺนมูลํ ตาลาวตฺถุกตํ อนภาวงฺกตํ อายติํ อนุปฺปาทธมฺมนฺติ? อามนฺตาฯ หญฺจิ อรหโต อโนตฺตปฺปํ ปหีนํ อุจฺฉินฺนมูลํ ตาลาวตฺถุกตํ อนภาวงฺกตํ อายติํ อนุปฺปาทธมฺมํ, โน จ วต เร วตฺตเพฺพ – ‘‘ปริหายติ อรหา อรหตฺตา’’ติฯ

    Parihāyati arahā arahattāti? Āmantā. Nanu arahato doso pahīno…pe… moho pahīno… māno pahīno… diṭṭhi pahīnā… vicikicchā pahīnā… thinaṃ pahīnaṃ… uddhaccaṃ pahīnaṃ… ahirikaṃ pahīnaṃ… anottappaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammanti? Āmantā. Hañci arahato anottappaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammaṃ, no ca vata re vattabbe – ‘‘parihāyati arahā arahattā’’ti.

    ปริหายติ อรหา อรหตฺตาติ? อามนฺตาฯ นนุ อรหโต ราคปฺปหานาย มโคฺค ภาวิโตติ ? อามนฺตาฯ หญฺจิ อรหโต ราคปฺปหานาย มโคฺค ภาวิโต, โน จ วต เร วตฺตเพฺพ – ‘‘ปริหายติ อรหา อรหตฺตา’’ติฯ

    Parihāyati arahā arahattāti? Āmantā. Nanu arahato rāgappahānāya maggo bhāvitoti ? Āmantā. Hañci arahato rāgappahānāya maggo bhāvito, no ca vata re vattabbe – ‘‘parihāyati arahā arahattā’’ti.

    ปริหายติ อรหา อรหตฺตาติ? อามนฺตาฯ นนุ อรหโต ราคปฺปหานาย สติปฎฺฐานา ภาวิตา…เป.… สมฺมปฺปธานา ภาวิตา… อิทฺธิปาทา ภาวิตา… อินฺทฺริยา ภาวิตา… พลา ภาวิตา… โพชฺฌงฺคา ภาวิตาติ? อามนฺตาฯ หญฺจิ อรหโต ราคปฺปหานาย โพชฺฌงฺคา ภาวิตา, โน จ วต เร วตฺตเพฺพ – ‘‘ปริหายติ อรหา อรหตฺตา’’ติฯ

    Parihāyati arahā arahattāti? Āmantā. Nanu arahato rāgappahānāya satipaṭṭhānā bhāvitā…pe… sammappadhānā bhāvitā… iddhipādā bhāvitā… indriyā bhāvitā… balā bhāvitā… bojjhaṅgā bhāvitāti? Āmantā. Hañci arahato rāgappahānāya bojjhaṅgā bhāvitā, no ca vata re vattabbe – ‘‘parihāyati arahā arahattā’’ti.

    ปริหายติ อรหา อรหตฺตาติ? อามนฺตาฯ นนุ อรหโต โทสปฺปหานาย…เป.… อโนตฺตปฺปปหานาย มโคฺค ภาวิโต…เป.… โพชฺฌงฺคา ภาวิตาติ? อามนฺตาฯ หญฺจิ อรหโต อโนตฺตปฺปปหานาย โพชฺฌงฺคา ภาวิตา, โน จ วต เร วตฺตเพฺพ – ‘‘ปริหายติ อรหา อรหตฺตา’’ติฯ

    Parihāyati arahā arahattāti? Āmantā. Nanu arahato dosappahānāya…pe… anottappapahānāya maggo bhāvito…pe… bojjhaṅgā bhāvitāti? Āmantā. Hañci arahato anottappapahānāya bojjhaṅgā bhāvitā, no ca vata re vattabbe – ‘‘parihāyati arahā arahattā’’ti.

    ๒๖๑. ปริหายติ อรหา อรหตฺตาติ? อามนฺตาฯ นนุ อรหา วีตราโค วีตโทโส วีตโมโห กตกรณีโย โอหิตภาโร อนุปฺปตฺตสทโตฺถ ปริกฺขีณภวสํโยชโน สมฺมทญฺญาวิมุโตฺต อุกฺขิตฺตปลิโฆ สงฺกิณฺณปริโข อพฺพูเฬฺหสิโก นิรคฺคโฬ อริโย ปนฺนทฺธโช ปนฺนภาโร วิสญฺญุโตฺต สุวิชิตวิชโย; ทุกฺขํ ตสฺส ปริญฺญาตํ, สมุทโย ปหีโน, นิโรโธ สจฺฉิกโต, มโคฺค ภาวิโต, อภิเญฺญยฺยํ อภิญฺญาตํ , ปริเญฺญยฺยํ ปริญฺญาตํ, ปหาตพฺพํ ปหีนํ, ภาเวตพฺพํ ภาวิตํ, สจฺฉิกาตพฺพํ สจฺฉิกตนฺติ? อามนฺตาฯ หญฺจิ อรหา วีตราโค วีตโทโส วีตโมโห…เป.… สจฺฉิกาตพฺพํ สจฺฉิกตํ, โน จ วต เร วตฺตเพฺพ – ‘‘ปริหายติ อรหา อรหตฺตา’’ติฯ

    261. Parihāyati arahā arahattāti? Āmantā. Nanu arahā vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo; dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ , pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikatanti? Āmantā. Hañci arahā vītarāgo vītadoso vītamoho…pe… sacchikātabbaṃ sacchikataṃ, no ca vata re vattabbe – ‘‘parihāyati arahā arahattā’’ti.

    ๒๖๒. ปริหายติ อรหา อรหตฺตาติ? ( ) 7 สมยวิมุโตฺต อรหา อรหตฺตา ปริหายติ, อสมยวิมุโตฺต อรหา อรหตฺตา น ปริหายตีติฯ สมยวิมุโตฺต อรหา อรหตฺตา ปริหายตีติ? อามนฺตาฯ อสมยวิมุโตฺต อรหา อรหตฺตา ปริหายตีติ 8? น เหวํ วตฺตเพฺพฯ

    262. Parihāyati arahā arahattāti? ( ) 9 Samayavimutto arahā arahattā parihāyati, asamayavimutto arahā arahattā na parihāyatīti. Samayavimutto arahā arahattā parihāyatīti? Āmantā. Asamayavimutto arahā arahattā parihāyatīti 10? Na hevaṃ vattabbe.

    อสมยวิมุโตฺต อรหา อรหตฺตา น ปริหายตีติ? อามนฺตาฯ สมยวิมุโตฺต อรหา อรหตฺตา น ปริหายตีติ? น เหวํ วตฺตเพฺพฯ

    Asamayavimutto arahā arahattā na parihāyatīti? Āmantā. Samayavimutto arahā arahattā na parihāyatīti? Na hevaṃ vattabbe.

    สมยวิมุตฺตสฺส อรหโต ราโค ปหีโน, ปริหายติ สมยวิมุโตฺต อรหา อรหตฺตาติ? อามนฺตาฯ อสมยวิมุตฺตสฺส อรหโต ราโค ปหีโน, ปริหายติ อสมยวิมุโตฺต อรหา อรหตฺตาติ? น เหวํ วตฺตเพฺพฯ

    Samayavimuttassa arahato rāgo pahīno, parihāyati samayavimutto arahā arahattāti? Āmantā. Asamayavimuttassa arahato rāgo pahīno, parihāyati asamayavimutto arahā arahattāti? Na hevaṃ vattabbe.

    สมยวิมุตฺตสฺส อรหโต โทโส ปหีโน…เป.… อโนตฺตปฺปํ ปหีนํ, ปริหายติ สมยวิมุโตฺต อรหา อรหตฺตาติ? อามนฺตาฯ อสมยวิมุตฺตสฺส อรหโต อโนตฺตปฺปํ ปหีนํ, ปริหายติ อสมยวิมุโตฺต อรหา อรหตฺตาติ? น เหวํ วตฺตเพฺพฯ

    Samayavimuttassa arahato doso pahīno…pe… anottappaṃ pahīnaṃ, parihāyati samayavimutto arahā arahattāti? Āmantā. Asamayavimuttassa arahato anottappaṃ pahīnaṃ, parihāyati asamayavimutto arahā arahattāti? Na hevaṃ vattabbe.

    สมยวิมุตฺตสฺส อรหโต ราคปฺปหานาย มโคฺค ภาวิโต, ปริหายติ สมยวิมุโตฺต อรหา อรหตฺตาติ? อามนฺตาฯ อสมยวิมุตฺตสฺส อรหโต ราคปฺปหานาย มโคฺค ภาวิโต, ปริหายติ อสมยวิมุโตฺต อรหา อรหตฺตาติ? น เหวํ วตฺตเพฺพฯ

    Samayavimuttassa arahato rāgappahānāya maggo bhāvito, parihāyati samayavimutto arahā arahattāti? Āmantā. Asamayavimuttassa arahato rāgappahānāya maggo bhāvito, parihāyati asamayavimutto arahā arahattāti? Na hevaṃ vattabbe.

    สมยวิมุตฺตสฺส อรหโต ราคปฺปหานาย สติปฎฺฐานา ภาวิตา…เป.… สมฺมปฺปธานา ภาวิตา… อิทฺธิปาทา ภาวิตา… อินฺทฺริยา ภาวิตา… พลา ภาวิตา… โพชฺฌงฺคา ภาวิตา, ปริหายติ สมยวิมุโตฺต อรหา อรหตฺตาติ? อามนฺตาฯ อสมยวิมุตฺตสฺส อรหโต ราคปฺปหานาย สติปฎฺฐานา ภาวิตา…เป.… โพชฺฌงฺคา ภาวิตา, ปริหายติ อสมยวิมุโตฺต อรหา อรหตฺตาติ? น เหวํ วตฺตเพฺพฯ

    Samayavimuttassa arahato rāgappahānāya satipaṭṭhānā bhāvitā…pe… sammappadhānā bhāvitā… iddhipādā bhāvitā… indriyā bhāvitā… balā bhāvitā… bojjhaṅgā bhāvitā, parihāyati samayavimutto arahā arahattāti? Āmantā. Asamayavimuttassa arahato rāgappahānāya satipaṭṭhānā bhāvitā…pe… bojjhaṅgā bhāvitā, parihāyati asamayavimutto arahā arahattāti? Na hevaṃ vattabbe.

    สมยวิมุตฺตสฺส อรหโต โทสปฺปหานาย…เป.… อโนตฺตปฺปปหานาย มโคฺค ภาวิโต…เป.… โพชฺฌงฺคา ภาวิตา, ปริหายติ สมยวิมุโตฺต อรหา อรหตฺตาติ? อามนฺตาฯ อสมยวิมุตฺตสฺส อรหโต อโนตฺตปฺปปหานาย มโคฺค ภาวิโต…เป.… โพชฺฌงฺคา ภาวิตา, ปริหายติ อสมยวิมุโตฺต อรหา อรหตฺตาติ? น เหวํ วตฺตเพฺพ…เป.…ฯ

    Samayavimuttassa arahato dosappahānāya…pe… anottappapahānāya maggo bhāvito…pe… bojjhaṅgā bhāvitā, parihāyati samayavimutto arahā arahattāti? Āmantā. Asamayavimuttassa arahato anottappapahānāya maggo bhāvito…pe… bojjhaṅgā bhāvitā, parihāyati asamayavimutto arahā arahattāti? Na hevaṃ vattabbe…pe….

    สมยวิมุโตฺต อรหา วีตราโค วีตโทโส วีตโมโห กตกรณีโย โอหิตภาโร อนุปฺปตฺตสทโตฺถ ปริกฺขีณภวสํโยชโน สมฺมทญฺญาวิมุโตฺต อุกฺขิตฺตปลิโฆ สงฺกิณฺณปริโข อพฺพูเฬฺหสิโก นิรคฺคโฬ อริโย ปนฺนทฺธโช ปนฺนภาโร วิสญฺญุโตฺต สุวิชิตวิชโย, ทุกฺขํ ตสฺส ปริญฺญาตํ, สมุทโย ปหีโน, นิโรโธ สจฺฉิกโต, มโคฺค ภาวิโต, อภิเญฺญยฺยํ อภิญฺญาตํ, ปริเญฺญยฺยํ ปริญฺญาตํ, ปหาตพฺพํ ปหีนํ, ภาเวตพฺพํ ภาวิตํ, สจฺฉิกาตพฺพํ สจฺฉิกตํ , ปริหายติ สมยวิมุโตฺต อรหา อรหตฺตาติ? อามนฺตาฯ อสมยวิมุโตฺต อรหา วีตราโค วีตโทโส วีตโมโห…เป.… สจฺฉิกาตพฺพํ สจฺฉิกตํ, ปริหายติ อสมยวิมุโตฺต อรหา อรหตฺตาติ? น เหวํ วตฺตเพฺพฯ

    Samayavimutto arahā vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikataṃ , parihāyati samayavimutto arahā arahattāti? Āmantā. Asamayavimutto arahā vītarāgo vītadoso vītamoho…pe… sacchikātabbaṃ sacchikataṃ, parihāyati asamayavimutto arahā arahattāti? Na hevaṃ vattabbe.

    ๒๖๓. อสมยวิมุตฺตสฺส อรหโต ราโค ปหีโน, น ปริหายติ อสมยวิมุโตฺต อรหา อรหตฺตาติ? อามนฺตาฯ สมยวิมุตฺตสฺส อรหโต ราโค ปหีโน, น ปริหายติ สมยวิมุโตฺต อรหา อรหตฺตาติ? น เหวํ วตฺตเพฺพฯ

    263. Asamayavimuttassa arahato rāgo pahīno, na parihāyati asamayavimutto arahā arahattāti? Āmantā. Samayavimuttassa arahato rāgo pahīno, na parihāyati samayavimutto arahā arahattāti? Na hevaṃ vattabbe.

    อสมยวิมุตฺตสฺส อรหโต โทโส ปหีโน…เป.… อโนตฺตปฺปํ ปหีนํ, น ปริหายติ อสมยวิมุโตฺต อรหา อรหตฺตาติ? อามนฺตาฯ สมยวิมุตฺตสฺส อรหโต อโนตฺตปฺปํ ปหีนํ, น ปริหายติ สมยวิมุโตฺต อรหา อรหตฺตาติ? น เหวํ วตฺตเพฺพฯ

    Asamayavimuttassa arahato doso pahīno…pe… anottappaṃ pahīnaṃ, na parihāyati asamayavimutto arahā arahattāti? Āmantā. Samayavimuttassa arahato anottappaṃ pahīnaṃ, na parihāyati samayavimutto arahā arahattāti? Na hevaṃ vattabbe.

    อสมยวิมุตฺตสฺส อรหโต ราคปฺปหานาย มโคฺค ภาวิโต…เป.… โพชฺฌงฺคา ภาวิตา, น ปริหายติ อสมยวิมุโตฺต อรหา อรหตฺตาติ? อามนฺตาฯ สมยวิมุตฺตสฺส อรหโต ราคปฺปหานาย มโคฺค ภาวิโต…เป.… โพชฺฌงฺคา ภาวิตา, น ปริหายติ สมยวิมุโตฺต อรหา อรหตฺตาติ? น เหวํ วตฺตเพฺพฯ

    Asamayavimuttassa arahato rāgappahānāya maggo bhāvito…pe… bojjhaṅgā bhāvitā, na parihāyati asamayavimutto arahā arahattāti? Āmantā. Samayavimuttassa arahato rāgappahānāya maggo bhāvito…pe… bojjhaṅgā bhāvitā, na parihāyati samayavimutto arahā arahattāti? Na hevaṃ vattabbe.

    อสมยวิมุตฺตสฺส อรหโต โทสปฺปหานาย…เป.… อโนตฺตปฺปปหานาย มโคฺค ภาวิโต…เป.… โพชฺฌงฺคา ภาวิตา, น ปริหายติ อสมยวิมุโตฺต อรหา อรหตฺตาติ? อามนฺตาฯ สมยวิมุตฺตสฺส อรหโต อโนตฺตปฺปปหานาย มโคฺค ภาวิโต…เป.… โพชฺฌงฺคา ภาวิตา, น ปริหายติ สมยวิมุโตฺต อรหา อรหตฺตาติ? น เหวํ วตฺตเพฺพฯ

    Asamayavimuttassa arahato dosappahānāya…pe… anottappapahānāya maggo bhāvito…pe… bojjhaṅgā bhāvitā, na parihāyati asamayavimutto arahā arahattāti? Āmantā. Samayavimuttassa arahato anottappapahānāya maggo bhāvito…pe… bojjhaṅgā bhāvitā, na parihāyati samayavimutto arahā arahattāti? Na hevaṃ vattabbe.

    อสมยวิมุโตฺต อรหา วีตราโค วีตโทโส วีตโมโห…เป.… สจฺฉิกาตพฺพํ สจฺฉิกตํ, น ปริหายติ อสมยวิมุโตฺต อรหา อรหตฺตาติ? อามนฺตาฯ สมยวิมุโตฺต อรหา วีตราโค วีตโทโส วีตโมโห…เป.… สจฺฉิกาตพฺพํ สจฺฉิกตํ, น ปริหายติ สมยวิมุโตฺต อรหา อรหตฺตาติ? น เหวํ วตฺตเพฺพ…เป.…ฯ

    Asamayavimutto arahā vītarāgo vītadoso vītamoho…pe… sacchikātabbaṃ sacchikataṃ, na parihāyati asamayavimutto arahā arahattāti? Āmantā. Samayavimutto arahā vītarāgo vītadoso vītamoho…pe… sacchikātabbaṃ sacchikataṃ, na parihāyati samayavimutto arahā arahattāti? Na hevaṃ vattabbe…pe….

    ๒๖๔. ปริหายติ อรหา อรหตฺตาติ? อามนฺตาฯ สาริปุโตฺต เถโร ปริหายิตฺถ อรหตฺตาติ ? น เหวํ วตฺตเพฺพฯ มหาโมคฺคลฺลาโน 11 เถโร… มหากสฺสโป เถโร… มหากจฺจายโน 12 เถโร… มหาโกฎฺฐิโก 13 เถโร… มหาปนฺถโก เถโร ปริหายิตฺถ อรหตฺตาติ? น เหวํ วตฺตเพฺพฯ

    264. Parihāyati arahā arahattāti? Āmantā. Sāriputto thero parihāyittha arahattāti ? Na hevaṃ vattabbe. Mahāmoggallāno 14 thero… mahākassapo thero… mahākaccāyano 15 thero… mahākoṭṭhiko 16 thero… mahāpanthako thero parihāyittha arahattāti? Na hevaṃ vattabbe.

    สาริปุโตฺต เถโร น ปริหายิตฺถ อรหตฺตาติ? อามนฺตาฯ หญฺจิ สาริปุโตฺต เถโร น ปริหายิตฺถ อรหตฺตา, โน จ วต เร วตฺตเพฺพ – ‘‘ปริหายติ อรหา อรหตฺตา’’ติฯ

    Sāriputto thero na parihāyittha arahattāti? Āmantā. Hañci sāriputto thero na parihāyittha arahattā, no ca vata re vattabbe – ‘‘parihāyati arahā arahattā’’ti.

    มหาโมคฺคลฺลาโน เถโร… มหากสฺสโป เถโร… มหากจฺจายโน เถโร… มหาโกฎฺฐิโก เถโร… มหาปนฺถโก เถโร น ปริหายิตฺถ อรหตฺตาติ? อามนฺตาฯ หญฺจิ มหาปนฺถโก เถโร น ปริหายิตฺถ อรหตฺตา, โน จ วต เร วตฺตเพฺพ – ‘‘ปริหายติ อรหา อรหตฺตา’’ติฯ

    Mahāmoggallāno thero… mahākassapo thero… mahākaccāyano thero… mahākoṭṭhiko thero… mahāpanthako thero na parihāyittha arahattāti? Āmantā. Hañci mahāpanthako thero na parihāyittha arahattā, no ca vata re vattabbe – ‘‘parihāyati arahā arahattā’’ti.

    อริยปุคฺคลสํสนฺทนํฯ

    Ariyapuggalasaṃsandanaṃ.

    ๓. สุตฺตสาธนปริหานิ

    3. Suttasādhanaparihāni

    ๒๖๕. ปริหายติ อรหา อรหตฺตาติ? อามนฺตาฯ นนุ วุตฺตํ ภควตา –

    265. Parihāyati arahā arahattāti? Āmantā. Nanu vuttaṃ bhagavatā –

    ‘‘อุจฺจาวจา หิ ปฎิปทา 17, สมเณน ปกาสิตา;

    ‘‘Uccāvacā hi paṭipadā 18, samaṇena pakāsitā;

    น ปารํ ทิคุณํ ยนฺติ, นยิทํ เอกคุณํ มุต’’นฺติ 19ฯ

    Na pāraṃ diguṇaṃ yanti, nayidaṃ ekaguṇaṃ muta’’nti 20.

    อเตฺถว สุตฺตโนฺตติ? อามนฺตาฯ เตน หิ น วตฺตพฺพํ – ‘‘ปริหายติ อรหา อรหตฺตา’’ติฯ

    Attheva suttantoti? Āmantā. Tena hi na vattabbaṃ – ‘‘parihāyati arahā arahattā’’ti.

    ปริหายติ อรหา อรหตฺตาติ? อามนฺตาฯ อตฺถิ ฉินฺนสฺส เฉทิยนฺติ? น เหวํ วตฺตเพฺพฯ

    Parihāyati arahā arahattāti? Āmantā. Atthi chinnassa chediyanti? Na hevaṃ vattabbe.

    อตฺถิ ฉินฺนสฺส เฉทิยนฺติ? อามนฺตาฯ นนุ วุตฺตํ ภควตา –

    Atthi chinnassa chediyanti? Āmantā. Nanu vuttaṃ bhagavatā –

    ‘‘วีตตโณฺห อนาทาโน, กิจฺจํ ยสฺส น วิชฺชติ;

    ‘‘Vītataṇho anādāno, kiccaṃ yassa na vijjati;

    ฉินฺนสฺส เฉทิยํ นตฺถิ, โอฆปาโส สมูหโต’’ติฯ

    Chinnassa chediyaṃ natthi, oghapāso samūhato’’ti.

    อเตฺถว สุตฺตโนฺตติ? อามนฺตาฯ เตน หิ น วตฺตพฺพํ – ‘‘อตฺถิ ฉินฺนสฺส เฉทิย’’นฺติฯ

    Attheva suttantoti? Āmantā. Tena hi na vattabbaṃ – ‘‘atthi chinnassa chediya’’nti.

    ๒๖๖. ปริหายติ อรหา อรหตฺตาติ? อามนฺตาฯ อตฺถิ กตสฺส ปติจโยติ? น เหวํ วตฺตเพฺพฯ

    266. Parihāyati arahā arahattāti? Āmantā. Atthi katassa paticayoti? Na hevaṃ vattabbe.

    อตฺถิ กตสฺส ปติจโยติ? อามนฺตาฯ นนุ วุตฺตํ ภควตา –

    Atthi katassa paticayoti? Āmantā. Nanu vuttaṃ bhagavatā –

    ‘‘ตสฺส สมฺมา วิมุตฺตสฺส, สนฺตจิตฺตสฺส ภิกฺขุโน;

    ‘‘Tassa sammā vimuttassa, santacittassa bhikkhuno;

    กตสฺส ปติจโย นตฺถิ, กรณียํ น วิชฺชติฯ

    Katassa paticayo natthi, karaṇīyaṃ na vijjati.

    ‘‘เสโล ยถา เอกคฺฆโน, วาเตน น สมีรติ;

    ‘‘Selo yathā ekagghano, vātena na samīrati;

    เอวํ รูปา รสา สทฺทา, คนฺธา ผสฺสา จ เกวลาฯ

    Evaṃ rūpā rasā saddā, gandhā phassā ca kevalā.

    ‘‘อิฎฺฐา ธมฺมา อนิฎฺฐา จ, นปฺปเวเธนฺติ ตาทิโน;

    ‘‘Iṭṭhā dhammā aniṭṭhā ca, nappavedhenti tādino;

    ฐิตํ จิตฺตํ วิปฺปมุตฺตํ, วยํ จสฺสานุปสฺสตี’’ติ 21ฯ

    Ṭhitaṃ cittaṃ vippamuttaṃ, vayaṃ cassānupassatī’’ti 22.

    อเตฺถว สุตฺตโนฺตติ? อามนฺตาฯ เตน หิ น วตฺตพฺพํ – ‘‘อตฺถิ กตสฺส ปติจโย’’ติฯ

    Attheva suttantoti? Āmantā. Tena hi na vattabbaṃ – ‘‘atthi katassa paticayo’’ti.

    ๒๖๗. น วตฺตพฺพํ – ‘‘ปริหายติ อรหา อรหตฺตา’’ติ? อามนฺตาฯ นนุ วุตฺตํ ภควตา – ‘‘ปญฺจิเม, ภิกฺขเว, ธมฺมา สมยวิมุตฺตสฺส ภิกฺขุโน ปริหานาย สํวตฺตนฺติฯ กตเม ปญฺจ? กมฺมารามตา, ภสฺสารามตา, นิทฺทารามตา, สงฺคณิการามตา, ยถาวิมุตฺตํ จิตฺตํ น ปจฺจเวกฺขติฯ อิเม โข, ภิกฺขเว, ปญฺจ ธมฺมา สมยวิมุตฺตสฺส ภิกฺขุโน ปริหานาย สํวตฺตนฺตี’’ติ 23ฯ อเตฺถว สุตฺตโนฺตติ? อามนฺตาฯ เตน หิ ปริหายติ อรหา อรหตฺตาติฯ

    267. Na vattabbaṃ – ‘‘parihāyati arahā arahattā’’ti? Āmantā. Nanu vuttaṃ bhagavatā – ‘‘pañcime, bhikkhave, dhammā samayavimuttassa bhikkhuno parihānāya saṃvattanti. Katame pañca? Kammārāmatā, bhassārāmatā, niddārāmatā, saṅgaṇikārāmatā, yathāvimuttaṃ cittaṃ na paccavekkhati. Ime kho, bhikkhave, pañca dhammā samayavimuttassa bhikkhuno parihānāya saṃvattantī’’ti 24. Attheva suttantoti? Āmantā. Tena hi parihāyati arahā arahattāti.

    อตฺถิ อรหโต กมฺมารามตาติ? น เหวํ วตฺตเพฺพฯ

    Atthi arahato kammārāmatāti? Na hevaṃ vattabbe.

    อตฺถิ อรหโต กมฺมารามตาติ? อามนฺตาฯ อตฺถิ อรหโต ราโค กามราโค กามราคปริยุฎฺฐานํ กามราคสํโยชนํ กาโมโฆ กามโยโค กามจฺฉนฺทนีวรณนฺติ? น เหวํ วตฺตเพฺพฯ

    Atthi arahato kammārāmatāti? Āmantā. Atthi arahato rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇanti? Na hevaṃ vattabbe.

    อตฺถิ อรหโต ภสฺสารามตา, อตฺถิ อรหโต นิทฺทารามตา, อตฺถิ อรหโต สงฺคณิการามตาติ? น เหวํ วตฺตเพฺพฯ

    Atthi arahato bhassārāmatā, atthi arahato niddārāmatā, atthi arahato saṅgaṇikārāmatāti? Na hevaṃ vattabbe.

    อตฺถิ อรหโต สงฺคณิการามตาติ? อามนฺตาฯ อตฺถิ อรหโต ราโค กามราโค กามราคปริยุฎฺฐานํ กามราคสํโยชนํ กาโมโฆ กามโยโค กามจฺฉนฺทนีวรณนฺติ? น เหวํ วตฺตเพฺพฯ

    Atthi arahato saṅgaṇikārāmatāti? Āmantā. Atthi arahato rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇanti? Na hevaṃ vattabbe.

    ๒๖๘. ปริหายติ อรหา อรหตฺตาติ? อามนฺตาฯ อรหา อรหตฺตา ปริหายมาโน กิํ ปริยุฎฺฐิโต ปริหายตีติ? ราคปริยุฎฺฐิโต ปริหายตีติฯ ปริยุฎฺฐานํ กิํ ปฎิจฺจ อุปฺปชฺชตีติ? อนุสยํ ปฎิจฺจ อุปฺปชฺชตีติฯ อตฺถิ อรหโต อนุสยาติ? น เหวํ วตฺตเพฺพฯ

    268. Parihāyati arahā arahattāti? Āmantā. Arahā arahattā parihāyamāno kiṃ pariyuṭṭhito parihāyatīti? Rāgapariyuṭṭhito parihāyatīti. Pariyuṭṭhānaṃ kiṃ paṭicca uppajjatīti? Anusayaṃ paṭicca uppajjatīti. Atthi arahato anusayāti? Na hevaṃ vattabbe.

    อตฺถิ อรหโต อนุสยาติ? อามนฺตาฯ อตฺถิ อรหโต กามราคานุสโย ปฎิฆานุสโย มานานุสโย ทิฎฺฐานุสโย วิจิกิจฺฉานุสโย ภวราคานุสโย อวิชฺชานุสโยติ? น เหวํ วตฺตเพฺพฯ

    Atthi arahato anusayāti? Āmantā. Atthi arahato kāmarāgānusayo paṭighānusayo mānānusayo diṭṭhānusayo vicikicchānusayo bhavarāgānusayo avijjānusayoti? Na hevaṃ vattabbe.

    โทสปริยุฎฺฐิโต ปริหายตีติ…เป.… โมหปริยุฎฺฐิโต ปริหายตีติ…ฯ ปริยุฎฺฐานํ กิํ ปฎิจฺจ อุปฺปชฺชตีติ? อนุสยํ ปฎิจฺจ อุปฺปชฺชตีติฯ อตฺถิ อรหโต อนุสยาติ? น เหวํ วตฺตเพฺพ…เป.…ฯ

    Dosapariyuṭṭhito parihāyatīti…pe… mohapariyuṭṭhito parihāyatīti…. Pariyuṭṭhānaṃ kiṃ paṭicca uppajjatīti? Anusayaṃ paṭicca uppajjatīti. Atthi arahato anusayāti? Na hevaṃ vattabbe…pe….

    อตฺถิ อรหโต อนุสยาติ? อามนฺตาฯ อตฺถิ อรหโต กามราคานุสโย…เป.… อวิชฺชานุสโยติ? น เหวํ วตฺตเพฺพฯ

    Atthi arahato anusayāti? Āmantā. Atthi arahato kāmarāgānusayo…pe… avijjānusayoti? Na hevaṃ vattabbe.

    ปริหายติ อรหา อรหตฺตาติ? อามนฺตาฯ อรหโต อรหตฺตา ปริหายมานสฺส กิํ อุปจยํ คจฺฉตีติ? ราโค อุปจยํ คจฺฉตีติฯ สกฺกายทิฎฺฐิ อุปจยํ คจฺฉตีติ, วิจิกิจฺฉา อุปจยํ คจฺฉตีติ, สีลพฺพตปรามาโส อุปจยํ คจฺฉตีติ? น เหวํ วตฺตเพฺพฯ โทโส อุปจยํ คจฺฉตีติ…เป.… โมโห อุปจยํ คจฺฉตีติ, สกฺกายทิฎฺฐิ อุปจยํ คจฺฉตีติ, วิจิกิจฺฉา อุปจยํ คจฺฉตีติ, สีลพฺพตปรามาโส อุปจยํ คจฺฉตีติ? น เหวํ วตฺตเพฺพฯ

    Parihāyati arahā arahattāti? Āmantā. Arahato arahattā parihāyamānassa kiṃ upacayaṃ gacchatīti? Rāgo upacayaṃ gacchatīti. Sakkāyadiṭṭhi upacayaṃ gacchatīti, vicikicchā upacayaṃ gacchatīti, sīlabbataparāmāso upacayaṃ gacchatīti? Na hevaṃ vattabbe. Doso upacayaṃ gacchatīti…pe… moho upacayaṃ gacchatīti, sakkāyadiṭṭhi upacayaṃ gacchatīti, vicikicchā upacayaṃ gacchatīti, sīlabbataparāmāso upacayaṃ gacchatīti? Na hevaṃ vattabbe.

    ปริหายติ อรหา อรหตฺตาติ? อามนฺตาฯ อรหา อาจินตีติ? น เหวํ วตฺตเพฺพฯ อรหา อปจินตีติ? น เหวํ วตฺตเพฺพฯ อรหา ปชหตีติ? น เหวํ วตฺตเพฺพฯ อรหา อุปาทิยตีติ? น เหวํ วตฺตเพฺพฯ อรหา วิสิเนตีติ? น เหวํ วตฺตเพฺพฯ อรหา อุสฺสิเนตีติ? น เหวํ วตฺตเพฺพฯ อรหา วิธูเปตีติ? น เหวํ วตฺตเพฺพฯ อรหา สนฺธูเปตีติ? น เหวํ วตฺตเพฺพฯ

    Parihāyati arahā arahattāti? Āmantā. Arahā ācinatīti? Na hevaṃ vattabbe. Arahā apacinatīti? Na hevaṃ vattabbe. Arahā pajahatīti? Na hevaṃ vattabbe. Arahā upādiyatīti? Na hevaṃ vattabbe. Arahā visinetīti? Na hevaṃ vattabbe. Arahā ussinetīti? Na hevaṃ vattabbe. Arahā vidhūpetīti? Na hevaṃ vattabbe. Arahā sandhūpetīti? Na hevaṃ vattabbe.

    นนุ อรหา เนวาจินติ น อปจินติ อปจินิตฺวา ฐิโตติ? อามนฺตาฯ หญฺจิ อรหา เนวาจินติ น อปจินติ อปจินิตฺวา ฐิโต, โน จ วต เร วตฺตเพฺพ – ‘‘ปริหายติ อรหา อรหตฺตา’’ติฯ

    Nanu arahā nevācinati na apacinati apacinitvā ṭhitoti? Āmantā. Hañci arahā nevācinati na apacinati apacinitvā ṭhito, no ca vata re vattabbe – ‘‘parihāyati arahā arahattā’’ti.

    นนุ อรหา เนว ปชหติ น อุปาทิยติ ปชหิตฺวา ฐิโตติ? อามนฺตาฯ หญฺจิ อรหา เนว ปชหติ น อุปาทิยติ ปชหิตฺวา ฐิโต, โน จ วต เร วตฺตเพฺพ – ‘‘ปริหายติ อรหา อรหตฺตา’’ติฯ

    Nanu arahā neva pajahati na upādiyati pajahitvā ṭhitoti? Āmantā. Hañci arahā neva pajahati na upādiyati pajahitvā ṭhito, no ca vata re vattabbe – ‘‘parihāyati arahā arahattā’’ti.

    นนุ อรหา เนว วิสิเนติ น อุสฺสิเนติ วิสินิตฺวา ฐิโตติ? อามนฺตาฯ หญฺจิ อรหา เนว วิสิเนติ น อุสฺสิเนติ วิสินิตฺวา ฐิโต, โน จ วต เร วตฺตเพฺพ – ‘‘ปริหายติ อรหา อรหตฺตา’’ติฯ

    Nanu arahā neva visineti na ussineti visinitvā ṭhitoti? Āmantā. Hañci arahā neva visineti na ussineti visinitvā ṭhito, no ca vata re vattabbe – ‘‘parihāyati arahā arahattā’’ti.

    นนุ อรหา เนว วิธูเปติ น สนฺธูเปติ วิธูเปตฺวา ฐิโตติ? อามนฺตาฯ หญฺจิ อรหา เนว วิธูเปติ น สนฺธูเปติ วิธูเปตฺวา ฐิโต, โน จ วต เร วตฺตเพฺพ – ‘‘ปริหายติ อรหา อรหตฺตา’’ติฯ

    Nanu arahā neva vidhūpeti na sandhūpeti vidhūpetvā ṭhitoti? Āmantā. Hañci arahā neva vidhūpeti na sandhūpeti vidhūpetvā ṭhito, no ca vata re vattabbe – ‘‘parihāyati arahā arahattā’’ti.

    ปริหานิกถา นิฎฺฐิตาฯ

    Parihānikathā niṭṭhitā.




    Next: ๓. พฺรหฺมจริยกถา • 3. Brahmacariyakathā




    Footnotes:
    1. ถีนํ (สี. สฺยา. กํ. ปี.)
    2. thīnaṃ (sī. syā. kaṃ. pī.)
    3. อนภาวกโต (สี.)
    4. โน วต เร (สฺยา. ปี.) เอวมุปริปิ
    5. anabhāvakato (sī.)
    6. no vata re (syā. pī.) evamuparipi
    7. (อามนฺตา) (ก.)
    8. น ปริหายตีติ (ก.)
    9. (āmantā) (ka.)
    10. na parihāyatīti (ka.)
    11. มหาโมคฺคลาโน (ก.)
    12. มหากจฺจาโน (ม. นิ. ๑.๒๐๒ อาทโย)
    13. มหาโกฎฺฐิโต (สี. สฺยา. กํ. ปี.)
    14. mahāmoggalāno (ka.)
    15. mahākaccāno (ma. ni. 1.202 ādayo)
    16. mahākoṭṭhito (sī. syā. kaṃ. pī.)
    17. ปฎิปาทา (อฎฺฐ.)
    18. paṭipādā (aṭṭha.)
    19. สุ. นิ. ๗๑๙ สุตฺตนิปาเต
    20. su. ni. 719 suttanipāte
    21. มหาว. ๒๔๔; อ. นิ. ๖.๕๕
    22. mahāva. 244; a. ni. 6.55
    23. อ. นิ. ๕.๑๔๙
    24. a. ni. 5.149



    Related texts:



    อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๒. ปริหานิกถา • 2. Parihānikathā

    ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๒. ปริหานิกถา • 2. Parihānikathā

    ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๒. ปริหานิกถา • 2. Parihānikathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact