| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā |
೨. ಪರಿಹಾನಿಕಥಾ
2. Parihānikathā
೧. ವಾದಯುತ್ತಿಪರಿಹಾನಿಕಥಾವಣ್ಣನಾ
1. Vādayuttiparihānikathāvaṇṇanā
೨೩೯. ‘‘ದ್ವೇಮೇ , ಭಿಕ್ಖವೇ, ಧಮ್ಮಾ ಸೇಕ್ಖಸ್ಸ ಭಿಕ್ಖುನೋ ಪರಿಹಾನಾಯ ಸಂವತ್ತನ್ತೀ’’ತಿ (ಅ॰ ನಿ॰ ೨.೧೮೫) ಇದಂ ಸುತ್ತಂ ಅರಹತೋ ಪರಿಹಾನಿಲದ್ಧಿಯಾ ನ ನಿಸ್ಸಯೋ, ಅಥ ಖೋ ಅನಾಗಾಮಿಆದೀನಂ ಪರಿಹಾನಿಲದ್ಧಿಯಾ, ತಸ್ಮಾ ಅರಹತೋಪಿ ಪರಿಹಾನಿಂ ಇಚ್ಛನ್ತೀತಿ ಏತ್ಥ ಪಿ-ಸದ್ದೇನ ಅನಾಗಾಮಿಸ್ಸಪಿ ಸಕದಾಗಾಮಿಸ್ಸಪೀತಿ ಯೋಜೇತಬ್ಬಂ।
239. ‘‘Dveme , bhikkhave, dhammā sekkhassa bhikkhuno parihānāya saṃvattantī’’ti (a. ni. 2.185) idaṃ suttaṃ arahato parihāniladdhiyā na nissayo, atha kho anāgāmiādīnaṃ parihāniladdhiyā, tasmā arahatopi parihāniṃ icchantīti ettha pi-saddena anāgāmissapi sakadāgāmissapīti yojetabbaṃ.
‘‘ತತಿಯಸ್ಮಿಮ್ಪಿ ಮುದಿನ್ದ್ರಿಯಾವ ಅಧಿಪ್ಪೇತಾ। ತೇಸಞ್ಹಿ ಸಬ್ಬೇಸಮ್ಪಿ ಪರಿಹಾನಿ ನ ಹೋತೀತಿ ತಸ್ಸ ಲದ್ಧೀ’’ತಿ ಪುರಿಮಪಾಠೋ, ಮುದಿನ್ದ್ರಿಯೇಸ್ವೇವ ಪನ ಅಧಿಪ್ಪೇತೇಸು ಪರಿಕ್ಖೇಪೋ ನ ಕಾತಬ್ಬೋ ಸಿಯಾ, ಕತೋ ಚ, ತಸ್ಮಾ ‘‘ತತಿಯಸ್ಮಿಮ್ಪಿ ತಿಕ್ಖಿನ್ದ್ರಿಯಾವ ಅಧಿಪ್ಪೇತಾ। ತೇಸಞ್ಹಿ ಸಬ್ಬೇಸಮ್ಪಿ ಪರಿಹಾನಿ ನ ಹೋತೀತಿ ತಸ್ಸ ಲದ್ಧೀ’’ತಿ ಪಠನ್ತಿ।
‘‘Tatiyasmimpi mudindriyāva adhippetā. Tesañhi sabbesampi parihāni na hotīti tassa laddhī’’ti purimapāṭho, mudindriyesveva pana adhippetesu parikkhepo na kātabbo siyā, kato ca, tasmā ‘‘tatiyasmimpi tikkhindriyāva adhippetā. Tesañhi sabbesampi parihāni na hotīti tassa laddhī’’ti paṭhanti.
ಅಯೋನಿಸೋ ಅತ್ಥಂ ಗಹೇತ್ವಾತಿ ಸೋತಾಪನ್ನೋಯೇವ ನಿಯತೋತಿ ವುತ್ತೋತಿ ಸೋಯೇವ ನ ಪರಿಹಾಯತಿ, ನ ಇತರೇತಿ ಅತ್ಥಂ ಗಹೇತ್ವಾ। ‘‘ಉಪರಿಮಗ್ಗತ್ಥಾಯಾ’’ತಿ ವುತ್ತಂ ಅತ್ಥಂ ಅಗ್ಗಹೇತ್ವಾ ನಿಯತೋತಿ ಸೋತಾಪತ್ತಿಫಲಾ ನ ಪರಿಹಾಯತೀತಿ ಏತಮತ್ಥಂ ಗಣ್ಹೀತಿ ಪನ ವದನ್ತಿ।
Ayoniso atthaṃ gahetvāti sotāpannoyeva niyatoti vuttoti soyeva na parihāyati, na itareti atthaṃ gahetvā. ‘‘Uparimaggatthāyā’’ti vuttaṃ atthaṃ aggahetvā niyatoti sotāpattiphalā na parihāyatīti etamatthaṃ gaṇhīti pana vadanti.
ವಾದಯುತ್ತಿಪರಿಹಾನಿಕಥಾವಣ್ಣನಾ ನಿಟ್ಠಿತಾ।
Vādayuttiparihānikathāvaṇṇanā niṭṭhitā.
೨. ಅರಿಯಪುಗ್ಗಲಸಂಸನ್ದನಪರಿಹಾನಿವಣ್ಣನಾ
2. Ariyapuggalasaṃsandanaparihānivaṇṇanā
೨೪೧. ಯಂ ಪನೇತ್ಥಾತಿಆದಿಮ್ಹಿ ದಸ್ಸನಮಗ್ಗಫಲೇ ಠಿತಸ್ಸ ಅನನ್ತರಂ ಅರಹತ್ತಪ್ಪತ್ತಿಂ, ತತೋ ಪರಿಹಾಯಿತ್ವಾ ತತ್ಥ ಚ ಠಾನಂ ಇಚ್ಛನ್ತೋ ಪುನ ವಾಯಾಮೇನ ತದನನ್ತರಂ ಅರಹತ್ತಪ್ಪತ್ತಿಂ ನ ಇಚ್ಛತೀತಿ ವಿಚಾರೇತಬ್ಬಮೇತಂ।
241. Yaṃpanetthātiādimhi dassanamaggaphale ṭhitassa anantaraṃ arahattappattiṃ, tato parihāyitvā tattha ca ṭhānaṃ icchanto puna vāyāmena tadanantaraṃ arahattappattiṃ na icchatīti vicāretabbametaṃ.
೨೬೨. ಅವಸಿಪ್ಪತ್ತೋ ಝಾನಲಾಭೀತಿ ಸೇಕ್ಖೋ ವುತ್ತೋತಿ ದಟ್ಠಬ್ಬೋ। ಪುಥುಜ್ಜನೋ ಪನ ವಸಿಪ್ಪತ್ತೋ ಅವಸಿಪ್ಪತ್ತೋ ಚ ಸಮಯವಿಮುತ್ತಅಸಮಯವಿಮುತ್ತತನ್ತಿಯಾ ಅಗ್ಗಹಿತೋ, ಭಜಾಪಿಯಮಾನೋ ಪನ ಸಮಾಪತ್ತಿವಿಕ್ಖಮ್ಭಿತಾನಂ ಕಿಲೇಸಾನಂ ವಸೇನ ಸಮಯವಿಮುತ್ತಭಾವಂ ಭಜೇಯ್ಯಾತಿ ವುತ್ತೋತಿ।
262. Avasippatto jhānalābhīti sekkho vuttoti daṭṭhabbo. Puthujjano pana vasippatto avasippatto ca samayavimuttaasamayavimuttatantiyā aggahito, bhajāpiyamāno pana samāpattivikkhambhitānaṃ kilesānaṃ vasena samayavimuttabhāvaṃ bhajeyyāti vuttoti.
ಅರಿಯಪುಗ್ಗಲಸಂಸನ್ದನಪರಿಹಾನಿವಣ್ಣನಾ ನಿಟ್ಠಿತಾ।
Ariyapuggalasaṃsandanaparihānivaṇṇanā niṭṭhitā.
೩. ಸುತ್ತಸಾಧನಪರಿಹಾನಿವಣ್ಣನಾ
3. Suttasādhanaparihānivaṇṇanā
೨೬೫. ಉತ್ತಮಹೀನಭೇದೋ ‘‘ತತ್ರ ಯಾಯಂ ಪಟಿಪದಾ ಸುಖಾ ಖಿಪ್ಪಾಭಿಞ್ಞಾ, ಸಾ ಉಭಯೇನೇವ ಪಣೀತಾ ಅಕ್ಖಾಯತೀ’’ತಿಆದಿಸುತ್ತವಸೇನ (ದೀ॰ ನಿ॰ ೩.೧೫೨) ವುತ್ತೋ। ‘‘ದಿಟ್ಠಂ ಸುತಂ ಮುತ’’ನ್ತಿ ಏತ್ಥ ವಿಯ ಮುತಸದ್ದೋ ಪತ್ತಬ್ಬಂ ವದತೀತಿ ಆಹ ‘‘ಫುಸನಾರಹ’’ನ್ತಿ।
265. Uttamahīnabhedo ‘‘tatra yāyaṃ paṭipadā sukhā khippābhiññā, sā ubhayeneva paṇītā akkhāyatī’’tiādisuttavasena (dī. ni. 3.152) vutto. ‘‘Diṭṭhaṃ sutaṃ muta’’nti ettha viya mutasaddo pattabbaṃ vadatīti āha ‘‘phusanāraha’’nti.
೨೬೭. ಅಪ್ಪತ್ತಪರಿಹಾನಾಯ ಚೇವ ಸಂವತ್ತನ್ತಿ ಯಥಾಕತಸನ್ನಿಟ್ಠಾನಸ್ಸ ಸಮಯವಿಮುತ್ತಸ್ಸಾತಿ ಅಧಿಪ್ಪಾಯೋ।
267. Appattaparihānāya ceva saṃvattanti yathākatasanniṭṭhānassa samayavimuttassāti adhippāyo.
ಸುತ್ತಸಾಧನಪರಿಹಾನಿವಣ್ಣನಾ ನಿಟ್ಠಿತಾ।
Suttasādhanaparihānivaṇṇanā niṭṭhitā.
ಪರಿಹಾನಿಕಥಾವಣ್ಣನಾ ನಿಟ್ಠಿತಾ।
Parihānikathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / ೨. ಪರಿಹಾನಿಕಥಾ • 2. Parihānikathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೨. ಪರಿಹಾನಿಕಥಾ • 2. Parihānikathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೨. ಪರಿಹಾನಿಕಥಾ • 2. Parihānikathā
