| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. барихаанисуд̇д̇ам̣
8. Parihānisuttaṃ
158. д̇ад̇ра ко ааяасмаа саарибуд̇д̇о бхигкуу ааманд̇зси – ‘‘аавусо бхигкавз’’д̇и . ‘‘аавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа –
158. Tatra kho āyasmā sāriputto bhikkhū āmantesi – ‘‘āvuso bhikkhave’’ti . ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘яо хи гожи, аавусо, бхигку ваа бхигкуний ваа жад̇д̇ааро д̇хаммз ад̇д̇ани саманубассад̇и, нидтамзд̇т̇а г̇анд̇аб̣б̣ам̣ – ‘барихааяаами гусалзхи д̇хаммзхи’. барихаанамзд̇ам̣ вуд̇д̇ам̣ бхаг̇авад̇аа. гад̇амз жад̇д̇ааро? рааг̇авзбуллад̇д̇ам̣ 1, д̣̇осавзбуллад̇д̇ам̣, мохавзбуллад̇д̇ам̣, г̇амбхийрзсу ко банасса таанаатаанзсу бан̃н̃аажагку на гамад̇и. яо хи гожи, аавусо, бхигку ваа бхигкуний ваа имз жад̇д̇ааро д̇хаммз ад̇д̇ани саманубассад̇и, нидтамзд̇т̇а г̇анд̇аб̣б̣ам̣ – ‘барихааяаами гусалзхи д̇хаммзхи’. барихаанамзд̇ам̣ вуд̇д̇ам̣ бхаг̇авад̇аа.
‘‘Yo hi koci, āvuso, bhikkhu vā bhikkhunī vā cattāro dhamme attani samanupassati, niṭṭhamettha gantabbaṃ – ‘parihāyāmi kusalehi dhammehi’. Parihānametaṃ vuttaṃ bhagavatā. Katame cattāro? Rāgavepullattaṃ 2, dosavepullattaṃ, mohavepullattaṃ, gambhīresu kho panassa ṭhānāṭhānesu paññācakkhu na kamati. Yo hi koci, āvuso, bhikkhu vā bhikkhunī vā ime cattāro dhamme attani samanupassati, niṭṭhamettha gantabbaṃ – ‘parihāyāmi kusalehi dhammehi’. Parihānametaṃ vuttaṃ bhagavatā.
‘‘яо хи гожи, аавусо, бхигку ваа бхигкуний ваа жад̇д̇ааро д̇хаммз ад̇д̇ани саманубассад̇и, нидтамзд̇т̇а г̇анд̇аб̣б̣ам̣ – ‘на барихааяаами гусалзхи д̇хаммзхи’. абарихаанамзд̇ам̣ вуд̇д̇ам̣ бхаг̇авад̇аа. гад̇амз жад̇д̇ааро? рааг̇ад̇ануд̇д̇ам̣ 3, д̣̇осад̇ануд̇д̇ам̣, мохад̇ануд̇д̇ам̣, г̇амбхийрзсу ко банасса таанаатаанзсу бан̃н̃аажагку гамад̇и. яо хи гожи, аавусо, бхигку ваа бхигкуний ваа имз жад̇д̇ааро д̇хаммз ад̇д̇ани саманубассад̇и, нидтамзд̇т̇а г̇анд̇аб̣б̣ам̣ – ‘на барихааяаами гусалзхи д̇хаммзхи’. абарихаанамзд̇ам̣ вуд̇д̇ам̣ бхаг̇авад̇аа’’д̇и. адтамам̣.
‘‘Yo hi koci, āvuso, bhikkhu vā bhikkhunī vā cattāro dhamme attani samanupassati, niṭṭhamettha gantabbaṃ – ‘na parihāyāmi kusalehi dhammehi’. Aparihānametaṃ vuttaṃ bhagavatā. Katame cattāro? Rāgatanuttaṃ 4, dosatanuttaṃ, mohatanuttaṃ, gambhīresu kho panassa ṭhānāṭhānesu paññācakkhu kamati. Yo hi koci, āvuso, bhikkhu vā bhikkhunī vā ime cattāro dhamme attani samanupassati, niṭṭhamettha gantabbaṃ – ‘na parihāyāmi kusalehi dhammehi’. Aparihānametaṃ vuttaṃ bhagavatā’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. барихаанисуд̇д̇аван̣н̣анаа • 8. Parihānisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6-8. габбасуд̇д̇аад̣̇иван̣н̣анаа • 6-8. Kappasuttādivaṇṇanā
